رغد : فاضي البيت مافيه الا انا ولا احد بيجي
تقدر تنام عندي
اساسا كلها اربع ساعات ونداوم
عز : متاكد
رغد : اي تعال
عز : ما بقول لا
رغد ابتسمت : اي لا تقول لا
دقايق ووصلوا
نزلوا
رغد ناظرت ل عز
اللي يبتسم لها
رغد دخلت : ياخي شفيك طول الطريق تبتسم كذا
بحياتي كلها ماشفت وجهك مبتسم كذا
شعندك
دخل بضحك وقال : لاني فرحان
اول مره احس بأهميتي عندك
انت دائما ماتعطيني وجه
ولا بعد بتخليني انام ببيتك ذي لحالها صدمه ..
شهقت رغد لما وصلو عند باب البيت داخل
واستدارت له
ناظر عز بصدمه : بسم الله وشش ليش شهقت كذا
رغد ابتسمت بتوتر
-شكل انضربت على راسي
كيف ما استوعبت
اوفف اخاف اذا دخلنا يشوف شي -
دقيقه البيت حوسه مره
بدخل لدقايق ارتبه واجي تمام ؟
عز : صاحي انت خلنا ندخل وارتبه معك
ترا عادي
رغد: لا لا انت ضيفنا كيف بخليك ترتب
عز : تستهبل انت ؟ يلا ندخل بس
تقدم بخطواته
وقفت رغد قدامه بسرعه
ورفعت راسها له : لا لا البيت يخجل ماباخذ
وقت اجلس بالحديقه هنا ودقايق وتدخل
نزل ياناظر لها ولقربها : يحلوك وانت طولك كذا هه
ضربت رغد صدره بخفه : ياخي لا تغير الموضوع
عز : تمام تمام اعرف مابنخلص من عنادك
رغد : حلو انك عارف
دخلت وسكرت الباب وراها
نظفت الفوضى وشالت بعض الصور
دخلت غرفتها قفلت دولاب ملابسها
ورتبت التسريحه
تنهدت وهي تتاكد من كل شي
: مافيه اي شي يخليه يشك
دخلت غرفه الضيوف ترتبها
دقايق وفتحت له الباب
دخل
رغد : تاخرت ؟
عز : يعني
المهم انت نام وارتاح
لاتسوي شي بكره عندنا دوام
رغد : انت بعد نام
عز : اي بنام
وبرسل لسعد
بكره يجيب من ملابسه لي
رغد بتثاوب : تمام تعال بوريك غرفتك
مشت لغرفه الضيوف
رغد لما وصلت فتحت الباب : ذي غرفتك
عز : وانت وين تنام ؟
رغد : غرفتي ليش ؟
عز : بنام عندك عادي لو بالارض
رغد : لا لا نام هنا اريح لك
دخلت وشغلت التكييف له
: يلا انا طالع
دخلت غرفتها
واستلقت على السرير
: اوفف انا وش ورطت نفسي فيه
ثواني ودق الباب
عقدت حاجبيها وناظرت لباب
فتح الباب عز : رعد ؟
رغد بنوم : ها
اقترب لها مبتسم
رغد سحبت البطانيه وغطت نفسها
: وش اخلص علي بنام
عز : ابي شاحن جوالي بيطفي
رغد : انا اشحن الحين
عز : مو لازم انا اهم
رغد : اصبر فيه شاحن ثاني
شف التسريحه بدرج الوسط
تلقى شاحن
خذه وطف النور واطلعع
عز : طيب رعد عندك سرير هنا ليش ماتخليني انام عندك
رغد : لانه كيفي
يلا اطلع
عز جلس على سريرها
: طيب اخرر شي
رغد : وش
عبدالعزيز ترا شوي ونداوم وانا ما نمت مثل الناس
عز : طيب طيب
ابعد عنها البطانيه :الحين كيف اراضيك ؟
يعني مو قلت انك زعلان لسى ...
رغد تحاول تسحبت من يده البطانيه
: عبدالعزيزز قووم خذ الشاحن ونام يلا
بعدين نتفاهم
عز ابتسم : تمام
ترك البطانيه : تصبح على خير
وقام
رغد بانزعاج: وخرر ذي الابتسامه تراك مو طبيعي
وغطت نفسها بالبطانيه
دقايق
طفى النور وسكر الباب
بعد ما اخذ الشاحن
ابعدت رغد بطانيتها لما سمعت صوت الباب يتسكر
ناظرت باستغراب: كانه اخذ وقت عبال مايطلع ؟
تاففت ولفت للجهه الثانيه واغمضت عينيها..
