امنيه في ظلام الليل

Part 27

<بسم الله الرحمن الرحيم>

البارت السابع والعشرون..

هَلبت تِجي ..!
مشتاگ اقرالَك شِعر
ونَمشي سَوية على الجرُف
نگضيهة الليّالي سَهر.

الكاتبه: زايا
.٠.٠.٠.٠.

"امنيه"

**
-فزيت اعيط من الالم الحسيته شي ينبت بنص بطني ويطلع ويرجع ينبت وهم يطلع..

-عزام طلع يركض من الحمام امبين چان يتوضى اجه صعد يمي ولزمني من وجهي وهو يكبر ويگول:-

-نادي عليًا مظهر العجائب تجدهُ عوناً لك في النوائب كل هم وغم سينجلي بولايتك ياعلي ياعلي ياعلي..

-ارجف بين ايديه واشهگ لحد ما هدئت وهو گالي:- امنيه شبيچ بويه هاي ثالث مره تفزين جاي تحسين ع روحچ!؟..

-بقيت اشهك بدون دموع وهمست:- والله مادري دا اتوجع عزام دا انتهي والله..

-مگال شي سحب راسي ع صدره ويحاول يهدئ بيه..

-بقيت ارجف وكل ما احاول اغفه افز مكدرت انام للصبح وعزام هم بقى گاعد ويايه..

-چان بهاليوم خطوبة عمر رحت غسلت ولبست دشداشه ونزلت..

-البيت مخبوص لاخطوبتهم خطوبه ولا عزيمتهم عزيمه البيت بكل وگت مليان عالم اتمنى يفرغ ماكو ابد..

-رحت نضفت الي عليه وخلصت رحت دگيت الباب ع نسره..

-فتحته وباوعتلها بأبتسامه چانت تخابر وملامحها مليانات حزن سدت الموبايل وابتسمت..

-گعدت يمها:- شلونچ نسره

-مشطت شعرها وهي تبتسم مجامله:- الحمدلله مزينه..

-تنهدت بأبتسامه همست:- صايره تخبلين..

-اممم..

-ردت احچي بس قاطعنا دخول مها الي استوقفها وجودي سوت حركه بحنچها وطلعت من الغرفه..

-نزلت عيوني عنها بعدم اهتمام وفضول لمعرفتي سبب تغيرها بهالطريقه همست بعد سكوت دام دقايق بيني وبين نسره:-

-ليش هيچ مها صارت ليش هوايه متغيره؟؟

-مجاوبتني بقت تمشط ابتسمت وگالت:- شنو حتلبسين؟

-بقيت اباوعلها واحاول افسر تغليسها عن سؤالي المتكرر تنهدت وگمت وگفت:- اني حروح ..عفتها وطلعت رحت للغرفه چان عزام فاتح الكنتور من دخلت ابتسم وگال:-

-ها ابو المون؟

-حطيت الشال ع رگبتي وگتله:- عزام

-هلا

-عزام دا اتعب ودا اتحلم احلام محلوه ودا اشوف اشياء هم محلوه كلش كلش

-بقه يباوع بوجهي بقلق سوه حركه بحنچه وهز راسه:- بسيطه والله..

-عزام انت ليش هالگد بارد؟؟

-مجاوبني گال:- تعاي وين عگالي

-زفرت نفس وجاوبته:-گدامك

-وينننه

-ليش تصيح عزام مو هذا.. گمت وگفت وطلعته اله

-گال انه مو اعمى جاي احچي ع الثاني..

-اي مااندله

-تقرب عصر زندي وحچه بفحيح:- چا لا تسوين روحچ فد مندله ولاتنسين منين جبتچ زين لو لا؟؟

-مجاوبته حسيت بكسره وفشله ليش هيچ ديحاچيني اني مسويت شي حتى هيچ يهيني..

-بعدت ايده عني بهدوء وگتله:- ميحتاج تذكرني كلشي اتذكر اني..

-مجاوب شي لبس عگاله ونزل بعد ما رگع الباب قوي..

-احس جسمي كله هدء وتعب فشله ع خوفه ع كسره تمنيت ابچي وابوح بوجعي تمنيت اضربه واطلع حرگة گلبي بي بس ليش هيچ حچه؟؟ ترى اني كلشي ممسويه!!..

-بقيت گاعده بالغرفه لميت رجليه لصدري وتچيت راسي ع الچربايه..

-ماادري بين النايمه والگاعده وحسيت بشخص يجر بشي من داخلي من بلعومي وبنيه يم الكنتور تحرك بملابسي وصوت يگول:- لو انا لو انتي لو انا لو انتي منمنته..

