امنيه في ظلام الليل

Part 2

<بسم الله الرحمن الرحيم>

البارت الثاني...

الكـاتبه: زايا
٠.٠.٠.٠.٠.٠.٠.٠.٠.٠.٠.٠

‏لا أعرفُ أيَّ طريق يقودُ إلى البعيد
‏لا أعرف أيّ طريق يهبُّ إلى مساعدتي
‏لا أعرف ماذا سيحدثُ لي
‏هذه الليلةَ
‏لا أعرف ما هو الصباح
‏وما هو المساء
‏أنا وحيدٌ
‏يا ربّ كون لي العون والسند..

-اركض تحت ضوء القمر ونبح الكلاب هاربه من وجع الى وجع مجهول هاربه من عالمي الى عالم مجهول..

-التفت من صوت لچلاب خاف لا واحد يلحگني طريق اظلم مخيف مجهول صوت الچلاب الي يخوف مهزومه بروحي العزيزه الي كلها اوجاع وجروح من المفروض يتسمه ابويه..

-وصلت بمكان ع الشارع العام رفعت عيوني ع بلوگه صاير قريب ع ابو مخضر حطيت ايدي ع گلبي ومشيت الها گعدت عليها واباوع ع اضوية السيارت الي تمر..

-حطيت ايدي ع كلبي بفحطه اسحب نفس قوي وازفره يطلع بخار من حلگي..

-رفعت راسي ع صوت باب البيت الگدامي من انفتح وطلع من عنده ولد شاب ولام چيس مال زباله حطه بالحاويه باوع عليه ودنگ راسه عبالك مشافني ورجع باوعلي وفتح عيونه التفت يمنه ويسره واجه عليه:-

-خير اختي شعندچ گاعده بهالوقت هنا

-ها ماكو شي روح عفيه

-زحمه گعدتچ وانتي بنيه تعاي دخلي يم الاهل الجو بارد هسه وعود باچر طلعي..

-لالا مااريد

-اختي ميصير مااگدر اعوفچ هنا الناس مترحم..

-واني مااگدر ادخل البيت..

-گال والله ماعوفچ بهالمكان والله..

-بعد توسل واقناع منه دام نص ساعه قبلت ادخل ويا البيت

-البيت فخم من هاي لبيوت الحديثه ماشاءالله كلش حلو ربي يعمره..

-دخلني جوه وصاح:-فتحو باب الصاله

-اجني اثنين بنات شابات فتحنه..وگالن:-

-والله عبالنا راح تجيبلنا شي من تأخرت هيچ..شويه ابتعد عني..

-هنه باوعلي وبقن ساكتات هو كاللهن:-

-ها خالو تبقن هيچ صافنات روحن صيحن لأبويه وامي:-حاضر خالو

-راحن البنات وهو هم راح نص ساعه واجوني..

-دخل رجال چبير بالعمر لابس دشداشه وجهه بشوش وگال:-

-هلا هلا ببنيتي

-هلا بيك عمو

-باوعلي وصغر عيونه:-

-انتي مو بنت ابو حسن؟

-رفعت عيوني عليه والخوف نمل اطرافي:-هزيت راسي بتوتر واني افرك بأيديه

-خير عمو شعندچ طالعه بنص اليل بابا الدنيا مو امان وانتي شابه..

-عمو مااكدر اجاوبك وحتى مااعرف شجاوب الله يخليك خليني اروح..

-وين ترحين ماكو روحه بابا ابوچ يجي وياخذچ منا

-لاااا عمووو دخيلك لترجعني ابوس ايدك

-زين بس فهمينا شكو؟؟

-مااگدر مااگدر

-گام وگف وگال:-هاهيه بويه اخذي راحتچ والصباح رباح..

-صاح الولد الشاب:-

-بنااات جيبو فرش وهنا ناموا يم لبنيه

-همه طلعوا واجني ٣ بنات دخلن يمي وع وجهن ابتسامه..

-حطن الفرش وگعدن گدامي حچت وحده:-

-دينا:- شسمچ

-امنيه

-ليش طالعه باليل؟

-باوعتلها بدون جواب

-هزت راسها حچت وحده لخ وهي تضحك:-

-عندچ خوات؟؟

-لاا

-هزت راسها..

