(Alyanna POV)
Umaga na kami nakabalik ni Brylle sa loob ng camp. Inihatid niya ako sa kwarto ko pero pagdating namin doon, nag-aabang si Prince Rouel.
"Your Highness..." Gulat na gulat siya nang makita kaming magkasama ni Brylle. "Akala ko natutulog pa kayo... magkasama po ba kayo buong gabi?"
Kapag nalaman ng Prinsipe ang totoo, siguradong pagagalitan niya kami! "Maaga lang talaga akong nagising, tapos nagkita lang kami kanina."
"Eh ikaw, Prince Rouel? Hindi pa sumisikat ang araw pero nag-aabang ka na rito."
"I'm here to inform the Princess that we will have to go back to the palace immediately."
"Bakit po? May balita na ba tungkol kay Geminus?"
Sa itsura ni Prince Rouel, mukhang 'yun nga ang dahilan. Pero bukod doon, may something sa expression niya na nakapagpakaba sa akin.
"Geminus was proven guilty will all the accusations. They looked at her past at nakita nila na siya nga ang nagbalak na pumatay sayo nung sanggol ka pa lang." Hindi ko ma-explain ang naramdaman ko nun. "Dahil sa nagbunyag na katotohanan, nag-amok ang Oracle at nadamay sa mga atake niya ang mahal na Reyna. Malubha siya ngayon, Prinsesa."
Nanlamig ang buong katawan ko, nanginig ang mga tuhod ko pero umalalay sa gilid ko si Brylle.
Naghanda kami agad para bumalik na sa palasyo. Hindi pwedeng mawalan uli ako ng isa pang ina nang dahil kay Geminus.
* * *
Nakabalik na kami sa palasyo. Nadatnan pa namin ang gulong ginawa ng Oracle. "Prinsesa, Prinsesa, Prinsesa!" Sinalubong naman ako nina Lala at Kerria. "Mabuti naman at nakabalik na kayo!"
"Si Queen Alisia? Kamusta na siya?"
"Kasalukuyang pinagagaling ngayon ng mga healers ang Reyna. Pero dahil Dark Sorcery ang ginamit ni Oracle Geminus, nahihirapan silang alamin kung anong klaseng sumpa iyon."
Agad kaming nagpunta sa kwarto ng Hari at Reyna, at doon nakita kong nakaratay na nga sa kama ang aking ina. Mabuti na lang at sumama sa amin si Headmaster Diazo para matulungan kami.
Muling nagkita ang dalawang leaders ng angkan, "Your Majesty." Binati niya muna ang Hari. "Ikinalulungkot ko na sa ganitong sitwasyon pa tayo nagkitang muli."
"Ayos lang, Headmaster. Ngunit paano na ang ginaganap na Ranking Quest sa Wizardry Camp kung naririto ka?"
"Ibinalita sa akin ng asawa kong si Erizally na malubha si Queen Alisia. Mas mahalagang matingnan ko ngayon ang kalagayan ng mahal na Reyna."
Sinuri na ng leader ng Flemwall ang kalagayan ng aking ina. Magkahawak-kamay naman kami ng aking ama at ramdam ko ang tindi ng pag-aalala niya.
"It's an ancient A+ Shadow Hex. Not only the physical but the mental awareness of the Queen is affected. Mahina ang pulso niya, mababa rin ang dugo. Hindi ko mapasok ang isipan niya..." Nasa malalim na konsentrasyon ang Headmaster nang bigla itong magulat. "Ang Geminus na 'yun, hawak niya ang pag-iisip ng Reyna. Nasaan siya ngayon?"
"Nasa kulungan. Nagmamatigas siya at ayaw makipagtulungan sa amin."
"I'm afraid that if I try to reverse the spell, it will cause more harm to the Queen. Pero kapag hindi siya nagamot within two or three days... our Kingdom might lose her."
"Hindi! 'Wag mong sabihin 'yan, Headmaster Diazo!"
"My apologies, King Hollace."
Naiyak na lang ako sa aking narinig. Napatakbo ako sa tabi ng Reyna at humawak ng mahigpit sa kamay niya. Wala siyang malay at halos kulay itim na ang kanyang balat.
