ذكريات حفرناها داخل أعماقنا، وصورٌ حفظناها في عيوننا، حنين عظيم حبسناه داخلنا، والأشواق باتت، واضحة بكلماتنا، والحب لا يمكن أن نخفيه فينا.
الياس : ملاك !!
درات ملاك و شافت فيه تبسمت و قالت : الياس !! واش راك دير هنا
الياس : جيت على جال قضية سامي
طلعت حاجبها و ردت عليه : سامي و مين تعرفوا
الياس تفكر وضعها حمحم و قال : احم هي في حقيقة معرفة قديمة وزيد هند كي عيطت لايوب حكالي فقلت نجي نطمن عليه
ملاك : اااه ايوب هنا تاني
الياس : ااايه فتنا لمكتب صلاح و جينا كيفيكف
ملاك : اااه فهمت نروح ندخل هذوا لسامي و نشوف لا يخلوني نشوفه
الياس : اوك ادخلي نجي معاك
تبسمت معاه ملاك و دخلوا مع بعض في هذيك دقيقة صلاح خرج من مكتب و وجهوا مزير شوية وقف يحكي مع ايوب حتى لمح ملاك و الياس جايين كيفكيف زير على قبضة يدوا
وقفت ملاك عند ايوب و قالت : سلام
شاف فيها صلاح و رد : و عليكم سلام ملاك صفا
شافت فيه ملاك مش عاجبها حال خاصة بعد خطبة ايوب و شوفات لي كان يشوف فيها قلقوها سما دات نظرة مش مليحة عليه : ااامممم حمد لله .. واش هو وضع سامي !!!
صلاح : صراحة قضية معقدة و على حساب واش فهمني سامي و اعترافه ليا هو تاجر معاهم و لكن هذاك نهار كان رايح يصحح على وراق نهاية عقد لكن شرطة زدمت عليهم و قالك ملي نضن كاين شكون خبر عليه
حطت يديها على فمها من صدمة معرفتش واش تقول تنهدت و قالت : هذا صاك شوف معاهم يدخلوهلهم فيه حوايجوا و انا نروح درك خليت ماما وحدها في دار ..
الياس : اصبري حتى انا ني رايح نوصلك في طريقي
ملاك : اما
الياس : منقبلش اعتراضات دقيقة درك نجي استنايني برى
هزتلوا براسوا و هو راح لايوب : هات مفاتح طونوبيلتك و ارواح مع صلاح
ايوب : كيفاه انا و صلاح ففرد لوطوا
الياس : غير يوم خف مدلي ملاك راهي تستنا فيا
ايوب : ااااه قولي هكذا من بداية
الياس : هات لهنا وبلا هدرة زايدة
دا مفتاح و خلا ايوب يضحك عليه كان عارف ملي جا غير على جالها
الياس : ان شاء الله منكونش طولت عليك
ملاك : لالا
فتحلها باب و طلعوا
الياس : فطرتي !!
ملاك : لا مش في خاطري
الياس : اااممم اوك
دور طونوبيل و غير طريق ملاك نتبهت ... دارت شافت فيه : وين رايحين !!!
الياس : راح نخطفك يوم
ملاك قلبها رجع يضرب شافت فيه و هو ضحك : ههه نضحك معاك درك نروحوا لبلاصة هايلة راح تريحي فيها عارف ضغط و مشاكل لي دقوا بابكم فرد مرة
ملاك : اااه اوك
حطت راسها على تاقة و غمضت عينيها اما الياس فبين تانية و ثانية يشوف معاها يشبع روحوا بشوفتها قداموا شحال توحشها و توحش ريحتها عوام و هو يحوس عليها و كي لقاها مقدرش يقرب منها ..
ساعة و نصف و هو يسوق حبس قدام منتج سياحي كبير وسط طبيعة تنهد و شاف في جنبوا مزالها راقدة تقدم ليها و حط يدوا على شعرها يعدي فيها قرب خصلة منوا عند نيفوا يشم في ريحتها بنينة تبسم و رجعها لبلاصتها وهزها ينوض فيها
الياس : ملاك ملاك وصلنا نوضي
فتحت عينيها و شافت فيه: وين رانا
الياس : نوضي و انت شوفي
حكت عينيها تشوف مع تاقة شلال اونفاس ليها دورت راسها تشوف في مركب سياحي قدامهم
شافت فيه و قاتلوا : ااايه راح نقعدوا هنا
حركلها راسه : نفوتوا نهار هنا من بعد نرجعوا
تبسمت و قالتله : اوك
هبط هو و شوية و لحقاتوا وقفت قداموا و ضحكت : مكان خرافي تحسوا ياخد منك طاقة سلبية كل
الياس : كلما نكون مدايق نجي لهنا
ملاك : مليح ندخلوا !!
