بسم الله الرحمن الرحيم 🌹🌹🌹
فل نبدأ ✌️
:-
هو مين دة اللي يروحوه يا يوسف!!
يوسف بصدمة:-
بابا!!!!!!
يوسف بتلعثم:- دا!!!.... دا مازن صحبي لما انتو طلعتو عند عمو محمود!! رامي كلمني و قالي أن هو أغمي عليه في الشارع عشان كدة أتأخر يعني!! و كلمت رامي عشان اطمن عليه!!
وهو طمني وقالي أن الحمدلله مازن فاق!!!
فاعشان كدة بقوله يروحه لبيته!!!
عبدالله بعدم تصديق:- امممم!! مازن
طب رن عليه عشان انا كمان عايز
اطمن عليه دة برضوا زي ابني!!
يوسف:- هاا!! يا بابا بقولك مازن تعبان ومش هيقدر يتكلم!!!
عبدالله:- هترن عليه انت ولا ارن عليه انا واطمن عليه!!!
يوسف:- لا وعلى ايه!!! انا هرن عليه اهو!!!
أمسك بهاتفه واتصل على مازن
ثم أمسك عبدالله بالهاتف!! ووضعه على أذنه
مازن بصوت متعب:- الو!!
عبدالله:- ازيك يا مازن!!
انا عمك عبدالله ابو يوسف!! انت بخير دلوقتي!!
مازن بصوت اكثر تعب:- أيوة يا عمي الحمدلله
معلش اخدت يوسف منك عشان رامي معرفش يتصرف لما أغمي عليا!!
عبدالله:- ولا يهمك يا ابني المهم أن انت بخير
هقفل انا عشان اسيبك تستريح!!! مع السلامه!
مازن:- مع السلامه يا عمي!!
اغلاق الخط!!
يوسف:- ها صدقتني!!
عبدالله:- هو انا كنت مكدبك عشان اصدقك!!؟
يوسف:- لأ بس انت مكنتش مصدقني!!
عبدالله:- طب نام دلوقتي والصباح رباح!!!
ثم خرج من الغرفة!
زفر يوسف باطمئنان وهو يضع أحدي يداه على قلبه!
ثم أمسك بالهاتف واتصل مرة أخرى على مازن!
يوسف:- الو!!
مازن:- ايه عجبتك!!
يوسف:- انت عرفت ازاي اصلا اني قلت انك تعبان!!
مازن:- ماهو لولا انت سيبت التلفون مفتوح وانت بتكلم رامي كان زمانك دلوقتي بتسلم عالشوهدة اللي هناك!!
يوسف:- يا مان واطي انت!!
مازن:- اي خدمه يا عم!! عالله يتمر!!
★***★***★***★***★***★
في صباح اليوم التالي
ذهب يوسف لصالة التدريب
وكانت سلمي تتمرن وهي شاردة الذهن!
فذهب يوسف ليرتب اشيائه وبعدها ذهب إلى سلمي..
يوسف بسخرية:- ايه سرحانة في العريس اللي طار!!
سلمي:- هو انا ليه حاسة انك شمتان فيا!!
يوسف:- انا!!! انا شمتان!! اخس بجد اخس!!
انا مش شمتان انا بس فرحان فيكي!!
سلمي:- طب امشي من وشي عشان مطلعش غلي كله فيك دلوقتي!!!
يوسف:- غل ايه اللي تطلعيه فيا دة!!
يا بت دا انتي مجرد واحد لابس تي شيرت
خمسة اكس!!! عشان يداري رفعه انتي لو قلعتي التي شيرت دة اصلا مش هتباني من الأراض!!
سلمي:- اممممم!! طب دة انا! وانت بقي عامل زي عمود الكهربا البايظ! زاحم الدنيا وملوش فايدة ولا لأزمة يعني ببساطه كدة مدي لنفسك حجم اكبر من حجمه!!
(ثم تابعت بإستهزاء)
- يا كوتش😎
( البت قصفتله جبهته 😎😂)
يوسف:- ههههه على فكره انا مش بدي لنفسي حجم اكبر من حجمي عشان انا أساساً كبير!!
ثم تابع بإستهزاء:- ماشي يا يا جعفر!!
(ردت في زوره قتلته😂😎😂)
يوسف:- يالا يا شباب كله يجمع هنا!!
سرعان ما تجمع المصارعين حول يوسف
وبدء يتلي تعليماته عليهم و قسم المجموعة الي فرقتين وبدء المصارعين في تدريباتهم على بعضهم وكان يوسف سيواجه سلمي!!
صعد يوسف وبعده سلمي لكي يتمرنان على بعضهم
يوسف لسلمي:- وريني نفسك يا جعفر يالا!!
سلمي التزمت الصمت
و اكتفت بنظراتها:-.......
بدء التمرين وبدئت سلمي توجه بعض الضربات القوية وكل ضربة كان يصدها يوسف ببراعة
يوسف:- هو دة اخرك!!
