نغزات محرمه ( عراقيه)

الحلقه الثالثه

روايه (نغزات محرمه) اللهجه 🇮🇶 العراقيه بقلمي ميار السعدي 🖤 🥀

تصويت +علقو عل فقرات +متابعه لحسابي وقدرو تعبي للأستمرار بالحلقات القادمه 🦋 ✨

لأقبل فمكِ المحرم... لأتذوق رحيق شفتيكِ.. لأحتضن جسدك الصغير بين أضلعي.. لنشعر بالدفأ معا..جسد بجسد...فم بفم... يد بيد.... لنكتفي بهذا.. واهمسي انكِ تحبين ما أفعل يا صغيره......

بقلمي ميار السعدي ماعرف شخبصت احمم يله نبدي 💔✨🙊....

___________________________________

خلصت حميت الاكل جبت صينيه خليتها ع ميز رحت جبت الزلاطه سويتها استوني مرتبه بصحن وترستها زيتون احبه.... خليتها ورحت جبت صحن تمن وحطيته بالصينيه وكاسه مال زبادي هم هو يحبه.... وما سويت اللحم اثنينه مناكله بهيج يوم...

وكليت كبه جاهزه نباتيه حيل احبها هم خليتها... وسويت أقلام بتيته صحن ترس بطريقتي الأحبها خليت شويه بهارات صارت تجننن.... حضرت الصينيه صاارت شهيه وحلوه مرتبه...... خليت الصمون والخواشيك والصلصه الحاره.... تعبت واني افكر واشتغل....

شلتها وطلعت من المطبخ باوعت لباب الغرفه مفتوح همزين أبتسمت ومشيت خطوات ثابته دخلت الغرفه بهدوء ماكو صوت بس الهوا ياربي ثلجج ليش يشغل سبلت؟؟.....

باوعت جفلت شفته مرتاج فوك الفراش ع جربايه ومشغل البلازمه صوتها ناصي ع أخبار...... لابس تراك اسود...... تقدمت خطوات رفع عيونه بعيوني وعدل كعدته شمر الجهاز بصفه...

وصلت الفراش نزلت الاكل ع جربايه كدامه حجه بهدوء شابك ايده

علي : تخلينه ع فراش؟؟

رمشت بثول عدلت وكفتي حجيت مستغربه

قمر : لعد بالكاع؟؟

كلت هيج عقد حاجبه بشرود وحجه بخفوت

علي : ليش تكرهين تاكلين بالكاع؟

قمر : متعوده ع أماكن مرتفعه...

علي : ليش؟

قمر : هيج بس متعوده ماعرف ليش....

هز راسه واشرلي اصعد ما صدكت فرحت مشيت وصعدت ع فراش كدامه تربعت شبكت ايدي وباوعتله صافن عليه بلعت ريقي واني احفض نضراته الفارغه بعيده غريبه... حزينه.. ما يكدر ينكر هذا الحزن شكد ما يحاول يكابر.... فجأه تذكرت الصار يم السياره..... وجعني كلبي برطمت بشرود عقد حاجبه وحجه بهدوء

علي : ليش مبرطمه؟؟

ابتسمت بخفه َحجيت بهدوء عيوني بعيونه

قمر : تذكرت شي حزين وجع كلبي...

رفع حاجبه شويه بقى فتره يباوعلي ونزل راسه اخذ كبايه بعضه وحده اكلها كلها.... ابتسمت من سوه هيج.... أخذ الخاشوكه اكل زلاطه بشهيه مبين جوعان..... لأن ع غدا ما اكل زين...

علي : تعشي تاخذين علاجج...

نزلت راسي وأخذت كبايه أكلت شويه وكل شويه يباوعلي.... واني عيوني تلمع مدري ليش... يمكن مَن احساس القرب... او الحنان... الرابط القوي بيني وبينه من غير جفاف.... اقصد هو جاف بس احسن من قبل.... هاي اللحظات ثمينه جدآ احبها لأن نادره ما تتكرر كل فتره...

اكلت شويه شويه واباوعله رفع رأسه جفلت شبي هذا نضراته خوفتني.... نزلت الكبه..... اشو هذا رفع ايده لخدي قشعرت... بقه شويه ونزللها حجه بهدوء وبرود

علي : راحت حرارتج؟؟

بلعت ريقي واني اركز بكلامه عقدت حاجبي وخر ايده ورجع ياكل حجه بهدوء ما نهتم

علي : هاي المره افوتها الج مره ثانيه ما اعبرها..

عضيت شفتي عرفته شيقصد... نزلت راسي ورجع حجه

علي : ممنوع تعيدين الصار قبل شويه اليوم مريضه سكتت المره الجايه ما اسكت اكسر راسجج فهمتي؟.

نترر بيه رفع عيونه دمعت شبكت ايدي َحجيت بخفوت

قمر : فهمتت..

ضل صافن فتره بعيوني واني اريد ابجي شبي بس يعيط حرام يبقى شويه زين وهادئ...... بلعت ريقي بشرود... وحجيت بخفوت وغصه وهو صافن عليه

قمر : ماحب تضل تتصرف وياي هيج بابا...

كتلها بخنكه حرك لسانه بشرود ع شفته ونزل راسه حجه ببرود

علي : ما اهتم لرأيج... بكيفي...

ابتسمت بطرف شفتي اختنكت حجيت واني اهز راسي...

قمر : بكيفك... عادي.. تعودت..

علي :، زين...

قمر : عادي سؤال؟؟

علي : لااا اكلي سريع..

قمر : انسدت نفسي...

رفع عيونه بغضب حجه بنار تجدح من عيونه بس ضليت صامده

علي : قمرر اكلييي...

حجه بحزم ما يقبل نقاش نزلت راسي شبكت ايدي ما اكلت... رجع كرر الكلمه ما رديت.... ضليت معنده مادري ليش....

بس جفلت من سحب فكي حيلل بقوه باوعتله بصدمه كازز سنونه... وقرب من وجهيي حجه بحفوت وغضب

علي : كتلجج اتزقنبيييي حتى تشربين العلاج...

رفعت ايدي لزمت ايده ع فكي ومبرطمه بقهرر حجيت بهدوء خافت

قمر : إلا توعدني تاخذني للكنيسه باجر...؟

كلت هيج فتح عيونه ضل صافن كأنو تذكر شي عقد حاجبه ونتررر خدي رجع لمكانه نزل راسه اخذ خياره اكلها وحجه رفع عيونه بعيوني

علي : مو الا ترحين للكنيسه...

كتفت ايدي وحجيت بهدوء

قمر : الاا اريد اروح صار زمان ما رايحه وما مرتاحه ولا اجيب معدلات زينه.... فاقده الأمان والأمن والراحه.... وانت مسود عيشتي.... أريد اشكي حالي ليسوع الرحمه يساعدني.....

اني احجي وهو مركز بكلامي وصافن خلصت عض شفته بشرود ونزل عيونه لشعري حجه بهدوء

علي : خلصي عشا ومشطي شعرج ولي نامي... باجر عندج دراسه ماكدر اخذج...

قمر : باجر سبت صح اكو دراسه بهذا اليوم بس راح اغيب عادي.... يعرفون اني بنتك محد يحجي وياي..

رفع حاجبه ضيق عيونه وحجه بشرود مبتسم بطرف شفته لا إرادي ابتسمت فضولي اعرف منو يتذكر من احجي شي... ليش يشرد ويسرح..؟

علي : مستغله معرفتي هناك؟؟

فتحت عيوني حجيت بصدمه وسرعه مادري شحجيت

قمر : لا والله... اصلا كلش متواضعه وما احجي ويا احد حتى الي يكرهوني ماعليه بيهم ولا مهتمه... وحتى اكو بنات يتعاركن وياي ما اشتكيت عليهن...

حجيت كلشي واني ابرر وهو صافن عقد حاجبه وحجه بتساؤل

علي : منو يتعارك وياج؟؟...

رمشت بثول وصفنه.... احس غلطت من حجيتتت لااا شخبصت اني؟؟ مو وكتها راح يكعد يحقق واكيد بلا شك راح يجي لمدرستي.... لا لا والله ماريد خرببب أنوب يشوف ذاك الحيوان؟ معقوله يشوفه؟ بس لاا... ماريد يجي.. ويتخبل حتى عليه واني مالي علاقه هواي شباب بالمدرسه تبصبص ع بنات والله مو بس اني.....
والحيوان مو راضي يعوفني بحالي يوميه طالعلي....... دك كلبي بعنف رفع حاجبه كأنو يقرأ أفكاري.... جفلت حجيت بهدوء

قمر : البنات يكرهني مرات يزعجني بس عادي تعودت ومرات يزعجني مو دائما...

علي : ليش؟؟

قمر : لأن مسيحيه...

علي : هواي مسيحيات وياج ليش بس انتي؟؟

قمر : لأن البقيه عادي أهلهم كلهم مسيح بس اني يكولون انتي مسلمه لأن ابوج مسلم... ونضل متعاركين هيج بالكلام وننتهي برزاله معدله من المسؤول وخلص.....
ومو بس ع هاي نتعارك هنه اصلا اعتقد اكتشفت يغارن مني... لأن مستحيل نكره شخص لهاي الدرجه.... وعرفت من نضراتهن عليه...

ابتسم بطرف شفته واكل خياره وحجه بهدوء

علي : يمكن لأن حلوه؟

فتحت عيوني بصدمه ابتسمت بوسع شويه وطكيتها بضحكه شطولها رجعت راسي وراا.... لزمت كلبي واني اضحك غطيت وجهيي فركته من الضحك غصيت والله ماعرف ليشش بس ضحكت من كلبيي من الفرح من تخمينه الصحح هههههههههههه...

علي : كافي لجج مو ضحكه هاي...

كحيت بقوه ضربت ع صدري ابتسمت عيوني مدمعه من الضحك مسحتها وحجيت اباوعله شفته مبتسم بس خفاها سريع

قمر : احمم.... ههههههه..... اسف والله.... بس صح..

