مُتعبة ، مُشتتة ، ضائعة
ترخت جمّيع قوتيّ فلم أعد أقاوم
روحيّ عليّ الهاوية ، مُنتظرة السقوط
كَالعُملة بوجهيّن ، وجهَ مشوه ومتألم ووجه يأبيّ ذلك
لا أُريد الأسَتسلام ولكَنيّ أفعل
واقواليّ تبعد عَن أفعاليّ
هل مِن سبيّل ينجدنيّ مِن هذا
هل مِن أحداً يستمَع بَما يُخبَرنيّ قَلبِي؟
أنا عليّ الهاوية ، مُنتظرة السقوط
الُملم أفكاري المُبعثرة ، أنفاسي المُضطربة
هل مِن أحدًا يأخذنيّ مِن هنا؟
أنا لستُ أنا
أُريد أن أُحَلقَ كَالطيِر
أُريد مُخاطبة السحاب
هل يوجَد بي علة ؟
لما أنا هكَذا ؟
هل فعلتُ شَيء شنيّعاً ليعاقبنيّ ربي هكَذا؟
أنا عليّ الهاوية ، أخذت خطوة لمقابلتَك.
ناز :
نصدمت من كلامه دنكت دا ادحك شبيهن بس فجأه زمخ
- گتلجج جفيني شرررج
ردت احجي رد زمخ فتحت الباب و نزلت وهو شخط السياره مشيت دخلت للبيت تلگتني آنو دحگت عليه وكالت
- ها ناز شبيج عمه وينها شو وحدج وحالتج مدري شلونها
ما حملتني رجلي بعد باد حيلي كعدت بلگاع ونزلت دموعي وآن تهدئ بيه
- طردني من السياره بسهوله مثل ما طردني من حياته بس يزمخ ويعيط بيه ليش شسويتله انه بـ شنو غلطت ويا حظنتني وكالت
- ما غلطانه بشي انتي ناز اهدئي بس اهدئي انتي حامل لا تضغطين على نفسج وتأذيها ابنج اهم شي هسه خلي هو اول اهتماماتج لا تهتمين لأي شخص غيره امحي كلشي من بالج اعتبري نفسج جايه يمنه للراحه احسبني ما موجود واهتمي بنفسج بصحتج وبابنج هزيت راسي بلايجاب مسحت دموعي وكمت دخلت للغرفه المغلف بايدي خليته ع الميز بدلت و رجعت كعدت اخذت علاجي المُعتاد و كعدت سحبته فتحته داخله ضرفين واحد جبير واحد وسط سحبت الجبير بلبدايه وهو اصلاً جان مفتوح بس كأنـو مغلف مال صور دحگت صح كم صوره بي سحبتهن
نصدمت ابنهتت احس راسي كام يفتر اديه رجفت و نزلت دموعي
معتززز !!!؟
ثگل نفسي وحجيت بقهر
- ما ناوي تحل عني معتز حتى بعد ما متت ليش شمسويتلك انه بيش اذيتك حتى هيج تأذيني وتخرب حياتي دحگت بيهن صور الي والو من جنه بلجامعه صور اصلاً انه ما منتبهى عليهن وشلون اناخذن بهيج منظور
وحده من جنه گاعدين بلكافتيريا بس ايده بايدي نزلت دموعي اكثر من دحگتهن لان هالشي ما صار اصلاً ما لمس ايدي ابد ولا خليته يتقربلي صوره ثانيه واكف كبالي هاي مرا يم باب الجامعه وصوره الثالثه عود دا ينطيني ورده وهو اصلاً هذا الشي اتذكر جان يدزلي ورد صح بس بنيه تجي تنطي الي مو هوا هاي شلون مسويهن هيج الصور وصوره ع اساس هو واكف مبتسم وايده على ايد اللي بلصوره والبت الظهر ع الصوره وما مبين الوجه بس هذا شعري الاشكر وتسريحتي المعتاده ضفيره وعلى راسي طوك ورد ناعم واتذكر هاللبسه عندي ايي عندي بس هاي مو انه والله مو انه اديه كامت ترجف و دموعي ما وكفت كعدت وكورت على نفسي
- ربي شني هالظلم ليش بس انه هيج حياتي ليش كل ما اكو هاهيه راح انسعد بحياتي تطلعلي سالفه صفح ادحگ ع الصور ودموعي تنزل
