مساء الخير أحبتي
قراءة ممتعه
روايه: مأمني من داعش
بقلمي انا: زينة سمير
حسابي انستا: z49.g
صوت + علق بين الفقرات + احبكم هواي
صلِ على حبيب الأمة
______________________________________
عهد: كعدت الصبح مطيت جسمي وباوعت بالغرفه ظلام ماكو تثاوبت وشديت شعري وطلعت البيت
هدوء وفارغ يصوصي ماكو اي شخص... شسالفه اختفو فجاء وينككك ظلامممم ماماا ياقوم لوط أين
انتم.. الحياطين جاوبني وماسمع جواب منهم فجاة رجعلتلي نوبه لاختناق لزمت ركبتي وكعدت يم رجل
التخم بالهول وبدت الاصوات ولاختناق تلازمني نفس صوت الصراخ الي مر عليه ثلاث سنوات
يتذبذب بأذني لكن هلمره مختلف هلمره من يصدر صوت لبشر يختفي وهذا الي صار ويايه حاليا اجاني جبل يمشي
جبل: ها بابا شوكت كعدتي
عهد: باوعت على روحي واكفه لحيلي زين شوكت كمت بلللت شفتب وكلت اكيد جاي اتخيل.. هسه كعدت حبيبي وين جنت لباقين وين
جبل: كلهم راحو لبيوتهم رجعنه بس ثنين
عهد: يااا شوكت راحو ليش ماكعدتني
جبل: ماقبلو الله شاهد كالو تعبانه
عهد: اي وعلي متكسره
جبل: يله ولج تعاي خلي نتريك وراي دوام
عهد: ماشي حبيبي تعال اكعد
جبل: لا عاجبني اساعدج
عهد: هههه تعال حياتي تنور مطبخي الجميل
جبل: منور بيج يولي يله طبي وكافي صبغ
عهد: انه اصبغ جبل انه؟
جبل: لا عمي اني لاصبغ
عهد: يعني غزلك الي كله كذب ومتحبني مو
جبل: عهدي ابد مابيه حيل قال وقلت طبي جوة حتى نطبخ يله راسج مصفح
عهد: باوعتله صفح ومشيت طب ورايه وكفت كباله.. عيني هنا اكو قووانين
جبل: اي ماعون يتوصخ ينغسل اول باول حافظه على كلبي يله نبلش
عهد: ههههه ابوس لحافضني بله نبلش.. كعدنه نطبخ وهوة سوة الجاي وسوة زلاطه لنفسه يحب ياكله لصبح واني كليت بيض وهوة طلع لاجبان كعدنه نتريك بهدوء لحد ما كال
جبل: يا كليه حابه تقدمين
عهد: بكيفك
جبل: ممنوع تكولين بكيفك تره هاي حياتج عهد مو حياتي ولا حياه اخوج امج صديقتج او اي شخص انتِ الج حق لاختيار انتِ مامطره تسوين شي ماتحبينه بسبب كيف شخص الف مره انبهج على هاي السالفه وانتِ عناد اكفخج بخياره هسه
عهد: بشررر ماعندكك بريك
جبل: نجبي عهد شكد محذرج منه
عهد: انة اقصد انصحني يا زوجي الثلاثيني
جبل: طي*ج احسن جذبي عدل على لاقل ويله جاوبي
عهد: شوف انه معدلي يقبل طب مو صح
جبل: حتى لو مايقبل اني ادخلج اهلية
عهد: ابدددددد ماحب هذا المجال وانه من بعد الصار بالماضي كمت اكره الدم وشوفته
جبل: انتِ كلتيه الصار بالماضي ابدي من جديد يا بنتي الراح الله يرحمه والعايش الله يحفظه ويديمه
الج ليش تفكرين بالي صار هواي تدرين بروج لحد هسه جاي تعانين اعرف لصارلج مو سهل بس الدنيه
جاي تروح من ايدج عهودي
عهد: حجها ولزم كف ايدي وكال بحب وهدوء
جبل: اني اعرف الي صارلج اخر ثلاث سنوات اعرف شون جنتي تنهارين على الكتب وتكفشين تشعرج
بعدين تسكتين وتكملين قرايه اشوفج من تلطخين راسج بحافه الكنتور اشوفج من تكسرين لاقلام
