في الجزائر فات نهار مليان تعب على ماهر ومازن اللي بسيف قبل صاحب الاوتال يدير الحفلة عندو وبداو التحضيرات ماهر ومازن كان لازم يبقاو ثم ويوقفو على كل خدام ويتأكدو من خدمتو في النهاية هاذ الحفلة رايحة تلم بزاف ناس مهمين من برا البلاد واذا نجحت الحفلة رايحين يخدمو معا ماهر وتتوسع آفاق شركتو عبر العالم وهذا هدف ماهر يبني شركة ناجحة ويكون عندو عملو الخاص بعيدا عن ممتلكات جدو
واقف وسط الحديقة تاع الاوتال كلشي موجد طوابل مغطيين باجدد تشكيلة ديكور و منصة إلقاء الخطاب حتى هيا واجدة كلشي بذوق عصري ومع لمسة ضوء الغروب اللي كان وصل اعطى منظر رائع, تبسم ابتسامة رضا
ماهر:واخيرا كلشي واجد...غدوة رايحة تكون الليلة الاسطورية.
مازن (كان واقف موراه):اييه حنا تعبنا بزاف وخدمنا بكل جهد بش تنجح حفلة غدوة وربي اكيد رايح يعاونا...قاطعو تيليفونو كي صونا
مازن:الو..اييه رانا في الاوتال..اوك رانا جايين .. وقطع
مازن:هيا خوو يما راها تعيط قالت نتعشو كيف كيف
ماهر تبسم ومشا درعو من كتفو:هياا لازم نريحو لغدوة....مازن حتى هواا تبسملو ومشاو
صوت فران تشد بالقاوي قدام باب الاوتال
ايلين:ياا بنتي شبيك قاريتي هكذا شوي وطفرتينا فعمرنا فلندن تسوقي عادي وش صرالك هنا
سيليا:ههههه شوي اثارة الحب انزلي انزلي متخافيش مزال بش نموتو وغمزتها وهبطت
ايلين:هههه هوا يعني من بكري مهبولة بصح ضك زادت ولكن معا قوة وهاذ القوة مطلوبة تبسمت ابتسامة رضا ونزلت تعاون فيها تهبط الفاليزات كل وحدة هبطت فاليزتها ومشات ديراكت لشوبرتهم اللي كانو ديجا ريزارفاو فيها من قبل ايلين دخلت للدوش تغسل وتلم شعرها
وسيليا بقات فالشومبرة فجأة تفكرت الكاسات(المسجلة)جرات لصاكها تحوس وتقعدت مخطوفة من فوق السرير وقت ملقاتهاش:ااا يماا لالا وخرجت تجري من الشومبرة
ايلين:خرجت لابسة بينوار وجهها لونو مخطوف تجري فالشومبرة وتعيط : سيليا .... سيليا .... وينك.....سيليا..... ياربي وينهي سيليا
سيليا نازلة فالدروج تجري محملتش تحكم السونسار شعرها كامل تحل وفي فمها كلمة وحدة:يمااا....يمااا
ماهر ومازن هبطو لقاراج الطاكسيات وين قاراو طاكسي تاع ماهراللي جاو فيها كانو يمشو حتى خبطت فيه وفاتت زي السحايرة شعرها داعب وجهو وعمالو عينيه
مازن يحك في وجهو و يعيط بيديه :يااا حماارة شوي قدامك دهمتيني يا زحح
ماهر:مازن بلع باينة مزروبة
مازن:ياااو عماتني هاه قاراج يهز فيلة(جمع فيل) مش فيل برك هيا اللي عمية
اما سيليا سمعتو وقت قال عليها حمارة وتوعدتلو تعطيه حقو ولكن حتى تلقى وش ضاعلها تمت تجري حتى لحقت للطونوبيل ديراكت فتحت باب جيهة الشيفور وين كانت قاعدة لقاتها طايحة ثم جبدت نفس من صميم قلبها
سيليا:الحمد الله يا ربي لقيتها وتلاحت هزتها وسكرت الطونوبيل مولية للبيت عارفة ايلين مشطنة عليها ضك اكيد ولكن غير بعدت لقاتو في وجهها
سيليا بقات تتردد في مسامعها غير كلمة حمارة بقات تشوف فيه وعينيها يقدحو نار كون صابت قتلتو لثم بعد بقات تهدن في روحها:اففف بغل هاذا سيليا ركحي روحك مكالاه تقتليه اسناي خلصي معا اختك وولي ليه وبقات صافنة تخمم كيفاه تنتفو
