امنيه في ظلام الليل

Part 29

<بسم الله الرحمن الرحيم>

البارت التاسع والعشرون..

الكاتبه: زايا

-گمت واحس الباب اشوفه اثنين رحت دخلت للغرفه غمضت عيوني واحس حتى ايديه مابيه حيل اشيلها..

-احس اطرافي وجسمي كله منمل راسي احسه ثگيل وكلشي گدامي اشوفه اسود..

-نمت وشويه وفزيت ع طگطگة عزام گعدت رجعت شعري وره اذني اثاوبت واسترجعت بذاكرتي المريه الي اجتي اليوم بعد ما كلهم راحوا!!

-لحظه شلون نزلت من فوگ وهو الطابق الاخير بس غرفتين مخزن وبيتونه وباب سطح!!

-باوعت لعزام وحچيت بسرعه:- اكلك عزام انتو الطابق الاخير اكو احد گاعد بي؟؟

-لا

-لعد باوع هاي من رحتوا اليوم تعبت كلش فـ گعدت ع الدرج وشفت مريه..

-بعدني ممكمله كلامي واحس روحي راح تطلع گمت للحمام اركض تقيأت شكو شي ببطني..

-اجه عزام غسلي ومشاني للچربايه:- گومي اخذچ للدكتور امنيه انه الفجر نازل لبغداد مو مال اخليچ هيچ..

-هزيتله ايدي ورحت مددت راح للكنتور طلع عبايه شمرها عليه وگال:- بسرعه لبسيها..

-مابيه حيل تعبانه عزام..

-امنييييه بسرعه جاي اكول..

-گمت من لا چاره لبستها ونزلنا اني ويا سوه چانوا كلهم موجودين باوعت بيبيته وگالت:- ها يالصوص قبل شوي اخ وايخ ومالي خلگ اجي وهسه صار بيچ گوه للطلعه..

-مجاوبتها اني عزام گال:- حجيه مجاي اشوفها منتهيه راح اخذها للدكتور

-امه گالت:- اي والله يوم اخذها واوگع ع علتها بلكي نعرف شبيهه..

-ان شاء الله

-اخذني ورحنا الطريق كله هو مطلع قرأن واني احس گلبي يركض هالگد ما دگاته سريعه..

-لا إرادي لزمت وسديت المسجل.. باوعلي بدون ميحچي شي

-نزلنا للمستشفى انتظرنا لما وصل سرانه دخلنا چان دكتور عمره متوسط..

-بده يسأل عن اعراضي واكو اشياء اني اجاوبه واكو اشياء عزام يجاوبه..

-بقه صافن شويه وگال اذا انتي هيچ دتحسين وتشوفين تقيئچ بهالشكل معناته اكو خلل بالمعده..

-انطانه اسماء تحاليل وگال:- هاي لازم تسويها..

-رحنا سويناها وطولت يلا طلعت اخذها عزام ودخلنا للدگتور..

-شافها وعقد حواجبه بتعجب:- نظيفه ماعندچ اي خلل

-مجاوبته عزام گال:- اي دكتور والحل هسه شنو حالتها كل مجايها تدهور..

-گال خل اكتبلكم مقويات وڤيتامينات وعدها العافيه..

-اخذنه الراچيته وطلعنا صعدت بالسياره وعزام راح يجيب الدوه..

-اجه يمي واخذني بطريق مو نفس طريق البيت وگف السياره وعله ضوه السياره الخارجي..

-التفتت عليه بكامل جسمه لزم ايديه باوعلهن رفع راسه وگال:- انه اسف موني اسف اذا ضوجتچ بكلامي بس..

-مجاوبته رجع همس:- مااعرف شصارلي بوكتها وهيچ نطقت وياچ من نزلت يلا استوعبت انه جرحتچ ع شي ما يسوه..

-عادي عزام كلش عادي هي بقت عليك قابل لتخلي اي شي بگلبك احچي كل الي عندك وصدك ما ازعل عليك..

-لتحچين هيچ انه.. زفر نفس بصعوبه وگال:- امنيه انتي ما تعرفين بقوانين العشائر تدرين الي سويته انه شي ما اظن احد مسوي قبلي..

