الفصل الرابع والعشرون
مدينه السحره
بقلم.. سماح سمير شبل
انتبه الجميع إلى رشيد وهو يقص عليهم ما لا يعلمون عنه شئ.
تنهد رشيد وقال..
الحكايه بدأت بعد موت الملكه الأم اول ملكه وكانت حفيده الملكه الأم أميره اعتلت العرش لأن امها كانت مريضه بمرض محدش يعرفه، وبعد تتويجها بيوم واحد غيرت القوانين ولغت قانون العبوديه للسحره وكمان اتجوزت واحد من العبيد علشان يختلط النسب مره تانيه، وطبعا مش كل السحره عجبهم التغيير بس مقدروش يتكلمو لما مجلس القضاه أيد قرار الملكه حقنا للدماء لأن الوقت ده كان اصعب وقت مر على نسل العبيد وكان فيه حوادث قتل بشعه بتحصل عينى عينك ومنهم الحادثه المشهوره للجد الأكبر للعبيد لما دخل واحد من السحره وجرو للسوق وصلبه على نخله الموت فى السوق وبدأ يقطع من جسمه حتت لحم ويعمل بيها اسحار لنسل الجد، اللى جالهم حاله من الصرع وبدأوا ياكلو من لحم الجد بأمر من الساحر ده وبعد ما الجد مات نهشو جثته والساحر ده نشر فى مدينه السحره أن الجد الملعون ونسله من اكلى لحوم البشر فبدأت مجزره لأى عبد يأكل اى نوع من اللحوم فا ياخده سيده الساحر ويقتله على نفس النخله طبعا الملكه الأم فى الوقت ده كانت عارفه كل حاجه وساكته لأن بنتها ام حفيدتها حبت واحد من العبيد وبعد كده اختفت والملكه الام نشرت خبر مرضها الغريب حتى بنتها لما تولت العرش دورت كتير على امها ولكن بدون فايده، والقضاه شددو على قرار الملكه خصوصا أن ظهرت فئه من السحره بيعبدو الشيطان وكان لازم يبقى فيه قرارت صارمه علشان الفوضى متحلش على مدينه السحره، بعد عشر سنين من جواز الملكه الأم من عبد خلفت فيهم ولد واحد وكانت بتحاول تخلف اكتر بس ربنا مااردش، ومع ذالك كانو عشر سنين من الرخاء وكانت مدينه السحره وسهل التنين والبحر الأسود كلهم ايد واحده لغايه يوم عيد ميلاد ابنها التاسعه عشر وظهور قرونه اللى كانت كبيره لدرجه ان الملكه الأم عملت احتفال كبير لأن ده الساحر الوحيد اللى قرونه وصلت فى آخر اليوم ده لميت متر ودى محصلتش قبل كده، اليوم ده جوزها اتقتل ومعرفتش مين اللى قتله فضلت سنه كامله حزينه عليه بس فى عيد ميلاد ابنها العشرين فجأت الشعب كله بجواز ابنها من بنت عمه واللى كان ابوها وامها من العبيد وكمان سلمته مفتاح بوابه الشر وقالت بالنص .
(( اليوم سيكون ولدى ولى العهد أول نسل الحافظين لمفتاح بوابه الشر وسيكون أولاده وأحفاده من الحافظين هم المسئولين عن بوابه الشر ومفتاحها وسيكون بيدهم إنهاء العالم أو الحفاظ عليه ومن يعترض على هذا القرار ينحر على كهف بوابه الشر فى حضور الشعب كله))
طبعاً ابنها فرح جدا بس فيه سحره رفضوا القرار والملكه دبحتهم فعلا على كهف بوابه الشر فى مدينه السحره، بعد عشر سنين كان ولى العهد ليه من البنات عشره ومن الولاد ولد واحد توأم لبنت من العشره، ساعتها كان كبر اكتر وعرف اسرار عن بوابه الشر اكتر فأعلن أن المولود ولد وأخفى المولوده البنت توأم ابنه وقتل الست اللى ولدت مراته هى وكل الجوارى اللى عرفو أنهم توأم، واحده بس من الجوارى الموثوق فيهم هربها من مدينه السحره وربت البنت دى فى مصر تفصيلا بالقرب من منطقه الاهرامات فى الجيزه ولما تمت الخامسه عشر جوزها لولد متربى فى القصر عنده ومن هنا بدأ عهد حراس بوابه الشر فى العالم بتاعنا وابتدا نسل اهل بحر وحور.
