#البارت_الرابع
#لولو_علي
#نبض الحياه (صغيرتي الفاتنه ج2)
&& في شقه والده زين...
دخلت جوليا بحياه وهي تمسك بيدها.. ووجه
حياه يظهر عليه الشحوب
::فغمغمت أمينه بخوف :
مالها حياه يا بنتي
::جوليا :
اطمني يا طنط هي بس ضغطها واطي شويه
:: فغمغمت حياه بضعف :
اطمني يا ماما انا بخير، هدخل اريح شويه بس.. عن اذنكم
::امينه بقلق :
ايه الا حصل يا جوليا، اقعدي واحكيلي انا متأكده ان فيه حاجه.
::فتنهدت جوليا بضيق وغيظ :
هحكيلك يا طنط عشان حياه محتاجه اننا نقف معاها ونساندها كلنا... فحكت لها كل ما راؤه وسمعوه من زين ومن معه.
::شهقت أمينه بحزن على تلك الحياه.. . وغضب وغيظ من ولدها وأفعاله التي ستجعله يخسر كثيراً :
يا عيني عليكي يا بنتي، كده يا زين هي الشهامه حلوه وكل حاجه.. بس مش على حساب مراتك وبيتك
::هنعمل ايه دلوقتي يا طنط..
فقطع حديثهم استماعوهم لجرس الباب. فذهبت جوليا لتفتح فوجدت أمامها إمرأه لا تعرفها:
اهلا وسهلا.. مين حضرتك
:: فنظرت لها تلك المرأه واعتقدت ان تلك الفتاه زوجه زين :
معلشي يا حبيبتي كنت عايزه اتكلم معاكي في كلمتين يا بنتي
:: جوليا باستغراب.. : معايا انا
::فاومات لها المرأه
:: اتفضلي حضرتك جوا
::مين يا ج..... ام مريم.. أهلا وسهلا يا حبيبتي اتفضلي
:: يزيد فضلك يام زين.. عامله ايه يا حبيبتي
:: في نعمه الحمد لله
:: يا رب دايما يا حبيبتي، معلشي يا ام زين
جيت كدا على غفله
:: بيتك يا حبيبتي في اي وقت، بس مالك متوتره ليه كدا
:: بحرج وحزن مما اتيه من أجله :
انا جايه في كلمتين لمرات زين وليكي.. اقعدي يا بنتي واسمعيني للآخر الله يرضى عنك
::فنظرت جوليا لامينه باستغراب.. فهزت أمينه راسها.. فجلست جوليا بهدوء
:: فتنهدت بحزن وصمتت لثواني وحاولت تشجيع نفسها لتردف بما اتيه من أجله.. وهي تعلم انها اتيه لتطلب شئ غير معقول بالمره.. ولكن ماذا في يدها لتفعله :
انا هحكيلكم الا حصل من البدايه، رانيا من صغرها متعلقه بزين بشكل كبير، كنت بقول بكره تعقل وتكبر وتنسى.. بس كانت كل ما تكبر كل ما تتعلق بيه وتفضل وراه في كل مكان...
وزين كان ونعم الأخلاق.. كان بيعاملها بما يرضي الله وكأخت... جات فتره لقيتها غريبه بتعلقها بيه لدرجه انها جاتلي وهددتني انها هتموت نفسها لو زين ما خطبهاش... انا فكرت انها بتقول كلام وخلاص.. بس لا وقفت قدامي ولقيتها بتقطع شريانها شوفت بنتي قدامي غرقانه بدمها
شهقه كانت رد فعل كلا من جوليا وأمينه ونظروا لبعضهم بصدمه
فاكملت... كنت هموت وانا شايفه بنتي غرقانه
بدمها لحقناها على اخر لحظه.. والدكتوره قالت
اننا ننفذ ليها اي طلب، والحاله دي لو اتكررت لازم نهاودها ونسايرها فيها وما نعترضتش على اي حاجه مهما كانت مستحيله وصعبه... جريت على زين اترجيته وحكتله الا حصل.. وهو بكل شهامه وافق يخطبها، ودلوقتي سمعت بناتي بيتفقوا
على........ وحكت لهم ما سمعته من تدبير بناتها..
انا كنت ناويه اجي واحذركم.. بس وانا جايه لقيت بنتي بتبكي... وتقول زين بيحبني بس مش قادر يسيب مراته الحامل.. لقيت بنتي مقهوره وحتى سمعتني تسجيل منه بيقول فيه انه بيحبها
وبعدها شوفت بنتي للمره التانيه قدامي غرقانه بدمها..
