ابكم سحرني
الجزء الواحد والثلاثون
بقلم اوتار حزينه
،،،،
تمشيت للممر شريت الهدوم
ورجعت ،،،،سمعت باب الشارع
انفتح وعبالي عمار وذيج الباب انركع بقوه وصوت سياره شحطت بسرعه
تمشيت اريد اشوف شگو قبل لااوصل الباب
عمار دفعه بقوه وطب ووراه سهى
صفن عليه بنظرات كلها نار وتقدم عليه
صاااح باعصاب
منووو هذا الجاي عليج ووولج
فزيت ورجعت ليوره من سمعته حجه هيج
رجع صاح بيه وهو يتقدم عليه
منوو هذااا وليش فااايت لبيتنا ووج احجي
تره اكفر بيج
صيح بخبال وذيج هم صيحت ويا وكالت
ماااتحجين شعندج وي هذا الجان هنا
منين تعرفي وليش انهزم من شافنا اجينا
تخبلت من تهمتي بشرفي وصحت بيها
ااانجبي ولج ولاتظلين تحجين حجي زايد مو شفتي روحج رخيصه ورگضتي وره عمار عبالج اني هم مثلج ااني شريفه ومحد يگدر يطخ ثوبي ومستحيل انزل راس اهلي او بيت خالي
ريم دحگي منوو هذا شفتي عرفتي ووح احجي
تره راح اتخبل هاي مرتين اشوفه بيتنا
شعنده هنا وانتي ليش طالعه بهاي الساعه
حجيت بتوسل واني رافض فگره الخيانه لان اعرف ريم من هذا النوع
صفنت علي والقهر بگلبي مردني مرد عرفته شگ بيه
ذيج حجت بحقد
اااكيد متواعده ويااا تره مبينه طبينا وشفناها كدام عينه وذاك انهزم
اااانجبي ولج
ولا كلمه اسمع منج سدي حلگ وولي من جدامي
صحت بسهى باعصاب ترجف وريم حجت
وهي تبجي
هي ظلت بس هاي عمار كولها وخلي گلبي يكرهك بعد اكثر كول اني خنتك مثل ماانت خنتي
حتى ترتاح وتصير وحده بوحده
حجيت هيج ومشيت من يمهم واني اشهك بالبجي
طبيت واسمعه يصيح ورايه
ررريم ووج ريم اووكفي
خالو طلع من غرفته من سمع صياحه وكفني
بالممر وسالني بسرعه
شكوو شصاير
شهگت بالبجي وامه طلعت وظلت ادحك
علينا
شبيك تصيح لخاطر الله
اني الي حجيت وبصوت متقطع
خالو عمار تهمني بشرفي هو وهاي
فك عيونه واشرلي
شنوو
مثل ماسمعت هذا الماعرفه منوو هم اجه للبيت
جنت داشر الهدوم وسمعت الباب انفتح عبالي همه اجوي بس الباب انركع بقوه وسمعت صوت سياره شحطت من يمنا تمشيت، اريد اشوف شگو
وهم طبوا وتهموني اني عندي شي ويا هذا الفات
بدون ماادري بي وهاي مو اول مره سهى تحجي هيج ذاك اليوم هم حجت عليه وطعتني بشرفي
حجيتها بشهگه وخالو صفن عليهم بذهول وذيج حجت بحقد
ااااكلج لاتظلين تجذبين تره شفناج بعيونه
انتي ويااا
وووولج،
خالو صاح بيها وتقدم خطوه واشر بايده
تحلفين على القران انتي شفتيها وياا
ارتبكت وخافت وسكتت
وااانت شفتها ويااا
مااشفتها ويا ولا شگيت بيها اعرف ريم واعرف اخلاقها
جاوبت ابويه وشفتها دحكت علي والوجهه مطعون من القهر هزت راسها بلااا وجاوبتني بصوت مخنوك
لاا عمار انت ماتعرفني لان اول ماطبيت كتلي منو هذا الجاي عليج
حجيتها وطبيت لغرفتي سمعت خالو يرزل بي
هو وذيج وامه نزلت عليهم ذيج النزله
بجيت بعد ماجنت فرحانه بطلعتي ويا جان عندي امل هو راح يتغير لخاطرنا اني وجهاله بس بلحظه شگ ضيع كلشي
عمار
ظليت افتر بمكاني واسمع ابويه يحجي عليه هو وامي صحت باعصاب
يااابه عرف ريم واعرفها اخلاقها بسسس هذا منو وشعنده جاي علينا فهموووني تره راح اتخبل
خااف حرامي وديشوف البيت
ماادري يمه ماادري راح اتخبل هاي مرتين اشوفه
بالبيت شعنده وعليمن جاااي اذا حرامي ليش مااجه من احنا موو موجودين
