#وكر الأشتر

بارت ٥١

بارت ٥١
رواية .. وكر الاشتر
بقلمي ... نور سمو العراق

💔💔💔💔💔💔💔💔💔💔💔💔💔💔

-
أُريد كلمة إطمئنان واحده ،
تقف بوجه الخوف الذي يأكل قلبي

...................................

جاسم

من بعد ما  كريم اطلق اخر جملة اله واكد على خطوبته من جيهان االكل انصدم من قراره

ابوي وكف بوجهه وهو يكوله .. شنييي بويه شكلت انت تحجي صدك شلون تريد تخطب جيهان ششفت منها حتى تريد تخطبها وبعدين بويه عامر ما يتناسب

رد بعدم اهتمام وهو يكول .. واني شنو جاي انام ويه عامر لو اتزوج عامر

ام حسن نطت من مكانها وهي تكول .. لا ابوك مو قصده  بس يقصد ان عامر مو مال واحد يناسبه واحد عار وابو مشاكل احنه شيورطنه وياه

كريم ببرود .. عامر مالكم شغل بيه خلو عليه اني اعرف شلون اتصرف وياه وبعدين ذاك نسيبه الاشتر ما فتح حلكة عامر وياه ابد واصلا عامر ما يندك بيه وهو اصلا ما مهتم بيهن ولا يسالن عنهن

ابوي تعصب وهو يكول ... لا بويييه كريم لا مستحيل مستحييل اقبل تاخذ وحده من بنات عامر كطنه وشيلها من اذانك

كوثر حجت بصدمة .. صدك  تحجي كريم انت شلون تقبل تتزوج وحده مثل جيهان اصلا وحده مشوهه وحتى بيها حاله نفسيه وباجر تمل منها وتطلكها بعني انت يوميه مطلك احس اختيارك مو صحيح

جاوبها بنفس البرود وهو يكول ... جيهان مو مشوهه بنيه مؤدبه وعاقله ومرتبه ونظيفه وعادي اني اسويلها عمليه وترجع مثل ما جانت واحلى واصلا هي حلوه من دون اي شي

تقرب منه ابوي ولزمة وهو يكول .. بويه كريم انت شتحجي شتكول  مو معقوله انوب تاخذ وحده مريضه وتكعد تعالج ببها خو تاخذلك وحده صاحيه احسن ما تگابل المستشفيات وتكعد

كريم .. بويه اني ما يهمني محتركة مشوهه بيها جرب بيها اي شي مو مهم عندي لان اني احبها الها مو لجسمها وبعدين بويه ترا اني من اريد اسويلها العمليه لخاطري اني اريد اسوي الخاطرها هي حتى ما تحس بنقص وتتحسس  اني اريدها راضيه

جاوبه ابوي بحسره وهو يكول .. بس اني ما راضي عليك يا بويه وباجر تندم

لزم ايد ابوي وهو يبوسه بحنيه ... لا بويه ما اندم هاي بنيه فقيره ومسكينه فطيره حتى ما تعرف تحجي باجر الله يكرمني الخاطرها ويفتحلي الف باب فرج

ويابه العمر واحد والنفس تريدها حرام عليه امنعها من الشي التحبه وروحي تحب جيهان من زمان مو من هسه وكتمت كل شي بداخلي لهاطر فلان وعلان ولخاطرها جنت اظن ما تقبل وتعتبرني عمها بس كل شي جان بالعكس

حنان اشتغلت نار وهي تاكل بشفايفها بغضب وكوثر شويه وتموت راح تنجلط من قهرها ومن كلام كريم عليها

كوثر كرصت ام حسن وهي تكلها .. احجي ليش  ساكته احجي لا تسكتين

تنهدت ام حسن واني صحت بيها كلتلها .. شبيج خويه كوثر صدك تحجين ليش تحرضين بام حسن عليه هذا هو هو يحبها ويريدها بعد شكو احنه نتدخل

كريم رد عليه وهو يكول ... حتى لو تتحرض العالم كلها ضدي اني هذا قراري وما مهتم غير لابوي واكيد اريد موافقته وابوي اذا مقبل ابطل من شغلي واطلب لجوء للخارج حتى ابتعد عن الكل

ابويه فتح عيونه مصدوم وهو يكول .. بويه كريم صدك تحجي انت شلون هيج تحجي شلون تنطق هيج كلام على لسانك ولك بويه انه شلون الي نفس ادخل لبيت وانت مو بيه ولك بويه انه عايش المن غير لاجلكم  لاجل عيونكم

جاوبه برجاء وتوسل وهو يكوله ... جااا بويه اريد رضاك وما تحلالي  مره غير جيهان خليني اتزوجها و اوعدك راح تحبها وتموت عليها

رد عليه ابوي وهو يكوله .. جااا بويه انه شني ما احبها جيهانه ترا احبها واموت عليها بس انه اخاف من عامر هذا ابو مشاكل واخاف ياثر علينه

كريم .. بويه خلي يولي هو هذا شنو ماكله هم وبعدين هي مالها علاقه بيه هي راح تصير بنتك مو بنت عامر وانت تعرف بيها شكد تحبك وتحترمك وتكول جدي حقاني وما ياكل حق احد ولا يظلم احد

ضحكت على كريم خرب غير لوتي شلون يصبغ بأبويه تحبك وتحترمك وتكول جدي حقاني وما ياكل حق احد ولا يظلم احد حتى يلين ابوي من ناحيتها

جاوبه ابوي بضحكة كله .. جا خوش بويه دامها عاجبتك وهيج انت مستقتل عليها هذا هو نخطبها وأمرنا لله

باس ايد ابويه بلهفه وهو يرد عليه .. اشكرك يابه الله يطول بعمرك ويخليك خيمة على راسنا

تقربت منه واني اضحك .. مبروووك ابو الشباب ان شاء الله نعرس سوه شنو رايك

رد عليه .. كال لا خويه والله اريد عرسي اسولف بيه الوحدي مو اسولف بيك بعرسي

ظلينه نضحك وابوي كال اخابر انه على عامر واطلب ايد البنيه وبعدين نتمم الخطوبه

جان يوم حلو وجهه جانت بيه سعيده و وجوه تگلبت وبين السم عليها وحنان كالعادة لزمت راسها صعد عندها الضغط للاسف

.......................

