بقلم سماح سمير شبل عطالله
هناك شعره بين الحقيقه والخيال ، اوقات تكون الحقيقه لدى البعض منا خيال، لم يكن ابليس ساذجا حتى يطرد من الجنه ويترك سلاله ادم البشرى الذى فضله الله عليه فى سلام ، لم تكفيه الوسوسه هو وعشيرته حتى يسرق الإنسان ويقتل ويفعل الجر...
ركض الجميع خلف نرجس إلى الطابق الثالث والرعب يتخلل اوصالهم من صوت نباح الكلاب المرعب ، لقد ظن الجميع أن الكلاب سوف تهاجمهم من شده النباح خلفهم ولكن عندما التفتو خلفهم لم يجدو الا اصوات النباح فقط،صرخت بهم نرجس ليسرعو خلفها ،وصلو إلى الطابق الثالث من المنزل وركضت أمامهم نرجس إلى حائط زهرى أمامهم وقالت وهى تلتقط أنفاسها بصعوبه ( چليو اوسيا هوسا) فختفى الحائط واستبدل بباب غرفه فتحته سريعا والتفتت إليهم وعندما قالت لهم أن يدخلوه لم يجيبها أحد من هول ما رأوه فتذمرت وقالت. ( اني ما) فركض الجميع بدون اراده إلى الداخل ودخلت خلفهم نرجس فأنغلق الباب من طلقاء نفسه وظهرت مره اخرى الحائط الزهرى ،اما فى الداخل وضعت نرجس يدها على صدرها براحه وعندما رفعت وجهها كان الجميع ينظر لها بشك وغضب ، فتوترت نرجس وقال ادم بعصبيه وهو يتلعثم.. ممكن نفهم ايه اللى حصل ده وليه الكلاب عملت كده ؟ نرجس .. الكلاب كانت بتحزرنا أن جواسيس هنرى قريبين من البيت ، علشان كده جينا المخبئ السرى . مالك بسخريه .. لا واللهى ، مش المفروض أن البيت أمن وكده ولا ايه . نرجس ... برا البيت ده ممكن عبيد روهان فى اى لحظه يكونو قدامكم إنما هجومهم على بيت ساحر عظيم زى جدكم ممكن يحصل مره كل شهرين تلاته لأنهم بعد هجومهم بيتحبسو فى المدينه بأمر من القاضى حتى لو الساحر مبلغش عنهم ،وكمان الحصن السرى ده لو قدرو يهربو من الكلاب و اقتحموا البيت استحاله يوصلو ليه لان جدكم كان فريد من نوعه فى السحر الذهبى. شهاب ... واحنا هنقعد فى الاوضه دى لأمتى ؟ نرجس ... ساعه بالكتير ويكونو بعدو عن البيت ،ولما تجيلى الاشاره هنخرج. ادم .. اشاره من مين ؟ نرجس .. من الكلاب ، ما تشغلوش بالكم انتو بحاجه . كانت توبه ونبيله وچيدا يجلسون بجوار بعضهم البعض والزعر يظهر جليا على وجوههم ، فأشفقت عليهم نرجس وتقدمت منهم وقالت... متخافوش ، هنا استحاله حد يسمعنا أو يقدر يدخل لنا . نبيله بقلق ... ايه اللغه اللى اتكلمتِ بيها دى ؟ نرجس .. دى لغه السحره ، وكانت مدينه السحره بتتكلم بيها بس مع مرور الوقت بقو بيستعملوها للسحر بس، چليو يعنى (حصن) و اوسيا(خيره) و هوسا ( السحره) . مالك .. حصن خَيره السحره !! نرجس ... ايوه جدكم من احسن السحره على مر الزمن لانه كان بيستعمل السحر الذهبى فى الخير عكس عائلات كتير استغلو السحر ده فى الشر . توبه بحنان .. يعنى هو كان طيب . نرجس وقد دمعت عيناها .. جدا ، الله يرحمه . نظر لها الجميع بدهشة فقال ادم ... مش عارف ليه لا مرتاح لك ولا مرتاح لكلامك ولا جدى اصلا. نرجس بهدوء .. بكره تتأكد بنفسك من كلامى وتعرف أن جدكم راجل هيخلد اسمه التاريخ . شهاب ... التاريخ مره واحده ؟ نرجس .. تاريخ مدينه السحره . چيدا .. ما هو مات ، خلدو اسمه ولا لسه مستنين لما نموت فطيس ويتخلد اسمنا معاه ؟ ضحك الجميع فقال شهاب .. مالكم باجماعه ، خليكو كووول كده ، اقولكم اعتبروها رحله . ادم بأنفعال ... انت ليك نفس تهزر ؟ شهاب ... اه ما احنا هنتحبس سنه ، اكيد مش هقضيها حرق فى اعصابى يعنى. مالك .. ادم ، شهاب عنده حق. صمت ادم وهو ينظر لنرجس بغضب ، فتوترت نرجس واحمر وجهها وابتعدت عنهم قليلا لتجلس فى أحد المقاعد ، اشفقت عليها توبه ولكن قررت التحدث معهم عن هذه المعامله الجافه بعد أن يخرجوا من هذا الحصن. ظل الصمت حليفهم حتى اضائت قلاده نرجس بضوء خافت يختفى ويظهر فكانت نرجس شارده ولم تلحظ القلاده إلا بعد أن اقترب منها الجميع ينظرون إلى هذا الضوء ، ويسؤلنها عن سببه ، فأعتدلت وقالت.. خلاص كده مشيو . ثم فتحت الباب ليجدو أمامه حائط فقالت . چليو اوسيا هوسا . فأختفى الحائط وخرجت والجميع خلفها وبعد ثوانى اختفى الباب وظهر الحائط مره اخرى ، لينظر له شهاب بغموض ويرجع للخلف بعض خطوات ويركض وهو يصتدم فى الحائط بكل ما أوتي من قوه ، على مرأى الجميع ، فسقط أرضا من اثر اصتدامه بها وهو يصرخ من الألم فى كتفه ، ركض إليه الجميع وحاول ادم ومالك أن يساعدوه على الوقوف ولكن لم يتحمل الألم وصرخ مجددا ، فأسرعت له نرجس وهى تقول .. كسرت كتفك ، ما تتحركش. ثم جلست خلفه وظلت تُتمتم بكلمات هامسه غير مفهومه ، ثم ظهر من الا شيئ زجاجه معلقه بالهواء ، فأخذتها نرجس ومزقت ستره شهاب وظلت تضع قطرات من الزجاجه وتقوم بتدليكها وهو يئن حتى فقد وعيه ، فأسندت نرجس رأسه سريعا على قدمها حتى لا تسقط على الأرض ، ورفعت عيناها لترى چيدا التى تقف فوق رأسها وتنظر لها بغضب وهى تقول .. ما تخديه فى حضنك احسن . لم تعلق نرجس ، ولكن ادم ومالك اقتربو ليحملوه ، فلم يستطيعو ، فقالت نرجس .. اسند رأسه بس يامالك علشان اعرف أقف لو سمحت . فعل مالك ما تريد ، فأعتدلت واقفه وقالت.. ( رف دِك شهاب) فأرتفع جسد شهاب فى الهواء وهو مسطح على ظهره فصرخت الفتيات ورجع ادم ومالك للخلف خطوطين من شده الصدمه ، نزلت نرجس الدرج وخلفها جسد شهاب الطائر حتى وصلت إلى الطابق الثاني وفتحت غرفه شهاب وبهدوء تام هبط جسد شهاب على الفراش وهو مازال فاقد الوعى ، آفاق الجميع من صدمته وركضو خلفهم إلى حجره شهاب ،ليجدوه يهبط على الفراش وأمامه نرجس التى أشارت لهم بيدها حتى لا يزعجونه ، ثم خرجت وخلفها الجميع وأغلقت الباب . چيدا بهجوم .. عملتى فيه ايه ؟ نرجس بهدوء.. كسر كتفه وعالجته . مالك .. انتى ساحره بجد بقى . نرجس .. أنا مقدرش استعمل السحر الا فى خدمه أسيادى بس . ادم بتوتر .. شهاب هيفوق امتى ؟ نرجس .. بكره . نبيله وهى تجذب يد چيدا وتوبه وتقول .. نرجس تعالى ورايا . أومأت نرجس بطاعه وسارت خلفهم حتى دخلو حجره نبيله واغلقو الباب . ادم ... هتعمل فيها ايه ؟ مالك بسخرية... مش بعيد تاكلها . نظر له ادم برعب فقال مالك .. ياعم بهزر ، تعالى ننزل نشوف حاجه نأكلها . //////////// فى مدينه السحره يقف رجل فى أوائل العقد الخامس وأمامه ثلاثه من العبيد ينكسون رؤوسهم ، فقال ببرود... هل كانو هناك؟ تحدثت فتاه من عبيده وقالت وهى مازالت منكسه رأسها للأسفل.. لا نعلم سيدى ، لقد هاجمتنا الكلاب ومزقو رقم 8 ولم نستطيع أن ندلف الى المنزل . هنرى بغضب .. اذهبوا وعندما يسألكم القاضى عليكم الصمت فقط . أومأ الجميع بالموافقه وغادرو . دخلت على هنرى أمرأه مازالت فى منتصف العقد الثالث وقالت بغضب .. هل مازلت خلف احفاد السمرى ؟ هنرى ببرود .. وما دخلك أنتِ ماري بسخريه ... انت زوجى ، ام نسيت. هنرى ببرود ... اذهبى مارى أنتِ تجعلينى أشعر بالغثيان عندما اراكِ . غضبت مارى وقالت من بين اسنانها .. سوف تندم هنرى . ثم خرجت وهى غاضبه. أما هنرى فقد بثق عليها وهى تخرج ، وقال.. اللعنه عليكِ انتِ وزواجنا الملعون مارى. ///////////////// فى غرفه نبيله . نبيله... بصى بقى يانرجس ، اول حاجه انسى خالص حوار العبوديه ده واعتبرينا اصحابك . نظرت لها توبه بصدمه وچيدا بغضب ، فقالت نرجس .. انا مش بمزاجى انى اتصرف كا عبده ، اولا دى تصرفات بتطلع منى حتى لو مش عاوزه اعملها ، ولو أمرتونى انى اقتل نفسى ايدى هتتحرك غصب عنى واقتل نفسى ، لان دى قوانين المدينه وزى ما السحر بيجرى فى دمكم انا كمان العبوديه بتجرى فى دمى . توبه بأشفاق ... خلاص انا هحررك وتبقى حره . نرجس بابتسامه ... غلط ، اولا انا مش من ممتلكاتك انتى بس ، لازم كلكم تدونى حريتى ، ثانيا بعد حريه العبد مباشرتا بيبقى مجبور يقتل سيده ودى القوانين وبعدها القاضى بيبيع العبد لعيله تانيه. جحظت عيون توبه ونبيله وچيدا ، وقالت نبيله.. يعنى نحررك تقتلينا!!! نرجس بحزن ... دى قوانين المدينه ، وحطوها علشان مافيش حد يفكر يحرر عبيده وكمان يبقى عبره لغيره لو عملها ، غير انهم ما بيعترفوش بتحرير العبد بعد قتل سيده . توبه بعدم فهم .. مش دى قوانينهم!! نرجس ... ايوه ، بس هما عملوها علشان يبقى فيه حق بتحرير العبيد ونفس الوقت لا . چيدا ... ده ظلم . نرجس ... دى القوانين ، وبعدين انا احسن من غيرى بكتير . چيدا ... بس مش لدرجه ان واحد من السفله دول يطلب منك قله ادب وتوافقى . نرجس ببساطه ... لو طلبو مقدرش اقول لا، غير فى حاله واحده. الثلاثه فى نفس الوقت.. ايه هى ؟ نرجس .. أن انتو التلاته تؤمرونى بكده ، ساعتها هيبقى تلاته ضد واحد وهكون مع رأى الاغلبيه . نبيله ... ولو مثلا يعنى مالك طلب ده منك وشهاب وادم وافقو هتعملى ايه؟ نرجس ... وقتها هبقى مستنيه واحده فيكم توافق ويبقو هما اغلبيه. نظرت چيدا ونبيله إلى توبه برعب ، فقالت توبه ... انتو بتبصو لى كده ليه انا استحاله اوافق على حاجه زى دى . چيدا بقلق ... انا مش قلقانه غير منك انتى ، مالك لو عمل وش الكلب هتوافقى ولا شهاب لو زغرلك بس مش بعيد تدخلى معاهم وادم السهن ده بيعرف يتصعبن . توبه .. لا واللهى . نبيله .. ياخوفى ، ما علينا ، نرجس احنا التلاته بنأمرك انك ماتعمليش كده ابدا مع اى بغل من اللى برا دول ولو واحد فيهم طلب منك ده تيجى تقولى لينا على طول . نرجس .. حاضر . چيدا ... وكمان بلاش السهوكه قدامهم ، مش عاوزين فضايح ، احنا هنتحبس مع بعض سنه كامله . نرجس .. حاضر . توبه ... انتى صعبانه عليا بجد يانرجس . نرجس .. ليه بس ، انا والله مبسوطه وبعدين لما تروحو مدينه السحره وتشوفو العبيد بيتعاملو ازاى هتعرفو انى محظوظه . نبيله .. اه حاجه تانيه مهمه ، انا مش بحب حد يقولى يا انسه وكمان بلاش نبيله ده علشان مش بحبه قوليلى يا نيلى ، علشان ما اقلبش عليكى. نرجس .. حاضر يا نيلى . نبيله بابتسامه .. ايوه كده . چيدا ... سؤال بقى هموت واسأله ، ليه لما انتى عارفه أنهم مايعرفوش أننا بندخن ، فضحتينا قدامهم وكمان ما حاولتيش تساعدينا وشهاب بيضربنا؟ نرجس... جدكم قالى انكم لازم تعرفوا كل حاجه عن بعض ودى كانت حاجه من اللى كل واحد مخبيها عن التانى ، ثانيا ولا واحده فيكم طلبت منى أنى ادخل أو اساعدها . توبه .. الله يسامحك ياجدى انا جسمى كله ورم . نبيله .. ومين سمعك ، الواد كان عامل زى الطور الهايج . چيدا ... طور ف عينك ، ماهى عينك الصفرا دى اللى جابته الأرض . نبيله ... ايه ده ، چيدا شكلها وقعت فى البغل وحبته. چيدا بتوتر .. حب ايه وبتاع ايه ياحماره انتى . نبيله بمرح ... لا واللهى ده انتى شكلك واقعه على الاخر، ولا انتى رأيك ايه نرجس . نرجس بعمليه .. چيدا بتحب شهاب، ونيلى بتحب ادم ، وتوبه بتحب مالك. جحظت عيون الفتيات وقالو فى نفس الوقت .. يخربيتك . توبه برعب ... اوعى تقولى قدامهم وحيات امك يانرجس. چيدا. . نهارك بلاك لو كنتى قولتى . نبيله ... يامهزأه انا سألتك عن چيدا بس ، تقومى تفضحينا كلنا ؟! نرجس .. ماقولتش لحد ، بس انتو ليه ما قولتوش ليهم انكم بتحبوهم. توبه بشهقه ... نقول ايه انتى مجنونه! چيدا ... لا طبعا كرامتى ما تسمحش . نبيله ... وانا لو قلت لأدم انى بحبه ممكن يطب ساكت. نرجس ... بس هما كمان بيحبوكم. جحظت عيون الفتيات وقالت چيدا بالهفه .. شهاب بيحبنى بجد؟؟ نرجس .. ايوه ، وادم بيحب نيلى ومالك بيحب توبه . نبيله بغضب ... امال مشلولين فى لسانهم ليه ومش بيقولوا . فى هذه اللحظه كان ادم ومالك سيدخلون الغرفه ليسألو نرجس أن تحضر لهم وجبه ، ولكن استوقفهم كلام نبيله ، فوقفو أمام الغرفه لينصتو لحديثهم. نرجس. .. خايفين انكم تكونو بتعتبروهم إخواتكم . توبه.... خوت لما يخوتهم ، ما المفروض يبقو عندهم نظر يعنى مالك المفجوع ده مافيش واحده فيهم بتعبرو لما يبقى جعان غيرى . چيدا .. وشهاب عارف انى مش بسمع كلام حد غيره ، وبردو حمار ومش فاهم. نبيله ... كله كوم والغبى ادم كوم تانى ، كلهم بينسو أنه عنده حساسيه من الفراوله الا انا وبردو براس عجل مش فاهم انى انا اللى بهتم بيه . ///// خارج الغرفه كان مالك وادم يضعون آذانهم على الباب وعلامات الصدمه على وجههم . مالك بهمس .. انا مفجوع ياتوبه الكلب؟ ادم بهمس .. احمد ربنا انا نيلى بعترت كرامتى فى الارض غبى وبراس عجل . مالك بهمس ... شهاب لو كان هنا كان علق چيدا فى السقف لما يبان لها صاحب. ادم بهمس .. طب تعالى ننزل علشان نرجس ممكن تقولهم اننا هنا . مالك ماشى. ثم نزلو مره اخرى إلى الطابق الارضى . ادم ... يعنى لو مكنتش جوعت وطلعنا نسأل نرجس على الاكل كنا هنفضل فاكرين أنهم بيعتبرونا اخواتهم . مالك .. ورحمه امى لأربيكى من الاول وجديد يا توبه الكلب . ادم بغموض .. يفوق بس شهاب ونقعد نتكتك مع بعض، ماشى يانيلى . ///////////////////// مر اليوم واستيقظ شهاب فى اليوم التالى وهو يشعر بخمول فى جسده ولكنه قاوم الخمول ودخل دوره المياه وأخذ حمام بارد ليزيل اثار النوم ، ثم ارتدى ملابس مريحه ونزل إلى الاسفل فكان الجميع بأنتظاره على مائده الطعام . شهاب .. صباح الخير . رد الجميع عليه التحيه وسألوه عن كتفه ، فقال لهم أنه بخير ولا يشعر بأى ألم ثم التفت الى نرجس التى كانت تقف بالقرب من المائده وشكرها على مساعدته فأكتفت بأبتسامه رقيقه. مالك بخبث .. مالك يا چيدا ، بتبصى لشهاب كده ليه ؟ التفت الجميع إلى چيدا التى ابتلعت لعابها وقالت.. عادى يعنى ، مستغربه أن الكسر خف بسرعه. شهاب .. الحمد لله . نبيله ... اه طبعا الحمد لله ، بس ما تعملش كده تانى ، عامل عقلك بعقل حيطه! شهاب بحرج ... ما خلاص يا سكر. ادم ... معلش أصلها سعات بتبقى براس عجل . نبيله بغضب ... ما تلم نفسك يا آدم بدل ما اقوم اضربك. ادم ببساطه ... قومى . چيدا وهى تمسك يد نبيله وقالت بقلق .. اقعدى يانيلى ، ما تعمليش عقلك بعقله . توبه ... ما تسبيها تضربه هو اللى بدأ. چيدا وهى تجز على اسنانها... لا ، الطيب احسن . مالك بسخرية ... شطوره يا جوجو . شهاب ... مالكم فيه ايه ع الصبح. ادم .. مافيش. أنهى الجميع طعامه فى صمت وكانت چيدا تختلس النظر إلى مالك وادم وهى تتدرع إلى الله فى نفسها أن لا يكون ادم أو مالك قد سمعو حديثهم أمس . أنهى الجميع طعامه وطلب كل منهم مشروب من نرجس وجلسو فى التراس . نرجس ... تؤمرو بحاجه تانيه. ادم بمكر ... ما يؤمرش عليكى ظالم ياقمر . جحظت عين نبيله وهى تقول ... يا ننوس عين ماما. ادم .. ايه ؟ شهاب وهو يزفر ... خلاص يا نرجس روحى انتى شكرا . أومأت نرجس وذهبت وعيون مالك ترافقها حتى اختفت من أمامه. توبه بحنق .. ما تروح وراها . مالك ببرود ... لا مش دلوقتى . چيدا بتوتر ... ما تيجى يانيلى نقعد فى الجنينه ، يالا يا توبه . توبه وهى تقف بغضب... يبقى احسن . قامت نبيله تتبع چيدا وتوبه ولكن التفتت مره اخرى لهم وقالت ... قلو من السهوكه يا جماعه علشان معدتى بتقلب . ثم لحقت بچيدا وتوبه . شهاب ... ما تفهمونى فيه ايه ، وانت يا آدم خلاص فجرت بتعاكس البت قدامنا ؟ ادم .. هفهمك . ///////////// فى حديقه المنزل توبه برعب ... يانهار منيل لو اللى انتى بتقوليه ده بجد. چيدا ... انا مش متأكده ، بس نظراتهم لينا مش مطمنانى وكمان ادم اول مره اشوفه بسفاله دى. توبه ... طب هنعرف ازاى أن كانو سمعونا ولا لا ؟ چيدا .. انتى ساكته ليه يانيلى؟ نبيله ... بصو هى حاجه من الاتنين ، يا اما سمعونا وعاجبهم الكلام بس زعلو من تشبيهاتنا، يااما كل ده صدفه ، اصلا هما سفله وبيشتمونا ، بس لو شهاب ضرب چيدا من غير سبب يبقى هما سمعونا وقالو له انها قالت عليه حمار. چيدا بغضب ... منك لله يانرجس من ساعه ماشفت وشك وانا بضرب بسببك . نبيله ... اه بنت الرفضى ,بس هى ملهاش ذنب الدور والباقى على جدكم المهزأ ، هو اللى قال لها تعمل كده . توبه ... حرام يانيلى ماتشتميش واحد مات . كانو يجلسون على العشب والجراء تلهو بعيد عنهم ولكن تفاجأو بجرو صغير يقترب من توبه ثم بدأ يتمسح بها. توبه وهى تحمل الجرو بحنان وابتسامه قالت.. ياروحى على القمر انت اسمك ايه ياصغنن . چيدا وهى تمسح على رأس الجرو قالت... وشها كيوت قوى شكلها بنت . نبيله وهى تداعب الجرو قالت .. وانتى ايه عرفك ما يمكن ولد . چيدا بتصميم .. لا الولاد بيبقو كشريين ومها كانو حلوين بيبان عليهم ، إنما دى كيوت قوى . لم تمر دقيقه واحده واقتربت جميع الجراء منهم وظلو يلعبون معهم بحرص حتى لا تغضب امهم التى اقتربت من چيدا ونبيله وتوبه بحذر وكانت تجلس وهى تراقبهم خوفا على جرائها . توبه وهى تنظر بحزن لأم الجراء... شوفو بتراقبهم ازاى ، خايفه عليهم مننا ، تفتكرى يا نيلى امى لو كانت عايشه كانت هتخاف عليا كده . نبيله ... اكيد ما انتى بنتها . چيدا ... تيجو نسميهم . توبه بحماس .. طيب اندهى نرجس تقولنا أن كان ليهم أسامى ولا لا . قفزت چيدا فتأهبت الكلبه الام فقالت لها چيدا .. ما تخافيش يا ام