روكسي مطيح بيلي فالارض وطالع فوقها وهي شادة ليه يديه كتحاول تنوض ضاااحكة معاه .... جلساات فالارض معنقاه بيديها
بيلي : آشنو ؟؟؟ توحشتيني ... عقلتي عليااا !!! ( باستو ) تانا تووووحشتك آلكككلب ....
جود مزال مامستوعبش الامر ! روكسي مكايمشي عند تاشي حد بهاد الطريقة !!!! .....
ضار بشوية لعند قسم وهي تبان ليه غير كتسرط فريقها وتحاول تتبسم ليه بسيف ....
بيلي علات عينيها بشوية وهي تشوفو واقف هو وقسم .... ضور راسو لعندها وهي تشوف دوك النظرات دالاستغراب لي فعينيه ! وشافت فقسم ومات ليها غير بملامحها ان القضية حامضة .....
وحيت مكتعرفش تكدب وخافت تزبلها خلاتهم ونزلات وبيلي وسعات عينيها لي خلاتها واحلة بوحدها .... مكانش كيسحابلها جود تاهو تما كيشوف ....
وحاولات تنوض بشوية كتنفض فحوايجها و كتبعد و روكسي تابعها وهي كتحاول ضحك ببلاهة وتحك فشعرها ....
بيلي : آآ ... ر روكساي .. ااممم ... اا عقل عليا ... ك .. كنت كنلعب معاه .....
جود غير كيشوف وقرب جوج خطوات معلي حاجبو بشك خصوصا توترها !
جود : كنتِ قريبة ليه لهاد الدرجة !!!!!
بيلي : ( رجعات جوج خطوات لور كتفادى تشوف فوجهو ) اا اه .. ح .. حيت .... ك .. كان .... ( خدات نفس عميق وخرجاتها ) دياالي .....
جود : ( علا حاجبو كتر مفاهمش ) كيفاش ديالك !! وانا اش جابو لعندي !
بيلي : اا ..لا ... ه هو ( كتلعن فلداخل ديالها على هاد الحصلة ) هو ... الا بغيتي تقول ... ب بحالا كنا ... كنا مشاركيييينو ....
جود هاد المرة علا حجبانو بجوج !!! وهي عضات على شفتها حسات براسها غير مزادت زبلاتها وهي تسرط ريقها وقادات وقفتها كتحكم فراسها
بيلي : م موهيم ... ك كان ديالي .. م ملي كان ص صغير .... و وكان كيمشي لعندك ... ح حيت عادي انا كنت ساااكنة هنا ... وبنت عمك .... عادي زعما نشاركو كلب ! و وملي سافرت ... هو بقى معاك... م مكانش عندي كيفاش نديه .. وخليتو هنا ح حيت كان مولفك .... هادشي لي كاين .....( تنفسات) يعني روكسااااي .... كيعرفني ....
جود : ( التناوي دخلو ليه مع العضام ) اهاه ! وعلاش هاد السطريس كامل ! كنضن مسولتكش كاع واش كيعرفك ! باش عرفتي عندي المشكل فهادشي !! ....
بيلي : ( سرطات لسانها مدة وهي غير ساكتة عاد تشجعات ) آ ؟؟؟ ااه .. لا حيت بانت فعينيك مستغرب ... ا انا فهمتك وصافي ... غ غتكون جاتك فشكل روكساي جا عندي .. و وقلت نشرح ليك وصافي .... ( حاولات تتبسم ) هدا مكان ....
الضحكة والابتسامة لي دارت ودوك التجاعيد دالضحيكة لي بانو فجنب فمها معرفش علاش حس بيهم مألوفين ! ... واش غير حيت بنت عمو ؟ عادي راه كيعرفها !!!! .... التوتر لي ترسم عليها وهروب ختو دخل ليه الشك ! حاس بالموضوع كبر من ان روكسي مشا لعندها وصافي ! اشنو كيجمعو بهاد البنت !!!! ...... وعلاش توترات قد هاكا وبدات تتعصر مع الحروف ؟؟ ...
قرب بشوية لعندها وهي بدات تشوف فجنابها وتتلاهى فالزواقة ديال السارية لي قدامها وتجاهل قربو لعندها .. حتى وقف وطل عليها براسو
جود : موالفة ديما تمتمي فالهضرة ولا اول مرة !
بيلي : ( هزات راسها فيه بزربة ) هاااا !!!! ل لاااا .. م مك مكنت .. مكنتم ممكنتم ..... ( غمضات عينيها وهو بانت على فمو ابتسامة جانبية مستهزأة ونطقاتها بزز مزيرة على الحروف ) مكنتمتمش ....
جود : هه!!
خلاها وعطى بظهرو و روكسي تبعو ونزل فالدروج وهي شدات فالشباك دالدروج يلاه كتنفس بحالا طلعات من قاع المحيط .....
نزل جود لتحت والاسئلة فدماغو واحد يتطرح وواحد يجاوب ... وواحد يزيد يتلفو كتر ! ....
حاس فالداخل ديالو شي قصة اخرى معارفهاش ! ... توترها كان ملحوظ ! بحالا كانت خايفة !!! خايفة تتفضح شي حاجة ؟؟؟؟ شنو هي هاد الحاجة ؟ هو ماشي هبيل لي ميلاحظش هادشي .....
نزل لعندهم ماشي باتجاه المذبح ..... كانو كلهم تما رقية مكفضة وواجدة ... ولوخرين واغلبهم بالسپور ....
لوؤي كان بشورط كحل و بيل وكاسكيطة كايحك فلحيتو وواقف حدا الحوالا هو ومروان ....
و اسد كان بسروال دسيرفيت كحل مطلعو للفوق وتيشورت بيضة و لابس كاسكيطتو جار هو وسفيان الحولي درقية واحمد للمذبح و قسم شادة كاميرا كتصور .... واياد وزياد واقفين تاهوما بشورطات ..... وعدنان ويونس واقفين جيهة المذبح كيتسناو اسد وسفيان ...
تقدم جود كيشوف فيهم تاتبعاتو بيلي و قسم ضورات راسها لبيلي سولاتها غير بعينيها وبيلي جاوبتها انها نقذات الموقف ... ووقفات مور قسم كتشوف ضاحكة باش يتفرجو فالذبيحة وآية مكمشة ملامحها بقى فيها الحولي مهبطة شفايفها
آية : علااااااش غااذبحووووه مسكييين
حياة : وعلاش ملي كيتحطو لي بغوشيت كدخلي فيهم عمية !
آية : وااالاااا ماشي هاكا مسكييين .... كون غير تغطيو ليه عينيييه ففف حرااااام
حياة : ماشفتيش مخبيين عليه الجنوي ! راه حتى الدين ديالنا ابنتي رحيم على الحيوانات .. راه فالسنة ملازملش علينا نبينو اداة الذبح حدا الحولي ....
آية : مسكيييييين .... حااال عينييه ودابا غايموووت ..... ففف !!!!!
رقية : فااااطمزهرا ( لامار ضارت عندها دايرة يديها من الشمس ) تي فين الصكعة لخراااا
لامار : قدس !!! مكتعرفيهاش هاديك راه خوافة راها لداااخل ...
رقية : وهي اتبقى ديما تخاف من هاد الدم ... خصها تشوف تاهي
لامار : خليها لاتمرض ليا هنايا تايساليو وتجي ....
رقية : بگروووونو تبارك الله ..... ( مخاطبة اسد ) الله يعطييييك الصحة اوليدي عرررررفتي تختاااار .....
يونس : وهاانتي الحاجة تقولي ماتهليناش فيك ههههه ......
رقية: الله يعطيكم صحييييحتكم .....
طيحوه للارض سفيان و يونس و أسد شدو من الرقبة و عدنان هز الجنوي وتكا على ركبتو كيسمي الله ويدير الدعاء ... سلطان عاد جاي كيلبس فتيشورت ديالو وقف حدا جود ..
دبحوه تاسال دمو وبعدو خلاوه تخرج روحو كيتلتخ فدماياتو و عدنان الدم فدراعووو بحال شي سفاح .. واسد رجليه كولهم مطلييين ... وآية حاطة يديها بجوج على وجهها ووسيم كيصور ويسيفط لأسبرو " صديق العائلة " .....واخا فتوفيتهم مزال مافاق مي بغاه ملي يفيق يشوفهم .....
غير خرجات روحو هزو جود وسلطان علقوه فالمذبح ويونس بدا كيسلخو هو وعدنان عارفين جود ولوؤي غيضربو النص د الحولي مع لهيضورة ... و اسد وسفيان خلاوهم كيسلخوه ومشاو جابو ديال عدنان .... طيحو معاهم جود فالارض شادو معاهم وعدنان تاني جا دبحو ..... وعلقوه تاهو و اياد ومروان تكلفو يسلخوه بينما مشاو تاني جابو ديال أسد ... طيحوه للارض شادو سفيان و سلطان ولوؤي و عدنان جبد جنوية اخرى مدها لاسد ...
اسد : لا لااا ...تقاعدت انا ساااليييت ... عطيها لهذا نشوف اش غيدير
جود : تا الاااااا اش غندبح انا .... ألا توكل على الله
سلطان : دابا علااااش باغيين تعذبو مسكين هاد الحولي علاش ! جود غايدير ليه تقطاع الطوماط
اسد : شد اجي لهنا نوريك كيفاش ... امتى غتعلم
لامار : زززعم اولدي زعم .... يلااااه
قسم : أووووووليييي جوووود أوووولي جووووود هههههه
جود : هنييينا ( شد داك جنوي ) والله مغانعرف اتعذبووه وصااافي ...
اسد : ( طاح معاه على ركبتو و لوؤي شاد رقبة دالحولي وكايوريه كيفاش يدير ) غتبدا منهنا لهنا ..... ( جود قرب بالجنوي باش يذبح ) آصبرررر آصاحبي غاااتقطع شجرة .... فيناهو الدعااء ....
جود : وراه معارفش كيغاندير ندبح ... غنعذبو مسكين يدي كترعد ( عطاه ) شد والله مغانعرف .. تالعااام الجاااي و نذبح
يونس : وغييير زعم راه غير المرة لولة .. هاكا كان زيااااد ... سربي دغيا ماتعدبوش
جود : ( ركز مع الجنوي و بيلي بلا متحس لقات راسها ضحكات و هو حط الجنوي و لوؤي شاد معاه رقبتو وسلطان وسفيان شادين رجليه ونطق بتوتر ) بسم الله .. والله اكبر .... اللهم هذا منك ولك ...هذا عن والدي وعن أهل بيتي ... اللهم تقبل اضحيتنا كما تقبلتها من سيدنا ابراهيم ....
اسد : مزيااااان ... يلااااه دووز .....مررررة وحدة متعااااودش ...
دوز جوود الجنوي فررقبتو بكل قوتو باش ماايعدبوش تالقا راسو مشا بالجنوي حتال يد لوؤي لي خطفها دغيا كانت تجرحاات .... ووقف شاد عليها وجود طلق الجنوي شاف مع لوؤي دغيا وطلقو الحولي كيتركل ومشا لعندو بزربة .....
جود : تججرحتي !! وحاااااط ليا يدك اصااااحبي فعننقوو اش غانديرليك
رتاج : اللله على ووووووولدي ضححااااا لياااا بيييييييه ( مشات بجيهتو )
لوؤي : ( شاد يدو مجروح ) يااااودي راه قلنا ليك دبح الحولي ماشي دبحني انااااا .. فييييين غااادي
جود : ( شاد ليه يدو كانت جرحة فظهر يديه ) وتااانتاااا غاخبييييشة خخلعتيييينااا
لوؤي : دييييلمو سيل ليا دمي كايقول ليا غاا خبييييشة ...
اسد : ههههه دخل دخل داويييها دخل .. لي مطيرهااش ليك راه لاباااااس ..
