في نور عينيه

البارت الثالث

شرأيك نلتقِي ؟
وندفٌن الثار الراحِح
وجرحَك فوك جرحي بچفك اشدةَ
وتاخذنِي بلهفتك ورجع اتُلكاك ..
واطيحلك عَشك وبحضٌنك تسدةَ

الاسم : الكاتبة هُيـــــام
القصة : في نور عينيه

°°°°°°°°°°°°°°°°°°°°°°
'''''''''''''''''''''''
تعليقاتكم الحلووة وتفاعلكم وين؟!

* النص الي تردون تعلقون علي مجرد تضغطون ضغطة طويلة وتعلقون

أديان : كومي روحي.

رفعت راسي من متنها
وحجيت شكو شيريد

أديان: يبوسج بكصتج . ، دكومي شمدريني روحي شوفي...

باوعتلها وعيوني مدمعة
رانسي : كومي وياي...

اديان : هسه يفشلني يكلي صحتلها لو صحتلج...

حجيت بقهر وضربت كف ايدي ع رجلي
لج أديان شون يوم اكشر هذااا...

وصلت للمكتبة مالته اخذت نفس مرتين دكيت الباب ودخلت
دنكت راسي وحجيت
رانسي : تفضل دكتور طلبتني...

دكتور ضرغام : شبي العميد وياج...

كبل بجيت
دكتور ضرغام : هالله هالله عليش دموع بوية...

زدت بالبجي وسكتت

من شافني ساكتة
كلي

دكتور ضرغام : بسببي؟!...

اومأت براسي أي

ضرغام : مو منبهكم انه محد يدخل ورايه ليش تأخرتي...

رانسي : مادري...

ضرغام : عجل انه الإدري...

سكتت
ضرغام : لا تبجين يولي سالفة متستاهل دمعاتج. بوية ...

مسحت دموعي بكف ايدي كلي
ضرغام : شسمج أنتي...

رفعت رأسي
كتلة
رانسي : هاي المرة ال٤ يمكن اكلك ب اسمي ...

دكتور ضرغام : هههههه اي شسمج ...

كتلة رانسي

دكتور ضرغام : بعد لا تتأخرين ع المحاضرة ولا تنزلين دموعج ع اقل سالفة ...

هزيت راسي بموافقة
بعدها كتلة
رانسي : دكتور اروح؟...

دكتور ضرغام : الله وياج...

طلعت كملنا اخر محاضرة ورحت للبيت

عدت أيام وهيه تنعاد نفسها ماكو جديد
كعدت الصبح بداية اسبوع يوم الأحد
فتحت الكنتور لطشت هذا ع هذا
اشيل واشمر
شمرت القميص وصحت بتذمر
ما عندي شي البسه يربي. شلبسس شلبس
اجتني شيماء لأن تكعد وي حسام تحضر ملابسه لشغلة

شيماء : صباح الخير...

رانسي : هلا صباح النور عليج الله تعاي اختاريلي لبسة...

دورت ويايه هم ضلت تشمر
بعدين وكفت وحجت وهي تطلع من الغرفة
شيماء : اوكفي هسه اجيج ...

راحت دقايق واجت

شيماء: هاج هذا القبوط الجوزي طويل يخبل يطلع عليج وانتي طويلة...

اخذتة لبست تيشرت بيجي
وبنطرون كابوي وبوت اسود وفوكهم القبوط
وحجاب من درجات ألوان اللبسة خليت مكياج وضل خفيف فوك عيوني

اجتني شيماء
رانسي : شلوني عليج الله.؟...

شيماء : عين النبي عليج تخبلين الييييوم ونبي...

رانسي : اي غير قبوطج طبعا تتغزلين...

شيماء : ههههههههه لا والله بس هو صدك اليوم حلوة طالعه ألوان المكياج غيرتج صارت وي اللبسه...

رحت للدوام
تلكتني أديان حاجتني وع وجهه ابتسامة
أديان : أكلج يبنيه ما شفتي وحده اسمها رانسي تشبه جبار ابو الشربت....

بحلقت عيوني وحجيت بمياعة
رانسي : اوووي عيني عفية شنو هالاسامييي ...

أديان :لج هاي شطالعة قنبلة نووية...

رانسي : اي ديلا لا تتغزلين لا تنفجر القنبلة...

أديان : يلوك لام شلَوك...