علي : واثقه من روحج؟؟

قمر : اكيد اني حلوه بس ما اتباها واكول اني حلوه مثلهن لكن اكتشفت هنه يكرهني لأن مسيحيه وحلوه.... وأغلب المسيحيات هناك جمالهن خاص اني وياهن....

علي : اكلي...

أخذت كبايه من الفرح اكلتها كلها أخذت خاشَوكه أكلت زلاطه واكل بشهيه.... اكلت شويه زبادي رفعت راسي شفته صافن ردت اغص نزلت راسي مسحت شفتي.... شويه وحجيت بهدوء

قمر : راح تجي لمدرستي اعرف صح؟؟

رفع حاجبه ورجع ضهره وراا ارتاج ع مخده كأنو خلص اكل ابتعد..... عيونه بعيوني وحجه ببرود وهو يسحب جهازه

علي : ماعرف...

هزيت راسي عرفت راح يجي... اتنهدت والصمت ترس الغرفه وهاي الأخبار وترتني اكرها.... باوعت وراي أخذت الجهاز ضغطته وغيرته طلع فلم اجنبي شمرت الجهاز.... ورجعت باوعتله... عيونه عليه حجه

علي : رجعي ع أخبار..

قمر : مو حلوه..

علي : كتلج حلوه؟؟ رجعي..

قمر : اوك..

أخذت الجهاز اريد اغيره توقفت من حجه هو ببرود

علي : عجبني الفلم عوفي..

ابتسمت وعفته باوعت للصينيه ما اشتهي شلتها ونزلت وقفني هو

علي : شبعتي؟؟

قمر : اي ما اشتهيي... لو اندومي جان اكلته...

رفع حاجبه خزرني غلست ومشيت ع باب حجه وراي

علي : غسلي وجيبي وياج العلاج وماي....

هزيت راسي وطلعت سريع دخلت المطبخ والبيت صافي دافي شكد احب هيج ماحب الهوسه.. وابن عمي الصغير بس يعيط ويبجي... وأصوات مزعجه... احب الهدوء....

خليت الصينيه بالسنك هسه الصبح تخليني اغسلها واني اكره المواعين.... اديه تصير معقجه وما احب هيج.... احب احافض ع نعومتهن.... عندي هوس بأضافري القصيره وناعمه نضيفه... وب كلشي حتى جسمي احبه... واكره اللمس... عندي فوبيا اللمس من كل شخص اتخبل إذا قرب مني....

ما عدا بابا وصديقتي بس ذولي ماعرف ليش كلشي مسموح منهم احبهم...... وخالتي همم...

غسلت ايدي ورحت الثلاجه أخذت ماي وكلاص نضيف.... أخذت العلاج ع ميز.. وطلعت دخلت الغرفه رفع راسه بهدوء اشرلي بيده أقرب منه ابتسمت بوسع صرت خبله..... قربت ع كيفي... خليت الماي ع ميز ترست كلاص قدمته إله شربه مره وحده أخذته ترسته اخذ هو العلاج فتحه يقرأ بي.... عاقد حاجبه مركز بي....

واني واكفه يمه وهو مرتاج ع فراش..... ضليت انتضره شويه وطلع حبابه رفعها الي اخذتها وشربتها وهو عيونه عليه.... فتح الشراب خله شويه ورفع ايده...

نزلت راسي لزمت ايده حسيته ارتعش راد يكع الشراب اريد اوخر اشرلي اشربه وهو بيده.... نزلت ع كيفي وشربته سريع....

سد الشراب ورجعهن بالعلاكه أخذته منه خليته ع ميز..... كشيت وجهي لعبان نفس مررررر.... أخذت الكلاص سريع ترسته ماي شربته......

علي : طعمه مُرر؟

هزيت راسي بلعت ريقي ويعععع اكره العلاج كله... نفضت شعري مكفش ما مشطته ناعم بس مو مرتب...
وطويل يتعبني أضل امشط يوميه.... صفنت شويه وهو يكلب بالجهاز... عضيت شفتي وحجيت بهمس خاف يعيط بيه..

قمر : بابااا...

جريت الكلمه رد ببرود ما رفع راسه

علي : شتردين؟؟

شبكت ايدي وحجيت بهدوء

قمر : شعري حيل طويل....

كلت هيج ألمح شويه شويه شو هذا رافع راسه بغضب وصك سنونه... بهتتت بلعت العافيه رمشت بثول.... أريد احجي حجه هو

علي : اي؟ والمطلوب؟

أخذت نفس وبلعت ريقي اسايره بالكلام حجيت بتلعثمم....

قمر : بس شسمه.... أريد.... بس احدده؟..

رفع حاجبه ضل صافن فتره واني كلبي يدك بلكت ما يغضب لأن جان زين قبل شويه..... استغربت من اشرلي وحجه

علي : تعاي خل اشوفه...؟

رفعت حواجبي بتساؤل وخوف مستغربه ضليت واكفه عبالي اتخيل.... شو اشرلي اكعد بصفه وعدل كعدته شمر الجهاز تربع.....

مشيت ع كيفي فركت ايدي وابتسمت بخفه... أخذت نفس وكعدت بطرف الجربايه.... شبكت ايدي وحجيت بهدوء

قمر : يبزعني أضل امشط ايدي تنكسر.. وما ينشف بسرعه... واتاخر الصبح ع خط...

اجاني صوته البارد بهدوء

علي : هو هذا طويل؟

قمر : اي والله شوفه زين...

رفعت ايدي نثرته ع ضهري حتى يشوفه.... شويه وصارت ايده ع شعري من جوه يجمع بي ابتسمت بحنان مو طبيعي رجعت وراا قربت منه.... سحب شعري من فوك كأنو يقيس بي.... او يشوف طوله... شعري عسلي غامق بي خيوط ذهبيه ساطعه بس بالشمس تصير تلمع عبالك ذهب..... الباقي عسلي غامق.....

ابتسمت أكثر وأيده بعدها تجمع بشعري وينزل لآخر شعري ويرجع من فوك يلزمه.... شويه وهمس بخفوت

علي : مو حيلل طويل عادي...

قمر : الاا طويل وثخين يشلع كلبيي بس شويه اقص منه و....

كلت هيج ما كملت سحبني سريععع شهكت بصدمه رفعت راسي مبهوته ونزل وجهه حجه بأذني بخفوت وأيده ضاغطه ع ذراعي بقوه وضهري لازك بصدره

علي : لا تقصين منه.... اكسر راسج فهمتيي؟؟

هزيت راسي بشرود مبهوته رفع وجهه شويه باوعت بعيونه واني دايره راسي.... ضل صافن ثواني بشرود وفراغ ولمحه ألم بعيونه.... واني عقدت حاجبي مستغربه..... حجيت بهدوء خافت

قمر : شبيك؟؟

ما حجه استمر بالتحديق بملامحي كأنو يحفض انش انش بوجهي ماعرف ليش... كأنو يحاول يفهم شي... عيونه مكسوره مخذوله حزينه......احاول ادخل بداخله اعرف بشنو يحس؟؟... بشنو مر بحياته..؟ احس هو عاش حياه بعيده عني.... مع انو اني بنته... بس احس......

اجاني صوته الخافت المرتجف بعيد قطع تفكيري...

علي : اشتياق قاتل... بداخلي.. بأعماقي.. بروحي ياكل بيه اكل.... اشتياق ماله نهايه...

ارتعش كل جسمي قشعريره دمعت برطمت وعيوني بعيونه المليانه حجي ما ينحجي بلعت ريقي بغصه انداريت سريع حاوطته َحضنته بقوه..... حجيت بخفوت

قمر : ليشش؟؟ ليش ضايج دائما؟ شنو بداخلك مخليك هيج قاسي؟

حرك راسه بكتفي وشعري ورفع ايده بهدوء حاوطني وحجه ورفع وجهه بخدي واذني

علي : انتي.... انتي قريبه مني واني ماريد...

عقدت حاجبي نزلت دموعي ما حجيت شي ضليت ساكته رجع مثل ما هو.... عادي يله ما يهم..... هزيت راسي حتى يحجي حضني بقوه كسر ضلوعي وحجه بأنفاسه الحاره ع اذنييي قشعرت اريد اوخر نتر بيه بيده جمدني وهمس

علي : تعرفين شي؟... اني اريدج بقربي وما اريدج... أريد اذيج وما اريد.... اكرهجج.... اا....انتي بداخلي أكثر مني.... احبچچ..... اريدج.... اخاف تختفين مره ثانيه.... نانتي..... الهمجيه مالتي..... ابقي هنااا بضلوعيي.... ادفيچ مثل يوميه.... هااا.... حبيبي...

قمر : بابااا اني قمررر....

كلت هيج برجفه وعيوني مدمعه بلعت ريقي زاد بحضنه ورفع وجهه ملاصق بخدي بقوه وحجه عيونه بعيوني أنفاسه تلفحني... واني كلشي بيه ينتفض.... شويه وحجه بهمس أنفه ع أنفي

علي : نانا...

قمر : لااا قمرر

هز راسه بنفي وحجه بشرود

علي : بس اني اشوف نانا...

قمر : انت تشوفني بس اني قمر...

علي : قمرر...

قمر : ايي..

غمض عيونه عض شفته بقوه يقاوم شي بداخله وحرك أنفه بهدوء ع أنفي نزلت دموعي.... رفع ايده لخدي وشعري سحبني وطبع شفته بخفه خفه مرتجفه جوه عيني ع دموعي......

غمضت برطمت وهو طول فتح شفته ورجع سدها بوسه دافيه بيها معاني بس ماعرفها شنو هيه...بحركه هادئه وسحبني من وجهي لصدره خلاني استريح هناا..... ومسح ع شعري بنعومه ورجع شفته ع شعري......

قربت منه أكثر حضني بقوه جعصني...واني مرتاحه بهذا الأمان حتى إذا يتخيلني غير شخص ما يهم المهم قريبه منه.....

