الاشاوس و الشقراء

البارت السـادس و الخمسون

ﻛـﻮﻧـﻲ ﻣـﻐـﺮﻭﺭﺓ ﺣـﺘـﻰ ﻳـﺒـﺘـﻌد
ﻋـﻦ ﻃـﺮﻳـﻘـﻚ ﻛـﻞ ﺭﺟـﻞ ﺿـﻌـﻴـﻒ
ﻛـﻮﻧـﻲ ﺑـﺎﺭﺩﺓ لـا ﺗـﺠـﻌـﻠـﻲ ﺭﺟـﻼً
ﻳـﻔـﻌـﻞ ﻣـﻦ ﺍﺟـﻠـﻚ " ﺍﺷـﻴـﺎﺀ ﺻـﻐـﻴـﺮﺓ "
ﻟـﻴـﺤـﺮﻙ ﺑـﺪﺍﺧـﻠـﻚ " ﺍﺷـﻴـﺎﺀ ﻛـﺒـﻴـﺮﺓ "
ﻛـﻮﻧـﻲ ﻣـﺰﻋـﺠـﺔ ﻣـﺘـﻄـﻠـﺒـﺔ ﺍﻧـﺎﻧـﻴـﺔ ﺷـﺮﻳـﺮﺓ
لـاﻳـﺘـﺤـﻤـﻠـﻚ الـا ﺫﻟـﻚ ﺍﻟـﺮﺟـﻞ ,,
ﺍﻟـﺬﻱ ﺍﻋـﻤـﺎﻩ ﻋـﺸـﻘـﻚ ﻋـﻦ ﻛـﻞ
ﺍﺯﻋـﺎﺟـﻚ ﻭﺍﻧـﺎﻧـﻴـﺘـﻚ.

لارين :

سمعته وفزعت كمت على حيلي وحجيت باعتراض

- شنوو ملك ابو عوون شنووو شدتحجوون انتوو حاسبيني سلعه بين اديكم وتملكون بيه

باوع عليه خالو وحجه

- بويه من جيتي للدنيا انكتبتي باسمه بكبرج تصيرين مريته وابوج الله يرحمه يدري بهالشي زين وراضي عليه

- وانيييي شنوو موقعيي من الاعراب شنوو يتحدد مصيري واني هذا الشي قررتو بصغري ما يهمني هسه ومستحيل اقبل بي عاط بيه

- لااررررررين شني سر هذا الرفض لقَسْوَر

- انسااان معقد وغريب وما متفاهم واني شخصياً ما اجرعه ولا اريده وحشش خالو تعرف شني وحش انت تريد تعمم عليه تريدني اتزوج هالوحشش هذا

فجأه اجاني صوته

- وغصب عنج ترضين بهالوحش رضاج وعدمه واحد بكل الاحوال انتي مرتي

باوعتله بقووه عكس الغضب والقهر بداخلي

- حجيي يفيدك ما ارريدك شلون تقبلها على نفسك تاخذ بنيه تكرهك وما تريدك

ما حسيت الا براشدي فر راسي فر على اثره وكعت بلكاع خالو صاح بي

- موووو هيج هاي شبيك انت

- بويه هاي ما مأدبه تربات شوارع يراد اعيد تربيتها من جديد

دفعته وبعدته عني

- كلمن يرى الناس بعين طبعه واني كلش زين اعرف نفسي شلون متربايه وما منتظره حظرة جنابك تقيمني افضل الموت قبل ان لا اصير مرتك لانك انسان متحجر ماعندك ذرة رحمه وما مستعده اعيش ويه هيج انسان اني