مازن طرطق صباعو في وجهها كي لقاها تايهة وماهر مشا ركب فالطاكسي عارف انو السوق اللي يدخل فيه مازن يكون فارغ او حسب سيليا من هاذوك البنات اللي يرميو رواحهم على الذراري اللي مرفهين
مازن حك لحيتو وتبسم ابتسامة غرور :هههه وش سهيتي فيا,شوفي عارف روحي زين ميي ميعجبونيش اللي كيفك
سيليا الغاز طلع فوق ماكان طالع هزت صبعها في وجهو تهدد:اسمع يااا كي يسموك منيش شايطة على راسي نجي نرمي روحي عليك مخلاصوش الرجال ورد بالك تزيد تقولي حمارة يا البغغغغل منيش ناقصة حيوانات كيفك ضك وخبطت فيك بالغالط اصلا وش زين فيك يخليني نطيح فيك غير شوف معا روحك فالمراية ومبعد اهدر
مازن طرطق عينيه فيها هيا زينة وتبان ملايكة ولكن ظهرت شيطان لاا وزيد تقصف فيه
مازن:اااي احتارمي روحك....ما جا يزيد يلوح كلمة سكتو الصوت اللي جاا منهيه
ماهر:ماازن بايت هنا هياا
مازن:ني جااي ودور يهدد فيها بصعو في وجهها :نتلاقاو وتسلكي كل حرف قلتيه اوك
سيليا شافت فيه بتحدي وحكات بصوت كلو قوة:اللي تقدر عليه ديرو متقصرش وضك بااي
خبطت فيه ومشات
اما مازن تخدرمن ريحتها اللي قاست وجهو وقت ضربت فيه بشعرها سهى معاها تجري بحال القطة ضحك عليها وحكى بنبرة خفيفة:هههه والله صح قطة تهدد فيا نشوفوها مزال وليام
ماهر:ماااازن هيا والله رايح نروح ونخليك هيااا
مازن:جيت اصاحبي اوو ......ومشاو ماهر يسوق ومازن كل الطريق وهوا يخمم فيها
سيليا كملت طريقها والجنون الحمرة تتهد فوق راسها غير وصلت للشومبرة عدلت حاتها بش متخلعهاش عارفة روحها مكانش عليها تخرج بلاما تقولها دقت الباب ودخلت غير دخلت وردت الباب سوطات عليها الثانية تحضن وتبوس
ايلين:سييليا وين رحتي رجعت شافت فيها وحطت وجهها بين يديها :مصرالك والو مرحتيش عليا مخليتينيش يااك ؟؟
سيليا خلعتها حالتها كانت تحكي بلهفة حضنتها بقوة تهدي فيها
سيليا:اشش يااروحي راني هنا وانا نقدر نخليك يا المهبولة شبيك اصلا شكون عندي من غيرك نمشيلو برك نسيت الكاسات فالطاكسي وتعرفي الكاسات وش تعنيلي من خوف اني نخسر آخر ذكرة جريت بلاما نحس على روحي اصلا كنت هنا من قبيل كون ما جاش هاذاك البغل وعطلني بتبهليلو وشنفت
ايلين:وشمن بغل في اوتال خمس نجوم يا بنتي وش بيك مست راسها :معندكش سخانة مالا وشبيك
سيليا:يا بنتي على بالي البغل هاذا راه انسان حماار تخيلي قال عليا حمارة غير بيسك كنت مزروبة خبطت فيه بلاما نشوفو وحكاتلها كامل وش صرا
ايلين:ههههه والله حكاية بصح السيد اللي كان معاه علاه مدخلش
سيليا:وين علابالي بسماه انا ضك افف
ايلين:ههههه معليش سليووش خليك منو وكن نشوفو انا نحيلو وسخ وذنيه نتي برك متزيديش تخلعيني عليك هكذا يا بهلولة قلبي طاح كي عيطتي وخرجتي شوفي اللبسة ومقدرتش نجبدها من الفاليزة
سيليا :اوك سامحيني ايا خلينا نرقدو والله غلبت ايلين:اوك ارقدي وغدوة ادوشي نحي التعب .....وكيما كان الحال رقدو بعدما هدرو معا سمير وشكاو من بعض ليه كي العادة وهوا سايرهم ووصاهم على بعض وهذا اللي كان سيليا وايلين اخوة من الدنيا اللي ظلمتهم وجمعتهم في نفس الوقت فيا ترى وش هدفها من جمعهم ؟؟