نـاز تگـول :..
- يجي يوم وترد تجمع
شكو مكتوب شگيته
وترد تندم اعله كل ثوب
عفته وما أشتميته
وتبچي ومحد يشوفك
حتى چفوفك تعوفك
وترد ندمان بس بعديش
باب عيوني سديته.
شمم :
سحب الياس من ايده وكاله
- لا امنعك وامنع اليطلع وراك انه اخوها وامرها بايدي منا وهيج مو رجل كرسي وما ينحسبلي حساب سبق وان كتلك وهسه راح اكلك ناز انساهاا ادفع ثمن السويته بيها غالي
ديحجي الياس قاطعه فارس وكاله
- مو وكت كلام باشااا اخذ اهلك و روح ناز بس توعى اخذها واروح لبيتي مالها ظله يمكم بعد
اعاين عليهم ثنينهم واحد خازر الثاني وثنينهم اعصاب نار ما ينگحمون ديحجي الياس وجانت بنيته عركه اله واهس يخليها للصبح هالمشاجره
بس القاطعه صوت فونه جاوب وزمخ
- هاا ابوو عون خيرك ... شنيي ... حركه وحده لا تتحرك من كيفك ... جاي جاي
سحبت نفس براحه واخيراً راح تفض العركه صد عليه خزرني كبل صديت منه ورحت يم بابا كضيت ايده هسه انه شعليه نوب تخوزر بيه مشينه وهو طلع بسيارته واحنه لبيتنه
مرت ايام اسابيع الياس عتبة البيت ما مخطيها ولا عايننه ضله ابوي يحجي ويا يكله بلدوام ما اكدر انزل
هالفتره كلها انه غالقه فوني لان ملتهيه كثير بامتحانات الفاينل و كم ماده هم تكثفت عليه ف التهيت بدراستها مرت ايام الامتحانات كلها رجعت باخر امتحان وانه ضامنه النجاح وعبور هالمرحله متاكده هسه سنه لاخ اداوم ثالثه
اخخ بعلي شني هاي الدراسه تعب بتعب وتاليها اكعد واسكت بس يلا اسمها شهاده عندي حته لا احد يكلي ما متعلمه ما عندج شي كدام الوادم انحسب خريجه ومحد يكدر يندك بيه اضافة الى تضيفلي معلومات قانونيه واشياء كثيره تفيدني بحياتي اليوميه واكدر استثمرها واستفاد منها
صفنت دا اكول اخوي ليش مُصر ولح عليه الا اكملها اثارري يفكر هيج وميريد تطلع حجايه عليه و واحد يجرحني ضحكت يالله شكد احبه انه يفكر بكلشي
المهم رجعت كبل غسلت وبدلت ونمت نوم اهل الكهف ما كعدت الا للمغرب جسمي مكسر كمت نزلت جوا حظرنه الاكل واكلنه سوا انه وبابا وماما كل ما اصفن اتذكر مكان ناز خالي البيت وحشه بلياهاا احبها كثيرر وما متحمله فراكها صح احجي وياها بلفون بس ما يروي اشتياقي الها شي اتمنى اشوفها واكعد وياها واتمنى ترجع ليمنه
كملنه كلشي تعللنه شوي ماما وبابا تعبو راحو ينامون بقيت بس انه كاعده فجأه ودخل الياس ضحكت من شفته مشتاكتله كثيرر كمت رحت عليه حظنته وبسته
- الحمدلله ع السلامه اخوي مشتاكتلك كثيرر شهالغيبه
- دوام وملتهين مشه من يمي كضيت ايده
- اليااس حباب خوما بعدك زعلان مني والله ما اتحمل زعلك عليه انت كلشي بلنسبه الي وما اريدك تزعل عليه وكلامي بلفون هيج طلع مني بس هو الصحيح ياخويه اهيه تحبك وانت هيج سويت بيها خطيه
خزرني ومشه
- ما زعلان شمم بس تعبان
اختنكت من سمعته كال شمم هو انه متعوده عليه يكول شمه شمة روحي
طفرت كدامه
- لا والله زعلان وهاي اكبر دليل تكلي شمم ليش ليش انت مو معودني تصيحلي شمه لو شمة روحي لو بنيتي شني شمم بعد عاين والله اعرفك زعلان وحكك عليه بس انه اعتذر وما اريدك تزعل كلشي يهون عليه الا انت امي وابوي
- ما زعلان يابوويه شمه يلا هذي كلتها