العيال ، انا رايحه انادى نرجس . جلست الكلبه مره اخرى وكأنها استوعبت ما قالته چيدا ، وبعد قليل حضرت نرجس وجلست معهم وبدأو فى تسميه الجراء . //////// فى الداخل . شهاب ... انا حمار !!! مالك .. شوفت . ادم بانفعال .. يعنى انا افضل طول عمرى زى ظلها وهى اللى مش فاهمه وف الاخر ابقى انا اللى غبى وكمان براس عجل ! مالك .. والمتخلفه اللى دائما اقولها انا بحب اكلك وكنت بتحجج أنى جعان نص الليل علشان اقعد معاها شويه بتقول عليه مفجوع . شهاب ... انا حمار !! مالك ... انت علقت ولا ايه ؟ شهاب بخبث. .. مش عاوز واحد فيكم يلمح للبنات مجرد تلميح انكم سمعتو حاجه. ادم بحماس ... ايوه بقى ، خطط يا نجم واحنا معاك بس اخد حقى من نيلى . شهاب بهمس .. ركزوا معايا . ///////////////// نرجس بابتسامه .. العشا جاهز. تجمعوا مره اخرى على طاوله الطعام وبعد أن انتهو . شهاب بجديه ... نرجس نرجس .. نعم . شهاب .. الوصيه جدى قال فيها إن امى عرفت نص الحقيقه وما جبش سيره انها حبت او أن الموضوع فيه رجاله اصلا . انتبه الجميع ونظرو الى نرجس ينتظرون رد . نرجس .. انتو اتفرجتو على باقى الفيديوهات ؟ الجميع . لا . نرجس .. خلاص ، اتفرجو عليها وبعدها اى سؤال هحاول عليه . ثم أحضرت الكمبيوتر المحمول الخاص بالجد من حجره شهاب و وضعته على الطاوله ونقرت على الفديو الاول ليبدأ . كان الجميع مترقب ما سيقوله الجد ، بدا الفيديو بالجد يضع أمامه اوراق كثيره وقال.. طبعا الفيديو ده بيأكدلى انكم هنا ، كويس ، المهم طبعا انتو قابلتو نرجس وشرحت لكم انتو ايه ومن نسل ايه ، انا بس عاوز احكى ليكم انا ليه موافقتش على جواز عزيزه من هنرى. ثم صمت وارتدى نظاره قرأه ومسك الورق الذى أمامه وقال. . الورق ده بيثبت إن عيله روو بيسعو لفتح بوابه الشر ، وبيسعو علشان يبقو الحرس الداخلى من مدينه السحره ، وغير كده ان هنرى نفسه متنقل مش مقيم زى ما الناس فى مدينه السحره فاهمه وخروجه ودخوله بيتم بسريه تامه ، هتقولولى ليه مقدمتش الورق ده للقاضى مدينه السحره ، هقولكم انها مجرد نسخ مش أصل ، وفى مدينه السحره ما بيعترفوش غير بالاصل ، المهم انا قدرت اوصل للأصل من الورق ده بس للأسف ولادى بجهلهم ، سرقوه من ضمن الفلوس اللى كانت فى الخزنه ، ولما طلبت منهم الورق قالو لى أنهم سلموه لهنرى لانه قال لهم أن انا بخطط لدمار عائلته وهما كلهم اغبيا مافكروش يقرو ورقه منه لانى متأكد انهم كانو هيرجعو ليه ويساعدونى . ثم أخرج زفره وقال .. انتو هتبقو فى امان لغايه ما تبقو عشرين سنه وساعتها هتقدرو تعملو اللى مقدرتش انا اعمله . انتهى الفيديو ،
Oops! This image does not follow our content guidelines. To continue publishing, please remove it or upload a different image.