سددد الموضوع وكافي تصيح وبعد اريد من الله
انت او ذيج تحجون بالشرف وتطعنون
بشرف ريم بالقران الا الزمك الباب انت وياها
وكول ابويه كال وصدك
حجه هيج وطب لغرفته ورگع الباب وراه
سهي حجت بعصبيه
شفته لابوك يريد يطردنا من وره ست ريم
اااش ولا كلمه وامشي ولي لفوك
صحت بيها وامي انهدت بيها
ااصعدي وجفي الشر لاتسمعين كلام مني
ابد مو سامعته
سهى صعدت ادردم وامي دحكت عليه بغضب
فرت بايدها وكملت
ولك انت ماتصيرلك جاره راح تظل هيج تجفص
بالبطن وادكول مووو قاصد
يممه دااكلج ااعرف ريم
اااش واسكت تره زودتها هوايه وي البنيه وبعد مالي وجهه اوكف وادافع عنك يمها
حجت هيج وطبت لغرفه ريم
ريم
كعدت اشهك وابجي واسمعه شلون يصيح
ويبرر لروحه كلمه كالها رجعتنا ليوره وخلتني اعرف
عمار مستحيل يتغير
امه طبت واجتي ليمي حجيت بسرعه
مااريد تبررين اله ابنج شك بيه عباله اني مثله
اكدر اخون اكدر اعرف واحد غيره
اني بنيه ماسويتها شلون اسويها واني مزوجه
شهكت بالبجي واختنگت هي كعدت يمي وجاوبتني
بقهر
اعرف وماجاي ابرر اله عمار غلط من شك بيج
احناا مارضينا اله لا اني ولا خالج
اني اجيت اشوفج شلونج
مووو زينه اااني موزينه وجااي اموت ياارب اخذني
والله تعبت وكرهت حتى روحي وهاي الدنيا
انهاريت بالبجي وهي حجت بقلق
كاافي تبجين ووج انتي حامل لايصير بيج
شي
ماسكتت وظليت اشهك بالبجي وهي كعدت
تهدي بيه وتحجي عليهم
عمار
صعدت لغرفه ريم وظليت افتر بيها ورثت جكاره
ورحت للحاسبه مالتي فتحتها ودورت بالتصوير
مال البيت شفته نزل ووكف يم الباب
طب وماطول راسا طلع ركب سيارته وولى
الكاميره الداخليه شفت ريم طلعت شرت الهدوم
واجتي تتمشه للباب من سده
فرگت راسي بضوجه واحس نار كبت بيه
حجيت باعصاب
هذاااا حرامي وجاي يبوك ومن شاف ريم انهزم
الباب انفتح وطبت سهى حجت بضوجه
ااكلك شنوو سالفه اهلك كل حجايه والثانيه
الزموو الباب شنوو احنا كاعدين عاريه عدهم
سهى اطلعي،من راسي هسه وعوفيني بحالي
ااانت شفت بعيونك هو طلع من بيتنا وشفتها
للخاتون بالكراج يعني شنوو غير جانت متواعده وو
ماخليتها تگمل لزمتها من فكها وعصرته بقوه وصحت بيها
كلمه وحده وادفنج هنااا اذبحج اذا عدتي هذا الكلام
ريم مااااتسويها
دفعتها بقوه الا وكعت بالگاع وهي صاحت بيه
موو انت كلتها شعندج ويااا
كاااافي ولج
صحت بيها ورحت عليها جريتها من زندها
وطلعتها بره واني اسب
بيها رگعت الباب وقفلته واني اتنفس بقوه
ظليت افتر بالغرفه ورجعت للحاسبه طگيت صوره اله جانت مو واضحه وكلت انطيها لرائد صديقي
هو يگدر بالاجهزه العدهم يطلع صوره اوضح وهم بلكي يعرفوا منو هذا
انتبهت لورقه جوه الحاسبه سحبتها وشفت الرقم
الي انطانيا علاء اخو ريم جنت كاتبه بجهازي
ودخلته بالحاسبه وماطلع موقعه مامن
حسابه الگلب وماكدرت اعرفه وين مكانه
والرقم جان مو مسجله
عگدت حواجبي وظليت صافن علي وعلى صوره
هذا الفات لبيتنا عقلي تشوش وكلت
شجاي يصير يااربي
خليت الرقم وي الصوره حتى انطيهن لصديقي
ريم
فرحتي بنجاحي راحت ونفسيتي تعبت كلش
ظليت بغرفتي ودمعتي بعيني خالو مااجه ولا حجه
وياي وسمعت من ماما هو خجلان مني من وره تصرفات عمار
جرح گلب صار وجع بروحي وكسره نفس
أسولف بيك أگلهم هذا اعز ناسّي
تالي بعتني وبالعافيه على اخذ مكاني