"I can only think of one way and that's the Power of Lux." Pahayag ng Headmaster at napatingin sila sa akin. "Ano na ang level ng kapangyarihan ng Prinsesa?
"Katatapos palang niya sa Awakening Ritual."
Napaisip ang Headmaster at parang tinitimbang niya ang kakayahan ko. "Kung ganun, wala pang Class C+ ang kakayahan niya. Mahihirapan ang Prinsesa na tulungan ang Reyna."
This time, sumabat na ako. "Pabayaan niyo po akong subukan na pagalingin ang aking ina. Nakapagpagaling na po ako noon ng isang Rohlynx na malapit na sanang mamatay."
"Hindi sakop nun ang Dark Sorcery."
"Si Brylle noon na tinira ng dark spell ni Clerion, napagaling ko rin. Kung nagawa ko 'yun noon, matutulungan ko rin ang Reyna ngayon."
"Shadow Hex po ang ginamit na spell. If it's not vanished in a right way, it will backfire threefold."
"Pero hindi naman ako tatablan ng kahit na anong dark spell hangga't suot ko itong Lux Amulet, di ba? Hayaan niyong subukan ko." Wala na rin silang nagawa dahil determinado na akong gawin 'to.
Para masigurong walang sino man ang maapektuhan kung sakaling mag-backfire nga ang Shadow Hex, lumabas ang lahat sa kwartong iyon at naiwan akong mag-isa sa tabi ng Reyna.
Lumapit ako sa kanya at saka bumulong, "Hindi ko na hahayaang mawalan pa uli ako ng isang ina." Humalik ako sa noo niya at, "Pagagaling kita, Mama."
Mataimtim na akong nagdasal at hinawakan ko nang mahigpit ang pendant ng Lux Amulet. "By the Power of Lux, lift up the curse and heal my mother."
Ibinuhos ko ang buong pagtitiwala ko sa kapangyarihan ng Lux. Ilang sandali pa, nagliwanag ang suot kong kwintas at ang liwanag na 'yun ay napunta sa direksyon ng Mama ko. Narinig ko ang paghinga niya ng malalim. Lumabas ang itim na usok mula sa kanyang bibig at natunaw ito sa liwanag na nakapalibot sa amin.
Unti-unti nang bumabalik ang kulay at buhay sa mukha ng Reyna. Nang imulat niya ang kanyang mga mata, "Yana, that was the first time you called me Mama."
Lalo akong naiyak pero napayakap ako sa kanya sa sobrang saya. "Mama ko!"
Pumasok nang muli sa kwarto sina King Hollace at Headmaster Diazo na parehong gulat ngunit masaya sa nangyari. Napagaling ko ang Mama ko!
* * *
Bukod sa mga alegasyon kay Geminus, naikwento ko na rin sa lahat yung pangyayari na maabutan ko si Geminus na may itim na usok sa kanyang kamay. Dark Sorcery pala ang ginagawa niya noon, at 'yun ang mas nagpabigat pa lalo sa kaso niya.
Iniharap na siya sa lahat para patawan ng karampatang parusa. Nakatayo siya ngayon sa isang Binding Circle na pinamumunuan ni Lolo Lorcan kasama sina Madame Erizally at dalawa pang A+ Wizard na galing sa Flemwall.
Katabi ko naman si King Hollace at nasa gilid namin si Headmaster Diazo. Nasa kabilang hilera ang buong Ministry of Lux at sa bandang ibaba nila, kasama sa mga nanonood si Brylle.
Tumayo na ang Hari para simulan ang paghatol sa dating Oracle ng Auserwalt.
"Gumamit ka ng Dark Sorcerery sa sagradong lupain ng Lux. Nakipagkasundo sa plano ng mga Hollowick at pasikretong itinatakas ang ilang myembro nila mula sa Atreria. Ikaw ang dahilan ng pagkawala ng Prinsesa at pinagtangkaan mo pa ang buhay niya. At ngayon, nanganib ang buhay ng Reyna dahil sa kagagawan mo! Sa bilang at bigat ng iyong pagkakasala, heto ang iyong kaparusahan..."
Napakapit ang lahat sa kanilang kinauupuan. Ito na ang hinihintay naming lahat.
