في نور عينيه

البارت الخمســـــــون

.

.
. يا ربّ، بحقّ عليّ (عليه السّلام) وهو يرتّل "إلهي من لي غيرك؟!"،

وينصت حينها كُميل بكلّ جوارحه.. قُل لِـ مُراد امي  " كُنْ فَيَكُون "❤️

.

.

اتمنى منكم بكل دقيقة تدعون لأمي بهاي الايام المباركة
عسى الله يرد الدعوة أضعاف الكم 🥺🙏🙏

.
.
.

فراشاتي الحلوات عمي ابوس الصابرات عليه ومتحملاتني
لان يدرن بيه بشر حالي حالهن 🦋♥️

ابوس اليفتهمن والما يفتهمن يا احله حياية 😂♥️

.

أكلجن يله شوفوني التفاعل اليجنن شون بارت حلو لعيونكم
وينها سوالفجن الما بيها حظ اقصد اقصد الكلها حنية 😂😂😁

الما تعرف تعلق ع الفقرة تضغط كبسة قوية ع النص اليعجبها
وتعلق

حساب الانستا ((( hiy.am99 )) ♥️

_________________

إيام الحمل على المرة ما تمشي تصير بطيئة
الاسبوع يصير شهر عليها من التعب والثكل
كبرت بطني بسرعة رغم حمل ياسمينة قبلي

استلمت النتيجة وطلعت ناجحة بعد تعب

صاحتلي وفاء اغسل المواعين تريد تكمل طبخ
السنك صار هوسة رحت وكفت بطني كدامي
اريد ادنه شوية مضايقتني عوجت ضهري
شوية حت اغسلهن براحتي وما اتضايق

بعدني جاي اغسل بيهن درت وجهي باوعت لوفاء
شفتها طلعت الدجاجة جانت سالكتها فتحت القبغ
وطلعت الريحة اريد اتحمل ريحتها جانت واكفه اريد اعبر
ما انطتني مجال دفعتها بقت اتصيح وكلبت الدنيا

بس اني بالي مو يمها لأن جاي اتقيأ واحس امعائي طلعت
وكفت لازمة ضهري تعبانة مسحت حلكي ونشفت وجهي

وكفت بالباب مال الكليدور تصيح

وفاء : لجججججج ما تدحكين عمة بعيونج ان شاء الله اكو
وحده هيج تركض وتوكع نعمة الله.؟..

صفنت عليها مالي خلك احجي

نَســـــرة؛ : شبيج وفاء؟؟..

وفاء : تعاي شوفي نعمة الله شون اطشرت تعاي دحكي
كسر ب ايدج ان شاء الله يالعمية..

ع صياحها كامت جدتي ونسوان عمام ضرغام ونسرين

الجدة نعيمة : شكو شبيجن..

وفاء : تعاااي جدة دحكي لنسرة شسوت مردت نعمة الله..

جدتي عافتها واجتني تمشي تلهث