لا ريوك ولا غده وشكد حاولت امه تقنع بيه اطلع
اكل شي ماقبلت عزلت نفسي بغرفتي
والدمعه مافاركت عيوني
كاعده العصر وي ابني بالكاع وديلعب بالمكعبات
جهازي دك وشفته هو انطيته رفض ورحع دك
سويتله حضر وذبيت جهازي
رقم غريب دك وسويتله حضر لان عرفته هوو
حجيت وي روحي بوجع وقهر
نفس الكلام راح اسمعه
مو قصدي واعتذر وسامحيني وراح تبرر لروحك
وتريدني اسامحك بسهوله كلما غلطت بحقي
مسحت دموعي وشفت ابني صفن عليه برطم
وكام يبجي وشمر روحه عليه اخذته لحظني
وكنت اشهك وابجي وهو وياي
ابني خاف وكام يبجي بصوت قوي
مره خالو طبت وحجت بقلق
هااي شكوو شبيكم
شافتني اني ويا نبجي، واخذته بسرعه
حاولت تسكته بس ماسكت وظل يدحك عليه وحجت وياي
ووج كافي تبجين راح يصير بيج شي وبهذا الطفل
دشووفي شلون تخبل وماديسكت
سكتت گوه وهو شمر روحه عليه وكام يدفع
بماما كمت واخذته منها وحجيت بصوت مخنوك
ااش ماما لاتبجي هياني شووفني بعد ماابجي
ياسر ظل مبرطم والدموع بعيونه يدحك عليه
وعلى ماما الي انقهرت كلش وحجت بقهر
ياربي شنوو ذنبه لهل الطفل يظل عايش
هيج
بگلبي كلت
ذنب ابنج خطيتي وخطيه ولدي برگبته
ليوم الدين
بليل خالو حلف الا اكل وكلي بغرفتج اكلي لاتكعدين ويانا اخذي راحتج ولاتغصبين نفسج على شي
انتي ماتريدي بس ديربالج على روحج
وولدج
اكلت شويه لان نفسي جانت ممروده واحس بدوخه
وهم ماثبتنا ذبيتهن وره ساعه
روحي لابت من وره لعبان النفس والدوخه زادت
ساعه اربعه بعد مااكدر سمعت ياسر يبجي
وماكدرت اكوم علي زاد بالبجي
وكمت گوه تمشيت ليمه واحس جسمي كله
يرجف
ردت اشيله ماكدرت تمشيت للباب فتحته وسندت روحي علي صحت بصوت رجف
ماما خااا
غمضت عيوني وفتحتها مثل الاغماء اجاني
ررريم
سمعت صوت عمار ووجان اووكع يم الباب
جنت واعيه بس ماااكدر لا احجي ولا اتحرك
اسمع صوت صياح امه وابوه وهو
رريم اكعدي ووج شبيج
مي بوجهي انذب فتحت وشفته يضرب بوجهي
وهو خايف رجع راسي ثگل وفقدت الوعي
عمار
جنت كاعد بالصاله ماردت اصعد لفوك كرهته
وكرهت حتى وجود سهى يمي
كل مشوار اكوم وادحك لغرفه ريم
ردت احجي وياها خابرت راسلت وهي بكل مره
تسويلي حضر كلمه مني بساعه غضب رجعتنا ليوره
ضربت راسي وحجيت على روحي شلون كدرت احجي هيج شلون شگيت بيها واني اعرفها كلش زين هي شنوو
كاعد ادخن والنوم مجافيني مثل كل ليله
سمعت الباب انفتح وصاحت
كمت بسرعه وشفتها واكف يم الباب
لحظه ووكعت بالكاع
ردتها تكعد ماكوو فقدت ووجهها صار كركم
والشفه بيضه ثلج
ابويه صااح
وولك شيلها خلي نطلع بيها للمستشفى
شلتها بسرعه وعطت بسهى
جيبي السويج
اخذ سيارتي
ابويه حجه بسرعه وامي راحت جابت شال
غطت شعرها ووخليتها بسيارره ابويه ليوره
امي كعدت يمها وابويه ظل يم سهى وياسر
طلعت بسرعه واني مااشوف دربي
يممه انطيها مي
صحت واشوفها نكعتها بالمي وماكعدت
ووج ريم ااكعدي ماما باوعي عليه فتحي
عيونج
تضرب على وجهها وماكو صارت خرگه
امي حظنتها لصدرها وكامت تفرگ بوجهها وتخلي
مي،بحلگها وماكوو
ياااربي
صحت وضربت الستيرن بقوه سيطره وكفتني
وامي صاحت
يممه على بختكم البنيه راح تروح من ايدينا
الضابط اشر افتحوو الطريق
وطلعنا بسرعه
وصلنا لمستشفى قريبه علينا نزلت بسرعه اخذتها من امي والحمايه مال المستشفى حجو بسرعه
