ابكم سحرني
الجزء الثاني عشر
بقلم اوتار حزينه
،،،،،،
مديت ايدي بخوف واني ابجي وانطيته جهازي
وحجيت وي ابوه بسرعه
خالو والله ماعندي شي وي عدي هو راسلني والله مااعرف شلون عرف رقمي وروح ابويه مااعرف
اصلا جنت اريد اجي على ماما حتى اكله
الها وهو مااعرف شلون عرف
شهكت بالبجي ودحكت علي وكملت گوه
عمار والله ماعندي شي ويا وروح ابويه
هو الي راسلني ووو
كلامي طاار من شال ايده وضربني راجدي
من قوته وكعت بالكاع
عمااار
خالو صاح بي ودفعه وامه اجتي عليه
وهي تصيح علي
ااام ياسر
اااخذي البنيه للغرفه وافتهمي منها شنوو الصاير
كمت گوه وواني اشهك وابجي وطبيت للغرفه
ماما سدت الباب وسالتني بسرعه
ووج ااحجي شنو الصار وشبي عدي وليش يراسلج
ماكو صوت بس ابجي واشهگ وهي كعدت يمي
وحجت بهدؤ
اسكتي ماما والله اعرف ماعندج شي ويا
بس فهمني شنوو السالفه وشصار وهذا منين جاب رقمج حتى يراسلج بهيج وقت
هزيت راسي باشاره مااادري وحجيت گوه
والله ماادري وروح ابويه ماادري
اني وين شايفته حتى انطي رررقمي
جاوبتها بشهگه وكملت ببجي
ماما والله اجيت عليج بسرعه من شفته راسلني
بس عمااار
ذكرن اسمه وشهكت بصوت قوي
عرف هو راسلج
هزيت راسي باي وهي سالتني بذهول
هذا شلون عرف بهل السرعه
ماادري والله مااادري شلون عرف
ااني ماعندي شي ويا ورحو اسالو اذا عندي شي
تعالو حاسبوني
ظلي هنا راح اطلع افهم خالج وعمار
حجت هيج وكامت وهي ادكول
هاااي شلون سالفه يااربي ووكعت يم منوو
يم عماار يارب استر علينا وعديها على خير
ظليت وحدي ابجي واشهك فزيت وره مشوار من سمعت صارت هوسه كمت گوه رحت للباب وسمعت خالو يصيح
اااوكف وووولك هسه اني اخابر عدي وافتهم منه
منين جاب رقمها وليش مراسالها
يااربي والله ماعندي شي ويااا
راح انفضح چدام خالو وعمار واني ماعندي شي
گلبي كام يدگ بسرعه وحسيت روحي راح اتخربط
اني ماادزيته اله بس خفت لا يكول غير كلام
وذيج الساعه انفضح من صدگ
رجلي بادن ومشيت گوه للجربايه تمددت وبعد اي حيل ماعندي للبجي
عمار
بليل جنت كاعد وحدي بالصاله وداخن جگاره
جهازي رن برساله مادرت بال اله
بعدين انتبهت هذا الواتس مال ريم
اني من سويتلها جهازها ربطت حسابها يمي
لان اعرفها ثوله وماتعرف تقره
والدنيا صايره تخوف وداشوف شديصير بالبنات من وره المايخافون الله
فتحت وتفأجات بعدي صديقي رابن جيرانه مراسالها
شفتها ماعارفته بس هوو منين جاب رقمها وشلون
هذا الي خبلني كمت بسرعه واني صاير اعصاب
ورحت عليها شفتها طالعه وواكفه بالممر اول ماشافتني خافت وضمت جهازها وراها
تخبلت بالزايد واشرتلها جيبي
هااا ليش
جوابها خبلني بالزايد وركعت الباب بالعكازه
ابوي وامي طلعو وهم يصيحون
شكوو شصاير
تقدمت عليها اريد اعدمها العافيه بس ابويه
وكف بوجهي عيوني صارت بعيونها