-شنو سويت؟

-امنيه انتي جيتي دخيله عدنا!! تعرفين شنو يعني يعني ولا واحد من ولد البيت يتزوجها.. الاااا في حال رجعت لأبوها وبذاك الوقت النا كلام ثاني..

-وابوچ الـ** الي لابد يوم يوگع بأيدي ولا اشلعله سنونه بقندرتي واندمه ع كل يوم اذاچ بي..

-بقيت مغمضه بتعب واستمعله فتحت عيوني ع لمست ايده لخدي وهمسته:- تعبچ تعبني والله..

-ليش هيچ بياضچ صاير صفار عيونچ لكبار منگرات مو حرام هالجمال انتي ضالمته بقوقعة حزنچ..

-تعبت خل نرجع..

-خل اكملچ اول:- موني انه وگفت گدام عشيرتين وعشيرة رجل عمتي الثالثه وگتلهم انه اخذها تعرفين شنو معناها عدنه؟؟

-مااريد اعرف حباب كافي ضميري ديأنبني ادري ادري كلكم مجبورين عليه ادري اني عبئ وحمل عليكم كلكم شهگت وسكتت من حسيت بشي يبلل وجهي فتحت عيوني وحطيت ايديه ع خدي مسحت دموعي الي محبوسات بجوف صدري صار سنين..

-عصرت عيوني قوي وضحكت:- هههههه عزااااام دموعيييي نزلتتتت عزاممممم ههههههه اخخخخ گلبييييي راح امووووت ههههههه يمااا يمااا اخخخ هههههه..

-عزام يباوعلي متفاجئ من ردة فعلي گال:- شبيچ بويه هاي دموع هيچ فرحنچ شكو؟؟

-ههههههه عزام اني دموعي مينزللللن ابددد هسه نزلن عزام ياالله تقربت حضنته وبسته من خده بوسات هوايه وگتله:- كلش اشكرك اني كلش عزام بفضلك طلع نار محبوس بصدري صار سنينن..

-بقه صافن:- لحظه وحده وحده شلون يعني دموع متنزل وين اكو دموع متنزل؟؟

-احچي والابتسامه شاگه حلگي:- ههههههه اي والله هاي اني باوع من اني وصغيره چنت اخاف من الظلمه ولا زلت لأن چانت سماح تحطني بغرفه ظلمه صايره بره بالحديقه فـ مره من المرات چان عمري تقريبا سبع او ثمن سنوات..

-هم چانت حابستني فـ دنيا ليل وحاره وصوت هذا الصرصر يدوي يمي نفس صوت اللاسلكي مالتك ههههه

-اي فـ چنت ابچي ع الصامت وچانت تنزل دموع فجأة الباب انفتح ودخل عليه امين..

-احچي ومندمجه بالحچي واضحك حكيت خدي وكملت:- فـ اني من شفته عبالي حيساعدني بس هذا لا طلع يريد يعتدي عليه..

-هنا سكتت وحطيت ايدي ع حلگي من عرفت روحي شحچيت عدلت گعدتي وبلعت ريگ..

-اباوعله يباوعلي وهو مصغر عيونه ونظراته كلهن شك وصدمه گال:- كملي شسوه بعدها؟؟

-ممـ.. مسوه شي..

-باوعيلي امنيه

-ها

-اذا ما تحچين وحق هو الله منا مااتحرك

-شحچي حبيبي

-الچ ٣ دقايق

-زفرت نفس وغمضت عيوني:- شحچي

-عن صخيم

-يعني باوع عادي هو اجه راد يعتدي عليه بس سمع اصوات جايه من بره طلع بسرعه وسمعته يسولف وياهم..

-بقيت اني ارجف وميته خوف لحد ثاني يوم الصبح اجتي فتحتلي الباب طلعنا اني وياها لزمتني من شعري وقربتني عليها:- البارحه شفتچ من صحتي لأمين حتى يجي يمچ..

-مچنت افهم شداتحچي حچت حچي محلو ابد مچنت استوعبه ابد گالت بفحيح شيطاني:- اذا ماتسوين الي اكلچ عليه ثقي بالله الي صار كله اوصله لأبوچ وتعرفين شيسوي بيچ..