كان بحر يسمع لرشيد وهو مصدوم لم يذكر أحد هذه القصه أمامه من قبل حتى بعد أن تم التاسعه عشر وظهرت قرونه حبسه جده فى المنزل لمده عام كامل حتى أنهى تدريبه كا ساحر ومنعه أيضا من استخدام السحر نهائى حتى لا يلفت له الأنظار، اما البقيه فكانوا ينصتون بفضول لرشيد الذى اكمل..
فى الوقت ده جمع ولى العهد كل معلوماته عن بوابه الشر فى كتاب وكمان كتب كل اللى قدر يوصل له فى اللى هيحصل بسبب بوابه الشر فى العالم، الكتاب ده توارثته اجيال من ولاده وأحفاده واللى كانو معروفين فى مدينه السحره زى الشمس لأن السحره قرروا أن نسلهم مايخطلتش تانى بنسل الملكه ولا ابنها، بعد مائه عام كانت الملكه الأم و ابنها ولى العهد فريسه لمجموعه من السحره قدرو يدخلو القصر الملكى ويبقى ليهم شأن وف يوم سممو اكل الملكه الأم وابنها وبناتها وكتير من احفادها فى احتفال بخمسه من احفادهم اتمو التاسعه عشر وقامت المذبحه وكانت جمب بئر ادبح عليه ميئات من نسل الحافظين واللى قدرو يهربو هما عشره من الاحفاد خمس ولاد وخمس بنات بس فيه بنت منهم حاولت تاخد المفتاح من رقبه جدها علشان تحافظ على العهد بس كان فيه ساحر طعنها بخنجر قبل ما توصل ليه وقتها السحره سجنو كتير من أحفاد الملكه ومن ضمنهم اصغر بنت من بنات ولى العهد وبنتها ودول كانو محبوسين فى زنزانه لوحدهم علشان بنتها كانت حامل وفيهم ساحر قالهم أن البنت اللى هتتولد دى لو نسلها طلع فردى بعد تسعين جيل ممكن نفتح بوابه الشر بدمها،بشرط أن الطفل يتولد وف نفس الوقت يغرق بدم أمه وأبوه وهما مدبوحين.
سقطت دموع نرجس فهى لا تعرف كل القصه ولكنها تعلم جيدا أن تم نحر ابوها وامها بعد ولادتها مباشرتا وسقطت دمائهم على جلدها مما أدى إلى حرق جزء من جلدها بسبب سخونه الدماء كانت كلما دخلت لتستحم رأت هذا الحرق فى فخذها,
احتضنتها تينا ونبيله وفهم بحر وبرونو ومارى أن أنها الحفيده المذكوره فلزم الجميع الصمت ولكن عين أنس كانت تحكى ما بداخله لقد كانت عيناه حزينه ونظراته معلقه بنرجس وكان يتمنى أن يضمها إليه ليطمأنها.
رشيد..
الاحفاد العشره هربو لمدينه مهجوره أبوابها ما بتتفتحش غير للمظلوم بس والشمس مش بتطلع عليها وكان بينها وبين المدينه ساتر، الاساطير بتقول انها مدينه للجن الطيب والجن الشرير حرقها بكل سكانها وعلشان كده الشمس مش بتظهر فيها وبيقولو كمان أن الشمس هتغمرها لما الحق يرجع لصحابه فيها، المهم انهم كونو خمس عائلات ومرت السنين وهما جوا المدينه دى ونسلهم كثر وبقت مملكه وفضل نسل البنت اللى حاولت تاخد المفتاح هما ملوك وملكات المملكه وطبعا كلهم سحره وساحرات وليهم حق فى مدينه السحره وسهل التنين زينا كلنا بالظبط، اما بقى اسطوره الخير فا دى اللى عجب العجاب فعلا، بعد المجزره اللى حصلت دى كانت فيه حفيده من أحفاد الحافظين لسه مولوده وكانت فيه ساحره طيبه وجوزها مات فى المجزره دى بالغلط وكانت بتدور على جثته بين الجثث اللى ماليه الطرق وف وسط الجثث لقت طفله بنت يومين فى حضن امها اللى مدبوحه بترضع منها، الساحره دى نسيت هى كانت بتعمل ايه وخدت البنت ولفتها فى هدومها وجريت على قصرها ودخلت جناحها وقفلت على نفسها بالمفتاح وقعدت تصرخ لدرجه ان جيرانها وجواريها كانو بيحاولو يفتحو الباب بالعنف وبعد شويه فتحت شباك جناحها وهى بتعيط وف ايديها بيبى بتصرخ وعريانه وقالت بصوت عالى..