.....
قامت رغد على صوت المنبه
طفته بانزعاج
راحت متجهه لدولاب اخذت لبس المدرسه
وراحت لحمام
دقايق وطلعت
رغد : وش ذي الريحه الغريبه !
قامت وطلعت برا الغرفه
متجهه لمصدر الريحه
شافت طاوله الطعام
: مين مسوي كل ذا ؟
اقترب عز مع جيك العصير
ليضعه فوق الطاوله
وناظر لها بهدوء
: صباح الخير
ترا متاخرين اذا ماتدري
بعدين مين يحط منبه بذي الساعه
رغد : مالك دخل
عز : طيب يحلو تعال افطر معي
رغد جلست على الكرسي
ناظرت لطاوله اخذت كوب العصير
ولاحظت كوب زياده : طيب عبدالعزيز
ليش جايب كوب زياده
: لاني موجود
شرقت رغد اول ماسمعت الصوت
: كحح كح انت من وين طلعت
كحح
ابتسم لها بتسليك
وسحب الكرسي اللي بجانبها
وجلس
اقترب عندها وهمس : لو عرف سعد الله يرحمك
التفتت رغد له بابتسامه تسليك
وهمست : سعد ماراح يدري عن اي
شي صار امس
غمزت له على اخر كلامها
ناظر لها بحقد
ثم ناظر ل عز بحده
عز : على وش تتهامسوا سمعوني
ايمن : مالك دخل
عز بحده : انـ..
رغد قاطعته : عز اكلك لذيذ مره
خلك من ذا
وترا مره تاخرنا
عز تافف وقال بهدوء : بالعافيه
دقايق وخلصوا
وطلعوا
ايمن ناظر ل عز : لا تنسى اللي قلت
عز لارد
ناظرت رغد له باستغراب
كان يناظر الارض بشرود : هي عز وين رحت
فاق من شروده وناظر لها مبتسم
: نعم
رغد : ايمن يكلمك
عز : ماعليك منه
اقدر اجي بيتك مره ثانيه
ايمن بحده: لاا
رغد : ها
عز ناظر لايمن بحده
ثم ابتسم ل رغد : عادي ؟
ايمن : اقولك لا ما تفهم
عز : انت وشدخلك !
رغد : اهدوا اهدوا !!
ايمن تنهد وقال ل عز : المهم لا تنسى اللي قلت لك داخل
عز : اوهه
دقيقه مافهمت ليش يعني
لو اني مسوي جريمه
ايمن : انا قلت لك وانت الباقي عليك
رغد ناظرت ايمن بحده : وشش وش
ايمن : اقولك بعدين
المهم يلا تاخرنا
عز ناظر باستغراب واستوعب انه سيارته مو عند الباب : وين سيارتي !
ايمن : تعال حطيتها اخر الشارع
رغد عقدت حاجبيها : طيب من وين لك المفاتيح !
ايمن : اخذتها من عبدالعزيز
عز : قصده سرقها هاته ويلا تاخرنا
اعطاه ايمن المفتاح
وراحوا متجهين لها
وصلوا للمدرسه متاخرين
رغد ناظرت لهم : معليكم دايما اجي كذا
انتوا تعالوا وراي
عشان ماننمسك ويحطون لنا تاخير
عز : تمام يلا
تبعوها
وقفت رغد عند البوابه
عز كان بيدخل
سحبته رغد لورا
: وش قلت انا ؟
بعدين تبي تدخل كذا ؟
مو شايف المعلم والوكيل !
