مدينه السحره ❤️ بقلم.. سماح سمير شبل ❤️ فانتازيا كوميدي مغامره ((مكتمله))

الفصل السابع

اسفه للتأخير معلش بعد ما كتبت الفصل النسخه وقعت .
ياريت يبقى فيه تفاعل علشان التفاعل فى الارض .
وتانى النجمه مش بتكهرب 😂
ويارب يعجبكم الفصل .

الفصل السابع
مدينه السحره
بقلم
سماح سمير شبل

بعد انتهاء الفيديو حاول الجميع فتح بقيه الفيديوهات ولكنها لم تفتح وقالت لهم نرجس ان كل فيديو من هذه الفيديوهات له موعد والفيديو الثانى موعده بعد اتمامهم التاسعه عشر اى بعد بضعه ايام.
نبيله …
واحنا ايه اللى يجبرنا أننا نوقف هنرى اصلا ، احنا مالنا .
ادم بغضب …
بيقولك ، أنه عاوز يفتح بوابه الشر لتدمير العالم، تقولى احنا مالنا!
نبيله …
ياعم انت دى تخاريف والعالم هينتهى لما ربنا يأذن .
ادم …
ونعم بالله ، بس نفهم للأخر علشان نقدر نقرر.
شهاب …
ادم عنده حق .
مالك …
وبعدين احنا لسه ما مش عارفين هو عاوزنا نعمل ايه اصلا .
توبه …
فى مشكله انتو كلكم مش واخدين بالكم منها ، احنا هنروح الجامعه ازاى ولا السنه دى هتروح علينا ولا ايه ؟
چيدا بحماس…
نرجس هتحلها .
أومأت لهم نرجس بابتسامه وقالت ..
اعتبرو نفسكم من أوائل الدفعه ، وكمان انا واثقه أن جدكم مرتب كل حاجه علشان ما تتعبوش فى البحث والفيديو اللى جاى هيشرح فيه كل حاجه .
چيدا ..
انتى اكيد عارفه ايه اللى هيقوله ، ما تقولى لينا عليه .
نرجس ..
فى حجات اعرفها وحجات تانيه لا ، ومش مسموح لى انى اقول اى حاجه من اللى جدكم هيعرفها ليكم بنفسه.
ادم ..
خلاص يا نرجس روحى انتى .
ذهبت نرجس إلى الداخل فقالت نبيله .
بصو بقى احنا نعدى السنه دى وناخد فلوسنا ونخرج من هنا ونسافر برا البلد لا من شاف ولا من درى.
ادم بغضب ..
انتى فاكره أن خروجنا من هنا هيبقى سهل ، انسى ياماما جدك شكله مرتب كل حاجه قبل ما يموت واحنا بمزاجنا أو غصب عنا متورطين معاه .
شهاب ..
نيلى ، لازم نفهم كل حاجه علشان نقدر نحدد موقفنا وكمان لازم نشوف باقى الفيديوهات.
توبه ..
صح ، ما انتو شفتو حصلنا ايه لما عاندنا جدنا فى الاول.
مالك …
حبيبتى العاقله .
احمر وجه توبه ولم تعلق ، فقال شهاب ..
مالك ياچيدا ساكته ليه؟
چيدا بقلق …
انا خايفه نقضى عمرنا كله بنفذ أوامر جدنا ، انا طموحى مش كده خالص .
انتبه لها الجميع فهى حقا لا تمزح .
ادم بتوتر …
احنا نستنى لما السنه دى تعدى و بعدها هتظهر كل حاجه .
مالك بمرح. ..
ايه رأيكم نسهر مع بعض ونتفرج على فيلم.
تحمس الجميع وقالت توبه بحماس ..
فيلم كوميدي.
مالك …
چومانچى .
چيدا بملل ..
احنا اتفرجنا عليه قبل كده .
مالك بحماس ..
انا معايا الجزء التانى .
توبه ..
وساكت .
نبيله ..
ده انت رخم يااخى .
چيدا ..
اتفرجت عليه طبعا لواحدك .
مالك ..
بااااس ، انا كنت هقولكم بس جدكم مات واتسحلنا .