سوليين

جنت كاعده بصف التيل احس بوجع ببطني يمكن هرمونات على كولة الاشتر بطني توجعني الحمدلله هو صار مده ماكو مشايفته بس صفاء يروح ويجي خطيه شلون اخلاق شلون حباب

شفت الدنيا صارت تنكط وتمطر خليت ومشيت دا ادخل سمعت ضجة بالشارعه فتحت الباب وابتسمت بمرح رغم الدموع باهدابي شفت الطلاب والطالبات طالعين من المدارس وراجعين لبيوتهم

جانوا ياكلون ابو الجيس ورغم المطر وبرودة الجو بس هم ما حاسيين على شي وياكلون ابتسمت عليهم شكد احب دوام المدرسه اني اعشقه

رجعت باوعت شفت صورة سوادي كالعاده من اباوع عليه احسه يخزر بيه واني ارجع اخزره ياربي بس اني اشوفه هيج نظراته اليه لو هي فعلا هيج نظراته

دخلت جوه وترحمت عليه واني اتذمر .. ادري هو ليش ديخزر بيه قابل اني شرحته لو الاشتر والله يا الله استغفر الله ادري شنو كاعدين بمكبره هو ليش مخلين صورته هنا اول ما نكعد نصبح بوجهه سوادي وترجع عليه كالعاده ذكرى قتلة وذكرى تشريحة وارجع لنفس الخوف والقلق  ياربي شسوي

دخلت جوه تغطيت بالبطانيه وحضنت نفسي ارجف من البرد

ياربي دا احس اكو شي بداخلي منطفي اكو شي بداخلي يوجعني احس نفسي ميته مو عايشه

حسيت بملل بسرعه وحاولت اطلع من الملل الي اني بيه فخليت وطلعت برا وكفت تحت المطر واني انفخ بضجر

حسيت بالباب انفتح تراجعت خطوات شفته دخل بطولة الفارع لابس جاكيت اسود وبنطرون اسود وتشيريت اسود مصخم وملطم كالعادة

ولازم بنيه من ايدها جانت ناعمة وضعيفه بس حلوووه تجنن لابسه زي مدرسي ولابسه حجاب ابيض وملامح الخوف مرسومة بإتقان على وجهها

ارتعبت من شفتها وظليت مصدومة حسيت برجفه بكل اعضاء جسمي

من شافني ابتسم بوجهي والحيره مرسومه على وجهه تقرب مني وهو يسال عن حالي .. هااا سولين يابه شلونج ان شاء الله صرتي احسن

خزرته بغضب وشديت على شفايفي وهو ابتسم بارتباك وعافني وراح يمها

ظليت اباوعله بغضب وعصبيه تجاهلني وتجاهل نظراتي بس هي بنظراتها الخايفه جانت تباوعلي باستغراب حضنها كدام انظاري وهو يسحبها...يله حبيبتي تعالي للغرفه نتفاهم...

فتحت عيوني بحده من عصبيتي... حبيبته !!!ويتفاهم بالغرفه ؟دخل وياها للغرفه بس جانت نظراتها تترجاني

كعدت على القنفه بصف التيل بخيبة امل حطيت ايدي على شفايفي وبجيت مصدومة من كل شي من واقعي الي اني عايشه بيه وياه بجيت متاذيه وروحي توجعني

شفته شلون دخل وياها ولا اعرفها منو يوميه جايبله وحده وجاي ولا يستحي بعد ما قضى على روحي واغتصبني صار كل يوم ويه وحده عباله هذا هو اقبل بسوالفه ونسوانه

والله اذا ما طلكني انتحر اكتل روحي خلي يطلكني ما اريده مخلصها مجندها ومجندها وهو بنص النسوان انوب خوش حجه هاي

تاخروا حييل حيل تاخروا صار ساعه وهم سوه جوه

روحي ظلت تلوب وترجف شلون شسوي رحت امشي على حذر ورجلي احس داخل بيها شيش حديد ارجف من الوجع والله

باوعت عليه من الشباك شفتها واكفه كدامه وهي تنزل دموعها بصمت وما تحجي جانت ناعمه بين اديه مثل نعومتي

وهو واكف كدامها مخيم عليها ويفوقها بالطول احتضن وجهها وهو يمسحن دموعها بحنيه وباس جبينها بكل حب

شهكت برعب ومسحت دموعي واحس روحي فرت مني وراحت الربها حتى لو اكرهه ما دام اني على ذمته ما يخوني ولا يحظن غيري مثل ما اني محترمته هو هم لازم يحترم كل شي بيني وبينه لحد ما ننفصل

اخذها بين احضانه وحضنها وهي لفت اديها واحتضنته وتبجي باوعتلي بسرعه اني فشلت وانصدمت ورجعت خطوات مسحت دموعها بكم قميصها وابتسمت الي

عضيت على شفايفي واني بعدني اباوعلها بداخلي حسره تهجم بيوت شفتها همست باذانه وهو بسرعه دار وجهه للشباك وشافني