رانسي : ههههههههه انجبي شلوني اليوم...

أديان : حلوة اليوم والله، تشبهين عمار كاسوفي...

رانسي : مدح ذم من شبهتيني برجال!؟....

بقينا نسولف وكتلها أديان شوية وطرديني اليوم اول محاضرة دكتور ضرغام ماريد موقف ذيج المرة ينعاد مالي خلك

رحت دخلت للقاعة
وكعدت ب استولي
دخل دكتور ضرغام سلم وخلة اشياءة ع الستاند ورفع عينة

دكتور ضرغام : شلونهم طلابي...

ردينة علي بابتسامة وحجة أكثر من طالب وطالبة

هز راسة ب بابتسامة لطيفة مادرينا ورا ابتسامتة عاصفة

دكتور ضرغام : الكل يطلع أوراق...

حجت احلام المايعة
احلام : لا دكتووور ما كولتلنة ع امتييحان...

ثبت نضراتة ع القلم وتكلم بجبروت
دكتور ضرغام : مو مهم اكلكم المدبر امورو ومخلي بالو يم دراستو عليش يخاف من ورقة...

حجيت بكلبي
كون ابوسك بكصتك ع تفشولاتك لأحلام
وارجع اغمك لأن كليومية مطلعنا سالفة صفح ع الامتحانات.

طلعنا الأوراق وزع أسئلة محضرهم اللوتي طابخها الطبخة من زمان.
دنكت أحل ومن اوصل لسؤال اخذلي صفنة ابو صابر
وخلي القلم بحلكي واعض بالحافة بتفكير.

وكف يمي وحجة بخفوت
دكتور ضرغام : وخري القلم ابوية أنتي....

رفعت راسي إله وخرت القلم عن حلكي وحجيت بلاهه
رانسي : هاا...

أشر بعيونه ع ورقه
دكتور ضرغام :حلي.....

رانسي : اي داحل....

انطاني ضهرة وراح حجيت بكلبي
شحجي عليك كون من صباح الله تريكنا ب اسئلة تشك عقل المطي
بعدها كملت حل طكطكت اصابيعي ورفعت راسي صدفة
شفتة مكتف اديانتة ومنتكي ع الطبلة ولاوي رجل ع رجل من النهاية
وصافن علية
ماعرفت افسر نضراتة

نزلت راسي بسرعة وكمت وانطيته الورقة
رانسي : اطلع برا عادي؟ لو ارجع...

دكتور ضرغام : لا ارجعي أسئلة موحدة...

رانسي هزيت راسي بقبول وكعدت
بقة يكلب بورقتي اتجه عليه

حجيت بكلبي عزا العزاني اكيد اجوبتي تفشل

وكف يم استولي رفعت راسي علي
حجة بنبرة هادئة ومقلص عيونة بشك

دكتور ضرغام : ول يابة انتي ما عاجبج اسمج ؟!....
حجيت بنفي
رانسي : لا بالعكس ليش؟ ...

دكتور ضرغام : ليش دائما تنسينو وما تاتكتبي.! ...

مدري شلون جفصت وحجيت باوعتلة ب ابتسامة جانبية وكتلة
رانسي : عادي دكتور وحد عنك أنت دوم ناسي اسمي ...

ضحك
نزلت راسي خلة الورقة كدامي
وأخذ قلمي
دكتور ضرغام : اسمج ...

عضيت شفتي وحجيت بهدوء ع جفصتي كتلة رانسي
كتب ع الورقة
رانسي وبعدها كمل الاسم قاسم خيون
اخذ الورقة ويمشي بخطوات
سامعين واثق الخطوة يمشي ملكاً هذا هوة دكتور ضرغام

حجيت بكلبي بعد عيني عينك حافظ حت اسم جدي مو بس ابوي واسمي ما حافظة وكليومية طايحلي شسمج ما شسمج

دكتور ضرغام : الكل يسلم انتهئ الوقت...

صار ياخذ الأوراق وكال أحسبة من ضمن الشهري
الكل ما قبل وصار كلام من الطلبة
وهو اخذ الأوراق وطلع

رجعت للبيت
لكيت بيت عمو عائلة محمد عدنا وعائلة عمو عدنان
دخلت سلمت عليهم وبدلت ونزلت يمهم كعدنا ع السفرة
كملنا
فجان كاعدين واني ونسوان اخوتي

العم محمد : إحسان عمي اليوم أحنة نريد نطلب بنيتنا رانسي لابني سجاد....