- مو من كل كلبك اعرفك
سمع هيج حظني ومسح على شعري باس راسي وكال
- شمه تعبان ومالي خلك
سحبني من ايدي بعدني عن طريقه وصعد فوك وانه صعدت ورا دشيت لغرفتي ونمت كعدت الصبح كالعاده نفس الروتين نزلت جوا بعد ما تريكت وهاي كعدت بلديوانيه اكلب بـ لابتوب
دخل الياس وبيده كوب الكهوا مالته صبحت عليه كعد كدامي
بدون سابق انذار گال
- گلتي التريده يصير
- ايي نطيتك وعد اللي تريده انت انه اسوي
- چا خوش حظري نفسج اليوم طلاكج من ابو صگر دامه هو موافق
صفنت عليه كلبي وجعني وحظرتني كل مواقفنه سوا حجاياتنه شقانه اعترافه اخر موقف بيناتنه والنه سوا من انه هم كلتله على مشاعري كلشي عشنا سوه من اول موقف لهل ساعه حظرني واحس كلبي يدك بوجع بصدري
بس تاليها تنازل وما حاول يقنعه ل الياس ويتفاهم ويا كبل استسلم و وافق
نظري على الياس عگد حاجبه من عاين ردة فعلي تداركت الموضوع بلعت الغصه وابتسمت بوجها
- موافقه انه من كل كلب و رَب هذا هو التريده يصير حَبيبي
طلع اوراق من جيبه ظل يكلب بيهن وهو رافع حاجبه وتعابير وجهه جامده
- متأكده
- اي متاكده
عاين عليه بحده
- چا خوش خل نخلص من روميو
جاي اشرب ماي وسمعته جاب طاري روميو كبل غصيت والماي طلع من خشمي متت ظليت اغصغص نوب يلا راحت هفيت على وجهي وعاينت عليه
- الله الله شبيج قابل احنه شكلنه
- لا خويه بس شني روميو
- شمه سوالفج ما تمشي عليه نكعيها واشربي مايها
- عاين يعني انه سجلته بلفون باسم روميو لانوو
قاطعني
- شنييييي شنيييي نوب مسجلته روميو
نخلست وقريت على روحي السلام انه بيش جفصت اثاري هو كالها حته يسحب لساني
- هيج والله اخووي ع الفطره ما لكيتله اسم وسميته روميو اصلاً انه اضوج من روميو سوالفه ماصخه ولا يهمك هسه اغيره
- هم عايزه ما تغيري حته اطيح حظج ديلا عود اصلاً مسحي رقمه شتسوين بي بعد
بلعت ريكي على كيفك وياي اخوي اريد اكله هالعباره بس خاف ينهد بيه
- تمام
سديت الابتوب وكمت من يمه وكفني صوته
- شمم عندج شي ويه ابو صگر
اجاك الموت يا تارك الصلاه الياس اليوم ناوي عليه وهم ناوي عليه
صديت عليه
- يعني شعندي ويا يا خويه
- هم اذوج هناك
ضحكت وانه اتذكر بطولاتي
- اصلاً لعبت بيهم فلك بعد اخيتك خوب الغرور ما احجيلك اصلاً كل شوي واكلهم يكفيكم فخر اخت الباشا كاعده ببيتكم بس ما تجاوزت ابد تربيتك انه بس اليعيل وياي اخذ حكي منه
- ابو صگر اذاج لو سمعج كلام
صديت عليه
- لا ابد ما تجاوز عليه هو مگضيها يا دوام يا اجت فتره ندعم وتكسر والباقي ايام عاديه
- من تگليلهم يكفيكم فخر اخت الباشا ببيتكم شيگول
- ما يكول شي بس يگلي والنعم من الباشا واخيته
- شمه ان عرفت مجذبه عليه بحرف مو كلمه من هذا الكلام الكلتي كله يا ويلج
- يعني شنوو؟؟؟
- يعني حظري نفسج يجي حته تگضون الطلاگ ونخلص من هالسالفه
بلعت ريگي وبنفس الوكت سمعته صوته اجه يسلم على ماما گام الياس گال
- احتشمي وتعالي
رحت صعدت بدلت ونزلت دخلت عليهم وهما يتصايحون يبوو شراح يفضها هالسالفه نوب
- ابو صگر ان ما تسويها بلطيب بلغصب يا خويه البت ما تريدك هي گوه