رفعت ايدي لصدره رفع وجهي من فكي استغربت باوعتله صفن بعيوني وقرب مني لامس أنفي وحجه بشرود

علي : تحبيني؟؟

ابتسمت بطرف شفتي ورفعت ايدي حضنت ايده ع خدي وهمست

قمر : حيلل احبك اكثر منك...

غمض عيونه هز راسه بأيجاب اتنهد بنفس طويل ع وجهي ونزل شفته شواربه نغزتني وطبع بوسه خفيفه جوه أنفي عقدت حاجبي بلعت ريقي.... قبضت ايدي بقوه بحضني....

حجه بهمس وهو يريح جبينه ع جبيني

علي : اطلعي براا سريع...

عقدت حاجبي بهتت حجيت بهدوء

قمر : ليش هيج متناقض؟؟.....

علي : مشطي شعرج ونامي...

قمر : ليش تضيع كلامي؟....

علي : حضري ملابسج كلها حضرتها لأن جنتي نايمه باجر نروح سفره....

ابتسمت بوسع شهكت ونسيت كلشي حجيت سريع

قمر : صدككك؟.... والله... ليش؟ منو كال؟...

حجه بشرود عيونه بعيوني وجبينه ع جبيني وأيده حاضنه وجهي

علي : محد كال بس كل فتره بهيج وقت اخذكم علمود امي ترتاح...

قمر : علمود جده؟؟...

علي : ايي...

ابتسمت وحجيت

قمر : وين السفره؟؟.... يا مكان فضول؟...

نزل عيونه لشفتي وحجه ببرود

علي : مكان حلوو.... مو مجمع علمود ترتاحون.... بيت ع طبيعه.....

فتحت عيوني وشفتي مبتسمه وحجيت بحماس واني اتخيل

قمر : يعني بيت وحدنا؟ جبير مثل هذاا؟ وطبيعه خضار وهيج؟ مثل خيالي؟

عقد حاجبه ابتسم بخفه ترك خدي ورجع ورا سريع نام ع مخده وأيده جوه راسه عيونه ع سقف ويمسح ع شواربه بشرود استغربت تناقضه السريع......

اريد احجي حجه هو بهدوء وبرود...

علي : اي مثل خيالج... طبيعه حلوه... وبيت حلوو..

تربعت نفضت شعري وراا صفنت اتخيل البيت متحمسه يمااا.... باوعتله شفته صافن عليه حجيت بتسأؤل

قمر : شنسوي بالبيت؟...

عقد حاجبه حسيته يريد يضحك استغفر ورجع صفن ع سقف..... حجيت بهدوء فركت ايدي

قمر : اقصد غير نروح منتزهات؟ وهيج ونفرح؟ خا ما نروح نكعد بالبيت؟...

باوعلي بقه صافن كانو يحللل غبائي حجه ببرود وهدوء

علي : شبيج؟....... من نروح احكمي.... لا تخيلين احسن.....

قمر : إذا ماكو شي ممتع ما اروح والله...

كلت هيج ع نياتي نفضت شعري حجه هو

علي : وانتي بكيفج ما ترحين؟ اني ما أخذ رأيج ولا مأخذ حضرتج تتونسين رايحه ويه العائله غصبا عليج....

برطمت كشيت وجهي وحجيت شبكت ايدي كدامي

قمر : المكان بارد؟ حتى احضر ملابس حلوه؟؟

علي : اي بارد حضري لبس دافي...

هزيت راسي شويه وعقدت حاجبي سألته مستغربه

قمر : لحضه... هو ليش؟... شكد راح نبقى هناك؟

فغرت شفتي حجه هو ببرود

علي : كم يوم ونرجع...

قمر : ودراستي؟؟

علي : اخذتلج اجازه....

ابتسمت بوسع فرحت خلصني من أبشع امتحان يايييي جنت شايله هم شلون احفض... لزمت القلاده مالتي براحه اوفففف....

اتنهدت باوعتله بفرح حجه صافن بعيوني

علي : فرحانه؟

قمر : اكيد راح اتونس باجر.... واعيش كل لحضه صار فتره طويله ما طالعين من هالبيت...

علي : شلون تعيشين كل لحضه؟؟...

صفنت وحجيت اتخيل مبتسمه

قمر : مثلا اريد اركض.... هواي اريد اركض والعب واكمز ويه ابن عمي الداده..... ونضحك سوه... وانت كلت ع طبيعه يعني حديقه جبيره واكو أشجار راح اتسلق الشجره وما يهم إذا اكع المهم أسوي اي شي بخاطري.... واضل افتر ما اكعد ابد استكشف كلشي حلوو.... لحد ما اكع من التعب وانام.....

صافنه وتخيلت كل لحضه مبتسمه بفرح رفعت ايدي لشفتي باوعتله صافن بشرود من باوعتله هز راسه اتنهد وحجه ببرود يقتلني بي

علي : يله كومي اطلعي ماضل وقت كلها نامت من وقت باجر نطلع روحي نامي...

قمر : شوكت نطلع؟..

علي : على كيفنه نتريك شويه ونطلع....

قمر : يعني مو حيل بعيد المكان؟؟...

علي : تقريبا عادي متعود اروحله ماعرف إذا بعيد....

قمر : هااا؟... جنت تروحله؟.... شلون وحدك؟... يعني..

علي : اي وحدي.... المكان مالتي...

فتحت عيوني بصدمه

قمر : يعني شلون البيت مالتنه؟

علي : مالتي...

قمر : هو يعني مالتنه..

علي : كتلج مالتي انتي شنوو؟؟

قمر : غير انت بابا واني وياك بكلشي؟....

ضل صافن من كلت هيج عض شفته بخفه ونزل ايده بصفه وحجه

علي : كومي نامي هواي تحجين...

قمر : امممم.... زين عادي اطلب طلب؟؟..

رفع حاجبه بشك حجيت مبتسمه ميلت راسي بلكت يتلطف

قمر : سمعت عمو قادر راح يجيب لروان جهاز... اني هم اريد واحد....

علي : شسوين بي؟

قمر : برأيك؟؟

علي : بلا سخافه لج...

قمر : اسفف والله... بس اقصد يعني جهاز إليه اكلب بي اصور بي اني وصديقاتي... واوثق رحلتنه باجر.. شلون؟؟..

علي : بجهازي...

قمر : لااا اريد إليه واحد... جهازك دائما مشغول بي...

علي : عندي اثنين من غير مال شغل...

قمر : والله؟...

علي : افتحي هذا الجرار كومي...

ابتسمت وكمزت نزلت كام يغلط من الكمزه... وكفت وكع شعري كله عليه شلع كلبي نفضته وفتحت الجرار وعيوني متتت وكلبي طارر جهاز يخبلل جديد وجبير اسود لمس.......

مديت ايدي أخذته مصفنه فتحته مبين مستعمله بس ليش هيج حلو وجديد؟...... باوعتله بفرحح صافن عليه اشرلي تعالي..... رحت سريع صعدت يمه أخذه مني فتحه ومدري شسوه ومد ايده إليه...

ابتسمت واخذته كلبت بصدمه يخبلل كل تطبيقات بييي دخلت ع كاميرا تجنن واسعه وصافيه.... ضحكت وركضت ع ايدي حضنته بقوه هو ونايم حجيت بفرح

قمر : شكراااا يخبلل راح اصور كلشيي باجر...

رفعت راسيي وجهه متهجم راحت ضحكتي وخرت سريع دار وجهه تنهد فرك عيونه ورجع باوعلي حجه بهدوء

علي : لا تنطينه لأحد ولا تاخذينه وياج للدراسه.. وممنوع تلتهين بي وتنسين الدراسه....

ابتسمت هزيت راسي بنعم... وباوعت ع جهاز داخل ع كاميرا رفعته اريد اخذ صوره... نفضت شعري رجعته ورا أذني ضغطت وأخذت صوره....

نزلت ايدي رفعت حاجبي من الصوره شكد حلوه قربتها من اللمس ع شفتي ابتسمت اثنينهم منفوخات.... قربتها ع عيوني بتركيز اللون واضح أكثر هناا.... لونهن زيتوني فاتح مثل خالتي ميرونا نفس عيونها هم هيج زيتونيه.....

ضليت اتمعن بملامحي... نزلتها لحواجبي عسليات نفس شعري.....

خرجت منها رفعت راسي جفلت شفته صافن بشرود نضراته غريبه عاقد حاجبه...... مسحت ع شفتي بلساني احاول اعرف بشنو يفكر..... اتنهدت... وحجيت بهدوء

قمر : تصبح على خير بابا....

دار راسه وحجه بصوت خشن

علي : اطلعي...

قمر : احبك...

علي : اكرهجج...

ابتسمت بشرود بلعت الغصه ونزلت راسي حجيت صافنه ع جهاز

قمر : اكرهني بس لا تأذيني...

باوعلي بعيونه الفارغه وحجه بهدوء

علي : إذا تسوين شي ما يعجبني ائذيج يله اطلعي...

كمت سريع نزلت قبل لا امشي باوعتله بحقد شمرت الجهاز بصفه وحجيت مبتسمه

قمر : كثر الله خيرك ماريد منك شي.. دقيقه زين وياي والباقي كله عبالك قاتله ابوك... وآخر مره احجي هاي من دون خوف... انت أسير الماضي الي مرتبط بيه وتأذيني لأن ما تكدر تنساه رغم ماعرف شنو صار..... بس اني الضحيه هناا يا بابا.... تصبح على خير......

كلت هيج تحت انضاره الجامده وصافنه ومشيت سريع نفضت شعري بقهررر اعرف مصيري باجر جحيم راح يرجع بس ارتاحيت من حجيت....

طلعت طبكت الباب ما رحت للغرفه تعديت خطواتي وطلعت براا من دون خوف ضوء خافت مال قمر ع حديقه نزلت دمعتي ورحت امشي حافيه بارده الكاع......

