البارت١٣ من القصة الحقيقية #رجال_لاتعرف_الحب بقلمي #الكاتبة_شهناز_الخزعلي #Jaymin
محمد وحامد.
طلعوا سوه لان.
بطريق واحد يجمعهم ...مو بس دم الي يربطهم ...
من طلعوا الزلم.
اخلاص مانامت ضلت تحضر الحلويات.
نزلت سلمى هي وبنتها سجى وخلت سجى تلعب ويه زيد
سلمى كالت"
_يله خل اساعدج اليوم بنت زوجج اجو خطابة الها بلكن تفتكين منها وراها تينه بس تكبر ويخلالج البيت وظل البيت ل ام طيرة طارت بي فرد طيرة .
سلمى:شوفي بدون مجاملات ووتفيك لابنات زوجي ولابطيخ اول تالي زينب محسوبه عليه.
اخلاص/ تنرفزت كملت شغلي واني احاول اتجاهلها ل سلمى بهاي اللحظات رجعت زينب من الدوام.
_السلام عليكم
_ وعليكم السلام ها زنوب تاخرتي اليوم....؟
_والله ماما حقج بس ازدحامات وكلش تعبت.
هنا سلمى عيونها تعلمت من كشخه زينب وعطرها ..
اخلاص لاحظت نظرات سلمى ف اشرت ل زينب وكالت"
_ روحي غيري ملابسج واكلي اللكمه راح يجون خطار.
زينب"
_ خير منو؟
_بعدين اكلج هسه بس روحي غيري ملابسج.
_صار ماما....
سلمى/اباوعلهم على البرود والتعامل الي بينهم ...وزينب شدعوه هالمد حلوة ومؤدبه...
البنيه دتروح للغرفة كلت"
سلمى:يلا استعدي لا تتاخرين
زينب/باوعت لسلمى وابتسمت ابتسامه مزيفة و دخلت للغرفه فتحتا هو اني وياهم اربعه اطفال ينامون يمي بسبب بيت عمي وعلاء اخذ غرفتي بين ما اني داابدل .....اجت تينه يمي ...
تينه:اكولج اكو وحده اليوم اجت قبل ساعتين ...أجتي عود تريد تخطبج تدرين ماما اخلاص شكالت ل بابا من حجت اله وصار نقاش ببنهم "
زينب:لاوالله خطابة اجو ؟اي بله شكالت؟
تينه: شتريد ما تكمل الدراسه زينب لازم تخلص مسيرتها الدراسية وبعدين يله .. وهي هم صغيرة
بابا يكول "لاتتزوج احسن
خلاص تكول لا خل تكمل دراسه وبابا يكول تاخذ الشهادة ببيت زوجها واخلاص ما مقتنعه مثل ما كتلج...
زينب:سامعه بالثول ؟
تينه:اي
زينب:اي والله وثول اثول افتهمت دودو دودودو بس تدردمين
اني هم غيرت ملابس الكلية وجنت فرحانه بهذاك اليوم اساسا ..رحت يم اخلاص وسلمى ...
زينب:ماما شنو سالفه الي راح يجون اليوم؟
أخلاص:ها يافصعونه يا تينه شوكت لحكتي تكتيها الها ههه المهم اي شنو رايج ؟
زينب :انتي شتكولين ؟
خلاص: اني ما الي دخل الموضوع يخصج انتي وابوج؟
زينب/الغريب اخلاص تتعامل بطيب ويانه ...
اخلاص:هيييي شبيج صافنه لج روحي منا احسن ما سلمى تلاحظ داحجي وياج .......هففف مركزه بحياتنا واني ماطيقها
زينب:زين يمه انتي ليش تاخرتي بالزواج؟
اخلاص: لانه كل ما يجيني واحد ما استقبله.
كنت احب بنت عمتي ابن عمتي راح اتزوج غيري ....
زينب: يعني هذا سبب تاخرج بالزواج؟.
اخلاص:امشي بلا كثرة حجي يلا كومي ومثل ماكتلج امشي بهداوه من اداخلين اسلمين على اهله و الولد راح يجي هو وامه ووووطبيب اسنان.
زينب:هههه واني هم صيدلة
اخلاص: اسمعي زين تمشين بهدوء رافعه راسج تسلمين ب ابتسامه خفيفه. حجابج اضبطيه اهمشي ثقتج بنفسج،ولا تسمعين كلام سلمى شتكولج انتي انطيها ل اذان الطرشه شتحجي غلسي.