"By the power vested in me, you will be removed as the Oracle of this family and we execrate you as a part of the White Light Clan. At sa pagtalikod mo sa Lux, ikaw ay pinapatawan namin ng parusang kamatayan."
Kamatayan, ang pinakamabigat na parusa. Pero parang nabaliw na si Geminus at tinawanan lang ang hatol sa kanya.
"Isang malaking kahangalan ang mapabilang sa angkan na 'to! At mas gugustuhin ko pang mamatay kaysa maabutan na mamuno ang mahinang babaeng 'yan!" sigaw niya habang dinuduro ako.
Dahil dito, nagalit na ang ilang myembro ng Ministry. "Lapastangan! Wala kang galang sa tagapagmana ng Lux!"
At si Headmaster Diazo na kasama ring nag-init ang ulo, nagpakawala rin ng kakaibang spell. "You shall not mock the name of the Princess!"
Natumba at panandaliang nanghina si Geminus. Pero nang makatayo siya uli, sobrang sama na ng tingin nito sa akin, "Ang Prinsesang ipinagtatanggol niyo ang siyang magdadala ng katapusan sa angkan na ito! Isang propesiya ang nakita noon ng dating Oracle Brae Zaffiro. Na ang magiging anak ng Hari at Reyna natin ang magdadala ng katapusan! At pilit itong itinago ni King Hollace!"
Isang propesiya ng dating Oracle Brae Zaffiro na tatay ni Brylle? Pero ano ang propesiyang tinutukoy niya? At propesiyang alam din daw ng aking ama.
"Walang lihim ang hindi nabubunyag! Soon, the Light will be overpowered by darkness and that's all because of Princess Alyanna!"
"Enough!" sigaw ng Hari na hindi na rin nakapagpigil pa ng galit niya.
And we've had enough. Tuluyan nang ibinigay ni King Hollace ang signal kay Lolo Lorcan.
From Binding Circle they turned it into an Execution Ritual. Sa isang iglap, nabalot ng puting apoy at kuryente si Geminus, saka ito nagsisigaw sa sakit. Ngunit bago siya tuluyang nalagutan ng hininga, ang mga huling salitang binanggit niya ay, "All hail Hollowick!"
* * *
Matapos ang execution kay Geminus, nagkaroon agad ng pagpupulong para pag-usapan ang propesiyang ngayon lang nalaman ng lahat... bukod sa aking ama.
"Tama si Geminus, binalaan ako noon ni Brae na kapag itinuloy ko ang kasal namin Queen Alisia, mapuputol na ang linya ng Lux. Maaring dito nga nagsimula ang problema ngunit nalampasan naman natin 'yun! Maaring nabago na ang takbo ng pangitaing nakita noon ni Brae!"
Isang elder naman ang tumayo at nagsalita. "King Hollace, hindi natin alam ang kabuuan ng pangitain kaya hindi tayo nakakasiguro dyan."
"Sang-ayon ako sa sinabi niya. Paano kung hindi pa tapos ang lahat ng ito?"
"Iminumungkahi kong papasukin na ang anak ng dating Oracle Brae Zaffiro. Maaring siya ang makasagot sa mga tanong natin."
Ipinatawag nila si Brylle at ilang sandali pa, humarap na siya sa lahat. Mula sa tronong kinalalagyan ko ay nagkatitigan lang kaming dalawa.
May alam nga kaya si Brylle na hindi pa sinasabi?
"Brylle Zaffiro, malaki ang naitulong mo sa White Light Clan nang maibalik mo ang Prinsesa. Pero kaya mo ba nagawa 'yun ay dahil alam mo na ang pangitain noon ng iyong ama?"
"Wala pong nasabi ang aking ama tungkol sa kahit na anong propesiya. At hindi ko rin alam na si Alyanna Rohan pala noon ang siyang nawawalang Lux Princess." Direchahang sinabi ni Brylle at malalaman naman ng lahat kung nagsisinungaling siya o hindi.
"Your parents got killed by an unknown group of Dark Sorcerers."
"Yes. I was so young back then."
Laking gulat ko sa nalaman ko. Ni minsan kasi, hindi namin napag-usapan ni Brylle ang tungkol sa mga magulang niya. Pinatay pala sila ng mga di-kilalang Dark Sorcerers! Magkahalong pait at sakit ang naririnig ko sa boses ni Brylle habang ikinukwento ito.