وصلت القنفه وسط الحديقه كرمزت وكعدت بالكاع كتفت ايدي رفعت راسي ع قمررر بلعت الغصه بصدري اتنهدت..... لزمت القلاده ادعييي بخفوت... يا يسوع يا رحمتنا... ابقى وياي دائما.. ساعدني انطيني الطاقه الكافيه لهذا الألم النابع من جسدي بأرتعاش مخيف....

رجعت راسي ع قنفه وضليت صافنه دموعي تنزل بروده تزامننا ويه الجو البارد.... احس اريد حضن قوي مثل قبل شويه من حضني... بس هو ما حضن قمر... حضن نانا.... اني اريد يحضن قمرر... بضلوعه وهم هيج يكللها احبچ... اريدج.... مشتاقلج... هيج اريد..... منه بس هو.... يايسوع حنن قلبه عليه... وخليني اعرف الحقيقه..... خليني اعرف ليش هيج وياي..... ليش الضلام بعيونه..... شنو صار بالماضي... خليني اعرف.....

...............
................
................
................
................

___________________________________

رغد : الساعه 6:29....صباحا عيوني ع شباك من ورا البرده الخفيفه عرفت الطقس اليوم مغيمه شمس ماكو وهوا ثلجج حتى الغرفه ثلجت الجو كلش بارد بس حلوو ونقي.... مدري اني مزاجي مرتاح هههههه....

تثاوبت نزلت ايدي لأيده محاوطه خصري العاري ودافن وجهه بشعري..... ابتسمت والتفتت ع كيفي حتى ما يكعد لأن اريد اكوم احضر روحي واطلع من دون لا يوصلني لأن محتاجه امشي هذا الطريق وحدي اريد افكر براحتي......

التفتت رفعت ايدي جوه خدي ع مخده اتأمل ملامحه الوسيمه.... حلوه احبهااا مدمنه عليهاا... اوفيشش يا احمد... حبيبي... أحبك احبك....

رفعت ايدي مبتسمه بحب اتذكر جنون ليله البارحه تلمست شفته الناعمه هاي الجانت قبل ساعات حاضنه شفتي بكل شوق وتعب....

قربت وجهي منه ضل بعد بيني وبينه شعره وحده... غمضت عيوني وطبعت شفتي بخفه ع شفته.... توسعت ابتسامتي فشلتتت عبالي ما اخليه يكعد بس حس عليه مستحيل يفوته شي.... حرك ايده بشرود ع خصري وسحبني بخفه لزكني بصدره ورفع رجله فوكاي ضحكت اريد ادفعه همس بأذني بصوت ناعس خافت...

أحمد : مو عيب عليج تتحرشين بيه واني نايم؟

ضحكت وهزيت راسي باوعت بعيونه فتحهن ع كيفه بجمالل يخبلل من يكعد الصبح هيج ينكرط حركت أنفي ع أنفه حجيت بتلاعب ايدي ع صدره

رغد : لااا هذا حقي اعتقد؟ انت تأخذ حقك بشتى الطرق واني حسافه عليه قبله لطيفه؟؟...

رفع حاجبه ضحك بخفه طبع شفته سريع بفكي حجه

أحمد : هذا انتهاك حقوق ما يصير واني نايم ماعرف لازم اكون بكامل قواي العقليه حتى اتحمل هذا الجمال كله.....

ابتسمت بوسع وخجل سحبني أكثر رفعت اللحاف ع صدري حجيت وسويت حركت القطه بعصبيه ضغطت ع فكه

رغد : شهالكذببب؟؟..... انت كم مره اكلك لا تقرب عليه اني ونايمه... وتقرب هااا؟.... تخليني اكعد من سابع نومه حتى تكول ما قربت عليج انتي ونايمه...

ضحك بصوت حجه كرصني من خصري

أحمد : هههههههه والله عليج سوالف مو عيب هيج تحجين هذا كذبب عينك عينك حرام عليج...

ضربته ع صدره بقوه ولفيت روحي اريد اكوم سحبني حيلل وكعني ع فراش شهكت بغضب رفعت اللحاف سريع ع جسمي... خزرته كام بسرعه نام فوكاي فغرت شفتي......

نزل وجهه مبتسم بخبث وحجه ملامس فكي بشفته

أحمد : مو بس بوسه لطيفه هاي اني كدامج اخذي كل حقَوقج....

كشيت وجهي وضربته ع كتفه نترت بي يكوم من فوكاي ثكيلل ما تحرك زفرت بغضب حجيت بنترر

رغد : أحمددد كوممم عنييي ماريد شيي بوسه واخذتها خلص لا تصير لوتي.... يله وخررر...

هز راسه بنفي فتحت عيوني بصدمه ودفعته اريد اكوم رجعني بقوه رج دماغي ع مخده.... خزرته وهو يضحك الخبيثثث....

أحمد : لاااا اريد انطيج حقَوقج لأن تتهميني انو بس اني اخذ اي شي أريده وانتي بس بوسه لطيفه... هااا؟؟....

رغد : يابههههه تورطتتت لوتيي انتتت تريد حجه عفيه وخررر اريد احضر روحي ماضل وقتتت والله ماريد شييي....

ابتسم بخفه ونزل وجهه اريد ابجي غطيت وجهيي ما خليته يبوسني.... طبع شفته ع ايدي...

وخرت اباوعله هزيت راسي باوع صدفه وراا مدري ع شنو فتحت عيوني دفعته بقوه وكع ع فراش وكمزت اريد انزللل سحبنيي حيللل خلععع ايدييي بحركه وحده صار فوكاي خلاني اعيطط وارافس جريته من شعره وعطتت بيي

رغد : تعبتتت ما نمتتتت والله عفيه مو هسه والله من ارجععع عفيه احمدد حبيبي فدوه لخاطري خل اروح اسبح والله ماكدر... شبيككك....

يهز راسه بنفي ويطبع بشفته بفكي ومبتسم بخبث النذلل... نزل قبلاته الناعمه يسوي روحه لطيف حتى استسلم وهو وحششش....

رغد : لا تسوي روحك لطيفف مو عليه هاي الحركات..

كلت هيج طكها بضحكه بصوت عالي غص بالضحك كمت اضحك وياه واني ضايجه نزل راسه مثل الأسد دفنه برقبتي حجه بضحكه وهو يطبع بوسات بهمجيه اي هذا الاقصده...

أحمد : هههههههه عليج سوالف يا****

فتحت عيوني ضربته حيللل ع كتفه العريض أريده يؤخر لكن لا محال راح استوحش راح يبلعني رفع شفته ولسانه ع فكيي ولكف شفتي بشفته كلهاا غمضت مستسلمه وهو بغير عالم يرتوي ويرتوي بهمجيه ويزأر بغضب ماعرف ليش عود مستسلمه وهيج لعد لو امنعه امداني.....

حاوط خصري العاري ورفعه ع جسمه وانكطع نفسي خنكني حركت راسي ورفع شفته نزلها سريع
لفكي
ورقبتي
وعضام صدري
وبين صدري
ومعدتي
ونزل لسانه هزيت راسي
وصل بطني استوحش ورفعني من خصري يرتوي بشفته...
رفعت اللحاف بخجل صعد سريع رجع بلع شفتيي بقسوه وعنف هزيت راسي عطت حيلل عضني بسنونه بشفتي الفوك.... فتحت عيوني بصدمه وحجيت بغضب لازمه شفتي

رغد : لاااا أحمد شسويت دممم هذا دمم عزااا خرببب...

أحمد : شبيج اول مره؟؟....

خزرته وهو ابتسم حضني حيللل حجه بأذني بهمس

أحمد : عادي ما ترحين للشغل اليوم؟؟

بهتت نزلت ايدي وهو نايم فوكاي... حجيت بهدوء

رغد : اليوم شغل ضروري لازم اروح هواي ما الحك..

رفع راسه بلعت الغصه واني اشوف نضراته ملامحه تغيرت كلهاا وراح حماس الحب مالته حيللل ضجت... ياريت اكدر ماروح بس اليوم بالأخص لازم اروح شغل ضروري....

حجه بشرود ابتسم مستهزأ

أحمد : دائما حضرتج ماعندج وقت لزوجج.....

بهتت من كال هيج برطمت وشلت راسي عنه كام سريع من فوكاي صدمني بس ما حجيت ولا تحركت لبس البجامه وتحرك بطوله طلع من الغرفه.... باوعت وراا بشرود

نزلت دموعي ونفضت اللحاف بغضب وكمت سحبت رداء مال نوم لبسته ومشيت انفض بشعري المخربط ودموعي تجري لا إرادي....

وصلت المرايه باوعت بحزن واشوف شفتي الترك إثر بيها.... لازم اليوم أكثر مكياج..... حتى اخفيها... بس الورم شنو يخفي؟ منتفخات اثنينهم.....

اتنهدت استغفرت الله..... شسوي والله مو بيدي ليش هيج يسوي محسسني اني حايره بشغلي وعايشه حياتي وناسيته..... واني ما مقصره لو ارجع ميته هلاك وتعب ما أكله تعبانه حتى ما يحس شغلي السبب..... ونرجع نتعارك تعاي عوفي الشغل.... من ورا أمه وخواته يدسن براسه الا يخليني أسيره البيت هذا الرطب واني وياه بلحضاتنا وحبنا ونصرف اثنينه ع بيت مسوينه بي حياه تخبلل.......

اتنهدت فتح الباب ودخل ينشف بشعره ابتعدت عن المرايه وكف هو مشط شعره بترتيب وريحه الشامبو طالعه منه.....

نفض شعره سريع وراح فتح الكنتور طلع بنطلون اسود وقميص لونه قهوه شبابي......

تركته وطلعت مخنوكه فتحت الحمام ودخلت نزعت سريع ماضل وقت شوكت اتحضر.... فتحت الدشش القديم مالنه بس زين قايم بالواجب.....