رد وأيدة العم عدنان : اي والله وتروح لابن عمها منا وبينا احسن ما تروح للغريب بهذا الوكت...

باوعلي إحسان ب ابتسامة وهو يلعب بغزولة بت حسام ودار وجهه عليهم
إحسان: والله يا عمي اتمنئ اختي تروح عدكم ومأمن بس اني ما افرض رأي عليها هي بكيفها...

وسجاد كاعد يباوعلي بحب
سجاد : إحسان انت تعرف بيه ماكو داعي امدحلك عن نفسي بس والله العظيم اخليها بعيوني وما اذيها بيوم....

إحسان : ونعم منك ابن العم بس القرار الها...

عفتهم يحجون وطفرت للمطبخ
اجتني أميرة
حجيت بتذمر

رانسي : أميرة والله ما اقبل ما ريد عمي ماريد...

أميرة : رفضي وخلص عليمن خايفة...

رانسي : انت مو تدرين شون يلطشون عمامي إذا رادو شي ويسوو...

أميرة : بعدين نحاجي إحسان...

طلعو بليل كلمن بغرفته
واني قبل لا اصعد جنت كاعدة يم امي
ونسولف اني وياها
نزلت أميرة لافه الروب عليها ومخلي اديها بجيوبها

اميرة : كومي سوسو إحسان يريدج....

امي : كومي يمة روحن وياجن طفن الضوة خلني انام...

رانسي : كمت اطلعت وطفيت الاضوية وسديت الباب ...

كتلها شكو
أميرة : مدري تعاي صعدي وياي ...

رانسي
طبيت صاحلي ع مكان يمة ع الجربايه
إحسان : بشري شونج بالدراسه ...

رانسي : الحمدلله زينة ...

هز راسه وسكت وبعدها كمل

إحسان : رنوسة تعرفين سجاد رايدج وأكثر من مرة طالبج من عدنا وهو ما يتعيب خلقة وشهادة وواعي ويخاف الله بيج اريدج تكليلي شنو ردج...

ارتبكت ودنكت راسي

رانسي : إحسان عفية فدوة لعينك والله اريد اكمل جامعتي ...

إحسان : اي حبيبتي هو هم كال ما يتغير شي نفس ما عدكم تدرس عندي هم تدرس إذا هذا المانعج فهو قابل بي ...

رانسي : بس اني ماريد اتزوج اريد انتبه بس ع دراستي....

إحسان : هاهيه حبيبتي اني اكلهم ما قابلة وتريد تكمل دراستها وخلي الولد يشوف حياته ...

طلعت وسديت الباب ورحت ع غرفتي لحكتني أميرة

أميرة : معودة شكو خايفة هاهيه إحسان وكلج نكلهم تريد تدرس....

رانسي : اي بس اني كلش خايفة من هاي السيرة والله لشوكت يبقون هيج يسوي سجاد كلما صارت كعدة وطلبني العشيرة كلها تدري سجاد يريد قندرة ...

جاي نسولف وطبت مسرة
مسرة : ها صاير اجتماع مغلق...

أميرة : لا إحسان حاجة رانسي ع الزواج...

وكفت بالباب وانتكأت علي
مسرة : شو بله احجيلنا ليش متقبلين بي....

طلعت شيماء شايله ادومي يبجي
طبت لغرفتي شافتهن انصدمت
باوعتلها بتملل وحجيت

رانسي : ها عار عبالج وحدي وتردي تخلي يمي وتشردين لرجلج...

شيماء :ههههههههه لا والله بس يبجي وحسام نايم كلت اجي يمج،
شكو عليمن مجتمعات...

أميرة : جاي نقنعها ع العرس تعرس وتخلصنا من شرها...

رانسي : ضربتها بالمخده كومي منا لا اموتج...

مسرة : أكلج خاف تحبين...

باوعتلها صفح
رانسي : اي احب اخوج...

مسرة : معرس لا تخلين عينج علي...

شيما : لا صدك والله خاف تحبين من الجامعة...

رانسي : لججج لا والله ألمن احب مالي خلك سوالف الحب حت اخوتي يشكوني كفيني شرهم يمعودة احسن ما ابطل...

مسرة : يمعوده غلسي عن الزواج دكملي جامعتج هسه والله كريم...