(( لقد انجبت طفله فى نفس ليله مقتل والدها)
السحره كلهم استغربو أنها معرفتش حد أنها كانت حامل ونشرت بين جواريها أنها كانت بتدارى الحمل علشان يكمل والجوارى عرفو الناس أنها دارت على الناس علشان خافت لا الحمل ينزل زى اللى قبله، الناس صدقت وكبرت البنت وف عيد ميلادها التاسع عشر الساحره دى حكت لها على كل حاجه علشان تنتقم لها من السحره اللى قتلو جوزها وتنتقم لأهلها، البنت دى كانت جميله وكان كل السحره بيتمنو تكون زوجه ليهم بس هى كانت طموحها اكبر من زوج وسيم واتجوزت ابن الملكه الأم اللى رجعت تانى زمن العبيد وكانت بتقتل فيهم بكل جبروت، بعد جوازها من ولى العهد بسنه قتلت حماتها وقتلت جوزها ولما ابنها كبر جوزته من بنت طيبه بس ابنها الشر كان بيجرى فى دمه زى أبوه وجدته وف يوم لقت كتاب جدها عن بوابه الشر وقعدت تقرأ فيه للصبح ولما نامت ابنها سرق الكتاب وعرف أن الساحر اللى هيتجوز سته من العامه وينجب سته من الابناء هيكون أحفاده ليهم شأن عظيم فقتل مراته بعد ما ولدت بيوم ورمى ابنه لساحر تانى يربيه وبقى يخطف بنات من العامه من العالم بتاعنا ويتجوزهم بس للأسف واحده بس اللى خلفت وهنا أمه قتلته وبعد البنت ما كبرت توجتها اميره وقربت منها اخوها وعرفتهم أنهم اخوات لغايه ما كبرت البنت والولد واتجوزت البنت واتجوز الولد والجده ماتت بمرض غريب والولد مات بعد ما خلف وتوجت الأميره نفسها ملكه وبقت اشرس من اى ملكه شافتها مدينه السحره وجوزها كان من اعضاء المحفل وف يوم قتلها وقتل نفسه وفضلت الملكه الأم اللى خلفت ولد اتجوز وابنه اتجوز من العامه بنت ماتعرفش عنه حاجه لغايه ما جدته قتلته وخطفت حفيدتها وتوجتها اميره وخطفت امها وحبستها هنا ف سهل التنين، اما احفاد السمرى الراجل ده كان كتله شر وكان من عبده الشيطان وكان كل تفكيره ازاى يدخل بوابه الشر وكانت زوجاته بتتقتل بعد ولادتها مباشرتا علشان يقدم جثتها قربان للشيطان بس للأسف بأيده حقق معادله صعبه أنه يخلف سته، واللى طمنه انهم كلهم ولاد وهى بنت واحده واللى الاسطوره حددتهم ٣بنات ٣ اولاد ولما ولاده كبرو وعرف أن الاسطوره هتحقق بالاحفاد حاول يقتل ولاده بس كانت بنته سمعت كلامه مع شيطانه وهربت هى واخواتها وانتقم من بنته و ولاده لما قتل بنته وزوجات ولاده وابنه علشان يقدم أرواحهم للشيطان وكان زوج بنته حافظ لكتاب الله وعلشان كده كان محصن بيته منه ولما العبده قتلته المحفل عرف انها هى بس سكتو علشان السمرى كان انشق عنهم وحب يدخل بوابه الشر لوحده وعلشان كده كان بيحمى العبده الاخيره بكل قوته لأن دمها هو اللى هيفتح بوابه الشر من غير المفتاح اللى كان ليه قصه لوحده، المفتاح اختفى بعد موت ولى العهد والسحره كلهم شافوه وهو بيطير وبيخرج من البحر اخطابوط ضخم وتنين ضخم وبياخدو المفتاح وبعدها بيظهر الاخطبوط مره تانيه وبيقولو..