اشوفج من تشكين ملابسج وتشكين الكتب وتكعدين تلطمين اشوفج من تختنكين وتردين تحجين بس ما
تكدرين احس بيج من اني بالدوام وانتِ تبجين افتح لكامره واشوفج منهاره اتمنى اجي احضنج
واضمج بصدري بس اريدج تفرغين الي بكلبج وهاي صار ثلاث سنوات وانتِ تقبلتي امر الواقع والي صار
مو هين تعرفين انتِ معزه اخوانج واهلج كلهم اعز منج ومن اخواني واهلي واعز من كل الناس ومع
هذا انتِ بنيه كفو وكفتي بوجه الكل وطلعتي معدل ورفعتي راسي وراس اهلج قطعتي طريق طويلللل
حيل طويللل يا عهدي ومو اي شخص يكدر يتخطى
انتِ وصلتي وبقى القليل لا دمرين نفسج باشياء
صارت وانكضت وبعد كم سنه نلقيه على الناس انتِ مو تحبين تكتبين الي صار ويانه بعد ليش توكفين
على النص ليش ماتخلين اخر سطر من حياتج هوة نتائج صبرج عهدي واجهتي هواي لا دمرين نفسج
بالقليل
عهد: ساكته وهوة يحجي كمل وكام كمت وره حضرت هدومه وغراضه وطلع طبيت لغرفتي اعزل
بيه وافكر بكلامه دخت حيل دخت رفعت سماعتي ودكيت على سديم رغم هيه بالدوام لكن ماعندي غيره
سديم: هلا بالحيه
عهد: انقذيني بصائحج راح انفجرر وعلي
سديم: اطربينه بمشكلتج
عهد: حجيت اله السالفه كله.. يله غردي
سديم: مثل ما كال جبل اتفق وياه و معدلج عالي
حرامات ضيعي بغير وضائف
عهد: بابا انتِ بغل داكلج اخاف ولجج راح اطك
سديم: اكلج شو انتِ تخوطين بصف الجدر تره كله بالبدايه تخاف من الطب بعدين يعشقوه
عهد: سديم الصارلي مو شويه تدرين لحد هسه المناظر كبال عيني ريحه الدم المتخثر بأنفي ريكه الدخان تجرح انفي لهسه الدخان مسببلي حكه بعيني سديمممممم ماكدر
سديم: ادخلي واحنا وياج اول باول
عهد: ادخل تربيه
سديم: ادخلج هسه من التلفون امرعد وجهج
عهد: اوفففف اوففف شكد مكروه شوفيلي حل عاد
سديم: ولج بابا ادخلي مجال الطب زينننننن باعييي ادخلي بمجالي اجهزة طبيه
عهد: سديم اكرهج
سديم: دنجبي دنحجي مثل لاوادم
عهد: امي داكلج ماريد اطب مستشفى
سديم: ويطبج مرض شكو زمخين روحي صيري مدرسه رياضيات خلي عقلج يطك فوك ما هوة طاك
عهد: راح ادفرج
سديم: ثورررررر خومااا ثوررر
عهد: سديممم ساعديني
سديم: دخلي قانون معدلج عالي اعتقد تنقبلين؟
عهد: لا ماحب هيج شي
سديم: زين باعي دخلي هسه اي قسم بالج بعدين من تخرجين يصير عندج خبره اكثر قدمي على غير كليات تره عادي اني هيج راح اسوي مستقبلا
عهد: شسوين
سديم: ادرس تمريض وبعدها صيدله واذا الله وفقني ادخل قانون
عهد: اهدافج هواي سديم اتمنى اكون مثلج
سديم: لا تقيسين نفسج بغيرج قيسي نفسج بماضيج قارني حاضرج وماضيج وشوفي تطوراتج ساعته مراح يوكف شي بوجهج
عهد: اوكي راح افكر والله كريم يله دعبلي كمل شغلج
سديم: بسلامه حُب
عهد: راحت واني ضليت اصفن بالحياطين لبست عباتي وشالي وطلعت وكفتني لحمايه
-وين اختي
عهد بضوجه: عمو رايحه اجيب شغلات من ابو لسوبر ماركت دقيقتين واجي
- شغلات خاصه لو شنو حتى اذا مو خاصه اني اجيبيهن الج لان استاذ ظلام منعني منعا باتاً تطلعين او احد يجيج
عهد باستغراب: شصاير قبل مو جنت اطلع!