تراجع عز : طيب وش دراني
انا حتى لو تاخرت عادي اسلم نفسي
انت ليش كذا تبالغ ترا كله تاخير
رغد : لانهم طفشو مني على كثر تاخيري
ايمن : يلا يلا مافيه احد خلونا ندخل
دخلوا
وركضوا لدرج
تنهدو لما وصلو لدور الثاني
عز ل رغد مبتسم: يلا اشوفك بالفسحه
رغد ابتسمت له : ان شاءالله
راح
ولف لها ايمن بحده
: بيننا كلام كثير
مسكت رغد ذراعه : الحين خلنا نروح للفصل
دخلوا للفصل
وكان المعلم موجود
تافف وناظر لهم : ادخلوا
راح كل واحد بكرسيه
رغد جلست بهدوء تناظر
لدرس بشرود
مر الوقت
رن جرس الفسحه
قام ايمن من مكانه وراح وقف عند كرسي رغد
: يلا استعجل عندي موضوع لك
رغد سكرت شنطتها ونزلتها
وناظرت له بتافف : يلا بنطلع لا تنفجر علي هنا
طلعوا
لساحهه
ومسك يدها لورا المدرسه
وقربوا لدرج الطوارىء
ناظر حوله وفوق
كان درج الطوارئ بزاويه محاوطه جدارين
وبعيد عن الكل
تركها
وناظر بحده : ايي وش صار
قول لي وكيف تصالحتوا
لدرجه انك خليته ينام عندك
ما اصدق ابدا اللي اعرف لو يموت قدامك ما اهتميت
وش صار هاا؟؟
بدا صوت يعلو
الا ان صرخ ب اخر كلامه
رمشت رغد وهي تسمعه
: انت مثل اخوك تستمتعو انكم تلصقوني فيه
ولما صار اللي تبونه انفجرتوا
ايش فيه ؟
بعدين دقيقه قصر صوتك لا كفف
بزر عندك !
تنهد ايمن :انا ما اقصد انكم رجعتوا لا
لكن كيف كذا ؟
صح اني فرحت انكم رجعتوا زي قبل
مع ان متعتي بهوشتكم
لكن انصدمت لما عرف انك مخليه ينام عندك
همس بحده : رغد ماتسويها ابدا لو انها سكرانه
ف ليش ؟ بفهم نستي انك بنت
تخيلي لو ماشفت جوال سعد باخر لحظه وعرف وقتها
انه عندك ايش بسوي ؟
ترا انتِ بنت بنهايه لاتتعمقي ب شخصيه رعد !
رغد تنهدت : تمام معك حق
وانا صدق ناسيه الموضوع واخذتوا زي العاده
يعني انا بنسبه ل عبدالعزيز كيف اشرح
انه مو مثل الباقي لا هو الوحيد اللي ارتاح معه
صح كنت افكر انه يكرهني عشان كذا ماخذه راحتي
ما اقصد غير كذا مع انه تغير مو مثل قبل
بس تفكيري لسى كذا انا من يومي ارتاح لشخص اللي يكرهني
كيف لا تسألني
وذيك الله اعتذرت له..
صرخ بصوت عالي : كييييف !!!!!
حط ايده على عيونه بغضب
ثم ابعدهم وناظر لها بهدوء وبهمس: رغد انتِ
انجنيتي اكيد ماكله شي مو طبيعي اللي اسمعه
كييف كيفف فهميني كيف تعتذرين وانتِ مالك دخل
رغد انا صدقت او بالاحرى انا الوحيد اللي مصدق انك
مالمستي غيث ليش كذا بكل بساطه تعتذري
معقوله انك ضربتيه صدق !!
رغد وضعت يديها على كتوف
: اهدأ اهدأ
لا انا فعلا ما لمسته بس خلاص الموضوع انتهى بنسبه لي
لما عرف انه الاغلب شاك واحس مايهم
المهم ان اذا اعتذرت بيرجع كل شي مثل قبل
وهذا يكفي
فصدق خلاص مافيه شي بينفع
وذاك غيث مو فاضيه له وانا عارف انه مايوقف على كذا
افكر اخلص منه باي طريقه
ابعد يديها وتنهد : غيث مو تاركك واضح حاطك براسه
انت قايل له شي ؟ لا يكون عباله انك خكري وشاذ ؟
رغد : لا لا ..
ايمن : متاكد ما لعبتي منا او منا اعرفك
اعرفك اخاف من الطفش تلعبين وتمزحين
وما اهتميتي ايش ممكن يفكرون ..
