البارت55 من القصة الحقيقية #رجال_لاتعرف_الحب بقلمي #الكاتبة_شهناز_الخزعلي #Jaymin...........
واخيرا تطلقت هم وانزاح.......رجعت لبيت اهلي ... وسلمى بدت تبث سمها وتنشر الخبر متشمته بيه ...ومن جهه تخاف لا علاء ياخذني ..هه اي اي علاء وكفلي بس مو مال ارتبط بي.....اه ماصدكت اخلص من يامن ...يامن الف الحمد لله ارررتاحيت ...وبيوم اجت زينب ...ضايجه مو على بعضها مو زينب زينبنا الي تتشاقة وتضحك وتسولف ...
كعدت جرت حسرة...حسرة كبيرة .. شلت ادومي خليته بحضني باوعت عليها"
_شبيج زنوبه...
_باوعي هو اني سويت شغله هممممممم....شغله اجت هيج بشكل ملح ....وجان الازم اخذ قرار ووواسوي شي بحيث يبرد كلبي وعقلي ......
_شكو شبيج؟قلقتيني ولج.....
_اخ ياتينه
*اني هم خليت ادومي يزحف كبالنا وووكعدت يمها حجيت ......
_ والله ياتينه هم بكلبي .....ماعرف اول البارحه كطعت روحي على ابويه اشتاقيت ل بابا حامد هوايه ملخت روحي بجي ....صورته دكت دك بعيوني وراسي ....تره راح يصيرتقريب ل٩سنين مفقود وانتو بردو سنه سنتين وتوقفتو عن البحث ...علي سألني ليش ابجي وكتله السبب وو وكال راح يدور كلف أصدقائه بهيج موضوع واخذ صورة اله جانت يمي ضامتها وقميص الي جان لابسه ......اتذكرة جان سمائي بي علامه برشلونه . .
_اي صدك زين تسوين ...
_اخ ياتينه حلمت ب بابا هذاك اليوم بداخل غرفه فارغه وبيضه ولابس كله ابيض وهذا اله تفسير واحد بس اكول اعوذ بالله اضغاف احلام ....
_لا بابا نيته طيبه ولهذا السبب حلمتي بي هيج.....
_ان شاءالله....على فكرة اني حامل سويت تحليل راح يجي بيبي جديد
_كللوشششش ...يمه فدوة راح اصير خاله
_انتي خوب يامن مارجع يتصل
_ههههه لا ولج يامن جبان خالو مصطفى غير عذا الي تحجون عنه والله صكره ووكفه عند حده ههههه كفو منه ههههه بس فتحت حساب فيس وهوه موجود ف بارحه بالغلط نطاني لايك وسحبه هههه جاي يتابعني العار عباله ارجع ...موجنت ب ايده ليش ضيعني ههههه اني هم شسويت ركعته ب بلوك يلوك لوجهه ...
_هههه مكموعه والج...
_مكموعه اقلام ...ههه
_يااا ثوله.... هههه
زينب باتت يمنا وثاني يوم الصبح راحت
زيد وكح وكم مره لكفته يشرب جكارة ووواسحبها منه ويتعصب ويكسر مواعين واخلاص تمرمرت
__________
ومن جانب اخر ،مصطفى ضل حزين ومهموم وتذكر زوجته وبيته والدفو الي جان يحاوطهم ...وعلاء شدعواه مايجي يسلم مايحجي ويه مصطفى لان يعتبر رجل امه يعني مصطفى وضعه كلش ضعيف ومكانته صفر صارت يم اخلاص ....كانه صار محمد الثاني هه....
وبيوم مصطفى قرر يروح لبيت اهل زوجته ويرجعها...وفعلا بعد عدة محاولات رجعها ....سلمى بس عرفت سالفه انه مصطفى رجع زوجته تخبلت ضلت تهدد ومدري شنو وماكو فايدة المهم مصطفى سوه ٣ايام يم كل وحدة
سلمى/بيومها جان مصطفى نايم يمي...جان اليوم يومي...هه هاي تاليها هيج يصير بيه ...هاي تاليها؟
اني هم ماقصرت ..جبت مكص ومشيت من شعرة خليتها ب كيس صغير وواخذت فانيله مالته وضميتها بالكاونتر مالمطبخ حتى اخاف تجي بباله مايشوفها .....