- والله هذي مو انه ظلم ظلم كل هالصور مو اني بيهن ما عليه بي انه ولا سمحتله يتقرب الي وما انطيته مجال ابد صديته بكل المرات الحاول يتقرب بيهن الي مو انه اللازم ايدي ولا هو اللي نطاني الورد الهوا بلكوا كام يجيني واتنفسه احس ظهري تيبس و صار بي وجع خليتهن بلمجر اريد اگوم ما اكدر جسمي يرجف بس الوجع قوي و نفسي ثكيل بيه مابيه كمت وصلت گبال الباب وكعت ماكدرت اكمل بعد اريد اصيح آن ما اكدر الصوت ما يطلع مني مخنوكه دموعي نزلت متاذايه واحس نفسي عاجزه ايدي على بطني واتوسل بربي انو ما افقد ابني ما افقد اخر امل عندي بلحياة
بهاللحظه اجاني صوت صادق بعدها خطواته ع الدرج دحگ عليه وانصدم اجه گبل سحبني على ايده اسمع صوته يگلي
- ناز شبيج نازز ليش تتراجفيين نوب زمخ ب آن
- وووينج عليييها ليش خالتها وحدها انتيي
شديت على ايده احس نفسي ملك الموت اجه ياخذ روحي طلع صوت خفيف مني اشبه بالهمس بتقطع
- اريد.... هوا
شالني لبرا
- اخذي نفس ناز يلا رويحتي اتنفسي
ماكدرت گمت احس عبالك جبل نايم على صدري مانعني من اخذ النفس بعدها بديت ادحگ ع الكل بغواش وسمعي صار وشوشه وفقدت ما حسيت بعدها الا اني بغرفه فتحت عيوني دحگت ماكو احد وحدي بلغرفه رفعت ايدي لوجهي اتلمس شني عليه تاليها عرفته جهاز اوكسجين وايدي الثانيه مشكله بيها كانونه ومغذي وخرت الجهاز اخذت نفس احسن من قبل ردت اكوم تألمت من ظهري دخلو عليه صادق وفارس
صوت فارس كال
- الله الله يمعوده وين گايمه تمددي وارتاحي
فارس وصادق كل واحد بجهه محاوطيني جانو ابتسمت على منظرهم وخوفهم عليه ودعيت الله يديمهم الي ويحفظهم ويسعدهم
ابتسملي صادق وگال
- گلبي گام يرعد عليج كلت ماتت ونتهت وربج جن انه اللي نگطع نفسي مو انتي
- احدر هين ابوسك ضحك واجه باس راسي صوت فارس اجاني
- ناز حبيبتي ليش هيج مدمره نفسج ووصلتي لهل حاله شبيج اشو انه طلعت انتي جنج العافيه ورده مفتحه تاليها انصدمت بصادق يگلي ماخذها للمستشفى
- تعبت من الطريق والسره والكعده والدكتوره هم مو زينه ما اقتنعت بكلامها
- الياس الرجعج گالتلي عمتي گبل شوي كله من ورا غثج بكلامه مو صح
- لا هوا حجه ولا انه حجيت مجرد وصلني بشني نحجي فارس واحنه اللي بينه منتهي اصلاً
مسح على راسي وشعري ابتسمت جثير احب هالحركه الحنينه المُحبه من فارس
- يصير خير يبعد اخوج ولا يهمج بس گومي بلسلامه هذا هو
- شوكت نطلع
- الدكتوره متقبل من البارحه المغرب انتي هنا وهسه هم تبقين اليوم كله وباجر يلا نطلع من المستشفى گضبت ايده وحجيت بخوف
- فارس شبيه انه ابني بي شي
- يمكن ناز هي حجت بس انه ما فتهمت شي منها كل اللي فهمته انتي هامله نفسج ومأذيه ابنج بسبب التفكير والارهاق بس فيتامينات وهاي السوالف ما محتاجه لان تغذيتج زينه گالت وماشالله مدري شعندج بعد خيرات الله
