ايلين عاودت جبدتها حضنتها :صاي يا حبي متزعفيش مني تعرفيني نموت عليك ومنشتيش نشوفك تتوجعي مي نتي تاني هدرتي قدامو واكيد يحكيلو منيش حابة يوصلو اني مزلت صغيرة وطايشة بالعكس هو لازم يخاف من رجعتي لاني رايحة ندمو (كملت كلماتها اللخرة ونظرة قوية خالية من لمعة حنان او ضعف نظرة تدل على القوة اللي مخبية وراها بزاف دموع )
سيليا عاودت حضنتها:مام انا منحبش عليك سمحيلي تعرفيني نحط هبالي غير معاك وراني معاك فالجاي اكيد
جان رجع كالا الحيط وقعد يتفرج فيهم هذا الثنائي عجيب رغم الظروف اللي عاشوها وتلمو بسبابها مزال عندهم قدرة يضحكو يمكن ببعض تناساو الهم ميي مايعرف وش القلب غير مولاه من ايلين اللي يعرفها من زمان كيفاه تبدلت وولات انسانة غير لسيليا اللي معندهاش خمس دقايق كانت على وضع واحد ما يتمناه تساءل على سبب هاذ الشي وشخصيتها اللي مرات تكون بنت بعمر ربع سنين ومرات تكون رمز للقوة ووش عاشت حتى ولات هكذا ودا قرار انو ليوم رايح يسقسي ايلين وش عاشت ويحاول يعاونها هو يعتبر ايلين كيف اختو عليها عاونها وسيليا اخت ايلين يعني يعتبرها اختو حتى هي ودا عهد على روحو يحميهم ويعاونهم طوول
جان:اا احم لبنات والله كاين بزاف خدمة امشيو نكملو به نروحو نتغداو
ايلين:اوك هيا نروحو للبيرو تاعك ونكملو الخدمة
سيليا:ميي بيناتنا ايلين البيرو صح فنة والشركة روعة عجبتني
ايلين:اييه يالله كي نوليو نديرو شركتنا احلى منها ياروحي
جان نشالله هيا مالا نكملو الخدمة ونخرجو معا مازن
سيليا غير سمعت اسمو شنفت (المهم)
ساقو بعضاهم للبيرو ايلين وسيليا اليد فاليد وجان وراهم يتهيبل على سيليا وايلين تضحك عليهم وهذا كامل تحت انظار الاخوة اللي ماتو بالغيرة من وجود جان معاهم شافو كلشي من كاميرا المراقبة اللي كانت مقابلتهم
واحد فيهم كان غاير على مرتو اللي كلامها مزال باقي يتردد في وذانو » شوووف ابقى بعيد عليا متقربش راني براجلي ضك متنساش «غار وكلمة الغيرة قليلة فيه روحو وعمرو وحياتو تاكدلو انها لغيرو وش ذنبو انو الظروف والحياة وقفت ضدهم وبعدتهم علاه خلاتو يتعذب ببعدها وزادت جات تحاسب فيه وتعذبو كثر على غلط هو بالاصل مداروش
والثاني معرفش علاه غار بيسك شافو قريب من سيليا وقاعد يلعب معاها ويتبهلل عليها مي جان كانت نيتو انو يخلي سيليا تدير فيه ثقة كيما ايلين هكذا يضمن انها تحكيلو ويعاونها الله غالب حس بواجب الاخوة معا هاذ الزوج امو ربات ولقات علمتو يعاون كل مهموم ومظلوم والله الله على جان تربية وزين ودين وذوق اي وحدة تتمناه ولكن خلى حياتو واجّل بزاف مشاريع كان حاطهم في راسو على جال مساعدتو لايلين هاذي هيا الصداقة اللي تدوم... العشرة ماشي بالعوام والسنين العشرة بالمواقف اللي تبنيلك شكون معاك فالشدة وشكون واقف وراك مصلحة يستناك تطيح باه يستشفا
خبط البيسي غلقو ووقف فالط يمسح على لحيتو
ماهر:افف هذا اللي كان ناقص ياا الرب مازن قاتلك جيت ننتقم مني؟؟مني يالزح واش هبلت ؟؟
والثاني كان يستنا ففرصة يشارع فيها
مازن: خوياا هاذي ام في بالها خسرت بنتها طرف من روحها كبدتها يا ماهر انا منيش لايم عليها مي هذاك علاه راه يهوم عليهم متزوج بايلين علاه داير بدين لخرى افف
ماهر حبس ودار ليه عينيه نار هز صبعو في وجههو يهدد:مااازن متزيدش عليا قالك متزوج قالك والله نقتلك اللي فيا يكفيني ومبعد هز حاجب بحاجب: اوو احبس تشوو وش خوو شام ريحة غيرة بصح علاه؟؟(وغمزو)
