بسم الله الرحمن الرحيم 🌹🌹
فل نبدأ ✌️
************
وصل يوسف لمنزله وطرق الباب
ثم فتحت له طفلة صغيرة
:-
انت مين!!
يوسف:- ايه دة هو انا خبطت على
بيت غلط ولا ايه!!
ثم رجع عدة خطوات ليتأكد أنه منزله
:- لاء دة هو البيت!! انتي مين يا قمورة
لاء لاء مستحيل يكون اللي في دماغك دة صح لاء ابويا وامي خلفوا من ورايا
بس البت شكلها عسل اوي انتي اسمك ايه يا حلوة
:- اسمي ليلي
يوسف:- طب وانتي بنت مين !!؟
ليلي:- بنت بابا!!
يوسف:- لا يا شيخة بنت بابا!!
ثم حملها بين ذراعيه ودخل المنزل
يوسف:- يا ماما!!؟ ..يا بابا!! انتوا يا بشر ياللي موجودين معايا في البيت!!
ثم نظر إلى ليلي التي مازالت بين ذراعيه
:- انتي عملتي فيهم ايه!!
ليلي زفرت من غباء يوسف:- هما موجودين فوق!! ثم نزلت وسحبته من يده للاعلي!؟
يوسف:- يا ولية انتي واخداني عالاوضة ليه!!؟
ليلي:- اسكت بقى و ادخل جوا الله!!؟
دخل يوسف وتفاجئ من الذي يقف أمامه
أنه أخيه
وقف يوسف مصدوم للحظات ثم وقفت
بجانبه امه خديجة:-
يوسف باستهزاء:- ايه هي الهانم طردتك من البلد كلها ولا ايه!!؟
خديجة:- خلاص يا ابني فهد طلق مراته وجاب بنته وهيعيش معانا هنا وهنبداء
صفحه جديده!!!
ثم اتي فهد إليه واحتضنه وكان مشتاق لأخيه كثيراً وكذلك يوسف لاكنه يكابر ثم احتضنه هو الآخر
وقضوا يوماً سعيداً مع بعضهم احتفالاً بعودة
ابنهم من جديد
ثم اجتمعوا على مائدة الطعام التي كانت مملوءة بشتي الاصناف
أكلوا وذهبوا الي غرفهم ليناموا ..
وقف يوسف أمام غرفته
ومسك بمقبض الباب ووقف بجانبه فهد
يوسف:- انت رايح فين!!
فهد:- داخل انام،!!
يوسف:- تنام فين!!
فهد:- في الاوضة دي!!
يوسف:- اشمعني يعني الأوضة دي ما الفيلا مليانه اوض
فهد:- عشان دي الاوضة اللي متوضبة!! هنام معاك هنا لحد ما صابرين تنضفلي اوضتي !!
يوسف:- لا الاوضة دي معفنة دي اوضتي وانا ادري بيها يا عم وبعدين انا مبحبش حد ينام جنبي!!؟
فهد:- يا جدع بقولك هي ليلة واحدة اللي هنامها جنبك وسع بقي!!
ثم دخل للغرفة وخلع ملابسه
ونام على السرير!!؟
***********
في صباح اليوم التالي
جلس كلا من عبدالله وخديجة وفهد وليلي
علي المائدة ليتناولوا الافطار
ثم اتي إليهم يوسف وشعره منكوش وباين عليه أنه منامش من أصله
خديجة:- ايه يا يوسف كل دة نوم!!
يوسف وهو ينظر لهم باعينه الناعسة:- نوم!!!
هو انا عرفت انام من شخير ابنك ولا ترفيصه
دة انا لو منيم حصان جنبي مكنش رفص الرفص دة كله!!؟
فهد:- رفص ايه انا مبرفصش!؟
يوسف:- لا والنبي دة بأمارة لما اديتني برجلك في نص معدتي ورمتني من عالسرير ها ولا سرينة المطافي اللي انت مركبها في بقك دي وانت نايم دة انا وسطي اتقطم طول الليل من نومة الأرض دي منك لله!!
دة انت كفرتني يا راجل!!!؟
ضحك عبدالله علي يوسف بهستيرية ومسك بمعدته من كثرة الضحك!
