بسم الله الرحمن الرحيم 🌹🌹
والصلاة والسلام على سيدنا محمد وعلى اله وصحبه اجمعين 🌹🌹
فل نبدأ ✌️
★**★**★**★***★***★***★
في لندن
في احدى الكافيهات
يجلس فهد علي طربيزة وينظر في ساعته
يأتي له باسم ويجلس معه
باسم:- معلش يا فهد أتأخرت عليك
فهد:- ولا يهمك !!
باسم:- انت عايزني في حاجة تاني
فهد:- انا طلقت دنيا!!
باسم:- انا كنت على وعدي معاك
واثبتلك أنها متستهلكش ولا حتي تستاهل
بنتها!!؟ طب انت ناوي على إيه دلوقتي!؟!!
فهد:- انا هاخد بنتي وارجع على مصر!!؟
باسم:- طب وهتعمل ايه مع أهلك انت
مش قولتلي انك متعرفش حاجه عنهم
من سعة ما جيت هنا!!!
فهد:- مش عارف!!؟
باسم:- فهد انت اخويا!! فلو محتاج اي
حاجة قولي !!
فهد:- ربنا يخليك!! يا صاحبي
باسم:- انا عمري ما هنسي الوقفة اللي انت
وقفتها معايا اول ما جيت هنا!!
فهد:- ما انت وقفت معايا زي ما انا وقفت معاك اهو!!
باسم:- لاء دة مجرد جزء صغير
من دينك عليا.. وبعدين انا معملتش حاجة
ماهو كله بتوجيهاتك.. ..انا هقوم بقي
عشان اتأخرت على الشغل ... سلام
فهد:- سلام
★**★**★**★**★**★**★
في منزل محمود الالفي
تدلف مليكة الي غرفة سلمي
و تجدها نائمة
مليكة :- سلمي!!! سلمي!!! اخ ياني !!
انا عارفه انتي مش هتصحي غير كدة
اقتربت من أذن سلمي و صرخت
- قومي يا سلمى في تعبان!!
فزعت سلمي من صوت صراخ
مليكة المزعج وامسكت بإحدى فرادي الشبشب والقتها على وجه مليكة
سلمي:- تعبان اما يبقي يقرصك في حد
يصحي حد كدة!!
مليكة :- انا بقالي ساعة عمالة اصحي فيكي وانتي زي ما تكوني مقتولة!! المهم قومي
يالا عشان نفطر!!
ذهبوا الي مائدة الطعام
وبدأوا في تناول الإفطار
ثم ذهبت مليكة الي امتحاناتها
محمود:- سلمي انا كنت عايزك في موضوع
سلمي:- موضوع ايه يا بابا خير!؟
محمود:- مليكة جايلها عريس كويس
سلمي:- عريس لمليكة يا بابا مليكة لسة
صغيرة وبعدين متدخلش الموضوع دة في دماغها عشان تركز في مستقبلها
محمود:- يا بنتي انا كبرت وعايز
اطمن عليكم !؟
سلمي:- أساساً مليكة جالها عريس وانا
اللي قولتله مش دلوقتي!
انا هقوم الم الاكل واروح اعمل كوبايتين شاي
ونقعد نشربهم انا وانت ماشي !!
محمود:- لاء شاي ايه!!؟ انتي تروحي تلبسي
عشان متتأخريش علي التمرين بتاعك!!
يالا روحي لاحسن ارجع في كلامي!!
قبلت سلمي جبينه وذهبت لترتدي ملابسها
وتذهب إلى التمرين
**★**★**★**★**★**
جهز "فهد " حقائبه وخرج من المنزل وتوجه للمطار
فهد:- باسم زي ما قولتلك تبيع البيت النهاردة
باسم:- خلاص ماشي انا كده كده لقيت مشتري للبيت هبيعه و هحولك الفلوس على حسابك!! هتوحشني يا صحبي!! خلي بالك من نفسك
فهد:- وانت كمان خلي بالك
من نفسك سلام!!
ثم توجه هو وابنته داخل المطار للحاق بطائرتهم
في غرفة سلمي
تمسك بهاتفها وتتصل بصديقتها " مي"
سلمي:- الو.... ازيك يا مي
بقول ايه مش وقت رغي انا نازلة التمرين
دلوقتي وبعد ما اخلص عايزة اشوفك
خلاص اتفقنا.. سلام.
★**★**★**★**★**★
ركبت سيارتها وعقلها شارد لماذا والدها غير رأيه أنه أمس لم يكن موافقاً على لاعبتها هذا
فلماذا إذا تراجع في قراره السابق
فتذكرت كلماته
:- عادي يعني غيرت رأي
وصلت إلى صالة التدريب
ودلفت الي الداخل
ثم وقف يوسف أمامها فجأة
سلمي:- يخربيتك خضيتني
في ايه مالك واقف قصادي كدة ليه!؟
يوسف:- اصل طلاما ابوكي نزلك التمرين
من تاني يبقي تأثيري نجح عليه
سلمي:- تأثير ايه أنا مش فاهمة حاجة
ولا فاهمة انت بتتكلم عن ايه!!
قبل أن ينطق "يوسف" بكلمة قاطعه
صوت كابتن "احمد"
احمد:- تعالوا يا شباب كله
يجمع عندي هنا
تجمع الجميع حوله ثم بدأ بالكلام
احمد:- انا عندي خبر وحش ليكم..