جنت حالتي حاله جني اسيره مسجونه شعري مخربط ولابسه تراك شتائي فري سايز مطلعني جني خبله من غير عيوني الي من البجي والنوح محوره وصايره كلها هالات سود

ابتعد بسرعه واني امشي اجر بثياب الذل والحزن والقهر انوب يباوعولي ويتمضحكون عليه شكد ناس من دون احساس

جنت حاطه ايدي على شفايفي انتبهت على نفسي حييل ارجف ما اعرف ليش هيج ارجف اني وهاي صار فتره حتى لو اني دفيانه ارجف رجف مو طبيعي اهتز وحتى صفاء ملاحظني

شفته طلع هو وياها ولازم ايدها الناعمة بيده الخشنه جانت حيل ناعمة وكيوت باوعتلهم ودرت وجهي واني اداري حسرتي وكبريائي

من وصل عندي ترك ايدها وهو يترب بشعري كال .. اعذرينه زنوبه هاليام سولين مريضه وتعبانه شكلها متغيير ولو هي حلوه حتى لو مريضه

بعدت ايده عن شعري بعصبيه وشديت على شفايفي بغضب

وهي ابتسمت وردت عليه كالت .. لا والله حلوه ما شاء الله شكلها حلو ومألوف مجنت اتوقع زوجتك هيج حلوه طلع ذوقك يجنن

ابتسم وهو يباوعلي بلهفه كلها .. اكيد احلا ما شافت عيوني حلوه واحبها وهسه شنو اريدج تصيرين صديقتها حتى شنو تطلعيها من الملل الي هي بيه

ضحكت ومدت ايدها اليه وهي تكول .. هلاو عيني سولينا اني زينب حماتج يعني اخت الاشتر

فتحت عيوني بدهشه وباوعتله هو ابتسم الي وهز راسه بقبول مديت ايدي الها وارجف كوه مسيطره على نفسي كلتلها .. اهلا وسهلا بيج

حضنتني وباستني واني كذلك تفاجئت وكانها مو هي نفسها الدخلت مرعوبه وخايفه اشو تغيرت وصارت طبيعيه وتضحك وتسولف كالت .. تشرفت بمعرفتج عمري

رديت عليها بفهاوه وغباء .. شكرا اني الاشرف

ضحك الاشتر وهي ضحكت كلها الاشتر .. اعذريها هي الردود لعبتها ملكة الردود سولي

ابتسمت وهي تجاوبه بلطافه .. لا يعمري عليها بس خطيه هي مرتبكة شويه و واضح عليها حتى دترجف

احتضني كدامها يعرف شلون يستغل الفرص وهو يكول ... ههه خطيه احتمال بردانه

باوعتله بنظرات احسسه اني اعرفه كلاوجي عصرني الصدره حيل وهو يسولف وياها

ابتعدت بسرعه منه وابتسمت بوجهها مجامله وهي بس مبتسمه وتضحك شكلها بس يضحك وحيل لطيف تفاجئت تكون اخته ناعمه حييل مو مثله ومثل مصطفى بس صفاء جان هم ناعم ولطيف هي جنها صفاء

اشرت الها وايدي ترجف كلتلها .. اكعدي

كعدت وخلت جنطتها بصفها كلها اشتر .. زينب اخاف تتاخرين وبالبيت يظل بالهم

جاوبته باسف وهي تبتسم .. لا عادي ما يهتمون شوكت ما اجي عادي الامور طبيعية

صفنت على كلامها اني جنت اذا اتاخر شويه ماما تظل واكفه الي بالركن لابسه عبايتها و واكفه خاصه بالمعهد مرات هي تجي تاخذني ومره صار هوا عالي والدنيا انكلبت ماما اجتني للمدرسه طلعتني وياها للبيت وهي تتوسل بالمديره تكلها اخاف عليها اخاف تطير عليها جينكوه او يوكع عليها شي من الهوا

تفاجئت ليش هيج محد يظل بقلق عليها والاشتر تنهد كلها .. الله كريم ان شاء الله يرجع كل شي مثل الاول يا خويه

ابتسمت بحزن وهي تكول .. ان شاء الله يارب اي صدك اشتر انطيني رقم سولين او حسابها دنحجي سوه

جاوبها .. ان شاء الله بس انتظريني اليوم العصر اجيب الها موبايل وسيم كارد وادزلج رقمها وتواصلن سوه تمام

لزمت ايدي بحنيه وحماس عبالك تعرفني وهي تضحك كالت .. اوووي حياتي ما اعرف كولش فرحانه اني

ابتسمت الها .. حبيبتي تسلمين ان شاء الله دوم الفرح

اشتر حجه وهو يكول .. سوليين تعرف كل شي تسوي تحف وتصبغ وتمكيج يعني خبره ان شاء الله تستفادين منها بعد ما ترحين للصالون تجينها ههه

ضحكت هي بحماس كالت .. صددددك اموت على البنيه الي تكون شاطره بهاي السوالف همزين يعني انتي صالون متنقل

ابتسمت جاوبته بصوت متعوب.. اي صح اعرف كل شي شتردين اني حاضره

حضنتني وهي تكول .. يعمري جنج كتكوت فدوه ما ادري ليش دخلتي كلبي انتي احسج مثل اختي رحييق

جنت مبتسمه وفجأة اختفت ابتسامتي وباوعت للاشتر هو تنهد و وكف كلها .. يله زينب خليني اوصلج نا اريد اسبب الج مشاكل ويه بيتكم

وكفت وسلمت عليه وراحت هي وياه جنت اباوعلهم خوتهم حلوه والبنيه بسرعه تافلمت وياه مبينه ذكيه وفاهمه احسن من مصطفى الخبل

..............................