جود : راااه قلت ليكم مكنعرفش
سفيان : واقلنا ليك دبح رقبتو ماشي دخل فالاخضر والياااابس .....
رتاج : ااااجي نشوف اججي .. واخا اووولد الاماااار ابلاتي علييك
سلطان : هههه شاد الجنوي بحالا رااه كيجاهد مع الدولة العثماااانية ههههه ...
عدنان قرب شاد يد لوؤي مكانتش شي ضرربة لي غريقة غير جرحة
لوؤي ( خطف يدو من رتاج) وماشي شي حااااجة اندخل نداويها ونجي
رتاج : اويلي على ماشي شي حاجة شووووف شحال ددم
لوؤي : دالحولي هذاك ... هاد خينا راه شرك لينا الدم انا وياااااه .....
لامار : ههههههه ونتا بعقلك مخلي يدك حداه مكتعرفوش كااايطير ... اجي اولدي نداويها ليك اجي
لوؤي : ههه الا خليك انديرليها غيير البانضة ونجي
جود : واطلع باااات تما تهرب من تمارة ..... هاااا البلاستيكة لهيه اجي نلويها ليك وكلس لارض
لوؤي مكيسمعش ليه طالع كضحك واياد كيضور فراااسو مايتهنى هذا تايعطب ولاد عمامو كااااملييين .... جود يعيا يكبر ديما كيبان طفل صغيييير .... ديما داك الطفل لي فالداخل ديالو كايخرج .. من ديما مشاااغب و مشاكس وخالق الجو .....
دخل لوؤي شاد يدو لي كتقطر بالدم حيت سخوون فيه ... قدس كانت جالسة فالصالون شادة تيليفونها .. غير شافتو داخل هاكاك و يدو كتقطر بالدم وهي تلوح تيليفون وشهقاااات
قدس : أوويييييييلي مااااااالك
لوؤي : خوك سيل دمي قبل مانسيل دمك ......
قدس: ( بعدم فهم) كيفاش تسيل دمي !!!!
داز حداها جرها من القب ديال سيرفيت ديالها طالع فالدروج جارها معاه وهي كتغوت
لوؤي : زيدي عاااوني راجلك يداوي يدو ..
قدس : واااااش نتا مممسطي .. طططلق . طللللق رااه غانغووت
لوؤي : غووتي ... راه كاين غير انا وياك ( جارها فالدروج وهي طالعة درجة كتنقزنها ودرجة كتزطمها )
قدس : وااااطلق نطلع بووحدي طلللق مكككنحملش نشوف ددم ...
لوؤي : ليوم تولي تحمليييه .... خخوووك يجرح و نتي داااوي ... نشوفو حنا هاد ولاد الروكان اخرتنا معاهم ......
∆فجناح لوؤي
جالس على السرير و لافاليز دالاسعافات محطوطة حداه كيضمد جرحو وهي واقفة ومكمشة ملامحها مكتحملش الجروح والدم ......
قدس : ففففففف ..كتتحرقك !!!
لوؤي : ( جاتو الضحكة وهبط شفايفو للارض ) مممممم ...
قدس : ( زادت كمشات ملامحها ) واش بزاااااف !!!!
لوؤي : ( طلع راسو بانتليه كتهضر وواقفة بعيدة مقشعرة ) هه ! واقربي لهنا .... غنعضك
قدس : لااااا .... مكككنحملش الدم .....
لوؤي : اجي راه غانوض ليك .....
قدس : قتلييك لا ..... حسابتك نسييت داك الليلة ملي دخلتي عندي سكرااان !!!
لوؤي : ههه ( كايلبس البانضة فوق الضمادة ) واقربي اجي تجربي وحدة اخرى ونا ساحي .... حسن من ديال السكرة ....
قدس : ( ولات حممممرة ) نتا راه ضضسرتي .... اصلا انا اش كاندير هنااا ....
خلاتو ومشات باتجاه لباب يلاه غتحلها وهي تحسو سدها من موراها وضارت بزربة لقاتو موراها مباشرة ولسقات فالباب دايرة يديها موراها موسعة عينيها وقلبها بدا يضرب بالجهد وهو حط يدو لي مامضروباش على لباب ومهبط راسو كيشوف فيها ....
لوؤي : غتجاوببني .. ونطلقك تمشي فحالك ....
قدس بقات غير كترمش وكلها كتحس بذاتها تشوكات و كتسرط فريقها بزز
قدس : ش شنو
لوؤي : ( قرب راسو لعنقها وهي قلبها غايسكت ونطق ) مكتحسي من جيهتي بوالو !!!!!
قدس حسات بالدوخة مع هاد السؤال ماعرفاتش علاش كرشها حرقاتها ! نفسو فعنقها ضربات سخونة بحالا ضربها الضو فمعدتها .... قلبها بدا يتعلا ريتم نبضاتو ... هي علاش كتولي هاكا حداه وفهاد القرب كامل ! واش خوف واش توتر ولا شي حاجة اخرى !!!! ولي غايزيد الطين بلة هو حسات بديه حااط جوج صبعانو على عنقها ..... كانت يديه لي ملوية ببانضة حاطها كيتحسس قشعريرة عنقها ... و ضحك بجنب فمو ملي،بان ليها عنقها اقشعر ... وبعد عليها باش تتنفس
لوؤي : خديت جوابي ..... ( حل ليها لباب ) نزلي باش ماتموتي ليا هنا يعلقني الروكان بلاصة الحولي هاد النهار ....
قدس بحالا جاها الفرررج مافكرات فحتى حاجة اخرى من غير الهروووب ... زادت حلات لباب وهبطات كتزرب فالدروج وهو تابعها كيضور راسو ... وكيتسائل وقتاش تولي ديالو و تولي بين يديه يقد يعيش معاها كيف بغا ....
الحب لي كيكنو ليها ماشي حب عااادي .. كتبان ليه غير هي لي منورة وسط الجميع ... دايرة بحال داك النصف السحري الثاني لي مكيلمع هووو حتى كيتلاقا بيه ....
ورجع تبعها .....
هي كانت نزلات للصالون وخدات تيليفونها وخرجات للجردة فالجهة المعاكسة بعيد على فين كيدبحو ... وجلسات على جنب واحد الخصة و شدات على قلبها لي كيضرب بجحهد .....
مايمكنش تكون كتحس بشي حاجة من جهة لوؤي ! ولكن هي علاش كتولي بحال هاكا ! علاش ريقها كينشف وقلبها كيضرب بالجهد وبذنها كايقشعر !!!!! ...... علاش مسيطر عليها لهاد الدرجة !! ياك ولد عمها عادي بحال سلطان بحال اياد بحال زياد ... علاش هو غييير !! .....
نزل عندهم لوؤي كمل معاهم كانو فالحولي دزياد لي دبحو راسو ....
تقريبا تلاثة كملو فيهم السليخ و لاخرين باقين فيهم .... لوؤي مشا بدا يوجد الباربيكيو و رقية وحياة كيحطو داك الكرشة والمصارن فالبانيوات ديال ليكيب تجي عندها منبعد تديها ورقية كضور بيها فيها دودة تصاوبها
لامار : اماما طلقي عليك مغيالكها حد
رقية : دابا علااااش اترميو هاد الخير
اريج : مغنرميوهش اماما راه غيجيييو يديييوه .... هنا مغياكلو حد ..
رقية : ( دارت يدها فوق كرشها ) وانتوما تعرفو ....
رتاج : الا مشهياها ملي يجيو نقول ليهم يطيبوها ليك
رقية : وازيدو بعدا وجدو غا داك الكبدة للولد راه كيتسنى ....خفو رجليكم
مشاو كيوجدوها وعطاوها للوؤي و بيلي جالسة ومشات قسم جلسات حداها
قسم : باش فكيتيها ....
بيلي : ( تنهدات وتكات على الكرسي ) قلتها ليه نيشان وصافي ... قتليه كان ديالي ..
قسم : بيلي .... انا ملول مكندخلش فعلاقتكم ومعنديش الحق ندخل فاي علاقة .. ولكن واش مكتشوفيش انه من حقو يعرف ؟
پيلي : ( شافت فيها بزربة ) لاااا اقسم .. لا بليز ... خليه ناااسي والله الا حسن ليه وليا ولينا كاملين
قسم : علااااش مفهمتش ؟ واش بسبب داكشي لي وقع مع اياد ! ... دابا راه كبرتو ... وعلاقتكم الا تعرفات غتولي رسمية .... مفهمتش علاش مخبيين عليه والله !
بيلي : قسم ( شافت فيها عينيها حمارو ) واش انا حسابتك كرهت دابا نمشي عندو نقوليه شحال انا كنبغيه ؟ وشحال موحشاه ؟ وبلي هاد سنين كاملة عمرو خرج من بالي حتى نهار ... واش حسابتك انا كرهت نمشي دابا نتلاح لصدرو ونعنقو .... واش عارفة شحال انا موحشاه ولا ماعارفاش ( عينيها تعمرو بالدموع )
قسم : اوا ملي هاكااااك سييري .. سيري قولي ليه كووولشي .... الا كان الراس كينسى .... القلب مكينساش .. الدليل هو شفتيه قبيييلة كيفاش شاف فيك !!! ..
بيلي : منننقدرش اقسم ... كنفضل نعيش عدابي غير مرة ولا نعاودو جوج دالمرات .. اللهم نتعذب غير هاكاك وانا وياه مزال مكانت بيناتنا تاحاجة رسمية .. ولا نتعذب وانا والدة معاه الولاد !
قسم : ماااابقاش غايمشي لموناااكو ابيلي
بيلي : واش غير موناكو لي فيها المشكل ؟ المشكل فيه هو البلية دطموبيلات عمرها تحيد منو .. منقدرش اقسم نعيش معاه وغذا يصبح نااااسيني
قسم : وهاااحنا عايشين معاه عمرو صبح ناسينا ! تاتجيه لاكريز وكتفوتو .....
بيلي : ( رجعات شافت قدامها ) مزاال مريض آقسم وانا مابغاش نغامر تاني
قسم : ( بقات كترمش فيها ) واش متأكدة هادشي لي كتحسيه من جيهة خويا حب !!!!
بيلي : ( شافت فيها ) وشنو هو فنظرك ؟
قسم : الحب ماشي هاكا ابنت عمي ... الحب دبصح هو توقفي معاه فمرضو ... وتعاونيه يتفكر وبتخطى ازمتو ... هي صافي تاحنا مكانش علينا نكونو حداه حيت غيصبح شي صباح ناسينا ! .. الخطأ من لول كان دياللك .... علاش مشيتي فاكثر وقت كان محتاج ليك ... كنت تبقاي حداه وتقولي ليه شكون نتي وشنو باانسبة ليه .. وغيتفكرك كيف تفكر مشاعرو معانا كاملين .... ملي نت فاول ازمة تخليتي عليه .. ادن عندك الصح غاخليه ناسي حسن ليك وليه ..
خلاتها وناضت باتجاه لوؤي و بيلي بقات
متبعاها بعينين مدمعييبن ونزلات راسها ..... فلخر ناضت دخلات لدار هاربة منهم لايفضحوها دموعها حداهم ... وطلعات لبيتها فين تبكي على راحتها ....
∆فالحي
كانت الساعة 12:30
اصيل سيق السطح ودخل ديريكت لدوش دوش عليه ولبس شورط خفيف وتلاح ينعس ....
