#وكر الأشتر

البارت الخامس عشر

البارت الخامس عشر
رواية .. وكر الاشتر
بقلمي.. نور سمو العراق

💔💔💔💔💔💔💔💔💔💔💔💔💔

- فليكن حُزنك في قلبك ، ولا تجعل أحداً يشفق عليكَ
• موجوع قلبي | ⌯

..............................

ارتعبت من شفته ياربي هذا شياكل ثيران شضخمه شكبره راسه جنه سطل وكرشه واكع بين رجليه وصدره مترهل يع يلعب ستين نفس وانوب عملاق بطول الباب مثل الثور حشا الثور

لازمله سجينتين وهو يشخط بجسمه ويصيح وسكران ويحجي وهو يتمايل العالم طفرت كلها منه سكران يخافون يكتلهم واضح شارب العرگ بالقندره لان يحجي كلام خيطي بيطي

صاح بصوت عالي وهو يتهدد... كلكمممم ساقطييين بس الاشتر شريف

رجع كمل ... كلكم زباله بس مرة الاشتر تاج على راسكم وراس الخلفكم

اني من استغربت وخفت هذا شبي يغلط على العالم ويمدح بيه وبالاشتر هو منين يعرفني

انوب يغلط عليهم محد يحجي وياه العالم تخاف منه مدري شبيهم واكف بنص المنطقه والعالم ناس تباوع من فوك وناس من الباب ومحد يفگ حلگج وينطق

رجع كمل وهو يتهدد ويشخط بجسمه بالسجين ... مرة الاشترر تاج وعلم بيرغ نهوس بي كلكم خدم الها

رجع وهو يصفك على صدره وحط ايده على راسه بفخر ... اختي وعلى راسي .. وراسي جوه نعالها ونعالها جوه راسي واني جوه نعالها

انوب لزگ بنعالي يا الله كرهني بروحي وبنعالي

رجع كمل وهو يتطوطح جنه عربيد ويحجي بعصبية... منطقه وين الساقط بيها منطقه كلها سفله وحراميه منطقه كلها زبايل من حشا الاشتر ومرته .. ويرجع يحط ايده على راسه ويكول على راسي

تقرب من بيتنا واني انهزمت اركض دخلت بالمطبخ عبالك غوا وهجم على البيت اسمع بي يدگ بالباب بثنين اديه فلشه تفلش وهو يصيح ... هذوول بيت الشرف هذول الله مبارك بيهم ذول هم الربوني افتخر بيهم

لطمت على خدي بعزا... هلا هلا انوب شلون تربيه يا الله بس لا يدخل عليه بالقران اموت وين اختل وين انهزم امداني ما قفلت الباب بالسلسه احتركت عشيرتك الاشتر وين رحت لا يهجم عليه هذا الغول

رجع صاح بصوت عالي... وييينك الاشتر الاشتررررر تاج راسي

اردف بسخافه.. خليني احجيلك على كح .. المنطقه كلهن مو شريفات منين ابدي من شوشو من مومو زبالة الزباله كلها ... ووو

كعد يقسم بكلام ما ينلبس عليه ثوب والله يعني ما اعرف اهل ذن البنات شلون ساكتين عليه انوب مو هيج فشار بفلس ويذكر اسامي عزا شكد عيب طلع تاريخهن كله

وبعده يهطر بالباب بكل قوه زلزل البيت تزلزل هو مو يتعصب يخلي حركته بالباب رجع وهو يكول... شلون كواو... مسوين روحهم شرفاء كالو دوحي سطه على بيت الاشتر وباگ الماطور

رجع يدفر بالباب ما حسيت الا بنهيار فضيع صار صرخت واني ابجي وحطيت ايديه على اذاني وختلت بصف الكنتور وكعدت وغطيت بالبطانيه ايقنت الباب اعلن عن انهياره و وكع

ظل يصيح... تسجني ولك اشتر تعاقبني وتحبسني وعايد ياخذ فلوسي كلها لان حافظت على بيت بسيطه وينك تعاااال واجهني

حجيت بيني وبين نفسي هذا سكران لا يدخل عليه ويمردني عبالك غرفه وتمشي انوب طلع دوحي الحرامي يمممه وين راح هذا والله موتني

كاعده وارجف وابجي اخاف على ساعه يهجم عليه دوحي ويغير رايه ويطلعني مثل شوشو وربعها والله انوب يروح يتذكر سالفه ويه الاشتر ويهجم عليه بعد هو طل يتذكر السوالف التعبانه

بعدها حسيت بهدوء تام بس مطلعت ابد مطلعت خفت كاعد بالبيت مر تقريبا ربع ساعه واني كل شويه ومتخيله سالفه

حسيت بخطوات بالغرفه ظليت اطكطك كلت دخل دوحي راح يموتني والعباس يجعصني سكران ميدري بروحه ظليت اشهك بصوت مسموع واني انحب ... اريد امي والله ما اتحمل اعيش هنا

حسيت بايد قبضت على زندي صرخت بصوت عالي واني ارفس برجليه... لاااا لاااا عووووفني ولج يمه والعباس مالي شغل هو الاشتر كال العايد احبسه روح اذبح اشتر وعايد

جنت دافنه وجهي بالبطانيه وما اريد اشوفه بس العلع صاح بيه بصوت عالي... سوووولين كومي اوكفي ولج

هدئت من ثورتي بعد ما عرفت هذا صوته باد حيلي وما كدرت اوكف على رجليه وجع براسي مو طبيعي هاي بس اتعصب وابجي راسي يموتني من الوجع

كال بصوت متعصب.. شبييييج منو مفلش الباب احجيييي

رديت عليه واني ارجف وكوه اتنفس .. دو دو دوحي هجم على المنطقه وظل يغلط ويفشر ويسب وطالعها كلهن كح.. بس اني الحمدلله كال عليه شريفه وهو كسر الباب وفلشه