واشرتلها جيبي
ماانطته وهم ضربت الحايط بالعكاز وكمت
اون بصوت قوووي
ابويه صاح ولزمني ومادرت بال دفعته
وهي انطتني الجهاز وحجت
خالو والله ماعندي شي وي عدي هو راسلني والله مااعرف شلون عرف رقمي وروح ابويه مااعرف
اصلا جنت اريد اجي على ماما حتى اكول الها وهو
مااعرف شلون عرف
شهكت بالبجي ودحكت علي وكملت
عمار والله ماعندي شي ويا وروح ابويه
هو الي راسلني ووو
بلحظه شلت ايدي وضربتها بقوه
واني احجي عليها بگلبي
ابويه دفعني وصاح بامي تاخذها للغرفه
درت وجهي منها ورجعت للصاله واني اتنفس بقوه
واريد اسوي شي جبير مشيت كووه اريد اروح لعدي
واخلي حرگه گلبي بي ابويه لزمني
وووين رايح
ساكت بس نار مشتعله بصدري
اشرتله على عدي وهو صاح بي
شتريد تسوي هااا ماتشوفها سألته منوو انت
وشترريد
ماجاوبته وهو كمل
البنيه ماااعدها شي وانت شفت بعيونك تسأله
انت منوو
اشرتله عليها وكتبت بأيدي باعصاب
وووهي وين لاگيته حتى تنطي رقمها ماتشوفها اربعه وعشرين ساعه محبوسه بالبيت
سكت وكمل وي امي من طبت
ام ياااسر ريم تطلع لبيت ااحد رايحه لبيت ام عدي ادزيها لللسوگ
لا والله خطيه ماتطلع غير بس وياي
مادرت بال لحجيهم
مشيت اريد اطلع على هذا العار بس ابويه وامي لزموني وحجه
اووكف وولك هسه اني اخابر عدي وافتهم منه
ليش هيج سوو ومنين جاب رقمها
دك. علي وحجه ويا بسرعه
هسه تجي للبيت ومااريد احد يعرف ليش اافتهمت
حجه وسد الخط وره مشوار دگ الجرس
وطلع ابويه اول ماشفته طب خزرته وتقدمت علي
امي لزمتني وحجت بسرعه
عمار اوكف لاتسوي شي
هو باوع عليه وبعدين حجه وي ابويه
عمو فاروق اني اعرف بروحي غلطت بس والله
اني قصدي شريف ورايدها بالحلال
ياابه اذا تريدها بالحلال ليش مااجيت ودگيت الباب
مثل الاوادم العدله وكلت اريد بنتكم ليش تگعد تراسلها مثل الحراميه
وبنص الليل
عدي سكت للحظه وبعدين جاوبه
ردت اعرف اذا تقدمت عليها هي راح توافق
والله بس هذا الجنت اريد اعرفه
ابويه تقدم علي واشر بايده بوجهه
راح اسالك سؤال بس اريدك تجاوبني مثل الرجال الصدك وماااااريدك تجذب عليه
عدي صفن بوجهه ابويه وهز راسه
منين جبت رقم بنتنا
سكت ودنك راسه وبعدين جاوب
اخذته من جهازك
ابويه تفاجأ واشرله بأيده وساله
شنوو ياابه وشلون اخذته من جهازي
شفته ارتبك وبين علي الخجل وجاوبه وهو مدنك راسه
من خابرت عليك من جنت بالمستشفى
وي عمار اني اخذته بعدين
تقدمت علي وامي وكفت كدامي
وحجت بتوسل
عماار عوفه لخاطري
دفعتها بايدي الزينه وابويه اجه ولزمني
وصاح بيه
عمااار ماعليك بي عووفه
بگلبي كمت افشر علي واغلط واريد بس الزمه
هو حجه بسرعه
عمار اعرف غلطت بس والله البنيه حبيتها واريدها
على سنه الله ورسوله
اني سمعته كال حبيتها لو ماادري شصعد براسي
ضربته بالعگاز وابويه تلاگها بايده وشمرها بالكاع