سحبني من شعري دفعته

- لكك عووفني لخاطر الله هدني لا تلمسني

سحبه خالو مني وهو عيونه براسه يريد بس يفترسني وصاح بي بس تجاهله ونظره عليه

- خالو والله اذا تزوجوني لهذاا اسوي بنفسي شي واخليكم تندمون كلكم

اجه يمي مسح على خدي وباس راسي كال

- مايصير شي بدون رضاتج بنيتي واعذريني على ايده اللي نمدت عليج

حظنته لخالو وكتله

- عساها بلكسر

ضحك وفجأه دخل ابن خالي مجتبى وكال

- بوويه هذا فارس صاحب شركة *** ابن السيد جاي على ابو عون ويريده

باوعتله ونخطفت الواني صد عليه هو بخزر مسح على لحيته وكال

- يا الله

وكام وطلع خالو هم

كتله بكلبي بريئ منك الله وكعدت ع التخم مهدود حيلي صادق اجه ببالي كلشي ولا عركه يا ربي كلشي ولا يصير شي شويه وكبت العيطه ميزت من بينهم صوت صادق نرعبت هاي شصاير سحبت ردائي لبسته وشال خليته على راسي سحبتني نسرين وعاطت

- لج وعلي يكتلوج يهدرون دمج اذا طلعتييي شعدج طالعه بينهمم

عفتها وطلعت صارو كبالي بلحوش فارس وصادق وخالو وهو ومرتضى

متلازمين هو وفارس وفارس يكله

- مووو غصب لتخليني انعل **** تجي تهدد اخوي بيه لييش

- اخوك يعرف اسئله اله وراح يفتهم لييش هيج هددته لا يتقرب لشي خاص بيه

فجأه باوعت لصادق عينه عليه رفع راسه مسح على شعره ونطا دفره لقَسْوَر و زمخ بي

- عوووف اخوووي كافيي بس سكتتلك كثيررر هددتني وعفتهاا وهذي كدامك اسئلها سويتلها شي بعد تقربت عليها كرهتني وخلص بلعافيه عليك بس عوف اخوي فارس عندي خط احمر ادلتك والتهم مالتك كلهن نكعهن واشرب مايهن

صد عليه قسور شافني وعيونه صارت براسه اجه عليه شد على ايدي وكال

- دشيييي داخل لا اكفررر بيج وعلي

حجيت بصدمه واني مو فاهمه شي

- شمسوووي انت شنو تهديد المن مهدد

هدني من سمع صوت فارس يصيح عليه اجه خالو يمي يريد يدخلني صديت بس الوقفني منظر وقسور سحب سلاحه وخلا براس فارس نزلت دموعي واني اسمعه يكله

- چيلتين بس وانهي امركم وعلي جفوني شركم

ما حسيت الا سلاح توجه براس قَسْوَر وحجه بحده وثبات وجديه

- اذا اهما يكلفوك چيلتين بس انت تكلفني چيله وحده انهي امرك وبحديقة بيتكم اخلي دفنتك تصير نقيب

نفزعت من هالمنظر وحسيت نفسي عايشه بمسلسل وادي الذئاب يم مراد علم دار كله بلاسلحه كامو يتعاملون

باوعتله ابتسم نص ابتسامه بمكر

- هي الروح وحده الله نطاها والله ياخذها نفذ بيه يلا حظرة الرائد الياس

سحب سلاحه من ايده ودفعه وحجه ويا بخزر

- انت ضلعي وصويحبي ابو عون وعلى عيني و راسي بس مالت تتعدى على خواني لا وعلي اكسر الايد التنمد عليهم لا عبالك اسكتلك مو الباشاا اليسكت واخوته ينشال عليهم سلاح بحظوره طول الحديث جنت ساكت عسى ولعل تتفاهم بس لهنا ووصلت حدها فوك شينك كوات عينك ابوو عون شجااك ما يجي منك الغلط انت ليش تسودنت هالفتره

تلازم ويا وتعاركو وصياح اخير شي دفره وكال

- ترااا عيب ع الزلم وعيب على شواربكم ومراجلكم عركتكم من ورا مره وانت تهدد وتزيف وهذا يجر وذاك يعرر ابو عون تريد البت خذها حكك وبت خالك ومسجله بأسمك صادق خطب بت عمه وما يكسر بختها ورايدها ورايدته نقطه راس سطرر كافي عاد تقدم على فارس ربت على جتفه وكال