-مانكدر نحجي اختي لان منعنا نحجي الج
عهد: عفته وطبيت ركض للتلفون جاوبني بسرعه وكال
جبل: ابددد لا تطلعين ولمي غراضج المهمه بسرعه لدكولين ليشش عهد بساع
عهد: قفله صرت عينن شخص بالع موس لايكدر يبلعه ولا يكدر يذبه هيج انه لا اكدر اتحرك ولا اكدر
اسال استوعبت لسالفه وكمت الم بغراضنه بسرعه من المستمسكات لل لملابس وللغراض الباقيه
لفيت شالي طب عليه بسرعه.
جبل:بساعع عهدد بساع يله خلي امن عليج
عهد: شكو جبللل شصار
جبل: امشيييي بعدين تفهمنين
عهد: سحبني وسحب الجنطه وطلع
جبل: ماوصيكم لبيت ديرو بالكم عليه وعيونكم فتحوة واي شي يصير تلفون واحد يمك تلكاني ماوصيك وحافظ على رويحتك يله بويه
-تدلل ظلام توكل ودير بالك من طريق خاف متربصيلك
جبل: الله لحافظ
عهد: باوعت مو سياره جبل هاي لونه ابيض مضلله ركبنه وهوة خابر على شخص
جبل بعصبيه : تدري بيه اني علموده راح اطلع لاربيل بس خلي اوصله اذا ما اسحك شواربه برجلي فلا اتسمى
ظلام اخخخخخ بعده ماشايف شي... يا اصبر يا استهدي مخبل انتَ شبيككك... لا مخبل ولا شي
اعقل منك ومو جاي تعلمني بمهنتي.. حمزه طول عمرك بارد وتريد كلشي بالهداوه هذا ميصرفلي اني
راح اخذ ابو لاكبر احسن منك وانت كمل ويه علي لاكبر احسلك هوة بارد وانت ابرد من طي* القلق...
مخبل مو هذا هوة مخبل يله... بس لو اعرفففففف وينننننن شافهههه ويننننننننن هذااا الكلببب الخنزير ولككك
عهد: جبل شببكك راح نندعم خفف السرعه كافيي
جبل بعصبيه مفرطه: ابووو لاكبررر احركك ابوك ليوم طلعه من جوة الكاع كاضينهة بس اسخت
لا شغل براسه خير ولا حجي براسه خير كاضينه بس عركات وتهديدات بط*نه من وراكم.. لا اهدى ولا شي
مرتي مطلعه لاربيل وراجع الكم خلي اشوف حاجه ناقصه والله لسوي بيكم الناقصه وحتى شعركم ادكه
صفر اصبرو يصير خير يصيررر خيررر
عهد: قفل لجهاز وسحب الثاني ودك رفععع الجهاز وكالل
جبل: حيدرر اطلع لبيتك الي باربيلل انت وامكك وخالد بسااعع.. اي هوة نفسه.. مو متخاف اني هم
ماخاف بس خافو على عهد كلشي يصير يله بويه ولتبلغ امك خطيه وخالد يريد يروح للانبار يريد
يروح وياكم ماعليه خطر.. هذا هوة يابه اتلكاك بالفرقه وكل لاوراق جيبه وياك حتى اعلمه على
التهديد شون يصير وشون يندك بعرضي.. هذا هوة بسلامه يابه
عهد: مامفتهمه شي حجي مخبوط وداخله بحاله توتر لو يشرحون الف مره مافهم ذب الجهاز وطار بالسياره
كلبي معصور... ولككك بس فهمني شصايررر ليش هيج تسوي بيه
جبل: شربي مي حلكج يبس وحاج حبايه مال سكر اشربي عهد
عهد: شصاير ظلام شكووو عوف العلاج هسه ماريد شي