وخزرني دار وجهه باوع لعدي للحظه وبعدين
حجه ويا كلام موتني بگاعي
روح هسه وانتظر مني جواب بااجر
اشرتله شنوو
هو مادار بال واشرله روح وهذا باوع عليه
وبعدين راح
تقدمت على ابويه واني اسال بعيوني
ليش وشلون
صفن عليه وجاوبني بهدؤ
شنو ليش ماسمعته شحجه الولد يحبها ورايدها بالحلال
عكدت حواجبي واشرتله باعصاب يعني شنوو
يعني باجر ادزله خبر حتى يجي هو واهله ويخطبون ريم
هزيت راسي بلااا وهو صاح بيه
ليييش يابه ماتقبل وانت شعليييك بيها هااا
ليش توكف عرضه بقسمتها عدي خوش ولد وماراح الكي احسن منه الها وانت باذانك هاي سمعته
شحجه
اشرتله على جهازها باااعصاب وهو صاح بيه
ااعرف غلط واجه واعتذر وطلبها مني
يعني الولد قصده شريف ونيته مو سوء
درت وجهي منه وهو كمل وي امي
ام يااسر انتي مو كلتي ام عدي،حجت وياج
على ريم
امي هزت راسها باي وهي مقهوره وجاوبته
اي والله هي وام ريسان حجو بيها وكالو نريدها لولدنا
اشرت لامي ليش ماكلتي ليش ماحجيتي
جنت اشر باعصاب بوجهها وهي صاحت بيه
اااي وانت راااح تصدك اذا حجيت
سكتت وابويه حجه
شفت البنيه قسمتها مو واكفه عليك اجتي ليمها
وباجر ادز خبر الموافقه لعدي
اشرتله براسي بلاااا
تررريدها كوول اريدها واني هسه ادزله خبر
هو مااعنده نصيب يمنا
سكتت وامي حجت بتوسل
ولك يمه كول اي البنيه راح تروح من ايدك
ابويه باوع عليه بغضب واشر لامي
ام يااسر عوووفي وباجر دزي خبر لام عدي اني
انطيت الهم بنت اختي
حجاها وعيونه بعيوني هزيت براسي بلااا
واني رافض تروح لعدي وهو حجه
موو على كيفك افتهمت
اعصابي فلتت وتقدمت خطوه على ابويه
واشرت على روحي لاااا بكيفي
ابويه سكت وسالني بهدؤ
ليش يااابه على كيفك منووو انت حتى ماتنطيها
اني موجود وراح اخابر اهلها واخليهم يوافقون علي
صوت بعقلي ظل يردد بدون توقف
ريم راح تروح من ايدك وتصير لغيرك
ردت اصيح اني ااااريدها بس مااكو صوت
اشرت على صدري بخبال اااني ااخذها اااني اريد ريم اليه اشر على روحي وعلى جهه غرفتها
هدؤ صار والكل سكت وامي حجت وره لحظه
ووولك صدك ابو ياااسر شفته يريدها لريم
ولك يمه صدك تريدها
امي كامت تبجي وتضحك وهي مو مصدگه
بس ابويه جاوبني
اي مو هي على مزاجك البارحه مااريد
واليوم اريد لعبه البنيه بين ايدك وعلى مزاجك
تقبل او ماتقبل
ابو يااسر على بختك لاتحجي هيج انت شفته
كال اريدها
ابويه مادار بال لكلام امي واجه ليمي ووكف كدامي
وخله عيونه بعيوني وحجه بتركيز
انت تريدها لبنت عمتك
هزيت راسي باي واني جاز على سنوني
رجال يول وماترجع بعدين بگلامك
عگدت حواجبي وجزيت على سنوني بعد اگثر
وخليت عيوني بعيونه وهزيت راسي بأي
ابويه ركز بنظراته عليه وبعدين حجه
ام يااسر باجر دزي خبر لبيت ام عدي وكولي
ماعدكم نصيب يمنا لان عمار رايدها لريم