اما سلمى نزلات لكوزينة غسلات المواعن لي كلاو فيهم بولفاف " الكبدة " وبدات تنصب فالتقلية لي صايبها معاها لفوق للغداء وتدندن جامعة شعرها لفوق ... والكوزينة عامرة غير بالطباسل مغلفين الجيران كلهم دقو عليهم تامبقاو عارفين طبسيل هذا من هاداك حيرانة غير كيدير ملي تبغي ترجعهم .... باغا تسالي دغيا تمشي للدوش تابدات تسمع الدقان ثاني ولاحت السربيتة
سلمى : يااااسيدي ياربي هادو مغاايساليوش .. وراااااه مغيتزوجش خويا غااااهنوينا
مشات تاني بالعكز لباب حلاتها هي تلقى بنت جارتهم هازة طبسيل فيه القطبان
- سلمى حبيبتي ( عنقاتها كتبوس فيها وبين البوسة والبوسة هضرة ) مبروووك عواشك .. تعيدي وتعاودي .. بصحة والهنا وشي ررزززق ياااااربي ... وشي عريس فااااعل تارك ... وشي مراااات خوووك حااااااادكة
سلمى: ( بضحكة صفرة ) امييييين امييين
- شدي تدوقو من حوليينا .. خرجات كبدتو غزاااالة .. بصحتكم
سلمى : ( شداتو عليها ) شكرا ....
سدات الباب ودخلات للكوزينة عراتو بانو ليها ربعة دالقطبان .... يلاه غديرليه الالمنيوم تخبعو وهي تعوج شفتها لجنب ومشات حطاتو فالميكة لي جمعات كيعطيوها للقطوط والكلاب
سلمى : باش حتى الا كانت دايرة فيه شي سحور لخويا يتبعها ... يتبعوها غير كلااااب الحووومة ههههه .... ( كضحك وتعيبها ) شي مرات خوووك حاااادكة .... جيبي السكر واجي خطبي نت كاع
رجعات كتكمل نصيبها وسدات الكوكوط عاد مشات دوشات تاهي رادة لبال مع شعرها باش ميضيعش ليها وتعاود ليه المصايبة .... وخرجات لبسات القفيطين لي شرا ليها خوها .. كان جوهرة فلبلو سيال خفييييييف .... لبساتو وبدات كدور حدا المراية عجبها .... ولبسات معاه بلييغة وكلسات صايبات وجهها غير بماسكرا وكلوز باش مايلاحظهاش .... وبدات تسرح فشعرها تاسمعات للباب كدق تاني وهي تقلب عينيها
سلمى : وااااالمررررض .. هادو مغيخليوناش دابااا نعقلو على عاد العيييد ....
ناضت بالعكز تاتي مشات لباب حلاتها وهي تعلي حجبانها كانت مراة كبيرة بجلابيتها و هازة فيديها واحد الصاك ديال البلاستيك لي كايتقضاو فيه الخضرة ... و معاها بنت صغييرة بجليليبة و بليغة وفولار
سلمى : عمتي فتيحة ؟؟؟؟ ( سلمات عليها ماحاملاهاش ) مرحبا بيك ...
فتيحة : ( ضحكااات ليها ) تررررحب بيك الجنة ابت خويا .... اوا تعيييدو وتعاودو باااش مكتمناو وشي سعد جدييد
سلمى : ( شافت عند بنت عمتها ) امين ... كوتر لابااااس ( سلمات عليها )
كوتر : لاابااااس احبيبتي ... تووحشناااكم وقلت لماما يلاه نطلو على سلمى واصييييل ... العيييد هدا ونتوما بوحدكم
سلمى : مممم شكراا ... تفضلو ...
زادت عمتها وزادت موراها بنتها وسلمى بقات فالباب معلية عينيها لفوووق ماحملااااهمش ... وسدات الباب تابعاهم كاتحاول ترسم ضحكة صفرة ....
فتيحة : الكوكوط كتتصفررر و ريييحة التقليييية هااادي ... فيناهوا أصييين
سلمى : اصييل اعمتي اصيل .. قاليا غينعس ...
فتحية : ااااه اوا ويلا كااان .. خليه ينعس ( جلسات كتحيد فولارها وتنش بيه من الصهد ) الدااارررر عندكم حماااام ... مكاينش الفرفارة ابنتي
سلمى : ( تنهدات وهزات التيليكوموند شعلات ليها لاكليم لي تما ) هانا اعمتي
فتحية : ( شافت مع لاكلييم ) دخلتو داك صندووق الريح ؟؟؟؟ مزيااااان ....
كوتر : ( تحت سنانها ) الكليييما امي الكليما
سلمى جلسات وكوتر كتشوف بعينيها مع الدار والقنات .... وفتيحة مدات ليها داك الصاك
فتيحة : هدا شي بركة من الحوالا ... ديالي انا وديال عمك خلينا ليكم هادشي شويوه نتي وخوك وعييييدو .. راه عمامكم باقين فالدنيا ميخصكم خيييررر ....... ويشهد عليا الله تاقطعناهم وهوما باقين تاماقطرو فخاطرهم .. لاواه ولد خويا وبنتو مايدوقوش تالهادي مايدوزش لينا العيد آسْلما احبيبتي
سلمى : ( شافت لداك الصاك جاتها الضحكة حبساتها بسيف ) هه ..... شكرا اعمتي ... ولكن حنا راه دبحنا .... كيما كل عام ! ... يمكن يلاه جيتي تسكني فكازااا معارفاناش كيف كنعيييدووو .... كيييخليتي العروبية مزيااان ؟؟؟؟
فتيحة : ( بدات دور فعينيها وشافت فبنتها ورجعات شافت فيها ) مزياااان ... وشكون دبح ليكم
سلمى : خويااا اعمتي .... راه ماشي عيدنا لول .. والحمد لله خويا راه ماشي ضارب ليا رجل على رجل فالدار راه بخدمتو ... وراه ماخصنا خييييرررر كيفما كتشوفي
كوتر : ااالاا اسلمى ماتفهميش اصاحبتي غلط .. راه مّي قصدات زعما غير الدوااااقة من الحوالا .... والله اختي لاخلينا الفطور عالطبلة تجنعو خالتي فوزية وجينا باش نلحقو معاكم شوية دالوقت حيت فالعشية فانمشيو للبلاد
سلمى : ممم ... اهاه مزيان ... بلاد جدنا ....
فتيحة : عليييها كاتزوروها !!
سلمى : اوا الزيارة راه كنزورو البلاد لي كتسول فينا ... فين غنشميو ؟ عند ناس الا شافونا مغايعقلوناش بقوة ما شحال هادي مشافونا ؟ كيعرفونا بعدا ؟ ...
فتحية : والااااواه آسْلما ... رراه بلاد باك الله يرحمو
سلمى : اااه بصاااح ؟ عليها كايوصلنا زيييتها ولوووزها وزيتونها وززرعها .... ولا بلاد بّا غا بالسمية ؟
فتيحة : وابنتي داكشي شغل الكبااار زايدون لي باغي يدي حقو خاصو يكون حاط تاهو الپاي ديالو .. وتاهو خادم فيها ماشي توصلو بااااررردة
سلمى : علاش بابا الله يحرمو ماحط تما والو ؟؟؟ .... زايدون اعمتي حنا ماواقفينش عليها الحمد الله .... ماخصنا خيير ... وخويا داير جهدو كااامل واكلين شااااربيين وعمر مابقات نفسنا فشي حااااجة ... غاملي جبدتي الهضرة جاوبتك وصااافي ...
كوتر : ودابا خليونا من هادشي آمي اويلي العيد هذا ... سلمى نوضي لاعندك فاش نعاونك ( بدات تحيد جلابتها ) ماحدي جيييت ... نعجن ليك ؟
سلمى : كنجيبوه غير من الفران ... غير كلسي رتاااحي كولشي قضيناااه سالينا الغدا راه كيطيب ... ( وقفات ) ندير غير كويس داتاي ونجي ....
ناضت سلمى لكوزينة و كوتر حيدات جلابتها بقات غا ببيجامة بسروالها وبدات تكفض وتبين حداكتها ...
فتيحة : ( كتشوف مع الدار والطلامط ) قالك عايشين مكرفصين ... عارررر ربي شكون لي مكرفص ؟ حنا عندنا هاد طلامط .. شوفي الموبرة كيدايرة .... دارهم حسن من دارنا .... شوفي التلفازة شوفي قداش .. عندنا بحال هادشي
كوتر : وااايه ... نمشي نلحق عليها نبركك معاها شوية
فتيحة : سيري سيري ... شوووفي هاه .. عجني ليها بالسييف عليها ... ديري شوية يديك وتحركي .. هاديك راه غتزوج غدا ولا بعدو وهاد الدار تبقى ليه بوووحدو ... واااعري على درعانك ابنتيي ...
كوتر ضحكات ومشات لكوزينة عند سلمى كتشوف مع المواعن
كوتر : كوووزينتك زويييينة و متولة
سلمى : ( كتعمر اتاي فالبراد ) شكرا
كوتر : صغيرة غالبة عليها ( كتشوف فالثلاجة ) ياااختي عندكم هاد الثلااااجة .. غتتشعط عليها مي ومابغاش يشريها ليها بّا منين شريتوها من مرجان ؟
سلمى : ماعرفتش ... قديمة عندنا مبقيتش عاقلة
كوتر : هكاك .... هنا كيحطو الكاس كينزل الما باااارررد ياااك ؟ .. ياختي المدينة فيها كولشي ساهل .. منين جينا لكازا وحنا مرتاااحيييين ماشي كي شغل العروبية
سلمى : ساكينن مع عمي ناصر !
كوتر : اييه شدينا الفوقي .. تاوكان بابا يلقى شي خديمة مرسمة نيشان هنا فكازا و نتحولو ... اري نعاونك عطيني نعجن ليك يبقى ليك الخببز .. كاندير شي خبيز شهوة منو
سلمى : لاااا غير خليك ( وراتها بيديها لجيهة الخبز ) راه تما كافييينا .. غيبقى غير يضيع حنا جوج دالناس .....
كوتر : مممم .. مزيااان ( جرات واحد طبسيل ) درتي كيييييكة ..
سلمى : جابوها الجارات ... عجباتك ؟
كوتر : بااينة لذييذة ..
هزات سلمى واحد الطاسة كبيرة وبدات تعمر ليها كاع اش فداك الطباسل
كوتر : اويلي اش كديري
سلمى : اصيل مكياكلش ماكلة الجيران ... وانا اصلا مصاووبة لينا .. شدي ديهم معاك نتوما كتاررر كولوهم ... جيتو لعندنا ماتمشيوش خاويييين ...
جمعات ليها داكشي وهي غير كتشوف وحطاتهم ليها حدا الباب
سلمى : ملي تكوني ماشية تفكريييهم
كوتر : يعطيييك الخييررر ابنت خالي....
بانت ليها لاحت واحد المعلقة فلافابو وهي تلاح غسلاااتها ... وسلمى حلات البلاكار كتوجد الكيسان وهي متبعة معاها بعينيها تشوف شنو عندها ... وسلمى غير كتنهد على هاد العائلة لي عطاهم الله ولي مكتحمل فيهم شعرة ....
جبدات طبسيل دالحلوة ... غادا تحطو فالطبلة و كوتر تلاحت دغيا على الثلاجة حلاتها وهي توسع عينيها .. كانت عامرة من كولشي ... وكولشي متول ومستف ... وكضور فراسها .. ورجعات سداتها ملي سمعاتها جاية ووقفات مبسمة
سلمى : دوزي تشربي اتاي ... انطلع نفيق خويا ...
كوتر غير سمعاتها غتفيقو ترمتها صفقات من الفرحة ومشات لعند مها وسلمى طلعات فالدروج محاملاش راسها ....