مازن:تبسملو ابتسامة الغباء هاذيك:هههه نسيبتي بيانسير نغير عليها اا راني رايح للبيرو تاعي عندي شوي خدمة نص ساعة ونخرجو نتغداو نتا مش رايح صح؟؟
ماهر:اييه الهربة تسلك امشي ومبعد نعرف هاذ الغيرة علاه , وايه منيش رايح علابلي رايحة تبدا تمكر وتقرب ليه ونهبل ونقتلو بااي
خرج يمشي ويسب في روحو على غباؤو اصلا لاه راه غاير عليها وش تكون بالنسبة ليه حتى
يغير عليها ما هي اختو ولا حبيبتو و ل امرتو ماهذا ياهذا؟؟
ماهر غير خرج عليه مازن رجع راسو للتالي يخمم في وش رايح يدير واسكو صحيح اللي رايح يديرو ولا رايح يغلط لازمو يخمم مليح فلحكاية
ماشية ومهبطة راسها مع تلفون تتفرج على صور بعثهم ليها سمير تاع ورق الشركة وشوي تصاميم كانو قيد التعديل بش تعطيه رايهم فيهم يكملو ولالا حتى ضربت فيه او بالاحرى هوا اللي شافها مشغولة وحب يهدر معاها ومالقا غير يغرس راسو فتلفونو ويخبط فيها هههه
مازن:اوو وش هذا عاد اللي يجي يخبط فيا
سيليا تماصي في راسها:افف حيط يا زح هزت راسها معاه لقاتو يشوف فيها ويتبسم حركتلو راسها تاع خييير
مازن :هههه هوا اللي يشوف مهبولة كيفك يبقا حيط والله ترجعيه فرماج(يهدر وهوا غايس فيها جذبتو بهبالها اللي عرفها بيه من يومين حفظها وقوتها والسيريو اللي تحاول تكون عليه وقت تشوفو)
سيليا:انعععم وش قاعد تخلط ؟؟
مازن فاق على روحو زبلها وراحت كامل الجنتلمانية فداك الشي عدل وقفتو وحمحم: ااححم قصدي نتي اللي طول هكذا تايهة فالتلفون وتخبطي فالعباد
سيليا: اففف نتا طول هكذا منيش قاعدة بش نبقا نتبهلل معاك اسمحلي معليش نفوت؟؟
مازن:بيانسير تفضلي
جات فايتة رجع حكمها من يدها وجابها واقفة قدامو وجهها في وجهو
مازن:وش كان متيهك فالتلفون هذاك البنادم رجع عيط؟؟(يحكي وعينيه فيم خوف قراتو مليح علمن ولا علاه معرفتش ...اذا هوا بروحو مش عارف كيفاه بش تعرف هيا)
سيليا جبدت يدها منو تحكي متلبكة ملازمش يعرف سرها السر اللي رايح يكون الجحيم على حياة كل من يعرفو ويحاول يدخل روحو فيه :اا وش قاعد تحكي والو تلفوني وكنت نتفرج ووشمن بنادم
مازن :لالا والو بصح قبيل سمعتك وطول الاجتماع تايهة وتخمي وكامل هاذ الشي صرا وقت هدرتي فالتلفون وو...
سيليا:ووو.. واش ؟
مازن:نتي قلتي نقتلك ومعرف واش
سيليا:اااا هههه اييه هاذيك صاحبتي كنا نتمسخرو تعرف البنات بين بعضاهم تقول الحرب رايحة تنوض مي هواا مكان والو غير راهم يضحكو وحنا كنا غير نضحكو
مازن:امم(ملاحظ التوتر في عينيها )اوك هههه ماو مهبولة كيفك تصاحب غير المهابل
سيليا:هههه ايه كيفك بعد علابالك
تايهة تشوف معا ديكور المكتب حاجة سبيسيال تعرف ذوقو الالوان اللي كانو يعشقوها في زوج
صح حاجة هايلة تاهت تتفكر في لحظة من لحظاتهم اللي عاشوا
Flach back
ماشية كرشها مكعبرة شوي زادتها حلاوة وزين على زينها حتى دخلت عندو للشومبرة
ماهر كان قاعد على الفوتاي خدام بالبيسي حطو ووقف ليها حكمها من يدها معاونها تقعد:اهلا حبي ريحي علاه من الصباح ونتي تفرفطي راكي حامل بسنفورتنا هاا اركحي شوي
ايلين مش سامعة ليه تشوف معا البيت بنتها توحمت على تبدال الديكور (هههههه معرف وش راني نخرط المهم)قعدت وحطت يدها على كرشها تحكي بنبرة استعطاف
ايلين:ماااهر
ماهر:ياارووحو
ايلين :بنتك سخفت نبدلو الديكور والسبغة تاع الشمبرة
ماهر تلاح اجونو قدامها وحط يديه على كرشها:اوو ابنتي لاه هذا حابة تتعبي باباك علاه معجبكش ديجا كي تجي متقعديش معانا علاه نبدلو