انا هسافر تلات شهور برة مصر..
ومش هكون معاكم في التدريب..
وبالطبع بدئت الأحاديث الجانبية
بين المصارعين..وعن من سيتولي مسؤولة
تدريبهم بعد...هل هو أحد المصارعين!؟..
ام كابتن اخر!!
احمد وهو يشير ليوسف
بأن يقف بجانبه:
احمد:- وطبعاً انا مش هسيبكم في التدريب كدة من غير قائد ولا كابتن!!؟ يوسف هو
اللي هيتولي مسؤلية تدريبكم في
فترة غيابي.
ابستم يوسف بثقة وهو يتذكر حديث
احمد سابقاً
فلاش باك
*********
احمد:- يوسف تعال عايزك!
يوسف:-اتفضل يا كابتن
احمد:- انا مش هقدر استمر معاكوا في التدريب كتير!!؟
يوسف:- ايييه لاء انت اكيد بتهزر!!
احمد:- اسمعني بس انا محتاج
أسافر برة مصر كام شهر كدة. و هضطر اني مدربكوش الفترة دي.. . ويا سيدي..
بكرة يجيلكوا اللي احسن مني..
يوسف:- ايه اللي انت بتقوله ده يا كابتن
دة انت أستاذنا و احنا متعلمين على ايدك..
احمد:- المهم انا ممكن أسافر بعد شهر ولا حاجة وانت اللي هتمسك التدريب مكاني في الفترة دي لغاية ما اعرف ان كنت هرجع تاني ولا لاء ويا عم لو زهقت سلم التدريب لحد تثق فيه برضوا!؟
تردد يوسف قليلاً ثم وافق واجاب في الاخر
:- ده شرف كبير ليا يا رب بس اكون عند حسن ظنك وثقتك دي!!؟
************
باك
*******
عاد يوسف من شروده على صوت احمد
احمد:- بما أن يوسف هو اقدم واحد
واكتر لاعب واخد بطولات فهوا اكيد اكتر واحد يصلح أنه يدربكوا وانا متأكد أنه هيسد مكاني ويا عالم هرجع امرنكم من تاني ولا لاء!؟
يوسف:- دة شرف كبير ليا!! وانشاء الله ترجعلنا بالسلامة!
احمد:- طب استأذن انا بقى واسيبكوا مع مدربكوا الجديد!!
ودع احمد اللاعبين بابتسامة صغيرة مرسومه علي وجهه
بعد رحيل احمد
وقف يوسف بثقة أمام اللاعبين
وهو ينظر لهم باعينه الثاقبة وابتسامة جانبية صغيرة
وقف جميع اللاعبين صفا واحداً و في اخر الصف تقف سلمي
بدء يوسف بالتحرك أمام اللاعبين وهو يعقد كفوف يده خلف ظهره
يوسف:- لازم تعرفوا حاجة مهمة جدا أن لعبة المصارعة مهياش زيها زي اي لعبة إطلاقاً
دي لعبة محتاجة تستخدم فيها عقلك قبل ايدك
كان يقول هذا الكلام وهو يسير أمام اللاعبين
ثم وقف أمام ولد ضعيف البدن لا يملك أي عضلات
:- وطبعاً مش محتاج اقولكم أن اللعبة دي محتاجة عزيمة قوية وإصرار اقوي وعلي حسب العزيمة والإرادة اللي عندك هتعرف تملك الجسم اللي في دماغك!!
ثم وقف أمام سلمي
يوسف:- تقدروا تبدائوا تمرين الدفاع الأول...
بعد وقت من التمرين
واستفزاز يوسف لسلمي
أنتهي جميع اللاعبين من التدريب
وذهبوا الي منازلهم
***********
في المساء
في منزل عبدالله ريان
كانت خديجة و عبدالله يشاهدون التلفاز بملل
ثم رن جرس المنزل
خديجة:- صابرين شوفي مين!!
ذهبت صابرين لتفتح الباب ثم تفاجئت
وذهبت مهرولة الي خديجة وعبدالله
صابرين بفرحة:-خديجة هانم عبدالله بيه تعالوا معايا شوفوا مين جيه
خديجة:- هيكون مين يعني اللي جيه يا مجنونة انتي!!
عبدالله:- انا مش قولتلك يا خديجة
البت دي هبلة
صابرين:- تعالوا معايا بس تعالوا
وقفوا وذهبوا الي الباب ل يتفاجئ عبدالله وخديجة
خديجة:- فهد!!
ثم ارتمت في احضان ابنها وهي تبكي
:- وحشتني اوي يا ابني
قبل فهد يد أمه و يد أبيه
ثم تابع
- وانتوا وحشتوني اوي!! انا عايزكم تسامحوني
عبدالله بفرحة:- مسامحينك يا ابني....
دي بنتك!!
فهد:- اممم! ليلي !!
رفع عبدالله ليلي بين ذراعيه
ليلي:- انت جدو
عبدالله وهو يقبل كلا وجنتيها:- وانتي بقي عرفتي ازاي!!
ليلي وهي تشاور على فهد :- من بابا!!
خديجة:- عم سمير دخل الشنط جوة
********