بسم الله الرحمن الرحيم 🌹🌹🌹
فل نبدأ ✌️
.
*****★*****★******★*******
بعد فترة من التدريب الشاق
خرجت سلمي من صالة التدريب
وذهبت لتركب سيارتها لاكن تفاجئت بشخص ما يقف خلفها و ممسكاً بآلة حادة
- ابرزي باللي في جيبك يا مزة من غير ولا كلمة لاحسن اخلي دمك يسيح عالارض زي الفرخة!!!
لفت سلمي لتنظر الي وجهه
ومثلت الخوف ثم أمسكت بهاتفها و وجهته
نحو ذلك اللص
- أيوة كدة شاطرة يا مزة!!!
وإذ فجأة تهاجمه سلمي بضربة أسفل فكه
أوقفت عنه التنفس
خرج في نفس الوقت يوسف ورأي
شخص متجه نحو سلمي بآلة حادة أخري
اوقع حقيبته الرياضيه أرضاً
ثم ضربه ضربة قوية في معدته وأمسك بالآلة الحادة والقاها بعيداً عنه
أمسكت سلمي بذراع اللص الاول ثم لفت أرجلها الاثنين عليها وكادت أن تكسر له ذراعه
ويوسف ظل يضرب باللكمات المبرحة في وجه اللص الثاني!
أفلت منهم اللصٱ بأعجوبة
ثم جلسوا على رصيف قريب
يوسف:- ههههه يعني الحرامي يوم ما يسرق يجي يسرق مدربة مصارعه!! اظاهر كدة أن أمه داعية عليه!!!!
نظرت سلمي إلي يوسف وظلت
تضحك بهستيرية
نظر لها يوسف وابتسم و لمعت اعينه على ضحكتها
يوسف:- تعرفي اني اول مرة أعرف أن ضحكتك حلوة كدة!!
صمتت سلمي ونظرت أمامها!
يوسف:- انا كان فيه سؤال كدة محيرني!!
بس خايف اقولك لاحسن يدايقك!!
سلمي:- يبقى متقولش حاجة عشان مش هجوبك!!
يوسف:- لاء بتكلم جد!!! انتي ايه اللي خلاكي تلعبي مصارعه!! اكيد يعني فيه حاجه!!
كسرتك عشان كدة........
سلمي:- تعرف لما تعيش حياة مش حياتك عشان حد مختارلك حياة تاني انت عمرك
ما كان يجي في دماغك انك تعيشها!!.
اهو انا بقي حياتي دي في الأول كانت مفروضة عليا لحد ما لقيت نفسي فيها
ومبقتش عارفة اعيش غير كدة!!
انت فاهم حاجه!!!
يوسف:- انا مش فاهم!! بس حاسس لاني تقريباً كدة!!
سلمي:- تعرف ايه اصعب احساس!!!!؟
انك تبقى لوحدك!! مش قصدي يعني أنك
تبقى لوحدك من غير ناس حوليك لاء قصدي انك تبقي قاعدة في مكان مليان ناس بس
حاسس انك ملكش مكان وسط حد كل واحد عايز يشوفك بطريقته وتفكيره!!
شخصيتك القوية دي لما بتستوعب انك
لوحدك بتستقوي أضعاف لانك عارف ان محدش هيشفق عليك ولا هيعطف عليك بكلمة تجبر خاطرك وتراضيك!!
بتبقى حزين بس مينفعش تظهر حزنك لحد عشان عارف ان محدش هيهتم!!!..
بتبقى محتاج حد يشاركك في كل خطوة وكل تفصيلة لاكن مفيش حد وانت
عارف ان مفيش حد فا بتستقوي
قصاد نفسك وبتعمل كل امورك لوحدك
وبطولك!!
نظر لها يوسف ثم تنهد هو الآخر وقرر أن يفتح لها قلبه
يوسف:- انا فاهمك!!!
عارفه!! إحساس أن محدش حاسس بيكي دة
في حد ذاته احساس متعب قوي
ساعات الواحد بيختار أنه يكون لوحده
بدون أي أسباب ولا عايز يتكلم مع حد ولا يرد على حد والسبب مش مفهوم ولا ليكي ولا لغيرك!!!
الحكاية كلها انك بتمري بحالة لا مبالاة
اللي هو ملكيش مزاج ولا نفس تعملي اي حاجة لاكن اللي حوليكي بيفسروها بميت شكل وميت لون؟؟؛!
اللي يفسرها أن انت شخص غامض ومش عايز تحكي واللي يفسرها انك اتغيرت
وفي حد تاني اخد مكانه واللي يفسرها
أنه مبقاش محل ثقة ولا أنه بالأهمية اللي تخليك تحكيله اللي فيك بادق التفاصيل
اللي انت أصلاً مش عارفاها؟؟؟!!!!!
وتفضل تتراكم الأحداث دي كلها بخلاف اللي انت فيه وكل دة في نفس الوقت اللي محتاج انك متفكرش في حاجة لانك مرهقة من جواكي للحد اللي مخليكي مش قادره تحددي التعب النفسي اللي الواحد بيعاني منه ومسيطر عليه من كل اتجاه!!!