عض على شفايفه ونفخ بضجر ترك ايدي وتركني ومشه ركضت وراه واني اصرخ واصيح... تعال انت وين رايح اني مليت منك تعبت يوميه سالفه يوميه مشكله طلكني ما اريدك انت رجال ما مشاكل اني ما اتحمل مشاكلك

دار وجهه عليه وهو يرفع ايده راد يضربني بس تردد كال بقمة غضبه.. وخري مني لا اشوهه وجهج

وكفت مصدومة من كلامه يريد يضربني شكد حقير وكلب هاي لان حجيت الصح هيج صار صاحب الحق اي شترجه من واحد مثله اكيد يضرب ويغلط وكل شي يسوي واعرف ساكتلي بمزاجه

ضجت من عاط بيه حيل وانهضمت والله شنو هاي بس والله اذا هيج خلي يطلگني ما اتحمل اني هيج

سمعته يصيح ويغلط طلعت اباوع من الغرفه شفت الباب واكع وهو لازم دوحي طايحله كفخات مع العلم دوحي اضخم منه بس صاير دجاجه بيد الاشتر وهو كل شويه وركعه على راسه وهو يصيح عليه.. لك شلون بله والله متت منك يوم بايگ الماطور يم كاسر الباب شلون بيك ما تگلي جنج عجل لو اذبحك تاكل بيك المنطقه شهر كامل وانت لا فهم ولا علم مثل الكديش

دوحي وهو يبجي ويعوطر بحلگه.. والله بعد ما اعيدها والله

رد عليه الاشتر بغضب وتهديد.. باجر الصبح اذا كعدت ولكيت الباب مموجود اعلگ مكان الباب

جاوبه وهو يشهك من البجي ... لا باجر الحمه اجيب لحيمجي ويلحمه

رد عليه الاشتر بانزعاج... لا جيب باب جديد هذا الباب تعبان ويشوفلك واحد يعلگة وبطل تزعطط ورعونيه عمرك صار ٣٥ سنه بعد شكد يصير ما نعله على شرفك

عافه ودخل جوه وهو يفور ما باوع بوجهي بس جان مخلي ايده على خصره ويمسح بجبينه بتوتر قلقت من شفته هيج هو دائما جان زين بس اليوم مدري شبي احسه متوتر وعنده سالفه

طلع موبايله وهو يتصل شويه وتكلم وهو يكول.. حجي اديب موجود اريد اجيك مختنك

اردف بهدوء ... يله جايك

تخبلت من خله وطلع وعافني اعاني الوحدي والملم جروحي صدك هذا ميستحي وحقير وكلب شلون هيج يعوفني والباب مهجوم و واكع ما يخاف عليه

بجيت بصمت مطبق .. اي حقييير حقيير عرفته مثل ابوي من ضحك على امي جان زين باول بدايه ومن شافها انصاعت اله طيح حظها

لا والف لا والله مو اني الي يطيح حظي ويستغلني واني مو مثل امي مستحيل اصير مثل امي وارضا بهيج وضعف

استغربت بعدها الباب مفتوح و واكع شعجب ما خاف انهزم من البيت وهو يعرف اني باقرب فرصه انهزم بس وين اروح

مشيت خطوات تحت ظلام دامس و وكفت يم الباب المنهار مديت راسي دا اباوع اشوف شنو الوضع وما اشوف الا واحد تقرب مني وهو يحجي بهدوء.. محتاجه شي اختي

كمزت من مكاني وعطت عيطه يمكن فززت شوشو و من دون ما اباوعله طفرت طفره للغرفه واقفلها واخلي دبة المي ارو المتروسه واكعد ظليت ارجف وانحب

شكد حقير وكلب شلون مخلي عليه جلاب حراسه اي مو اني كلت مستحيل يعوف الباب هيج ويروح يخاف انهزم منه ولك والله لو اكو فرصه انهزم باليله ظلمه ولا اظل يمك

...........................

رنا ...

ظل بالي يم البنات خطية ليل نهار أفكر بيهن شون حالة عايشين والله وجههن فاهي من بعد امهن وسولين ، انوب بعدهن صغار وجيهان تعبانة وفقيرة حييل وافيان بس لسان وخالي اخخ ياخالي دمرهن وعذبهن وهن صغار وحرمهن من أمهن و أختهم خاصة سولين جانت مثل الخيمة عليهن

من صدك بالي بقى مشغول بيهن ، سمعت حارث يخابر بالهول رحت كعدت يمه ختم المكالمة كتله مو عبالك تحجي وي  كريم ؟

باوعتله صفن يكلب بالقنوات مال التلفزيون خطية عبالك عقله مغيب من تزوجت سولين لهسه
همست لروحي الله يعينك ياخويه ...

اخذت تليفوني وراسلت  كريم جان نشط من قبل دقايق ...
كتبت هلا بالعم شلونك اليوم فتحت الشباك الصبح شفت بغداد كلها منورة طلع هذا نورك جانت بغداد ظلمه

فتح الرسالة وصار مرئي ورى ثواني وصار يكتب
وصلت رسالته كاتبلي ضحكة طويلة
هههههههه شلونج رنو

جاوبته الحمدلله اني زينة الحمدلله على سلامتك  زين مو؟

رد ... لعد شبيه

كتبت ههههههههه

جاوب شنو اخبار بنات عامر ؟ ماعندج خبر عنهن ؟

كتبت إله والله حالتهم حالة شون ممكن يكون وابوهم خالو عامر وانت تعرفه كولش زين اني البارحة  رحت يمهم والله طلعت مقهورة منهم

كتب شعجب خالج ماطردج من رحتي ؟

رديت لا هو مموجود غير لو موجود يطردني بس هو هذا صديقه ابو سعدون بالمستشفى وباقي يمه