سبحت سريع بشامبوو نفضت شعري وجسمي حسيت حرقه بشفتي من الوجع بس ابتسمت بحب عادي.....

نفضت روحي وليست الرداء مال حمام وخليت الملابس مالتنه كلها بالغساله من ارجع اغسلها همزين البيت نضيف كله ما اخلي يتكركب....

طلعت ومشيت ع غرفه فتحتها شفته يخلي عطر وجهه مكلوب ومعقد حاجبه بغضب شمر العطر زفرت ومشيت فتحت الكنتور طلعت بنطلون عريض بناتي يصير قماش بي حزام ع خصر هم قماش وياه قميص عريض شويه ناعم لونهم صحراوي احبهن صار فتره طويله ما لابسته.... أخذته وطلعت ملابس داخليه...

التفتت شفته صافن عليه بشرود رمشت بعيوني قربت منه شمرت الملابس ع كرسي.....

تقربت منه واكف بجمود وغضب وأعتراض ع كلشي.... اتنهدت وحجيت بهدوء عيوني بعيونه

رغد : ليش هيج تسوي؟ كل مره.... يعني كلي شنو الي مضوجك؟؟.... مو كافي؟

كلت هيج بقهرر ابتسم مستهزأ وحجه بغضب قرب مني

أحمد : رغدد انتي الكافي... خليتج وما زعلتج بإرادتج تشتغلين..... شوكت تحسين بيه وبأهتمامي بيج؟.... ليش مصره انو تشتغلين؟.... ليش محسستني اني موتج جوع رغم ما مقصر وياج وكلشي اجيبلج؟

ضحكت مصدومه وحجيت

رغد : شنوو؟ هيج تشوفني انت؟؟... إلى متى تبقى بهذا تفكير اهلك؟....

كلت هيج فتح عيونه بصدمه وعاط بكل قوته جفلني

أحمد : رغددددد ممنوعععع تحجين على ذوله اهلججج هممم الي غصبا عنهممم اخذتج ومحد حجه رغم كلهم عارضو فكره زواجي منجحج يا سلطانه رغد تعرفين لو لاااا؟؟.....

دمعت عيوني وحجيت اهدي

رغد : خلص أهدا اسف والله احبهم اني بس همه إلى متى يدخلون بينه؟؟... انت مو صغير انت زوجي واني وياك نتفاهم وهمه مناا يخربونكك؟؟.... ليش يكرهوني هيجج بعد هالسنين ما اتأقلمو ع فكره زواجي منك؟.....

رجع حجه بصوت عالي بوجهي

أحمد : ما يخربونييي محد يجرأ يكف بوجهي بس اذا حجيهممم صحح اكللهم جذببب هااا؟... يشوفون زوجتي طالعه راجعه وبأرقي لبس سافر وشعرها مكشوف.... شنو تتوقعين بوسط هيج منطقه محافظه وكل بناتنا ما يطلعن الا بحدود ومحجبات بس انتي لااااا......

حجيت بصوت عالي ونزلت دموعي

رغد : شنو قصدككك هاااا؟؟ هنه الخوش واني الساقطه؟....

أحمد : لااااا رغددددد

رغد : لعددد شنوو أحمد ليش هيج تحجي الا متى تبطل هذا التفكير المحجوز بهاي المنطقه كلكم نفس الكلام كافيييي أحنه بيا قرنننن؟.....

أحمد : شتحسينننن من هيج تحجين هاااا؟؟... عبالججج سهللل عليه يوميه اسمع حجي يسم البدن من الرايح والجاييي حتى الما يسوى يسمعني حجييي.... شبيدي انيييي.... هذا يكول زوجته ام شعر فلان هيج لونه.... وهاي زوجته يوميه تطلع بلبس يخبلل ومكياج وطالعه ملاككك.....

ويوميه متعارككك حتى اخفييي الحقيقه..... كلهااا تحجي عليه هناااا بسبب مخليج هيج ع راحتج... ماكو ولا بنت حتى الأطفال ما يسون مثلج..... وانتي تعديتي كل هاي الحدود..... حتى كباررر الدين هنااا ماكدر اكعد وياهم لأن زوجتي كل اهل المنطقه يعرفون لبسهااا وشعرها وشغلهااا وسافررره....

بجيت بقوه رحت امشي ورجعت حجيت بصوت عالي

رغد : واذااااا ليش محسسني اشتغلللل ملههههى؟؟... مو شغلي محترم وبشهادتييي وبتعبي هااااا؟؟ شبيييي؟

أحمد : انيييي الي عميتت ع روحي بهاي الشهاده اني خليتج تكملين وتدرسين وعليتججج.....

رغد : تعيرنيييييي؟ هااااا؟

أحمد : لااااا بس حسيييي بيه شوكت شوكتتت تنتبهين لزوججج وبيتجج... وتعوفين الطالعه الجايه كدام الناسسس..... شوكت تشوفين اهتمامي وتعبي الج وانتي حايره بشغلججج؟؟... محسستني اني مقصرر......

رغد : اخخخ اوففف ليش ماتفهم يااحمد هاي مشكلتك عبالكك اني اشتغل لأن انت مقصر ويايييي بسس لااا تعرفف.. اشتغل لأن احببب اشتغل هذا حلمي ثمره تعبيييي وين المشكله بالموضوع ليش دائما تأخذ على نفسككك؟؟... وإذا تساعدنه اني وياك بالمصرفف ليشش تضوججج؟؟....

أحمد : لا امانه عليججج ماريد لا تساعدينيي اني اعيشكمم انتي وأهلي هممم بس ارتاحي وعوفي الروحه الجيه يا رغددد حسي بزوجج والطالع نازل يحجي عليه.....

رغد : طبهممم مرضضض شوكت الناس رضت على احد؟؟ الله ما يرضون عليه تريد عليناااا؟.... ليش نعيش مثل ما يردون الناس هاااا؟.... شعليهم بينا والي يحجي خليه يبلع لسانه لأن ما مسويه شي غلطط هذا حقي وعادي لا حرام ولا شي اللبس مستور والشغل محترم بس الحجاب وماكدر البسه تعرف ما متعوده عليه إلا اقتنعع واحبه البسه...

أحمد : ع مزاجج ست رغد واني هنااا مكرننن موو؟؟... ليش هيجج تسوين لهالدرجة تحبين شغلجج شنو شايفه بيييي؟؟....

رغد : انتت الانه مالتك يا احمد تريد اكعد بالبيت واسكت واصير ربه منزل بائسه فوك الضيممم مثل خواتكككك......

كلت هيج بنار وغضب وعياط انرفعت ايده براجدي بكل قوته..... شهكت بصدمه رفعت ايدي لخدي ونزلت دموعي بحراره...... باوعتله بكسره.... أخذ نفس قوي وحجه بهدوء يجدحح نارر

أحمد : خواتي تاج وذهب ممنوع تحجين عليهن مرتاحات ببيتهن ويه أزواجهم.... البسي سريع راح اجرلج تكسي يوصلج من الباب لشغلج المحترم يا محترمه...

كال هيج وطلع سريع طبكك الباب وطلع من البيت كله انتفضت وبجيت بقوه ياربيييي ليش هيج يسوي كافيييي...... محسسني اني مقصره ويااا وحايره بروحي رغم مهتمه بكلشي البيت ابد ما اعوفه إذا مو نضيف والاكل دائما جاهز.... وشغلي هم.... كلها قايمه بيهااا ليش هيج يسوي....

يعني إلا اشمر شهادتي والبس خلك دشداشه واكعد بالبيت لا طلعه ولا روحه؟..... واذااااا خواته والبنات كلهااا نفس الشي ليش يريد اسوي مثلهننن اوفففف شوكت يبدل عقليته الي احاول اغيرها إله وهمه يكبروها بعد..... خاصه خواته وأمه....

مسحت دموعي بنترر شهكت ومشيت شمرت الرداء زدت بجي بخنكههه اوفففف يا احمد شكول عليككك من خواتك يشمرن حجي عليه ما تحجي واني تضربنيي؟.... والله لان الأميرات محجبات؟... لا لا مستحيل ما يفيدني غير شغلي على هاي العقليه مالتهم.....

مشيت سريع لبست الداخليات ومسحت دموعي.. سحبت الملابس لبستهن وتحركت ع مرايه لبست الحزام القماش رتبتهن وأخذت المشط مشطته شويه شغلت الفير مال شعر نشفته شلون ما جان... وشمرته... رجعت مشطته وبرمته منا ومنا نفضته ع ضهريي.....

أخذت ساعتي لبستها وكعدت أخذت كونسلر خفيت حتى طبع أصابعه تعيش أحمد تعيش اهنيك تضربنيي تالي وكتت يصير خير.... هسه تجي باليل تعتذر واشوف منو تسامحك.... يا حقيره اني....

أخذت الفاونديشن خليت طبقه وزعتهاا بالاسفنجه... شلون ما جان اول مره أبين مكياجي يوميه شي خفيف بس هسه مجبوره....

نزلت ع شفتي المنفوخه وبنفسجيه من العضه.. غطيتها واحس شويه واضحه....

خليت كل مكياجي وشويه لعيوني بس رفعت رموشي شمرت المكياج.. وكفت أخذت الحمره ترابيه خفيفه خطيت شفتي ومشيت سريع سمعت صوت سياره باوعت من الشباك تكسي.....

بلعت الغصه وتحركت طلعت كعب عالي لبسته واخذت الجنطه لبستها ومشيت جهازي بيدي...

فتحت الباب لفحني الهوا العالي طير شعري عدلته وعيوني ع شارع كلهاا تباوع من صباحيات الله استغفر الله....

ما اهتميت مشيت بثقه صعدت وراا وتحرك السايق..... اتنهدت ردت ادفع تذكرت اكيد دفعها ما يراد تفكير....

شفت السايق متجه نفس طريق شغلي يمكن منطي العنوان..... دمعت عيوني وشردت بالطريق واني اتذكر ضحكاتنا ورا دقايق هيج يصير الله لا ينطي السبب.....