فدمعت عيون المرأه بقهر وحزن وامسكت يد
جوليا وهي تغمغم بتوسل وكسره :
احب على ايدك يا بنتي خلي زين ينقذ بنتي ويتجوزها. ارجوكي يا بنتي انا أم قلبها مقهور
وما حلتليش غيرها هي واختها... عارفه اني الا بقوله دا جنان.. بس قدري موقفي.. انتي حامل
وهتعيشي شعور الامومه.. وهتقدري تقدري الا انا فيه.. صعب عليا أشوف بنتي بتضيع مني وتموت وانا أفضل ساكته.. ارجوكي يا بنتي وافقي
:: كانت كلا من جوليا وأمينه يجلسون بزهول وعدم استيعاب لحديث تلك المرأه وايضا لطلبها الغير طبيعي بالمره..
:: فأفاقت امينه من صدمتها ونظرت لتلك المرأه بغضب :
انتي جايه عشان تخربي بيت ابني، بس اقول ايه الغلط غلط ابني من الاول إلا شايف ان دي شهامه ومرجله، روحي لبناتك ربنا يكفينا شرهم وحقدهم والعيش والملح الا بينا انا مقدراه في اللحظه دي والا تصرفي كان هيكون غير كده.. وأنا عشان عارفه انك مغلوبه على أمرك مش هقول اكتر من كدا.. روحي الله يسهلك.. فاكملت بتهكم...
ويا ريت تفتكري ان بنتك الا عايزه تجوزيها لابني متجوزه اصلا... الله يسهلكم ويحمينا من شر
بناتك
:: فخرجت تلك الأم بحزن وكسره على ما يفعله بيه بناتها.. وشعور الذل والمهانه يعجزها
:: جوليا بغيظ وذهول :
انا هتفرس يا خالتي... سمعتي الست دي بتقول
ايه ولا.....فقاطع حديثها صوت ضحك
:: ههههههه اهدي يا جوجو بس.. أعصابك يا قلبي
فنظروا لها باستغراب
:: انتي بتضحكي إزاي يا أخت حياه.. المفروض تكوني عايزه تاكلي الحربوقه إلا عايزه تخطف
جوزك منك، ولا الحربوقه التانيه الا بترسم على جوزي
:: حياه بهدوء وتعقل وهي تجلس بجوار أمينه :
وتفتكري عصبيتك دي هي الحل.. وبعدين جاسر وقفها عند حدها وسمعتي بنفسك الا قاله.. وازاي بيعشقك... فبلاش جنان وتهدمي سعادتك يا حبيبتي...
:: ناويه على ايه يا بنتي... هتعملي ايه في الا سمعتيه... انا عارفه ان ابني غلطان
وغلطه كبير اوي
:: فغمغمت حياه بتريث برغم وجع قلبها من حبيبها ولكنه لن تستسلم بتلك السهوله وتضيع حياتها من بين يدها بتصرف أهوج... ستلقنه درسا لا محاله لكي يخرج من تلك القوقعه المحاصر بها ولكن الآن لتنظر للاهم.. فتنهدت وهي تنظر لأمينه :
اهدي يا ماما صدقيني انا مش زعلانه من زين
أنا فاهمه هو عمل كده ليه، برغم وجعي انه قال لست انه كان بيحبها حتى لو بالكدب، بس زين بيحب يساعد الا حواليه حتى لو هيجي على نفسه وسعادته
:: جوليا بغيظ :
مش هتخلصي من ام المثاليه الا مودياكي في داهيه دي
:: هههه يا جولي دي مش مثاليه خالص.. انا
فاهمه بس جوزي كويس.. وعارفه هو بيساعد بالطريقه الغبيه دي ليه ، زين بيعمل كده ويجي على حساب نفسه... عشان هو في يوم مالقاش السند والدعم ليه... ضهره سابه ومشي بسهوله
زين بيتصرف وهو عقله بيصورله وقت عمو ما سافر وما سألش عليكم...
فنظرت لامينه الحزينه... فامسكت يدها ولثمتها بحب....