-حچت وحده لخ:-گافي بنات عوفن لبنيه خل تنام

-صدك فرشن ونامن اني بقيت گاعده وافگر يربي هذا طلع يعرف ابويه شلون اذا گله والله هالمره نهايتي ع ايده والعائله هاي حتجيهم مشاكل همه في غنى عنها..

-باوعت ع الساعه چانت بـ٢ بلعت ريگي وگمت وگفت دورت بالميز مال تلفزيون واكو ميز عليه مرايه بلگي الكه ورقه ولگيت جنسيه بس استنساخ لفتها ع جهه لخ بيضه مابيها شي وگتبت..

-"اني اسفه بس هذا الشي الاصح ولازم اطلع واعوف البيت والا راح تتأذون بسببي واشكرگم ع ضايفتكم الي اتمنى متوصلون لأبويه انو اني چنت يمگم"

-زفرت نفس وغمضت عيوني بتعب وخوف حطيت الورقه ع الجهاز مال بنگه ووگفتها..

-رحت يم الباب وفتحته ورجعت سديته ورحت ع باب الشارع امشي ع گيف واباوع ورايه نفسي يرجف ورجليه ترجف..

-فتحت السرگي مال باب وطلعت بالشارع الجو اظللم وبااارد واكو ضباب بحيث مينشاف شي ماانگر انو الخوف چان متملكني اطرافي بردن من الخوف..

-ايديه جمدن من البرد رحت وصلت مسافه عن بيتهم..

-امشي بتوتر وخوف امشي واوگف احط ايديناتي ع ركبي واتنفس بسرعه وارجع اواصل الرگض..

-صوت يرهب بعيد بس الصدى مالته وصلني..

-صوت سيارت شرطه واضويه احمر وازرك سيارت جوزيه چبيره وسيارات زرك وسيارات كلش كلش كبار لون اسود كلشي مينشاف منها وبيكم ابيض هم مضلله وسيارات لون ابيض هم مضلله..

-فتحت عيوني بخوف وندم ع طلعتي من البيت من شفت سرب السيارات كلها وگفت كدامي:-

-اني ع الرصيف وهمه ع الشارع والشارع فارغ مابي ولا طير سيارات مفردات يفوتن ومهواي ضوه التيل الاصفر وضوه سيارت الشرطه خله عيوني تغوش..

-باوعت ع السيارات بلعت ريگ وسرعت بخطواتي قطعوا طريقي شخصين ضخام كلشششش كلشش بمعنى الكلمه..

-لابسين بيجي وجهم ملثم من البرد وحاطين لفاف ولازمين سلاح هالگد ماضخام احس حاطين اسفنج ع ايديهم..

-بعمري وحياتي مشايفه هيچ شي ثالث مره اطلع بيها والي هي هسه من انهزمت وشفت هيچ منظر:-

-تماثلت القوه وعدم المبالاة:-

-همست: بلا زحمه داافوت

-رفعت راسي عليهم وهزيته.. ممكن ادخل؟

-جاوبني واحد منهم.. لا..امشي گدامنا

-التفتت ع صوت اجه من السياره واحد گاعد بالنص مكلبچين ايديه مبين بس شكله صاح:-

-ولچ انهزميييي فلتييي بروحچ العزيزه والله اذا لزموچ ميعوفوچ بعد..

-اني سمعته هيچ كال وگمت ارجف..

-باوعت بخوف وهدوء ع المكان الي بصفهم مسادي كلش:-

-سحبت نفس وتوني دااتحرك اجوي لزموني..استحي اعيط واطلع صوتي بنص الشارع وگدامهم لا ودنيا ليل هم..

-اباوع عليهم واتوسل:-

-وينننن ماخذينيييي عوفونييييي حبابين عوفونييي

-اجانه صوت من سياره سوده صايره ليگدام وكال:-

-جيبوها هنا بهالسياره..

-جاوب:نعم سيدي..

-بقيت اشيل برجليه واثكلها واتوسل حتى يعوفوني..

-ليششش شمسوووويه الله عليك عوفنييي..

-اششش كافييي لتضلين تعوين هسه ناخذچ وفهمي..

-وصلنا يم سياره سوده فتح الباب اشتغل بيها ضوه اصفر شخص كاعد ليگدام وع چتفه نجمتين والثاني يسوق واحد گاعد ليوره لابس لبس عسگري وع چتفه نجمه وتاج مرگزت بوجوهم من الخوف والضلمه..