رغد قاطعته: لا صدقق صدقق ما سويت شي
ايمن : اذا عرفنا سبب تصرفاته بنحل موضوعه
بس خلنا نشوف وش بسوي بعد مايعرف انكم متراضين
رغد : الا تصدق امس متصل على الورع ذا
ويقول انه طلع عبدالعزيز معصب ومدري ايش
وانا السبب خيرر وش يحس فيه ذا الورع
نرفزني
ايمن : عشان كذا جيت ؟؟
رغد : تقريبا
ايمن: ليتك ماجيت كان شفنا لعب عز
اخخ مع ياسر بتنقلب الساحه نار وشرار
رغد ضربت صدره : مو صاحي انت
امشش يلا نروح للعيال بشوف ردت فعلهم
خاصتا البكاي غيث
ضحك ايمن : حمااااس
مشوا متجهين لمكان الشله
ناظرت لهم
وماكان لا عز ولا غيث موجودين
ناظر رغد وايمن لبعض
: وينهم
جاسوا عندهم
ايمن : اييي وين عز ؟
رغد : وين غيث ؟
ناظروهم العيال بشك
نوح : وش عندكم ؟
رغد وايمن : اشتقنا ..
ناظروا لبعض ثم ابتسموا
ولفوا لشله مبتسمين
سعود بقشعريرة: ماحبيت الجو غريب هنا
احمد : وشش وش غريب
شكله في شي بيعجبنا انا وياك
غمز له على اخر كلامه
سعود ناظره بحده : احمد كل كل وسد حلقك
ايمن شاف عز جاء
ابتسم وناظر رغد
همست رغد له : وش الفايده اذا كان غين باء مو موجود
سعد سمع همسها : من ذا اللي مو موجود
التفت ايمن له : صدق مين ماعرفت
رجع ناظر رغد بستغراب
بعدها فهم : اوهه اوه غين باء
حبيت
وصار يضحك بصوت عالي
جلس عز بانزعاج ناظر بحده له
ايمن بضحك : حبيبي عزيز ترا ما اضحك عليك
سعود : حبيبي ؟
لا مو طبيعيين اليوم
ايمن ناظر لرغد وكمل يضحك بقوه
وغمز لها
التفتت اول ما غمز لها
وناظرت ل غيث اللي جاء
رجعت تناظر ل ايمن مبتسمه
غيث جلس وناظر ل ايمن بحده : وش فيه ذا
احمد : كان يحش فيك
ايمن : غيث ولد عمي الكيوت ترا ما اضحك عليك
غيث بقرف : وش كيوت انت
رغد همست ل ايمن
: ماتحسه لاصق فينا ذي الفتره وش جيبه
ايمن همس لها : مو هو غين باء ؟!
رغد : الا بس اقصد فجاءه حسيت انه مو بالعاده ينشب لنا
ترا مدرسته جنبنا وبينا جدار مين الحمار بيجي كذا
وش ذا الشقى
ايمن بضحك : معلينا منه المهم جاء غين باء
رجع انحنى لها وبهمس : الا وش معنى باء ؟
رغد : اختصار ل بكاي
صار يضحك ويناظر غيث
اللي كان منزعج هو وعز من ضحكاته
رغد حست ب سعد اللي ماشال عينه عنها
-ذا عنده حاسه الام السادسه
الله يستر لا يحشرنا انا وايمن -
ابتسمت له
رفع حاجبه وناظر بحده
رغد ابعدت نظرها عنه -واضح بيحشرنا -
لفت تناظر غيث
اللي كان يناظر لها بحقد
-شفيهم الناس علي -
لاحظت نظرات عز وابتسامته لها
-بسم الله مو متعوده عليه كذا
احس افضل يناظر لي بحده -
احمد لاحظ عز : هيي ورع عزيز
شفيك تبتسم كذا
تو اشوف اسنانك ماشاءالله طلعن بيضاء
التفت له : لاني مروق اليوم
احمد زحف وقرب له : الله الله الله
عبدالعزيز مروق ؟
ذي ماتصير الا نادرا
نوح : عز انت بخير ؟
احمد ل نوح : اص خل الورع يستانس
رجع ناظر ل عز : من شنو ؟
عز ابتسم له : مالك دخل
احمد تافف
رن الجرس انتهاء الفسحه
رجع احمد يتافف
قاموا كلهم الا رغد
اللي مسكها سعد
وبعد ماقاموا الكل
ومشوا
قام هو وياها
ومشوا وراهم بمسافه بعيده شوي
ناظر سعد لها وبهمس: وش فيه ايمن
يضحك وكأنه مسوي مصيبه
وعلى ايش تتضاحكوا
ومين غين باء ؟
رغد : بسم الله
تمام بتكلم لكن لا تاكلني
سعد : يلا سمعني
رغد : هو بس كنا نقول وين غيث بس كذا
وبعدها قلت غين باء اللي هو غيث
فضحك اني شفرته وبس
عقد حاجبيه وقال باستغراب : باء وش واختصاره ؟
رغد بتوتر : باء باء يعني بزر هه
سعد ناظر بحده : انتوا مافيه ثقه
رغد ابتسمت : معليه..