بلعت ريگي عاين عليه ابتسمت بوجها وهزيت راسي بلايجاب نوب گحيت وعاينت لالياس عيونه حُمر تذب نار
- اخوي شيگول وشيقرر انه وراه
تعدل بگعدته وگاله
- أرمي اليمين ابو صگر وفضنه
- تريدني ارمي اليمين مو , تدلل
- چا خووش يلا
ضهرت ابتسامه على وجهه استرخه بگعدته وكال
- الرائد الياس انت طالق طالق طالق
اجتني الضحكه بس سكتت
عاينت على الياس نشدت اعصابه وكور ايده بغضب
- ابو صگر لا تطفر روحي وتخليني اگوملك
- باشاا بربك گومت فچي ترا ذاك اليوم للساعه يوجعني وربك مو ايد عندك ماشاءالله عليك فلشتني
اعاين لالياس مسح على وجهه وكال :
- وتالي
- ربك عالي
- استغفرالله ربي اللهم طولج يا روح
ورث جكاره وكعد يدخن وحجه
- ابو صگر مو انه احترمك و اودك ليش تخليني اكرهك
- لا بربك خوش احترام عندك تحترمني وذاك اليوم ما خليت لا اب لا جد ولو ما شويه تعلكني فلقه
- كسرت خاطري ووكفت بعيني ايامنه وهديتك ولا جنت ناويلك نيه گشره هسه يلا فضنه ثنينكم موافقين طلكها وفضها ابو صگر تبقى بس المحكمه باجر نفضها
- من كل عقلك انت
- لا نصه
- باشاا تهده بالله انه البت ماطلگها
زمخ بي
- شنيييي ما اطلگهاا البت ما تريدك ابو صگر شهالملحه مالتك بعد طلگ و روح بحال سبيلك وكلمن يمشي بطريقه
- ما اطلگها اكلكك احبهاا شسالفتك انت ما عدك گلب متحسس يا بشر احبهاااا واريدهاااا مرتيييي
ما حسيت الا وكع ابو صگر اثر ضربة الياس غمضت عيني بقوه بوياااي صوت الضربه صداه يرن باذاني كلشي ولا يجيني الدور ويطيح حظي
- يعني بكل عين صلفه جايني تكلي احب اختك
كعد والجكاره بايده مورثها وياخذ نفس منها
- يعني رافض وسبب رفضك علمود اختلاف الطوائف لو شني
- لكك بويه شبيك انت تسودنت يا طوائف انه من شوكت افرق بينكم وبينه لو ما جنت كاعد بنصكم طگت براسك السوادين ابو صگر
- باشاا لا تتصور يجي يوم واتنازل لو شمهما تسوي اختك هي مرتي بلشرع وبلقانون وارجع واكلك احبهاا واريدها
ابو صگر يحجي وهو مطنشه ملتهي يدخن
صد عليه عاين بنظره وهو ياخذ نفس من الجكاره
بلعت ريگي من عاينته گام على ابو صگر شني اليوم هذا ناوي على موته لو يسكت احسن اله
ربت على جتفه وكاله
- كووم ابو صگرر گوم روح ترا شياطين الكره الارضيه كلها صايره براسي هسه امشي اطلع
- ول يابه شني شصايبك انت
- بووويه امشي اطلع رد لاهلك شعدك معشعش يمي
گام ويا سحبه وگاله
- رد جيب شيوخكم وتعال و يصير خيرر
نصدمت وابو صگر كذلك نصدم گال
- هـااا .... شنييي
- مو مال عيني و اغاتي اثاريك تعودت ع الطگ والعرايك ابو صگر تريدني ارفض
- لا يول على بختك هسه اروح اجيبهم واجي
- لا بوويه استجن شويه خل تروح اثار وجهك يلا تجي روح كمل واجبك مو راح تنفصل وحيان طايح بيها يكمل الواجب بدالك
- عجل شني .. حگ الاخو ع الاخو
- الله يديمكم
- الياس ان شاء الله ما تطخ عدك الخبالات و ترفض
- شنييي شنييي
- ابن الحلو وريت كلبي ور و رب العزه
عاين على ماما نوال اللي طلعت هسه وابد ما تدخلت قبل شوي بين الياس وابو صگر و رجع نظره اله
- ماريد اغلط واحجي بعد
- خيتي ضبي لابنج تقبليها هيج يسوي باخوج