ثم ركلته في معدته مما أبعده قليلاً عنها
واستغلت ذلك وضربت ركبته واسقتطه لاكن
يوسف ركلها في مؤخرة ركبتها واسقطها هي الأخري ثم وقفا الاثنين
أمسك بذراعها بقوة لاكن سلمي كانت رشيقه
وتشقلبت في الهواء وعكست الحركة
لاكن يوسف كان اقوي منها بقليل و ضربها في معدتها بخفة كي لا يوجعها
بعد فترة من الضربات والصدمات بينهم انتهت المباراة بهزيمة سلمي وانتصار يوسف
بعدما نزلت سلمي من الحلبة
يوسف وهو ممسكاً بفكه:- على فكرة تمرينك النهاردة مش بطال اتمني تتطوري اكتر!!
ثم أخذ حقيبته وتوجه إلى منزله
***************
في منزل عبدالله ريان
فتح الباب ودخل
عبدالله:- اهو وصل!!
يوسف:- اهو وصل! ربنا يستر في ايه يا بابا!! في حاجة!!
خديجة:- عروسة!!
يوسف وهو يرفع أحدي حاجبيه:-
عروسة ايه!!!
عبدالله:- امك جايبالك عروسة وقاعدة في الصالون مع فهد!
يوسف:- خلاص مبروك على فهد انا مالي بقي!!
خديجة:- انت هتستهبل يلا!! خش شوف العروسة!!
يوسف:- طب العروسة دي اسمها إيه ولا ملهاش إسم!!!
خديجة:- سوسو!!
يوسف بصدمة:- ايه يعني يرضيكي اتجوز واحدة اسمها سوسو!!!
خديجة:- خش يلا وبلاش قلة أدب!!!
★****★****★***★***★***★
يوسف جلس معهم في الصالون!
يوسف:- منورة يا سوسو!!
سوسو:- منورة بأهلها.!!
بص بقى يا يوسف انا عارفه أن هما جايبني هنا عشان خاطر تتعرف عليا و تشوفني كسلعة صالحة للجواز
فهد بسخرية:- شاطرة يا سوسو!!
يوسف بسخرية:- لاء حضرتك الاجابات دي مش عندي لو عندك اي شكوى اتفضلي جوا..!!
سوسو:- بص بقى انا إنسانة محترمة وعندي مبادئ مش واحدة عايزة تتجوز وخلاص!!
فهد بسخرية:- أيوة يا سوسو!!
يوسف:- ما تهدي ياعم انت صدي صوت ولا ايه حكايتك!!!
سوسو:- بصراحة يا جو ومتزعلش مني!!
أنا شايفه أن انت شخصية تافهة وعديم المسؤولية و توكسيك!!
يوسف:- بس انا مش توكسيك يا سوسو!!
فهد:- لأ يا يوسف انت
توكسيك بس مش واخد بالك!!!
يوسف:- صح انا توكسيك دة كلام زي الفل!!
قولتيلي انتي بتشتغلي ايه!!!
سوسو:- انا دكتورة نفسية في مستشفى العباسية وانشاء الله أنشأ الله هفتح عيادة خاصة بيا قريب!!
فهد:- بسم الله مشاء الله!!
يوسف:- حلو اوي!! انتي تطلعي تقوليلهم برة أن انتي دكتورة نفسية في مستشفى العباسية
وانك إنسانة محترمة وعندك مبادئ!! وان انا شخصية تافهة وعديمة المسؤولية و....
فهد:- وتوكسيك!!!
يوسف:- و توكسيك بالظبط كده!!!
سلام عليكم!!!
★***★****★****★****★***★
في المساء
خديجة:- استغفر الله العظيم و اتوب اليه!!
عبدالله:- انت يالا جبلا مبتحسش!!!
يوسف:- ليه بس يا بابا هو انا عملت ايه!!!
خديجة:- عملك زي وشك تقدر تقولي طفشت
سوسو ليه يا آخرة صبري!!
يوسف:- اااه سوسو مش تقولو كدة!!
بقي جايبنلي واحدة من السرايا الصفرة وتقولولي عروسة!! طب دي والنبي لما احب اعملها فرحها هعملهولها فين!! في مستشفى المجذيب!! يا عم هي العملية ناقصة موريستان كمان ما كفاية اللي عندنا!!
عبدالله:- ومالها يعني مش فاهم!!
يوسف :- مالها لا حول ولا قوه الا بالله يعني انتوا عايزين تطيروا الربع اللي فاضل في نفوخي!! يا جماعه ريحوا نفسكم انا مش هتجوز دلوقتي!!
عبدالله:- يعني ايه انت عايز تقعد جنبنا لحد ما تعنس!!
يوسف:- انا عندي اني اعنس ولا اني اتجوز جوازة زي دي
خديجة:- هو أنت كل واحدة تطلع فيها القطط الفاطسة!!
فهد:- طب ايه المواصفات اللي عايزها تتوافر في شريكة حياتك؟؟!!!
يوسف:- ايه شريكة حياتي دي!!! وتشاركني في حياتي ليه أصلاً!!
فهد:- طب يا يوسف يا حبيبي انت دلوقتي لو قدامك انك تعيش مع واحدة بتحبك ولا واحدة انت بتحبها!
يوسف:- اختار الفلوس!!