فتيحة كتشرب فكاس داتاي وهازة غريية كضورها فيديها
فتيحة : هادي هي لي يقولو ليها البهلة ياك
كوتر : اويدي البهلات هما حنااا .. كنتيقو هضرة عمااامي .. قالك يتامى ومحگورييين واش عارفة تلاجتهم كيدايرة ؟ ... عندهم داك دانووون لي داير بحال الجبن .... عرفتيه ؟ وعندهم الفرماااج داك المربع .. والدييسيير والشيكووولا وكووووولشي عندهم وكوزينتهم عااااامرة .... ونتي جاياهم بهاد جوج جلطيطات ديال اللحم
فتيحة : واحنا درنا غا الصواب ( حطات الكاس ) اجي .. منين يكون هاد الصكع كيضبر على الفلوس ياك خدام غا فالمرصى
كوتر : ومالها المرصى سهلتيها ؟؟؟؟ راه الدار البيضا هادي حسابتك بحال الدواار ... ( كتشوف مع جنابها ) اااه يا مي ونمشي تانشد ليك هاد الدار غانردها . قصر يا مي قصر ...
فتيحة : اجي ... داك سْلما.. مايبغيهاش زعما ولد حورية ؟ داك جدارمي
كوتر : شو هي واش تبغيه ... واش هو مطلق تلاتة دالمرات تديه ليك سلمى لي عاجبها زينها
فتيحة : تبغييييه .. تجي وسوليها ... قوليلها بدارو وبطموبيلتو ..
كوتر : اتجي نسولها بعدا غا علاش خرجات من القراية ...
فتيحة : كو راها ماطرفاااتوووش تاهي قبح منك عششتي لي فداك الباك تلت سنين ... البنت راه سعدها دارها اش غادير بشي قراية تانتي ....
∆فالقصر ...
مروان لاحظ انسحاب بيلي بداك الطريقة ... هو من ديما عينو مكتغفلش عليها .... وبقى كيضور التيليفون فيدو ... كيقول واش يصوني عليها يشوفها مالها .. ولا يطلع ؟ ....
جود ولوؤي مكلفين بالباربكيو و سلطان باقي واحل مع باه فالسليخ د اخر حولي بقى لي هو دسفيان ...
حياة غير بدات تشوى الكبدة وطلعات ريحتها قلبها تقلب ومشات كتجري للدار هربانة من داك الرييحة ....
رقية وجدات برارد اتاي وبدات تجمعهم على طبلة و لامار ورتاج واريج كيوجدو الكيسان والطباسل وفراشط يوجدو لكل واحد اش بغا من البيفيه .. الجو كان عندهم هادئ والشميشة زوينة مطلة عليهم وريحة دخاخن طالعة من الباربكيو .....
مروان عيا يصبر فلخر بعد وبدا يصوني عليها ... خاف يطلع ويمشي يشوفو شي حد والدار عامرة ....
بييلي مشات ديريكت لبيتها وتكمشات فوق الكنابي ديالها عطاتها للبكا .... تابدا يصوني تيليفونها وشمرات بنيفها هزاتو كتبعد ضبابة ددموع من عينيها بان ليها مروان وجاوبات بصوت باكي
بيلي : الووو
مروان : بيلي !!!! مالكي ؟؟
بيلي : انا ماشي بيخير امروان ... آي نيد يو .....
مروان : ( كمش ملامحو ) نطلع ؟
بيلي : ( سرطات ريقها ) ممم ....
مروان : كنت باغي نطلع قبيلة ... خفت يتخلق شي مشكل ...
بيلي : لا غير طلع ....
مروان قطع تيليفون ومشا عند لامار
مروان : ختي ... غنطلع ندوش وننزل
لامار : لا كككلس غانحطو دابا .... ونطلعو كاملين داك ساع ندوشو
مروان : ماقديتش نبقى هاكا ... متخافيش مغنتعطلش ....
خلاها ومشا وهي قالت لماماها انه مشا يدوش .... لوؤي وجود ضربو النص فالكبدة غير فالباربيكيو وسلطان سالا ومشا كتخوي عليه قسم يغسل يديه هو و سفيان واسد كان جالس كيرتاح هو وعدنان ويونس ... وسفيان غسل يدو ومشا عندهم للباربيكيو كانت دخاخن طالعة عينييهم ولاو حومر
سفيان : خليتو لينا بعدا ....
لوؤي : هههه كندوقو الملحة اعمي ماندوقوش للملح ...
سفيان : آلحلالف غالي يغفل عليكم ...
طلع مروان كيشوف من موراه وجنابو واش مكاين حد تاوصل لجناح بيلي وحل لباب دخل بزربة بانت ليه على الفوطوي كتبكي غير شافتو علات راسها فيه ووجها فازك بالدموع وجات تلاحت عليه عنقاتو
بيلي : مااااعمري غنتهنى امرواااان ماعمرني
مروان : ( كيطبطب على ظهرها ) شششش .... كالم داون ... وشرحي ليا بشوية ....
بيلي طلقات منو ومشات جلسات كتشهق بالكا وهو جلس على السرير مقابل معاها حاط يديه على ركابيه شابكهم
مروان : قالت ليك قسم شي حاجة؟ شفتكم مناقشين
بيلي : جوود ....
مروان : جوود تاني ! ...هاد القصة مغتساليش
بيلي : ماعمرها غاااتسالي امروان ... ( علات عينيها فيه ) واش .... واش انا غلطت ملي مشيت وخليتو ؟ هم ؟
مروان : مافهمتش ! .... ( تنهد ) تقدري تعاوديلي من لول دابا اش كاين ..
بيلي : قبيلة .. ( كتمسح دموعها ) كان معاه روكسي ... وروكسي عقل عليا ... وجود مافهمش كيفاش روكسي جا لعندي ....
مروان : وعااادي !!!
بيلي : ماعاديش .. نتا عارف روكسي مكيمشي عند تاشي حد من غيري انا وياه
مروان عض على سنانو هاد " انا وياه " بالضبط كيحسها كتقطعو من داخل وكيحاول يتجاهلها
مروان : اهاه
بيلي : كانت تما تا قسم .. هبطات وخلاتني معاه ( مروان علا فيها عينيه مركز ) قلت ليه ... بلي روكسي .. كان ديالي وخليتو تما
مروان : قلتيها ليه !!!! ماحس بوالو
بيلي : لا قلت ليه كنت ساكنة معاكم وصافي داكشي لي قدرت عليه
مروان : تيقك !
بيلي : ماااتسوقش اصلا ...
مروان : اهاه
بيلي : وفاش نزلت قسم دوات معايا قاسح .. قاتليا كان خاصني نقوليه كولشي
مروان : باش يصبح ناسيك تاني ونعاودو العذاب
بيلي : هادشي لي قلت ليها تانا ... ولكن قالت ليا بلي مكانش خاصني نمشي ونخليه ....( شافت فيه ) حااااسة بحالا عندها الحق امرواااان
مروان ساط النفس بالجهد وناض كيمشي ويجي فلخر ضار عندها
مروان : اهاه .... وشنو دابا ! ...
بيلي : ماعرفتش .... من نهار فاق من الكومة وشاف فيا بحال الغريبة مقديتش نستحمل .. نتا راك حاااضر ... ملي شفت والو متفكرنيش ونا لي كنت نبات عند راسو هزيت حوايحي ومشيت ....فضلت نعيش بعيدة والا نشوف فعينيه داك النظرات الباردين ... خسرت على قبلو حتى خويا .. وعام من حياتي داز فالظلام تا من قرايتي مفاليديت والو داك العام ..... عاد بديت نرجع شوية لحياتي ... مباغياش نعاود هادشي من لول .... فنفس الوقت كنقول ان قسم عندها الحق .. كون بقييت معاه وحداه .. يمكن كون تفكرني
مروان : هانتي حداه دابا .... ملي يتفكرتك .. ردي عليا
خلاها مشا للباب حتى وقفو ندائها
بيلي : مروااااان
مروان : ( ضار بزربة معصب ) بييييلي ... رررربع سنييين لي دوزتيها فالعذاب انا لي كنت معاااك ... داك العام لي كتقولي ليا داز فالظلااام انا لي كنت معاك وانا لي دررررت جهدي كامل باش نرجع ليك شوية داك الضضحكة ونصلح لي ضيع ولد ختي ....انا لي عشت معاك داك العداب كتر من واليديك ...مارتاحيت حتى شفتك رجعتي لحياتك .. باش تجي دابا تقولي ليا كون غير بقييييت ... كان غيتفكرني ....
بيلي نزلات راسها وهو ساط النفس وعاد هضر
مروان : والى تفكرك ابيلي ..... اترجعي معاه من بعد داكشي كامل !!!!
بيلي : ماعرفتش ( شافت فيه ) ماعرفتش ....
مروان : باقا كتبغيه ؟
بيلي نزلات راسها وحركاتو بآه
مروان : هه ! ... اش كتسناي ... سيري قوليها ليه
بيلي : خااايفة
مروان سكت ... بقى غير كايشوف فيها مدة طويلة و تنهد ومشا لجيهتها وجثى على ركبتو وصل لمستواها وهي شافت فيه بعييون فازكة بالدموع
مروان : بيلساااان .... ( هز يدو مسح ليها دموعها ) نت عارفاني انا معاك فاي حاجة درتيها ..... ياك عارفة هادشي ؟( بيلسان حركات راسها بآه ) انا معاك ... واخا تكوني نت الغالطة ... ديما غنكون فجنبك واخا يتخلا عليك كولشي ..... ولي كتحسي براسك مرتاحة فيه ..... ديريه ..... مهم فكل الاحوال .... غتلقايني معاك ......
تبسم ليها بحنية تاتبسمات ليه تاهي وناض وصل حتى للباب وضار براسو شاف فيها محححسررر على هاد الحالة وهاد الحب لي مستحيل يقدر يبوح بيه ولي غيبقى عايش غير فالسر .. الحب لي كبر قدام عينيه... مكيهموش انها متكونش معاه كتر مكيهمو انها تكون سعيدة وفرحانة ... ويكون هو داك الشخص لي ديما واقف موراها باش ملي تعثر وتكون غايطيح يشدها دغيا يوقفها واخا تكون والدة الولاد ..... البنت لي دات عقلو كامل ونهار كان موجد انه يبوح بمشاعيرو لقاها فعلاقة مع جود..... مع ولد ختو !!!! من داك ساع وهو خازن حبو ليها فصدرو خوفا من انه يخسر علاقتو مع اعز الناس ليه .. ختو واسد ولي خيرهم مكيقدرش ينساه ... ورجع حل لباب طل براسو واش ماكاين حد .. وخرج باتجاه بيتو هاز شتات حبو معاه ....
∆فالحي
طلعات سلمى لعند خوها لبيتو .. حلات عليه لباب كان غير بشورط عريان من الفوق ومهبط الريدو ناعس على كرشو كيف عادتو .... ونزلات راسها على سريرو
سلمى : اصييل .... اصيييييل ( كتحركو من كتفو ) اصييييل
اصيل كيكمش ملامحو وبدا يحل عينيها فيها مكمشهم بالنعاس والشعا لي داخل من لباب وعلا فيها حجبانو
سلمى : جات عمتي فتيييحة (اصيل كمش عيينيه كيتفكر شكون هادي ) داك عمتنا لي فالعروبية ....
اصيل : ( رجع تقلب على ضهرو كايرد شعرو لور وهضر بصوت تقيل بالنعاس كيحك عينيه ) مالها اش بغات
سلمى : ماااعرت ... جات هي وداك بنتها قاااليييك يدوقونا من عيدهم
اصبل : سيري صدريهم عليا
سلمى : ماباليش غيتصدرو داك بنتها حيدات جلابتها .... راه كايسولو عليك
اصيل : ( تقلب لجنبو معنق مخدة يكمل نعاسو ) حطي ليهم اتاي يشربوه ويمشيو يق( حبسها ) يخرجو عليا منهنا ... قوليلهم ناعس
سلمى : واااخااا ....
خلاتو ونزلات عندهم لقات كوتر كتشرب فاتاي وعمتها كضور فالصالون
فتيحة : ( كتشوف لتصويرة باهم لي فالحيط ) ايييييييه المرحوووم ... كاااان زييين وقلدة ماخرجتووش كتشبهو فيه .. شبهتو مكم ....