وديها على الطوارئ اخوويه
واحد مشه جدامي وصاح
دكتور خااالد الحك البنيه بسرعه
خليتها على السديه وهو سالني
شبيها اابنيه
امي الي حجت
ماادري يمه تخربطت على ساعه وماندري شبيها
خله جهاز الضغط بايدها فحصه وطلع
3 على. 2صاح بسرعه
نيمها صفح وارفعو رجليها
سويت مثل ماكال وامي حجت بخوف
دكتوره هي حامل
صفن عليها وماادري شكتب بورقه وانطاها لوحده اجتي يمه راحت ورجعت جايبه ابر ومغذي
خلت كانوله بايدها وضربت الابره بي
الدكتور وخرها ومشه المغذي بسرعه اجه
عدل راسها وفتح عيونها وحجه
خلوها على هاي الوضعيه ولاحد يحرگها
حجه وياي وكمل وي الممرضه بتركيز
عينج عليها تره ضغطها كلش نازل وهي منا حامل
خاف يصير شي تعالي بسرعه عليه
گلبي فز من حجه هيج وسالته بسرعه
دكتور ليش مااكعدت بيها شي
ماكو شي لاتخاف هي هسه بس يمشي المغذي
بدمها تفتح وتكعد بس تره الظاهر هي مو ماكله
شي وهيج ضغطها نزل
امي جاوبته بقهر
اي يمه مو ماكله شي من وره تنساتها
هز راسه ودحك عليها وورجع سالني
اذا ظل هيج تره مو زين يجوز هسه عدها التهاب
معده وماديخليها تاكل ودوها لدكتورها وهي
تعرف شتنطيها وهم تره تحتاج علاج للفقر الدم
لان وجهها اصفر وجوه عيونها اسود
هزيت راسي وجاوبته
الله كريم دكتور
ريم تحركت وونت هو واكف اجه عليها
لزم ايدها وقاس النبض هز راسه وكال
هاي كعدت ونبضها احسن من ذيج الساع
خلوها هيج منا الما يخلص المغذي
ريم
فتحت عيوني گوه واني احس بدوخه والدنيا
تفتر بيه ايد لزمت ايدي بقوه وصوت حجه بقلق
هاا ريم شلونج هسه
عرفته هوو ردت اسحب ايدي ماقبل وظل لازمها بقوه مجان عندي قوه اتصرف او احجي
ظليت متمدده وايدي بايده سمعت امه كالت
راح اروح اسأل الدكتور واجي
ظلينا وحدنا اني ويا من خله راسه على ايدينا
كمت ابجي بصوت مخنوك
باس ايدي وحجه بغصه
ااش لاتبجين اني مااستاهل دمعه من عيونج
سحبت ايدي وهو ماعافها ظل لازمها بقوه فتحت
عيوني وشفته رفع راسه ودحك عليه بعيون
مغوركه
درت روحي،منه وسحبت ايدي من ايده
رجعت غمضت عيوني ماردت اشوف سبب اذيتي
ردته يروح لان شوفته صارت كلها اذيه اليه
3بطال مغذي خلو اليه والرابع اخذنا ويانا للبيت
كاعده بصف امه واحس بتعب وعيوني ثگلن
جنت احس بعيونه عليه بس مادرت بال
وصلنا ساعه سته الصبح
نزلت وي امه ومشيت بتعب خالو تلكانا بالكراج
حجه بقلق وياي
هاا يابه شلونج هسه
مكدرت احجي صفن عليه
وبعدين على ابنه وهز راسه بعدم رضا مرته حجت
الحمد لله ضغطها هسه احسن
طبيت گبل لغرفتي ماشفت ذيج ابني جان نايم بمكانه
تمددت وماما غطتني وحجت
نامي وارتاحي
الباب راح اخلي مفتوح حتى اسمع ياسر من يكعد
اي
جاوبتها بس كلمه وغفيت راسا
عمار
كعدت بالصاله نزلت راسي واني مغمض عيوني بتعب
ابويه حجه وي امي من رجعت من يمها
هاا نامت
اي تعبانه كلش وراسا غفت
ابويه سكت شويه وبعدين كال
استغفر الله يااربي هاي نتيجه تصرفاتك عمار
محد ديوكع بيها غير هاي البنيه المسگينه
رفعت راسي وشفته يدحك عليه بغضب
سكتت وهو كمل بعصبيه
شووف نتيجه افعالك شوف شديصير بيها من وره
تسرعك باالكلام والافعال لشوكت انت راح تظل هيج
ماتوزن الامور ولا الكلام فهمني شووكت راح تعقل
صاح بيه وامي حجت بسرعه