ضحكت وانه هم ضحكت تاليها طلعو ثنينهم عاينت عليه ماما وضحكت ودخلنه جوا صعدت ابدل يبوووي مال هيج اطفر على الياس وابوسه بگصته فرحانه كثير والله , وره شويه نزلت لگيت الياس حاظن ماما ويحجي وياها نوب گاللها
- يمه الا اشيبه لاخوج الا اخلي يمشي ومو داري بزمانه يريد اخيتي خل يتحمل
ضحكت وكالتله
- انت تشيب ابو صگر وفارس هم راح يشيبك نگلبت رسومه وسكت بعدها گال
- بديتي من هسه تتحيزين لاخوج
ظلو يتناقشون وماما تضحك اخير شي كعدت يمه وهو تقريباً ضايج مني ظليت احجي ويا واحجي واخير شي بوسته لحد ما صالحته وقبل بست خده
- اخوي الزود سندي الحب كلوو شهالجمال متكلي اشو صاير تطك بلكاع
- شني هاللواكه شمه بسج بوس
ضحكت ورديت بوسته
- خايب احبنك احبنك
- ادري وعلي ادري تحبيني
كضيت ايده وعاينت عليه
- اشتغلت المصالح
ضحكت وكتله
- لا خويه والله مو طلب بس هيج اريد احجي وياك
- احجي داسمعج
- شوكت ترجع ناز وتحاول تصالحها ؟؟؟
نـاز :
گولولـه فلت وانگضت
بـس أبـد لا يدنالها
گولولـه ما تدري الصدك!
تمسح دمعها بشالها
گولولـه لو صار العصر
چـم حزن ياكل بالها
گولولـه ما خانت ولك
خان الدهر بـ أحوالها .
واكفه كبال المرايه ادحك لوجهي راحت الاثار وبقت خفيفه
نمدت ايدي لبطني تلمستها وشعور حلو صار بداخلي حسيت بحركه صارت يم ايدي فجأه وتاذيت وضحكت بنفس الوكت من حركاته قويه ماشاءالله حرك من هوا ببطني دوم يدافر
ابتسمت من شفت التاريخ اليوم دخلت الشهر السابع بحملي وبعد كم يوم موعدي اروح للدكتوره ادحك وليدي شلون وضعه واسمع نبضه
رمش فوني رحت فتحت اجت كبالي صورته للساعني حاطتها للساعني ادحكو بس حسيت كلبي قسه عليه صح انقهر واحن بس اتمالك نفسي واقوي روحي عليه اذاني اذاني جثير وتحملت كثير وبما فيه الكفايه وخلصت هساع طاقة تحملي وما اسامح بعد ناز القديمه ماتت من يومها بعد ما دحكتو ولا هو فكر يسئل لو يسوي اي شي تجاهي بس شمم و خاله وعمو تواصلي بيهم يومي خوب عمو دائما ويوميه يتصل يطمئن عليه وخاله كذلك واني وشمه دائماً نحجي ونكضي الوكت سوا
صديت دحگت آن بصفي حامل هي هم بس بعدها بنهاية شهرها الاول وقبل اسبوع يلا اكتشفت هالشي بس جانت جثير ضايجه رحت يمها وتگلطت عليها
- آنو شبيج
- تدرين ناز كبل فتره فد انقهرت من شفت هذا الشخص وطلع مو هوا اخوي جان عندي امل يطلع اخوي عايش واشوفه وهي تحجي نزلت دموعها
حظنتها وهونت عليها لحد ما دخل فارس رفع حاجبه وكال
- هاي شبيها بويه منو ويه مريتي باس راسها وكعد
- مابيها شي بس شوي مقهوره
صدت وجهها منو استغربت
- شني متزاعلين انتم
فارس كال
- ست الحِسن گالبه الخلقه علينه
دحگت عليه
- هو منو الگالب خلقته على منو اني لو انت استاذ فارس
- لا بويه انتي
- اي بلا اني لييش گولها گدام ناز ليش گالبه خلقتي عليك
- اي لان طلعت ويه منسه وهناك گعدت يمهم وهي البت لزگت بيه وظلت لابده يمي شسويلها انه
- يعني البنيه تحبك تحبببببك تعرف شنوو تحبك شكو تتواجد يمها هاا راح تكلي بت عمي وماريد اجرح مشاعرها شلون لعد تريد تصدمني فاررس هاا تريدني انام واكعد والكاها مرتك حظي يسويها ابدد ما استغرب منه هالسالفه
- بويه هاي شبيج وعلي هذا الشي اللي ببالج ما يصير انتي مريتي وبس كلهن ما يجن لمعزتج وغلاتج بگلبي وكلهن ما اعاينهن ولا يهمني دامج انتي موجوده