اااي اي ابو ياسر باجر اخابرها واكله الها
واانت حضر روحك هالاسبوع ادز على ولد عمي
وبيت عمتك نخطب ونگطع مهر
ريم
ظليت بغرفتي متمدده واشهك وابجي
اسمع الهوسه بره بس مكدرت اطلع جسمي كله يرجف وكل ساع الزم خدي الضربه عمار
واشهك بصوت واردد بصوت مخنوك
والله ماعندي شي ويااا ولاا اعرف منين
جاب رقمي
اسكت من اختنگ بالبجي وبعدين اكمل
ياارب انت التدري بيه وتدري اني ماعندي شي
ياارب بيض وجهي چدامهم وخلي عدي يحجي الصدگ
عقلي ظل يعيد بالصار وشسو عمار
وشلون ضربني
مااعرف شصار بيه من الهبطه والتعب والبجي
حسيت حيلي انهد اني هيج حالتي غفيت ونمت
فتحت عيوني على صوت يگعد بيه
فزيت وكعدت وحجيت بسرعه
والله مااعندي شي ويااا ولاا اعرف منين
جاب رقمي
شفت ماما يمي الي حجت بسرعه
وووج لاتخافين واهدأي لايصير بيج شي
اكعدي وفتحي زين حتى افهمج شصار
گلبي جان يدگ بسرعه وراسي ثگيل كلش
دحكت عليها بخوف وهي كملت وهي مبتسمه
والله مااعرف شلون نمتي على هاي الهوسه
نزلت راسي وكمت ابجي بصوت مخنوك
ارفعي راسج ولاتنزلي ابدا
عدي طلع ماخذ رقمج من جهاز خالج
فگيت عيوني واني متفاجا وحجيت كووه
شلون وشوكت اخذه
والله طلع فد واحد مو هين ووج مااخذه من خابرتي خالج من جنا وي عمار بالمستشفى
صوتي راح وظليت صافنه بوجهها وهي كملت
مبتسمه
ومو بس هاي عيني طلع يحبج ويريد يخطبج
ماااريده
طلعت هاي الكلمه بسرعه وهي رفعت حواجبها
وسالتني
ليش ماتريدي الولد خوش ولد وانتي شفتي اهله خوش ناس وامه هي بنفسها طلبتج اله
عمار اجه بين عيوني وهزيت راسي واني مدنكه راسي وابجي
لاتبجين وجاوبيني ليش ماتريدي لعدي
مااريده ماما الله يخليج كولي الهم مااريده
والله مو بگيفي خالج راح ينطيهم كلام باجر
بس يسال اهلج
فگيت عيوني ولزمت ايدها وحجيت بتوسل واني ابجي
بس اني مااريده عفيه ماما لاتجبروني علي
لاتظلموني مثل ماظلموني اهلي
شهكت بالبجي واختنگت وهي ابتسمت وجاوبتني بهدؤ
زين نظلمج اذا صرتي لعمار
سمعت اسمه وگلبي كام يدگ بقوه ارتبكت كلش
وسكتت وهي ظلت ادحك بوجهي وعادت كلامها
ريم عمار ماقبل ينطيج لعدي وكال اني اريدها الي
انتي شدكولين انتي موافقه علي
ماكو صوت وبس صورته بين عيوني
رريم جاوبيني
جانت موافقتي علي بهزه راس
لان صوتي راح من الفرحه
عمار
الليل كله كاعد افكر بالي صار مره اكول اي
هاهيه خلي ازوج ريم واستقر ومره اكول خاف اظلمها وياي لان اعرف طبعي صعب واعصاب
اجه بالي شلون ضربتها والوم روحي واتراجع
واكول اني مو مال زواج وراح تتاذه وياي
واسكت وارجع اكول
اني محتاج مره بحياتي اريد اتزوج واحس
اني مثل باقي البشر اريد زوجه تشيل همي
حظن اروح اله من اتعب من هموم الدنيا
ظليت بهاي الافكار للصبح
ريم
ماما طلعت وهي تضحك وفرحانه لان سمعت موافقتي اني مجنت اعرف اتصرف