ابو ياسر على بختك لاتصيح تونا جبنها من المستشفى كاافي مشاكل تره تعبنا والله وبعد مالنا خلگ الها
هووو منو مسوي المشاگل موو ابنج
مو هذا الكاعد جدامج
كمت بسرعه مشيت اريد اصعد فوك وهو هددني
ااسمعني ولك بالقراان اذا بعد اسمعك
غاثها بكلمه لريم انت او ذيج الفوك الا اتبره منك
ليوم الدين
مشيت بدون مااجاوبه صعدت وشفت سهى واكفه
يم الدرج حجت بعصبيه
حظها كاعد يم ابوك اااني ادري شمسويتله
دفعتها من جدامي ورحت لغرفه ريم
صاحت ورايه
ووين رايح هم راح تنام بذيج المهجومه
رگعت الباب بوجهها من اجتي ورايه وقفلته دگت الباب وصاحت ومادرت بال طفيت الضوه
ورحت تمددت بهدومي
ريم
العصر رحت للدكتوره مالتي فحصتني وسويت
تحاليل وطلع عندي التهاب معده قوي وويا فقر
دم انطتني ابره وعلمت ماما شلون تضربهن بالكانوله
وابر سوده تزيد دمي اكدت علي اكل وارتاح
رجعت وي خالو ومرته وهو خطيه كال لاتسون عشه جاب بيتزا ومقبلات ولفات گص
الايام مشت بيه وصحتي على العلاج شويه
تحسنت وكمت اكدر اكل مثل الاول عمار رجع مايجي للبيت كله بره ومايجيبه غير الليل وذيج جازت مني وعرفت من امه خالو مهددها يطردها من البيت اذا سمعها غاثتني بكلمه
اشوف نظرات الحقد بعيونها بس ماادير بال الها لان عرفتها انسانه مريضه وهمها بس نفسها
انانيه وهمها بس الطلعات والفلوس
بليل سمعت هوسه فوگ وصياح
امه صعدت ونزلت وره ساعه
ماعرفت شكوو صاير لان مايهمني لا هو ولا ذيج
مادرت بال تعلمنا على مشاكله وياها وصار عادي يوميا مگتوله منه
تزعل يوم يومين وترجع من ذاتها
ثاني يوم
طلعت وي خالو
الجان يفر بايده ومو عاجبه الوضع لان هم سمعهم تعارگوا رحت اسوي تحليل الدم لان الدكتوره كالت عيدي وجيبي اليه الحمد جانت نسبه دمي احسن من قبل
رجعت المغرب وتفاجأت من كالت ماما
عمار ضم قاصه الفلوس يمج بالكنتور
طبيت لغرفتي فتحته وشفته خالها بخانه الفوگ
عگدت حواجبي بضوجه وكلت
شكوو شصاير
عمار
الفلوس كثرت بايدي وصارت خير من الله
جنت اخليهن شلون مجان مأمن بالبيت واهله بس
بيوم جنت مخلي شده اعرفها شكد
كعدت بليل داعد بيهن وتفاجأت بيهن ناقصات
3 اوراق عديتهن من جديد وهم ماكوو
عگدت حواجبي وكمت للكنتور دورت بالجراره
والخزنه ماكو سالت سهى
ااكلج ماسفتي 3 اوراق واكعات منا منا
هاا لاا ليش شنوو مضيع ورق
اي 3ورقات ماكوو بهاي الشده
اجتي يمي وكامت ادور مالكينا شي
شنوو وين راحن تبخرن
حجيت بعصبيه ورجعا اعد بيهن هم نفس النقص
خاف منطيهن لواحد
لااا المن انطي البارحه خليتهن وجانن مضبوطات
شجاهن نقصن هسه
ماادري ليش تساليني اليه قابل اني ماخذتهن
جاوبتني بضوجه وسكتت كلت خاف متوهم لو رايحات لفلوس المكتب مال الاجهزه واني ناسي
الحاله تكررت عندي وكمت اخلي رمز بالورق والعراقي سكتت كلت يجي يوم واعرف فلوسي وين دتروح
بيوم رادت تشتري بتوت ذهب
كالت عندي فلوس بس انت انطيني وياهن
اشرت براسي باي وسالتها شكد عندج
عندي خمس اوراق ومليون عراقي
جيبيهن خلي احولهن عراقي واخذهن للمكتب الصيرفه
اي هسه
كامت جابتهن اليه اخذتهن
عدتيهن وعيوني ادور على الرمز شفت بورقتين الرمز
رفعت راسي ودحكت عليها بخزره
هذني منيلج
ارتبكت وظلت ادحك عليهن بأيدي وجاوبتني
بعين گويه
منين يعني غير منك انت واهلي
هاا كتلي مني زين اذا اكلج اني جنت انطيج