شهاب …
طب نتفرج عليه فى اوضتى انا عندى شاشه كبيره .
ادم بستفهام ..
صحيح ليه انت الوحيد اللى اوضتك مميزه ، شاشه كبيره وانتريه كامل واحنا كنبه واحده وكمان تحس انها جناح من مساحتها .
شهاب …
مش عارف ، نسأل نرجس .
صعد الجميع إلى غرفه شهاب وبعد أن جلسو طلبو من نرجس أن تحضر لهم بعض الحلوى والمشروبات، وبعد أن أحضرت نرجس ما طلبوه سألها شهاب عن سبب تميز حجرته ، فقالت..
دى اوضه امك وعلشان هى كانت البنت الوحيده فكانت مميزه فى كل حاجه وجدك زود فيها حجات بسيطه.
چيدا ..
يعنى اوضتى كانت اوضه بابا .
نرجس ..
ايوه كلكم .
توبه ..
امال ايه الاوضه اللى مقفوله فى اخر الطرقه دى ؟
نرجس ..
اوضت عمكم .
عمنا !!!
قالها الجميع بصدمه ، فقالت نرجس ..
ايوه،جدكم خلف بعد ما خروج ولاده من البيت ، بس للأسف بعد خمس سنين مات .
شهاب بصدمه …
ليه ، هو اتجوز تانى ؟
نرجس …
لا ، بس خلف .
نبيله بشمأزاز ..
الله يحرقه ،خلف من الحرام !!
جحظت عيون الجميع ، ونظرو لنرجس ينتظرون اجابه فقالت .
وما ملكت ايمانكم .
ادم بغضب وتلعثم ..
يعنى خلف من ، من
نرجس …
من عبده عنده.
مالك …
ما فيش غيرك هنا ، منك ؟
نرجس ..
لا ، واحد صاحبه أهداه عبده وبعد ما قعدت هنا فتره ، عرفت انها حامل ويوم ولادتها ماتت ، وانا اللى اهتميت بالطفل بس تعب ومات .
شهاب بخبث…
طبعا لازم تموت ما هى اى واحده خلف منها ماتت ، بس ايه السر فى كده يانرجس ؟ اكيد تعرفى صح ؟
نرجس بتوتر ..
معرفش .
تبادلو نظرات الشك ، فقالت چيدا ..
خلاص ، مش مهم يانرجس .
مالك ببساطه ..
اقعدى يانرجس اتفرجى معانا على الفيلم .
نظرت نرجس للفتيات بقلق،  فقال مالك بغضب ..
مش بقول اقعدى .
نرجس …
حاضر .
جلست نرجس بجوار الفتيات وهى قلقه من أن تغضب الفتيات منها ولاكنها اطمئنت عندما قالت نبيله لمالك أن يبدأ بالجزء الاول حتى تفهم نرجس الأحداث ، وبالفعل وضع مالك الجزء الاول من الفيلم وتبادلو الأحاديث المرحه ، وشعرت نرجس بالسعاده وهى بصحبتهم ، بعد قليل من بدء الجزء الثاني من الفيلم ، استسلمت نبيله للنوم ، فقالت چيدا وهى تبعد رأس نبيله عنها بعنف .
ما تتنيلى تنامى فى اوضتك ، ايه العاده الزفت دى .
وقفت نرجس لتحمل نبيله إلى غرفتها ، فقفز ادم وهو يقول ..
انا هشيلها ، لتوقعيها انتى .
ابتسمت نرجس وجلست مره اخرى وحمل ادم نبيله برفق وطلب من توبه أن تأتى معه.
توبه بملل ..
يوووه ، كل مره بروح معاك ومش بعمل حاجه وانت اللى بتنيمها وتغطيها .
ادم بغضب وهو يحمل نبيله بين يديه…
خلصتى ؟ يالاه.
خرجت توبه خلفه وهى تدبدب على الأرض مثل الأطفال .