- توكل بالله انرد اعتبارك

راد يحجي ويا صد منه وجا على قَسْوَر طلعو هما

صد عليه الياس و رمقني بنظره طول عمري ما راح انساها دبت رعب بداخلي

كعد يم قسور وكله

- لكك انه حاس بيهم اكو شي علاقه من ورايه

عاط بي

- ماكووو هيج شي صادق كلشي يحجيلي لا تظل تحجي حجي ماصخ جت فتره رادها من عرف اكبر منه اهيه بطل وتركهاا بس انت كبرت الامور ووصلتها للتهديد

كام عليه لزمه من ياخته

- توجه المسدس براسي علمود هذولي باشاا

- شلون ما مرتضى ومجتبى خوانك هذولي خواني وانه جبيرهم وادافعلهم وماخلي اذى يصيبهم صح مو هواني بلدم بس خواني بلگلب هذولي التحجي عليهم

عفتهم ودخلت جنت خاتله ورا الدنكه حته لا احد يلكفني بس ما فهمت شني تهديد ليش قَسْوَر مهدد بفارس فارس شله دخل ؟؟؟ صعدت كبل لغرفتي ورا شوي نزلت على صياحهم واسمع خالو يئنب بي

- ابوو عون شلون تسوي هيج يابويه بمجرد شكيت تروح للزلمه لجامعته تهدده و بمنو باخو وتنطي دلائل مالت غسل اموال واربعه ارهاب وعلى منو على فارس ولك بويه ابن السيد هالزلمه ذهب هو وخوانه وعمامه اصدقائي وربعي شلون تسوي هيج هسه لو وصلت السالفه لعمامه انه بيا عين اعاينهم ليش هيج يابويه لييش

- بوويه يركض ورا لارين بلجامعه انه راقبته يريد بس يكضها ويحجي وياهااا

- لا تنسه البت معيده او دكتوره او ايي شي هي شغلهاا بلجامعه واكبر منه بعد شتتصور عنده وياهااا لا تظل تشك بطلها هاي السوله انسى الفااااات ابو عون تعبتني يابويه كلشي راح وانتهى وليدي خلي الماضي ورا ظهرك كافي هدمت حياتك اربعه وعشرين سنه صارلك هيج داخلك يموت بيها كافي جاي تأذي نفسك كاافي ارحم نفسك وريحها اذا ما ناوي ترحم غيرك

نصدمت رجعت للغرفه ونزلت دموعي صادق ما عافني صادق هاي كله من ورا هذا الوحش هيج كام يتصرف حته يكرهني بنفسه علمود اخو مهدده

بجيت بقووا يحبني يعني ما يكرهني قفلت الباب لزمت الفون بارتجاف ايدي اتصلت على رقمه ما جاوب بلبدايه بعدين فتحه زفر بعصبيه وصاح

- ياهووو وياييي بويه

شهكت وبجيت بقوه ومن بين دموعي نطقت

- صادق

- لارين روحي مرتي جاي تدك عليه

- صادق هاي شبيك انه لارينك لا تتخلى بهالسهوله

- اخوي عندي روحي بلدنيا كلها لارين وانه خطبت بت عمي وماكسر بختها بعد روحي يبت كلبي مودعه بالله اهو واهل البيت يسعدوج ويوفقوج بحياتج

- وكلبي وكلبك

- الهن الله يلتفت الهن لارين صدكيني ما غدرت بيج ولا نسيت حبج روحي بيج انه بس بعد ماكدر اكمل وياج اخوي بين عيوني وبت عمي كذالك الله يحفظج ويسعدج