- وجع بظهري كاضبني ولا جاي يفك مني ديحجي ودخلت الدكتوره ابتسمت الي وكالت
- شلونج حالتج شلونها تحسين بوجع
- بخير الحمدلله بس وجع بظهري جثير يأذيني سحبت كرسي كعدت كدامي
- توقعت هالشي ومتاكده منه مليون بلميه بعد الفحوصات والسونار يا ناز طفلج نازل وكثير نازل وهذا الشي خطر وانتي بشهرج السابع هي صح اكو كثير ولادات صارت بهالشهر من الحمل بس مو كلها تنجح ويعيش الطفل وعندج الكيس كثير ملامس للطفل وحجمه جبير بس هذا الشي ما يخوف نكدر نكول عنه سهل لان انتي بكل الاحوال ولادتج عمليه قيصريه ما تقبل غير شي كل اللي اطلبه من عندج يا ناز تنامين على ظهرج وتلتزمين بلتعليمات اللي راح انطيها الج والتحركات منا لشهرين بس لان الثامن كذلك خطر نوصل للتاسع و اول يوم ان شاء الله اذا مراجعه دكتوره خليها تولدج بي اما بلنسبه للعلاج ما راح اكتبلج اي شي افضل تروحين لدكتورتج الخاصه وتشخصه الج هذني اللي راح تاخذيهن هسه مغذيات وفيتامينات الج وللطفل لان من البارحه لليوم انتي فاقده وماكو تغذيه بهذن الساعات وكثير ياثر هذا الشي على حالتج ايضاً
سكتت وهي طلعت دحك عليه فارس انه دنگت تگلط عليه باس راسي وگال
- لا تنقهرين ولا يهمج شي ان شاء الله ماكو شي ويجي ابنج بخير وسلامة
- ان شاء الله
راح جابلي اكل واجه جنت ما مشتهيه بس على واهسهم هو وصادق اكلت شويه بعدها تمددت وما حسيت بنفسي الا ونايمه دحگت ماكو احد صديت ليساري صادق غافي وهو كاعد ع الكرسي وايده على ايدي ومكسوره رگبته سوده عليه جان حانيها على جتفوو سميت باسم الله وگمت تعدلت سحبت ايده بستها حس حرك راسه وگال
- خوما موجوعه
- لا حبيبي مابيه شي بس انت نام عدل رگبتك راح تنكسر من هالنومه
- لا بويه خليني يمج عادي انه اهم شي انتي بخير
- اروح فدوه لاخوي
- يبعد رويحته انتي
- اوگفلك بيوم عرسك ان شاء الله ضحك
- الله يسمع منج هي شبه اقتنعت
- بشنييي ؟؟!
- نتزوج هالاشهر وتكمل الباقي يمي كليه
نصدمت من قراره
- هايي شنيي عليك الله
- والله اريد اكمل حياتي رونق عرفت شلون تلعب ع الوتر الحساس عندي عرفت شلون تحببني بنفسها عرفت شلون تكسبني وتشغل تفكيري فتره مو طويله صارلنه صح بس فرتلي عگلي وسودنتني يا خويه
ضحكت وكتله
- خاب اروح فدوات مو فدوه وحده لليحب مريته
- من كل گلب و رب حبيتها وارتاحيتلها لـ رونق
- ربي يوفقكم ويديم حبكم حبيبي
- بعد گلبي
خليته يروح ينام ع القنفه اللي بلغرفه وانه ظليت كاعده الافگار تداهمني ما فارقتني للصبح وانه على هالمنوال لحد ما اجه فارس تطمن عليه وعلى وضعي ظلينه للظهر يلا طلعنه واخذني گبل لدكتورتي بعد الانتضار دخلت الها بعد السونار وكل الاجراءات كالت
- الطفل مجاي يثبت يا ناز حالياً نازل اللي اريده من عندج تنامين وترتاحين حبيبتي كلها عديهن حتى بوكتها تتم ولادتج على اكمل وجه اما بلنسبه للطفل وصحته ف هي تمام طفل طبيعي ما يعاني من اي شي لا سامح الله ضحكت وكالتلي