الياس : ااايه تفضلي
دخلت ملاك و هو وراها عند باب رحبوا بيهم مع علم صاحب مركب سياحي صديق الياس سو راكم تعرفوا كيفاه ترحيب يكون مختلف قليلا
(ملاحظة : لاادري اذا كان متوفر منتج سياحي بالمواصفات لي راني نذكر فيهم لكن حاولوا تتخيلوه حسب وصفي ليه قصدي كيما تخيلتوا انا)
*صاحب محل مهوش من شخصيات مهمة سو مراحش نحكي عليه*
امين : مرحبا مرحبا عاش من شافك
و راح ليه عنقوا
الياس : الله يسلمك خويا امين
امين : وشراك كيراها والدة و ايوب
الياس : حمد لله كل يسالوا عليك
امين : متعرفناش بالانسة
الياس : ههه ايه ملاك صديقة ليا
امين : متشرفين انسة ملاك
ملاك : شكرا ليا شرف
امين : اتفضلو ادخلوا
شافت في الياس تبسملها و دخلوا مع بعض
الياس : تحبي نفطروا قبل و نديك لبلايص شابين ولا عكس
ملاك : نفطروا قبل
الياس : اايه رواحي مالى
دخلوا لمطعم تابع للمركب سياحي جمعوا قدام حيط نتع زجاج تشوفي منوا جبال و هذاك شلال
جا نادل حطلهم قائمة خيروا واش يكلوا و سيد سكات موقف حتى نطلقت ملاك
ملاك : أحم الياس احنا منعرفوش بعض مليح و حبيت نتعرف عليك اذا معندكش مشكل
تبسم الياس و فرح و قال ممكن تتفكر شي حوايج : اكيد باه نبدالك
ملاك : منعرت ممكن حكيلي على عائلتك واش تخدم منعرت انا حابة نتعرف عيك اكثر
الياس : ااه اوك فهمتك.. انا الياس شريك ايوب عدنا شركة معمارية يعني
ملاك : ااوه كيف مجالي تصدق انوا شحال من عام و انا صحبة مع هند و جامي خممت نقسيها شا يخدم ايوب نعرف برك ملي شريك مع صديقوا بصح مكنتش عارفة ملي انت
الياس : ههههه المهم حمد لله يعني عندنا سمعة في سوق ناس كل تعرفنا و خدمة ماشية بنسبة لعائلتي اب متوفي و ام مزالها حية و انا وحيد عائلة
ملاك تنهدت و قالتلوا : ربي يرحموا ... كان مريض !!
الياس قعد يشوف فيها ممكن هذي فرصة تاعوا : لا تقلبت بيهم سفينة
فتحت عينيها ملاك و الياس قعد يشوف في حالتها تغيرت شك انوا تفكرت شيئ قعدت تشوف معاه و قالتلوا : وينتا صرات حادثة
الياس : قبل سبع سنين
شافت فيه ملاك مليح تحاول تتذكر تحس براسها يوجع فيها حطت يدها عليه
انتبهلها الياس راح ليها و حكملها راسها : ملاك ملاك !!
شافت فيه مش قادرة وجيعة راسها اثرت عليها : والوا والوا دخت برك
الياس : تحبي نروحوا
ملاك : لالا لباس درك يروح
تنهد الياس و قالها : راكي سور مبيك والوا ؟؟
هزتلوا براسها : ايه
حمحم و رجع لبلاصتوا و حتى حكات : ااامم الياس
الياس : وي
ملاك : حبيت نسقسيك وسموا باباك
الياس : سمير
ملاك ضيقت عينيها و قعدت تمتمت : سمير سممييرر
الياس : شبيك
ملاك : اه والوا والوا
الياس : اامم صحا هذا واش بغيتي تعرفي !!
ملاك : ااااه في حقيقية بغيت نزيد نعرف اكثر
الياس : ههه واش حابة تعرفي مثلا
ملاك : مخطوب مزوج عندك حبيبتك ؟؟
الياس : ههههه في ميزك
ملاك : منعرت
الياس : واحد عندوا علاقة مع وحدة يجي لهنا مع طفلة خلاف
ملاك ترسمت ابتسامة خفيفة على فمها : لا
الياس : مالى
ملاك : سقيتك هذا مكان
الياس : ههههه صحا
جا نادل حطلهم ياكلوا قعدت تاكل حتى هدر هو : حتى انا حاب نتعرف عليك
ملاك : واش حاب تعرف
الياس : كيما عرفتي انت
ملاك : اوك اسمي ملاك هذا عامي تالي في جامعة نقرى هندسة معمارية (architecture) حتى انا وحيدة عائلة بابا *سكتت شوية و قالت* متو..في
و صحبتي وحيدة هند هذا مكان
الياس : هذا مكان !!
ملاك : اايه
الياس : معندكش واحد في حياتك !!
ملاك : لا
الياس : في حياتك ما حبيتي واحد !!
ملاك : هههه لا
تمحات ابتسامة من وجهوا و قالها : مليح
ملاك : شبيك !!
الياس : والوا
ملاك هزت كتافها بعدم مبالات شي لي جنن الياس
الياس : اذا كملتي نقدوا ندربوا دورة خفيفة هنا ؟؟
ملاك : ااايه دقيقة برك نروح ليتواليط حشاك و نجي
الياس : اوك خودي راحتك
تبسمت معاه و راحت و هو تمتم : محبيت تاحد في حياتي 😒
.... يتبع
هاي زينات شابات تاعي بارت جديد نتمى يعجبكم
بارت جاي قوة قوة راح نحط فيه احداث هايلة بينهم و في بارت قادم ان شاء الله راح يحظر معانا كوبل جديد ..
توقعاتكم للبارت جاي
اي انتقادات او تساؤلات قولولي ...
فوت و كومنت منلقاش تفاعل منكملش كرونيك...
Par ikram