بغصه وبقهر كتله

- حاللني وواهبني اذيتك هواي واعذرني على تصرف ابو عون كلش اسفه صادق الله يحفظك

- ويحفظج يالغاليه ولا يهمج مودعه بالله

- الله يشيل حبي من كلبك ويسعدك ويه بت عمك دعائي كله وياك يا صادق اسفي على الدنيا اللي ما جمعتنه سوا اني وياك وصارت نهايتنه هيج

تنهد وكال

- الحمدلله على كل حال

- والنعم بالله

ظلينه ساكتين وبس انفاسنه اللي تنسمع لحد ما كتله

- باي

- الله وياج

سديته منه وشمرت الفون كسرته هذاهو صادق كلمن مشه بطريقه انساك ايي اني قويه وراح اكدر اواجه هالشي

دخل قسور راد يحجي سحبه خالو مني

عافني وطلع مرت شهور مشايفته بده العام الدراسي الجديد بوكتها اني كملت الماستر وجاي اقدم ع الدكتورا ادرس واداوم بلجامعه بنفس الوقت اريد اكمل حته صدك اصير دكتوره واستحق لقبها بدراستي وبشهادتي

مرت ثلاث اشهر بدا جو الشتا الحلوو كلش احب هالجو اني بارد وغائم واحب اتمشى بي

صادق من يومها بعد ما شفته ولا اجه ببالي نكدر نكول محيته من بالي وقسور اشوفه صدفه وهمين ما ينتبه عليه مدري بيش ملتهي هالكم شهر

بيوم دخلت للجامعه لاكتني رونق بباب الجامعه سلمت عليه

- اهلاً دكتوره لارين شلونج

- اهلاً بيج حبيبتي

فجأه وسمعت صوت

- ها حبيبي شو ما دخلتي

- چاي اسلم على دكتوره لارين

صد عليه شفته صادق ابتسم وكال

- شلونج دكتوره

- أهلاً دكتور مبروك ع التخرج

- يبارك بيج دير بالج على مريتي

ابتسمت وصدك جنت انظرله نظرة انسان عادي او طالب گ احد طلابي الباقين

- بعيوني مريتك يلا امشينه ندخل

دخلنه وهي وياي جان تكلي

- دكتوره تجين بزواجنه بعد كم شهر اعزمج عليه من هسه

ابتسمت الها

- اي ان شاء الله اذا صارلي مجال اجي ليش لا

هي راحت لقسمها واني مشيت فرحه صارت بداخلي من شفتهم مستقرين بحياتهم

كملت اليوم و رجعت للبيت غسلت ونمت ورايه دراسه نمت شويه وفزيت على ركعة الباب كعدت ولن شفته قسور جفلت هذا شيريد منيي

كبل اجه عليه عتني من ايدي

- اليوووم ويامن واكفه جنتي ولججج احترمتج وهديتج كلت ادميه وما اريد اجبرها على شي بس تاليها هيج تسوين هو مو تخرج الغضب شني جاييلج للجامعه وداكين سوالف وابتساماتج الماصخه

دفعته

- هايي شبيك مو اللي ببالك شنوو السالفه مرته بصفي وجان يوصيني عليها

خزرني وحجه بفحيح غضب

- صدكت صدكت لاررين ماكو دوام بعددد ماشيي دوام وجامعه تنسيهن وتطلعيهن من بالج لا وحك علي اجرم بيج

دفعته

- شنوووو دوامي ودراستي فوووك كلشي بصفتك شنوو تمنعني

- بصفتي زوجج

- لكك حرام علييك والله شنو من بشر انت تمام زين اترك الجامعه اداوم بلمستشفى بشهادتي الطبيه دكتوره باختصاصي لا تنسى انه خريجة كلية الطب ومطبقه ومكمله كلشي بس اداوم والي تعيين مركزي بأي مستشفى

كعد كدامي وحط رجل على رجل

- يعني انه امنعج من شي نوب تريدين الاضرب شنيي من بشر انتي متكدرين تكعدين وتنجبين بلبيت