(( لقد استدعانا المفتاح لحمايته ومن يرغب فى الموت السريع يدخل قدمه فى البحرفقط))
ومن وقتها والمفتاح فى حمايه الاخطبوط والتنين، حتى سهل التنين بقى مهجور علشان اللى يعدى منه ويوصل للبحر لا يموت هنا لا يموت فى البحر.
أنهى رشيد ما فى جبعته، فقال بحر..
انت ازاى عندك كميه المعلومات دى؟؟
انتبه الجميع له فتنهد رشيد وقال..
انا المهاجر يا بحر، انا قدرت اوصل للكتاب وعرفت كل اسرار مدينه السحره وعرفت كمان أن معاد نزولى هنا انا وانت وحور هو نفسه ميعاد هروب الاميره مارى أن من مملكه الظلام وكمان وجود الاحفاد السته ومعاهم اخر دم من سلاله الحافظين من العبيد وسليم الطفل اللى بمساعدته هتتقلب الموازين فى مدينه السحره.
الاميره تينا ..
لماذا تتكلم بهذه الطريقه هل انت من بلاد أخرى غير بلادهم؟؟
ضحك بحر والجميع معه إلا الاميره مارى أن والنسر برونو و رشيد الذى قال..
لا يامودمازيل انا من نفس البلد بس للأسف هما اللى بوظو اللغه.
فتحت حور عيناها وهى تقول بنعاس..
حتى البت الاجنبيه خدت بالها ان كلامك منشى.
رشيد بصدمه..
منشى!! احفظى لسانك يا حور هانم عيب كده.
ضحك الجميع مره اخرى فقال أنس..
المهم دلوقتى ايه الخطوه اللى جايه؟
رشيد ..
اولا نبحث عن ام الاميره تينا، وبعدها نقابل جمجوم و وردان ونطلب منهم ان المفتاح يرجع تانى لنسل الحافظين.
مارى أن ..
بهذه السهولة !!
رشيد ..
ايوه لأن سكان البحر إلاسود دائما مع الخير وضد الشر والمفتاح وقتها استنجد بيهم علشان كنتم فى موقف ضعيف.
تينا ..
امى امرأه رقيقه وهشه ولم تكن بخير فى هذا المكان الموحش.
چيدا ..
ابتدينا النبر.
توبه ..
بس يا زفته انتى مش وقتك.
چيدا ..
احترمى نفسك ياتوبه، زفته لما تزفتك.
نبيله..
بس انتى وهى.
صمتت الفتيات، اخيرا اشرقت الشمس لتنشر أشعتها الدافئه على سهل التنين، ولا تسمع إلا زقزقت العصافير واصوات الأمواج الهادئه، لتفتح حور عيناها بهدوء وتنظر للجميع وهى تجلس معتدله وتقول ببرأه..
انا جعانه يابحر.
ليقفز بحر بعمليه ويقول..
يالا ياجماعه ندور على حاجه تتاكل.
اخرجت نرجس من حقيبتها التى لا تفارق ظهرها منذ الأمس شطائر وبدأت فى توزيعها عليهم بابتسامه ودوده، ثم أيقظت الصغير سليم وهى تداعبه وأعطته شطيره، ثم اخرجت من الحقيبه عصائر معلبه واعطتهم جميعا، لينظر لها أنس بحنان وهو يقول..
وانتى يا نرجس مش هتفطرى.
فاجأها حديثه فنظرت له طويلا ثم قالت بأرتباك.
لا بالهنا والشفا انا مش بفطر.