- من هوا ببطنج هيجي مايركد يصعد وينزل چا من راح يجي للدنيا شراح يسوي بيج
حمدت الله وشكرته وضحكت على كلامها الاخير
- كلشي مقبول وكلشي منه حلو واتقبله برحابة صدر بس يطلع سالم معافى مشافى من العمليه
- ان شاء الله
- دكتوره على حسابج اللي اخر مره ثبتتي عليه الي اول يوم بلسابع
- اي هو هذا الحساب المضبوط
- دكتوره بالنسبه للكيس شني
- حبيبتي الكيس شي طبيعي وعادي للحامل وانتي قيصيريه فبكل الاحوال ينزال الكيس وما يشكل اي خطر على حياتج او حياة طفلج وجوده وعدمه سوا الا بحاله وحده
- شني هي الحاله
- حاله انه شاكه بيها اتاكد منها على مراجعتج القادمه اذا بانت وابلغج بيها ان شاء الله علاجج جددي نفسه
تشكرت منها وطلعت تلكاني فارس ابتسمت
- كلشي تمام
- حجي يفيدج درج ماكو بعد خاف موزين عليج تظلين بلغرفه الجوا والتردي كِله يجي ليمج
- فدوه لعمرك والله مابيه شي ضحك وكال
- شعندي غيرج يابويه هي انتي هالوحيده اذا مادللج انتي چا المن ادلل انه
- يحفظك الله ويخليك النه
ابتسم رجعنه للبيت سلمت على آنو ورحت للغرفه كبل نمت كعدت نص الليل ظليت اتگلب رجعن لبالي الصور وكلشي مَر كبل يومين ابتسمت وغصه بداخلي صدكهن من دحگهن هساع عباله انه هذي اوو شني عباله متيقن ومتأكد لان لو هو صدك جان اجه خلاني ادحگهن وگالي شني هذا وگعد يتفاهم وياي كُبل اصدر عليه حكم وعقاب من عنده بدون ذنب
نزلت دموعي كل ما اگول خلص انسه وابدي حياتي من جديد يرجعلي شي يذكرني بكل شي صار گبل بكل اذى بكل الم بكل شي مُر عانيته وضگته بحياتي ويرجعني لنقطة الصفرجرحني بانعدام ثقته بيه بشكه بكلامه بافعاله بكلشي سوا تجاهي اذاني بي وخلي بعد ما اهتم شيريد يسوي خل يسوي علاقتي بي منتهيه
مرت ايام وصلت لنهاية شهري السابع كلها يومين وادخل للثامن شويه تحسنت وجع ظهري راح الحمدلله ف صعدت فوگ بلگوات لان صادق وفارس محاوطيني ومحلفيني ما اتحرك بس صعدت ادحگ ملابس وتحظيرات وليدي واجمعهن سوا
صعدت وكملتهن كلهن كل لبسه اشيلها اشمها وارتبها جمالهن جثير حلوات ك الوان و ك ترتيبات يگون يطلعن على مقاسه مو يغرك بيهن ويطلعن كبار عليه ضحكت ورجعتهن كلهن لمكانهن
فتحت المجر جاي اكلب بي صارن بوجهي الصور طلعتهن باوعت عليهن وترحمتله مابيدي اگول شي او احجي شي انسان ميت وما يستحق غير الرحمه وذرة حقد ما اكن اله بكلبي حتى بعد كُل اللي صار واللي سوا بيه جمعتهن لكيت جواهن ظرف دحگت عليه نسيته ونسيت ادحگ شني بي بيومها اخذته بايدي ظرف ما مفتوح مقفل من كل النواحي ومكبوس فتحتهن وحده وحده وبصعوبه بانتلي ورقه سمره بنصه باينه قديمه
فتحتها بان بيها خط ايد رساله هذي بديت اقرا بيها