ابتسم مالك على تصرفاتها ، كما ابتسم شهاب على ادم فهو فى كل مره يفعل هذا وتوبه تتذمر وهى لا تعلم لماذا ،اما هو فيعلم أن ادم يفعل هذا خوفا من نفسه على نبيله ، فهى عندما تخلد للنوم لا تشعر ولو قتلها أحدهم لأن نومها ثقيل .
انضم ادم وتوبه إليهم مره اخرى ، ثم بعد قليل شعرت نرجس بلنعاس وستأذنت منهم وذهبت للنوم كما فعل ادم وبعده مالك وتوبه ، اما چيدا فقالت ..
شهاب انت عاوز تنام ؟
شهاب بابتسامه ..
انتى عاوزه تكملى الفيلم ؟
چيدا بحماس …
فاضل ربع ساعه ويخلص وهمشى على طول  .
شهاب …
براحتك انا كده كده هكمله .
تحمست چيدا والتفتت الى التلفاز وظلت مندمجه مع أحداث الفيلم وشهاب ينظر لها وهو يقول فى نفسه.
اللى يشوفك دلوقتى وانتى كيوت كده يقول ان العيبه ما طتلعش من بوقك وانتى جزمه ولسانك طويل وبتقولى عليا حمار ، انا حمار ياكلبه علشان كنت بعملك اللى انتى عوزاه ماشى، ورحمه امى وابويا لأربيكى .
انتهى الفيلم فقالت چيدا بحماس ..
ايه ده كده هيعملو جزء تالت .
شهاب ..
شكلهم كده .
چيدا بهيام …
ياريت ، انا بحب روك قوى .
شهاب وهو يجز على أسنانه …
بتحبيه ؟؟! ما كنتش اعرف انك بتحبى الرجاله السمرا .
چيدا بحماس ..
شوفت عضلاته ، ولا طوله، والوشم اللى على صدره واوو بجد.
شهاب ..
عضلاته !!! وطوله ، انتى هبله ياچيدا ، ما نص الرجاله طويله وعندها عضلات.
چيدا …
انتى هتوقف لى على الواحده .
تمالك شهاب نفسه ورسم ابتسامه على وجهه وقال…
صحيح ياچيدا ، انتى كان قاصدك ايه ب مش دى طموحى.
چيدا بتنهيده ..
عارف ياشهاب انا من صغرى لوحدى غيركم انتو اتربيتو مع بعض وكنتو أصحاب واخوات انا لا ، مامى كانت هى كل حياتى هى وجدو ، حتى فى المدرسه ما فيش حد كان بيحب يصاحبنى ولا يتكلم معايا وكمان ما فيش قرايب لينا هناك فكنت وحيده قوى ولما جيت مصر وقعدت معاكم حسيت يعنى ايه عيله واخوات ، ودوشه بس دوشه حلوه حتى لما كنت بستفذ نيلى كنت يبقى قاصده ،على طول كان نفسى يبقى ليا اخت ونتخانق انا وهى .
ثم صمتت ونظرت لشهاب الذى أشفق عليها وقالت .
قررت انى لازم يبقى عندى عيله كبيره ، اكون نفسى واتجوز واخلف عيال كتير قوى علشان مايبقوش زيى .
شهاب …
يعنى انتى طموحك تتجوزى وتخلفى وانتى اصلا مش بتعرفى تعملى لنفسك كوبايه شاى !!
چيدا بغضب ..
هتعلم .
شهاب …
ومين بقى المنحوس اللى هيستناكى تتعلمى .
چيدا بغضب ..
هتعلم قبل ما اتجوز .
شهاب وقد تذكر ما قالته عليه…
ماشى بس ياحرام دى أمه هتبقى داعيه عليه.
چيدا بغيظ .
انا الف واحد يتمنى ليا الرضى ارضى وهتشوف .
شهاب ..
هشوف ، ازاى يعنى؟
چيدا وهى تقف وتضع يدها فى وسطها .
لما تخلص السنه دى ونخرج برا البيت ده مش هتلاحق على العرسان اللى يتمنو اشاره بس من صباعى.
ثم تركته وخرجت من الغرفه ، وتركته يقف وهو يلعن نفسه ، لقد حاول اغاظتها فكان الغيظ من نصيبه هو.