انتظرته يكتب .... بعدها وصلت رسالته
حلوو خوش فرصة اجيج نروح الهن

كتبت اي والله كريم كلش محتاجات مساندة

رد تمام حضري نفسج نروح ... واتفقنا على الوقت

ختمتها وياه رحت ترخصت من حارث وماما حتى اروح
ماما كالت ديري بالج من خالج يوم لا كولش تخف رجلج عليهم هم اخاف عليج اني

جاوبتها واني اخلي ايدي على كتفها لتخافين ماما خالو مموجود ببيتهم مو كتلج بالمستشفى

خلت ايد على ايد ميلت راسها
وكالت بالله اجه على غفلة شسووين تختلين بالكنتور يمه خالج خطر ويكرهنه

بنبرة اطمنها بيها كلت اي اي راح اروح وي عمو كريم وارجع لتخافين عليه ان شاء الله ميجي خالو
وكملت بقهر وتوسل والله خطية البنات

رفعت ايدها تدعي الله يفرج عليهن شبيدي يربي عليهن

اي والله مابيدنا شي غير نروحلهن ونطمأن عليهن

عفت امي ورحت غسلت وغيرت ملابسي وانتظرت عمو كريم يجي عليه ، خطية رغم هو مصار هواي من اجه من السفر بس بسرعة قرر يستغل فرصة انو خالو مموجود ونروح للبنات نطمأن عليهم نحسسهن احنه وياهن ومو لوحدهن ..

اندكت الباب راح حارث فتحها ، طب كريم سلم علينا
وبقى هو وماما يحجون بموضوع خالو عامر وبناته
وبعدها انطلقنا لبيتهم ...

بالسيارة كتله بس لا نصادف خالو هناك

رد انت كتيلي بيا مستشفى؟؟

جاوبت بمدينة الطب ..

طلع تليفونه وصار يخابر وظل يحجي بدون مااسمع الطرف الثاني شنو يكول

كال هلا حيدر شلونك ... ؟
تمام الحمدلله والله اجيت البارحة ، حبيبي تسلملي هلا بيك
اكلك حيدوري تعرف عامر ابن عمي مو ؟ اي اي ويه صديقه هاا شفته من اجه للمستشفى اليوم الصبح مو ؟
تمام لعد اذا شفته ديطلع بلكي تلهي لبين ما اكلك حتى لو تعتقله عادي هه

اي اي عاشت ايدك ، جكارة ، استكان جاي سالفة منا ضحكة منا هذاا هو
وبعدها ظل يضحك  كريم واني هم ضحكت ....

باوعلي وهذا خالج تخلصنا منا وصاحبه الزفت وياه ..لتخافين

مسحت جبيني براحة اااف همزين وهسه اخابر ماما اطمنها ...

وصلنا لبيتهم نزلنا من السيارة، دكيت الباب واتلفت
كال شبيج خايفة مو كتلج خالج بالمستشفى

وراح قبلي دك الباب جاوبته والله مو بيدي تعودت كلما اجيهم اخاف والله خالو مرعب الله يساعد البنات عليه ...

دك الباب مرة ثانية و طلعت افيان ، خطية تفاجئت وفرحت بينا وسلمت على  كريم وفوتتنا جوه ...

كعد  كريم سألها جيهان وين ؟؟

.........................

سولين

جنت امشي بضريح الامام العباس عليه السلام واني تلفت خايفه جنت مهزومه منه وطالعه واحتميت منه بابو فاضل يخلصني منه ومن ابوي

واني امشي وطلعت من الضريح اخذت طريق طويل من الاسفلت ومنا ومنا اشجار لمحت طيف امي وهي تمشي وبعذاب وكل شي مسلوب منها ولابسه ملابس فضفاضه وتمشي بين جموع الزوار

صرخت بصوت عالي واني اركض عليها ممصدكه امي مو ماتت هاي امي عدله تمشي ما بيها شي

جانت تمشي واديها على بطنها وبيدها ولد من شافتني تركته وهو ركض بمكان بعيد فتحت اديها اليه واني ركضت الها اركض واحس الطريق ما يوصلني حظنتها واني ابجي بحظنها وابوس بيدها وابوس برجلها ارجع ابوسها واشبع انفاسي من عطرها وريحتها الحلوه

احتظنت وجهي وهو نمسح دموعي وترجع تحتظني الصدرها

شهكت و راسي بجانب گلبها... يمه هذا الصار بيه يكيفيج ؟؟ يمه ماتت ضحكتي قتلوني يمه حكموا عليه بالاعدام حرموني من اخواتي
يمه عشت ويه شياطين وعبالك صرت وحده منهم صرت اشيل نفس صفتهم وينج عني اخذيني وياج

باوعتلها والدموع تتطافر من عيوني مثل المطر .. يمه عايشه بحفرة من نار تنهش بجسمي وتموتني

بالحظات عم المكان بالهدوء واني اشكيله صارت الشوارع هادئة وخاليه من كل مظاهر الحياة لا اصدقاء ولا غرباء محد بس اني وامي

لزمت اديها وتوسلت بيها ترجع وتحتويني اني واخواتي بس هزت راسي برفض وما قبلت ترجع

ورجعت باوعت للسما ملبده بالغيوم ولونها رمادي الجو فجأة صار كئيب ورجعت باوعتلي وعيونها كلهن هم وحزن

ابتعدت عني وغرست اضافرها بلحم ايدها الهزيل وخلت وراحت مبتعده واني اركض وراها واناديها بعدها حسيت تقيدت مقاومتي وما كدرت امشي خطوه وحده درت وجهي وشفته هو الي مقيدني

فزيت مرعوبه من حلمي المشؤوم جنت بوظعيه رافعه راسه للسگف والبنكة واكفه وثابته بمكانها شديت على شفايفي بحسره والدموع ماخذه مسار على خدي جان حلم تمنيت لو واقع الزم بذيال ثوب امي وما اعرفها