فلوس مابيه هذا الرمز شدكولين
اشرت علي وهي اصفرت وسكتت
ماااتحجين شبيج انلصمتي منيلج ذني بگتيهن مني
مووو وهاي موو اول مره تسوويها
اااحجي
لااا والله مابكتهن ذني منك انت
لااتجذبين ولللج ااني تقصدت انطيج ورق مابيي
هذا الرمز لان جنت شاك بيج
فزت من يمي وصاحت بيه
اااني مو حراااميه وعيب عليك تتهمني هيج
كوول ماريد اشتريلج بتوت وفضها
ووج من انعل ابوج لا ابو الذهب لا ابو الساعه
السوده الشفتج بيها
لااتسب ابويه وااحترم نفسك ولا تظل تغلط
هي هيج جاوبتني وكمت عليها صاحت بي
لاتضربني بالقران اذا ضربتني اروح اشتگي،
عليك
فقدت وملختها وهي ظلت تدفر بيه وتغلط عليه
امي صعدت على صياحنا
و گوه فكتها مني وطلعتني من يمها واني افشر عليها واسب بيها
العصر ولت لبيت اهلها اجه اخوها الشفيه
من الباب اخذها نزلت القاصه وخليتها بغرفه ريم
وطلعت وهي ماطولت اربعه ايام ورجعت من ذاتها
وحاولت ترضيني رفضتها ورفضه اشوف خلقتها
وظليت كل وگتي بغرفتي اني وريم الفوگ
ريم
خالو كال راح اقدملج على
معهد المعلمات بس يبدي الدوام
جنت فرحانه كلش واحس
حلمي راح يتحقق اخيرا بس عمار
وكف بوجه هذا الحلم من شافني ظليت رافضه اعتذاره وتواجده بحياتي
كاعدين بليل دنتعلل وهو نزل
كاشخ وريحه عطره ترست المكان عيوني
راحت لسهى وشفتها اكلته بعيونها
اجه ليمي رجعت ليوره وودرت وجهي من مد ايده
وراد ياخذ ياسر مني
جنت كاعده بالكاع ومتربعه
والعب وي ابني بالملاعيب مالته
جبت الجذيله وخليتها على جتفي ولهيت روحي
الم بغراضه
هاا يمه عبالك طالع
اي والله معزوم وي زيد على حفله مهر مال واحد صديق
تتأخر بالرجعه
سهى سالتني وهزيت راسي باي وعيوني على ريم
جانت لابسه دشادشه حمره طوخ والردن قصير طالعه كلش حلوه بيها
رفعت ايدها ووخرت شعرها من عيونها
ياسر صاحها دحكت علي وعيونها صارت بعيوني
طولت وهي ادحك عليه
گلبي فز ودكاته زادت بس بعدين وجهها تغير
ونزلت راسها
عمار ابوك راح يقدم لريم على معهد المعلمات
بس يبدي الدوام
عگدت حواجبي وجاوبت امي
ماكو دوام بالمعهد خليها تكعد بالبيت وتسكت
رفعت راسي من سمعته هيج حجه
وخالو جاوبه
ليش ياابه هي اخذت الشهاده
حتى تكعد بالبيت لو تكمل دراسه
ااني اريد هيج وماااريدها بعد لاتطلع ولا تطب
اريدها بالبيت جدام عيوني ومااريدها تصير موظفه
كمت وجاوبته بعصبيه
موو على كيفك انت اخر واحد يتحكم بحياتي واذا اريد اسمع كلام احد اسمع كلام خالوو وبس هو المسؤول عليه اني وولدي انت مالك دور بحياتي
رفعت حواجبي،ورجعت ليوره سندت ظهري
وجاوبتها واني متعمد اضوجها
هذا الحجي نگعي واشربي ميه اني رجلج
وابو ولدج ومن اكلج كلمه تسمعيها وتنفذيها بدون نقاش
واني اكلك راح تدرس وكلمتي هي التمشي
خالو جاوبه بعصبيه وهو كام انطه ياسر
لامه وجاوبه ببروده
خليها تكسر كلامي وشوف شراح اسوي
شفته مصمم على رأيه وجاوبته ببروده
طلگني عمااار
صارت صنطه وخالو صفن عليه وامه اجتي عليه وحجت بسرعه
ووج شنوو هذا الحجي عووفي هسه
هو بعدين يقتنع ويخليج تكملين
دحكت علي بغضب وصحت بي واني اريد اقهره
طلگني وخلصني منك
اانت مو كملت دراسه
مو رحت تزوجت عليه طلكني عمار و خليني
اااشوف حياتي وي غيرك
ااني سمعتها شحجت ونار شبت بيه
گلبت الطبله الجدامي وتقدمت عليها ابويه وكف يمها