سلمى : ( تأففات بغيض ) خوويا ناعس مبغاش يفيييق .....
فتيحة : وااخليييه على خاااطرو .... فين القبلة ابنتي الظهر أذن .... ماحدي على وضو
سلمى : كنصليو لهيه .... راه تما تاسجادة صلي جيهة الباب ....
فتيحة آشارت ليا براسها بمعنى واخا ومشات لداك البيت بان ليها فييه سرير دجوج بلايص من الخشب الحمرر وبلاكارو وكوافوز المراية وجوج صغار وزريبية ... وطلات عليها براسها
فتيخة : هادا بببيتك اسلمى
سلمى : لااا .. كان بيت بابا الله يرحمو اصيل مفرطش فيه وجبناه لهنا كيبات فيه لاجا شي ضيييف عزيز .... واخا مكيجي عندنا حد ... خليناه بيت الصلاة ....
فتيحة : ااااه اوا ويلا كان .. مزيااان مزياااان الله يرحموووو العزيز الله يرحمو نشمو غاااارييييحتو ....
دخلات لبيت وبدات ضور عينيها وجرات المجورة كتحلهم بشوية كتلقى غير الوراق والكتوبة لي كانت كاتقرا فيهم سلمى ... ومشات تاني للبلاكار كتبرگگ وطل براسها واش مجاي حد ... يلاه غتحلو بان ليها مسدود وسوارت مكينينش وبدات تعوج فمها على سلمى لي حااااضية قشششهم .... كولشي مطرق .... نعلات الشيطان وهزات السجادة تصلي .... ..
وسلمى مشات لكوزينة طلات على غداها ورجعات عند كوتر
كوتر : آخويتي ارا نعاونك اصاحبتي فشي حااااجة نبقى كالسة .. انا ممولفاش الكلاااس
سلمى : العيد هدا مغانوضووش نشقاو .. شقايا كملتو لبارح والدار هانتي كتشوفي فيها صغيييرة وعلى قد يدي ....
كوتر : ( كتشوف معاها ) اااه مزيااان .. وهاد القفيييطيين خيطتيه
سلمى : لااا .. شراه ليا خويا هاكااا
كوتر : تباااارررك الله ... العقبة لدهاززز ( ضرباتها لكتفها كضحك و غمزاتها ) كاين شي ححبيييب ممم ؟؟؟؟
سلمى : كاااااين
كوتر : ررربي رررربي ... شكوون هو ؟؟؟ شنو سميييتو
سلمى : سمييتو اصيل .. وراه ناعس لفوق .... وكون سمعك كون سنانك واخا تمشي ليهم تال تركيا مغيتعاودوش يتصاايبو ...
كوتر : اوييييييلي تااانتي بحالا حناا ماشي كلنا بنات ... ولاواه مديريليش فيه زعما داكشي دالعفة هههههه ... ماااعليييينا .. تعقلي على جارتنا حورية فالدوار ؟
سلمى : عقلت تاعلى دوار باقا غا جارتكم ... مالها
كوتر : عندها واحد الولد ششششهوة منوووو ياختي .... كبير ورزييين وبعقلووو .... وجداااارمي ملفوق .... عرفتي ملي كيلبس اللبسة كيجي غزاااال ياااختي .....
سلمى : ااااه ... ومنبعد
كوتر : منشوفوش ليه معاك ؟ ممم ؟؟
سلمى : كيفاش هاد تشوفيليه معايا؟ اش غندير ليه انا
كوتر : اويلي تزوووجيييييه
سلمى : وتزوجيه نت نييييت ....
كوتر : تي لاااا ماباغيهاش هو من الدوار .. بغاها براااااانية .... تشوفيه تحماقي عليييه
سلمى : لا اختي بغيت نبقى بعقلي .... زايدون باقا صغيرة على الزواج
كوتر: اوييييييييلي على صغيرة .. قرانتك اصاحبتي قربو يديرو العروسة .. هانا قدك و الى لقيت شي راجل همة وشاااااان والله مانقول لاا
سلمى : واحيت ماعندك مايدار ..... انا اختي عندي مايدار وباغا نبني مستقبلي ومزال غانكمل قرايتي
كوتر : ياك خرجتي من القراية
سلمى : شكون قالها ليك ؟ خويا سجلني فاكبر كلية الطب ازييين ديالي ....
كوتر : حححلفي بالله ؟؟؟؟؟؟؟
سلمى : علاش غننحللف ....
يلاه كيضهرو وهي تجي فتيحة جلسات
فتيحة : وافييناهو اصييين مايهبطش نشوفوه
سلمى : راه قتليييك ناعس اعمتي
فتيجة : واخا ناعس قوليليه هنا عمتك فتيحة غيهبط راني عندوووو عزيزززة
سلمى : نااااري كون تشوفي يسمعك نت هنا يموووت بالفرررررحة .... ولكن خسارة مكيبغيش لي يفيقو .. خفت يزعف عليا ...
فتيحة : ( شافت فكوتر ) طططلعي نت فيقيه يحشم منك ...
سلمى : اوويلي على طلعي فيقيييه ؟
فتيحة : ومالها اش فيييها راه بنت عمتوووو ..
كوتر بالفرحات عليها ناضت كتجري
كوتر : دروج من هنا يااااك اختي
سلمى : ممممم ايييه !
كوتر طلعات كتجري فالدروج وفتيحة حالفة تاتولي هاد الدار لبنتها ... طلعات كوتر كتجري تاتلاقاها السطح ... بقات تشوف فالحولي معلق وتعوج بعينها وتتقلب تابان ليها بابو مردود وحلاتو بشوية وهو يبان ليها ناااعس وضهرو عرياااان .... قااااسح ومشدووود وكتافو عراض وموزعين بعض الخالات كوحل .... عضات على شفتها و بدات تحنقز حسات بكرشها ضرااتها وهي كتخايل راسها معنقاااه وناعسة تحتو ..... وزادت بشششوية وعينيها دمعووو بقوة الرغبة فهاد الظهر لي تيبان قدامها عرياااان وغاية فالاثارة .... وسرطات ريقها وقفات حداه كتمد يديها بشوووية تقيسو فكتفوووو ....
كوتر : ( بصوت رقييييييق و بالهمس كتخيلو صافي راجلها ) اصيييييل .... اصيييييل
اصيل حل عين وحدة ملي سمع الصوت ماشي دختو .... هو يشوفها واقفة عليه كي الجنية وناض بالزربة معلي حاجبو وهي تبسماات وبعدات حشمانة دايرة راسها فالارض
كوتر : غ غير مّي... غير ... بغيت نقول ماما ... ق قالت ليا نن نطلع نفيقك ... ن نشوفوك .. ق قبل مانمشيو ....
اصيل بقا غير ساكت كيلعن فالداخل ديالووو ويحك سنانو وهي تبسمات وخرجات كتجري قبل مادوب حداه وهو ناض وهز تيشورت ديالو كيلبسها بالنفييييض والتبركيييم محاملش راسو .... كييكره شي حاجة سميتها عائلتووو لا من باه لا من ماه ..
لبسها ودخل لدوش كايغسل وجهو يتوكض وكيتحلف على سلمى لي خلات لباب محلول دخلات عندو داك خيتي هاكداك .....
نزل فالدروج عندهم لقاهم على براد اتاي نااازل ممخخخخسر وحاجبو معلي وباينة ضايع فيه النعاس وشعرو زغيباتو لقداميين فازكين مرجعهم لورر .... وفتيحة ضحكات ووقفات سلم عليها ومد يدو لكوتر سلم بزربة و جلس مفرق رجليه كيف العادة ....
فتيحة :تعييدو وتعاودو باش مكتمنااو ياربي و تدخل الرحمة على المرحووووم ....
اصيل : امييين .... لاباس عليك الدراري بخيرر ... المختار لابس عليه ...
فتيحة : لاباااااس آلعزيز يسوول فيك الخير والرباح .. اوا المختار راه يعدي ملي جينا لهاد المدينة وهو تالفة ليه الجججرية .... راه دابا خدام فواحد الحمام
اصيل : مزيان الله يوفق ( شاف لداك الصاك داللحم ) شداكشي
سلمى : ( نقزات ) قاتلييك دوقنا من حوليهم
اصيل : ااه شكراا ... ملي تكوني خارجة ديهم لداك الدار لي مقابلة معانا فيها واحد المراة يلاه مات ليها الراجل مامعيداش دي معاهم الاجر ....
فتيحة : لاااااوااااه آلعزيز ... جبتوو ليييكم نتوما دوقو
اصيل : فريگو صغير مغيهزش لينا ... ومكاين هنا لي ياكل .. سلمى راك عارفة ماكلتها ( شاف فيها ) الغدا واجد ؟ ...
سلمى : شوية ويوجد اخويا ....
فتيحة : وااانتوما تعرفو .. والله شاااااهد عليا الا راكم فبالي ليل ونهار ... دابا كيشتي ساكنين عند عمك ناصر ... شدينا الفوووقي و عيدنا مجموعين قلت ليهم وااالووو ناكلو الكبدة ونمشي نتغدى مع اصين وسلما ونديو ليهم حقهم ... ماحسابتنيش معيييدين
اصيل : وعلاش منعيدوووش
فتيحة : وانا غاااقلت زعما نتوما بجوووج مكاين لاش الضيعة شكون غياكل ليكم الحولي
اصيل : العيد مدارش لللماكلة .. هاداك راه فريضة للي قاد عليها وانا قاد عليها ....
سلمى : نصو راه كنصدقووووه ... مصاب الفريكو عندنا يهز غالحوت ...
فتيحة : اوا وييلا كااان ... الله يقووووي الخييير
اصيل خلاهم وناض لبيت باه كيصلي الظهر و سلمى ناضت لكوزينة وتبعاتها كوتر تغسل دوك الكيسان داتاي وفتيحة شعلو ليها التلفازة ملهية معاها ... و سلمى كتوجد شلاضة
كوتر : ياااااختي خووووك زيااااان .. واش داير لاصااال ؟؟؟
سلمى : ( كتجاوب فوق النيف وقالت بالهمس) خمسة وخميس... ااحم ....لا شحال هادي مداراو ....ولكن كيجري وكايلعب كورة مهلي فراسو ...
كوتر : تباااااركالله .. باينة فيه ياختي الطولة والتجريدة سعداتك بيه ...الله يعطيك شي سعد بحاااالو
سلمى: اميييييين تانتي الله يعطيك شي حد بحالو
كوتر : ( ضحكات عضات على شفتها ) ويكوووون هو كاع مالها اش فيها .. تلقاي لي يعاونك فهاد لافااابووو يالهبيلة
سلمى ضحكات وضارت عندها
سلمى : كوتر حبيبتي .. خويا نهار غيبغي يتزوج مغيتزوجش على ود لي تغسل ليه المواعن فلافابو .... نهار غيقلب على الزواج غيقلب
على لي تليق ليه ولي توقف معاه ولي تزيد معاه للقدام ويدرو مستقبل بجوج بيهم ... ماشي لي اقصى طموحها تغسل المواعن ... حتى نتي خوديها نصيحة من عندي متزوجيش على ود غير تغسلي الماعن احبيبتي ( ضارت كتكمل شلاضة )
كوتر : اوا لماعن لابد منهم واخا تكوني كتصوووكي طيارة زايدون نغسل المواعن ونولد وليه وليداات ونعمر ليه الدار ويلقى علامن يحط راس
سلمى: خويا راسو هاد الساعة هازاه ليه مخدتو ....
كوتر : ومالكي على هاد السم كامل مالي اش قلت كالسة ضوري فيا ! مالو فين يلقى بحالي
سلمى: انا مااااالي اختي .... الا بغااااك هانتي هاهو ... شوفي معاه هووو اما انا حاااالي سااااهل .... الا بغااك مانزيدكم غاازغاااريت احبيبتي ...