زارَتني فقيدتي حلماً ومن فرط الشوق لم أعد اطيق العوده لواقعي فأهرب لنومي لعلَّ الزيارة تتكَرّر

وكفت ولبست نعالي وجاكيته انطاه الي هو لان بارده حيل فتحت الشباك شفته كاعد هو وحجي اديب بالحوش على الكرويته الخشب ويشربون جاي والتيل بصفهم( عمود الكهرباء)

سمعت حجي اديب يحجي وياه يكوله .. بويه حتى لو تنهزم عادي الهزيمه للشجعان لان الجبان اصلا ما يخوض معركه واني اعرفك سبع وعربيد ومو اي عربيد لا ذاك الساكن سيد دخيل

صفنت شديحجي الحجي اني دائما اشوفه كيوت وحلو بس طلعت عنده مصطلحات لا ترضي الله ولا عباد الله

رد عليه الاشتر وهو يحرك اصبعه على اطراف استكان الجاي بجمود.. ما اعرف صار اكثر من ١٦ سنه واني على هالوضع تعبت وكل شي ضاع من ايدي واني اريد بس اخليهم تحت جنحي

حجي اديب وهو يطبطب على كتفه.. ان شاء الله اعرفك سبع وما تسكت عن حق وانت تربيتي انت اعز حتى من ولدي

اخذ ايد الحجي وهو يبوسها وتنهد وملامحه ما تعبر عن شي فقط الجمود .. انت تچايتي وعكازتي واحزام ظهري انت السيف الاحارب بي ضد اعدائي

ضحك الحجي ورد عليه.. صاير مؤدب لسانك مو زفر مثل قبل

الاشتر بضحكه استهزائيه.. ههه صرت رجال

حجي اديب تعصب.. رجال وغصبا عن الكل مفهوووم

بلع ريكه وهو يعض شفته... اذا ما اخذت حقي اطلع عار وستين عار

حجي اديب.. احسك مو على بعضك هالايام شبيك احجي فضفض

بلل شفايفه وطلع جكايره ديدخن ضربه الحجي على ايده كله .. مو كتلك بطل هذا السم وبوجودي لا تدخن

شمر الجكاره بعد ما كسرها الحجي رد عليه .. هسه شلون ما تحجيلي شبيك شكو شصاير

رد عليه.. ماكو شي

تعصب الحجي.. شبيك احجي

تنهد وجاوبه.. مره نصحتني واخذت بنصيحتك كلت كثرة الكلام يوكع بالغلط مو صح ؟

الحجي.. افا وتظم عليه صدك انت واحد سافل

الاشتر بغرور.. اشكرك

الحجي .. شلونها مريتك

ضحك بسخريه.. ههه شلونها لسانها اطول منها

حجي اديب.. والمره شعندها غير لسانها خليها تثرثر الوحدها ولا تاذيها

جر نفس فتح اديه سندهن على الكرويته ورخه ظهره كله.. مخليها مخليها

الحجي خله وراح وهو وصلاه الباب الدار

صدك دوحي جابلنه باب جديد يخبببل يخبببل من هذا المنقش وصبغه ذهبي واسود شويه طلع وجهه البيت

من شفت الحجي طلع اني طلع وهو رجع يدخن ويرجع ليوره عفته محجيت وياه ولا استفزيته

كال بهدوء...تغديتي

رديت بنفس هدوئة ... اعتقد ما يهمك شنو صاير حنين اول بارحه عفتني لوحدي واني مرعوبه بالبيت وطلعت وهسه تسأل تغديت اول لا بصراحه ما احب الناس الي بوجهين

مسح وجهه بتوتر و رد عليه..اكيد امج جايبتج وهي تتعارك ويه عامر لان عقليتج مال وحده خبله ولسانج مال دلاله

تعصبت من كلامه .. صار كلام الحق يضوج والله ما عاجبك ذيج المحكمه وطلگني

ابتسم بسخريه.. ههه محكمة گلتي مو؟ يا محكمه اصلا معاقدين محكمه

عقدت حواجبي.. يعني مالي حقوق ؟؟؟ يله بعد احسن هو انت شعندك غير هذا البيت ابو الجرابيع واصلا اني متنازله الك عنه اوووع

هز راسه باسى ومجاوبني ونفسيته زفت روحه بخشمه مدري شبيه

بعدها شويه مسح وجهه بتوتر ورد عليه كال... باجر اروح عندي شل اظل عشرة ايام واجي

جاوبته .. تمام اوك روح بس وديني الاهلي خوما اظل هنا وحدي وهاا لا تكول ابوج ما يقبل تكدر تجبره وتأمنه عليه

باوعلي بطرف عينه وشرب الجاي بارد كال.. لا تظلين هناااا

وكفت مفزوعه ... شنوووو شنووو بله عيد ما سمعت شكلت بله وين اظل

وكف وهو متعصب وجرني من كتفي كال بتهديد.. روحي طالعه من خشمي لا تظلين تتعقلين فوك راسي

دفعته بغضب وعيوني كلهن دموع ... شنو اتعيقل اشو انت مو منطقي والله اذا هيج روحك ما تتحمل طلگني

رفع حاجب وباوعلي كال... اكو ملابس بالغرفه اكويهن خاف باجر اروح

تخصرت بعصبيه... لا والله اشتغل عندك ما تكويهن انت

ما حسيت غير شعري تكطع بين اديه وهو يحجي بفحيح شيطاني... اتقي شرررري كتلج واصله وياي لراسي لا تستفزيني لا بالقران اجيبج براشدي اطفي عينج

صفنت ثواني واني مفهيه عليه بعدها رديت بغضب .. طفيها اييي طفيها والله انت مثل ابوووي والله لو تموتني ما اكويهن ولا اسويلك اي شي اسلوب الجبر ما احبه وعادي متعوده على الكتل اكتل ما اهتم