وخزرني وحجه
ديربالك تمد ايدك عليها تره اسوي بيك شي مو صاير
سمعتهاااا شحجت تريد تطلك وتروح تزوج غيري
جاوبني بروده
من ايدك انت الي دجيب هذا الحجي لروحك
ظل عمار اضغط عليها الما تطفر منك وهاي اول الغيث تريد تطلك منك لان ملت منك ومن سوالفك
انت عايش حياتك وتريد تحرمها من ابسط حقوقها وين العدل يااابه وين مخافه الله
كاافي يمه مامليت وولك مرتك حامل وماصدكنا صارت زينه شبيك كل فتره قاهرها بحجايه
لو سالفه ومخلي الدمعه بعيونها
ماااكو بعد قهر
صحت واني ادحك علي بغضب وكملت
انت بعد ماتهمني عمااار من اخذت هااي
اشرت على سهى باعصاب وهي دحكت عليه بحقد
وكملت يعصبيه
ماات گلبي من يمك من خنتي وياها وجبتها
هنااا
ضربت الكاع برجلي بقوه وكملت ببجي
كلشي مات بينا من تزوجت عمار
وعلواه اطلگني حتى اخلص منك ومن هاي العيشه
لان تعبت كلش وكمت اتمنى الموت حتى
ماشوف وجهك
اعصابي انهارت وانسحبت من يمهم واني ابجي
عمار
طلعت من البيت مااشوف دربي روحي انمردت
من سمعت كلام ريم ،،كله كام يدور بعقلي
طلكني گلبي مات من يمك
اريد اشوف حياتي وي غيرك
وكفت السياره يم كوفي على الشط نزلت وكعدت بمكان مابيه احد ورثت جگاره وكمت ادخن
جهازي دگ وشفتها سهى ماجاوبت ولحت
فتحت الخط وجاوبت
هااا شتريدين
ظل بالي عليك وكلت خلي اخابرك
ماابيه شي روحي
ااوكف عمار هاي شبيك تره والله اني مقهوره
عليك وكلت خلي احجي وياك شويه
حتى تروح الضوجه مالتك
سهى روحي مالي خلگ احجي
عماار طلكها وارتاح تره هاي مبينه عدها شي
شفتها شلون كالت اروح اتزوج غيرك
سديت الخط وطفيت جهازي
ريم
كلامي الحجيته بذاك اليوم ظل بگلب عمار وانگلب
عليه بطريقه خلتني اشوف وجهه الثاني
جان من يجي بليل يروح لغرفتي وگت التعلوله
يضم لو ياخذ الفلوس من القاصه ويطلع
جنت اتمنى ياخذها يمه وكلت لماما وكالت
لااا هو مأمن بيج وحجتلي شلون ذيج
ماده ايدها على فلوسه
ماتفاجأت لان كلشي يطلع منها
هوو ظل يضم بدخل الصيرفه واسمعه يحجي وي خالو على الارباح واسمعه يگول ربحنا خير من الله
بيوم جنا اني وياها بالبيت ماما طلعت تسوك وهي خالو وعمار طالع للشغل
بغرفتي داصفط هدوم زايده
شلت جنطه وكلت خليها اصعدها
فوك ياسر جان نايم عفته وسديت الباب
وصعدت بيها لغرفتي سهى جانت بالمطبخ ماادري شسوي
خليتها بالكنتور وطلعت كم دشادشه عريضه
لان بطني شويه كبرت التهيت ارتب باالكنتور وطولت
نزلت وره وين وديتهن للحمام حتى اغسلهن
ورجعت للغرفتي انتبهت هي مفتوحه
مادرت بال شفت ياسر كعد والتهيت ويااا
ثاني يوم العصر خالو طلع بشغله كاعدين اني
وماما عمار نزل وويا سهى اجه
ليمنا وحجه شويه وي ياسر
وكال لامه
اروح اخذ الدخل اليوم نتحاسب اني وزيد
روح يمه وديربالك على روحك
راح من يمنا وووره لحظات اجه بسرعه وحجه
ووين الفلوس
گلبي هبط وصفنت علي امه كامت وحجت بسرعه
ياافلوس
فلووسي كلها ماكووو لا مال المكتب مال الاجهزه
ولا مال الصيرفه
ااانباگن يبوو عليه
سهى صاحت وكامت تلطم على خدها
امه مشت بسرعه للغرفتي واني وراها طبيت واشوف الخزنه مابيها ولا فلس
ووين راااحن لخاطررر الله ومنو فتحها
وشلووون
وولك يمه خاف انت شايلهن وناسي وين مخليهن
لو ضيعتهن بمكان
فقدت وصحت بامي