-باوعلي وهز راسه:-

-حرگت السياره شهگت ورفعت راسي ع الشخص اليمي:-

-رجعوني والله ارجع لبيتنا بس رجعوني حباب

-سند راسه ع ايده ولاف راسه:-

-لدوخيني سمعتي راسي مصدع وگوه فاتح عيوني وهسه اذا لزمتچ اشوفچ ان الله حق..

-نزلني حباب والله ممسويه شي والقرأن

-مجاوبني بقيت اتوسل واحچي واحلف بي:-

-اندار عليه ابو النجمتين و وجه مسدسه بوجهي وحچه بفحيح:-

-اذا مسكتي اطشر راسچ بي سمعتي *** وطالعه بنص الليل وهسه جايه عود تستشرف بروسنا

-هزيت راسي وصرت قريبه ع الباب كلش لزگت بي

-بقيت اباوع من الجامه كلشي ميبين بس الضوه مال سياراتهم يطلع..

-ماادري شكد مر وقت وگفت السيارت كلها وانفتح الباب اليمي واليم الشخص الي بصفي..

-سحبوني بطريقه حسيت راح اوكع ع وجهي السياره كلش عاليه وهمه جروني بهمجيه..

-نزلوني بمكان عباره عن شرطه ضخام ويخوفون مچنت اركز بوجوهم من الخوف كل الي اعرفه اني بمكان كله زلم وكلهم وجوهم مسلوبه منها الرحمه والحنيه عبالك نهار ولا عبالك دنيا ليل يروشون بي روش..

-امشي واتعثر انزل بلوزي وانزل بسويتري همزين طوال..

-دخلوني بغرفه بيها ميز كلش جبير غرفه فخمه الحايط الي وره الميز ذهبي ومرسوم عليه علم العراق والميز والكراسي البي فخمات..

-الميز هم عليه علم العراق وفايلات واوراق وفدشي لون جوزي شلون الي ينحط للدكاتره ومكتوب عليه اسم باللون الذهبي..

"المقدم عزام فياض صايل"

-الغرفه دااافيه بس مال نوم وفارغه مابيها احد گعدت ع گرسي يم الميز اهز برجلي واباوع ع ايدي كل مااشوفها جلدي يگش..

-انفتح الباب ودخلوا اثنين رياجيل الاول ع چتفه نجمه وتاج اظن نفسه الچان يمي والثاني ماعنده ولا نجمه مباوعوا عليه ابو النجمه وتاج راح گعد ع الكرسي الي خلف الميز ورفع اوراق نظرلهن نظره سريعه وقع عليهن وانطاها للولد الي يمه

-ضربله تحيه وطلع..

-انداريت ع الولد الي گاعد..

-زفر نفس بهدوء فرك وجهه ورجع راسه ع الكرسي حدود العشر ثواني بقه رافع عيونه ع السگف عدل نفسه وعصر عيونه:-

-رفعت راسي بفزه ع صوته:-

-اي شلونچ؟

-بقيت اباوعله وعيوني تنزل وتصعد هزيت راسي..

-انتي خرسه؟

-همست واني احرك ايدي ع مكان الحرك:-

-لا..

-اممم

-اي سولفيلي خل نسمع

-ششـ.. شنو شتسمع

-شسمچ؟

-امنيه

-ديحچي وقاطعه صوت الباب دخل واحد ع چتفه نجمتين بس شنو بطول وعرض الباب گصته گلها عرك رگع الباب قوي وگال:-

-** اريد شريف ** بيهم يحچي مو شگيتهم بالنص خمس مراتٍ ومجاي يهذرون انعل خواتهم **

-جاوبه ابو صوت:- يعترفون يعترفون حالهم حال القبلهم لتخاف

-باوعلي وگال:- وانتي تحچين لو شلون؟؟

-ششـ.. شحچي استاذ..

-رفع عيونه عليه ورفع حاجب:- اربعه في ثمانيه؟

-شنو؟؟

-چا غير انه استاذچ

-لا ليش صدك؟

-شتهبتين طالعه بنصاص الليالي؟

-ماادري

-ضرب ايده ع الميز قوي؟

-انتي شبيچ ابويه مكبسله؟

-لا

-حچه ذاك الولد وهو يضحك:-

-بربك عوفها هاي تونس..