- باوع فاررس اريدك هيج لو تكوم تزخ نسوان ما تباوع وتحب غيري خوووش
- خوش بس گليلي الله منين سلطج عليه آن
- وشبيها آن معاجبتك يعني
- لا بويه عاجبتني آن وكثيرر اصلاً بت تطگ بلگاع اصيله ومعدله وحلوه خلقاً واخلاقاً بس لو شويه تسوي ريجيم
ضحكت انيي
- لااااا مدبدبه حلووه منيلها سمن حتى تسوي رجيم
- دنشاقه بويه راضين شحلاتهن خدودها
سكتت هي وانه ضحكت وگتله
- حبها خويه حبهاا
هو ما صدك كبل باسها من خدها وهي خدودها صارت حُمر يالله هال آن كارثه
لحد العصر اجت وحده من عماتي وگالت
- گومي عمه ناز بدلي خل اخذج لدكتوره يگولون عليها زينه
- عمه مو بعد كم يوم موعدي ويه دكتورتي وهي زينه اراجعها صارلي شهرين
- يمه شبيج هذي الدكتوره زينه مرت ابو لرجلج گالتلي عليها وحمدت بيها وكالت اخذيها الها خل تراجعها هالمره وانه هم سئلت عليها وجنتي همات تكول زينه
يبوووو هذولي شناوين عليه مرت ابو فلا ارتاحله داكه صداقه ويه عمتي
سكتت دخل فارس وهي استلمته تمدح بهالدكتوره عمه جثير فطيره الوحيده من بين عماتي هي هيج وهم جثير حبابه الباقيات مدري ليش ما استلطفتهن لان يدحگنلي بغيض ولا عبالك بت اخوهن ليش مادري هذي الوحيده طيبه وعلى نياتها وهذيج يجوز لاعبه بعقلها گتلو :
- فارس مو انه مراجعه دكتوره و بعد كم يوم موعدي وياها المن هذي بعد
- خويه عادي روحي لهاي الدكتوره ما نكسر بخاطر عمه وانه هم بيوم موعدج اخذج لهذيج الدكتوره
استسلمت للامر الواقع وگمت بدلت ومشيت ويه عمه وهي تسولف وياي الطريق كله وصلنه كعدنه ع السره تاليها دخلنه ماقبلو يدخلون عمه بس انه وحدي دخلت اخذت الورقه مالت الكشف مالتي قرت اسمي ودحگت عليه
- انتي ناز علي ؟؟
- ايي انه
بدون سابق انذار كتبتلي تحاليل وگالت
- روحي سويهن وتعالي
رحت سويتهن تقريب ساعه ضلينه منتضرين يلا طلعن ورجعت الها قرتهن وكملت دحكت عليه ورحنه تسويلي سونار ما حجت اي شي هاي شبيها غير تطمني ع الطفل وتحجي وياي مثل هذيج الدكتوره كمت وهي بعدها حاطه الجهاز على بطني دحكت بلشاشه وانه
- ليوين واصله بحسابج
- اليوم الي اول يوم بلسابع
كاعده كبال الدكتوره
شهكت وكالتلي
- لجج امي شنو هاي هسه يلا جايتني
نبهتت وكتلها
- ليش دكتوره شني الصاير بيه
- متقدمه انتي يا امي و واصله مرحله حسابج هذا كله غلط ياهو الحاسبه الج يا بنتي وانتي شلون محاسه على نفسج
خفت وكتلها
- رحت لدكتوره وكالتلي هالحساب مضبوط
- لااا ابد مو مضبوط وغلط وانتي متقدمه شهرين عليه هسه والعلاج والادويه الماخذتها كلها غلط مما سببت لدمار حالتج هذي ووصلتج لهل مواصيل ليش ما مراجعه غير دكتوره
دحكت عليهه و رجفه بروحي سرت خليت ايدي على بطني وكتلها
- شنو يعني دكتوره انه راجعت دكتورتين وراها هي دزتني عليهن وأيدن كلامهاا واخير شي وحده بدلتلي العلاج ونطتني هذاا
- غلط غلط هذا العلاج شجابه ع الحمل يا حبيبتي انتي المفروض ما تاخذين بس هذا المقوي لان كلشي ما بيج ليش هيج هذن خلن حالتج تسوء
فركت ايد بأيد متوتره
- شني يعني دكتوره شراح يصير