- يعني فوووكاهااا فوك ما راح اترك الجامعه حضرتك تعترض شلون تكولهاا ايي ... فوك شينه كوات عينه

طفر عليه عصر وجهي بين ايده

- متصيرلج جاره تظلين صلفه وگويه ولسانج طوله يوصل لبغداد بس اصبريلي اذا ما كصيتلج هاللسان ما اتمسى ابو عون بصعوبه كتله

- قَسْوَر

ضربني وشد على شعري اذاني كلش

- ابووو عووون انه مو هذااا الاسم التكوولي بالعباس اذا كررتي نوبه لاخ الا افرك حلكج فرك

- عووووفني هاي شبيك

شالني واني ارافس بين ايديه طلع استنجدت بخالو صار كدامي صحته

- خالوووو خله يهدني

ديحجي سكتهم كلهم وحجه بصوت هز البيت هزز

- وعليي اهجم البيت هجم اذا احد تكرب عليه وفكهاا مني بعدكم ما تعرفوني انتم زين خلوني انه وياها محد يتدخل وجناحي مثل ما الكل يدري ممنوع احد يصعد اله وهذاهو انتهى كلشي

ضربت رجله برجلي

- لكك عوفنننني هاي شبيك انت شهالتصرفات

صعدني كمل الدرج لاكا باب طلع القفل من جيبه و فتحه دخلنه على جناح كامل بهتت الطابق الثالث من بيت خالي جمالووو ظليت صافنه بي غرفه جبيره كلشش مبينه من بابها و مطبخ و صاله و هذا الغرفه الاخ مادري شنو مسدوده

اخذني وشمرني ع التخم انعوج ظهري عطت بي خزرني

- حسسسسسج لج حسسج لا تعلي

تكفكفت وكعدت وحجيت بهدوء

- وتالي شناوي وياي انت

- ناوي اكسر هالراس اليابس الشايلته

- ما ينكسر

- صدكيني اكسره

- نشووف

- زقنبوت وكلشي تردي موجود يعني انه اطول فوك الاسبوعين يلا ارجع وكلشي موجود يكفيج وزياده

ضحكت

- انت صاحي لو شنوو

- جلدج يحكج ؟؟

طفرت عليه

- دوامي اذا اتغيب يفصلوووني لا تسوي هيج وياي وتخلي تعبي كله ودراستي تروح هدر حرام عليك

عافني وطلع وسد الباب ركضت ورا جاي افتح الباب اعت بي ماكو ما يفتح دكيت عليه وصحت

- افتحححح الباااااب وين عايفني وحدي هناااا قَسْوَررررررر

ظليت اصيحلهم محد اجه عليه ولا احد ردلي كعدت ورا الباب ودموعي نزلت شوي واجاني صوت نسرين بجيت وكتلها

- طلعيييييني نسرين فدووه

صوتها الباكي اجاني

- اتحملي يا خيتي اتحملي لخاطري هي براسج براسج الله يهدي عليج والله لو اعرف قفل جان فتحته الج بس ماعرف ومحد يتجرء يخالف امره

- منووو هو متكلولي منووو حته هيج تخافون منه

- انتي ما تعرفين شي لارين سكتي يجي يوم تعرفين كلشي ترا هالحجر القاسي داخله لين وحنين

- ايي مبين مخوفكم وداب الرعب بداخلكم هسه يطلع مسويله جريمه بصغره وخالسكم خلس منها

- يمج اكل شي اذا تردين ناديني شوف شلون اناوشج

- يمي حاطلي لتخافين ماخذ احتياطه الاخ

ظلت تحجي وياي شوي وراحت وانه غاديه نار من العصبيه بودي الزمه اموته بايدي دراستي كلها راح تروح كلها راح انفصل من الدوام هو كالي فوك الاسبوعين يلا ارجع وراح اظل محبوسه هنا بين هالاربع حيطان