حط ايده حدر حنجي ورفعه وهو يباوعلي هجم على شفايفي بكل قسوه عبالك واحد عطشان وره نفسه من الخوف والرعب والصدمه رجليه ما عانني و ارتخت واني ادفع بيه رفعني من خصري وهو يكمل طريق السبيل اله

صرخت واني ابجي ابتعد شويه وهمس عند شفايفي ... تكويهن لا اتجرء اكثر

فتحت عيوني مصدومة والدموع سوت شوارع بوجهي مسحت شفايفي حييل ورفعت اصابعي بتهديد... لا لا تتقرب مني لا تسوووي هيج اني ما اريدك ما احب

رد ببرود .. تمام صيري حبابه ومن اكلج على شغله سويها لا تتفرعنين وتتخبلين واني زوجج والي حق عليج زين مني وساكت

واكتشفت .. انتي ينرادلج جم بوسه حتى تتادبين لان اني ما اتعامل وياج بالتكفخ مو اسلوبي

شهكت وابجي وحالتي حاله .. شكد مكروووه ليش هيج تستغلني

رد بغرور.. روحي اكويهن لا ابوسج

مشيت خطوات دا انهزم ولزمني حطيت اديه على شفايفي باسني بركبتي صرخت... عووفني عوووفني بالقران اكويهن

ابتعد عني وضحك بخبث.. يله سباعيه

دخلت الغرفته وكويتهن واني اغلط عليه البربري المجنون المسودن ان شاء الله تنتل بعمود الكهرباء واكعد اتشمت بيك شكد مكروه

دخل للغرفه كال.. راح اخلي واحد من اهلي يكعد وياج

من دون ما اباوعله جاوبته .. عشتوو واخيرا راح نشوف امك

رد عليه بغضب... الصمي حلكج

سكتت ما الي خلك مشاكل وهو يحب المشاكل شلي بوجعة الراس انوب يرجع يعتدي عليه هسه اسبح بديتول ليش يبوسني

كويتهن وكملتهن وانطيتهم اله وادخل للغرفه واسدها بدبة المي ارو واكعد وابجي كله من وره ابويه زوجني اله من اعرف شنو ما شنو انوب يريد يظل عشر ايام هناك

اي همزين عاد نفتك بلكي تطلع امه حبابه وتعزمني منه يمكن هسه خالي بشار رجع وها ارفع عليه دعوه اكلهم بس يكفخ بالوادم واسولف عن ساهر ودوحي وعايد وتحسين والله ذبوا اربعه ارهاب ان شاء الله يارب صار عندي امل

اي لازم استغل امه وافرج رجليها واطلع نفسي مظلومه وابنها ظالمني بس صدك ظالمني من اجيت لحد الان بس هبطات انوب عود اني بشهر العسل بشهر النعل مو عسل

المهم والله اشوفلي محامي زين يلعب بي لعب وامه تشهد وياي واخليهم كلهم بالسجن تحمست اشوف امه

هههه خرب شكد حيه اني

......................

جيهان ..

اندكت الباب وطلعت افيان تفتح تشوف منو ...

لشويه واسمع صوت عمو كريم... حسيت الهوا دخل لريتي فجأة وانتعشت ، جنت بالغرفة واسمعه يسلم على افيان ، مرت ثواني وسمعت اسمي بلسانه ، تلذذت بشعوري بلحظتها ، شعور ماينوصف ، مابين لذة وحرمان ...

سمعت صوت افيان طرش اذني ووينج جيهان تعالي عمو كريم يسال عنج

تغير شعوري فجأة خجل وحيرة ، شلون راح اطلع شلون راح اسلم شون اسيطر على دكات كلبي واني اسلم عليه يا ربي أتمنى الزم قلبي بيدي واهدءه

ظليت الف حجابي وارجع افتحه من يم رقبتي وارجع الفه . لشويه دخلت رنا كالت يله وينج تعاي كريم  يسال عنج

سلمت عليها وبوستها مرتبكة ، جرتني شبيج لاتستحين شجااج

طلعت وياها احس نقذتني استحي اطلع لوحدي ...

شفته كاعد عالكرويته ، صرت ضايعة بين نظراته وعيونه شعره وهيئته كلها وابتسامته ست اشهر ظالمة حرمتني منه ...

سلمت عليه ابوك نظرات اشبع عيني من شوفته ثواني وارجع ادنك والملم دكات كلبي المبعثرة ...

كعدت بعد ما سلمت عليه واجت افيان جابت جاي قدمته ظل يسولف ويانا ويسال عن احوالنا ويوصينه

واني فصلت عن العالم كله ، محتارة بعيوني الي تريد تاكله بس اجبر نفسي وادنك ، لو كلبي الي يريد يطفر ويحضن كلبه

بعدها انطانا فلوس قدمها اليه بس اني ايدي ترجف ماتعيني اخذمنه ، من شافتني تاخرت افيان اخذتها من ايده

كال هاي فلوس واني ان شاء لله مااتخلى عنكم بين فترة وفترة اسال عنكم

من يمي بعفوية كتله عمو سولين

كال لتهتمين ان شاء لله اوصل الها واسال عن احوالها جيهان لتخافين

اني صفنت بحروف اسمي الي ينطقها بلساني احسها تناغي روحي ...

كال ديروا بالكم على نفسكم انتوا لبعض هسه

جاوبته بتوسل عفية عمو حاول تطمأن على سولين

كال اطمأني جيهان اني عند وعدي اوصللها ان شاء الله واجي اطمنكم عليها واخليكم تتواصلون وياها

دنكت هزيت راسي همست ان شاء الله...

بعدها ترخصوا هو ورنا وراحوا ...