أنس ..
لا طبعا كده غلط لازم تفطرى.
كادت نرجس تعترض ولكن أنس بكل عفويه اقترب منها و وضع الشطيره فى فمها تحت نظرات الجميع المصدومه ونرجس التى جحظت عيناها وهو يقول بكل جديه..
ما تتعبيش قلبى بقى.
حاول الجميع التظاهر بعدم رؤيه ماحدث ولكن حور وتينا تبادلوا نظرات مبهوره، جعلت نبيله تقف بسرعه قبل أن تتحدث اى منهن وجذبتهم من ملابسهم وهى تقول..
قومو يالا يابنات ندور على ام الهبله دى.
قامت الفتيات ومازالت نرجس تنظر إلى وجه أنس الذى يقف أمامها مباشرتا و يطعمها وعيناه ينظران لها بحنان وحب جارف، ولكن توبه التى اقتربت من نرجس وجذبتها برفق وهى تقول..
معلش يا انس كل البنات مستنين نوجه.
ارتبكت نرجس وذهبت من أمامه بتوتر وهو ينظر لها بنظرات عاشقه جعلتها تتعثر وقبل أن تسقط التقتطها زراعه فركضت نرجس وخلفها توبه التى قالت لأنس..
بالله عليك ياانس تعلم التيران اللى وراك دول حاجه من الحاجات دى لاحسن انا وبنات عمى جضينا.
ثم تركته وذهبت، ضحك أنس بقوه على مالك وادم وشهاب الذين على وشك الانفجار مما قالته.
انتفضت ديانا وهى تردد اسم ابنتها تينا، لتفتح تغريده عينها وتملس على شعر ديانا برفق ورقه وتخرج لتحضر لها وجبه إلافطار، اما ديانا فكانت تشعر أن تينا قريبه، ركضت ديانا إلى الخارج وقلبها يكاد ينفجر من تسارع نبضاته ولم تشعر بقدميها الا وهى تركض وتركض حتى وصلت إلى البحر الأسود لتقف مصدومه وهى ترى تنين عملاق وبجواره اخطابوط ضخم ومعهم حوريه بحر جميله ترتدى تاج ضخم من اللؤلؤ، كانو يصدرون اصواتا غريبه وكأنها لغه خاصه بهم، ظلت تنظر لهم بصدمه حتى صمتت أصواتهم وهم ينظرون لها تاره ثم يتبادلون النظرات التى جعلتها تسقط على الأرض أمامهم وهى تبكى من الخوف،وتقول برعب..
وحوش، تينا طفلتى اين أنتِ؟
لم ترفع كفيها من على وجهها الا بعد أن شعرت أن هناك من يحتضنها من الخلف فصرخت وهى تلتفت برعب فلم تكن سوى تغريده الفتاه التى تقوم على خدمتها وهى تقول .
اهدئى ، اهدئى
نظرت لها ديانا بتيه وهى تبدل نظراتها بين هذه الوحوش وبين الفتاه التى لا تفهم ماذا تقول حتى وصل إلى مسامعها صوت دافئ يقول..
هل لا تفهمين لكنه تغريده؟
وضعت ديانا كفها على صدرها بحركه سريعه تدل على المفاجأة وقالت..
هل تتكلمين الالمانيه؟؟
ابتسمت الملكه غيوم وهى تقول..
اتكلم بأى لغه يافتاه، من أنتِ؟ ومن هى تينا؟
بكت ديانا وهى تقول..
انا ديانا، وتينا هى طفلتى, أرجوكى دعيها تفهم حديثى، هى من تعرف لماذا انا هنا.
تبادلت الملكه غيوم نظرات الشفقة مع جمجوم و وردان، ثم أشارت إلى تغريده لتقترب من الماء، أسرعت تغريده إلى الماء بابتسامه ودوده، فقذفت الملكه غيوم لؤلؤه صغيره من تاجها ارتطمت فى جبهه تغريده، فشعرت الأخرى بألم فى رأسها ولكن لم تمر ثوانى حتى عادت إلى طبيعتها واخيرا فهمت ما تقوله ديانا وهى تركض إليها وتقول بغضب موجهه حديثها إلى الملكه غيوم..