- احتمال كثير ضئيل يا امي انتي تطلعين سالمه من الولاده لان ولادتج لازم عمليه قيصريه وبالحالتين انتي وضعيتج تعبانه بسبب هذي الادويه الغلط الماخذتهن
ممرضه جانت واكفه بصفها كالت
- سويلج فد حركه و سقطي للطفل احسن ما تخسرين نفسج
شهكت وحطيت ايدي على بطني نزلت دموعي وكتلها
- مستحيل مستحييل اسوي هالشي ابني هذا جزء من روحي قطعه مني ومستحيل اطرحه او اسقطه او اسبب اي ضرر اله مستعده اعرض روحي للخطر وللموت في سبيل هو يعيش وما يتأذه غمضت عيوني بقوه وشديت على ايدي وانه اسمع صوته اجه وبان من وراي فجأه
- خلصينه من هالطفل وسوي اي شي حته تطرحه بلا زحمه عليج اهم شي مريتي تكون بخير ما مستعد انه اخسرها الطفل ما يهمني اهم شي هيه وصحتها
صدت عليه وانه زمخت
- ابني ما اذبه ولا اسقطه وهالحجي ما يهمني كلشي بقى يم الله وانه عندي امل جبير بربي ما يكسر بخاطري ويضيع ابني مني
- عندج كيس ايضاً ورا الطفل ولازم ينزال والا يأثر عليج ويدمرج هالحجايه تكررت عندي من دكتورتين كالن الي بلمستشفى من سوتلي سونار و الدكتوره الاراجعها كذالك كالت الي عندج كيس بس عادي اغلب البنات يصير عدهن اكياس بلحمل وبلولاده ينزال هالكيس ما كاللي خطر ولا انبني ع العلاج
- اذا تبقين هالحمل راح يأذيج وراح يأدي لدمار حالتج وما تطلعين من العمليه عايشه ابد واذا طلعتي تخسرين الرحم لازم تنزلي تلاحگي لنفسج ونزلي والعمر كدامكم وتعوضون هالشي ان شاء الله
الممرضه كالت
- اكو حبوب بلصيدليه اطلعي اشتريها واشربيها وره شويه گبل تطرحين
زمخت بيها
- ولكم انتم شلوون تحجون هيج بكل دم بارد ما انزل لو اعرف يسبب موتي ابني هذااا ابني ابني قطعه مني وجزء من روحي مستحيل اطرحه او اسويله شي
- الكتلج عليه سوي دكتوره معليج بيها
صديت عليه ودحكتو بملابسو وبدلتو العسكريه داخل هين ويحجي بكل برود
صد عليه بنظره خزرته وزمخت
- مااا اطرحه مو بكيفك ابنيي هذااا
هو تجاهلني وزمخ بلدكتوره اللي وجهها انكلب الوان من دحكتو كدامها وتدحك لجتفو وللرتب اللي موجوده بي
- أأ بس هالشي مو بيدي كله بايد البت اذا تريد تطرحه هسه اكتبلها حبوب تجيبهن من الصيدليه بس تشربهن تطرح اما اذا هي متمسكه بي تضل حامل لكن يسبب خطر كبير على صحتها وبالتالي احتمال ضئيل انو تعيش بعد العمليه او يعيشون بمعنى اصح هي وابنها لان علاجها الماخذته كله غلط
- يلا اكتبيها العلاج اللي يخليها تطرح خل اطلع اجيبه واجي
- مااا اشربه گلت مو بكيفك ما اطرح وابني اريده
رمقني بخزره سكتت
دحگت عليها كضبت القلم ووگع من ايدها دتكتب ورفعت راسها لالياس مسحت وجهها
- متاكدين تريدون تسوون هالشي اكتبها
- انتي گلتي خطر على حياة مريتي وانه ما مستعد اضحي بيها واخليها تخسر حياتها علمود الطفل فـ على حسب كلامج لازم تطرح حتى تعيش
بلعت ريگها وگالتلو
- ايي ايي صحح
ظل يناقشها وهي وجها صار اصفر ومتوتره بكلامها ويا اخير شي گعد گدامها رجل على رجل ورفع حاجبه وابتسم باستفزاز
- خصم الحجي ياهو المحرضج ودازج عليه غردي بويه ماعندي مجال مستعجل احجي كلشي عندج وفضيني ليش تخليني اتصرف تصرف من يمي وذيج الساعه اعرف شلون احجيج
يتبع في البارت القادم