" ناز" ناز جثير اسف انه صدكيني ما جان بقصدي كل السببته الج انتي انسانه طاهره ونظيفه لابعد حد اتمنى تسامحيني على كل اذى تعرضتيله بسببي انه ما جنت ناوي هيج صدكيني دخلتي لعقلي ولبالي بس هظم اهلي من اهلج اذاني دخلت فكرة الانتقام لراسي بس سرعان ما بعدتها مني ناز كل السبب بلصار رسل صديقتج هي الحثتني على كلشي وهي الحرضتني عليج وعلى تدميرج هي اللي حجت عليج يم البنات مو انه صح كم مره حجيت وكلت احبها انه بس گبل كلشي هالشي لان نيتي وياج جانت زواج ونهياتنه ردتها سوا انتي مالج ذنب بكل اللي صار رسل هي الفبركت هالصور بيومها اجتي لابسه نفس لبسج لويش مادري وظلت تتودللي وانه ما ادري الصور شلون اخذتهن بس فجأه اجتني وبايدها هالظرف وگلتلي هذا الشي هو سلاحك اثبت كلامك گدام اهل ناز بهذني الصور بس انه ما سويت هيج شي كم صديق الي جنت احجيلهم كلشي يخصني اما هيه شني سبب الكره التكنو الج ما ادري ناز انه تكدرين تكولين وعيت على نفسي وانه طالع بنفسي للموت واتمنى تسامحيني على كلشي صار وتحالليني وتواهبيني ان رجعت انه اوعدج اصلح كلشي وانه الاگول لخوانج ان كلشي من الگلته ماصار واعترف بكلشي وان متت ما اريد منج غير بس تسامحيني وما تحقدين عليه وتاذيني بعد موتي ناز انتي بت اصيله واخلاقج حلوه وداخلج ابيض ونظيف وهذا السبب اللي كلها تگدر تستغلج من خلاله ماكو منج اثنين قوي گلبج وعيشي حياتج وانتي بأمانة الباشا راح اخليج انه وهو بعمره ماخان الامانه وانه اثق بي وهذا المكتوب راح اخلي امانه توصل للباشا ويوصلها الج ارجع واگلج اتمنى تسامحيني على كلشي ناز ادعيلي يالغاليه " معتز "
اقرا بيها دموعي تنزل اخخ معتز اخخ طلعت ونه من كل گلبي من اعماق روحي بداخلي صرخه وبجي اريد اطلعها ما ادري ليش هيج انه ليش منين ما اندار الگى غدر بغدر و الگى طعن بلظهر ليش رسل ليش هيج سويتي بيه هاي عود انتي اقرب صديقه الي الجنت اعتبرج اختي ليش دمرتي حياتي وسمعتي وانتي بت مثلي وتعرفين شگد هذا الشي يأثر ويأذي ليش هيج دمرتي حياتيشني الطلع مني اذى الج فركت راسي حقدج ما جنت متصوره هيج تحقدين عليه كلها لان منعتج من محمد كلها لان بعدتج عنه وما رضيت تحجين ويا لانه متزوج وعندو اطفال لهيج سبب ردتي تاذيني ودمرتي حياتي بحقدج من ورا هذي السالفه
نقهرت ونهضمت جثير من هذي السالفه ومن القريته كلوو گلبي وجر على الياس ودحگت الظيم بعيني من دحگت الكتابه گمت سحبت الفون اخذت صوره للكتابه دحگت صار گدامي الواتساب دخلت عليه رأساً وعلى الاسم مالته اخر ظهور من كم ساعه دزيتله الصوره اخذت نفس وكتبتله جواها
- ما وثقت بيه ولا فكرت تسئلني الدحگته انت شني ولا گعدت وتفاهمت وياي گبل اصدرت عليه الحكم من عندك ظلمتني ضربتني اذيتني عذبتني عذاب جسدي وعذاب نفسي وتاليها هذا الگدامك كله بان وانت لو فاتح الظرف الثاني جان عرفت كلشي بس تركته بكل الاحوال هذا مو كلامنه
هساع الحجي هو ورقة طلاگي توصلني باقرب وقت باشا لهنا وكلشي انتهى بيناتنه