زينب:ماشي ...
اجا الولد هو وامه.........
كعدو بالصاله .... اني ظليت متوتره..
سلمى:شبيج مصوفرة تعالي شوفي خلي اخليلج مكياج خلي حمرة ..كحلة و المكياج ينطي لوجهج نظارة اوكفي تعالي وياي.
زينب :لا خاله لو اريد اني اخلي بس ماما اخلاص كالت البساطه حلوه.
سلمى. والله اخوي ضحكتيني على راحتج .
زينب طلعت للخطار. تمشي بهدوء وبرزانه سلمت"
السلام عليكم ...
وام الولد من شافتها ل زينب هلهلت يمه صلواتك على محمد شهالجمال اويلي الجمال يمه يا كاع احرسي من عليج ......
شحلاتج وجهج وشنو تحطيلة يا بنيه يا مزيونه زينب
زينب/يمه صرت بنص هدومي من الخجل ......
الشاب"
_الله بالخير ...شسمج؟
_الحمد الله..وانته ...اني اسمي زينب وانت شنو اسمك ...؟
_اسمي علي...........
علي: هلا وسهلا.
علي:ماشاء الله عليج تخبلين بس انتي اكيد سمعتي بيه طبيب اسنان.... ميخالف اذا صار النصيب بعد اشتغللكم مجانا.
ضحكت زينب....
علي: زينب وانتي شنو؟
زينب:اني طالبة مرحلة اولى صيدلة...يعني نفس المجال
علي:هههههه زينب انتي شكد مواليدج ...
زينب :1988 وانته ؟
علي:1980 خوش..
ام علي: يا الله يا خيتي يلا يمه علي نرفع الزحمة منكم ام زينب ان شاءالله نجيكم قريب .
اخلاص: يا اهلا وسهلا.
علي:ام زينب نريد منكم خبر ب اسرع وقت
علي ضل يباوع على زينب. ...زينب ضحكت طلعوا الخطار راحت زينب للمطبخ وحيل فرحانه
سلمى:ها خير
زينب غصت باللكمه...خير خاله ..
سلمى:شدعواج هيج فرحانه وطايرة انتي مو كلتي عود ماريد وماريد...شو هسه غيرنا رأينا ها ؟
زينب:عجبني علي ...
سلمى:شبسرعة عرفتي وحفظتي اسمه يمكموعه دهر صابج ....
زينب:ههههه....
اخلاص:اي بعد كلها قسمه ......هاي عافت رقمها كالت اذا دانشتو فكركم خابرونا
سلمى:والحروك .....؟
زينب حترك كلبها ...
اخلاص روحي يم اخواتج ...
زينب:صار....
زينب /دخلت للغرفه ابتسمت رغم كلشي يحاوطني بس علي اله دور كبير بزرع ابتسامه على وجهي...الروح تتعلق مو؟ يعني اتى اي بنت من اجه يخطبها زوجها او غيرة هم حست هالاحساس بس الحروك ؟يربي هاي سلمى عندها حق ...
هنا واخلاص باوعت ل سلمى وكالت"
اخلاص:باعي سلمى كافي تجرحين بالبنيه ....انتي هنا خطار افتهمتي .....
سلمى:اني خطار اني ....جايه بيت حماي وحماي هو الي استقبلنا مو بيتج لج انتي وحدة محد مكلبج ...هه
اخلاص:سلمى اهوووو لج ..
يلمى:يجي حامد ويصير خير ياخيتي ....
اخلاص/بدة يفور دمي ...
رجع حامد ومحمد ضل صافن على سلمى واخلاص متخصرة واكفه ...
محمد:ها خيركم
سلمى:يمه شكد فرحت والله لزنوبه بس اخلاص مدري شبيها وياي ..
حامد:اعذريني خيتي تلكيها تعبانه
محمد:يله سلمى اصعدي ....
سلمى:لحضه خل اجيب الغراض ...وسجى هم واجيك
محمد:يلا ...
سلمى/دخلت للصاله شالت سجى من الكاع ..باوعت رقم بيت ام علي على الطاوله اخذته وعبته بهدومها وضحكت ....باوعت ل اخلاص ...تصبحون على خير
صعدت فوك ..__________يتبع
رايكم
سلمى شراح تسوي ....لايك نجمه
القصه حقيقيه
بقلمي #الكاتبة_شهناز_الخزعلي #Jaymin
_______يتبع