وكذلك خديجة
عبدالله من بين ضحكاته:- ههههه رجعوا يناقروا في بعض من تاني!!؟
يوسف:- ياعم ولا اناقره ولا يناقرني انا
هقوم ألبس عشان اروح التمرين
*********
في كافيه يجلس رامي ومازن
مازن:- ولا بقولك ايه متجننش امي
انت عايز تتقدم لها ولا مش عايز!!
رامي:- أيوة عايز بس مش عارف
هقول ليوسف ايه!!
مازن :- بسيطة تروح تقوله يا يوسف
انا عايز اتقدم لبنت خالتك اللي لحد دلوقتي
معرفش إسمها ايه!! الموضوع سهل اهو!!؟
رامي:- تفتكر!!
مازن:- بقولك ايه انت أساساً لخمة ومش
هتعرف تكلمه سيبلي انا الموضوع دة
وانا اللي هقوله وهكلمه !! تمام !!
ثم يخرج من جيبه هاتفه
رامي:- انت بتعمل ايه؟؟!!
مازن:- انا مش قولتلك سيبلي الموضوع دة
ملكش دعوه بقي بعمل ايه!!
الو ازيك يلا واحشني!!
يوسف:- ازيك يا كلب البحر لسة مفتكر
تكلمني!!
مازن:- معلش بقى مشغوليات!! المهم انا عازمك النهاردة عالغدة
يوسف:- عازمني!! ودة من امتي!! اوعي يلا تكون ورثت وانا معرفش!!
مازن:- ياعم أخلص هتيجي امتي!!
يوسف:- انا هروح التمرين دلوقتي بعد لما
أخلص هكلمك ونشوف!
مازن:- خلاص ماشي!! سلام
*******
ذهب يوسف لصالة التدريب
وكان ممسكاً بكوب من القهوة ليستيقظ من نعاسه و يستطيع التدريب!!
رأي سلمي وهي تضرب كيس الملاكمة
وذهب إليها ليتسلي كعادته
وقف يوسف أمام كيس الملاكمة وقال
:- على فكره انتي بتلعبي غلط!!!
وهي كانت تلعب بالوضع الصحيح وهو يعلم ذلك لاكنه يريد استفزازها
يوسف:- بصي اول حاجة تضربي بأيدك اليمين وتحمي وشك بأيدك الشمال وبعدها تعملي العكس تماما
ثم وقف بجانب كيس الملاكمة
- يالا ابدئي!
سلمي كانت غاضبة منه ثم قررت قرار مع نفسها!! ثم ابتسمت ابتسامه جانبية صغيرة
ضربت اول ضربة في كيس الملاكمة
ثم الضربة التالية كانت في وجه يوسف
يوسف:- اااه ايه الغباوة دي!!!!
سلمي:- انت اللي واقف قصادي ومش عارفه
اضرب ولا اتمرن بسببك لو سمحت روح شوف انت بتعمل ايه!!
يوسف:- الحق عليا اني شوفتك بتتمرني زي ما تكوني لسة مبتدئة ومش عارفه حاجة
جيت اوريكي تضربي ازاي تقومي تضربيني انا !!
سلمي:- على فكرة أنا بعرف اتمرن كويس قوي ومش انت اللي هتيجي تقولي اتمرن ازاي ولا متمرنش ازاي ماشي!!
اتفضل بقي هوينا شوية عشان الأكسجين اتسحب من المكان!!!
جز يوسف على أسنانه وكور قبضة يده
سلمي:- انت هتتحول ولا ايه يا عم انت!!
ضرب يوسف ضربة قوية بها غضب من هذه الفتاة في كيس الملاكمة
وذهب بعدها وجلس على المقعد بجانب الحلبة ليرتب اشيائه و يتابع جميع اللاعبين
***********
بعد وقت من التمارين الرياضية ومتابعة
يوسف لجميع اللاعبين ونصائح لهم خرج الجميع من صالة التدريب لأخذ قسطاً من الراحة !!
امسك يوسف بهاتفه
الو انت فين!! طب انا جاي!
ذهب يوسف للقاء بأصدقائه في كافيه فخم
وجد اصدقائه بقرب من الباب ذهب إليهم
وجلس معهم
مازن:- انت ايه اللي جابك بدري يابني انت
مش قولت هتخلص التمرين وهتيجي!!
يوسف:- انا في وقت الراحة وقدامي ربع ساعة وهرجع تاني!! صحيح انت كنت عايزني في ايه!!
توتر "رامي" وظهر ذلك على ملامحه
مازن :- بص كدة عشان انا مش هلف وادور عليك في عريس جايلك!!