قاطعها صوت نوح : سعد تعال جنبي بقولك شي
سعد التفت لهم ثم ناظر لرغد : بتكون عيني عليك
تقدم بخطوات سريعه ل نوح
تنهدت رغد
تناظر لهم
وتمشي بالخلف بهدوء
-كنت بشوف ردت فعل غيث
بس شكلهم ما لاحظو شي
او ماخطر ببالهم انا ممكن نتصالح -
يوسف ناظر ورا
ورجع لرغد
ومشى معها
وقال مبتسم : اكيد بتروح لنادي؟
رغد بتافف: يوه نسيته
لا لا مالي خلق لهم ولا للكابتن
بسحب وقول رعد استأذن وطلع او اي شي
يوسف: ليه ؟ ترا اللعب معك حلو
رغد : بكره بكره ان شاءالله
يوسف : تمام
...
بوقت الطلعه
كانت تمشي رغد متجهه ل برا المدرسه
بتجاه موقف السيارات
: يوه طلعت اول الناس
شكلي بنتظر عند سيارتهم لوقت طويل
لا لا يارب يجون بسرعه
واصطدمت بشخص
رغد رجعت للخلف باستغراب
: معليش
ناظرت باستغراب له ولنظراته ولشله اللي كانت معه
كملت طريقها لما مارد
تقدمت الشله وقاطعت طريقها
رغد : اسف ياخي ترا ما اقصد
الشخص اللي اصطدمت فيه ناظر لها بحده
وبصوت عالي:مو متقصد ؟؟ تستهبل ماتشوف !
رغد عقدت حاجبيها باستغراب : صاحي انت ؟
ابعد عني بس
كانت بتطلع من بينهم
لكن دفعها بقوه لتسقط على الارض
قامت رغد بسرعه وبصوت عالي : مجنون انت
كانت بتضرب
لكن توسعت عيونها
لما انضرب من خلفه وسقط على الارض
ناظرت لشخص اللي ضربه
: عبدالعزيز
ناظر لها بسرعه لما سمع اسمه
: وش صار لك شي ؟
ثم ناظر للي انضرب
: انت كيف تتجراء ترفع صوتك على رعد
ناظر للي شله اللي معه
:وانتم وش فيكم حوله ؟
وش تبون من رعد ؟
قام اللي انضرب : وانت وشدخلك ؟
عز : وش دخلني اجل
ضربه بقوه ببطنه
: تحاول تزعج واحد من اخوياي
بمسح بوجهك الارض
ضربه بقوه لورا ليسقط
تقدموا اثنين ل عبدالعزيز
و واحد من الشله تقدم ل رغد
كان بيضربها على انشغال عز بالشخصين
ناظرت له بممل
وضربت فكه من تحت
ليسقط بألم وصدمه من دمه اللي ينزف
تفل الدم وناظر لها بخوف
رغد : اوه مو بقصدي
قربوا نوح واحمد لهم
وركض يوسف ومحمد لرغد
نوح : وش صاير
ركض ل عز بيوقفه
: عبدالعزيز وقفف ليش تتضاربوا
قدر نوح ومحمد يمسكوه
وهربوا الكل
الا الشخص اللي كان يضربه
احمد
تافف نوح
ومسك احمد مع شعره لورا
: وقف يابزر
هرب الشخص
احمد : مابديت حتى ..
