حبنا كبير لا يضيع ، فأنا أحبكِ بكل ما فيك وأعشق كل التفاصيلك ، صوتك، عطرك، حركاتك وكلماتك كلها تخطف أنفاسي وتطير بروحي بعيداً في أعالي.
سليمة : ملاك حطي زوج خصات في طابلة صحاا
ملاك : بصح مشي زوج بزااف و هما راهم غير ربعة
سليمة : معليش حطي و خلاص خليه يكملوه خير ما يبقى
هزت راسها ملاك و حطت خصات نتع طعام في طابلة و لبن و جات خارجة حتى قالها بو هند : ملاك زيدي جيبي مغرفة
هزتله براسوا و راحت للكوزينة حابت مغرفة و دخلت
*حطي لإلياس نسيتيه
ملاك : اااه سمحلي
راحت حطتها حداه طلت راسها لقاته يشوف فيها
لمت صوالح و هربت خارجة
قعدوا ياكلوا في سكات دخلت بنت خالة هند للصالون لمت طابلة و خرجت
و لي متزوحة لمت طابلة عند نساء حتى جا وقت خطبة
ايوب طلع عند هند تفاهموا على شروط و كل و هبطوا مع بعض تمت خطوبة بسلام لبسلها خاتم و قطعوا قاطوا و قعدوا مجتمعين
الياس : ايوب وينوا تواليط
ايوب : ااااه دقيقة .. ملاك ملاك
جات تجري عندهم: ايه
ايوب :وريلوا طواليط وين جاي
ملاك شافت فيه و قاتلوا : تفضل منا ..
تبسم الياس و راح يتمشى موراها
دارت عنده : طواليط هذا راح مخصر سما راح تطلع لدوش نتع فوق
الياس : صحاا
ملاك: بصح كاين مشكل ؟؟
الياس : وشنوا
ملاك : مكانش طواليط فوق
الياس: كيفاه مكانش ؟؟
ملاك: قصدي كاين غير في بيوت
الياس: اااه صحا
ملاك : سما راح تروح لدوش نتع شومبرة ضياف لي راني فيها
الياس : اااام و علاه شومبرتك !!!
ملاك : مجاياش ندخلك لشومبرة طاطا سلمية ولل نتع هند خمم بببففف
الياس :ااايه صح
ملاك: هيا معايا
دخلت ملاك اول لدوش لمت حالة و قاتله : تفضل انا نهود تحت و انت خود راحتك
الياس : شكرااا
هبطت ملاك تحت و خلات الياس دخل لدوش ...
قضى حاجته و كي جا خارج لفت انتباهه لكوافوز كان فوقها كوفري و لي بارفان و صوالحها ...
كلاه فضول و راح لكوافوز رفد بارفانها شموا و تبسم حط صوالح و قعد يقول في قلبه : واش راك دير الياس هبلت وقيل
نفض افكار و حط برفان حدا كوفري رفدوا بين يديه و فتحوا و هنا كانت صدمة شيئ لي مكانش متوقعوا صرى حسب تشابه اسماء اما ظهرت هي نفسها ملاك
ملاك لي يحبها و يعشق ارض لي تمشي فوقها نفسها سنسلة لي عطاهالها اخر مرة نفسها كيفاه راح ينساها داتوا ذاكرة لهذاك نهااااار تبسم و هو يتفكر..
قبل سبع سنوات ....
ملاك : ليسو!!
الياس : واش قتلك على هذا اسم
ملاك : هههه ياك ني ندلع فيك
الياس : مهبولة
ملاك : كي يجي نهار و نتزوجوا نسمي ولدي ليسو
الياس : ارواحي هنا نوريلك ليسو كي داير
راح يجري وراها و هي تضحك و هاربة
الياس : ملاك درك طيحي
مداتش عليه و قعدت تجرى حتى طاحت و قعدت تتكور في حشيش
راح ليها شدها من ظهرها و حكمها يذغدغ فيها و هي تضحك
ملاك : خلاص عيت ههههههه خلاص
حبس و حط راسوا على فخاضها
الياس : ملاك علابالك باقي سمانة و نروح
ملاك سكتت و عينيها تعمروا بدموع : متروحش و تخليني هنا
الياس : مكانش كيفاش نبقى هنا بلا افونير نروح نخدم و كي نكون واجد نجي نخطبك و نتزوجوا و نشريلك دار عند بحر كيما حابة
ملاك : منيش عارفة الياس احساس غايب متروحش معليش نعيشوا في هذي قرية عادي معنديش مشكل انا
الياس : ملاك عارفة عايلة تاعي داية حق بابا و انا وعدته نرجعلوا حقوا و نبني روحي و نكون مستقبل شباب و نجي نخطبك و نتزوجوا حتى اني حكيت مع يماك و قتلها
ملاك تبسمت و حكات : منك صح
الياس : علاه هذوا صوالح يتمسخروا بيهم !!!
ملاك : لا اما كيفاه قبلت
الياس : ااااممم صوالح كبار عليك شعطوطة
ملاك : بببففف متقوليش هكذا راني كبيرة
الياس : كبيرة صح بصح صغيرة في عيني
تبسمت و باستوا في خدوا : هيا خلينا نروحوا
الياس : اصبري
ناض و جبد سنسلة
الياس : ملاك مهما صرى خلي هذي سنسلة في رقبتك و متنحيهاش كل وقت .. نهار نجي نحبك تكون لابستها
ملاك : تهبل لبسهالي
بعدلها شعرها و لبسهالها و طبع قبلة على طول رقبتها حس برجفتها وقت قربلها تبسم و عطالها يده
الياس : هيا نوضي مدموزال ملاك
ضحكت و نضات و بقاو يمشوا حتى وصلها لدارهم و كمل هو
عودة ...
طاحت دمعة من عينوا مسحها خفخف و خرج يجري من شومبرة يحوس عليها بعينيه راح عند ايوب يسقسيه
الياس : ايوب ايوب
ايوب : شبيك
الياس : ام ملاك وسمها خديجة و بوها رشيد
ايوب : صح امها خديجة اما باباها مش قالوا توفى
الياس : هي صح هي ملاك
ايوب : شبيك انت هبلت ولا
الياس : حكاية طويلة وينها خالتي خديجة ؟؟
ايوب : راحت
الياس : رب عالي كيفاه راحت
ايوب : ماا *** راحت لدراها
الياس : و ملاك ؟؟
ايوب : راهي مع هند
الياس : صحا روح انت درك نلحقك
راح ايوب خارج مع مرت بوه و باباه و الياس حكم سلمية : طاطا وينها ملاك لازم نحكي معاها
شافت فيه سلمية : مممم قتلي ملاك
الياس : خالتي وينها ؟؟
سليمة : فوق مع هند
الياس : وينها شومبرة
سيليمة : آخر شومبرة على يدك يمنة
الياس : صحيتي طاطا طلع يجري فوق بحب يوصل عندها
غير جا يدخل سمع ملاك تحكي مع هند
ملاك : .....
...... يتبع
بارت قصير اما حبيت نشوقكم شوية
حبيتوا احداث ؟؟
واش قالت ملاك لهند و واش سمع الياس في ميزكم
واش رايكم بليكوبل؟؟؟
اي سؤال قولولي هنا 👉🏻
جماعة بارت عند فكرة نحبسه باه يبقى تشويق سما مشي من غرضي اذا جا قصير على حساب افكار بارت لي نكون خدمتهم
#ikrammmmmm