أميرة : ذاك اليوم اني وإحسان بسيرتج يكلي خايف ع رانسي ماريدها تمر بنفس المرينة بي من انطينا ايات للغريب وتعذبت وتعذبنا وبالنا جان مو مرتاح من يمها وهي شافت الويل...

رانسي : بس مو معناها انجبر اخذ سجاد...

شيماء : هاي بعد احسن ما تاخذين غريب وتنعاد سالفة آيات وهسه اخوتج محرومين من ايات وما شايفين وجها بسبب رجلها العار...

رانسي : بس هيه اختارت حياتها ايات وقبلت بيها...

انتهئ النقاش وتأخر الوقت وكلمن راحت ع غرفتها بقيت نايمة واتكلب

ياربي والله ماريد هالسجاد هو صح حباب وصاخب نخوة بس بعد المحبه من الله
..........

ياسمين

جنة كاعدين اني وضحاوي ونسرين

ورغد اخت علاء بت عمتي نجاة
منعزلة حت من تجينا هادئة تكعد هيه وغدير بت عمي ميثاق
دايما نلتم

المهم
اني صارلي سنتين بالسادس تلعب روحي من الدراسة
بس مجبورة اكمل لأن أمي وبيت جدي يكولون سلاح البنيه دراستها

والله يا يمة لو تدرين بنتج دراستها سلاح ابو الماي
جان تفلتي بنص وجهي

علاقتي زينة بولد عمامي عدا ابن عمي ميثاق حمزة
دومو عصبي وما يتحاجة
واني هم مبتعدة عنو اشوفه يمين اطلع يسار
واغلب اوقاتو برا
واذا نشاقه يخلي ويطلع

الدنيا الضهر الناس مطشرة
وضحاوي فوك تسوي حياكة ونسرين تقرة
وجدتي نايمة وجدي عمران وعمامي طالعين
عدهم كعدة
ونسوان عمامي نايمات هن كبار كلشش

نزلت للمطبخ اكل مخلية الجدر وأكل بي

سمعت صوت وراية كبل شلت شالي
من ركبتي خليته ع راسي
احنه البنوات مخلين دايما شالاتنه ع ركابنا
لأن بيت جدي طالعين ولد طابين الولد
درت وجهي لكيتو حمزة

كعد ع الطبلة
تصرفت عادي بس اني مرتبكة منو
كلي

حمزة : سويلي چاي...

ياسمين : صار...

حمزة : يول عليش ما ادحكين بوجهي...

ياسمين : رفعت راسي صفنت بوجهه ودنكت راسي سكتنا ثنينة

سويت الچاي خليت كبالة
ردت اطلع

حمزة : ول وين شاردة تعاي احاجيج....

ياسمين : رجعتلو وبقيت العب بشالي...

حمزة : ياسمينة شوكت تخلصين الدراسه يولي انتي مابيج فايدة عقلج ماخذ استقاله بالدراسة ما تبطلين وتخلصيني من همي...

ياسمين : رفعت راسي مصدومة من كلامة اول مرة احجي ويايه هيج چان ع كد السلام ويطلع او يخوزر بيه بعيونة الشهل

ياسمين : ليش اخلصك من هممي شسويتلك...

تنهد وحجة
حمزة : انتي ليش صارلج سنتين بالسادس...

ياسمين : لأن صعب السادس وما حبو...

حمزة : تعالي يمي نوب حت اقريج وهاي السنة تنجحين...

ياسمين : لا لا اني أقرة لوحدي...

حمزة : روحي جيبي الكتب وتعاي...

ياسمين : لا عادي والله اني اقرة وانجح واذا ما نجحت ابطل ...

حمزة : امشي يبوي من دبش تنجحين وحد امشي جيبي الكتب وتعاي نكعد بالديوانية يم جدتي...

ياسمين رحت واني ساكتة صعدت لفوك
طبيت للغرفة كتلهن اريد ابطل

نسرين : اكلي تبن...

ضحئ :اي والله بطلي اعلمج الحياكة...

ركعت ضحئ بشال شو اكلي خرا انتي هو بيدي وما ابطل من صبح الله

نسرين : شكو...

ياسمين : والله استحي من حمزة يريد يقريني لأن صارلي سنتين يا بسادس يكلي ليش متقرين عدل...

نسرين : يا رعد يابوية حمزة يقريج اول تالي يحجي وياج ...

