الحلقة14من #رجال_لاتعرف_الحب بقلمي #الكاتبة_شهناز_الخزعلي #Jaymin
علي/ من رجعت للبيت جنت عندي طاقه ايجابيه كلش قويه بسرعه نكلب مزاجي ما اعرف شنو السبب ...زينب ...زينب انسانه عندها اخلاق وووكاريزما كدرت تسرق قلبي خلال لحظات من صارت عيني بعينها.
جنت متلهف.....كتلها ل امي"
علي: يمه ما ريد الاجابة من عندهم..باجر اريدج تلبسين عباتج وتروحين...
وتاخذين الاجابة من عندهم اني رايد هاي البنيه.
امي:يوووم علاوي صلوات شحلاتها تخبل جنها الكمر يا ريت لو تصير قسمتك يمه تخبل ان شاء الله كلشي يصير مثل ماتحب لايظل بالك...
محمد صعد هو وسلمى وبنته بنفس الليله من صعدو ...وراها بربع ساعه رجع علاء وجهه مقلوب ضايج.
سلمى: وشبيك وجهك ضاربه بلوكه اشبيك احجي؟
علاء: بشروني شخبار زينب الخطبه تمت .
سلمى :اي فرحانه بي كلش طبيب اسنان قابل مثلك راح اصير محامي عاوي ....
محمد :نصيبه الولد... نصيبه صار محامي وشبيه للمحامي عيني سلمى.
اشبيك ضايج على طبيعتك هاي؟
علاءيعني نخطبت ......
سلمى : هه ها ولك اشبيك شو جنك رايد لبنيه؟
علاء :يمه اروح انام.
محمد :روح وليدي نام ....
سلمى/ اني هم بقيت وحدي ما اكلت ضليت كاعده افكر.... افكر .....افكر..... واباوع بالتلفزيون واسمع صوت الطلقات والرمي قوي وكلبي ينخمش ...كمت من مكاني رحت لمحمد .....محمد نايم فوك غافي وكعد من نومه شرب حبوب الضغط والسكري. ....باوعت كلت"
_اكولك محمد.... محمد ليش ما انخطب زينب العلاء؟
محمد.:شتريدين ياسلمى بالضبط باعي دروبج عرفتها و والرجال مستقبلنا هو ومرته هنا لا تسوين مشاكل. شفتي اخر مشكله سويتيها بيتنا انهجم
سلمى:بس ليش هيج فلوس اخوك تروح الغريب ليش ما تردين نزيد خيرنا ونردة النا؟
محمد: انتي اول وحده واكثر حده تكرهين زينب وتتقززين من اخلاص و انتي كلتي انك اكثر من مره كلتي اشوف بعيون زينب انصاف.........صح؟
سلمى:هفففففف فكر بالموضوع.
محمد :ترى البنيه جايها خطابه وشكلها مقتنعه وجهها مورد ههههه انتي ترديها ل علاء ههههه ضحكتيني نامي نامي.
سلمى: نام انت....
ضليت اباوع للسقف اتامل شنو اسوي؟
صار الصبح
البنيه زينب اجاها الحط والجهال هم وطلعو الكل لدوامهم ...
زينب من جايه تركب للخط اجه علاء .......
علاء:طريقي نفس طريقج
زينب:اي اذا اكو مجال تعال مو مشكله.....
سلمى/بيومها كعدت نشيطه وفرحانه كلش نفس الاحساس
......
اذا انت تكون بسبب موت انسان هم تعتبر مجددا شوف شيصير.......
كعدت منتظرة اباوع على ايدي حتى اي ..اي خل اخابر اليوم ....غسلت وبدلت لبنتي
نزلت جوة ... لكيت حامد طالع كبالي سلمت ...هو اليوم متأخر عن شغله حبيت استغل الوضع لصالحي
حامد : خيتي شلونك؟
سلمى: زينه اخوي.
طلع للشغل . اني هم كلت خل انظف وادخل للبيت اشوف شبي ما بي ..ورة ساعتين عيوني اجت للتليفون .ردت اخابر اندكت باب البيت . فتحت الباب لقيت حامد رجع........
سلمى:اخوي شكو شصارلك ساعتين من رحت شو رجعت ؟
حامد: ما اعرف راسي يوجعني وكلت ارجع من الدوام للبيت......
سلمى: سلامتك يلا لعد اني صاعده .....بهالاثناء اندكت الباب مره ثانيه..
سلمى رحت فتحت الباب شنو هاي ام علي جاية
وباوعت الساعه 11:00.......بعدها اخلاص ماجاية من الدوام شسالفة ؟ شجابها هاي ...
أم علي :هلا داده شنو غلطانة اني بالعنوان ؟ هذا مو بيت أم زينب ...
سلمى:خيتي ... اي اخلاص
ام علي:اي انتظرهم شعندي ..اريد اخذ جواب البنت علي مستعجل يمه شحلاتها ....