مسحت دمعه قبل لا تخرب وجهي مالي خلك اعدل... اتنهدت وقريت دعاء الصباح طلعت جهازي والهتفون شغلت دعاء بصوت مريح وخليتهاا بأذني.... وصفنت ع طريق ويه كلمات الدافيه ريحتني......

افكر وين راح هسه؟.... جنت اريد اني وياه نتريك براا بس صار الصار وراح من دون ريوك بلكت ياكل وما يضل ضايج.....

ولو هو اني الي اكل كلشي واموت ع اكل انسدت نفسي ادور هوه يريد حجه حتى ما ياكل ويعصب..

.... وصلنا مدام...

فزيت ع صوته نزعت السماعات هزيت راسي ابتسمت وفتحت الباب نزلت ورفعت عيوني الأجواء الحلوه اليوم ما استمتع بيها.... لأن كارهه حتى الأرض.....

راح التكسي ومشيت سريع الهوا عالي واتعارك ويه الهوا هم...... دخلت باب البنك... هزيت راسي بسلام للموضفين بالباب.... ودخلت متجهه لمكتبي....

امشي وفكري كله مو يم الشغل يمه هو.... رفعت ايدي لخدي منزله راسي وانردمت بقوه جفلت... رفعت راسي انصدمت.... فغرت شفتي بثول وهو عاقد حاجبه عيونه ع وجهي رفعت ايدي سريع خليت شعري ع خدي....

تحمحمت اريد اتعدى وامشي لزم ايدي نترتها سريع عطت بي

رغد : هييييي انتتت منووو وتلزم أيدييي؟؟... ممنوع تقرب مني...

فتح عيونه واني الهث بهتت باوعت بالجوار كلها انتبهت بلعت ريقي وباوعتله بخزره ومشيت خطواتي بالممر.....

اتنهدت اهدي رغدد شدعوى لا تخلين كلام أحمد يأثر بيج لا تكرهين شغلج..... ريلاكس.....

وصلت مكتبي سمعت خطوات وراي باوعت سريع فتحت عيوني واني اشوفه يمشي بأتجاهي عيونه دمم ومثل القلق.... استغربت وصل يمي حيل قريب مني رجعت وراا لزكت بالباب حجه هو عيونه ع شفتي....

مراد : انسه رغد اهدي... ليش هالعصبيه؟

رغد : معليكك سيد مراد وأنت بعدين شنو جابك هناا؟....

مراد : المسؤول هناا عندي شغله وياه ماعرف انتي هناا شغلج....

رفعت حاجبي ما صدكته وهو بعده صافن ع شفتي تفشلت بس لا مبين الورم.... رفعت ايدي غطيتها ومشيت فتحت باب المكتب دخلت اندفع الباب ودخل هو صدمني وهو يطبك الباب وسحبني بكل قوه وكعت الجنطه تعثرت رفعني من كتوفي وجهه لامس وجهي واني مبهوته من جرائته والخبلني حجه بهوس وخفوت عيونه ع خدي....

مراد : اششش.... هذا الهمجي هااا؟.... هذا الحيوان رفع ايده عليج هااا؟.... شلون هيج يسوي ليش تسمحيله؟..... ليشش شلون يرفع ايده ع هيج ترافه؟.....ما يستاهلج هذا رخو العقل والعضام لدرجه يستقوي عليج............

...............
................
................
................
................
................
................

___________________________________

قمر : أخذت التوست مال بابا من الطاوله مال مطبخ بيها جبن وفلتت اشيل جنطتي خاف ناسيه شي... استوني اريد اطلع من المطبخ صار هو كدامي يريد يدخل ضليت مصفنه التوست بحلكي.....

عقد حاجبه وعيونه بعيوني ببرود... تذكرت البارحه لزمت التوست ونزلت راسي زعلانه مشيت بصفه وطلعت سريع ومشيت تعديته ضايجه وخليت التوست بحلكي أهم شي الريوك عادي....

ركضت واني لابسه البوت مالتي ولبست بنطلون قماش اسود وياه بلوفر عريض دافي بس رياضي اسود... عبالك ارمله بس يله شبعت رزايل من جده...

دخلت غرفتي أخذت الجنطه الصغيره لبستها براسي وكتفي أخذت مال ملابس وغراض...وطلعت اسحل بيها أم تايرات......

تعديت المطبخ دخلت الصاله هوسه الطفل يبجي وروان تسد بجنطتها عزاا شكدهاا يكول يوم القيامه مو سفره كم يوم....

وجده تشفط جاي يكول هناك ماكو جاي ياربي... وعمتي تتريك وكلهم لابسين مخلصين.....

دخلت كعدت ع قنفه انتضرهم..... باوعتلي روان خزرتني وهيه تتفحص بلبسي هزت ايدها غمتني... واني مصدومه شبيها هايي؟؟...

عفتها وكمت طلعت من الهوسه مشيت بجنطتي فتحت الباب طلعت والهوا عالي.... شفت سيارته ابتسمت ومشيت بعدين وكفت شكد ثوله هيج مقفوله.... عفت الجنطه بصفي وكفت انتضرهم والله هوسونا شوكت عاد نطلع متحمسه....

رفعت ايدي لشعري الناعم سويت ضفيره ناعمه من يم خدي وعفتها حيلل حلوه....

عضيت شفني استنشق بالهوا النقي بس تلوث من اجه صوته هذا ابن جيرانه

ارمن : شلونج قمري؟...

باوعتله سريع خزرته ومشيت وكفت قريبه ع سياره أنوب اجه يمي وحجه مبتسم

ارمن : قمر قبل لا ترحين ما اتحمل والله اريد اعترف..

رفعت عيوني بغضب نترت بي

قمر : شبيكك انتتت؟... روح من يمييي لا اصيح لبابا عليكككك....

ارمن : قمري عمري بس اسمعيني فدوه...

قمر : لاااا تكول حبيبتي شبيك انت استحي ع روحك روح من يمييي لا تحجي؛ شييي...

ارمن : والله احبج قمرر... حيل احبج لا انام ولا ارتاح بس افكر بيج كافي وجهج ثكيل عليه ليش؟...

فتحت عيوني بصدمه من كلامه اريد احجي اجه صوته جمدني بمكاني

علي : تفكر بمنووو؟؟

كال هيج ببرود انصدمت بلعت ريقي رفع ايده اشرلي تعالي دمي ونفسي توقف رمشت اباوع لأرمن انخطف لونه كام يبلعم...... مشيت بهدوء وكفت بصفه لزم ايدي بقوه مثل العقاب متتت خوف...

خزرت ارمن الي حجه يضيع السالفه...

ارمن : اكللها وين رايحين تكول ما اكلك تشاقه وياي كتلها راح أضل افكر فضول بس....

رفعت حاجبي من الجذب حجه بابا ببرود وهو يترك ايدي قرب منه وكف كدامه ضاع هذاك من ضخامه وهيبه الكدامه رفع ايده لزم ارمن من كتفه طبطب عليه

علي : لا تفكر ارتاح وتحرك سريع لبيتك وليدي لا افر وجهك فر إذا اشوفك كدام بيتي.....

كال هيج ذاك مشه بسرعه دخل البيت وهو التفتت بمكانه خزرني صاك سنونه فتح السياره والجنطه الورا حجه ببرود

علي : امشيي لجج جيبي الجنطه وممنوع تطلعين واني مادري....

رجفت ومشيت أخذت الجنطه سحبها مني خلاها وراا.... وطلعت روان شايله جنط هم أخذهم صعدهن...

باوعت وراي كلها طلعت وعمه قفلت الباب جده أخذت المفتاح وهيه تحجي ع بابا تكله ماريد اروح روحو انتو.... فتحلها الباب كالت اصعد وراا تريد تموتني هناا بالحصره... َضحكنا عليها صعدت وراا ويمهاا عمتي وابنها بحضنهاا وعمَو طالع بسيارته كال ورانه يجي....

مشيت بفرح اني اريد اصعد كدام ركضت روان تريد تصعد نترر بيها هو

علي : انزلييي اصعدي وراا يله بلا سخافه لجج...

وكفت هيه وحجت

روان : عموو لأن قمر تصعد وراا ماكو مجال خل اصعد هناا...

علي : تعايي قمرر الغبيه اصعدي هناا وانتي ارجعي وراا...

ابتسمت هيه تخبلتت مشت دفعتتني وصعدت واني صعدت باوعتله بعدين تذكرت زعلانه كلبت وجهي وانداريت سديت الباب حضي الحلو انسد همزين...

حرك السياره وهمه يحجون واحس هو ع أعصابه كاعد....

علي : ماريد صوت شسالفه؟؟....

الحجيه : هاا يمه سكتنا دير بالك من الطريق...

روان : عود ليش هيه كدام اني مو كلت ب الأول..

التفتت وراا هو وحجه ببرود

علي : أنتيي شنوو؟؟... اسكتي لا اشمرج يم ابوج لجج....

نزلت رأسها هيه واني فركت ايدي رجع عيونه ع طريق وصار صمت بالسياره ما يحب الصوت... جهازه كل شويه يدك يرفضه الجهاز صاير ع سياره كدام معلك مكان مال تلفون....

رجع دك ولمحت الاسم مال بنيه اسمها غدير... عقدت حاجبي منوو هاي؟؟.... فصلها واخذ الجهاز شمره بحضنه باوعتله عيونه ع طريق يسوق بأحتراف وايد وحده.....

طول الطريق محد وقفنه عبالك متعودين ع وجوده أو يمكن رتبته أعلى منهم ماعرف كلشي بهاي السوالف......

اباوع ع شوارع الأشجار الهوا العالي يجننن والبنات يمااا شهالبس؟؟... مكشوفات كشف.... ليش ما يلبسن عريض؟؟.... اني ماحب الضيق احس روحي ملابسه شي الا رياضي كلشي رياضي.....

