( التناقض )
يوم اصلي وعشره اموتن ع الطرب
ساعه اغني وساعه بين عيوني رب
نوبه تلگه بروحي راحه
ونوبه موسم للكرب
مره احب الدنيا واعشگ
ومره احس يومي گرب
لارين :
كاعده افر بلخاتم اللي بايدي وادك برجلي بلكاع اختي ليغاد مني وصادق يلح عليه يريد يتقدم وخايفه من ردود الافعال وخايفه لا يأذوني شسوي هسه مادري
دخل ابن خالي وحماها لاختي بنفس الوقت اباوع عليها كبل طفرت ووجهها انكلب الوان وحجت
- هلا هلا ابو عون نورتنه من بعد غيبه الحمدلله على سلامتك
القيت بنظري عليه بشرته سمرا وملامحه حاده كلش طويل وخشن جسمه ممشوق ومعضل ومرتب لابس عسكري سلاحه بحزامه ساعته وخواتم بايده وثلاث نجمات مزينه جتفه بلرتبه العسكريه '' نقيب ''
ثاني مره اشوفه من اجيت لليوم واحس الكل عدهم رهبه ويخافون منه شنو السبب ما ادري حته ابو رغم هو ابو واخوانه كبار كلهم بس يحسبوله مليون حساب بكل موضوع
بصوت خشن جهوري رد عليها
- الله يسلمج
فركت ايد بايد وتلبكت كالتله
- ابو عون ممكن اسئلك سؤال بلا زحمه عليك
صد عليها باستغراب وهو عاكد حاجبه كلش نرفزني شهالشخصيه وكلها هيج ترجف رجيف منه شمسويلهم وهالمصخمه اختي هيج تخاف منه
- تفضلي ام حسين شصاير
- ما صاير شي بس مرتضى كالي اذا اجيت اسئلك على تعيين ما طلع مالت ابن خالو قاسم
- ايي صح دينتضره خطيه للتعيين
باوع عليه ورمقني بخزره سكتت هذا شبي يالله بس يخزر صد على نسرين وكال
- ماكو اخبار عليه بعده مطالع
- ان شاء الله يطلع
مدري وين راح رفعت راسي وكتلها
- شنو سالفته هذاا شبي بس يخوزر وميتحاجه
كبل صكعتني على جتفي وكالت
- لسانج الطويل ابلعي يمعوده لا تداهرين وتعيطين لا عبالج مثل مرتضى فكاهي ما يقبل بصوت العالي وهذن السوالف اله قوانين محد يتعداها بوجوده ابد ترا ما يقبل والله انه العلي كتلج
باوعت عليها كعدت ع التخم وكالت
- يمه ابوس ايدي وجه وكفا على رضاوي حبيبي زلمتي شحلاته
هزيت ايدي وكمت شدعوا هلكد خالس الكل من حوره ع اساس
طلعت للحديقه وصلت بلكراج جاي اتمشه وما حسيت الا هجم عليه كلب نرعبت وكبل عطت اريد اوخره ماكو مجلب بيه يشمشم لعبت نفسي وكعت وهو فوكي اعيط تاليها هو كبل طفر مني
حسيت بعته قويه من ايد كبل رفعتني عن الكاع ركعني بسياج الكراج باوعت عليه عروك كصته باينه
- متستحين ماعندج خجل هالعياااط سبيتي الامه اهوو شني اهوو كلب راح ياكلج قابل لسانج وصوتج كضيهن مره لاخ لا اعرف شلون اتصرف وياج
سكتت ومديت ايدي مسحت دموعي باوعت عليه راح والكلب جيت على صدره لونه اسود وبني وجبير باين كلب بوليسي بركبته حزام او مثل الرباط ممسكه
دخل مرتضى بهالوكت تسالم ويا وباوع عليه شكلي مخطوف
- شبيك وياها خويه على بختك لارين هاي لو ناسيهه
استغربت من نبرته
وهذاك حته اسمه ماعرفه من كد ما يصيحوله ابو عون ما سامعه احد يصيحله باسمه
- خل تكض لسانها ويصير خيرر
باوعت عليه خزرته
- خويه مرتضى والله ما مسويه شي تمشيت هنا وفجأه هالكلب جيت عليه ولعب نفسي وخوفني انه شسوي بعد عطت حته احد يوخره مني لان ماكدرت
التفت عليه وعيونه تخوزر بيه