ياسمين : متشوفين خايفة منو....

ضحئ : والله حبابين ولد عمي ميثاق جان ضرغام من يشوفني أقره يكعد يمي يكلي تعاي اقريج بس عقلي خايس ما افتهم ...

ياسمين اخذت الكتب ونزلت يم جدة
لكيت حمزة يسولف وياها
بعدين من طبيت كام اشرلي ع المكان اكعد بصفة بس مو قريب
وخليت الجنطة بالكاع ودنكت افتحها واطلع بالمواد

حمزة : يا مادة متحبيها...

ياسمين : التاريخ...

حمزة : انطينياه نبلش بي ...

ياسمين مديتلو الكتاب أخذه مني سواه شون القصه
حمزة :يلا عيديلي...

ياسمين : هو اني فهمتو بس شنو عيدو تاحفظة بعد لأن صعب...

حمزة : ولا يهمج....

عادة للمرة الثانية واني بعد عدتو

حمزة : اي عفية بس ما تاتحجين بطلاقة...

ياسمين : اي الأحداث هواية...

حمزة : طلعي ورقة وقلم...

ياسمين : طلعت الورقة والقلم كلي كتبيلي من بداية الشرح للنهاية
دنكت اكتبلو

رفعت راسي كلي
حمزة : محتلة الكلب وصاحبو من سنين وعلي...

حجيت بغباء
ياسمين : منية....

حمزة : بغداد يابة بغداد...

رفع حاجبو واردف كملي
ياسمين : كملت...

حمزة : شوفيني...

اخذ الورقة مني وكال عفية رفع الكتاب
حمزة : يلا عيديلي الشرح مرة الثانيه بدون اخطاء او ارتباك...

دنشرح طب ابوية
خليل : اه هاي مني تلزم كتابها وتقره...

ضحكت بخجل
ياسمين : لييش بوية طلعت من اول سنه اعفاء بالسادس شو ما عاجبك...

خليل : ضحك وكال لحمزة اي والله بعد عمك ما تقريها عدل عبن رأسها مجيم...

ياسمين : أنعم الله عليك بوية...

ضحكو هو وحمزة اي طبعا يضحكون غير مسحتو بيه الكاع
كعد ابوي يم جدتي وصارو يحجون ع سوالف الديرة
واني أقرة بعدين كتلو
ياسمين : حفظتة...

حمزة : اكيد؟...

ياسمين : والله...

هز راسه بقبول
لميت الكتب وأخذت الجنطة وطلعت
صعدت فوت
نزعت الشال يبوو عليج ياسمين معت اول تالي يدرسني واحد
...................

رانسي
يوم جديد من بعد فترة طويلة
لبست فستان  وبي نونة بيضة
وحذاء رياضي ابيض

رحت للجامعة
ركضتلي أديان حضنتني
رانسي : ههههههههه شبيج حبيبتي البارحة جنت يمج طكج الجفاف....

أديان : اوف اوف لو بيدي ياهو الاشوفة كبالي احضنه...

رانسي : ههههههههه من الجفاف!؟؟....

أديان : لاااا لج اهلي قبلو...

رانسي : مستحيل...

أديان : ااي والله رانسي لج ما مصدكة...

رانسي سولفيلي شلون...

أديان : يمعودة مادري شون صارت بس قبلو وامي تعاركت بس اخوتي حاجوها...

حضنتها مرة الخ وفرحتلها من كل كلبي وآلله
ع هاي الفرحة ورا لمحاضرة تعزميني
أديان : صار والله...

رحت للمحاضرة استاذ جاسم عدت وطلعنا....

بعدها اجه دكتور ضرغام
دخل كالعادة والطلاب من تكون محاضرة لدكتور ضرغام الكل يلتزم ويحضر نخاف منه كلشششش ونحترمة لأن رزالتة كدما يرزل بنزاكة وبدون همجية نستحي منا حجايتة قويات
أول ما دخل صارت عينة علية

دكتور ضرغام : السلام عليكم...

الكل رد السلام

بدة يشرح ويوجه نظراته علية ودائما يباوعلي بهاي النظرات الي تحيرني
صرت من الطالبات المميزات لأن صرت اخذ درجات فول عنده رغم صعوبة أسئلتة وحبيت اتلاوه وياه بمادتة صرت اسبقه بتحضير المادة بس لحد هاللحظة هو ما لفظ اسمي ابد مدري ليش

المهم شرح وكمل
دكتور ضرغام : تفضلي اشرحلينا....