ضحكات وحلاات الثلاجة جبدات الديسير واصيل جا لعندهم وكوتر تلفااات معرفات فين تمسح يديها من الما مسحاتهم غير فحوايجها
اصيل : ( شاف فيها) مسمعتيش مك كتعيط ليك ...
كوتر تبسمات ومشات وهو شاف عند سلمى
اصيل : علاش مخلية هاد خيتي طلع عندي ؟
سلمى : نشدها بسلاسل كيغاندير .. مها صيفطاتها قتليها ماطلعيش مشات كتسااابق اشغندير ليها
اصيل : غيبقاو ليا هادو هنا دابا ...
سلمى : وراه باينة غيتغداو .... صبر وصافي تانا راه جالسين على قلبي ....
دخل معاها لكوزينة حل تلاجة كيشرب وهي كتصاوب شلاصة فالطباسل
اصيل : هادو ماعجباتنيش مجيتهم .... جايبين معاهم شي كارتة تاني
سلمى : منعرف ليهم .... امتى اصلا جابو لينا خبار الخير ...
اصيل : مصيفطينها على ود الورث هادي ...
سلمى : مجبداتليش حسو .. حدها قبيلة قالت ليا لي بغا يحق
و فالبلاد يخدم عليه
اصيل : لي سمع هاد البلاد يقول عندهم تما جنان السبيل .... ( جا لعندها ) ارا نكمل داكشي سيري كلسي معاهم ....
سلمى : واخا انا غنمشي نجمع داك الحوايج لي مكنلبسهمش نعطيهم لهاد خيتي وهما جايين يبانو علينا بجوج كيلو داللحم ....
مشات سلمى و اصيل كمل توجاد بلاصتها ماحملش يمشي يكلس معاهم تالقاها دخلات عليه كي نهار الكحل
كوتر : وييييييلي ووووحدي نتا لي كتخدم الشغوووول ... عطيني عطيييني عليك انا نستف الديسير
اصيل : غييير خلييك ...
كوتر : تبغيني نطلع نخمليك بيتك ؟؟؟؟
اصيل : ( تنهد وشاف فيها ) نت ضيفة .. سيري تكلسي ...
كوثر : لااااا حنا موالين الدار اولد خااالي ....عطيني نعاونك عليااا بليمين مادير يدك فالما اويلي وحنا علاش جينا
مافيه مايزيد الهضرة عطاها وخرج من تما عند عمتو جلس هي غير شافتو تقلبات عندو ضاحكة
فتيحة : الله يقبل ياوليدي .. دخلت صليت فبيت المرحوم .. اييييييه مسكين بقاو غا حوايجو
اصيل : ( كيحك لحيتو ) لا راه بقاو تا واحد جوج ولادو ....
فتيحة : الله اووودي واش حنا ناااسينكم... غاا داتنا الدنيا ياولدي .. ايه الدنيا الغدااارة ... والله تافبالنا ... عمك ناصر قاليا سيري نتي ليوم ونمشي انا غذا
اصيل : ماشي تاكبرنا اعمتي .... هاد المجية كنتي ديريها ملي كان ختي باقا كترضع ....
فتيحة : ايييه اولدي وتشوف شنو داز علينا حسابتك حنا فالربح .. خدمة العروبية لهلا يعطيها لشي حد .. واش كرهناكم حنا
اصيل : وتادابا ماقلنا والو ... خاصك شي حاجة !
فتيحة : لاااا اوللليدييي
اصيل : اهاه وعلاش جيتي
فتيحة : صلة اارحم آحي العيد هذا
اصيل : ااااه صلة الرحم .. مزيان ملي ولييتو تفهمو تانتوما شوية فالدين ...
فتيحة : اوا الله يهدينا
جات كوتر كتحط فوق الطبلة ضاحكة
فتيحة : كووترر بنتي الصغيرة تعقل عليها
اصيل : لا
فتحية :اوبيييييلي هي لي كانت عندي باااسلة بسلامتها ... دابا كبرااات و تعقلااات .. وشغل الدارررر تباركالله كولشي كتعرف ليه
اصيل : مزيان
فتيحة : كسكسو دارتو لينا داك نهار باها كلا صبعانو عليييه والرفيسة وتعرف للحم بالبرقوق والكيكة وداككشي والشهيوات مانقولكش .. كولشي تعرف ليه .. غاااا الزهر والو مسكينة بنيتي
اصيل : فين ساكنين دابا
فتحية : (حلات عينيها ) ف الولفة راه قتليك مع عمك ناصر ...
اصيل : وتما راه حلو بزاف ديال لي غيسطو علاش متشوفيش ليها شي خدمة مدام كتعرف دير هادشي كااامل
كوتر شافت فمها ومشات للكوزينة وفتيحة شافت فيه
فتيحة : لا لا اولدي حنا ماعندنا لي تخدم فراسطورات ....عندنا لي دير دااااارها
اصيل : ان شاء الله الله يسهل عليها
فتيحة : امييين الله يسهل على سلمى تاهي
جات عندهم سلمى وحطات واحد الصاك دالحوايج لفتيحة
سلمى : هادو شي حوايج مبقيتش كنلبسهم يعجبو كوترر .... بصصصحة ...
فتيحة : ( حسات بالاحراج حيت جات تبان عليهم لقاتهم باينين عليها ) شكرااا يكتر خيرك ...
خلاتها ومشات تكمل الحطان مع كوتر ... حطو الغدا واصيل ماحملش راسو كلا غير جوج لقمات ورجع لور شاد عندو كاسو دكوكا كيجغم منو كيتسنى فوقاش يخرجو عليه ....
تغداو وهي تنوض كوتر تاني كيف البرق كتسابق على الطبلة وتجمع المواعن مع سلمى للافابو ... بقى غير اصيل و عمتو على طبلة محطوط حداهم طبسيل ددسير ... كتقشر فالتفاح وهو كيخطط بواحد الموس فقشور الليمون على الطبلة ساااهي بدماغو ...
فتيحة : اوا اولدي ماعندي مااانخبي علليييك ..... ( اصيل طلع فيها عينو ) بلاد جدك مابقى فيها مايدار .... حقي وحق عمتك فاطمة و حق عمك حميد وناصر راه غيبيعيييوه .... وحق باك تاهو .... مكاين لاش يبقي تما مرهون ....
اصيل : ( عاد بانت ليه علاش جاية ) هااااكاااك ( قاد جلستو ) اش من حق !
فتيحة : حقو فبلادات الزيتون ... راه ليه غا واحد عشرين زيتون لي تما .. نتا عارف جدك خرج صغيييير للمدينة وداه البحر ومواجو ودا معاه تا بااك .. اوا داك الشوية دالبلاد تكلفنا بها حنا تما ، حراام عليا اولدي لاعطينا تما دم جوووفنا .. جدك و باك كانو يجيو من المدينة يلقاو من كل خير كولشي موجود ... ياكلو ويديو معاهم ... .... ايوا ودابا عيينا مابقات صحة .... وقلنا نبيعوها للمالين البراج غيبقى تما حقك يوصلك فلوووس .... انا مكناكلش مال اليتامى ..
اصيل : اوووووو .... راه قتلييك واقلة الدين عاد وليتو تعرفوه .... ( قرب عندها لطبلة ) دابا شنو جيتو كاملين لكازا ؟
فتيحة : اييييه اولدي
اصيل : وداك الريالات يجيو هنا يدوزو لتيرسي .... مزيان ....
فتيحة : ودابا شنو قلتي
اصيل : دابا اش جايا انا تقولي ليا ... واش انا فعمري ربعة وتلاتين عام .... مات الواليد ملي كانت عندي تمنطاش لعام ...سطااااش لعام هادي ماجيتو تقولو حقكم فالبلاد .. تابغيتو تبعيو !!! عمر وصلنا حنا زيتونها ؟ ولا زيتها !!! ياك كليتوه بيناتكم سطاش لعام هادي ... علاش جاية تفرعي ليا راسي دابا بالبيع ؟
فتيحة : وراه كتبقى من حق الورثة وكولشي خصو يحط التسليمة
أصيل : ااانا معاطيش .... داك الارض غتبقى تما بغيتو نتوما تبيعو بيعو .. هاااديك مبايعهاش انا ..
فتحية: وعلاااااش اولدي ديرلنا هاد العصا فالرويضة راه الارض جات فالوسط ... ونتوما ماعندكم مع شغل العروبية
اصيل : واخا نبقى غير نشوف فيها مباااايعهاش ... ياك حقي ؟ ندير بيه لي مسلكني ... هذا وكااااان !!!!!
فتيحة: ودابا حنا جينا ندويو بالعقل مكاين لاش تعصب بحال هاكا انا غاسيفطوني انا غاااا ولية
اصيل: ملي نتا غا ولية مرة اخرى سيفطلي رجااال .. حق الواليد مغانبيعووش ... غيبقى هاكاك ندي ليه ولادي ونقوليهم هادي ارض جدكم .... مزيان دابا ! فرگعتي هادشي لي جيتي عليه ...... يلاه تلحقي العصر فداركم حوليك غايخناز ( وقف ) سسسسلمى
فتيحة : يااااك اولدي ياك .. وليتي تجري على عمتك
اصيل : ضايفناك وعطيناكم صوابكم ... قلتي علاش جيتي جاوبناك مابقى مايتگال ( جات سلمى ) وصلي عمتك للباب نطلع نعس ....
فتيحة : والله شاااااااهد عليا اولدي مجابني هادشي .. جابنتي معزتكم وقلت لاتكونو مامعيدينش جبت ليكم معايا لحيمات ( قاطعها )
اصيل : واش نتي مريضة ولا مالك ! عمرني شفت انا صدقة كتخرج من الحبس ؟؟؟؟ هزي هادشي ديالك سيري عطيه لولادك الى مالقيتي فين تصدقيييه ... وقولي لداك خوووتك اصيل وسلمى عطيوهم تييقار راه قادين براااسهم حتاجوكم ملي كانو صغاااررر تطلو عليهم اما دابا معندنا مانديرو بيكم .... ونتي نهار يخصك فلوس الحمام اجي نعطيييبك ..... الله يعااااون ....
خلاهم وطلع وسلمى بررررد ليها قلبها بقات غير كتشوف ففتيحة اشارت لكوتر بمعنى لبسي جلابتك لبساتها وخرجو بحالا تشدو سااارقيييين ماحاملينش راسهم وسلمى هزات داك الصاك داللحم حطاتو حدا الباب حتى يدوز شي حد باغيه يهزو ودخلت لدار
سلمى : تفوووو .... قلبو ليييينا الجو ... عاااائلة دالخراااا ....
شافت فالدروج وطلعات بان ليها اصيل كيكمي فالسطح شافها وبعد الكارو
سلمى : سمعتكم كتهضرو قبيلة شي سمعتو شي لا كانت دايرة ليا القوق داك خيتي بالهضرة .. اشمن بلاد بغاو يبيعو
اصيل : تخخخربيق ( تعصب ) متعاااااوديش تحلي لياا الباااب لشي واحد فييييهم ... بببرررررررب تعااالى اسلمى ويدخل عندي شي واحد من طالسيلة الشرييييف تاااتخرجي معاه .. ياك كنقوووليك داك البااااب ماايتحلش ...
سلمى غير كتسمع غواتو ركابيها كيفشلو عينيها حمارو ونزلات راسها
سلمى : وصافي انا ا انا باش عررفت ... زايدون صافي العيد هذا وحنا ووو ....
اصيل : بببدلي ساااعة باخرى .....
هبطات سلمى راسها عرفاتو شاااعل ونزلات فالدروج كتبكي ماحملاتش علاش جااااو خسرو ليهم الجو يلاه كانو هو ناشط ....ومشات لكوزينة كتكمل مواعنها وكتبكي وتمسح فكم قفطانها كاع رداتو كحل بالرسيل لي دايرة ... كتغسل وتبركم تاسمعات خطاويه وهي تحبس فيها داك البكية وعصراتها باش ماتسمعش شهقاتها .... دخل للكوزينة وتكا على لباب ربع يديه كايشوف فيها ...