سلمى:اي صدك مو ردت اكولج زينب ردناها ل علاء ...
بس اخلاص ماحجت ....بارحه .....
سلمى :ابني علاء .......علاء ابن عمها وبارحه ماجابولج والولد رايدها بعد ف ليش ما نجمعهم بالحلال....
ام علي:ل علاء ماكو نصيب ...
سلمى:زين اوكي باعي اي ا من النوع اللي ما احب خرب بيوت العالم ابد بس انتو جايين بحلال و اني ...
ام علي: احجي خيتي اكلج زينب نص جسمها محروك بكيفج بعد ....
ام علي :محروك اعوذ بالله ...
شنو؟ محروووكه؟
سلمى :اي بله من عمرها٤سنوات ووكع عليها الحدر ورجلها مصموطه ب ماي حار من هي طفله واني ماكدرت اضم عليج ابنج شحلاته شزينه طبيب اسنان ياخذ وحده مشوهه....؟ترضيها يا ام علي ابنج هيج يتدبس بوحده عاهه بيها
ام علي:يلا انا اترخص
سلمى: خلينا نتفق سوة ايشي يصير لاتجيبين سيرتي وتكولين عرفت بزينب هيج وهيج...
ام علي:لا لا لا ماكو شيء يلا في امان الله.....
سلمى /طلعت المره ..حامد باوعلي واجه الي ...
حامد:هاي شكلها ام علي؟
سلمى:اي هيه صح
حامد:خيرها بشنو جايه وشرايده شو دخلت للبيت تضحك طلعت مدلغمه ؟؟
سلمى:اي اي حاله..
حامد:شنو سلمى شبيج ؟شنو حاله؟
سلمى: وفاه علي راح يسافر خارج العراق. ....
حامد:مافهمت ....
سلمى:حاله وفاه عندهم مات مدري منو الفجر و وابنها لغه فكرة الزواج هيج كالت .....
حامد:ليش؟
سلمى:ما ادري بعد....راح اصعد لشقتي .....
سلمى/صعدت واني اطك اصبعين..اي كلشي صار لصالحي سبحان الله
اخلاص رجعت من الدوام ....لكت حامد صافن ....والجهال يلعبون داير مدايرة ....
اخلاص:خيرك حبيبي شبيك ؟ شو ضارب صفنات خوب ماكو شي ؟
حامد:ام علي اجتي وبطلو من الخطبة ...
اخلاص:يا؟ شلون بارحه وجهها يضرب الوان ... وفرحانه حامد شصار احجي ....
حامد:شمدريني سلمى تكول عود وفاة و...
اخلاص:ها ...اوك وصلت الفكرة راح اخابر وافتهم من ام علي ....
حامد:خلص عوفي هسه البنيه مو رفضت الفكرة
اخلاص:ميخالف ....ميخالف ياسلمى تهون ..بس خل اتأكد
ام علي/رجعت للبيت ووومشتعله نار ..اي من هاي ...من هاي هيج اسلوبهم طلعت بنتهم محتركه ....
علي رجع من الدوام ....
بعده بهدومه باوع ل امه وابتسم....
امه بعصبيه ..
_ام علي :ماكو زواج .....لو تبقى اخر بنيه ماكو زواج اني علاوي ابني ياخذ وحده هيج
علي:يمه شبيها
ام علي:موضوعها تنساه ....
دك الاتصال....
ردت ام علي :الو منو
اخلاص:حبيبه اني ام زينب شلونج ...
ام علي:اي الحمدلله
اخلاص:حبيبه كالو جايه اليوم شسالفه"
ام علي:اي اجيت حتى اعطيكم خبر علي راح ياخذ بنت اختي وماكو نصيب
اخلاص:بنت اختج؟ والله اشو سلمى كالت ل ابو الجهال غير حجي ؟ كالت انتي عندكم حاله وفاه وعلي راح يسافر ...؟
ام علي:دادة خليني صريحه عالجو حروق زينب لاتخزيكم وهم تضل بلا زواج وهم علاء سمعت رايدها ابن عمها ويستر عيبها ....
اخلاص/حسبي الله ونعم الوكيل....تسمرت سكتت شحجي شاكول اكيد سلمى ماحجيت شي بس كلت ان شاء الله .....شبيها شحلاتها جنها ورد جوري
اخلاص:على راحتكم مع السلامة.........
نهضمت اووووووووف اووووووووف لج سلمى ....
حامد:اششش صوتج ماكو نصيب باوعي بس انتي لاتقهرين زينب اني افهمج شتحجين لاتكسرين واهسها
بهالاثناء زينب رجعت من الدوام ...اخلاص حابسه قهرها بعيونها ....نزلت سلمى متخصرة و ب ايدها سجى______يتبع
رايكم لاتنسوا لايك نجمه تحياتي الكم #الكاتبة_شهناز_الخزعلي #جيمن_جلال