بس والله ما يحزر خل انفصل من الجامعه عادي بس الا اشتغل بشهادتي وغصب عنه بلمستشفى شنوو لعد اخذت الطب ودرست وتاليها اكعد واسكت خوب جان من البدايه كعدت وسكت

كمت دخلت لغرفته فتحتها افففف شهالفخامه شهالجمال ويلي يا ربي غرفه ملكيه جدرانها تجنن قطنيه والاخشاب كلش فخمه باينه ملكيه لان ضخمه لونها اسود وبيها نقشات ناعمه بللون الابيض

تقربت على الفراش كعدت عليه اشو دخلت جوا ضحكت ومددت 

ويلاااه والله يريح هذا وين لاكي هاي النوعيه مالت الفراش شكد دورت عليها ما لكيتها كلش تريح الجسم وتكون على تموجاته مو يابسه وتصلبه وتاذي للظهر لا هاي فدشي

سحبت مخده مددت عليها اووي طزز بقَسْوَر خل اخذلي غفوه تعبت اليوم بس لحظه جوعانه اكلي فد اكله كبلها

كمت فتحت الثلاجه الله الله كلشي بيها مبين يعني مخطط هالخطه براسه وحاسب كل خطواتها وتكون هاي النتيجه هلي محظرلي اكل والله شايل عقل وتفكير اسرائيلي هالقسور هذاا اعوذ بالله

ولا هو شعنده يجيب اكل لنفسه شيسوي بي وهو ما لافي اكيد مخطط لحبسي هناا براسه

اووي هسه اني شعليه باوعت بلثلاجه تعاجزت اسوي اكل لان نعسانه ومابيه اطول خلك

اكو رمان يمم كلش احبه بس سالفته طويله تعالي اكعديله كعده وفلسي يلا نوب اكدر اكله

تفاح ثكيل ع المعده واني راح انام

برتقال اتحسس منه

اكل موز واخصم الموضوع لو خاف تشتغل عندي الحساسيه ومنين اجيبلي علاج هسه اووف هاي شلون حيره وبلوه اجت ببالي عباره على نفسي " عجزهم قتلهم "

ضحكت يبوو هسه والله مابيه حيل مو بيدي يعني

تاليها احترمت نفسي وطلعت رمان وكسرته وكعدت اكل

هسه هو ما كلف نفسه وجابلي كرز طاكه بعصه هالكرز لو صابه زهايمر ونسى والله يا الله هاي شبيه بهالليل اني شنو تخبلت نوب كمت اتشهى واتطلب مرا رمان فراوله ويلاه شكد مشتهيتهن ضحكت على نفسي الحامل ما تتشهى وتتطلب بلاكل بكدي نوب سكتت والتهيت اكل رمان

مر اسبوع كامل عايشه بوحدي بين اربعة حيطان لا فون ولا شي مجرد افتح تلفزيون واللي ناقذني النت واليوتيوب اللي بي حته حسيت خلصت اليوتيوب كله من كد ما باوعت مسلسلات تاليها صرت اتابع وادي الذئاب من الضوجه لو من تطك عندي اطلع توم وجيري

وبعدها التهي بلتنظيف البيت صار يبرئ واحلا من ما جان كبل ماعندي لا شغله ولا عمله اكعد احرك بي واغير ديكورات اما ملابسي خليها سكته احسن لا هو اللي كبل ما يروح صعدلي منهن ولا يخلي احد ينطيني لو يفتح الباب عليه ظاله بنفسهن اغسلهن يوميه من اغسل ومن يبسن البسهن وظاله من اغسلهن اطلعلي تراك من عنده البسه واشده عليه حته ينضب ويثبت لان ملابسه يغركني كبار عليه كلش لحد ما مليت من هالوضعيه وخليت نسرين تخليلي ملابس كم تراك بعلاكه تضبهن وتشمرهن الي ع البالكون ومن بعد مية محاوله فشلت يلا كدرن يوصلني لان الطابق الثالث والبالكون عالي كلش عن الجوا