أشرلي وطلب مني بكل احترام
ردت اطلع من الاستول واتقدم اشرح .

دكتور ضرغام : لا لا بمكانج...

هزيت راسي وبلشت أشرح نسيته هو كبالي.
صارت عيني ع كل المكتوب وصرت اشرحلة وارحرك ايدي والمعلومة البحثت عنها إضافية قبل كل محاضرة هم ضفتها وي شرحي
كملت باوعلي بنظرة صعب واحد يفسرها وابتسم بس شنو شبح ابتسامة يعني ثواني واختفت

صفكلي الدكتور والكل بعدة صفك كعدت وحسيت نفسي صخنت من الارتباك

بعدها كملت المحاضرة من دنريد نطلع باوعلي وحجة كدام الطلبة
دكتور ضرغام : بلا أمر عليج ابوية تعاي ساعديني تاسوي جرد للاسماء....

هزيت راسي بقبول
رانسي : صار دكتور...

رحت ورا امشي وصلنا لمكتبة
فتح الباب ودخل واني وراه
كعدت مقابيلة
واردلة بالأسماء وهو يكتب الدرجات من يمة وتقدير كل طالب
وصلت لاسمي
رفع راسه

دكتور ضرغام : عيدي...

حجيت ببطأ عبالي ما لحك يكتبة واني لازمة ملف الاسماء كتلة
رانسيي سكتت ثواني بعدها كلت قاسمم واسكتت اريد اكمل

دكتور ضرغام : خيون...

سديت الملف ورفعت راسي وابتسمت
رانسي : عادي اسئلك...

رجع نفسه ع الكرسي المتحرك وصار يتحرك بهدوء تام
دكتور ضرغام : اليعجبج...

رانسي : ليش تنسة اسمي...

دكتور ضرغام : منو كال...

رانسي :اني...

دكتور ضرغام : عليش تخليني بمواقف اني مو صاحبها...

رانسي : بس هذا الشفتة دائما تكلي شسمج ومن ارده تكمل اسم بابا وجدو لوحدك...

صفن بكل ملامح وجهي صارت عيونة تنتقل من حواجبي لعيوني حسيته رسمني
ارتكبت ونزلت راسي بخجل
أردفت

رانسي : مرة كتلي شنو مو عاجبج اسمج حت تنسي هسه اني أكدر اوجهلك السؤال ليش متلفظ اسمي مو عاجبك حت تنسا!؟

تقدم وسند اديانتة ع الميز ولزم قلمة وسو حركتة المعتادة وضرب ع القلم بنقرات خفيفة وابتسم ابتسامة جانبية

دكتور ضرغام : مُخير ام مُسير للإجابة؟!

ضحكت بهدوء
رانسي : اليعجبك...

رفع القلم وقلبه وابتسم
دكتور ضرغام : ول يابة كملي الأسماء...

فتحت الملف وابتسمت يعني هو مُخير للإجابة وما جاوبني
رانسي : روئ حام...

دكتور ضرغام : القبلة...

رانسي :اسمي...

دكتور ضرغام : منو...

مدنك ع الورقة منتظر اردلة

حجيت ورفعت حاجبي وبخباثة
رانسي : بت قاسم خيون...

رفع راسة وصار يضحك ضحكتة بيها نبرة تجنن
وجهه احتقن وصار احممر
مسح ع لحيتة وباوعلي اابتسمت لمنظرة

دكتور ضرغام : عوفيهن ابوية بعدين اكملهن كومي روحي ع محاضراتج...

رانسي : حاضر...

سديت الملف وخليته يمة وطلعت بعدلي محاضرة واطلع حضرتها رحت للبيت رجعت
قريت العندي والمحاضرات ودخلت بسبات عميق الأسابيع تمشي وعدت فترة
وبيوم من الايام
كعدت الصبح بداية نشلة دريت بنفسي راح تمرض
لبست شون مجان واطلعت لدوامي كاعدة بالمحاضرة وعلينا دكتور ضرغام