اتنهدت ورجعت راسي ماريد انام حتى باليل انعس وانام.....

الحجيه : هااا يمه شكد بقى نصلل؟؟...

علي : تعبتي يمه؟؟...

الحجيه : تعرفني يا يمه ما احب الطرق شو جنك طولت كم ساعه مرت هسه؟؟... عبالي جريببب....

علي : ماضل شي يمه بس اربع ساعات....

الحجيه : يايايايا وهاي قليله ولككك كول غيرها؟؟..

فتحت عيوني من كال هيج يمااا بعد هواي يعني المغرب نصل....

واحنه طالعين هسه عبالي من الجو الدنيا الصبح... لأن مغيمه.....

اتنهدت من هسه تعبت بس اجذب يجوز كلشي ما اسوي..... او يمكن لان طرق طويله بلكت نصل بسرعه.....

.
.

بعد ساعات.. طلعت جده علاكه عصاير بارده هو جابها وكيك وحبشكلات لحد ما نصل انطاني عصير برتقال وكيكه اخذتها بثكل زعلانه.....

فتحت الكيكه اكلت شويه وباوعتله عيونه ع طريق وبدت تصير المغرب ما نحس بالساعات
سريعه والتعب بهدوء يتسلل علينه وعساس كال مو بعيد متعود......

مديت ايدي إله باوعلي ببرود ضل صافن شويه ونزل راسه اكل نصها مره وحده وابتعد فتحت العصير انطيته شرب شويه رجعه إليه أكلت الكيكه الباقيه شربت العصير شمرته من الجامه....

روان : وصخه ترا هاي علاكه شكو شمرتي ع شارع؟..

باوعتلها ما اهتميت حجه هو

علي : سدي بوزج انتي.....

نزلت راسي ابتسمت كامت تغلط جده بخفوت... هزيت ايدي... ارتاجيت ع كرسي وعيوني ع طريق تعبت حيللل.... نعست ما نمت زين بارحه......

.
.
.
.
.
.
.
.

___________________________________

بعد ما نزلت من السياره قبلهم..
فاغره شفتي بصدمه واني واكفه بالحديقة.... اباوع للجمال متتت عيوني ما تستوعب حتى خيالي ما تخيل هيج َ..... عزااا بيت أكثر شي زجاج وباقي خشببب يخبلل جبير بس مو حيلل.... والباقي أشجار أنواع وكبيره..... والحديقه تخبلللل هيج الريحه تكفخ كفخخخ الورود البيها تموتت مليانه هاي شلون صارت هيج؟؟.....

باوعت كلها دخلت بس روان وبابا ينزلون الجنط والدنيا مغرب الجو صار سيئ باوعت ورايي دفعتتني روان وتعدت شايله جنط هزيت ايدي.... ورجعت اتأمل المكان مبتسمه....

علي : شبيج مصفنه فوتي بارده....

باوعتله وراي شايل جنطه اريد ابتسم بعدين زعلت كلبت عيوني ومشيت بثكل زعم ما مهتمه واني اتأمل بكلشي..... ركضت ع بيت دخلت ويمه يمه يمه كلبي كلبي وكف فغرت شفتي ومشيت مصدومه ياللهي.... الداخل دافيي يجنن والأراضيه خشبب لامع...

ونص الجدران مزخرفه الباقي حايط ونصه جامم اشوف الحديقه.... مفتوحه البرده.....

تقدمت والمدافيه بالحايط مال حطب كأنو داز احد يحضر البيت لأن مشتغله... والبيت حيل نضيف...

جده كاعده بالكاع ويمهاا الطفل... وروان مثلي تتأمل بالبيت....

وعمتي تقدمت أكثر واشوفها بالمطبخ مفتوح ع صاله... تقربت يخبلل المطبخ كله ابيض واسود يجننن...... وكلشي جاهز بي.....

مشيت مبتسمه اكو درج خشب صعدت سريع واشوف غرف وحده هيج وحده هيج مشيت ع أقرب وحده للدرج بابها خشب اسود فتحتها ردت اكمز من الفرح تخبلللل جاهزه والجربايه الفراش جديد لونه قهوه يخبلل..... باوعت أكثر انيقه وما مكركبه.... يمااا عجبتني هاي إليه محد ياخذها والله.....

طلعت سريع سمعت صوته جوه.... نزلت رفع راسه عليه بشرود نزلت عيوني بثكل ومشيت حجت عمتي

ام روان : تعاي قمر جديتج ماتت جوع جيبي وياي علاليك الاكل خل نصبه نرتبه....

هزيت راسي نزلت العلاليك يمهم اخذتهن ومشيت وهو يخابر ويه عموو يمكن فهمت بسبب الجو راح يتأخر.... خطيه....

دخلت اخذتهن مني ورحت اجيب اصحن كلشي ناعم هناا الله هنياله يكول اروح وحدي واحنه ليش متاخذنه؟.....

وديت الاصحن لون ابيض وفرغت الاكل بنصهن هسه شنو الفايده خو ناكلهن بالسفري نضل نغسل....

فرغت الكباب بكم صحن والتكه والزلاطه وفنكر وبرياني وحبشكلات....

جبت صينيه سوده فرغت نصهن ومشيت هيه كالت اجيب هذني....

دخلت الصاله الحلوه تفتح النفس ألوانها رصاصي واسود والضوء ابيض خافت.... والجام ع حديقه والجو قاسي بس حلوو....

رفع عيونه عليه تعديته وصلت الطاوله نزلتهن ورتبتهن حجت جده

الحجيه : ثوله تريدن ما اكل انه شنو يصعدني هناكك.... ما تجيبين الأكل هنااا....

باوعتلها اجت عمتي عقدت حاجبي واني اشوف شي غريب بيها البينصل لزكك عليها جانت لابسه رداء فوكاها ما؛ شفته.... هاي اول مره هيج تلبس...

ضليت صافنه أنوب انتبهت مشيتها من دخلت تغيرت ناعمه وتمشي بهدوء ودلع تعدت بابا وحجت بنعومه

ام روان : قمورتي حبيبتي هاج هاي الصينيه خل انزل نصها وكعدي انتي وجديتج اكلن والطفل وياجن..

عقدت حاجبي كام بابا وحجه

علي : ماريد اني كعدو كلكم هناا...

كال هيج وتحرك ما صعد فوك اكو غرفه جوه فتح الباب ودخل....

باوعت لعمتي شفت عيونها اول مره هيج تهتم ضلت تباوع وراا وحجت

ام روان : خطيه يله نعوفله اكل خاف يريد بعدين.. بنص الليل...

الحجيه : اي عوفي يمه يموت جوع باليل...

أخذت الصينيه وراحت رمتها يم جده واجت أخذت الثانيه هم رمتها وكعدت.....

رحت يمهن كعدت كشيت وجهي أخذت صحن بتيته وزلاطه وشوكه واكلت من دون خبز وهنه ياكلن لحم وروان وياهم....

رفعت عيوني ع باب غرفته ورجعت اكل بشرود... تثاوبت احس ميته نعاس اليوم مو يوم المتعه اليوم نرتاح باجر نستكشف الجمال هذا هسه مالنه خلك..

خلصت اكل شربت عصير كلاص ترس وكمت سريع شفت نيمار ابن عمي نام خطيه وهو ياكل من التعب......

ام روان : هاج قمر اخذي وياج خل ينام يمج..

قمر : خل يم روان اني نعسانه رايحه انام ماكدر...

خزرتني وكامت روان أخذته واني مشيت دخلت المطبخ غسلت ايدي وطلعت صعدت فوك قبل لا ياخذن غرفتي....

صعدت روان بحضنها اخوها خزرتني وغمتني ردت احجي بس والله ميته تعب عفتها ودخلت طبكت الباب ابتسمت وركضت سريع شمرت روحي ع جربايه.... كلبت روحيي شكد مريحه تخبلل مو مثل مالتي صغيره هاي جبيره وتجنن.....

باوعت بأرجاء الغرفه تجنن مال بس اكعد اباوع عليها؛ شهالجمال وين جنت عنه من زمان... وهو يجي هناا.... زين من يجي وحده شيسوي؟؟.... يحجي ويه الجناونه؟؟..... لعد شنو يجي يكعد وحده بيي....

اويييي والله ماعوفه بلكت نتاخر وما نروح بسرعه... عجبنييي والله لو ما الجو قاسي ومخيف جان طلعت الحديقه تجنن اركض بيها.... بس ان شاء الله باجر اكعد من الصبح قبل لا يكعدون واطلع وراا البيت شفت طريق طويل مليان شجر مثل الغابه.... مخيففف بالليل...... بس عندي فضول استكشفه....

اتنهدت صقنت ع سقف الحلو يلمع... احس ارتاحيت بس شفت المكان لعد باجر شلون.... ما اتحمل اريد الصبح يجي بسرعه حتى العب جوله..... ما اخلي شي بنفسي بس المهم اسوي الاريده قبل لا ارجع اطمس بالدراسه......

عدلت كعدتي اريد ابدل نزلت سمعت صوته جوه يحجي ويه جده.... مشيت ع جنطه مالتي الي صعذتها اول وحده...... كعدت بالكاع نثرتها وطلعت تراك احمر شتوي......

وكفت رحت ع فراش نزعت ولبسته نفضت شعري وفتحت الباب طلعت شفته كاعد يم جده مدري شتهمس إله.... ما سويت صوت نزلت خطوه وصلتني كلمات متقطعه تحجي عساس بخفوت وياا...كالت... ختولي هاي تسوي روحها تحب بنتك تجذب عليك لا تصدك كلهن برابيك... ممنوع تنطيها وجه....

عقدت حاجبي مستغربه على منو تقصد؟.... ما استوعبت الكلام لأن رفع راسه عيونه بعيوني شال عيونه مني اتنهد وهز راسه لجده....

نزلت خطوات هادئه باوعتلي جده تثاوبت حجت بنعاس..