وقف احمد وناظر ل عز منصدم
نوح استدار وناظر للي يناظر
: بسم الله
كان عز عند رغد
ممسك بكتوفه ويتطمن عليه
عز : متاكد انهم ماضربوك ؟
رغد : اي عبدالعزيز مثل ما قلت
بس دفعني وطحت
عز تنهد : الحمدالله
ولا كان الحين راكض وراهم
رغد : انت اللي سويته تو يكفي وكثير
يوسف ومحمد اللي كانوا جنب رغد
مستغربين من قلق عز
ناظرو لبعض
يوسف ل محمد : كأن عز انضرب مره ؟
محمد : يمكن تصالحوا
اقتربوا نوح واحمد : تصالحوا ؟؟
ناظر نوح ل احمد
ثم ناظرو ل عز
عز : ليش احنه كنا متزاعلين ؟
قالوا بصوت عالي : ماندري عنككك!
عز : اقول يلا بس لسياره
راح وركب السياره
ناظروا كلهم ل رغد
ابتسمت لهم : اي اي تصالحنا
كلهم ناظروا بفرح وضموها
عز فتح نافذه السياره بانزعاج
: ابعدوووا عنه
ترا دقايق وامشي
ترا صدق اسويها تعرفوني
بعدوا عنه وركضوا لسياره
احمد وهو يركض : يمه لا لا مابي انحشر مع سعود
ايمن قرب ل رغد
والتفت لسياره عز : ترا انا ورعد بنروح مع سعود
مسك معصم رغد وسحبها معه قبل يسمع رده
قربوا لسياره سعود
ايمنن : تدري شي
رغد باستغراب: يمه تخوف تكلم بسرعه
لا توترني
ايمن : طيب كنت بلعب بعصابك شوي..
رغد : ايمن
ايمن : تمام تمام
تخيل لما جتك الشله كنت وراك بس بعيد مره المهم
انه كنت اشوفك
ولما اجتمعوا عليك
قربت شوي وجلست اناظر مستمتع
بشوفك تنجلد
المهم طلع مو بس انا اللي كنت اشوف ومستمتع
عقدت رغد حاجبيها باستغراب : اييي مافهمت
يعني مين غيرك بيجلس يناظر بدون مايسوي شي ؟
ايمن : عاد مو كذا كنت بشوفهم ينحلدون الصراحه
كنت ابيكم تمسخي الارض فيهم
رغد : اي اي معليك مصدقتك
ايمن : المهم انه كان غيث يناظر ومبتسم معي
ولما جاء عز عصب ووجه واضح منزعج اخ فاتك
تدري اساسا شفته يناظرك من اول مامشيت وراك
وقفت عند البوابه ناظرته بالبدايه كنت بناديه بس مو يمي كان يناظرك بعدها يناظر لذيك الشله اللي كانت تمشي جنبك !
اول شي قلت صدفه يمكن ناظر لهم
بس الشله كانت تمشي جنبك فجاءه قاطعت طريقك وصدمتيه
ورجعوا وقفوا بطريقك مره ثانيه يعني الموضوع مو صدفه
رغد : يعني تقول انه غيث مخطط معهم
ايمن : اي
رغد : يمكن لا لانه اساسا اكيد هو مثلك شاف الهوشه
وناظر معك مستمتع عادي
ايمن : بس هو يناظر لك من البدايه
رغد : هو من يومه يناظر لي
انا لو شفته من بعيد بناظر له
عادي
ايمن : طيب ليش ناظر لشله اللي عندك
وليش من الاساس الشله متقصده تتهاوش معك
تعرف واحد منهم لا
تعرفيهم لا
اجل ليه قربوا لك متقصدين انهم يتضاربوا معك
رغد : بسم الله
طيب يمكن ناظر لهم كذا
بعدين يمكن متقصدين يتهاوشوا
كذا بدون سبب
طفشوا وشافوني قالوي يلا نلعب
زي حركاتكم
ايمن : اوف منك
اخخ لو كان فعلا غيث
اوف ماقدر اتخيل ايش ممكن يصير
—————————————————————————
ان شاءالله البارت الجاي الخميس او قبل 💗💗
- توقعاتكم للبارت الجاي؟
||تقييمكم للبارت من 10 ،
ولطفاً كومنت وفوت 💋♥️.||
•
.
💖💖
~~
•
.
•
،
•
.
أحبكم🥺❤️🔥
______
.
•
.
•
.-
......