في نور عينيه

البارت الثالث والعشرون

ليّش ما مَليت مِنهُم؟
وليش ما مات الحَنين
شِعاجبك باقي بدربهُم
عاجبك هَذا الونيّن؟
عِيش يا گلبي مِثلهُم
هُم طِين وأنتَ طِين

في نور عينيه
الكاتبة هُـــــيام

_________________

التعليقات بين الفقرات والتصويت حبايبي  ✨💚

________

ضرغام : يحيلي يكيفي شرايدة احجيلي ابوية أنتِ
صارلج ساعة كاعدة كبالي ودموعج تجري عليش غير تفهميني.؟

ضرغام : جاوبيني حبيبة ...

رانسي : متسكت عني هسة اني محاجيتك
جاية يمك شتريد مني...

ضرغام : ليش تبجين وليش كاعدة بزوية تعاي هينة يولو...

رانسي : لتحجي وياي...

ضرغام : نَســـــرة ليش تكوميني مو مابية انهض روحي
جسمي ياذيني تعاي هينة تافهم شبيج...

رانسي : شيهمك إذا عرفت شبية...

ضرغام : شلون ما يهمني يبوي غير انتِ ضــنـَـــه گلبي ...

دنكت راسي عنة ماريد احجي ويا

ضرغام : رفعي راسج بنيتي واحجي بدون ما تضوجين
شنهو البيج يخليج تبجين طلعي من داخلج ...

مسحت دموعي وكمت
شفتة لزم صدررة من يم الجرح وكام
عاقج وجهه من الألم
سديت الباب ركعتها حيل وسبقته ماريدة يجي وراي

كعدت برة امسح بدموعي
ما اتمنى احد يسئلني شبيج
هو اني روحي ماعرفها شبيها
شجاوب العالم الحجاية تبجيني
كلمة ال شبيج تهضمني
البية تارسني غم وقهر ومادري شنو هو

سمعت اهات وجع
درت وجهي ع مصدر الصوت
ضرغام لازم صدرة بوجع ويمشي
عض شفتة بالم وحنه ضهرة
سحبني من زندي وكفني مقابيلة

ضرغام : دحكيلي شمالها ضــنـَـــه گلبي...

رانسي : ليش تسئلني شعليك...

ضرغام : أي غير من خوفي أعليج
روحي تعلعل إذا اشوفنج متكدرة...

رانسي : عساك بالعلة كون ع الألم التارس روحي منك...

ضرغام : اه بنيتي ليش تدعين هالدعوة علي بهل المغربية...

رانسي : لأن مو خوش انسان لا لا اصلا انت مو انسان
حيل وابو زايد وياك من ضربوك السلابة
واخذو منك المعاملة همزين كسرو صدرك
وخلوك ما تكدر تمشي لأن اكرهك كرة العمى
بجاه هذا المغرب كون تلحك اخوك...

ضرغام : زين انه منو؟
__ شو دحكي لييش سكتي؟

رانسي : مادري ...