في نور عينيه

البارت الثاني والثلاثون

لوحدي اتاني وضوه شارعكم طفه
لوحدي اتاني وحته شارعكم غفه
انت شوف الصفه و آنه وياي شصفه
وجوه ناسي استثگلتني
و روحي تطلع كل مسيه
وتلگه بيه
صريخ كل ذيچ المگابر تلگه بيه
آنه وحدي وطايحه الدنيا عليه.

في نور عينيه
الكاتبة هُـــــيام

_____________

لا تنسون التصويت وتعليقاتكم الحلوة وتفاعلكم 💚✨

______

عدت اربع ايام ع هدوء

بيوم الرابع كاعدين والولد طالعين
محد بالبيت ستوها دخلت للصاله مسرة
جانت تنضف بالمطبخ وتنشف ب إيدها

تحجي ويانه والجهال كاعدين نص بالدوام والروضة
ونص موجودين صار صوت طلق فزعنا عمتي طفرت

حسيت البيت راد ينهجم علينة الطلق صوته عالي وبنص بيتنه
دخيلك ربي طافرنه كلنه كمت ارجف

عمتي لفت شيلتها ومدت رأسها لزمناها
أميرة : دخليييي عمة تحجين صدك..

ام إحسان : وج يمة خل اشوف منو..

شيماء : ششوفين عمة بس خل يهدأ الوضع..

عفت شيماء تحجي وياها ركضت
اخذت تليفوني خابرت إحسان

اميرة : إحسان الحكنه البيت اتزرف بالطلق..

جاي يحجي وياي
واسمع صوت رانسي صياح
سديته منه وصعدتلها اركض

طبيت للغرفة لكيتها حاطة المخده ع اذنها وتصيح وتبجي
ودافنه روحها بالجرباية تمددت يمها واني اهدي بيها واحجي ايات برأسها
نسمع صياح زلم برة شوية وسمعت صوت
الولد وضرغام عرفتهم اجو نزلت لجوة وسديت الباب عليها

نطكطك ب أدينا من الخوف متت من الخوف نص جهالنه بدوام
وخاف يرجعون ويصير شي حسيت الدم نشف بيه
الأصوات علت كلش واحد يرفع واحد يكبس ومنعرف الموضوع شنو

ضرغام :امشي لك اخذو جلابكم وروحو من هينة كبل ماخلي
سلاحك التزامط بي براسك وبراس اخوك..

إحسان : لا عبالكم نسكت شايف هاي العملة مالتكم الا ابيتكم بسجون
يصير خير وياكم..

__ اخوي وينة ليش مختفي نعرف بيكم تردون تاخذون حقكم..

ضرغام : أنت ليش ما تسلم ع نفسك ليش تخليني اعدمك العافية
وامشي دور اخوك الجلب بعيد..

__ضرغام أنت لا تدخل احنه جاين ع إحسان واخوته
انت شعليك..

إحسان : وهو واحد من اخوتي..