عزام:- بس لو توگع بأيدي هالـ*** الـ*** بنت الـ*** والله الا ازوعها الحليب الفاسد الرضعته بنت الـ**

-التفتلي وانتي؟؟

-شبيه

-بعدها حاول يسوي هالشي وياچ؟؟

-مجاوبته نزلت راسي عصرت ايدي ورفعته رجع سأل گتله:- اي حاول

-شلون وشوكت؟؟

-هوايه كلش هوايه مرات

-اي يعني احچيلي

-چان يحاول ينتهز الفرصه ويتلمس جسمي ويبوسني وحتى يگوم يبچي علمود اقبل اسوي ويا الدنائه الي يريدها..

-اي والـ** مالتچ مچان يعرف بالي يصير..

-چانت مرته توصله بس بالطريقه الي هي تريدها وچان يرجع عليه يموتني..

-كملي

-وعادي لحد ما التقيت بيك

-التفت الي وهو يخزر:- لطفررريننننن بالحچي

-والله ممطفره

-شوكت اخر مره حاول يتقربلچ

-قبل لا انهزم

-بشگد؟؟

-بساعات تقريبًا

-بقه يباوعلي

-والحرگ الي بأيدچ هو سببه مو؟؟

-اي

-ايا *** يا *** يا نواقيص اذا ما شگيتهم شگ مااطلع عزام..

-هاهيه خل نرجع

-يلا

-حرك السياره ورجعنا للبيت نزلنا چانوا نايمين بس نسره گاعده بالمطبخ تلعب بالموبايل ومبتسمه..

-من شافتنه گامت وسألت عليه جاوبتها عزام وجهه ثگيل عليها راح قبلي فوگ هي لزمتني من ايديه واشرتلي بعينها عليه وهزت راسها بمعنى شبي..

-رفعت اكتافي ونزلت شفتي السفليه بمعنى مااعرف..

-وصلتلها رساله عافتني وراحت احسها مو طبيعيه احس عدها شي..

-رحت فوگ چان عزام ديطلع بملابسه نزعت الشال ع رگبتي:- شنو وين رايح

-مو كتلچ نازل لبغداد

-ليششش عفيه لا اخاف ابقى بوحدي..

-هههههه شتخافين ولچ هو انه صاير اخاف انام يمچ

-يا ليش

-تعاي طلعيلي هدوم..

-اوكي.. رحت طلعتله ملابسه وسديت الجنطه ورحت بصفه اخذني لحضنه وگال:-

-مُنمُن

-ها

-اريد اطلب منچ طلب

-اي اطلب

-اريدچ تخلين شويه عينچ ع نسره تشوفين ويامن تحچي منو صديقاتها

-ليش

-هيچ الحرص واجب

-خوش لعد ادلل..

-رفع راسي ولزم حنچي وگال:- ابوسها للعد انه..

**

"نسره"

-ضحكت ورجعت شعري وره اذني بدلع هزيت راسي وانه احس هو گدامي ويشوف ردات الفعل..

-كتله بهدوء:-ضرغمي

-عيونه وروحه لضراغم

-ضرغم ضرغم مو ضراغم

-ضراغم

-طز المهم اسمعني..

-اي كلي اذانٍ صاغيه

-اليوم وحده خطبتني

-هههههههه يالله يا مسهل انه اليوم رحت صليت بالجامع صلاة الجمعه ودعيت الله تلگين قسمتچ هناك بعرس ابن عمچ..

-ههههه والله؟

-شتحچين انتي انه قسمتچ وبس والباقي خس

-احسن

-شنو

-احسن احسن احسن

-باچر راح اروي عيوني بشوفتچ

-اهووووو

-ها ولچ بس لا خجلتي

-اكلك لتحچي هيچ وياي

-وانه شحاچي

-احس غلط الجاي اسوي

-شدتسوين؟

-جاي اخون ثقة اهلي وجدي

-نسره والله والله نيتي وياچ حلال والله يشهد ع كل كلمه جاي احچيها وان شاء الله يطلعها بعزاز گلبي اذا جاي اغشچ لو اگضي وقت وياچ وانه جاهز اذا انتي تحسين جاي تخونين اهلچ والله ما احاچيچ بعد منا لمن يصير كلشي رسمي بيناتنه وگدام اهلچ..