صفاء

خابرني مصطفى ورحت عليه رغم امه حذرتني ما اجي يمه بس خلي تولي غير اخوي نعال عليها شدخلها مو من حقها هيج تسوي

شفته واكف بباب بيتهم لازمله جلب مال زينه ويلعب بيه شكد فايخ

من شافني وكف وشال الجلب مالته بيده كال .. يله روكي سلم على عمك صفاء

ابتعدت بسرعه اكره الجلاب والبدازين عطت بيه .. هييي وخر مني ما احب هاي السوالف داز عليه مناك لهنا حتى تشوفني جلبك يالجلب

ضحك وهو يكول .. لا يمعود صدك جذب مو على مود هذا الجلب داز عليك من وره الجلب تحسين والجلب ساهر يرحون فدوه الجلبي يكولون نريد نغير الجناسي حتى نسوي الاشتر باسم ابو مو بإسم جده حتى ما يحصل من الورث ويردوني اساعدهم

جاوبته .. اي روح ساعدهم روح جا انت هم جلب الهم

ضحك وهو يكول .. دنجب شوف كول للاشتر خلي يستعجل ويضمن حقه ترا ذول عينوا محامين ويردون يزورن الجناسي

ضحكت ... هههههه يابه جدنا سجلنا باسمه حتى نحصل من ورثه بعد تحسين وساهر شكو واذا زورا راح يدخلون سجن وترا الاشتر مو شويه حتى هيج يكولون

مصطفى بعدم اهتمام وهو يبوس بالجلب .. المهم اني كتلك وما على الرسول الا البلاغ

رديت عليه .. خوش اكله يستعجل شنو انت شلونك ويه عبود

جاوبني ... لا الحمدلله زينه فتحت عليه الحظر وصفت الامور بصراحة اني اريد اخطبها شنو رايك

ضحكت .. ههههه تشبع فشخات بس ان شاء الله تصحيك على زمانك ليش لا وتصير نسيب الاشتر

جاوبني .. اي هي ما تنجرع بس ما ادري صاير اميل الها يول مو طبيعي

شفت زينب اجت من بعيد لابسه زي المدرسه ومتاخره من زمان طلعوا هاي وين جانت

اني ما الي سلطه عليها ولا عندي ميانه وياها ولا تسلم عليه تفاجئت اصلا من سلمت عليه ودخلت جوه وهذا الاثول لا حاسبها ولا حجه وياها اصلا هو ما يدري بالدنيا طشت رشت

صحت بيه بغضب.. اكلك هي اختك وين جانت انت شنو من مله اشو عندك الامور طبيعية

رد عليه .. وين جانت يعني غير بالمدرسه

رفعت حاجب .. لا والله أختك متأخره ساعتين عن انتهاء الدوام انت شنو من مله ما عندك غيره

ضحك بسخريه وهو يكول .. علمتنا ام ماهر من احنه وصغار واحد ما يتدخل بالثاني ترا حتى كلامنا قليل اني وزينب ام ماهر باعدتنا عن بعض

عقدت حواجبي.. صدك تحجي

رد عليه .. اي والله هي امي تكول لا تتدخل بيها خليها براحتها واني هم مالي خلكها اصلا جنت ملتهي بحياتي

جاوبته بذهول .. زين ولا مره من المرات امك الي ربتك عاقبتك كلتلك لا تطلع لا تتاخر لا تروح للملاهي لا تسكر

جاوبني وهو يكول .. لا عادي تكول اني فري ما اضغط عليكم عيشو حياتكم

ضحكت باستهزاء وعفته ورحت وحجيت للاشتر مثل ما هو كلي ..رد عليه كال خيولي هو وياهم ياكلون نعل

.........................

بقيت ممرتاحة ابد ماكو شي يشغل بالي الموقف مااكدر اتخطاه خجلانة حزينة متفشلة كل مشاعر اللعبان النفس دااحس بيها

غمضت عيوني وتذكرت من شفته ينزف وملابسه كلها دم هنا گلبي عورني عليه ، لزمت بطني وتنفست حييل لدرجة وجعتني بطني

وسرت قشعريرة بجسمي عبالك دااحس بأوجاعه عبالك النزف بيه مو بي يربي حيخبلني هالحب هذا حطلع من طوري من وراها ظليت اعصر باديه متوترة وهيج مر الوقت ...

يوم ثاني كاعدين نتريگ اني وفافي وامين صبيت االجاي حار وامين ميحبه حار دااصب عليه مي بارد واندكت الباب

طلعت فافي وطبت مرة ثانية كالت ولج عمو كريم هذا
اني ظليت ارجف وجنت داضوك الجاي لامين خاف بعد حار وانلسع لساني واحتاريت شسوي

فات علينه بعده مبين مزعوج من الي سويته
كال تعالي جيهان اريد احاجيج

كمت وكفت بسرعة وبيدي الكوب مال الجاي
مشيت يمه وهو يأشرلي مفتهمت شي وبس اطل بوجهه ببلاهة

كال الجاي شبيج وين ما خذته وياج

حركت روحي وحسيت بفشلة قوية ورحت رجعت الكوب للصينية صفطته حييل ووظل يتلطلط

كرصتني افيان واني عضيت شفتي واحاول اثگل واهدأ بروحي

مشئ قبلي للمطبخ ومشيت وراه اني وكف والتاف عليه
جنت صافنة عليه بس دار دنكت واعصر باديه
كال بجمود شلونج ونظراته يباوع عليه بتركيز

هزيت راسي داكول زينة هو قاطعني
بعدج تسوين حسابات وهمية
جاوبته واني ارفع اصبع السبابة التووبة عم ....كريم والله

هو ابتسم وبعده مركز عليه بنظراته
كال متبطليها هاي عمو شجاج

كتله ليش
وعضيت شفتي

كال اخخخ لتعضين شفتج لتعضيهه

خليت ايدي علئ شفتي ومسحتها حييل

سحب ايدي سحبها من المعصم
وركز بنظراته عليه بقووة
كال جيهان اني اريد اخطبج توافقين ?