.... كعدت صافنة وافيان كبالي تحسب بالفلوس
تحجي ويايه باعي شكد انطاني فلوس خطيه عمو كريم ... اخذت غيبته ذاك اليوم هههههه

دغتني بعكسها بخاصرتي ووينج ووين صفنتي

جاوبتها بلا وعي هاا كريم

فتحت حلكها شبي كريم

رديت اصحح خطأي قصدي بسولين

باوعت بعيونها وارتبكت وهي رفعت حواجبها تريدني اكمل

خليت اديه على وجهي افركه ....

وهي تقربت مني اكثر لزمتني وخرتها مني احسها حست بيه

سألتني ليش احسج تحبين عمو كريم والله منتبهة عليج حتى من تكولين إسمه مدري شلون تكولينه

جريت نفس وقررت اعترف الها ...

افيان اني احبه اي والله احبه

كرصتني بفخذي ولج من شوووكت

رديت عليها سولين تعرف

واني بنت البطة السوودة ؟ ليش ما اعرف

رجعت خليت اديه على وجهي افرك بي توترت
اباوع لمكانه هم يجي يوم ويحس بيه !

رجعت افيان دغتني من كل عقلج ولج ؟

هزيت راسي وكتلها رايحة اصلي ...

غمتني وراحت

......................

صفاء...

جنت كاعد على نهر الفرات نازع نعالي وكاعد عليه ولازم بطل عصير راني وبسكت محشا واكل ميت من الجوع وظال متشتت

دائما احب اجي اكعد هنا استمتع بالاجواء وافكر اتصل موبايلي شفتها هدى ما اعرف ليش ضميري يانبني عليها ولو هم حقراء ميستاهلون بس شسوي ضميري صاحي

فتحت خط وجاوبتها بهدوء.. هااا هدى

جاوبتني بدلع .. صفاء لك عيني ماما تريد تزوجني لابن خاله واني ما احبه شوكت تخطبني

جاوبتها بارتباك.. هااا اي اي إن شاء الله

ردت بدلع وصوتها ينعوص.. يله باي احبك

قفلت الخط  وانتظرت الاشتر سمعت صوته وهو يكولي.. هاا صفاء

وكفت واني انكث بملابسي.. هلا اجيت هواي انتطرتك ماكو

ابتسم بجمود..جنت يم المره فهمتها واحد من اهلي راح يجي يمها حتى ما تنصدم

رديت عليه.. خاف عيب

ضحك.. لا مو عيب حبابه سولي

صعدت بالسياره بعد ما اخذني هو حجيت باحراج...اكولك الأشتر اخاف زوجتك تنحرج من وجودي وياها بنفس البيت

ابتسم بهدوء ورد عليه...لا متنحرج هي حبابه ما تگول شي

بلعت ريكي بتوتر...لا يعني يجوز تنحرج وما تحجي كدامي بس بداخلها تضوج يعني زحمه اكعد وياها بالبيت يجوز متاخذ راحتها بس متحجي..

باوعلي بنظرة واحد گوه مصبر نفسه كال...شبيك يابه صفاء لا تاكل همها كتلك ما تحجي شي ولا تنحرج ولا راح تحجي أصلا

سكتت محجيت جنت مخلي جنطة ملابسي بحضني وكاعد بالسياره شلون راح اعيش ويه وحده ما اعرفها انوب شابه اخاف تنحرج ومتاخذ راحتها ببيتها بس هو الأشتر من دخلني لبيته بس حتى ادافع عنها واحميها اذا هو ممتواجد بالبيت....

وصلنه للبيت استغربت البيت حيل تعبان ومقرف بصراحه بس فضلت السكوت ومحجيت شي...

هو فتح الباب ودخل كدامي ترأس الحوش الكبير صاح بصوت عالي ...سوليين

ردت عليه من دون ما تجي وصوتها صادر من المطبخ....بوجهك للسوك مسواگ ما عدنه الثلاجه تصوصي
I
باوعلي وهو يخفي ابتسامته بلل شفايفه باحراج ورد عليها...تعالي هسه عود بعدين نتفاهم على المسواك

ردت بحده وصوتها بي رجفه تحسها تتصنع القوه كالت...احجي منا اسمعك ترا مو طرشه وبعدين سني يوجعني وراسي موتني يعني بين قوسين ما الي خلگ الأي شي...

مسح على وجهه بتوتر وهمس بعد ما جر نفس...استغفر الله

عاط بيها بعدها بصوت عالي...تعاليييي ولج بت الكلب..

اجت تركض وجفجيرها بيدها ولابسه حجابها والمشكله مو هنا المشكله وجهها احمر ودموعها ماليه وجهها

انصدمت ...لااا استغربت ليش تبجي شنو الصاير معقوله اخويه ماذيها بس هسه الصار الموضوع مبي شي ما يستدعي للبجي ليش دموعها تارسه وجهها عبالك باجيه من اول ما دخل وسمعت باسمه

عدلت حجابها باحراج وأشرت بجفجير عليه بصدمة...منو هذا ؟ وشعنده داخل علينه ! هالدرجه انت صارت منو يجي يدخل بهذا البيت الفگر...

رد عليها ببرود بعد ما حضني واني حالتي حاله لازم جنطتي مال الملابس و واكف كال..هذا اخوي راح يكعد ويانه

هي تخصرت بغضب وبعدها الجفجير بيدها كالت....شنوووو شنووو عيد بلا زحمه ما سمعت ...شكلت منو يكعد ويانه لعد امك وين

جاوبها الاشتر بتنهيده.. ماكو امي صفاء يكعد وياج

اشرت للباب...اطلع بدون مطرود

رفعت عيوني و باوعتله باحراج عبالك ابنه وهو حاضني كتله. اشتر خليني اروح ما اريد اسبب مشاكل

رد عليه بحزم...خلي تولي ما الك شغل بيها تظل وغصبا على الخلفوها

عاطت بصوت عالي..والله ما يظل جايب مدري منو وجاي يكعده ويايه . شوف لو اني لو هو بالبيت وانت بكيفك واذا اختاريته هو اني اطلع من البيت...