فهد:- فلوس ايه!؟
يوسف:- معرفش والله انا لقيتك بتديني اختيارات قولت يمكن الأوفر دة عندك!!
عبدالله:- خلاص نشوف هند بنت خالتك!
يوسف:- يعني هو يا هند يا سوسو!! مفيش عندكم اختيار صح أبدا!! وبعدين هند أساساً
واحد صاحبي عايز يضحي بروحه و يتجوزها
عبدالله:- طب يابني انت في واحدة معينة في دماغك!!
يوسف:- لاء يا حج وريح نفسك مفيش!!
عبدالله:- متأكد!!
يوسف وهو يهز برأسه:- أيوة متأكد!!
عبدالله:- طيب بعد اذنكم عشان عندي مشوار كدة
★***★***★***★****★***★*★
في صباح اليوم التالي
لبس يوسف واتجه إلى مقر عمله
قسم الشرطة
ثم أخرج هاتفه ولمس بعض اللمسات
و انتظر الرد
يوسف:- الو..
مازن:- الو... ازيك يا جو!!
يوسف:- انت فين يلا!!
مازن:- في الشغل يعني هكون فين!!
يوسف:- اه.. وبتعمل إيه!!
مازن:- بعمل بادي كير ومنكير!!!
اقتحم يوسف في تلك اللحظة مكتب مازن!!.
يوسف:- طب ينفع كدة سايب شغلك و بتحط منكير!!
نظر له مازن بصدمة:-
يوسف بسخرية:- ايه!! ما تقفل يا عم الرصيد هيخلص!!
مازن:- انت أخيراً رجعت لشغلك!! حمدالله على السلامه!!
يوسف:- ايه رأيك في المفاجأة دي!!
مازن:- تعال بس نروح للواء سعد عشان في حاجة مهمة!!
يوسف:- يالا!!
***********
وصلت سلمي الي الصالة الرياضية
وظلت تتمرن تمرينات عنيفة
و تضرب كيس الملاكمة الرياضي
ثم جلست بتعب وهي ترتشف قطرات الماء
من قنينتها
احست بأن اليوم يجري بطريقة خاطئة
وهناك جزء ناقص و ذلك الجزء هو مدربها
كابتن "يوسف" وهو من يضايقها ويشاغبها طوال الوقت
سلمي لنفسها:-
الله هو أتأخر ليه مش عوايده يعني!!!
ايه دا ما يتأخر ولا يتنيل انا مالي انا
دة ايه المحن دة اللى انا فيه!!
ثم وقف وتوجهت لجهاز المشي لكي تكمل تمرينها
*****★*******★******★*****★
عند يوسف في مكتب اللواء سعد
سعد:- أخيراً يا يوسف قررت تقطع الإجازة الطويلة دي وترجع!!
يوسف:- معلش يا سيادة اللوا كانت ظروف
وعدت الحمدلله!!
سعد:- يوسف انت زي ابني وانا عشان واثق من كفأتك هخليك تتولي القضية دي!!
مع مازن!! أمسك دي اوراق القضية روح علي مكتبك راجعها وشوف هتوصل ل إيه!!
يوسف:- أنشأ الله اكون عند حسن الظن
ثم وقف هو ومازن
- بعد أذنك يا فندم!!
*****★******★*******★*******
جلس يوسف بضع ساعات يقرأ في ورق القضية ووجدها صعبة للغاية
طرق الباب..
يوسف:- ادخل!!
دخل مازن وجلس على الكرسي وتابع..
مازن:- ها قريت القضية!!
يوسف:- اه!!
مازن:- طب ووصلت لحاجة!!
يوسف:- لاء القضية صعبة وكبيرة!!
المشكلة هنا أن صاحب القضية دي مش
بيظهر بهئيته الحقيقة!! احنا كدة زي ما يكون بنتعامل مع شبح!! مازن هي الساعة كام!!
مازن:- ستة وربع!!
يوسف:- طيب انا محتاج افضي دماغي عشان افضي للقضية دي وهاخد ورق القضية عشان لو فيه اي تفصيلة صغيره نستفيد منها!!
مازن:- طب انت هتروح علي طول ولا رايح فين!!
يوسف:- لاء هروح صالة التدريب اتمرن فيها شوية وبعدين هروح!!
****★****★****★****★*****
وصل يوسف لصالة التدريب
بعد أن بدل ملابسه من ميري الي ملكي
بدء تمريناته الرياضية في حماس كعادته
و تدرب مع المصارعين بحيث يوجههم
مثل متي يدافع ومتي يهاجم ومتي يؤذي الخصم!!
*****★*****★******★******
بعد فترة من التدريب الشاق
خرجت سلمي من صالة التدريب
وذهبت لتركب سيارتها لاكن تفاجئت بشخص ما يقف خلفها و ممسكاً بآلة حادة
- ابرزي باللي في جيبك يا مزة من غير ولا كلمة لاحسن اخلي دمك يسيح عالارض زي الفرخة!!!
لفت سلمي لتنظر الي وجهه
ثم حدث!.............
يتبع..........................................
كومنت ومتابعة بقي!! ها