17
خرجت تتبتختر بالعربي العينين لكل علاها و يصليوا عالنبي تعدات سهرية تقتل شطحوا غناوا و بكاوا كملت السهرية و رجعوا لدار عملولها الحنة و رقدوا من غدوة قامت نحات حنتها شربت قهوتها لين جات النقاشة عملتلها حرقوس ستنات لين شاح و هزت لبنات و مشاوا للحجامة عملتلها ميكاب سامبل لبست روبة بيضة سامبل سيبت شعرها طلعت تعشق
تسمع في تزمير الكراهب قلبها و لا يدق دقايق و تولي مرتو و ترجعوا كيما كان لباس عليه تمنات لو كان جا لباس عليه يهزها هوا يعطي رايوا فاها أما لازمها تصبر علا خاطروا و تضحي تلفتت تلقاه قدامها مكستم حاصر لحيتوا يدوخ عينيه تحسها تحب تعبر عن اعجابها أما منجمتش قربلها شدها من يدها خرج باها حللها باب الكرهبة طلعت و طلع و قصدوا ربي تغزرلوا تحس فيه متقلق شدتلوا يدوا و غزرتلوا تحكيلوا بعينها تشجع فييه باش ميخافش و طمن فيه بلي هيا معاه حستوا بدا يهدى تلفتت قعدت تغزر لشباك عاودت تلفتت تغزرلوا عيناها محبتش أبعد من كثر زينوا و وهرتوا ريحة لبرفان لي هبلتها كل شي فيه يعشق يغزر لحنتها و حرقوسها مش فاهمهم شدلها يدها قربهم لخشموا ريحتهم يقتلوا ثنية كاملة شادلها يدها يشم فاها و هي شايخة علييه
وصلوا اول مدخلوا للجنينة تلقاها كلها ورد ابيض بنات صغار يرميوا في النوارر و تابي حمرة طويلة تمشي و الارض مش سايعتها تلقا لعدول واقف و طاولة متع كتبان صداق وقفوا قداموا جات راني و عبير شيشهدوا
-مرام بن محمد تقبل الزواج من اكرم بن يوسف بكامل مدارك عقلية و من دون ضغط و إصرار
-اي نقبل 😍😍
-اكرم بن يوسف تقبل الزواج من مرام بن محمد بكامل مداركك العقلية و من دون ضغط و إصرار
غزرتلوا كيف هز راسوا معناها ايي فرحت علخر يعني فاهم و عارف لي هوا باش يعيش معاها 😍😍