"نسرين"

-يوم كئيب من بدايته..

-تهي بهي عود اليوم خطوبته للمسعد مالتي..

-چنت متحمسه اشوفها احلى مني؟؟ ابيض مني؟..

-چنت اتماثل الضحكه واللامبالاة بس چذب!!

-انه اذا ينفخون عليه اتفتفت وفوگ الضيم عباس الي مدري شلون گلبه حن وراد امه..

-رحت فوگ دخلت سبحت وطلعت بسرعه بعدني منازعه الخاولي واجتني رسائل ترگع وبعدها مكالمات..

-رحت شلته واني معكمشه وجهي كتله:-

-شبيك اكو واحد صاحي يسوي سوايتك بابا اني يم اهلي واهلي ناس ملتزمين فهمت لو لا لدك بهالطريقه..

-زفر نفس بعد سكوت وهدوء وگال:- لك هلا هلا بالرعده والعيطه هلا بمخمليتي هلا..

-هلا بيك شتريد ضرغم..

-تصحيح بسيط ضراغم اسمي..

-رحت ع الميز تواليت وخرت الخاولي وابتسمت:- اسمك احسه صعب ع اللسان فـ بعد كله اصيحلك ضرغم اوكي..

-ضحك وسمعت صوت ضرب:- هسه لا هو ضرغام ولا هو ضراغم بس يلا عمي كلشي منچ اتقبله برحابة صدر..

-مجاوبته فتحت سبيكر وگعدت امشط..

-حچه هو:- اييي وهسه

-شنو

-شبيچ ضايجه؟

-مضايجه

-امبله ضايجه

-مجاوبته نزلت دموعي ومسحتها بهدوء جاوبته:- مابيه ضرغم

-جاي تبچين؟؟ شبيچ..

-مابيه عوفني..

-وحگ هو الله ما اعوفچ الا تگليلي شنو لمضوجچ..

-هنا بچيت بصوت مسموع وشهگات..

-اخوي يريد يرجع لأمي..

-نسرتي هذا السبب اكيد؟

-ايي

-چا خوش اخوچ هو الي رفس النعمه الي عنده هو الي عنده انتي المفروض يعتصم حتى عن الترميش..

-ضحكت ومسحت دموعي كتله:- اليوم خطوبة ابن عمي

-مجاوب سكت شويه بعدين گال:-اييييي هنا مربط الفرس

-شلون يعني؟

-هيچ حسبه ببالي وجاي افرزنها..

-اكلك

-كولي

-اريد اروح

-وين

-لمكه.. وين يعني غير اسد الموبايل

-هههههه لحظه تدرين؟

-لا

-انه اموت بيچ هايم بيچ ولج مخمليتي..

-بلعت ريگ رفعت عيوني ع دخول امنيه:- سديت الموبايل وبقيت اسولف وياها اجتي مها وسألتني عليها

-جد ما عرفت شجاوبها يعني شگللها تحب رجلچ!!؟

-تنهدت وگمت برمنت شعري خلصت ورحت گعدت ع الموبايل..

-اثناء گعدتي وچان اسمع عياط بره!!

-فتحت عيوني وطلعت اريد افهم منين هذا لعياط وگفت بمكاني حتى اسمع الصوت واروح..

-صعدت ام عزام تركض هي ومنى وفاتن لغرفة امنيه وبعدها صعدت ام عمر رحت يمهم وچان نشوف امنيه بحاله مريبه..

-صاكه ع نفسها وتختض خض مثل السعفه ترجف اي اي چانت ترجف..

-لزمتها عمتي وتحاول تصحي بيها ومنى مخلصتها:- خطيه هاي شبيهااا!؟..

-اباوعلها عيونها تنگلب بيض فجأه رحت يم عمتي لزمتها وياها وقريت عليها ايات واصيح بصوت عالي واني اقره الايات..

-انقهرت عليها گمت ابچي حسيت بيها شي مو طبيعيه..

-نزلن جوه كلهن وهي مغمضه وتون عمتي گالت:- خل ننزل حتى ليحسون بشي ومن تخلص الخطبه نشوف شسالفة هالبنيه

-حاولت اصحيها واهدأ من ونينها بس ماكو ابد مهدأت شويه وانفتح الباب ودخل عزام چان من يمشي عينه للگاع رفعها ورفع حواجبه وحچه بأستغراب:- هاي نسره هنا

-بعدتها من حضني وگمت مستحيه:- اي

-باوع لأمنيه وباوعلي:- خير شبيها؟؟

-ماادري فجأه گامت تعيط فتنالها وچانت ترجف وصاكه ع روحها..