دخت وضعت وختلت بغرفتي
الصبح اجتي عليه لان ماطلعت من خجلي
اجتي وبايدها جهازي وحجت وهي مبتسمه
هاج جهازج دزه عمار الج
وخالج راح يجي عليج يريد يحجي وياج بموضوع
گلبي كام يدك سريع وارتبگت كلش
هو دك الباب وطب
فزيت من مكاني وكمت واني منزله راسي
هاا يابه شلونج اليوم
اني سمعته يحجي بحنيه ودموعي نزلت
وكمت ابجي
افااا ليش تبجي عروس ابني لااا مااريدج تبجين
اريد اشوفج تضحكين وفرحانه
حجه واجه ليمي وحظني جوه ايده وباس راسي وكمل
ياابه ريمه لاتزعلين من عمار تره هذا دمه حامي
ويخاف على عرضه وهااا طلع يحبج
واحنا ماندري
حجاها بضحك واني اريد اختفي من يمهم
دحگي علي بعد خالج واسمعيني زين
رفعت راسي لخالي وهو اشرلي اكعدي كعدت على الجربايه وهو كعد يمي وماما ظلت واكفه
وادحك علينا
انتي يمكن ماتدرين بالحجي الصار بذاك اليوم
من جبناج يمنا
صفنت علي وهزيت راسي بلاا
شوفي ريم اني مااريد افتح مواضيع قديمه
واعرفها كلش زين راح تغثج وتغثنا وياج بس الي راح اكله الج هو اني خطبتج لعمار بذاك اليوم وجنت اريد اخلصج من علاء والرادو يسوو بيج
فگيت عيوني من سمعته كال خطبتج ودحكت لماما
اي هزت راسها باي ارتبگت بعد اكثر ودنكت راسي
وخالو كمل
هسه راح ادكولين ليش محد حجه والجواب هو اني ماقبلت يحجون اي شي لا اهلج ولا امج سهير حتى تكدرين تاخذين راحتج بالبيت
وماتحسين بالخجل من عمار وكلت هم حتى
تاخذين على طبعه وهو ياخذ على طبعج
مااجذب عليج عمار بالبدايه جان رافض فكره الزواج
واني كلت مااظلمج وانطيج لعدي لان اعرفه خوش ولد وابن اوادم صح غلط من راسلج بس جان قصده شريف ورايدج بالحلال
خالو سكت وكمل بضحك
واشو الاخ من سمع بي رايدج تخبل وطلع الي بگلبه
وكلي محد ياخذ ريم غيري
ياااربي شبيه مطفيه والمي مسرسح من جواي ولج ريم
اشو كلها طلعت تحبج وتريدج وانتي ولا يمج
لااا وطلعتي مخطوبه لعمار وشوكت بيوم الي تطلگتي بي من صخام البين
ريم
فزيت من سمعت صوت خالو الي كمل وهو مبتسم
وهسه شدكولين انتي موافقه على عمار
يعني اخابر على اختي وابشرها بهل الخبر الحلو
ظليت ساكته وادحك لماما الي اشرتلي براسها اي وهي مبتسمه
صوتي كوه طلع وجاوبته
اي خالو
عمار
الظهر
لزمت جهازي وفتحت الواتس
رحت لرقم ريم جنت ماكاتب اسمها
كتبته وترددت احجي وياها بس بعدين كتبت
شلونج هسه
لحظات وشفتها قرتهن وظلت متصله
وره ثواني دزت
الحمد لله
عمار اعتذر منها السويته غلط
حجيت وي روحي وكتبت
اعتذر لان ضربتج
قرته وتاخرت بالجواب وبعدين دزت
وحده بوحده
رفعت حواجبي وماافتهمت شتقصد وكتبت
شنوو ماافتهمت
ماكو جواب واختفت
يتبع
مساء الخير اليوم على اساس ماانشر لان طالعه
بس لان البارحه القفله جلطتكم كلت خلي اكتب بارت صغيرون ابرد بي گلوبكم
واطمنكم على ريم وعمااار
اختكم جمانه