جبل بعصبيه: اشربييييييييييي
عهد: نرفزني رديت بنفس العصبيه عليه... فهمننييي شصاير تره من حقي لو تنزلني هسه هنا... كام يستغفر بهدوء
جبل: عهد يرحم ولديج اسكتي البيه كافيني
عهد: حجيت بحروف متقطعه.. أشر حلي ال سالفه هسه يلههه
جبل: حيدر كفل قضيه شخص وصارت شغله يمنه المهم استلمته اني نرفعت القضيه وفاز بيه حيدر
المجرم نسجن السالفه صار اله من ايام لامتحانات مال سادس مالتج من جنتي ترحين للمعهد وتجين
مراقبينج ربعه من حيدر مرات يوصلج او اني المهم عارفين اني زوجج وانتِ اخت حيدر وهسه جاي
يهددونه بيج اني وحيدر وحيدر داك رجله مايقبل يطلع وحمزه بارد بالشغل وابو لاكبر طاب على
المجرم للسجن وساحكه سحك ورافع عليه قضيه والي مستلم قضيته صديق المجرم وهسه ابو لاكبر
حمزه حابسه بس يطلع يلوصه براكع جلب والي لازم قضيه المجرم اعلاه من رتبه ابو لاكبر يعني اذا جاوز
عليه يروح بالرجلين ابو لاكبر ، وعلي لاكبر طالع واجب جبهات هوة ولباقين ومحد اكو حمزه لبرود
الي صاير عنده يشك الكلب وذاك ثور هايج وحيدر وفاروق ميكدرون يطبون مركز لان فاروق صديق
حيدر كلش واحتمال حياته هم مهدده بخطر واني اوصلج لاربيل واروح افضه دشوف يا كلب ابن كلب
يفك حلكه وهسه برد كلبج انجبي وحلكج ماتفتحي خليني اركز
عهد: نلصمت على العويصه الي صايره وكمت ابجي بسكوت ميته خوف عليهم كلهم
جبل: كافييي ولججج كافيييي سليتي كلبي بدموعج سكتي خلي اخابر
عهد: سكتت جان يرفع التلفون وعرف عن نفسه بعدها بده بالموضوع شويه وصاح بعصبيه
جبل: هذاااا ابو لاكبررر اذا ماسكتوو هسه اجي انعنع ضلوعه زربان طببه بمكتبي واقفل لباب.. ايي ضد
لصوت يلهههه وكله لضل تمضرط وانت حرك روحك تره متنحل بالتفاهم السالفه... اتفل بوجه واطلع شون
ميخليك شيل سلاح شنو بكيفه... اني اعلمه ولككك فتيتو كلبي الله ليوفقكم.. خرههه اسكتييييي انتِ
ابويه محتركك
عهد: عاط بيه وسكتت ضرب الجهاز بالجامه ونفطرت الخوف ستوطن كلبي طول الطريق هوة من جهاز لجهاز يخابر طبينه على طريق سريع فارغغغ مابي اي عبد بشرر فتح لجكمجه وشمر عليه سلاح
جبل: خلي بيدج كلشي يصير معلمج شون تضربين بي خوش
عهد: نشفت شفتي وحيلي كله يرجف سكتت مجبوره لان اذا راح اجادل راح يصير شي ما يسر رفعته بأيد ترجف وهمست.. مسحوب
جبل بضجر : اي
عهد: هزيت راسي وخليته قريب عليه شويه وجبل طبك على صفحه بمكان يرعب من الرهبه والسنطه
الي بي كلبي عصرني وموعي غرغرت نزل بسرعه وشلع ارقام السياره الطريق كله جبال
ضليت اردد ايات قرانيه لحد ما فزيت على رككعه قويه باوع جبل يضرب بالستيرن وبالجام...