لاكن أن حد يفهمك ويلتمس لك العذر
او يحترم رغبتك في السكوت دة اللي مش ممكن حد يفكر فيه نهائي!!؟؟؟
تنهدت سلمي واكملت
سلمي:- ااااااخ!!! والله جعدتك غم يا غريب
نكدت عالواحد اكتر ماهو متنكد يا شيخ!!!.
ضحك يوسف بهستيرية
وهو يمسك عينيه
يوسف:- قال يعني انتي اللي كنتي بتحكيلي قصص قبل النوم!! مانتي كمان نكدتي عليا الله ينكد عليكي يا شيخة!!
سلمي:- طب انا بقول نقوم نروح احسن
من القعدة الهم دي!! وكمان عشان الليل ليل!!
يوسف:- طب ما تخلينا قاعدين دة لسة
محمد محي المطرب كمان هيجي ويحكيلنا
على أحزانه!!
سلمي:- لا دة لو محمد محي جيه وسمعنا اغنيتين هنقوم بعدها نقطع شرايينا؛!
ضحكا الاثنين و توجه كلا منهما الي سيارته
ليذهب إلى منزله!!
★***★***★***★***★***★***★
ذهب يوسف الي منزله وتوجه لغرفته
ليقرأ ورق القضية
جلس ساعات يقرأ في القضية الي حين
اذان الفجر!!
فقام توضئ ليصلي
وصلي الفجر ثم خلد الي النوم!!
****★****★****★****★*****
في منزل محمود الالفي
جلست سلمي بجانب أبيها ثم تابعت
سلمي:- مش تقولي حمدالله على سلامتك!!!
محمود:- ليه أنشأ الله!! انتي كنتي مسافره!!؟؟؟
سلمي:- لاء بس كنت هسافر!!
محمود:- لفين أنشأ الله!!
سلمي:- للاخرة!؟؟ حرامي طلع عليا وثبتني!!؟
مليكة:- هو الحرامية دول مورهمش غيرنا!!
محمود بفزع:- عملك حاجة يا سلمي انتي كويسة!! طب عورك كدة ولا كده!!
سلمي:- ايه يا بابا في ايه!! هو انا شغالة في محل شورما!! انت ليه مش مقتنع أن انا بلعب مصارعه!!! هههه دة بدل ماهو اللي يقلبني انا إللي كنت هقلبه!!!
مليكة:- قادرة وتعمليها!!!
ثم صدح صوت أذان الفجر
محمود:- طب يالا يا حلوة منك ليها روحو اتوضوا عشان نصلي جماعة!!
توضئوا جميعاً ثم أقام محمود الصلاة بهم
و بعدها ذهب كلا منهم الي غرفته ليناموا
★***★***★***★***★***★****
في صباح اليوم التالي
.....
في منزل عبدالله ريان
جميع العائلة جالسة على سفرة الطعام
خديجة:- هو يوسف لسة مصحيش!!
عبدالله:- لاء لسة؟
فهد:- انا بعت ليلي عشان تصحيه!!
***★***★***★***★***★***
في غرفة يوسف
ليلى :- يوووووه انت زهقتني قووووم بقي!!
ثم تضربه بالقلم على وجهه!!
فقام يوسف مفزوع من نومه!!
يوسف:- ااااه!! يابنت ال..
فنزلت ليلي مسرعة لتهرب من يوسف قبل أن يمسك بها!!
ثم امسكها و شالها بين ذراعيه
يوسف:- انتي بتضربيني انا كدة طب تعالي!!!
ثم شقلبها على سريره
وانهال عليها بالدغدغة
فتصرخ ليلي بضحك!!!
- ااااااههههه سيبني خلاص!!
يوسف:- والله ما هسيبك غير لما تقولي حرمت انا اسفة!!؛؟ قولي!!
ليلى:- هههههههه خلاص حرمت حرمت مش هعمل كده تاني ههههههههه؛! سيبني خلاص؛!!
***★***★***★***★***★***
نزل يوسف وهو يحمل ليلي فوق كتفه
ثم انزلها وجلس ليتناول الافطار معهم
خديجة:- مشاء الله عليك يا يوسف تتحسد!!
اول مرة تصحي بدري..دة لو حصل ايه مستحيل تصحي بدري!
يوسف:- لا مانا من هنا ورايح هصحي بدري عشان شغلي!
عبدالله:- شغل ايه؟!! انت رجعت شغلك؟؟!!!!
يوسف:- اممم! رجعت امبارح!!
عبدالله :- طب انت وراك حاجة بالليل!
يوسف:- لاء ليه؟!
عبدالله:- لأ ولا حاجة!! احنا هنروح زياره
كدة لمحمود؛!
يوسف:- لأ طلاما هنروح لعمو
محمود انا ممكن افضيله نفسي من دلوقتي
دة عمو محمود دة حبيبي!
عبدالله:- لا روح انت شغلك وتعال عالبيت بالليل عشان تجهز!!
يوسف:- اجهز لإيه انا مش فاهم!!