شنووو مخبل ماعندي راي براسي حتى اضيع
هيج فلوس لو اخليهن ماادري وين
جنت ادحك علي شلون يفتر بالغرفه ويصيح
حجه وياي
ريم ماشفتيهن ووج ذني كومه فلوس راح ينهجم بيتي
ماادري والله ولا شفتهن
عافني وراح للكامره دور بيها وماشاف اي احد طب لبيتنا رجع للغرفه مالتي وهو يصيح
وولكم وين راحن لاتخبلوني شلون اختفن وانتن بالبيت
يصيح وينثر بهدومي وغراضي بره جهاز وكع
واشتغل الضوه مالته صفنت علي
وكلت هذا شنوو ومنين اجه
هذا جهااازج
سهى حجت وجاوبتها
لااا مو مالتي
هو وكف واندار علي اخذ الجهاز من سهى
من شالته فتحه بدون كلام گلب بي ووجهه انطعن
وحسيته كام يرجف صفن عليه حجه بصوت مخنوك
منو فيصل ووولج
فگيت عيوني وسكتت هو تقدم عليه وامه وكفت
بوجهه وهي شايله ياسر وحجت بخوف
هاي شجاي تحجي عمار
وووللج منو فيصل ومنين عرفتي
صاح وياسر كام يبجي
ماااعرفه منوو
ولج شلون ماتعرفي وهيانج حاجيه ويا
ودازتله صورج لااا ومنطيته فلووسي
عماار شنوو حاجيه ويا وشنو فلوس ولك يمه
اتأكد يله تحجي
هاااج شوفي صورها وسوالفها ويااا شوفيها
شلون بااايكه فلوسي ومنطيتهن اله
امه اخذت الجهاز وشافت الي خلاه يتخبل
وحجت بسرعه
جذب يمه ريم ماتسويها
عقلي ضرب وكلت سوتها حتى تحرگ گلبي مثل
ماحرگت گلبها ردتها الي وخبلتني
صحت بخبال
ررردتيها ريم خنتي مثل مااني سويت
صاح بيه ومااحس الا ضاربني راجدي
قووي وكعت بالكاع وو كام يضرب بيه
بقوه خفت على الي بطني وحميته بايدي
ضربني برجلي واسمع امه تعيط هي وسهى
ضربه الخ اجتي بايدي وحسيتها طگت
روحي فرفحت ومن ضربني مره الخ
صارت براسي راسا فقدت الوعي
كعدت من حسيت بمي على وجهي واسمع خالو يصيح ويسب بعمار كومني هو مرته وروحي شاغت وعطت من ايدي
اخذوني للمستشفى بس،طبيت وشافوا حالتي
صارت هوسه وشرطه اجتي تريد تاخذ
اقوالي خالو انهار يمي وشفته تخربط
و وجهه اصفر كركم
حجيت گوه للضابط ،،وكعت من الدرج
اكد عليه وجذبت واني ابجي عدت نفس الكلام
هو مااقتنع وظل يلح عليه وبكل مره اكول محد ضربني اني وكعت من الدرج
هز راسه وسد القضيه جبرو ايدي والالم
موتني واحس بروحي دنزف
امه جانت يمي كتلها بصوت مخنوك وهي راحت بسرعه صاحت دكتوره فحصتني بالسونار وكالت
الجاره متقدمه واحتمال يصير اسقاط
ضربتني ابر مثبت وكتبلتي دوه وكالت فورا تنامين
بالفراش
طلعت على مسؤوليتي لان ماردت اظل هناك
طول الطريق ابجي وحجيت گوه
والله مو مالتي هذا الجهاز ولا خنت عمار وروح
ابويه ماخنته ولا اعرف منين اجه هذا الجهاز
ااش كافي لاتبجين وخليني اني اتصرف
خالو جاوبني بقهر وبصوت تعبان
ياااربي شنو هالمصيبه استر ياارب استر علينا
ولا تفضحنااا
امه حجت ببجي وسالتني
ووج هذا منين اجه الجهاز وشلون وصلن صورج
لهذا ابن القندره والفلوس ياااربي
شلون اخذهن ووج بعيوني شفته كاتب
ريم وصلن الفلوس انتظرج تطلگين حتى اجي
اخذج
زدت بالبجي وهزيت راسي
مااعرف والله وداعه ياسر مااعرفه ولا ادري
شلون وصلن صوري اله وااني اصلاا مااعرف رقم الخزنه مالته لعمار
گلت اسمه وردت بالبجي لزمت ايدي التوجعني
واحس ظهري مقسوم من الوجع
كااافي ااسكتن خلوني اعرف افگر
خالو صاح باعصاب وسكتن اثنينه
وصلنا بليل نزلت گوه وحسيت هدومي تنگعت
بالدم حجيت بخوف ووبجي
ماما دانزف
يتبع
اختكم جمانه 🌸