نرجعو للندن عند بطلاتنا
ايلين بعدما خرجت عليها سيليا مشات غسلت ولبست ورجعت لفاليزتها تتفقد فيها الا واجدة ومنسات والو كانت لابسة روب صيفية مستورة من فوق و قصيرة حد الركبة مارون كلار ومعا صاك بلونش ودومي بوتس بلون وفاردة شعرها الواصل لخصرها ومكياج خفيف مبين زينها الرباني عيونها وحدهم فتنة لبني آدم(على قولو) ومشات لتحت مهبطة فاليزتها وراها
وسيليا حتى هيا كانت لابسة,بالاصل فاقت قبل ايلين و توجدت وكي بكات معا ايلين تلبزت حالتها وعاودت بدلت لبست جيب نوار قصير معا تي شورت غوز صون مونش مرسوم فيه قطة نوار وصاك نوار كونفارس غوز ومشطت شعرها ضفيرة مرخوفة بجنب واصلة لنص كرشها و خلات شعرات طايحين من الجنب لاخر جات تحفة بطبيعتها زينة وزادت شوي مكياج كانت متكية برجل على الطونوبيل لتحت تستنى فيها وتبربش في تلفونها حتى شافتها جاية فارظة جمالها على الساحة والقوة والبرود اللي كانو في عينيها تكذب لكان تقول هاذي نفس ايلين اللي كانت مدمرة الصباح طبعا تكون قوية ولازم تكون قوية لان هاذ اليوم و الايام الجاية رايحة تكون ايام الفصل المنتظرة من خمس سنين وقفت على راسها بكل هيبة
ايلين :هيا راني واجدة واجدة
سيليا تبسمت وعدلت وقفتها دارت بيها ورجعت مقابلتها :واااو جيتي تووححفة يا روحي ايا جيتكك خطابة تقبلي بيا هههه
ايلين:ههههه والله صح نوو اسمحيلي منقبلش
سيليا:صااار (وهزت خشمه زعما زعفت حلت باب الطونوبيل وجات راكبة..رجعت على اليد اللي شدتها فهمت والو حتى لقات روحها فحضنها هيا اختها الكبيرة وصاحبتها و كلشي بالنسبة ليها)
ايلين:هههههه يا بنتي وش بيك كنت غير نضحك وحتى نتي هههه هيا بركاي بلا زعاف وكان راكي مزروبة على الزواج نزوجك فالبلاد و نتهنا
سيليا ضربتها ضربة خفيفة على كرشها:خلااك و نناك منزوجش نبقى معاك حتى لآخر يوم فحياتك مكرة اهاااه
ايلين:من اسعد احلامي نموت على منظر وجهك
سيليا حست بحاجة غريبة فقلبها:بعيد الشر عليك حبيبتي نشالله نعيشو معا بعض ونموتو معا بعض فهمتييي
ماجات ترد سبقها صوتو من وراهم
سمير(المسؤول على امور الفيلا والحراسة انسان كبير بعمرالخمسين اعتبر ايلين وسيليا كيما ولادو وحتى ايلين وسيليا عمرهم عاملوه على اساس انو خدام بالعكس هوما الثلاثة شكلو عائلة صغيرة من يوم تلاقاو قبل ربع سنين ):وش رايحين بلاما تودعوني
تلفتو في زوج والبسمة عل وجوهم سيليا جرات ليه حضناتو:ونتا بانتلك تصلح نروحو بلاما نودعوك اا
سمير تبسملها :ههه قلت بلاك
ايلين:لالا مستحيل هههه
سمير: ونتي متسلميش عليا
ايلين:علاه الفرخة هاذي تخليلنا التور جات تجري يا جدك تقول فهد كل منقول كبرت تزيد تصغار نقولك خليها هنا منديهاش معايا وربعت يديها تستنا ردها وهذا هدفها تقلقها بيسكك سبقتها هههههه
سيليا تسمع ليها ومشنفة:صااار هكذا انا صغيرة ؟؟نووو منيش كبرت ويسموني نروح معاك يعني رجلي على رجلك وندري روحي نروح فالفاليزة نروووح
سمير :هههههه خلاص راكم كبار ضك ونتي ايلين ارواحي سلمي عليا و روحو راه راح الحال اصلا بديت نتوحشكم هيا قبل ما نبطل ومنخليكمش تروحو خلاص