ما تزعليش يا ماما أكيد عمو كان ليه سبب، صدقيني يا حبيبتي اكيد حصل ليه حاجه منعته عنكم السنين دي كلها، انتي حكتيلي حبه ليكم كان ازاي.. وحنيته عليكم.. وقربه من ربنا...مش معقول هيكون بالأخلاق دي وهينساكم، قلبي حاسس انه هيرجع قريب وانا إحساسي مش بيخيب يا موني أبداً... اضحكي خلي الدنيا تنور يا جميل
::فاخذتها امينه باحضانها وهي تمسد على ظهرها بحنان وحب... :
انتي احسن بنت في الدنيا بحالها... ربنا يحميكي وتشوفي ولادك وتفرحي بيهم
:: اللهم آميين، صحيح ماما عزمانا على الغدا بكره وعايزاني ابات معاها انهارده
غمغمت حياه بابتسامه
:: بت ما تجننيش اكتر ماانا مجنونه.. انتي ناويه تعملي ايه بالظبط عشان خلقي ضيق لوحده
:: فتنهدت حياه :
حاليا الموقف في إيد زين يا جوليا ... فنظرت لهم.. يا ريت تسمعوني كويس... فحكت لهم ما تريده
:: فغمغمت جوليا بتهكم :
وافرضي يا يختي شهامته غلبته هتعملي ايه
:: فتنهدت تنهيده عميقه وموجعه :
انا في الحالتين مش هسيب حبيبي يا جولي بس موقفه هيفرق معايا اووي.. فغيرت دفه الحديث
انا رايحه للدكتوره انهارده
:: جوليا:
وانا كمان رايحه انهارده.. حاسه بشويه إرهاق هروح اطمن
:: امينه.:
وانا كمان هاجي معاكم عايزه اشوف أحفادي
:: فنظرت لهم حياه وغمغمت بهدوء :
الموضوع فات عليه شهرين.. انسوا زي ما نسيته
:: جوليا برفعه حاجب وتهكم :
لا يا راجل نسيتي صدقتك يا بت.. انا هنزل البس وهشوف جاسر ونمشي كلنا.. اكيد مامتك خرجت عشان تجيلك
:: فتنهدت حياه بقله حيله :
اوكي بس انزلي على مهلك... وذهب كل منهم
ليرتدي ملابسه
&&&&&&&&&&&&&&&&&
في منزل الحرابيق (مريم / رانيا) 😠
::غمغمت مريم وهي تضحك :
هههه دانتي شيطانه يا بت.. اللعبه خالت على
امك لتاني مره
:: رانيا بضحك وخبث و طمع :
هههه امال مين هيقنع زين بجوازه مني غيرها، انتي عارفه زين شهم ازاي.. ههههه كلها كم شهر وهكون مراته، مفكر لما يكون عنده مصنع لقطع غيار السيارات في الدرا مش هعرف ههههه.. دلوقتي حياته بقت افضل.. وشويه بشويه هكون مرات راجل الأعمال زين.. والشهاده مش مهمه وقتها، اهم حاجه الفلوس
:: ههههه دانتي دماغك دي سم
:: فاستمعت امهم لحديثهم... وشعرت بوجع في قلبها... هل كانت تشترك مع هؤلاء الشياطين
في هدم بيت غيرهم بكل سذاجه وغباء..
فذهبت الي الخارج بهدوء لتصلح خطأها
الغير مقصود..
فهل ستقدر ام لا... لنرا
&&&&&&&&&&&&
::في شقه والده زين
:: غمغمت أمينه لحياه :
انا لبست يا حبيتي وهنزل مع جوليا نجيبوا شويه حاجات من المول الا جنبنا ومش هنتأخر
:: اوكي يا ماما... بس يا ريت ما تمشيش كتير وترهقي نفسك
:: حاضر يا حبيبتي... سلام عليكم
:: وعليكم السلام ورحمة الله وبركاته
فجلست حياه وفي يدها صور لزين.. فكانت تنظر
له وتتعمق في ملامحه بشغف وحب لن توصفه الكلمات... فاستمعت لجرس الباب فذهبت لتفتح فوجدت
:: بسم الله الرحمن الرحيم... انتي مين
:: فأردفت ببسمه رقيقه :
هو شكلي يفزع كده يا طنط... اتفضلي ادخلي
ونتكلم .... فدخلت المرأه معها بتيه واستغراب
&&&&&&&&&&&&&&
:::::في المول....
:: غمغم جاسر بارهاق وغيظ :
يا جوجو يا حبيبتي اتقي الله فيا شويه رجلي
مش قادر امشي عليها تاني ... ما تتكلمي يا خالتي
:: هههههه لا يا حبيبي ماليش فيه.. اتصرفوا سوا انتو مجانين زي بعض... وانا ست كبيره مش حملكم
:: جوليا بمرح :
كبيره إيه بس يا مزه.. دانتي كفايه عيونك
العسلي دي ولا البياض بحمار، يا خراشي لو مكنتش مرتبطه
:: جاسر بصدمه ومرح :
نهار ابيض مراتي عايزه تتجوزك يا خالتي.. خافي على نفسك بدل ما تصحى في يوم تلاقيها متجوزاكي عرفي عليا
:: هههه انتو هتجننوني خلينا نخلص ونروح لحياه
&&&&&&&&&&&&&&&
:::::في شقه والده زين...
:: خرجت تلك المرأه وهي تنظر لحياه بحب:
ربنا يحميكي يا بنتي وتقومي بالف سلامه يا رب ويرح قلبك زي ما ريحتيني
حياه بابتسامه رقيقه :
شكرا يا طنط... واطمني وما تشغليش بالك
فذهبت السيده لمنزلها وقلبها مرتاح وسعيد
______________________________
______________________________
رايكم في البارت يا قمرات ❤️
متنسوش تدوسوا على النجمه ⭐⭐
شويه تفاعل من فضلكم عشان... التفاعل ما
يشجعش خالص 😔
دومتم في رعاية الله وحفظه
:::::بقلمي... 🖊️:
.::::::::: LoLo ALi ❤️:::::::