ايلين:خبطتلو يديه بقوة ودموعها سالو (نعم يا سادة انها الهرمونات )بعدد متزيدش تهدر معاها ومعايا وين رايح تديلي بنتي حتى متقعدش معانا كي متقعدش معانا انا امها ونتا باباها وين تروح مااهر متبعدهاش علينا خليها معانا واحميها من اللي جاي عارفتو مش ساهل ( ودموعها ويدان ولقاو طريقهم على خدودها )
ماهر:حكم وجهها بين يديه :اشش ياروحي اشش مستحيل نخلي واحد يقيسك ولا يقيس بنتي نوعدك رايحة نحميك منهم كامل ياروحي نتي وهيا رايحين تكونو حياتي اشش بلا بكا وقلت متقعدش معانا يعني نديرولها بيتها محال نبعدها عليك .وبيها نبدللها الديكور نبدلو مش خصارة فيك وفيها ماي غالية وطلبت الرخيس تطلبو حياتي نمدهالكم
ايلين مسحت دموعها:صح ؟
ماهر باس جبهتها :صحح يا روحي صح ندير اي حاجة علاجالك نتي وبنوتي
ايلين باستو لخدو :عيشلي حبي نقولك الالوان اللي راهي حابتهم؟؟
ماهر:هههه ايه يا عينيا قولي
ايلين:اممم نحبها تكون خليط بين النوار ولبلون والاثاث يرجع بلون gري..والفراش قاتلك نتا خير كيفاه يكون
ماهر:هههههه مليح خلاتني نخير اللي فيه الفايدة صحيتي بنتي العاقلة والفاهمة تعيشيلي
ايلين(شافت فيه بغيرة):تعيشلك هيا برك انا لالا؟؟
ماهر:هههه لالا يا روحي تعيشولي نتوما منطلب والو من ربي نوضي عند جدة سليمة وانا ضك بعد نعيط للخدامين يتولاو كلشي يومين وتكون شمبرة حبي واجدة
الين:مااارسي حبيبي ايا نروح يما سليمةمن الصباح وهيا تعيطلي معرفتش علاهووش حابة ميي يا ماهر منكذبش عليك خايفة من جدي مختار والله حاستو كاهني من اللول وزاد لبنتي
ماهر:لالا حبيبي متخافيش جدو وجدة ميقيسوكش وبنتي حفيدتهم محال ياذيوها (وفي قلبو نشالله ياروحي ميديرو والو نشالله)
ايلين:اوك
جات ماشية رجعها وجهها اونفاص لوجهو باسها من جبهتها ونزل لخدها وكرشها ووقف :حبيي ندير اي حاجة علاجالك يا حبي وعلاجال صغرونتي الجاية ومتبقايش تستعطفي فيا بعينيك لانهم وحدهم فتنة لبني آدم
ايلين تبسمتلو وزربت خرجت هاربة منو عارفتو كن تزيد شوي يشدها بالصحيح
Flach end
رجعت للواقع بعدما وجعها قلبها من جروح الزمان اللي تفتحت وتفكرت كلامو فالسونسور "نحس روحي ظلمتك"هو اخلف بكامل هاذ الوعود ودمرها ومزال حاسب روحو بريء ومدار والو آآه منك يادنيا قداشك ظالمة متخليش جراح تبرى تزيديها جراح اعمق تبنيها الذكريات
جان شافها تايهة عرفها متوجعة مااو جان تركيزو كبير وما تخفى عليه خافية سيرتو حاجة تخص ايلين عارفها من طفولتو ويماه وامها كانو اصدقاء قراب لين ماتت ام ايلين وداتها خالتها رباتها وبقاو يتلاقاو غير فالجامعة
جان:ايلين
ايلين:وي
جان:شوفي خلصت الخدمة اللي بقات انا وسيليا قبيل فرزنا كلشي تحبي نخرجو معا مازن ولا لالا
ايلين:ايه خلي نروحو حابة نعرف خوه هذا منين جا وعلاه انا مكنتش علابلي بيه
جان وقف مدلها يدو:امشي مالا يا مرتي نروحو نشوفو ذيك العصفورة الطايرة وين راحت غير شافت الخدمة هربت ههههه
ايلين:هههههه تسمعك تنعتلك امشي قدامي ونقصو تبهليل نتا وهيا قدامهم
جان زعما ريقل الفاست تاعو وحكا بنبرة جدية هكذا هوا وسيليا وايلين نفس الطباع والعقلية رزان وعاقلين ووقت يجيهم هبالم يوليو غير يضحكو ويتهيبلو بلاك عليها الدنيا لمتهم وحاجة متصرا بالزهر فالدنيا هاذي ولقاءهم القدر كاتبو
نطق بكل جدية:اييه عندك حق لحد الآن شايفو راكح خايف يكون هدوؤو هذا سكون ما قبل العاصفة
ايلين:ايه صح (قلبها ناغزها من الجاي .....ياا درا وش رايح يصرا؟)