"Ngayon lang naging malinaw sa akin ang dahilan kung bakit sila pinatay. It was surely because of that prophecy."
"Pero wala man lang ba silang iniwan na kahit na anong mensahe? Last will or anything?"
"Wala po. Ibinilin lang po nila ako sa Elemental Guardian ko, si Vander."
Nang mabanggit ang pangalan ni Vander, isinama na rin siya sa pagpupulong. Pinatayo siya sa isang mataas na pedestal para makita siya ng lahat.
"Vander, alam mo naman siguro kung bakit ka ipinatawag ngayon."
"Opo, opo, opo..." For the first time, ngayon ko lang nakitang ubod ng seryoso si Vander. "Itatanong niyo po sa akin ang tungkol sa propesiyang ibinigay ng Byangoma kay late Master Brae."
Si Vander lang pala ang makakasagot sa mga tanong namin kaya naman natahimik ang lahat sa kanyang binunyag.
The seventeenth heir chooses one maiden from the Wind.
Light faces chaos, and the whole Kingdom falls behind.
"Ang propesiya ay nagsimula sa pagpapakasal ng 17th generation Lux Prince Hollace at si Alisia Aersseys. Ang unang problemang kinaharap noon ng angkan ay dahil matagal silang nabiyayaan ng anak," paliwanag ni Vander na nasaksihan din naman ng lahat noon. "Ngunit ang dahilan ng tuluyang pagkakawatak-watak ng Lux ay noong mawala na ang Prinsesang tagapagmana."
In the world of mortals, they shall veil into safety.
A tormented life will conceal the child's true beauty.
"Ito ang naging rason nina Master Brae noon kung bakit sila lumipat sa Mortal World. Alam kasi nilang dito itatago ni Allina si Prinsesa Alyanna. At sa mundong iyon, dinanas ng ating Prinsesa ang lahat ng klase ng paghihirap."
To bring in her salvation, deaths and sacrifices be made.
Mark her return to this nation, your son is the one to aid.
"Bago pa nakabalik ang Prinsesa, marami munang nagsakripisyo para mailigtas siya. Unang-una na nga dun ang sakripisyo ng mga itinuring na magulang ni Yana. Sunod na nagbuwis ng buhay sina Master Brae at Madame Elle," klarong pahayag ni Vander. "Hindi nila sinabi kay Master Brylle ang tungkol sa propesiya dahil hangga't wala siyang nalalaman ay ligtas siya sa panganib. Ito ay dahil nakita rin ni Master Brae na ang anak nilang si Master Brylle ang magiging instrumento sa pagbabalik ng Prinsesa."
"Ngunit bakit nagawa nilang sabihin sayo ang tungkol dito?" tanong ng isang elder kay Vander.
"Dahil hindi po ako mapaghihinalaan! Pero kung sakaling mapaghinalaan ako ay mahihirapan naman silang hulihin ako! Pero kung sakaling mahuli ako ay papatayin muna nila ako bago ko sabihin ang aking nalalaman! At kung papatayin nila ako, lalong wala nang makakaalam! Ganun po kasimple, wala silang makukuha sa isang Garden Gnome na kagaya ko!"
Ang talino ng mga magulang ni Brylle. At dahil sa ginawa nilang pagbubuwis ng buhay, hindi lang pala ako kay Brylle may utang na loob kundi sa buong pamilya niya!
"Yun ang pasimula ng propesiya at alam ng lahat na naganap na ang mga 'yun," wika ng Headmaster. "Ano pa ang mga sumunod na nakita ng dating Oracle?"
"Pasensya na po kayo pero hanggang doon na lang ang pwede kong sabihin. Hangga't hindi pa nangyayari ang mga susunod sa propesiya, hindi ko pa ito pwedeng sabihin."
"Pero Vander..." Tulad namin, nabitin din si Brylle. Ang daming alam ni Vander na kahit pala ang Master niya ay hindi rin niya sinabihan. "Kailangang malaman namin ang tungkol dun."