شبيكككككك جبلللل تخبلتتتت... مايجاوبني باوعت ليوره وياريتني ما باوعت سياره سوده مضلله تمشي
ورانه لزمت سلاح الي نطانياه ولزمت كف ايده وكتله.. دوس بانزين احنا عدينه لاصعب من هاي
طلعنه من عرين داعش ضلت على هاي التفاهات اعرفك راح تحميني وتحمي روحك توكل ابو لجبال
وداعتك ميلحكون بينه.. هز راسه وداس بانزين وصلت سرعه السياره 240 يعني لو اكو طسه جان
طارت للسمه صار صوت طلق ورانه لزمت الكشن وكلت بصوت مسموع.. انت كدها عوضي تخلصنه
وداعتك بس لا تتوتر كلشي بخير هذولي
زعاطيط... مايجاوب كلامي فقط يهز براسه اتصل حمزه
جبل: جاوبي بساعع وخلي بلوتوث
عهد: حاضر.. خليته وعليت صوت بسرعه وجان يكول حمزه
حمزه: جاي يتبعوك ظلام
جبل: الله معلومه تخبل عاشت ايدك وخر نطيني ابو لاكبر بساع
ابو لاكبر: وخر لادفرك اني علمك اله..
جبل: بسسسس خلي دوريه تتلكاني مسافه قليله وادخل ل *** ويصير اكو عالم واتيهم اهم شي عهدد ابو لاكبر دز ناس ثقه يرحم ابيك
ابو لاكبر: اجي اني لو تدز حمزه افضل
جبل: انت احتاجك بالفرقه دز حمزه بساعع يمعود ولا ضل تتعاركك يرحم اهلك اني مو أم محمد السحاره واضل افك مشاكلكم انتو هم
أبو لاكبر: لجلب الحبيب وارجاع المطلقه وعقد السان..
جبل: دنعل ابوك لابو الي جابك عليه سديييي لجهاززززز عهددد
ابو لاكبر: القاسي اه..
عهد: سديته وماكمل كلامه شكد يحشش واحنا ابد مو مال هيج وضع لكن دائما يحب يلطف الجو مر الوقت القصير وكامو يضربون باتجاه سيارتنه الرصاص خاف قبل جان بالجو هلمره الوضع اخطرر
جبل: احني راسججج عهدددد
عهد: اشش جبلل وداعتك نعديه بس لا تتوتر نوب يصير غير شي.. جنت اهدي بي رغم الخوف الي
بداخلي ساعه وربع على هلوضع وطبكن ثلاث سيارات عسكريه لون اسود مللضات طلع سلاح من احدى السيارات
ونيشنو على تايرات السياره بنجروه احدى سياراتنه وكفت ونزلو عليهم والاثنين للباقيات بقن مرافقاتنه
خفف السرعه جبل مر الوقت وبدينه نشوف سيارات
وناس مشينه اكثر وطبينه لنفس المنطقه الي اجينه
بيه بعطله الخامس مالتي صفينه السياره كبال البيت مالتنه نزل جبل وفتح باب السياره مالتي
طبيت جوة وصارت هوسه بره وصوت جبل شعلوة
ضليت احوص بالطرمه طب جبل وراه ابو لاكبر
وحمزه يتبعم حيدر وفاروق وعلي لاكبر طبيت ركض وراهم
جبل: انيييي موووو كلتتت واحده يجي لباقين يبقون بالمركزززز شجابكممممممممم وره حمزه
فاروق: بس خلي نفه..
جبل: شتفهمنيييييييي هسه يلعبون شاطي باطي
ابو لاكبر: نجيب هناك
جبل: هذا اذا اضر* كدامه يموع
حيدر: جبل مو بالعصبيه هي
علي لاكبر: والجارة شون وياكم
جبل: انت شكو جيت بالله مو عندك مداهمه وقبله جنت جبهات ؟
علي لاكبر؛ خابرني ابو لاكبر وكلي تعال جبل محتاجنه
جبل بقهر: فتيتو كلبي الله ليوفقكم ولد الجلاب امشوو كدامي يله ورانه رجعنه
عهد: كلش انقهرت على جبل لان تعب وهلكت اعصابه كلش رحت جبتلهم مي شربو ولبسو
احذيتهم وطلعو بقت سياره حمايه بالباب مال لبيت الي كاعده بي كعدت بالكاع بالطرمه وضليت ادعي تعدي هاي المشكله على خير..
يتبع..
:::::::::::::::::::::::::::::::::::::::::::::::::::::::::::::::::
ولنا في الايام لقاء
استودعكم الله الذي لاتضيع ودائعه
♥♥♥♥🫀🔮🦋.
30 /استغفرالله
20/ياحسين يامظلوم
100 /ياعالم الغيب