عبدالله:- لما نروح هتفهم!؟
**★****★****★****★****★**
في غرفة سلمي
تتمرن بعض التمرينات الرياضية
لتفوق صديقتها "مي"
وشقيقتها " مليكة"
مليكة بثقل:- اعااا صباح الخير!!
سلمي:- صباح الفل! قوموا بقي كفياكوا نوم!!؟
مي:- انتي بتتنططي كدة ليه؟!!!
سلمي بتنهج:- عادي بتمرن!! ايه اول مرة تشوفيني بتمرن يعني!!
مي:- والله يا سلمي انا بستغربك اوي!!
انتي بتتمرني وبتروحي الجيم وبتلعبي حديد!! وانا لما برفع شعري ديل حصان
دراعي كله بيوقف!!
سلمي:- عشان انتي عاملة زي النايتي طرية!!
دة الفرق اللي بيني وبينك!! قوموا يالا عشان نفطر!!
ثم تسحب من العلبة بعض المناديل الورقية
لتجفف عرقها الذي في وجهها
ثم يخرجوا جميعاً من الغرفة ليجدوا
والدهم "محمود"
جالس بكرسيه المتحرك أمام السفرة
وأمامه بعض الأطعمة ويسمع اغنية للفنان
"عبدالحليم حافظ"
ومنسجم معها
على حسب وداد قلبي يابويا راح اقول للزين سلامات سلامات سلامات سلامات على حسب وداد قلبي يابويا ضيعت عليه العمر يا بويا وانا ليا معاه حكايات حكايات حكايات على حسب وداد قلبي يابويا..
ثم جلسوا على السفرة وبدئوا في تناول الطعام
مليكة:- ايه يا بابا الأغنية اللي انت بتسمعها دي!!
محمود:- دي اغنية لعبد الحليم
مليكة:- مانا عارفة بس شايفاك منسجم معاها اوي يعني!!
محمود:- انسجمي انتي كمان ونضفي ودانك من الزفت اللي بتسمعوه طول النهار مشغلين ناس عمالة تنعر وتقولوا دي اغاني!!؟؟
مليكة:- ماهو كل جيل وله أغانيه يا بابا!!
محمود:- بس متقوليش اغاني!!
رايحين تسمعولي واحد اسمه شاكوش وواحد إسمه حمو بيكا!!! يعني ايه بيكا أساساً انا مش فاهم!!؟؟!!
امالت مليكة علي اذن سلمي وتكلمت بصوت خافت
:- بيقول على شاكوش وبيكا بينعروا!! اومال لو سمع كسبرة وحنجرة هيعمل ايه!!؟؟!!!
سلمي :- احتمال ودانه تجيب دم من الصوت بس!!!؟
مليكة :- قولي يا بابا هي الأغنية اللي انت كنت بتسمعها دي كنت بتغنيها للكراش!!!
محمود:- كرش ايه يابت اللي هغنيله دة انتي اتعبطي!؟؟
مليكة:- يا بابا انا مقولتش كرش انا بقولك كراش!!؟؟
محمود لسلمي:- يطلع ايه البتاع اللي اختك بتقول عليه دة؟؟؟؟
سلمي:- بابا انت جاي تسأل السؤال الغلط للشخص الغلط!!
محمود:- لا مؤاخذة يا اخ!
قوليلي انتي يا مي ايه البتاع دة
مي:- كراش دة يا عمو يعني واحد انت بتحبه بس هو مش معبرك حاجة كدة عاملة زي الحب من طرف واحد!!
بعد فترة نزلت سلمي من منزلها وتوجهت للصالة الرياضية
★***★****★****★****★****★
في الصالة الرياضية
تتمرن سلمي في كيس الملاكمة وهي لابسة
كمامة كتم النفس الخاصة بالرياضيين
ثم تمرنت على جهاز المشي
وبعدها دخل يوسف للصالة الرياضية
ونظر نظرة سريعة على اللاعبين
ثم لبس هو الآخر كمامة كتم النفس
وذهب لجهاز المشي لكي يتمرن عليه!!؟
بعدما أنهوا الاثنين تمرينهم
يوسف:- استني يا سلمي عايزك!
سلمي:- في حاجة؟؟!
يوسف:- بابا بيقول أنه جايلكم بالليل وفيه مفاجأة متعرفيش في ايه؟؟!!!!
سلمي:- لا والله معرفش؟؟!!!
★****★****★****★***★***★
حل المساء سريعاً
في منزل عبدالله ريان
يوسف:- هو في ايه يا جماعة
انتوا محسسيني انكم رايحين فرح
انتوا لابسين بدل ليه!!؟؟! ماتفهموني هو فيه ايه بالظبط
عبدالله:- قلتلك هتفهم كل حاجة لما نوصل هناك!!
يوسف:- أيوة احنا بقي رايحين ليه ولابسين كدة ليه!!؟؟؟؟؟؟
عبدالله:- يووووه قولتلك لما نوصل انت هتفهم!
********
تفتكروا فيه ايه / وهما رايحين عند محمود ليه!!!
بصوا لو حابين تقترحوا عليا افكار جديده
اكتبولي في الكومنت