دوامي وغيابي بدون سبب والمشكله بدون فون ما احاجي احد اختي نسرين من البالكون المطله ع الحديقه تصدف اكعد واشوفها وتدزلي بوسات بلهوا هي وحسين ابنها واني اردها الهم واضحك وتجيني يم الباب وتحجي وياي

الزين الوحيد بلموضوع شكد ما كعدت وحدي ما اجه ببالي صادق ابد كأنما كلبي انغسل منه مادري ليش هيج مافكرت بي ما انقهرت ما احترك كلبي ما بجيت گانما رب العالمين مثل ما زرع حبه بكلبي شاله

بس كل صلاة اصليها ادعيله ربي يسعده ويريح كلبه

مرت تقريب اسبوع لاخ هم ماكو محجوره وحدي بعدها وهم ما بين واني طاكتني الضوجه نايمه متدثره الجو بارد غافيه وحسيت بانفاس يم ركبتي تجاهلتها وما طاوعني كلبي افصل نومتي درت نفسي للجهه الثانيه كلت هذا مجرد وهم فزيت بفزع من حسيت بخشونه قربت لخدي وشفايف طبعت بوسه بلمكان اللي صاير بين خدي وشفتي

الغرفه ظلمه وكلبي يرجف صوت خطوات كمت كبل طفرت شغلت الضوه باوعت الغرفه ما بيها احد

لزمت كلبي هاي شبيج لارين جاي تتخيلين من فلم الرعب اللي شفتي ايي هيج كمتي تتخايلين اشياء ما صايره

ضربت كصتي اني كم مره متوبه ما اباوع افلام رعب بليل لان اخاف واظل اتخايل نوب ارجع ولا عبالك

طلعت برا الغرفه باوعت بلمطبخ بلصاله بلحمام ماكو شي خليت الضوا مشتغل ورجعت للغرفه تعوذت من الشيطان وشغلت الاناره الليليه وطفيت الضوا ورديت نمت ظليت اتكلب لحد ما غفيت كعدت الصبح غسلت وبدلت

جذبت انتباهي الغرفه صارلها شكد مقفوله اريد افتحها ماكو خل اروح ادور ع المفتاح احسن الي مشيت للميز مالته شفت على سطحه ماكو دورت بخانته بلكنتور ماكو اخير شي رجعت ع المجرات اللي جوا سطح الميز فتحت اول واحد لكيت مفتاح اسود شكله قديم من هذا التحفي گبالي بس باين مو مالت باب هذا المسكه مالته زخرفه كلش حلوه متت بغرامها

رجعت ادور ورفعت الجلده اللي حاطها لكيت مفتاح لاخ ببدايتها ايي هو هذا باين مالت الباب رجعت كلشي بمكانه وصفنت على غراضه وبلعت ريكي شكد مرتب يا الله والله ارتب مني وغراضه يلمعن لمع اكثر من حياتي

اخذت المفتاح ورحت جربت ويه الباب صح قوي بس طكيته اكثر من طكه نفتح فرحت حسيت بلانتصار خل اشوف شنو بهالغرفه المقفوله فتحت الضوا وباوعت باستغراب شنو هاي غرفه كلها الوان و فرش وفريمات وستاندات مالت رسم قَسْوَر والرسم معقوله ؟؟ باوعت ع اللوحات اللي بعدهن بلستاندات مسطرات بلغرفه تقريباً 5 وحده بصف اللخ بترتيب كلش حلو بس مغطايات اجاني الفضول اشوف شراسم بيهم رفعت الغطاء عن اول لوحه وصفنت بحمال رسمه وتدقيقه على ادق التفاصيل والملامح وكلش مضبوط بلرسم نتبهت على شگل اللوحه أبو و أم و ولد كاعدين يمهم وباينه اجواء العوائل العاديه نتبهت ع الرجال اللي راسمه بصف المرا ملامحه معروفه احس نفسي اعرفه بس مجاي اتذكر الصوره يجوز هاي بشبابه واني شايفته هسه مادري المهم غطيتها