بعد مازعف عليها لفوق بقات فيه وهي ماعندها دخل وهو حااااالف مايخلي شي واحد من طاسيلتو يجي يقلق ليه ختو .... هي لي كيكساب فهاد الدنيا ..... ومن طبع اصيل واخا يغوت واخا يتعصب فلبلاصة كايندم ويتراجع .... وهي مع كيبان ليها كيشوف فيها حااابسة بكيتها بززز تاطلقااااها بشهفة كبييييرة وهو قرب عندها جبدها وعنقها عندوو وبقات تبكي فحضنوو ....
اصيل : كاع هدا بكا !!! اش درت ليك ؟ قتلتك ! شحال فيييك دتبوحيط ... مغتحيديش منك هاد الفشوش
سلمى : ( كتهضر وتشهق ) ماااااشي عليييك ....نتا مولفة غواتك... ديما كيجيو كيخسرو لينا الجو فالدار .. مالي انا مانعقلش على عيدي
اصيل : و صافي هنينا ....
جرها لافابو كيغسل ليها وجهها وشاف ليتشورت بيض ديالو رداتو ليه كحل بالماسكارا
اصيل : شوفي كيف رديتيني .... علاش دايرة هاااادشي فعينيييك
سلمى : ( كتشهق وتمسح وجهها من الما بيديها ) وراااه العييييد ....
اصيل : حيدي عليييك داكشي ....
اشارت ليه بواخا ومشات باش تحيدو وهو يجبدها عندو وشد ليها وجهها وشافت فيه
اصيل : سلمى ... راه ماعندناش من غير بعضياتنا فهاد الدنيا .... داكشي علاش كنخاااف عليييك .... وكندير جهدي كامل مايخصك والو .. حيت عارف هاد المساخط لي عندما فالعائلة والله لاعقل عليك شي واحد ..... حاضيين غير علامن يضحكو وعلامن يبانو ... وهوما الجوع واكلهم .... ديما طلعي راسك حداهم راه مايوصلوش لعيشتك .... ولوقارك وللعزك .... ماعندنا مانديرو بييييهم ....
سلمى : ( كتنخصص ) ع عارفة .... عارفة لي كاين ... اصلا ماعمرني طمعت فيهم ...
اصيل : وعمرني نخليك طمعي فشي واحد ..... غسلي وجهك مزياااان ( تبسم ليها وهز ليها كمها ) شوفي وسختي حالتك .... سيري غسلي وجهك وجمعي حوايجك ( شافت فيه بزربة ) غااانسافرو انا وياك غدا
سلمى : ( حلات فيه عينيها ) ححححلف بالله
اصيل : موالف كنكدب عليك
سلمى : ( بضحكة وفرررحة ) ححححلف تاغانسافرررو .. نااااااري عرفتي شحال هادي ماخرجنا كازا ملي كانت عندي طناش لعااام
اصيل : خدمت مزيان هاد السيمانة ... وقلت نخرجك شوية ..ديجا هاد سيمانة دالعيد راني كالس ...
سلمى : ( طارت عنقاااتووو ) نتا اااااااااحسسسن اخ كاااااين فدنياااا ناااااااري شحال فرررحت ( شافت فيه )فيييين غنمشيييو ؟؟؟
اصيل : الشماال ...
سلمى : ( كتنقز ) ياااااااااااي ... عمرني شفت الشمال
اصيل: ودابا غتشوفيه .. يلاه سيري تلهاي فحوايجك انطلع نعس راسي كايحرقني
سلمى : ( رجعات عنقاتو فرحااانة كتستمع بخوها لي هاد المزاج كايكون عندو مرة فالقرن ) يااااااربي تخليييك لياااا ياربي .. انا راه مغنخليييكش تزوووج تمشي تديك مني شي وحدة ههه
اصيل : ههه بعدي المغيااارررة وسختيي لينا حوايجي .... علاش تديني منك .. مبغيتيش تكون عندك شي ختك اخرى
سلمى : ( شافت فيه ) باااغي تزوج اخوياا ؟؟؟؟؟ حلف ؟؟؟
اصيل : اسيري بعدي مني اش غنتزوج انا ....
خلاها وطلع وهي بقات متبعاه بعينيها وبدات تنقز بالفرررحة ومشات تجري لبيييتها تنفض الغبرة على حوايييجها كتتنقزز ودندن فررحانة ومشات لتيليفون كتقولها لصاحبتهااا ممتيقاااااش الا بصح غاطلع للشمال وتسافر وتخرج كازا ....
واصيل طلع لبيتو وحيد تيشورت لاحها فالسلة دالتصبين وتكا على السرير داير يديه مور راسو وعلاه لفوق كيشوف فالسقف وضحكة قسم كتصور ليه تما .... تمنى لو كانت هي لي غيجيبها اخت لسلمى ... تمنى لو كانت فنفس طبقتو الاجتماعية وتمنى لو كان هو قادر على الزواج !!!! كان غيكون كولشي متكامل فحياتو ..... ورجع تنهد على زهرو لي معكس من كاع الجوايه ... ودخل فالفراش كايحاول يكمل نعاسو ..... حاط يديه تحت راسو و كيفكر بحجبان مهزوزين ...
دوز يدو على وجهو كيبرد و طلعها دوزها على شعرو ... خدا نفس عميق و تكى على ظهرو ، موحال النعاس يجيه ملي تفكرها تاني وصورتها جات لبين عينيه وهو مغمضهم ... قسم .. بعينيها الواسعين و ابتسامتها البريئة الزوينة .... رجع حل عينيه بالزربة و سرط ريقو .... كيشوف فالسقف و وجهها مابقاش باغي يحيد من قدامو...
هز تيليفونو من حدا راسو و مشا دخل للإنستغرام ... كيتصرف بالزربة قبلما يفكر حيت ايلا فكر غايحبس و يتراجع ... دخل لجهة البحث و لقا اسمها لفووق الأول فاللائحة حيت هي اخر وحدة بحث عليها فهاد التطبيق ... الأخيرة و الوحيدة ... وعليها اصلا حل حساب فالانستقرام ..... كل ماشتاق يشوف صورتها يدخل ليه ....ومايهموش واخا يكون عشرين مرة فالنهار ...
ضغط على اسمها و دخل لحسابها ... و ضغط على اخر منشور حطات ... كان عبارة عن الصورة الجماعية ديال العائلة و صور اخرين ديالها هي و خوها و ولاد عمامها ... حتى حبس فواحد الصورة فردية ... كانت بالجلابة يدها على خصرها وضاحكة خصلات شعرها فوق من وجهها ....ضحكتها كانت بوحدها كاتهيج فيه كاع البراكين ... كايدوز صبعو عليها ويزومي فالصورة .... كايحس بقلبو من داخل كايتقطع ... كيدوز الصور و قلبو كيتزير مع كل صورة ... كيشوف هي فين و هو فين !!
القصر ... الصحافة لي جايين حتال عندهم باش يصوروهم و يتحطو صورهم فأغلفة المجلات ... لبسهم و الفخامة لي واقفين بيها و النخوة لي كتبان عليهم !!! كايشوف مع وجوه العائلة !
العائلة لا ولا حافظهم واحد واحد بقوة ما انه بحث عليهم نهار عرفها بنت الروكان .. رغم انه مايعرف الروكان عمرو مابحث فاخبار البورصة والعائلات ذات البرتوكولات الملكية والهولدينغ ....حتى تعرف عليها .... كايبحث عليهم باش يزييبد يعرف البعد لي بيناتهم ويتراجع ..... عينيه استقرو على جود .... وتفكرو وهو صغير نهار جا لعندهم ....شاف فماماها لي كتبان وارثة منها هاد الابتسامة والضحكة الساحرة .......
كيشوفها أميرة وسط عائلة ملكية .. بعيدة عليه بزاف و على ملمس يديه ... هو لي يديه قصيرة و مستحيل توصل ليها واخا يعيا يتجبد ...
كل تصويرة كيوقف عندها ثواني طويلة يتأملها بتفاصيلها كلهم ... كل تصويرة كانت تأكيد ليه بلي داكشي لي دار هو الصحيح ... انه فاش قرر يخليها ماكانش غالط ... بلي هاد البنت ماشي ديالو و بلي هو ماشي قدها ...
طفا التيليفون حيت ماشي غير قلبو لي حرقو إنما كبريائو كذلك ... هاداك الإحساس بالنقص و قلة الحيلة !! شعور خايب بزاف عصر قلبو و ضرو فخاطرو ...
كره الفلوس و الطبقات الإجتماعية و الحب و كره النهار لي تلاقا بيها فيه و عرفها ... كره الانستغرام و الصحافة و الصور و الحب و راسو ... كره كلشي ... إلا هي ...
∆فالقصر
مجموعين كلهم فصال امونجي كتسمع غير تقرقيب الفراشط والضحكات ديالهم .....
قدس كانت كتاكل بهدوء ومرة مرة كطلع عينيها فلوؤي .. هو تيضحك مع سلطان وهي معرفاتش علاش بدات ترسم الابتسامة على فمها !!!! تاحسات براسها وهي تجمعها واسد من بعيد كيشوف فيها معلي حاجبو !!!......
اريج كتحط قدام باباها وهو كياكل بشوية وكيشوف فيهم ويشوف فبانتو وفحفايدو .... وكيشوف هاد الهدوء لي عايشين فيه وهاد الفرحة .....
گيحس براسو ثقيييل عليه وهو كيشوفهم فرحانين خايف يخسر فرحتهم !!! كيشوف واش يقدر يخلي هاد العائلة ويمشي يكلس بوحدو تحت التراب !!!
كلهم متفائلين بحياتو الا هو .... عارف مزيان شنو عندوو.... وعارف مناش كيعاني وعارف الا مابقاش ليه بزااااف .... الكل عارفين عليه انه مكيحملش الطبيب .. معارفينش انه عندو طبيبو الخاص فامريكا ... ولي هادي عااام وهو عارف شنو عندو .....
كيشوف فيهم بحسرة ويحاول يتبسم ..... ويضور تاني يشوف فرقية ... كيشكرها غير فنفسو على الايام لي عوضاتو فيهم على وحدانيتو وكانت ليه نعم السند ونعم العشرة ...
رقية : توما عيطو على زرقة العينين تجي تاكل
اريج : مابغاتش معرفتيهاش هي مكتاكلش هادشي ... تاتجوع وتنزل بغات تنعس يمكن ضرباتها الشمس
رتاج : خليها على خاطرها .. ( اشارت لاية لي بعيييد شادة كاس دالعصير ) راها ختها قوليلها تقرب لهادشي ههههه ....
رقية : لا هو فتبراد الگلب فالماكلة ماااايبردو ليكم الگلب غا الدراااري بسلامتهم ... ما البنات غا المبعككة على ختها ...
قدس : هانا كنااااكل اجدة ماعجبتكش
رقية : نت علاااش نت تموووتي على الشواااا كي مك .... ( شافت فلامار ) هااا لي شششبهت فيك ما قويييسم غا باها تنقب بداك جوج صبعين وتقول الله يخلف ههههه
اياد : كويسم هههه
رقية : واااضحك عليا نتا .. سميااتكم ملاوطييين كيبغيتو جداتكم تقولهم ....