يوسف وهو ينظر له باشمئزاز:- عريس جايلي انا؛!! انت متخلف يا مازن!!! ولا انت اهبل
اظبط كدة بدل مأكسرلك عضم وشك؛!!
مازن:- يا عم اديني فرصة اكمل!! في ايه مصورة وفتحت في وشي!!! قصدي حد عايز
يتقدم لبنت خالتك!!
يوسف:- بنت خالتي مين!!!
مازن :- اللي اسمها..اسمها إيه ياربي!!
رامي بتلعثم:- هند!! الآنسة هند!!
يوسف:- وهو مين العريس إنشاءالله!!
مازن وهو يشاور على رامي:- اهو ده!
يوسف وهو يرفع أحدي حاجبيه:- دة بجد!!
ثم وقف من مكانه وتقدم نحية رامي!
رامي:- ايه هتتغابي!! ولا ايه!!
ثم احتضن يوسف رامي!
يوسف:- ألف ألف مبروك والله!!
رامي يتفاجئ:- يعني افهم من كده أن انت موافق!!
يوسف:- طبعاً موافق!! ربنا يتمم على خير
نظر يوسف لساعته
ثم اكمل بابتسامة عريضة
انا لازم ارجع عالصالة دلوقتي!! هظبط انا الحوار دة و هقولك!! سلام!!
ودع يوسف" رامي" ومازن " وتوجه لصالة التدريب مرة أخرى
*********
رجع إلى صالة التدريب وظل يتدرب بجهد ولم تغب سلمي عن نظره
لم يكن يعلم مشاعره تجاهها
هل هي مشاعر اعجاب؟!!!
ام حب !!
ام انها مجرد شخص يحب أن يضايقه فقط!!؟
تدربت سلمي تدريبها وعقب انتهاء ها منه أمسكت هاتفها الذي كان على وضع صامت!!
نظرت للهاتف ورأت عشرون مكالمة فائتة من شقيقتها!!
سلمي:- يا نهار ابيض!!! كل دي مكالمات من مليكة استر يا رب!!
- الو
مليكة :- ايه يا سلمي عمالة اكلمك من الصبح وانتي مش بتردي على تلفونك!!؟
سلمي:- معلش اصل كنت بتمرن و عاملة الموبايل سايلنت!!
مليكة :- بابا يا سلمي وشه اصفر و أغمي عليه وانا لوحدي في البيت ومش عارفه اتصرف!!
انا كلمت الاسعاف عشان تيجي!!!
سلمي بفزع:- ايييه!!! انا جاية حالا متتحركيش من البيت فاهمة!!
أغلقت الهاتف وهرولت بسرعة للم اشيائها لتذهب الي المنزل!!
رآها يوسف في حالة غير معتاد عليها ثم ذهب إليها ليري ما بها
يوسف:- في ايه مالك بتلمي حاجتك ليه التمرين لسة مخلصش!!
سلمي:- بابا تعبان وانا لازم اروح بسرعة؛
يوسف:- طب اطلعي انتي بعربيتك وانا هطلع وراكي بالعربية بتاعتي!! عشان مينفعش تركبي معايا لوحدك!!
لم يكمل يوسف حديثه بسبب سلمي التي هرولت للخارج بسرعة ولم تعبأ ليوسف الذي يصيح :- استني أنا جاي معاكي!!
ركب كل شخص سيارته وتوجهوا لمنزل
" محمود الالفي"
وصلت سلمي الي منزلها ووجدت سيارة إسعاف أمام المنزل وبها أبيها!
مليكة:- الحقيني يا سلمي!! بابا ماله!!
سلمي:- متخافيش!! ركبوا معه في سيارة الإسعاف و توجهوا للمشفى ولحق بهم يوسف بسيارته..
********
وصلوا إلى المشفى و دخل محمود غرفة الانعاش
بعد وقت خرج الدكتور من الغرفة
سلمي:- خير يا دكتور!!
الدكتور بابتسامة سمجة:- دي غيبوبة سكر !!
وانا احب ابشركم أن غيبوبة السكر دي تطورتها خطيرة جدا!! يعني ممكن تسبب تلف في خلايا المخ وطبعاً كلنا عارفين أن المخ
العامل الرئيسي في الجسم!! يعني الخلايا دي لو وصلت للمخ هنقرا الفاتحه على روح الحج!!
....