- دشي داخل لا اجرم بيج وعلي
رديتله الخزره بس النقذني صوت مرتضى
- خويه هذا شني اشتريته
- لا هذا k9 گلب التفتيش خلو بسيارتي ومريت ع البيت كلت اسلم عليكم كبل لا اطلع بواجب لان طولت صارلي شهرين ما مار عليكم
- نورتنه والله ابوي مشتاكلك هسه مسافة الطريق ويجي تعنى لعمتي لان شوي متخربطه
ديحجي وصد عليه شافني اتمشه بلحديقه مشه باتجاهي وسحبني من ايدي وحجه بعصبيه
- انه شحجييت مو كلت دشييي داخل
هديت ايدي منه وباوعت عليه بنظره قويه وعفته ودخلت بس بداخلي اتراجف يا الله شهالبشر هذا يخلس خلس ابو خزره مو ابو عون
دخلت جوا سحبتني نسرين
- ما تكعدددين راحه انتيييي ولج واحد غيرج يتشكره لوما هو جان هسه انتي عطاله بطاله هو النقلج من بغداد لهنا
- الشكر لله
- ولج وعلي ابو عون اذا شد وياج يكفرج يراويج نجوم الليل بعز الظهر وحق الله لارين ديري بالج ترا مو سهل
- ابوو عون ليش يشد ويايي خل يحير بمرته وبجهاله يبااا احد كايله بنته انه ومادري
لطمت على وجهها
- صخام الصخم وجهج على هذااا اللسان ولج ما متزووج بس هم يصيحوله ابو عون ولا هو اسمه .. قَسْوَر
صفنت عليها
- حته اسمه صعب غريب ومعقد مثله قَسْوَر بلحركات ويعوج الحلك عوج يلا ينلفظ
شفته صار كدامي بلعت ريكي و سكتت ما حسيت الا بصوته كال
- كملي ليش سكتي سمعينه حسج
شفته تقدم علي وهو يكور ايده يفتحها ويسدها رجعت لورا صار بورايه كرسي كعدت تلعثمت صدك خفت منه انكلب عليه اسد متوحش يزئر
- بس افهمك لحظه
- لا افهمج ولا تفهميني خصم الكلام لسانج اذا ما تكضي اكصه الج
ومشه واسمع خطواته ع الدرج
- مرتضى شنو السالفه شو مو مثلك هذا صارله كم ساعه من اجه شد وياي
باوع عليه شرب ماي و وجه الكلام الي
- اجاك الموت يا تارك الصلاة
- اصلي انه واتقي الله
- لارين من هسه اكلج شيصير تقبلي الامر الواقع ابو عون اذا خله شي براسه يسوي غصب على اكبر راس
سكتت هو شويه ونزل بنفس البدله العسكريه بس باينه هاي غيرها مجددها اني شفته كبل عدلت كعدتي و رجع صادق لبالي شلون بسالفتي اني ويا ما ادري كعد كبالي ونظرته جامده يهز برجله مد ايده ع الميز صار نظري عليها لابس ساعه وخواتم وعروك ايده باينه بوضوح منها بلعت ريكي هذا اذا ضربني اتفلش
دك ع الطاوله وكال
- گهَوا بويه
باوعت يمين يسار كتله
- عفواً ويايه
- لا ويه خيالج كومي سويلي گهوا مره
كمت وجاي اسوي كال
- وياها جوز
- بعد متريد احطلك هيل وياهااا حته تصير كهوا مهيله
خزرني هسه هو غير يستقر ابو خزره
اخذت نفس تحملي هي كلها ساعه ويروح وحته هو يمكن ماكاعد هنا مكضيها دوام و واجبات ركع اذا دخل البيت الجبير والصغير يهابه عوووذه شكد مكروه وغثيث شد وياي فرد شده شلون اخلص منه هذا مادري
دا اسوي ودخل حسين ابن اختي عمره 4 وجعفر عمره 6 ابنه لابن خالي الجبير علي اخو مرتضى وقَسْوَر مرتضى زوج اختي عمره 30 خريج ومتعين باختصاصه
و علي عمره 32 ايضاً متعين و عازلين بجناح خاص الهم بس بنفس البيت
و مجتبى عمره 25 طالب دراسات عليا
وداليا اختهم عمرها 19 سنه ما متزوجه طالبة جامعيه علوم بايو