دزيتها وتنهدت براحه وحمدت ربي وشكرته الف مره بانت برائتي بهالشكل قفلت الفون و رجعت الظرف والصور لمكانهن و نزلت مرتاحه لانو بين كلشي ومقهوره من افعال رسل وغدرها بيه
نزلت توضيت وصليت ركعتين شكر وركعتين اهداء لوجه الله واهل البيت ( عليهم السلام ) ودعيت بيها لمعتز ربي يغفرله ويرحمه الفون ما فتحته بعد خليته مقفول
واكفه كبال المرايه ادحگ على بطني صايره جثير حجمها جبير عبالك بشهري ضحكت ما بقى شي شهر واحد وينور الدنيا وليدي مر اسبوع كامل جنت باول ايام شهر الثامن عندي گاعده اشرب عصير برتقال و اكل كيكه ويا سويناها انه و آن دحگت على آن وضحكت هستوها بارزه بطنها من الحمل دخلت بشهرها الثالث
دحگتني ضحكت على ضحكتي فجأه واجتني ضربه ببطني قويه شنجتني لان جثير اذتني مو مثل كل مره دا اكوم رجعتلي الثانيه دحگتلي آن كالت
- شبيج ناز
- مابيه شي بس شويه تقلصات خل اروح ارتاح هساع شويه وتختفي
جنت اقنع نفسي بهالكلام دخلت للغرفه مددت بس زادت جثير وصار عندي وجع لا يطاق گبل صحت لـ آن اجتني ركض
- نازز شبيج
- آن راح اموت من الوجع وينه فارس هاي يمكن راح اجيب
- خيه بعدلج هواي يا تجيبين هسه
زمخت بيها
- ماااادررري آن مادررري صيحييي فاررس راح امووت
على صياحي هو دخل اجاني گال
- شبيج صراخج هز البيت
دموعي گامت تنزل
- فارررس بطنييي الحگلي راح اموت من الوجع راح اجيب
- شلووون چااا بعدج مصايره تسعه هي لعب صغار ناز
- عااادي عاااادي اگلكك جاي اتوجع
- لبسيها شي خل اجهز السياره راح وجابتلي آن رداء وشال لبستهن وگمت بالف يا الله يلا امشي بس اتحرك تجيني ضربه تاليها اجه فارس سحبني منها وصعدني بلسياره مسافة الطريق وصلنه وانه خابصته خبص قهر گلبي كله طلعته بهاللحظات گمت ابجي واصرخ بدون وعي اريد بس الوجع يروح مني دخلوني وظلو يستفسرون من فارس نوب گالت السستر
- مادام مراجعه دكتوره خليها تنتظر شويه لان هسه الدكتوره ايضاً داخله بعمليه قيصيريه تكمل وتجيكم
صاح بيها وهو يدحك عليه شلون متاذايه
- البت راح تموتت من الوجع يا كائنااااات دخليها مو الا دكتورتهاا
- هي مراجعه دكتوره بهالمستشفى وهي المشرفه على حالتها وتعرف مضاعفاتها وتعرف كلشي الها لذلك هي القادره على ولادتها اما احنه ما نگدر لان حتى انتو ما جايبين فايل ولا شي اجتي ممرضه گالت
- بلغت الدكتوره بهالحاله وعرفتج وطلبت مني اسويلج تحاليل وفحوصات ما قبل العمليه
هي حجت هيج وانه بحظن فارس اشاهك وابجي من الوجع گومني وياها سحبت دم للتحاليل وسوت كلشي بعدها ظليت انتظر وانه النفس يصعب عليه بلگوا اخذه وفارس يمسح على راسي ويگلي
- تحملي تحملي هانت يبعد اخوج اخيرر شي اجت الدكتوره دحگت حالتي گالت
- فوراً للعمليات حالتج تعبانه وماي الطفل مو تمام والجاره متكلسه
يتبع في البارت القادم
لا تنسون التصويت والتعليقات ع الفقرات
ما لحكت اكمل هالبارت واختمها لذالك البارت الجاي راح يكون الختام
تحياتي الكم ام اسد