الحجيه : تعاي ولجج ساعديني اصعد انام راح اكع لو ما جايه احسن.... هسه ليش ماكو غرف جوه....

تقربت منها وهيه تحجي ع بابا وهو ساكت يكلب بالجهاز مرتاج ع قنفه......

لزمت ايدها وكفت وتحركت واني ساندتها همزين الدرج قصير مو طويل..... صعدنه البايات ومشيتها ع غرفه روان فتحت الباب واشوف روان بسابع نومه كلهم تعبو من الطريق..... مشيت سريع أخذت فراش فرشته الها بالكاع وحطيت مخده..... مشت هيه وتحجي مدري شتهمس ومبينه حيل نعسانه....

نامت وغطيتها مشيت فتحت الباب طلعت ع كيفي وتحركت اريد اروح لغرفتي بس توقفت نزلت من الدرج عبالي اشوفه بس استغربت هو ماكو عقدت حاجبي ونزلت ماكو.... باوعت لباب غرفته ضليت صافنه بشرود هم زعلانه منه ولو هو ما يهمه ولا يهتم عنده عادي......

بس صار عندي فضول اعرف شكوو احسه ضام عليه هواي سوالف مو احس متأكده...شعور قوي يدفعني استكشفه واعرف شخوط قلبه وخدوش، ذاكرته....

عضيت شفتي بشرود ردت اروح افتح باب الغرفه بس خفت.... اتنهدت ومشيت نعسانه تقدمت ع الزجاج مال صاله البرادي مسدوده فتحتها شويه ابتسمت الجوو مخيف وبارد مطر خفيف بس صواعق رجفت وسديتها سريع رحت ركض صعدت الدرج البارد حافيه....

فتحت الباب ودخلت طبكته وراي مدري ليش خفت باوعت بأرجاء الغرفه حسيتها موحشه ومخيفه... شنو هاي... ليش كلها نامت؟.... اعرف تعبو بس خايفه وين اروح؟؟..... أنوب اسمع أصوات الشجر برا متتت...

اتنهدت تعوذت فركت ايدي بشرود ومشيت شغلت التيبلام اثنينهن ومشيت طفيت الضوا المنضر الاحبه.... هادئ وحلو.... والضوء مال تيبلام خافت احمر......

مشيت خطوات هادئه جمعت شعري ع جهه وحده فتحت اللحاف وصعدت تغطيت سريع اتنهدت بشرود وجمعت روحي احس شعور غريب ما متعوده اشتاقيت لغرفتي.....

كورت روحي ولفيت اللحاف بقوه حضتته وصفنت بشرود واني فكره تروح وفكره تجي والسوالف اجمعها براسي احاول افهم.... ضليت هيج فتره طويله ما لكيت جواب ولاا شيي....

استسلمت للنوم الي داهمني بعد وقت نمت بعمق بس ما مرتاحه......

أشعر بالأشتياق خنكه مو طبيعيه.... قبضت ايدي واحس مخدره من التعب وماكدر افتح عيوني... بسبب ضوء ابيض ساطع..... عقدت حاجبي واني ادخل الحلم.... لااا ماريد.... ماريد احلم... نعسانه.... تعبانه.... أريد انام.....

نمت بعمق بس ماتركني الحلم خلاني اتجمد ماكدر اتحرك ودفيانه... واني اشوفها كدامي.... ابتسمت بوهم...... ردت الابتسامه هيه.... ملامحها حلوه حيلل.... شعرهاا عسلي مثلي.... لابسه ثوب ابيض وجسمها ساطع من البياض..... ملاكك..... تاج ورد ع شعرها بسيط..... شفتها وردايه مفتحه في ليالي شتائيه....من البرد......

انفها الطفولي الحلو... طولها الي تحركت بهدوء قربت مني ابتسمت بوسع عليها اريد احضنهاا بس ماكدرت.... والله ماكدرت..... مسجونه.... أحس مسجونه بشي.... ماكدر اتحرك.... شي دافي محاوط جسمي... فراش يمكن......

رفعت ايدها هيه وتلمست خدي بنعومه انتشلتني من قاع الأرض اخذتني لسابع سماوات.... بلطف همست بصوت انثوي "" ينبوع قلبي""

ابتسمت ماعرفت شحجي بس دموعي نزلت مسحتها ورجعت نزلت رفعت ايدها مسحتها بس احس ايدها خشنه وريحتها اعرفها غمضت حيلل بنعاس شديد ورجعت نزلت دموعي من شفتها اختفت راح النور حل الضلام الدامس بعيوني....

عقدت حاجبي شهكت بدموع حركت راسي ماكدر أسوي شي احس مقيده وضلمه وصدري اختنق......

نفسي ضيق.... فجأه تغير الحلم شي غريب احس ايد تلمس بخدي وفكي وانفاس تلفح بشرتي..... غمضت حيلل اريد اعرف شنو هذا الحلم عجزتت... بس احس بي.... والضلام بعيوني والبروده احتلتني....

عطر بأنفي طيبب.... اقترب أكثر وأكثر واني استنشق بي..... اقترب بعد كأنو دخل بروحي اتلبس بيه احس.... لفحني أنفاس ع خدي...... ونغزات خشنه مثل الشعر رجولي ع أنفي وأيده تمسح بدموعي وتلمس عيوني......

عقدت حاجبي أريد افتح عيوني عجزت الكه روحي بسابع نومه ارجع ورا أكثر.... كل ما احس بشي انام بعمق أكثر.....

بس بلعت ريقي منزعجه من هاي الأحلام ابد ماحلم هيج والله.... أول مره يراودني هيج حلم غريب.... ومو حلو....

اريده يطير من راسي بس عجزت..... انيت بصوت منزعجه من حسيت شي ناعم ونغزات شارب يمكن ع شفتي..... غمضت حيللل مصدومه من هذا الحلم...

كل ما اغمض أكثر يطبع شفته أكثر قبضت ايدي زمجرت بصوت بس اريد الحلم يروح بس لزك....

استسلمت للنوم واني أشعر بحركه شفته ع شفتي بنعومه وسلاله عبالك حقيقه لأن تسلل لكل جسمي هذا الشعور.... حرك شفته واني جامده منتضره افقد الوعي وما احس بشي.....

ايد خشنه وعطرها طيب ع فكي حسيت ثكل ع صدري مثل الجسم وشفته تنطبع أكثر وتأخذ بمالتي.... عقدت حاجبي احس بخنكه عبالك احد قطع نفسي....

اريد احرك راسي جمدت ماكدر ليش؟..... نغزني شعر شاربه وهو يحرك بشفته واني ارتعش جسمي اول مره أحلم هيج حلم غريب وعاطفي... أحلامي بريئه كلهاا.... صح أحلم بفارس أحلامي بس ما حلمت هيج ابد......

انيت بصوتت اختنكت واحس روحي تطلعع انسحبت شفتي بنعومه بشفته بقت هيج بسنونه شويه وتركها شهكت اخذ نفس حركت راسي عاقده حاجبي اريد الحلم يطير.....

دفنت وجهيي بالمخده الناعمه حركت راسي اخذ نفس مصدومه وضلام دامس بعيوني..... توقفت عن الحركه واني احس ايد ع شعري بهدوء حركهاا وخر شعري من خدييي واني بين الحقيقه والحلم ماكدر المس واحد منهم..... الشعور حقيقي بس الشخص خيالي.... بس شعرت بيي.....

عقدت حاجبي حسيت ببروده شفته ع خدي وهمسه خافته اخذتها اذني بصوت رجولي"" ينبوع قلبي""

كال هيج وما حسيت بشي بعد لا حركه ولا ايده ولا شي.... بس اصارع بالحلم اريد افتح عيوني وانفاسي عاليه قبضت ايدي ع لحاف اختنكت واني احس بجناونه بغرفتي....

شهكت بصوت عالي وكعدت سريع فتحت عيوني ع وسعهااا..... الهث بصَوت لزمت صدري وهزيت راسي باوعت بخوف بأرجاء الغرفه الفارغه.... ورجفت فزيت من مكاني واني اسمع صوت البرق والصواعق...

نفضت شعري ونزلت دموعي رفعت ايدي لشفتي واني اتذكر الحلم لزمت كلبي باوعت ع شباك شفت خيال ركضت سريع ع باب اتعثر... فتحته وطلعت ارجف كلي....

باوعت ع درج نزلت بايه وجان اشوفه هناكك ع قنفه كاعد مرتاج عيونه ع خارج المطر يضرب بزجاج البيت.... وبيده قوطيه مادري مال شنوو....

نزلت دموعي أكثر وركضت نزلت البايات وحده وحده رفع راسه هو ما انطيته مجال يستوعب بلهفه وخوف شمرت روحي وحاوطته بقوه وبجيت بصدره بصوت خافت......

ضليت ابجي شويه ورفع ايده ع ضهري وشعري رفعني أكثر حضني يمسد ع راسي.... همس بخفوت ع جبيني

علي : شبيج؟؟..

هزيت راسي بدموع وحجيت بغصه واني ارفع راسي اباوعله يباوعلي ببرود وهدوء

قمر : خايففةةةة..... غرفتي تخوف.. بيها جن... وحلمت احلام قذره اول مره لأن نمت بيهااا....

...............
................
................
................
................
.................
...............
................

يتبعععع............

روايه (نغزات محرمه) اللهجه العراقيه بقلمي ميار السعدي 🖤 🥀

تصويت +علقو ع فقرات +متابعه لحسابي وقدرو تعبي للأستمرار بالحلقات القادمه 🦋 ✨ 🖤

احبكممم ويه شويه غومانس🙊🙊💔💔

تشبه قمر نفس الملامح وعيون قمري عرفتوها زيتونيه بس تقريبا تشبه هاي ملامحها 🙊

ونانا اعتقد تشبه هاي بس نانا احلى وخدودها احلى بيهن غمازه🙊🖤

هذا حسيته يشبه البيت صح لو لا؟ 🗿🙊