-ارمقه بنظره مخيفه ورجع باوعلي بنفس النظره:-

-تحچين لو نلعب؟

-شنو شنلعب؟

-خوش

-كام وگف ع حيله واتقرب عليه رفع ايدي اتلمسهه بطريقه محلوه دفعته ورحت بعيد..

-هاي شبيك لهيچ تسوي حرام ترى

-اويلي بويه ابوس اليستحرمن انه..

-اردف بعصبيه:-احچي احسنلچ ترى واصله حدها

-والله مدااعرف شحچي شنو شأكول؟؟

-شعندچ طالعه بهالوقت وايدچ شبيها؟

-بقيت ساكته

-رجع حچه بصوت اعلى:-

-تحچين لو شلووووون لتسودنيني گوه گاظ اعصابي عنچ..

-حچيت بسرعه:-

-انهزمت انهزمتت

-باوعلي وباوع لصديقه هز راسه وگعد:-

-هو مبين بس ليش؟ وويامن؟

-ممـ.. موو وي احد والله بوحدي

-ليش؟

-انهزم من ابويه وزوجته

-رفع عيونه بتركيز:-

-لا تبقين تقطرين بالحچي احچيهن دفعه وحده

-هزيت راسي وشهگت:-

-هو انهزمت وبس والله

-انعل ابوچ زين لو لا لتصرگعيني احچي دفعه وحده وايدچ شبيهااااا؟؟

-احترگت

-شلون

-اابويه حرگني

-ليش

-ترى هو مو تحقيق مااحب احچي بحياتي

-رفع تك حاجب:-

-لا صدك والله هيچ تكولين؟ هو مو تحقيق؟ليش انتي وين هسه بملهى لو مركز شرطه؟

-رفعت عيوني عليه.. عززه بس مو هيچ تسأل

-چا اسألچ شكلتي وشلبستي وشوگت بلتي؟

-عززه بس هاهيه عفيه گافي..

-حچه الولد الثاني:-

-حبيبي احچي احسن الچ لا تتحولين للتعذيب وهناك ميعرفون لاچبير ولا صغير ولا ولد ولا بنيه..

-باوعت عليهم حسيت بخوف من ديحچون ولد عمالقه واني بيناتهم انهاريت.. بحركه سريعه مني كمت رأسًا رگضت بعدني مواصله للباب وحسيت نفسي انرفع من الگاع..

-انشمرت ع قنفه چانت موجوده بالمكتب رفع شعره ليوره وحچه بعصبيه:-

-لچ وينننننن موليييه انتي وينننن عبالچ سهل تطلعين بر***

-شهگت بصوت كله عبره:-

-بس اطلع والله ممسويه شي حباب حباب ابوس ايدك

-انچبي حيوانه

-تحچين لو اتصرف بغير طريقه؟

-شحچي كل الي عندي حچيته والنبي

-شالچ النبي ودگـچ بالكاع

-تندلين بيت اهلچ؟

-اي.. فتحت عيوني وحچيت بسرعه:- لالااا

-عض شفته بغضب وضربني راشدي:-

-شهگت وحطيت ايدي ع گلبي من الفزه خدي صار حاااار واذاني صارت اصفر احس حتى اختل توازني..

-كومني وگال: كومي ناخذچ لأبوچ الـ**** انتي مال دگ وبالنعال ع راسچ وحده بگد الـ*** وتچذب علي..

-لزمت ايده الي لازم ايدي بيها وتوسلت بي:-

-عزززه لااااا والنبي ابويه يذبحني ابويه ميحبنييي

-طبچ مرض انتي لو بنتي چان شكيتچ بالنص ومن زمان هم

-شهگت وخارت قواي وگعدت بالگاع وهو مچلب بأيدي:-

-والله مااريد اروووح

-عندچ گرايب؟ عم خال

-مااعرفهم

-انتي شتعرفين متگليلي؟؟ التفت باوع ع صديقه وراح مشه خطوتين والتفت عليه ورفع اصبعه بتهديد:-

-اذا اطلعين اچذبين الله ميخلصچ مني سمعتي؟

-هزيت راسي

-هو طلع واني گعدت ع القنفه اباوع ع الغرفه شكد حلوه لو ابقى عايشه كل عمري هنا..