فتحت عيوني وشهگة صغيرة طلعت مني وكلبي دكاته زادت لحظات بيها فصلت عن العالم كله يربي اني بحلم لو بعلم تاهت عليه

صحاني من دهشتي من كال اسمي بلسانه
باوعتله رافع حاجب ومنزل االثاني وكال ها توافقين ?

جاوبته بكيفك

كال بكيفك شنوو دااسالج توافقين لو لا ?

رديت عليه مادري

عصب وعاط بصوت عالي لعد منو يدري امي

باوعتله ببراءة ومثل الطفلة الي مبرطمة

غمض عيونه وسحب نفس وبعدها ابتسم
كال لج بابا خليلج موقف

لزمت اديه اثنينهم توترت
كتله ها

رد بهدوء وهمس اريد اسمعها منج

اباوعله رافعة راسي مصدومة احس دااحلم معقولة حلمي تحقق

كال ها شگلتي

رديت عليه شنيه شنو اكول

غمزلي موافقة لو لا!

ضحكت ودرت وجهي تقرب مني اكثر
كال دحجييي مو بطيتيها

رفعت وجهي وسألته شنيه

كال بملل مرارتي يله موافقة

رديت بكيفك اذا انت موافق اني موافقه

ضحك جاوب واني موافق

جاوبته وبديت ارتاح شوية ضحكته رخت اعصابي
واني هم موافقة اذا انت موافق
بس هنا حسيت نفسي جريئة كولش وهو ثگيل

كال مرة دزيتلج كوثر وكتلها تكلج علئ حبج الج ليش رفضتي بوقتها

رفعت وجهي وباوعتله باسف صفنت محجيت شي شسوي اروح انافق على اخته واحنه باول الطريق،

مد ايده لخدي مسح عليه ديصحيني من صدمتي
كال بنبرة تحذير جيهان

جاوبته كوثر ما اجتي ولا حاجتني عن هذا الموضوع بصراحة

عكد حواجبه شلوون معقولة

كتله والله ما اج

قاطعني كال بعصبية لتحلفين مصدكج اني بس اريد اعرف يعني صدك ابد ما اجتج والله جنت حاس بيه شكد انقهرت بذاك اليوم وشكد فشلت حسيت روحي استعجلت وتدمرت

رديت عليه .. الله قاسم الك تتزوج غيري وترجع تتزوجني شكو بيها

رد بغضب .. لا والله هاي الحقيره الكلبه كوثر اذا ما طيحت حظها على هاي سالفتها ما اطلع كريم اني حسيت بيها والله

جاوبته برجاء .. لا تحاجيها هسه فدوه اخاف تكول اني كتلك

عقد حواجبه ... اي وانتي كلتيلي وشنو يعني اني اتخبل من شخص يجذب وهاي طعنتني بضهري ولحد الان ما تريدنا ننجمع

كتله بحزن .. بس ليش هيج هيج تكرهني والله اني ممسويه الها شي والله

ابتسم واقرب مني كال .. مالج شغل بيها بعدين تحبج وتتحسن العلاقه بينج اني اصلحها لان هي هم تظل اختي حتى لو مهما سوت

ابتسم .. تمام براحتك

عض شفته وهو يباوعلي بجرئة كال.. كلت الابويه دكتورة طب المخدرات اريد اخطبها شنو رايك وابويه فرح كال عمي وين لاكيها هي حتى القسم الداخلته ماكو منه بالعالم كله

جاوبتته بقهر .. هو شنو مو اني جنت احجي وياك بوقتها هي افيان متعرف تحجي

ضحك وهو يكول .. اي افيان افيان صحيح اني هم كلت هاي الفطيره افيان مو جيجي الحلو

ابتسم بفشله ونزلت راسي وافرك باديه حييل هو كال .. شكد احب خجلج وعيونج من تشوفني تظل تلمع الله احلى علامات الحب

عدلت شالي ومرتين من كد الارتباك وشغلت الطباخ مرتين وطفيته ما اعرف شنو اسوي

كال بهيام ... بله كولي كريم الوحدي

جاوبته بخجل .. هييي شنو استحي

عض شفته حيييل .... اوووف اويلي على الي يستحون اموت عليهم هسه بله كولي كريم لا تطك خياطات العمليه

نزلت راسي وبلعت ريكي كتله .. اءء كريم يله

صفر .. بوووويه جنت ما احب اسمي اريد اغيره بس حاليا لا اجمل اسم بالتاريخ

رفعت عيوني للسكف اشتت نظري رجعت حجيت بجديه .. يعني بيبي ام حسن وجدو موافقين على الخطوبه مكالو شي

رد عليه .. وشدخلهم هم بنيتي اني بكيفي وموافقين مالج شغل بيهم ونحدد سو اني وياج موعد الخطوبه

نزلت راسي باسف .. غير كون ابوي عنده علم صح هو مو زين ويانه بس يعني ما نطلع من شوره احنه

ضحك وهو يكول .. اكيد لازم يكون عنده علم ابوي كال اخابره واحضره بالخطوبه واتفق وياه