-مجاوب ترخصت وطلعت رحت للغرفه واني افكر بحالها..

-رحت توني جاي اگعد واجر نفس وصلتني كم رساله عرفت منه فـ اصلا مرحت وشفتهن..

-ابتسمت ورجعت لذاك اليوم الي چان احلى يوم بالنسبه الي:-

-ضراغم:- اي ابو النون وهاي صرفت لخاطرچ خمسميه وحسيت گلبي وجعني المره التجي يمكن كليتي توگف..

-يعععع بخيلللل انت جحف جحف

-حط العصير بحضنه وگعد مقابيلي بالگاع وگال:- اوف يا مخمليتي شايفه هسه هاي الگعده ادفع نص عمري علمود اگعدها مره لخ

-ابتسمت وحكيت الباكيت مال عصير:- والنص الثاني؟؟

-اعيشه وياچ..

-ضحكت وگتله:- مرات احسك شاعر تدري

-اي كلهم يكلولي.. سكت اقل الثواني ورفع عيونه الي وگال:- مااحب العب عليچ والف وادور انه احبچ ورايدچ تكملين نص ديني وتكملين حياتي..

-بقيت صافنه وارمش احساس اول مره احس بي گلبي احسه ببلعومي حسيت صار هدوء والكل سمعني بس مگدرت اسوي شي اكتفيت بأبتسامه هادئه..

-غير الموضوع وگال:- فكري براحتچ بس انه انطيتچ خبر..

-رجعت لواقعي ع صوت رسائل..
اجتني كم رساله رحت فتحتهن وچان رقم مو بجهاة اتصالي..

-فتحت الرسائل وچانت تخزي تخزي حتى مااگدر احچيها من بشاعتها..

-واخر شي دزلي شي خلاني ارجف واوگع من طولي بقيت ارجف ارجف..

للحكايه بقايا..🌬

.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.٠.

اول شي اعتذر منكم ع التأخير الي صار بتنزل البارتات..
ثاني شي بنات هاي دنيًا كلشي بيها يعني شخص عنده ظرف متقدرون؟؟ زين لويش يعني تچذبوني وتتهجمون عليه؟؟
وتگولون تقلدين باقي الكاتبات!! واااات؟
شلون اقلد يعني الظروف عند كل الناس بس اكو ناس تنزل واكو ناس لا اني نزلت وگلت ديمرون بضروف واني هم عندي ظروف بس نزلت بارتات..
فـ ع اي اساس هالحچي هذا شنو مقلده بشنو؟؟ يعني لأن وقفت القصه؟؟ لو لأن گلت ابطالي عندهم ظروف وميگدرون يحچولي الاحداث لو شنو؟؟
همه مو بشر ميتمرضون ماعدهم شخص يموت؟ ماعدهم حوادث وصعاب يمرون بيها؟؟
انتو مدا تقدرون يادوب تردون تقروها للقصه والسلام
هالبارت تدرون صارلي شگد اكتب بي؟؟ محد يدري لا.. أتأخر بالبارت في سبيل انززلكم شي مرتب و واقعي..
ترى اگدر اجيب حچي من يمي واسفط واكوللكم هاي القصه اقروها بس محلو هيچ!! لا اني راح اقتنع ولا انتو تقتنعون ولا حتى الابطال!! يعني همه من اجوي وطلبوا اكتبها علمود تكون ذكرى الهم ع طول السنين والايام..
واني چانت عندي ظروف ومازالت مستمره و وقفت القصه للجزء الاول بس مهان عليه اعوفكم تدرون ليش؟؟
لأن دخلتلي ام بنيه متابعه القصه وتكولي بنتي صارت تتمرض وتبچي حتى بس تعرف الاحداث گلبي انعصر عليها ورجعت نشرتها رغم ظروفي بس هسه اني مستحيل اگدر انزل ولا اگدر اجبر احد الابطال ينطيني احداث ويضغط ع روحه اعوفهم ع راحتهم منا لمن الله يفرجها..
والقصه تنزل الكم اول وتالي والي ميحب عادي يلغي حفظها من المكتبه وليقراها😍بعمري مهمتني تصويتات ولا مشاهدات حنين قلبي چانت مشاهداتها كلش قليله وانزل عادي ابد مهامني ولسه مهامني هالموضوع..💙👍