-ماادري احسن حل هذا

-ويهون عليچ

-شگد اكرهك

-كرهي كرهي بگد كرهچ اكو حب الي بكلبچ

-ضحكت وهو سكت شلون الصفن همست:-شنو صفنت؟؟

-همس بتنهيده ولچ:-أنه براسي بنيه سمره سودنت گليبي الرچيچ

-هههههههه كلبيك ورچيچ لالا هههههه

-تنهد وگال:-ضحكتچ تعزف على اوتار گلبي..

-العباس عليك ضرغم

-ههههههه ها

-عليك الله انت شاعر؟؟

-من لگيتچ صرت اشعر بأحاسيس وصرت اشعرلچ

-ضحكت وصوفرتله بصوت ناصي..

-ضحك وگال:- هو انتي اكيد اكيد بنيه لو شقه؟

-شقه عيني انه حتى باچه اگل وافلسها تفلس

-ليش شنو الغريب

-هاي المايصات ما ياكلن باچه هههههههه

-موشرط انتي ميوص وتاكلين باچه

-حبيبي انه غيررر

-اخخخخ ياااا محمددددد

-شكو شبيك

-عيديها بربچ عيديها

-ترى مو قصدي والله و يلا باي تصبح ع خير

-هو راح اصبح ع كل الخير انه

-اوكي

-سديته ونمت حطيت الموبايل ع گلبي واضحك يربي شگد محبوب يگدر يطلعني من همي وحزني وضوجتي..

-هو انه حبيته بس ليش ما جاي ارضى اگولها!!
اهوووو معقوله غلط الجاي اسوي وانه اهلي معروفين هسه ليش جدو شيخ يعني لو مو شيخ چان گدرت احب!! لا طبعا مااگدر..

-نمت بعد تفكير مطووووول بمستقبلي وحياتي وحتى رسمت حياتي ويا..

-گعدت الصبح لبست كيلوت اسود وبلوز اسود للركبه يوصل وشال بيجي وحذاء بيجي..

-اجاني الخط وطلعتله احس گلبي مبتسم راح اشوفه اخخخ لو شگد مااحچي بي ما اوصفه احتلني هالملعون ع گولته..

-رحت للكليه گعدت ع المسطبه الي متفقين نلتقي يمها ماكو هذا مر نص الوقت رجليه مأخذتني للقاعه..

-بقيت انتظره لحد ما حسيت شخص يگعد يمي بكل حيله وهو يگول:- اروح فدوا ونذر للينتظرني..

-حطيت ايدي ع گلبي وضحكت:- عزا بعينك وين چنت ليش هيچ طولت..

-چنت اتحلم بيچ ولچ وما هلي اگعد بس بعدها گعدت وگلت خل أشوفها واقعيًا احسلي..

-هههههههههههههههههههههههههه يمممممه خرب يومك..

-اروح هدر للضحكه هاي

-گمت وگفت واني اضحك صار مقابيلي گحيت وحچيت بصوت هامس:- اريد اگلك شي واروح

-كلي اذانٌ صاغيه

-ههههه احبها

-هي وصاحبها هم يحبوچ

-تؤ اهوووو هسه اسمعني باوع انه..

-ايييي

-شسمه ضرغم انه هم احبك بسسس لنلتقي ونسولف بعد صدك جاي احس بتأنيب ضمير ووجع من اشوف نضرات الحب والثقه بعيون اهلي وانه جاي احچي وياك من وره ظهرهم لو مهما يكون انت تبقى غريب عني وماثق بيك ثقه كامله اتمنى نبقى بهالحدود لحد ما تخطبنييي..

-عفته ودخلت للقاعه واحس جسمي يرجف بس حسيت بثقه وقوه بكلامي..

للحكايه بقايا..🌬

.٠.٠.٠.٠.٠.٠.٠.٠.٠.٠.٠.٠.٠.٠.٠:٠.٠.٠.٠.٠.
لتنسون التصويت والتعليق بين الفقرات والمتابعه لحسابي😍

بناااات بس توضيح بسيط

*اني مااگدر ارد لا على تعليقات ولا ع خاص بس بالواتباد!!
تحبون عندي حسابي مال انستگرام واجاوب بي الكل اي وحده تحب تراسلني تراسلني بي واني اجاوب عليها✅🤍

وأخيرًا ليس أخرًا احبكم بيبيباتي🤤💗