هزيت راسي بقبول

ابتسم وهو يكول .. انطيني بووووسه

باوعتله بغضب ... فافي كالت بس يكولج هيج كوليلي حاى افضحه فضيحة

ضحك وراح بسرعه كال .. لا عمي رايح رايح ما رايد روحي اوكع بلسان افيان ام المصايب

خله وراح واني رحت حضنت افيان وبسته ولزمته واركص وياها سلو متخيلتها كريم وهي لزمتني وكتلتني وظلت تصيح ابد ما عندها رومانسية

كلتلها راح يخطبني يابه وتفاجئت بأموني فرحان اكثر مني ويبوس بيه ويباركلي احسن من فافي

وهااا بطلت اسمع شرين مال حبيتو بيني وبين نفسي ظليت ايمع اليسا مال عبالي حبيبي مدري شلون تصير عود جهال اشيل طفلك مدري شلون

اسعد يوم بحياتي عوضني عن كل الامي و وجعي

.......................

افيان

بقيت صافنة بكلام مصطفئ هذول الي مايخافون من الله يردون يفرقونه عن اخوه وهو وصاني اوصل الكلام للاشتر وحتئ لو مموصيني اني اكوله ومااخلي هذول الحبربشية يحققون غاياتهم لان اذا حققوها اول واحد ينضر هو نسيبي واني ماريدله الضرر

طلعت رقمه وخابرت عليه هو خطية فصله واتصل
جاوبت بسرعة ، سمعت صوته كال الو افيان
رديت عليه النسيب شلونك شخبارك

كال الحمدلله انتوا بالبيت شلونكم

كتله والله الحمدلله بس عندي سالفة وياك موضوع مهم

رد ها افيان خير ان شاءالله

كتله بس اسمعني للاخير فدوة

جاوب احجي اسمعج

شوف نسيبي قبل كم يوم شفت مصطفئ اخوك

كال بعصبية لا تجيبيلي سيرته هذا الكلب

كتله انت مو كلت تسمعني اسمعني ضروري

سكت بس صوت انفاسه دااحجي كال بجمود اي شنو الموضوع ويه هذا الخسيس

رديت عليه ترئ هو حملني امانة احجيلك مصطفئ ماله علاقة بلي صار هو لا غدرك ولا خانك ولا اتفق عليك صدگني ويريد يعتذر منك

كال متعصب خيولي لا تحجين وياه وكليله اشتر ما يشتريك بفلس بعد دكتك الناقصة هاي صاير الخادم مال ساهر وتحسين نسى الي سوه بينه نسى سوالفهم ويانه

كتله اشتر ترئ هو صدك مظلوم انت لازم تحتويه اني من حجيت وياه حسيته صادق بكلامه

كال بحزم سمعي افيان قطعي علاقتج بي وبعد لتحاجي نهائيا مفهوم وهذا ابد مو مظلوم هو ما دام رافكس ساهر وتحسين بعد هذا يظلم ما ينظلم

بتردد كتله بس ترئ هو خطبني

حسيته عصب اكثر كال لووو يمووت ليحاااول كطنة وخلي يشيلها من اذنه مفهوووم ليكون هذا ملعوب منه انوب صاير يخطب ابو الملاهي ابو النسوان كليله ما قبل الاشتر

سكتتت وهو كال افيان مفهوووم ?

جاوبته اشتر بس هو اخوك لازم تسمع منه ميصير تحكم عليه هيج

رد لاااخويه ولاابطيخ وابتعدي عنه هالخسيس واسمه ماريد اسمعه

اريد احجي كال بسرعة يله محتاجة شي بعد

رديت عليه سلامتك بس مصط

بعدني ممكملة كال يله الله وياج اذا احتاجيتي شي دزيلي مسج ماشي

قفل الموبايل بوجهي حتى اختي ما انطاني مجال اسال عنها بس شنو الي صار بينهم حتى اشتر نسيبي بعد روحي هيج يتخبل منه الا مصطفى مسوي مكسوره جبيره مثل النسيب عليه

يله مو مهم هذا دام نسيبي كال احظري هذا هو راح احظره وبع. ما احجي وياه اني كلش حبابه وفقيره واسمع الكلام

اوي فدوه الحلكي شلون بنيه مؤدبة وتحجيه جني ام زكي ابد مو حيه مثل سولين

...................

سولين

دخل صفاء واني جنت كاعده دا اصلي وضايجة كال ... ها خويه كملتي صلاه عندي حجي وياج

كفيت السجاده وجاوبته ... اي خويه كملت محتاج شي

رد عليه .. انتي صدك جافصه كدام ساهر بموضوع سوادي ان هو مات مقتول وانغدر من ساهر وربعه

عضيت شفايفي بخجل وجاوبته ... هااا اي والله صدك اني جفصت بس مجان قصدي جنت دا اريد افهم ابويه ان لا يرافكهم لان هم يغدرون ويطعنون مثل مصار بسوادي

هز راسه باسى وهو يكول .. لا خويه قصرتي هاي اسرار شغل شلون تطلعيها

جاوبته بفشله وحسره .. والله مجان قصدي ابد بس جنت دا انبه ليش هو شنو الي صار

بلل شفايفه وتنهد وهو يكول ... سكان ودوش هم عساس يشتغلون ويه الاشتر وحاجين ويه عايد كايليله زياد وجياد ولد تحسين حذرونه من الاشتر لان ديتهمنه احنه قتلنا سوادي لان جنه وياه بالسفره للحبانيه ومات هناك سوادي

رديت برعب ... يعني اني خربت عليكم شغل بسوالفي

ابتسم وهو يكول .. لا عادي خويه ولا يهمج اني سولفت للاشتر وهو راح يعرف شلون يفر السالفه عليهم هو شغله ويعرف شلون يمشي الامور