ايلين قربت حضناتو وحضنو بعضاهم فثلاثة وبعدو سلمو عليه بالوحدة على راسو بوسة معزة وهوا دعالهم بالتوفيق ورحلة سعيدة سيليا مشات تنوض الطونوبيل بيسك هيا اللي رايحة تسوق وسمير حكم يد ايلين:بنتي اسمعيني مليح عارف نتي رايحة تدي حقك وسيليا حابة تعاونك ولكن متنسايش حياتها رايحة تكون فخطر ثم اتهلاي فيها وحتى هيا راني وصيتها عليك اتلهو ببعضاكم نتو ماعندكم حتى واحد من غير بعضكم وانا ما عندي حتى حد من غيركم سيليا ماعندها حتى ذنب فاللي صار كلشي لعبة من الحياة والماضي خلاها تكون اسيرتو ونتي كنتي النور اللي خرجها مالا بلاما نوصيك اي واحد يتعرضلكم البوليس كاينين وتعيطيلي كل يوم لا نلحقكم لثم والله نديرها
ايلين حكمت يديها بين يديه :يا العزيز اتهنى سيليا نفديها بروحي هيا ظهرت فحياتي فالوقت اللي انا خسرت فيه بنتي وقتها حلفت نعاونها واعتبرتها بنتي اللي ضاعت مني ختي وصاحبتي و كلشي وهيا تاني عاونتني و خلاتني ننسى و جاعي هيا عاونتني في وقت كانت غريبة عليا ودارت الشي اللي ماداروهش الناس اللي اعتبرتهم قراب ليا و عايلتي كونك هاني حنا رايحين نكونو عايلة لبعضانا و اساس العايلة هاذي هوا نتا و تبسمتلو ابتسامة امل وقوة
سمير تنهد:آآه يا بناتي راني نخاف عليكم من نسمة الهوا ما عليا غير ندعي ربي يحفظكم ليا و يجيبلك حقك يا بنتي
سيليا كلاكسونات :هياا راكم تمنشرو فيا ولا واش بابابابا هات غير نغيب عليكم زوج دقايق يبدا المنشار عيني عينك
ايلين تبسمت :راني جاية ابنتي خلاص
سمير:هههههه مراناش نمنشرو قلتها اللي يقلقك قوليلو نزوجك بيها يهرب وميزيدش يولي ضربةضربة ههههههههههه
ايلين:ههههههههههههه والله جبتها
سيليا :ههههه خصو يديني حبة فالالف راني ههههه
سمير/ايلين:هههههه اييه باينة ههه هيا خلاص رانا نتمسخرو امشي برك
ايلين ركبت بحذا سيليا من القدام ومشاو......بعد مدة كانو فالمطار ركبو بعدما كملو الاجراءات
وقلعت الطائرة نحو الجزائر العاصمة وين بدا كلشي كل وحدة من بطلاتنا عندها حكاية بدات هنا وكل وحدة حكايتها و وجاعها مزالو لحد الآن مأثرين عليها ولكن هم تناساو وجيعتهم بتواجدهم معا بعض ولكن يبقى الجرح وتبقى الآثار تاعو لو مش الجسدية النفسية
سيليا حطت كاسك فيه غنية مسجلة ودموعها على شافرها (مبعد ونعرفو علاه)
وايلين تقرى في كتاب وساعة ساعة تلوح عينيها عند سيليا قلبها وجعها عليها ولكن متقدرش تنحي عليها سيليا عاشت حياة صعبة من صغرها وحكايتها حكاية من غير كامل الحكايات
فاتو السوايع وودخلت الطائرة المدار الجوي للجزائر سيليا جبدت تنهيدة من اعماق قلبها ونحات الكاسك حطاتو فالصاك تاعها وضمت المسجلة اللي كانت فيها الاغنية لقلبها بكل قوة تتقوى منها مغمضة عينيها مانعة الدمعة تطيح من عينيها,فتحت عينيها على اليد اللي تحطت على كتفها
شافت فيها بكل قوة وحكات:سيليا حنا تواعدنا انو غير نوصلو هنا الدموع ننساوهم
سيليا مسحت عينيها ونطقت بقوة: ايه خلاص معادش نزيد نبكي ايلين ويدها مزالت على كتفها :اييه ضك لازم نوروهم انو هوما غالطين ومدمروناش كيفما كانو حابين,وضك هيا ننزلو الطيارة وصلت هزو ريسانهم لبعض بايه ومشاو كملو الاجراءات وخرجو من المطار