"Master Brylle, kahit pa ipag-utos mo sa akin, nauna na akong nakapangako sa inyong ama. I made a Gnome's Promise with him! Hinding hinding hindi ko pwedeng sabihin!"
"Kapag hindi ka nakipagtulungan, alam mong pwede kang parusahan." Banta ng isang myembro ng ministry. "At idadamay namin ang Master mo."
Napatayo na ako nun. I object! Hindi nila pwedeng gawin 'yun kina Brylle at Vander! Pero hinawakan ako ni King Hollace para pakalmahin.
"May mabigat na dahilan kung bakit hindi ko pwedeng sabihin. Dahilan na kapag hindi niyo pinaniwalaan ay mas lalo maglalagay sa inyo sa panganib." Natahimik ang lahat sa matapang na sinabi ni Vander. "Hindi po ito kasama sa propesiya kundi isang babala!"
Honored one be wise, my words are the only advice.
You're blessed by the skies, even it may cost a thousand cries.
"Ibig sabihin, si Oracle Brae na nakakita ng propesiya ang siyang pinagpala at tanging may kakayahan na ayusin ang lahat. Hindi siya dapat makinig o magpadikta sa iba dahil ang planong siya mismo ang gagawa ang magliligtas sa lahat. Kaya nga rin matagumpay na nag-krus ang landas nina Master Brylle at Prinsesa Yana, 'yun ay dahil sa tamang desisyon ni late Master Brae na pananatili namin sa Mortal World!"
And let no one solve my signs for they can be pretenders.
Assigned fate will curse them for they are the evil doers.
"At tulad ng ginawa ni Geminus, sino mang aalam o susubok na baguhin ang propesiya ay magiging masamang impluwensya sa takbo ng kapalaran. Sila ay nakatakdang maisumpa!" Panapos na babala ni Vander.
Natahimik na ang lahat. Nabigyan na sila ng babala at nasa kanila na lang kung mamimilit pa silang makialam.
"Kung loyal po ako sa pamilya Zaffiro, katumbas po nun ang pagiging loyal namin ni Master Brae sa White Light Clan. Lahat ng plano ni late Master ay para sa ikabubuti ng lahat." And by that, mukhang tapos na nga ang lahat. Wala nang ku-kwestiyon sa kanila ni Brylle. Nakahinga na ako ng maluwag.
"Meron pa bang gustong magdagdag ng kahit na ano?" tanong ni King Hollace. "Headmaster Diazo, bilang leader ng Flemwall, do you have anything to say?"
"I believe on the Wizard and his Elemental Guardians' statement. Kung ang lahat ng nangyayari ay ayon na pala sa plano ng dating Oracle Brae, it means we are on the right track." At sinang-ayunan ito ng lahat. "Isa pa, ang naiisip ko lang naman na pwede talagang pagdulutan ng mas malaking gulo ay kung may magtatangka pa na guluhin ang tradisyon ng pagpapasa ng kapangyarihan ng Lux."
"Anong ibig mong sabihin, Headmaster?"
"Kung maayos nating magagabayan ang Prinsesa sa mga tradisyong sinusunod natin, walang magiging problema. Unang-una na dun ang Luxurian Marriage Rituals. Dapat masiguro natin na karapat-dapat na lalaki ang mapapangasawa ng Prinsesa pagdating ng panahon."
Nabigla ako sa pasok ng topic na 'yun. "Luxurian Marriage Rituals?"
"To maintain the sacred Lux Bloodline, the Princess should only marry a noble man of Lux. Ibig sabihin, mula sa Aersseys Tribe, Terrashaw Kinfolk, Glaciever Kingdom or Flemwall Circle lang ang dapat niyang makatuluyan. Sa ganoong paraan, sigurado ang pagpapasa ng kapangyarihan para sa susunod na tagapagmana."
Parang humina ang pandinig ko. Nagdilim bigla ang paligid. Hindi na ako nakapagsalita. At pareho lang kami ng naging reaksyon ni Brylle nang marinig namin ang sinabi ng Headmaster na sinang-ayunan uli ng lahat.
Isang lalaki lang talaga mula sa natitirang pamilya ng White Light Clan ang pwede kong pakasalan?
Isang lalaki na may dugong Lux.
Isang lalaki na hindi si Brylle.