تجاهل كلامها وحجه ويايه كال...حبيبي صفاء اختار اي غرفه اكعد بيها ولا اكولك اني اختاريت الك الغرفه الوسط شويه نظيفه

اشرلي على مكان الغرفه واني اخذت الجنطه جاي اروح وهي تخبلت ضلت تصييح ..خووووش ما دام اختاريت هذا مدري منوو اني طالعه

مشت خطوات وهو ركض وراها وسحلها وهي تصيح وتغلط لسانها شطوله تعجبت منها رغم فصعونه وصغيره ومو بحجم اخويه بس لسانها يعادل اخوي مرتين...

وتصيح. والعباس الا اطرده ما يظل يمي ما اريد واحد ويايه انت ما متحملتك مو انوب اخووك

سمعته كفخها وهو يحجي وياها بحدة...والعباس الحلفتي بي يكعد وغصبا عليج واريدج تفتحين حلكج بكلمة وياة لو جارحته بكلمة حتى الا اشك حلكج

ردت عليه بعصبية ..والله احجي وافك حلگي واريد واحد يحجي

سمعتها صرخت من اثر ضربه اخذتها منه بسبب تمردها وجموحها...

حسيت گلبي انعصر عليها رحت بسرعه دكيت الباب كتله...خويه الأشتر اكو شي اني راح اطلع

رد عليه من وره الباب. ماكو شي انت اكعد واسكت لا اطلع اكسرك وياها...

هي صاحت وكأنها تستغل الفرص....لا اكووو شي اكولك انت متستحي كاعد ويانه عيب عليك ترا

لطمها مره ثانيه وصرخت وهي تدعي وتتحسب عليه ..

فتحت الباب شفتها حاصرها على الحايط وهي تتهدد عبالك بمومبا وتيمون...ورغم ضياعها بين اديه الا السانها مغطي عن حجمها وصغرها..

بعدته عنها وحجيت وياه بهدوء. على كيفك خويه هدي شويه

تنفس بضيق ومسح على وجهه كال...موتتني ما تسكت اذا ما ربيتج فلا اطلع الأشتر

كعدته وهي واكفه الدمعه بعينها بس ثابته ما يهزها ريح رغم خدها احمر من اثر ضربته..سكتوا دقايق

رحت جبت مي انطيته شرب شويه وانوب انطيتها عاطت بيه ...ما ارييييد

جفلت بمكاني كلتلها..اي اي لا تردين

الأشتر تخبل شلون صاحت عليه وفززتني گام الها وهي من شافته ختلت وراي بخوف

لزمته كتله..عوفها بروح العزاز عوفها والله حتى لعبت نفسي ما اريد اظل هنا..

رد عليه بقهر...ولك موتتني موتتني خلتني حتى ويه ابليس تعاركت ...

كعد وهي واكفه بعد ما فقدت الامل بالمعركة الخاضتها لذلك هي قدمت شروطها...

كالت بحسرة...ما دام راح يظل شوف لازم يحترم نفسه

رد عليها الاشتر بغضب..هسه هو شمسوي شلون تريد اكوم الها مره ثانيه...

مسحت دموعها بقسوه كالت...اذا كعد اخوك يمنه لا احجي وياه ولا يحجي ويايه

شورت ميلبس كدامي برموده كذلك تشيرت صلوخ ماكو يلبس ملابس كامله ومحترمه ولا يضل يفتر فوك راسي...

سهرات بالبيت ماكو يجيب جماعته الهتليه ويكعدون يشربون ويدخون واركيله ماكووو...البيت إله حرمته اي تجاوز ما اريد

الأشتر جان مخلي ايده جوه حنجه ويهز برجله وهو يستمع الها واني مصدوم صدمة عمري

كلها الأشتر...وشبسرعه حكمتي عليه جماعتة هتليه

ردت بحقد...الكتاب مبين من عنوانه

وكف وهي تراجعت خايفه منه ...گلها ماكو داعي لكل هذا الذكرتي صفاء اعرفه شنو ولو ما اعرفه ما اكعده وياج صفاء تربيتي وأن شاء الله انتي اخته

ردت بسخريه..ههه عشتو گتلي تربيتك

خنكها بيده بغضب.. كافي ترا استفزيتيني

بعدت ايدها عنه مشت بسرعه وهي تحجي بامر... اريد انام لحد يكعدني

سحب نفس وزفره... والله موتتني شكد صلفه

جاوبته برجاء وفشلة.. يله ميخالف خليها اني متوقع ردة فعلها ترا حقها تجيب رجال يكعد وياها وانت مموجود وهي متعرفني اكيد هاي ردة فعلها

ابتسم وجاوبني.. بس ترا حلو هيج يعني البنيه مؤدبه ردة فعلها رغم قاسيه بس عجبتني يعني ما تقبل بآي شخص يشاركها خصوصيتها حتى لو جان اخوي معناها تخاف على نفسها بغيابي

المهم اريدك عيني هنا ولا تتركها واذا استفزتك سايرها وانطيها على كد عقلها هي شويه عصبيه

ضحكت... عمي لو تكتلني مو احجي المهم انت تكون بخير ودير بالك على نفسك

ظلينه كاعدين شويه نسولف وهي ولا طلعت انوب خفت منها هاي شلون وياها خاف تسويها وتركعني ببلوكة مو امان هالفرخه لسانها شطوله ولا تخاف واني اخوي هو وارجف منه

................... ....