صفنت واني افكر عزااا معقوله اغتصبني لان فتنت عليه وهيج عاقبني هو مره كلي اكبر عقوبه الج اغتصبج

شديت شفايفي بغضب .. شكد ما يستحي وما عنده ذرة رجوله ما كال مريضه ومتاذيه طالعه من الموت انوب اجه اغتصبني وعاقبني كرهته فوك كرهي اله حقير

طلع صفاء بعد ما كال .. خويه لا تهتمين اني بس ردت اتاكد منج خفت منهم يكونون جذابين

ظليت كاعده اكل بروحي يعني مثلا اني استحق الاغنصاب استحق هذا الشي بسبب غلطه مني والله مدا استوعب اي شي مدا استوعب الي ديصير ويايه

جنت اريد احجي ويه صفاء واكوله يعني حلوه بحقي يغتصبني لان جان ضايج مني بس استحيت منه وهو اصلا ما يعرف شنو الي دار بيني وبين اخو

سمعت صوته برا وكفت بثقل وظليت اباوع عليه من الشباك و وياه واحد ضخم معضل وعايد

عايد كال .. مدام السلاح صار عندهم وكذلك انفتحت عليهم قضية سوادي راح يتم الاعتقال لهاي المجموعة باجر بس خلي نضبط المكان اكثر

اشتر ... تمام وكذلك كل التقارير وصلت من الطبيب الشرعي وكله الادلة تدل على القتل لذلك حق الدولة مراح يضيع هاي اذا اهل سوادي ضيعوا حقه

وبهاي الحاله راح تترتب عليهم اكثر من تهمه المتاجره بالسلاح قتل وغدر المرحوم سوادي والشغل بالممنوعات

ضحك بفخر وهو يكول ..خلي يعرف ساهر النذل اذا شافني ساكت عنه معناها جاي انصب اله كمين هو وزمرته

رد عليه واحد منهم وهو يكوله .. سيدي انت شعجب اختاريت هذا الوقت ممكن نكدر نحصل على معلومات اكثر

جاوبه الاشتر بخبث وهو يكول .. حتى ساهر وتحسين يلتهون بمصيبة زمرتهم واني اقتحم البيت وكل الاملاك من هاي الصفحه حتى شنو ضربيتين على الراس مو بس توجع تطشر مخهم

هم ظلوا يضحكون وخلوا طلعوا راحو وهو ظل يخابر ويتصل ويفتر منا ومنا

رحت رجعت المكاني دا انام مشتهيه شغلات بارده ورغم برودة الجو روحي ترجف على ابو الجيس شفته عند الطلاب ذاك اليوم اريد منه شكد طيب احسه يخبل

اندك الباب وكفت بسرعه وصرت وره الباب كلت .. منو

رد عليه .. اني اشتر ممكن ادخل غاليتي

هزيت راسي بنفي وجاوبته .. دا اريد انام نعسانه ما اكدر

رد عليه .. زين ادري بيج خايفه مني تعالي نكعد بالصاله مو شرط بالغرفه

جاوبته من وره الباب .. ليش محتاج شي عندك شي

تنهد واحس تنهيدتة وصلت المسامعي كال .. لا والله يابويه بس جبتلج موبايل وجنت اريدج تشوفينه

شتت نظري بالغرفه ومديت ايدي من الباب من دون ما اطلع وجهي كتله .. تكدر تنطي اليه منا

ضحك وحسيت بيه لزم ايدي وباسها حييل سحبتها بسرعه وسديت الباب حيل

كال .. تدرين شنو اصعب شعور من اكون ممنوع من الاقتراب وعاجز عن البعد عنج

بللت شفايفي بحيره جاوبته ... هسه اجيك خليك بالصاله هسه دا اطلع

حسيت بخطواته مشه بعيد عني واني لبست وشاح شتائي عندي وطلعت جنت امشي بحذر واباوعله جان كاعد بنص الصاله كعدت بهدوء بعيده عنه

كال بحزن .. شفتي اختي زينب شلون حلوه

جاوبته بضعف .. ما شاء الله حيل حلوه ربي يحفظها ولطيفه هم

تقرب مني خطوات ورجعت اني خطوات خايفه مني كال .. تمام تمام ظلي مكانج لا تخافين مراح اتقرب بس ردت اشوفج الموبايل الي جبته الج

انطاني الباكيت اخذته منه بتردد وخليته على صفحه كال .. خليت بيه رصيد وتكنيك خليت رقم اختي وكذلك رقم اخواتج ورقمي ورقم صفاءوشنو تحتاجين اني حاظر

هزيت راسي بقبول

بلل شفايفه بحيره وهو يكول .. ما اعرف شلون ارضيج والله يا سولين بس والله لو اسولف الج عن قصتي اكيد مراح تكونين ضدي ولا تعوفيني ولا حتى تطلبين الطلاگ

واني شكد اكول عوفها امن مستقبلها واطلق سراحها بس ما اكدر عقلي رافض الفكره مو بس عقلي .. عقلي وگلبي اني والله احبج مو بيدي ابد مو بيدي الصار غصبا عني انتي هيج من وحدج اجيتي وكعدتي بگلبي

تدرين مرات احجي ويه گلبي من دكاته تعله.. اگله اششش لا تزعجها سولينتي كاعده بيه ظاله وحيده فريده موجوعه مكسوره لا تخوفها لا تضوجها ولا تزعجها انتي روحي مو قصدي اذذيج والله