ماذا فعلتِ بها لم أطلب سوى المساعده، هل أنتِ بخير؟
تغريده..
بخير سيدتى، الملكه غيوم قامت بمساعدتى.
التفتت ديانا إلى الملكه غيوم لترى على وجهها علامات الاستياء من تطاولها و تجزم أنها رأت الابتسامه تعلو وجه الاخطبوط والتنين، ولكن هل هذه الكائنات تبتسم؟
ديانا..
اعتذر عن تطاولى؟
غيوم وهى ترمى جمجوم و وردان بغضب لا عليكِ، اسأليها ما تريدين.
ابتسمت ديانا وهى تقول..
ما اسمك؟
تغريده ..
انا تغريده سيدتى.
ديانا..
لماذا انا هنا، ومن أتى بى هنا واين تينا؟
تغريده .
لم يخبرني أحد لماذا أنتِ هنا، فقط كلفونى بخدمتك والبقاء معك للأعتناء بكِ، والملكه الام هى من ارسلتك وارسلتنى إلى هنا، وانا لم اعرف من هى تينا.
ديانا..
تينا ابنتى .
تغريده..
اقسم أننى انتظرك هنا بأمر من الملكه الأم قبل أن يأتون بكِ إلى هنا بشهور.
غيوم..
هونى على نفسك يافتاه.
ديانا..
اشعر انها قريبه من هنا.
غيوم بشفقه..
من زوجك؟
ديانا..
زوجى !!
غيوم ..
نعم ، من هو زوجك حتى احاول معرفه لماذا أنتِ هنا واين ابنتك.
ديانا..
اسمه سليمان ولكنه مات منذ ثلاث سنوات وبعدها قالت لى تينا أنها ستزور الجده جده زوجى ولكن بعد أن غادرت، ظهر رجلان غريبِ الأطوار واختطفونى وأتو بى إلى هنا.
جحظت عين تغريده وهى تقول..
أنتِ ام الاميره؟
ديانا..
اى اميره؟!
همهم جمجوم وقال..
الان افهم لما اصابك المرض يا وردان النبؤه تتحقق الاميره اولا وبعدها ملك جديد وأمراء من نفس الدم ولم اشكك أن حافظين العهد يسعون إلى استرداد المفتاح.
ديانا..
اى مفتاح؟!
صمت خيم على المكان لثوانى قبل أن تقول الملكه غيوم بجديه..
اذهبِ إلى المنزل تغريده واصحبى معك ديانا.
أومأت تغريده بأدب واصطحبت ديانا برفق وهى تقول..
هيا بنا سيدتى سأروى لكِ كل شيئ فى المنزل.
ذهبت معها ديانا وبعد ابتعادهم تكلم وردان بحزن وقال..
لقد أقترب الدمار.
لم يمر القليل فى صباح هذا اليوم على مدينه السحره الا وقد انتشر خبر مقتل هنرى والسحره التى كانت معه، ثم تساقط السحره فى شوارع المدينه ينازعون أنفاسهم الاخيره لتنتشر الفوضى بين السحره فى اقل من ساعه، شعرت ماريا بالخطر فأخبرت غزل أنها ستذهب إلى سهل التنين لتخبر الجميع بما حدث وتركت وجدان مع غزل التى كانت تشعر براحه وسلام نفسى جعلو خبر انتشار الموت بين السحره كأنه يحدث كل يوم وبعد أن ذهبت ماريا بكت وجدان فقالت لها غزل..
لما البكاء ياصغيره؟ لقد اقتربت نهايه الظلم.
اما فى المحفل الماسوني كاد المقنع أن يفقد عقله عندما أتته الاخبار بفشل المجموعه التى ذهبت إلى قتل غزل.
المقنع بغضب..
بيننا جاسوس.
صمتت الأفواه جميعا عندما أشار المقنع إلى ساحر وهو يقول..
كنت أشك فى امرك منذ البدايه.
ما أن أنهى كلماته وكانت رأس الساحر تنفجر وتتناسر حولهم.
معادنا أن شاء الله يوم الاتنين