رقية : ( اشارت للوؤي وجود وسلطان ) هاااليبردو ليكم جنونكم فالماكلة ... حصاااد ودرااس مايعرفو يعيبو مايعرفو يگولو لا ... هادو نهار يتزوجو حسن عوان مرتهم ... ماتخرجش من الكوزينة .. ولا ياكما تانتوما ديرلوها شغل الخدامات
سلطان : طيبو حتى بناتنا بقى غا بناات الناس
∆جناح بيلي
جالسة على السرير مربعة رجليها ببينوار ديال الدوش ...وكتفكر اللقطة دقبيلة للمرة العشرين .." اهاه ! وعلاش هاد السطريس كامل ! كنضن مسولتكش كاع واش كيعرفك ! باش عرفتي عندي المشكل فهادشي !! ...."
كتسائل واش يكون بدا يعيق ؟ هي اكتر وحدة كتعرف الفطنة دجود وانه مكدوزش عليه دغيا ؟ كيدوزو عليه كدوبك غير الا كان باغي يجاريك وصافي ومافيه مايقلب ! ....وفعلا ! لو كانت بقات ومامشاتش ! كان غيكون دابا تفكرها ؟ ..... شكون غلط ؟ ... واش هو لي فضل عليها موناكو ولا هي لي مشات وخلاتو ولا هوما بجوج !!!! .....
دارت راسها بين يديها حساتو غيطيح عليها وناضت بزربة شربات مهدئ غير باش تتفادى الكارو لي كتحاول تنقص منو .... وجرات سيغي ددريسينغ المخصص لايام العيد ... شافت الا كولشي داكشي تقليدي وتقيل و مزال الحال على الامسية ... ورحعات للسرفيتات ديالها لبسات سيرفيت غوز .... وهزات كاسكيط وخرجات من الجناح باتجاه الدروج ... باغا تنزل وتهضر وتضحك حيت من غير هاد الطريقة متقدرش تنسى ولا تعيش عادي .... غيبقى طيف جود ملاحقها .....
يلاه غتنزل فالدروج وهي تقلب راسها لجناح جود ... بقات مدة كتشوف فيه ....
رجليها بزز عليها ضارو باتجاه جناجو ....تاوقفات حدا الباب .... يلاه مدات يديها تحل و هي تكمشها عندها .....
ماعرفاتش علاش لقات راسها محتااااااجة تشوف هاد الجناح لي دوزات فيه اجمل دكرياتها ..... محتاجة تشم ريحتو لي فيه !!!!! .... محتاجة تقيس السرير لي شهد على شحال من قبلة وشحال من لمسة ......
لقات يديها رغما عنها حلات لباب ..... غير تحلات تشعل ضو .... بدا يبان ليها سريرو الكبير لي متوسط الجناح بازارو الاسود ومخادو ... جناحو كان ضاير بالزاج لي كايطل على الجردة ... سينيما روم ... و طابلة دالبيلياردو .. دريسينغ ضخم و حمام و بيسين دافئ دائري صغير و كيس رملي موجود بجانب الالات الرياضية ... و بار صغير زجاجي نازلين عليه ثريات محجرين ... مكان روكسي ... وجلسة د ليفوطوي دالجلد كحلين بجانب البار ..... دخلات وسدات موراها الباب وغمضات عينيها كتستنشق عبيييييير هاد الجناح رادة معاه دكرياتها للوراء ....
بيلسان : ( داخلة مسلتة من البالكون شافت عندو هو لي حدا البار ) هااانا .. مالك منوضني فهااد الليل يشوفني عمي يعععلقني ....راني قارية غدا
جود : ( ضار عندها كيطلعها ويهبطها بشورط قصير و تيشورت قصيرة كتبين السرة ورجليها حفيانين وشرب من كاسو) مااايتوحشك حد فنصاص الليل
بيلسان : فين كنتي قبييييلة عاد بنت ليك راني داخلة مع تمنية ....
جود : ( مد ليها يدو ) أجي .....
بيلسان : ( قربات عندو ) اش بغيتي
جود : بغيتك نت .....
بيلسان : ملي باغيني علاش غتسافر غدا
جود : اول ماتش لسلطان ونخليه بوحدو ؟ مايمكنش
بيلسان : يمشي لوؤي .... بقا معياا غذا عافاااك عندي امتحان وفيا سطريس
جود : لا ميمكنش .... ولكن نواعدك مانفوتش نهار ونجي ...
ليلسان : ( عنقاتو ) غاااانتوحشششك
حود : نهاااار ابيلي ( هبط عينو لصدرها وتبسم وشاف ليها ) مزال مغاايكبرو هاد الزيتونات ههههه
بيلسان : ( ضرباتو لصدرو وبعدات ) ببببعد مني
جود : هههه ( جبدها لعندو ) ااااجي لهنااا الفارة ( عنقها عندو باسها من راسها ) كنبغييييك كيفما نت غير تهناي ههههه .... عاجباااااني بزيتوناتك هههههه
بيلسان : ماااتعاودش تقول ليا هاكا .. دابا يكبرو وندمك ..... ( عنقاتو ناعسة فحضنو وعلات راسها لعنقو كتستنشق ريحتو )
جود : ارصااااااي غانكاااالي مك مع شي حيط .... بعدي وجهك من تما
بيلسان : ( كتستنشق داك الريحة ) ممممم .. كتحمقني ريييييحتك
جود : وابعدي وجهك غانخليك غدا بلا امتحان .. بعدي ماتشعلينيش ليل هذا ...
بيلسان : ( بعدات راسها ) هانا غاانبعد .. وغانمشي اصلا نعس .... عطيني غير بارفانك رشو ليا هنا ... ونمشي
جود : واش نت عاجباك ريحتي ولا ريحة بارفاني
بيلستن : بجووج احبي .. رش ليا هنا خليني نمشي فحالي ...
جود بدا يضحك وضار لفين محطوطين روايحو وهز لي كيرش منها ديما ورش ليها فيديها وهي استنشقاتها
بيلسان : ممممممم شحال زوييييينة ......
جود : نت غاتدي ريحتي ... وانا اش غتخلي ليا ؟؟؟؟
بيلسان حلات عينيها لي كانو مسدودين مع اشتناق العطر وشافت فيه وهي تنقز عليه ببوسة لشفايفو مزيرررة عليه بحالا كتغتصبو ... باااستووو بجهد وهربات ليه للبالكون ..
بيلسان : خلييييت ليك بووووسة ههههههه ..
بدات ترجع بذاكرتها ودموع تاني نازليين على خدها ..... وتمشات بشوية تالقات راسها قدام بارفاناتو ...... هزات البارفان لي كيدير ديييما .... ورشاتها وهي كلها كتنخصص بالبكا ....
شعورر صعيب ترد ذكرياتك فمكااان كولشي فيييييه باقي كيما الماضي ... الا داك الشخص .. هو بوحدو لي مكاينش ... وكيبقاو كاع دالاشياء بلا قيمة .. فقط منبهات قاااااسيين كيفكروك بتفاصيل الماضي الجميل لي مبقاش ! ....
رشات جوج رشات وعلات لنيفها تستنشقها تابدات تنخصص بالكا .....
*لتحت ...
مسح جود فمو بسربيتة وتيليفونو كيفيبري فجيبو ديرونجاه .. جبدو غير من تحت بانت ليه داك الروسية هي لي كتصوني .....
هاد العام شادها هي بينما طلعات ليه فراسو وييدل تاني ...
شرب كاس دالما ووقف ...
جود : بصصحتكم ... غانطلع ندوش دوخاتني الشمس ...
لامار : ومتنعسش بزاف .. لاسواغي غيجيو الناس وصحافة راك عارف كون هنا
جود : معاش !
لامار : السبعة بداو تنزلو
جود : ( شاف لساعتو ) ومزاااال .... يلاه حتال العشية .. بصحتكم ...
خلاهم ومشا باتجاه الباب وكولشي يداو ينسحبو واحد وراء الاخر يطلعو يدوشو وينعسو .... وليكيب وصلات باش تجمع داكشي تاني ....
طلع جود فالدروج ديريكت لجناحو ....
بيلي كانت مزالة تما واقفة حدا الكيس الرملي شادة فيه ورادة دكراياتها نهار كتكلس على داك السرير وتتفرج فيه كايلعب البوكس ... تابدات تمسع الباب غاتحل وهي توسع عينيها !!!!!!!!!!!!!! .....
غير سمعات الباب بدات تشوف مع جنابها بزربة العقل تا لي يحط البارفان من يديها مابقاش ومشات بزربة تخبات مور السرير فواحد ليسباس بين السرير والحيط خاوية ... وقطعات الحس هو دخل سد لباب برجليه ونصل التيشورت لاحها على السرير تايدا تيليفونو يفيبري تاني .. دار ليه سبيكر وحطو ماشي بجيهة الدريسينغ وبيلي مكمشة مور السرير شادة داك البارفان وقاطعة الحس وقلبها كيضرب فالتسعين تابدات تسمع صوت انثوي رقيق كيتكلم بالانجليزي
- حبيييببي
جود : يياس ....
- سمعت ليوما عندكم شي عيد وقلت نبارك ليك ....
جود : ( حال المجورة دالبوكسرات ) شكرا ...
- توححشتك بزاف فخبارك ....
جود : باقيا فالمغرب ...
- أه دوزت هاد سيمانة فمراااكش .. كتحمقني هاد المدينة
جود : ماقاسك حد !
- لاااا ... شرطك راني باقا محافظة عليه متخافش .... غنعس غير معاك ....
جود : مزيان ... نسالي منك انا وضبري لكرك ...
- جود.... مكنحملش عندك هاد الهضرة ... كيفاش هاد تساالي !
جود : واش بغيتي ( كيجبد شورطاتو )
- بغيت نبقاو لديما اجود
جود : وا ماطلعيش ليا فراسي هانتي معايا
- متخافش ....ديما التجدييييد .... بغيت نشوفك قبل مانرجع لروسيا
جود : نتي لي بغيتي تشوفيني نتي لي خاصك تجي
- لكازا ؟ فوقاش نجي
جود : فوتي ليوما وغدا .... واجي ..
- صااافي .... بقات ليا غير سيمانة وغانمشي ....تاتبغيني ونجي
جود : واخا ... غندخل دابا ندوش ... حتال منبعد ( ماشي باتجاه التيليفون )
- ياااريتني معاك فداك الدوش احبيبي ....
يلاه كملاتها كان قطع الاتصال ولاح تيلي ودخل لدوش ..... بيلي غير سمعات لباب تسد والما تطلق علات راسها بششششوية كتشوف ... عاد وقفات نيشان ومشات كتجري للباب حلاتها وخرجات .... غير سدات لباب موراها عاد طلقات النفس كتنهج شادة على قلبها ويد شادة بيها داك البارفان ....
قربات لشباك دالدروج وتكات عليه گتشوف لباب جناحو وهضرتو مع داك الروسية متال كتسمع فودنيها وهي تنطق بأسف
پيلي : مااعمرك غااااتبدل ......ماااعمرك ....
نتهدات على حالها و مشات لجناحها .... ماشي شي حاحة جديدة عليها عارفاه من شحال كل عام مع وحدة .... عارفاه شحال زهواني ... حتى ولات شي حاجة سميتها الغيرة منعدمة عندها حيت عارفاه كيعجبو غير يدوز وقت اما المشاعر الصادقة صعيييييب يبادل بيهم شي حد وكانت هي المحظوظة وسط الكل لي بادلها بمشاعر صادقة واهتمام صادق...... ولكن فجأة كولشي داكشي مشا وتنسى ..... ورجع زير النساء لعادتو ......
الجردة فرمشة عين خوات كأن تاحد ماكان فيها
. كل افراد الاسماعيلي قصدو اجنحتهم يدوشو ويرتاحو حيت تابعاهم الامسية .....وليكيب دالعيد جمعات داكشي وبدات كتوجد للامسية ... مكان منصة و مكان البيفيه وتدخل الطوابل .....
أما الفوق ....الكل ضاربها بنعسة حيت تابعاهم القصارة طوييييلة ...... وبيلي رشات بارفانو على مخدتها ونعسات عليها دموعها فعينيها