جاستن

جنه واكفين بالباب اني وكريم اني ارش بالباب لازم الصونده وكريم واكف ديدخن يم سيارته كال.. باجر عندي دوام لازم اروح باليل

جاوبته.. دير بالك على روحك حبيبي اذا تريد اوصلك بس اخاف تحطني بصاروخ وتطلقني ههههه

باوعلي بطرف عينه ونفخ الدخان بوجهي

ما حاجيته يفكك متفجرات ما اكدرله لازم اتكفه شره

باوعت من بعيد شفت كوثر اجت تتمايل بمشيتها هي وصديقتها حلوه بصراحه هالصديقه بس ما تغرني غير رنا ما احب استحلتني رنيوه الحيوانه

جانت صديقتها لابسه قميص اسود مفتوح وجواه تشيرت ابيض ومخطط بعشوائية بابيض مدخلته بالبنطرون وشال اسود شويه طالع من الحجاب وبنطرون اسود ولابسه حذاء اوفوايت ومخليه مكياج ولابسه عدسات ما شاء الله كلش حلوه

سلمت كوثر علينه وحجت بمرح.. هاي صديقتي ايـــــــــو ويايه نفس القسم

رديت .. اهلا وسهلا هلا بايو زارتنا البركة ونور الشارع

ضحكت وردت بخجل.. شكرا بوجودك اكيد

كريم جان مرتجي على السياره ويباوعلها كلتلها كوثر.. هذا اخويه الكبير كريم

ابتسمت ونزلت راسها كالت.. اها تشرفت بعرفتك هلاو

جاوبه وهو يعدل وكفته.. هلا بيج الي الشرف

كلتلها كوثر.. ادخلي ادخلي محد موجود بس اخواني وبره ههههههه

ابتسمت ودخلت واني وكفت يم كريم وصوفرت... لك شنهاييي جنه المشمش والعرموط اول وكعته

باوعلي بنص عين .. انت منو تشوفها تغازلها ومن تجي يم رنا تسوي روحك امام جامع وانت سوالفك ابو لهب وهتلر ممسويهن

جاوبته بغضب.. ومنو ذول وتحطهم يم اسمي بابا اني التاريخ يشهدلي بحبي الرنا حتى مقرر من نتزوج ما ابدل بدلتها التاجرها تلبسها

كريم بنظره مستهزئة ...مسوي فضل هههه

تقريبا خمس دقايق وطلعت ايـــــــــو وياها كوثر حجت بدلع.. فدوه كرومي حبيبي خلينا اني وياك نوصل ايـــــــــو لبيتهم خطيه متندل منه وابو الهط وصلنه ومقبل يرجعها خطيه اخذت دفتر مدونات مني

جاوبها كريم .. اي تدلل تفضلن اوصلها

باوعتلها وهي تضحك... ايـــــــــو شفتي اخويه شكد حباب

ابتسم بلطف.. شكرا ربي يوفقه

شمرت الصونده كلتهم وياكم اروح اشمروني مناك على السنتر سيارتي مبيها بانزين

صعدت بالصدر وكريم يسوق وهي صارت من جهتي وكوثر من جهة كريم

مشه مسافه وهن يسولفن وهي ترد بلطف وصوتها ناعم وحلو وهادى عود مثل رنا جنها بقره تجوعر بس اظل احبها رنا جنها حنان الفتلاوي شكد تحجي وتلعلع هي مال برلمان ههههه

حسيت بكريم موجهه المرايه عليها باوعت من الجامه الي بالسياره من جهة الباب شفتها تباوع الكريم بنظرات عجيبه وحلوه وتبتسم وتنزل راسها وهو مبادلها النظرات

باوعتله بنظره معاتبه... انتبه للطريق لا نصير تشريب

باوعلي بس محجه ورجع يسوق وهي ابد ما نزلت عينها وحركاتها مثيره وتفتن وعيونها تلمع وتضحك بنفس الوقت عجيبه وحلوه

نزلت عن باب بيتهم جان بيتهم من الشارع يدل على ضخامته واناقته وجماليته ومبينين ناس شبعانين وعينهم مليانه واصلا منطقتهم من المناطق الراقيه والفاخره

تشكرت منه ونزلت تمشي بثقه ورجعت دارت وجهها علينها وسوت بيدها .. باي باي وهي تبتسم ابتسامه لطيفه وحلوه

مشينه مسافه كلتلها.. كوثر صاحبتج هاي حلوه ما شاء الله

ضحكت.. اي حلوه وحباااااابه اموت عليها ومن عائلة راقيه وناس مثقفين

كريم عقد حاجبه وبتردد سألها.. شكد عمرها؟

كوثر.. ٢٢ سنه

كريم بدهشه... هااا عبالي ١٨ ليش هي يا مرحله

جاوبته... اولى ويايه بس هي عندها رسوب بالسادس وهماتين السنه الاولى بالجامعه تركتها لان سافروا لتركيا امها سوت عمليه فتركت المرحلة الاولى وهسه كملت

رد عليها... هااا اي ان شاء الله خير

ضحكت كوثر .. ليش عجبتك

باوعلها من الجامه ورد عليها.. خوش بنيه مبيها شي

بعدها سألها بتردد.. هي مرتبطه

كوثر بنفي... لا ممرتبطه متحب هاي السوالف

باوعتله.. كتله نخطبها الك

ضحك كال..ههه الله كريم خلي اشوف اذا تقبل واسال عن اهلها ليش لا نخطبها

نهاية البارت ... يتبع

كونوا انتم كونوا بخير.. احبكم💔

نور سمو العراق 🇮🇶

باعوا بنات اليوم نشرت بارت لان صار لود على المتابعين بكروب الفراشات لان اني زغلطت وما نشرت يوم فعادلت النشر😁😁يعني باجر ماكو بارت واكيد تستمتعون ويه باقي كاتباتنا الحلوات

متابعيني بالواتباد كلامكم الحلو وتفاعلكم الي يجنن من بداية الرواية ينطيني حافز اكملها باكمل وجهه عنجد احبكم واميزكم واقره كل تعليقاتكم اني وابطالي🥺❤️

وترا سولين وكحه من هسه اكول الكم🤣

الاغنية المفضلة لبطلنا 🥺