حولت ع الثانيه رفعت الغطاء عنها ما فهمتها شنو محتواها او شنو هذا الراسمه بس اللي تبينلي بلزاويه طفل يباوع ع المنظر ومرا بحظن رجال و داير مدايرهم اشجار ومكان مثل البستان هيج شي

حولت ع الثالثه فتحتها نفس العائله الراسمها بلبدايه بس تقريباً بعمر اكبر ومبين على ملامحهم الاسى والحزن تاره والغضب والكره تارةً اخرى

حولت ع الرابعه صورت مرا مشتعله نار وتستنجد وشخص كاعد كدامها على ملامحه الاستياء والحزن ومدنك راسه بين رجله وساد اذانه

حولت ع الخامسه والاخيره جانت صورة جسم شخص جبير باينه جسم مرسوم رسم كأنما واقعي لگن من فوك الصدر صاير الرسم گأنما الروح چاي تطلع وهو متقوس وشاد على اديه ومكورهن بحيث من كثر ما رسمه دقيق حته عروك الايد اللي تبرز من يكور ايده الشخص باينه وراسمهن

رجعت غطيتها واني حايره معقوله هذن رسمات عاديه ؟؟؟ وما بيهن معنى و أثر على حياة قَسْوَر

القيت نظره اخيره ع الغرفه لكيت بنهايتها خزانه حديد جبيره رحت عليها اريد افتحها ما كدرت تالي عفتها وطلعت ورجعت قفلت الباب و رجعت القفل بمكانه

وظليت حايره بهالأمر مرت يومين لاخ وهم ما أجه وهاي اليوم قبط اسبوعين واني محبوسه بهالسجن طكت روحي والله بوكتها كاعده جاي اكلب بليوتيوب وطلعلي فلم ' تشاكي ' اللعبه او الدميه

شكد جانو يشوفو ويباوعو بس اني اتجنبه لان اخاف منه بس هالمرا جذبني دخلت عليه وظليت اباوعه واطكطك بس ابد ما تركته لحد ما خلص واني اتذكر شلون يكتل وشلون غرس السجينه بحبيبته وكتلها وشلون كتل هواي ومغامراته شكد قاسي يربي داخلي يرجف وائئنب بنفسي شجاني وباوعته

طفيت التلفزيون و رحت للغرفه طفيت الضوا شغلت الاناره وتمددت ظليت اتكلب وماكدر انام فجأه وطفت الكهرباء زاد رُعبي اضعاف كمت احس بخطوات اجت تتقرب عليه دموعي نزلت تيهت الضوا الاضوي بي اختفى كمت اتلمس واتمشى ودموعي تنزل طلعت من الغرفه وحسيت الخطوات تتقرب عليه امسح بدموعي واحجي

- عفيه عوفني كاافي رووح شتريد مني والله ما مسويه شي

مشيت اكثر واحسها تقترب مني

- منووو انت والله ما مسويه شي عوفني

سكنت الحركه شوي كمت اسمع صوت من برا فجأه وصار صوت كلش قووي كعدت وخليت راسي بين رجلي وابجي دترعد الدنيااا لج يمه اخاف من الكراكيع جنت من تصير احظن بابا وانام وهسه هو ماكو ووحدي هنا وين اولي دموعي تنزل والرعب بداخلي يقرى الف كمت واحس رجليه ميته توجيت بلحايط فجأه وصار صوت كلش قوي وبان من الجامه البرق اللي بلسما كمت ابجي بصوت عالي

- باباااا وينك اخااف والله اخااف

مشيت مسافه باتجاه الباب وحسيت بايد لزمتني كبل وكعت ماعت روحي و ردت افقد كلت هاي نهايتي بعد كلبي راح يوكف ما اتحمل بعد...

يتبع في البارت القادم

لا تنسون التصويت والتعليقات ع الفقرات

تحياتي الكم ام اسد