عطست وكلت الحمدلله
دكتور ضرغام جان يشرح توقف
دكتور ضرغام :يرحمكم الله
رديت بصوت خافت
رانسي : اثابكم الله
استرسل بكلامة وكمل شرح رفع ايده دياشر و يحجي ويشرح مندمج
ورا شوية هم عطست كلت الحمدلله
دكتور ضرغام : يرحمكم الله
رديت اثابكم الله
مباشرة عطست الثالثة حجيت لا إرادي الحمدالله
لان اني متعودة
رد علية
دكتور ضرغام : يرحمكم الله
طلاب القاعه صاحو بصوت قوي
الطلاب : اثابكم الله
بعدها صار ضحك قوي
كلش خجلت من الموقف تمنيت اطم نفسي
فهو حجة بغضب ومستغرب من ردة فعلهم

دكتور ضرغام : عليش تضحكون؟ شنو الشي الي استهواكم للضحك
صابني فضول تاعرف منكم احجولي اذن صاغية....

الكل سكت بعد ما جانت أصواتهم تتعالى بالضحك
أردف بغضب
دكتور ضرغام : يصير خير...

عطست للمرة الرابعه تمنيت اخنك روحي رفعت ايدي وعيوني دمعن حجيت بصوت مبحوح عادي اطلع
هزا راسه بقبول وغمض عيونه

دكتور ضرغام : تفضلي...

طلعتك وسديت الباب
كعدت برا وبقيت اعطس بحيث صارت عندي حركة قوية بخشمي
رفعت ايدي ومسحت وجهي بخنكة
شفت نفسي شويه هدأت
رجعت ردت افتح استوقفني كلامة يحجي بغضب مكتوم
مبين من زمان يحجي وياهم
لأن لحكت ع كلام مقطوع ف الي سمعته

دكتور ضرغام : ف الي بعمركم مواقفهم أكبر من هيج
تايكونون احترام لنفسهم وللمقابل وياريتو الموقف يستاهل الواحد يضحكلو لا تخلطون كلشي ببعض لا وكت الجد تضحكون
ولا بوكت الضحك تبجون أنطو كلشي حقو ب احترام من غير ما تضر المقابل بتصرفات غير مدروسة منكم احترمو اخواتكم الي بالقاعه من دون تذَمر واستصغار...

دكيت الباب وفتحتة دخلت للقاعة لكيت الكل مطلع أوراق ومدننكين ويمتحنون باوعتلة ب استغراب
غمض عيونه باطمئنان واشرلي ع ستولي عود كعدي
اني هم رحت كعدت طلعت ورقه وصرت انقل السؤال
واجاوبة
استغربت من الامتحان المفاجئ
وجانن ٣ أسئلة صعبات لأن ما متحضرين

فجاوبت ثنين مضبوطات والثالث مادري شون الفتله من عقلي اهمشي ما اعوفة فارغ صفنت ع الورقة واني منا المرض ديزيد عندي حسيت بنفسي اريد بس انام

تعدة من يمي لأن بوقت الامتحان يفتر ع الكل خاف الطلبة يغشون
رفعت ايدي انطيته الورقة

أخذها مني ومده ايده لجيبه وطلع قلمة
دنك ع ستولي وميل
راسه لاتجاهي وباَوعلي

أبتسمت وثبتت انظاري ع الورقة
ورديتله بصوتي المرضان وشدد ع حرف الياء
رانسيييي
كتبة ورفع نفسة

اني الغباء يحتل عقلي بهيج مواقف والله مو عمدا انسا
بس لأن اتمرض او انشده انسه كتابة الأسم
وهاي من زمان العادة بيه
اتذكر بالإعدادية
المدرسات لعبن فلم بيه يصيحن والله
اخليلججج صفررر إذا تنسين اسممممج انتي عقلج وين

و بالجامعة هذا يجي يمي يبتسملي َ ويكلي رديلي
يوم العلم جنس حواء لطيف دهر صابجن وينه وين اللطافه
بدة الكل ينطي الأوراق زهراء الكاعدة يمي
اشرتلي
ع الثاني باوعتلة ملتهي يلم الأوراق
رديت الها وعين علي وعين ع عليها كامت انطت الورقة
اخذهن

دكتور ضرغام : إذا طلعت باب القاعة الورقتو عندو ينكعها ويشرب مايها.
الكل سلم عدا طالبتين وطالب ما انطا الورقة وراح ورا

دكتور ضرغام : خليهم عدكم

كمل الدوام واني مسطورة
رجعت للبيت .....

____________
وللحكاية البقية♥️

رأيكم بقلاوات !؟