أحببت كابتن

(الفصل الأربعون )( ما قبل الاخير)

بسم الله الرحمن الرحيم 🌹🌹

فل نبدأ ✌️

******★*****★******★*******

في صباح اليوم التالي

في الحجز عند مرتضى

العسكري:- مرتضى هشام!! زياره

*****★******★******★*******

خرج هشام بوجهه الذبلان من الحجز و اتجه لغرفة الزيارات
على أمل أنها ستكون كريمة حبيبته

مرتضى بصدمة:- دنيا؟؟؟

دنيا بشماتة:- والله والحلو بهدلته الايام!.

مرتضى:- انتي جاية تشمتي فيا!!؟ طبعاً حقك ماهو اللي جرالك مني مكنش قليل.

دنيا:- انت برضوا حتى في اللي انت فيه دة الكبر والغرور فيك؟؟ عالعموم انا جاية اعمل فيك خير! و افهمك انك كنت مغفل

مرتضى:- اخلصي

دنيا:- جاية اقولك انك اتغفلت من ابن عبدالله ريان.. هاني دة يبقى يوسف ابن عبدالله ريان اللي علم عليك يا ابو قلب حنين و كريمة دي تبقى بنت صحبه!!؟

مرتضى:- انتي اتجننتي!!؟

دنيا:- جن لما يلخبطك!! كل اللي حصلك دة ولسة مش مصدق أن حبيبتك هي اللي غفلتك!!

مرتضى:- وانتي عرفتي منين!؟؟

دنيا:- بعت واحد يراقبهم!!
المهم نتفق المرة دي و تسمع كلامي بالحرف الواحد....

****★****★****★****★*****

بعد مرور أسبوع

في الصاله التدريبية

يوسف يقف أمام كيس الملاكمة العملاق و أمامه سلمي يدربها

يوسف:- ما تضربي جامد!! مالك بقيتي خرعة ليه كدة!!

سلمي:- متقولش خرعة بدل ما هسيب كيس الملاكمة واجي اتمرن في وشك!!

يوسف:- تتمرني في وشي؟؟! الظاهر عليكي وحشك الضرب على القفة!!؟

سلمي:- ولا بقولك ايه انت باين عليك فاضي!! روح درب العيال اللي هناك دي ولا العبلك مجموعة ضغط تقوي عضلاتك بدل ماهي رهرطت و خلتك زي الراجل اللي عنده سبعين سنة كدة!؟؟

يوسف:- ماهي لازم ترهرط مش عارفه واحدة اسمها ممدوح فرج!!

ثم تركها و ذهب ليتمرن

سلمي بضحك:- والله و اتطورت من جعفر لممدوح فرج!!

ثم تابعت تمرينها

****★****★****★****★***★***

بعد انتهاء التدريب

أمام الصالة الرياضية

يوسف:- تيجي اوصلك!!

سلمي:- كفي نفسك يا بابا انا راكنة عربيتي هناك هروح اجيبها و امشي