واني شكد صبرت اني وياي باجمل حالاتج من رحتي بعرس عمج كريم شلعتي كلبي من مكانه واشرف واحد ما يتحمل جمالج ولطافتج وجان من زمان خطى هيج خطوه

بس اني جنت اكابر وادوس على كلبي واكول لا هي كل شي بخاطرها بخاطرها بدله وزفه وصالون ومثل متريد اسويلها وما اتقرب منها الا هي راضيه وهاي جانت قناعتي واتحدة واحد يجي ويكول اني صبرت اكثر منك لا والله مستحيل

بس اني جانت عندي قناعات اني احب البنات احب اخواتي مستحيل ااذي بنيه مو انوب زوجتي والله احطج على راسي

حطيت اصابعي بحلكي واني اكرط باضافري .. ليش هييج سويت

نزل راسه باسف وبعدها كال.. مثل ما كتلج جنت شارب والله اسالي صفاء اخوي الحقير مصطفى جابني الكوفي حتى بموضوع الورثه وازالة الشيوع تالي ما اعرف شصار بيه دخت

ثاني يوم اني كتلت مصطفى بنص بيته والله شكد ماهو اخو واحبه بس كسرته تكسر الخاطر كسرتج وعيونج لو بيدي اجيبه الج وانتي تتصرفين وياه بس ما اريد اطور الامور واعرف انتي تستحين

ورحت وجبت الولد الي يشتغل بالمطعم وحققت وياه وتالي عرفت هو من طرف تحسين وساهر وهذا قدر ومكتوب علينه واني كل يوم العن نفسي الف مره على السويته بيج ومتندم

جنت بس اصفن ما احجي احس طافيه مثل الشمعه احس دايخة جاوبته .. الي صار صار هو حقك بس مو بهاي الطريقه واني هم جنت عندي امنيات بداخلي ردت احققها قبل هذا الشي والحمدلله على كل حال

رد عليه .. الحمدلله على كل حال

سالته .. اختك زينب ليش معايشه وياكم

جاوبني .. زينب من بعد ما ماتت اختي رحيق ظلت محد الها فاخذتها عمتي الي جان عندها مصطفى ربتها

اني عندي ثنين عمات اخوات ابوي بس من الاب وثنينهن ما يخلفن ومن ماتت اختي رحيق اخذت وحده منهن زينب وذيج الثانيه اخذت اختي زهراء وطشروا ابو العايله

تنهدت ورجعت سالته .. زين مصطفى ليش اخذوا بوجود امك

جر نفس عميق وزفره كال .. تعرفين شنو هنه عماتي ما يخلفن وهي هاي عمتي ام ماهر اخذت الها رجال شايب على مود فلوسه لا هي تخلف ولا هو يخلف رادله طفل هي لزكت بمصطفى جان مصطفى حلو كلش حلو وهي حاطه عينها عليه من زمان

حاربت امي بعيشتها حتى تاخذه وامي قاتلت عليه وما انطته الها وبعدين صارت مطاحن ومصايب وطردوا امي كلولها ولدنا وبناتنه انتي مره غريبه اني فقيره من اهل الله

ظلت تتوسل بالرايح والجاي حتى يرجعوها ومن رجعت تحسين الكلب الخيسيس السافل حط عينه على اختي اختي جانت طفله مو حق زواج وهو اصلا متزوج ويريد يتزوجها

واني وكفت الها ويه امي وما خليته يتزوجها وضربته براسه بقوطيه مال معجون وانهزمت

وهم بعدين ساوموا امي لو تحسين يتزوج رحيق اختي المرحومة لو تنطي مصطفى العمتي الكلبه

امي جانت محتاره تصحي بمنو بعدين كالت وهي دمعتها بعينها .. مصطفى ويعيش سعيد حتى لو بعيد عني احسن ما رحيق تروح تنظلم ويه هذا الثور وتعيش بتعاسه واخذوا مصطفى منها باليلة ضلمة كلها حزن

جنه صغار ما نعرف شنسوي وهو مصطفى فرفح على امي جان متعلق بيها جان يصرخ بصوت عالي صوت بالسما صوت بالارض ما يريد يروح وينهزم منهم ويرجع الها وياخذوا بكل صلافه منها

وترجع هي تمد ايدها وتصرخ وتريده يرجع الها حضنته كلنه وهي تلطم على صدرها من بعد ما مات ابوي حيل تبهذلنه احنه

وامي جانت مظلو....

كطع كلمته وحط جفه على شفايفه وهو يكتم بداخله هواي من الحزن صرخ بصوت عالي بحيث فزيت من مكاني وهو يصيح ... لااااااااااا ما اريد اتذكر شي ما اريد

وكفت مصدومة وخايفه منه وانقهرت حييل عليه شفته مكسور شفت الدمع بعينه اكو مثل يكول... عندما يبكي الرجال فأعلم أن الهموم فاقت الجبال !!

الضاهر هو مهموم وما يحجي ابد هو ابد ما يحجي اي شي يصير وياه

تقربت منه بعد ما هدء اول ما صرخ صرخة وحده ونزل راسه وهو يفرك براسه بوجع

حطيت ايدي على كتفه واني اصبر بيه سحب ايدي وحضني حيييل وهو يشكي من همومه ومن الماضي الكلسر ضهره

قاسميني تعبي يا مُتعبة
إنني أحتاج صدراً موجعاً أبكي عليه
إن بي مثلكِ شيئاً من زجاجٍ وصدور المطمئنين رخامْ

نهاية البارت .. يتبع

كونوا انتم كونوا بخير ... احبكم 💔

لا تنسوا التصويت والمشاركة بكم نكتمل احبتي ❤️

اختكم ..نور سمو العراق