والله ....ههههه ثاني يوم طلعت ل رجال يعرف بهالدروب وسوالي اله عمل سريع مخيط بقماش ....وجان يوم هذيج ال.....ف ماموجود يمي رجعت ودحست العمل بالمخدة بين الكطن ورجعت لبست وجه المخدة ....
وتوعدت وتوعدت والله اله اجيبك اذا ماخليتك تمشي وتفر ب اذنك مااتسمى سلمى .....
ويمدهم في طغيانهم يعمهون ....
علاء/مانسيتها يمكن الظروف ماجمعتنا ب ايجابيه....بقت سلمى عبارة عن غصه بيني وبينها .....
راحت من ايدي والاحلى هه ابد ماحبتني زينب.....اي زينب خلتني اشك بروحي احبها او ما احبها ...حتلو فكرت احب امي مو سهله ....ابد مو سهله .....
وحتلو رجعت تقربت من بيت عمي حامد الجماعه بعد نغسل من طلبهم بسبب سوالف امي الحلوة ...هفففف جان ممكن اوكف وياهم حلو وكفت وخلصت تينه من يامن بس شفايدة.....اخطاء أمي ماتنمحي ؟
....مر شهر على هالموضوع...من جانب سلمى...ومن جانب تينه وعائلتها
قدمت كليه...من جديد بمعدل السادس وداومت ب جامعه العراقية قسم جغرافية اول شهرين منعزله ماحجي ويه بشر على كد السلام وافلت...الي صار بيه موهين اخاف ...اي شبيكم اخاف كمت اشوف كل الوجوه سرمد ...وكلهم فرح ...وكلشي بالعكس كلشي سلبي ..
بعد مرور الكورس الاول على خير ....اجت زينب للبيت الحمل ب اوله ومتعبها ومنا ادم توه ديحاول يمشي ويزحف ويلكط واحنه نتراكظ وراه ....الطفل الولد موبسرعه يمشي مثل البنت .....
اجت زينب شايله عبد القادر كعدت عقدت اصابعها والأسرة والحيؤة ماليه كلبها...خلت ايدها على رأسها وطكتها ببجيه..
_احجي لج شكو؟
_شحجي ....علي صاحبه خابر بخصوص موضوع بابا ولكو قميصه عن طريق صور بالطب العدلي محتفلين بيها من جان بالثلاجة الموتى ......ابويه مات ....لالاابونا مات جثته مجهوله ووووين مدفونه مانعرف .....
اخلاص عيونها غوركت بالدموع ...
انتو بس تخيلو جثته وين مدفونه ؟انتو تخيلو حسب ماعرفت عيونه طالعه ...تخيلو شكد متحمل الم ...دخيل الله ...دخيل الله شصاير وياه ؟ طلع من يمنا لصحبانه ....دخيل الله شصاير ويه بابا....علي ...علي وعدني يدور على قبرة وعدني يلكاه.....تينه تخيلي ابونا ندفن غريب ...تينه دخيل الله شكالت روح ابونا شكالت؟ اويلي عليك بابا ......
اسوء شي هو الانتظار ...والطريق يطول بالانتظار والنا سنين ننتظر الغايب يرجع ...ابونا يرجع ومارجع...راح ابونا...وين عافنه يتامى وطريقنا كله عكر ...اي
اي هذا تفسير الحلم هذا .....تفسيرة ميت بس مارضيت احجي بابا 💔
_اششش اشششششش هالحجي كل الحجيتي مصيبه وحطت على روسنا ...__________يتبع
رايكم لاتنسوا لايك تصويت اهمشي حتى استمر بالنشر تحياتي الكم #الكاتبة_شهناز_الخزعلي #Jaymin