-ساعه ساعتين تلاثه للصبح واني گاعده وانتظر معدتي موتتني من الوجع حطيت راسي ع القنفه وايدي ع معدتي..

-كمزت وگفت ع صوت الباب دخلي رفع عيونه عليه وراح ع المكتب بقيت بمكاني حاطه ايديه گدامي..

-كسر الصمت بكلمتين:-

-ابوچ بره..

-التفتت عليه بخوف منزل راسه وعينه بأوراق هزيت راسي بالرفض:-

-لا عفيه لاااا حباب مااريده ليش جبته الي ليش

-اششش لدوخيني

-برطمت رفع راسه باوعلي هز راسه وغمز:-

-شبيچ شمنتظره اشيلچ واوصلچ لأبوچ؟

-نزلت راسي وگعدت:-

-لا بس..

-دنك كمل كتابه ع ورقه وحچه:-

-بس شنو لتحچين مگطع..

-ابويه ميحبني واذا طلعتله والله يذبحني والله

-شهگت ورفعت راسي:-

-حطوني بالسجن اني اقبل والله بس ماارجع الهم

-رفع راسه وبقه القلم بأيده باوعلي بتركيز:-

-انتي متابعتلچ كم مسلسل وعبالچ السجن سهل وتردين تعيشين اللحظه وتجربين الشعور..

-لااا والله لااا مااريد يم ابويه مااريد..

-متتحملين..

-اني اتحمل والله ولا ارجع لسجن ابويه ومرته

-هز راسه..

-انفتح الباب ودخل نفس الرجال الي اجه وگعد يغلط وابويه ويا..

-بس شافني فتح عيونه وركض عليه لزمني من شعري قوي ويگول:-

-ولچ **** ... **** شعندچ هناااا تتهمين بأمين وانتي متكدرين بدون رجال

-دفعه عني ذاك الي دخله ركضت وره الكرسي مال الولد الگاعد..

-هو گاعد حاط ايده الي بيها القلم جوه حنچه ومصغر عيونه ويباوع بهدوء..

-همست:- ساعدني حباب

-بقيت مچلبه بالكرسي مالته..

-ابويه يحاول يفلت روحه من ايدين الولد بس ذاك كلش ضخم كلش..

-ابو امنيه:-

-هاهيه انطوني صخام وجهي وخل اروح يلا

-جاوبه الضابط الي مچلبه بي:-

-شلون لغوه هاي راسي مصدع وانت تهلهل متگعد ونتفاهم مگاعد بالشارع انت لو بيك خير چان گظيتها ومخليتها تطلع بنصاص الليالي

-گز ع سنونه وحچه:-

-مااروح اذا مو بنتي وياي ولتحچي بكيفك انت

-هلو هاي من شوكت بنتك.. ولسانك لزمه من تحچي وياي زين لو لا راح احترم شيباتك وماأسوي شي..

-معليكككك جيبوهااااا خل اربيهاااا

-حچيت من وره الكرسي واني اشهك:-

-مااا اروح مااروح وياك والله، انت بعمرك محبيتني مصدك اني خدامه بالچذب متجيبلي لبسه مثل باقي بناتك تتأمرون عليه ومتصدگون بيه تحرگني وتصدك بأبن اخو مرتك واني بنتك متصدكني..

-صاح: لكممممممم جيبوهااااا الييييييي هايييي **** ولازمها تربايه..

-اجه عليه راد ياخذني انداريت ع الضابط:-

-ابوس ايدك بستر خواتك تاخذني منه احلفككك بداعة كل عزيز عليك لتخلي ياخذني استاااااذ..

-باوعلي شلون الصفن صغر عيونه بعدين كام وگف وسحبني من عگسي ورا صرت:-

-حجي خصم الحچي!!
بنتك دخيلتي وما اخلي احد يوصلها لا من قريب ولا من بعيد التفت عليه بدون ميباوع بوجهي سحبني من ايدي ومشى بيه..

للحكاية بقايا...

شنو رئيكم بالقصه🤍

حسابي الانستا ضيفوني گليبي💋🫂
احبگم بوووساتي الكم❤️‍🔥🦋