اما قَسْوَر شكد عمره ؟؟؟؟ ما اعرف ولا متطرقه لموضوع بشي يخصه ولا جنت اعرف اسمه لان ما شايفته ابد وكلها تصيحله ابو عون لقائاتي بي تنعد ع الاصابع لمحته بفاتحة ابوي الله يرحمه ومره ايضاً جنه طالعين اني وابوي وشفته هذا كل مافي الامر لهذا كلامي ويا وعلاقتنه بيها حزازيه مو مثل ويه مرتضى و مجتبى
هذولي الاربعه ولد خالي حسن الجبير اما ولد خوالي قاسم و حبيب الباقين كلهم صغار من 22 وجوا وعدهم بنات بلجامعه قسم منهن و بلثانويه هم يدرسن بس اغلبهن غثيثات وما ينحبن بس اطلع منهن فاطمه و زينب حبابات كلش
وعندي خالات ثنين وئام وانسام تؤام وعمرهن تقريبا 37 متزوجات وعدهن اطفال ما ملتقيه بيهن ابد ما اعرف اذا حبابات او لا كلهم عرفتهم بلجديد لان ابد ما جانو يجون على ابوي لو علينه ويزورونه وانه امي ماتت من جابتني وهما قطعو الصله بس على اختي مدري وين شافها مرتضى ودك رجل الا يريدها مريته واخذها اخذها رجعت شوي قرابه ببينه بس التفاصيل ابد ماعرفهن بس خوال وخالات
اسوي بلگهوا وحسين وجعفر يحجون ويا
كملتها صبيتها و قدمتها اله شربها وبنظرة جمود باوع عليه
- الشكر لله
سكتت طلع هذا سامع كلامي كله الحجيته قبل شوي هستوني جاي ارد عليه دخلت ديما بت خالي قاسم باوعت عليه وابتسمت
- هلا وكل الهلا ابن عمي شلونك
رد بجمود كالعاده
- بخير خيتي مشكوره
كبل اختفت الابتسامه منها من لفظ كلمة خيتي
- محتاج شي اسويلك
- لا
كعدت وظلت عينها عليه
شوي ودخلو خالو ومرت خالو
- هلا ابو عون شلونك عاش من شافك
ما رَد عليها تعجبت وحطيت اديه على حلكي اكو واحد هيج يطنش امه عزاا
كام وتقدم على ابو باس ايده وراسه
- شلونك بويه
- بخير يبعد ابوك ورفعة راسه انت شلونك
- بخير بويه اجيت اعاينك من مساع وهسه بعد ماكدر اضل اكثر لازم اروح واجبي بعد ساعه
- الله وياك دير بالك على نفسك قَسْوَر بويه
انتبهت عليه گور على ايده بقوه
كبل حجه خالو
- ابوو عون بوويه طمنه عليك ولا تكطع بلجيه
- ان شاء الله ... اودعناگم
طلع واني حايره بامره هالزلمه طنش امه عصبي نار معقد مستفز العجب ميعجبه وعصب جي ابو صاحله بأسمه
لييش ؟؟؟؟؟؟
حيرني امره
اجت داليا يمي كالت
- ها لارينات شبيج
- اخووج قَسْوَر شبي ليش هيج
لزمت ايدي وكالت
- حبوبه لارين لا تصيحيله باسمه
- ليش دلو لتخبليني شبي هو ليش هيج يختلف عن الكل يخافون منه ويهابو
- لان الجبير هو اكبر اخوتي عمره 34 سنه يحترمو
- و اذا الجبير ما يستدعي هالخوف كله زين عوفج منهاي وسالفة اسمه
بلعت ريكها وسكتت ما جاوبت
كمت رحت لغرفتي كعدت اخذت فوني لكيت رسائل من صادق بمواقع التواصل اخذت نفس بضيق
وشمرت الفون صادق كلش ديضغط عليه بسالفة الاتصال والتواصل والتحكم واني من كاعي اكره هالسوالف الاتصال والرسائل وتعالي دزيله يومياتج
بحياتي الماضيه تواصلت ويا تقريب شهر او شهرين واختنكت ما يهدني واذا اغيب عنه ساعه يضوج كام يتعود وحسيت بنفسي هم دا اخون اهلي وهم من كاعي اكره هالسوالف
ومن مات ابوي وصارت وياي الظروف ابتعدت عنه وبدلت كل ارقامي ومواقعي حته ميكدر يحاجيني بعد وينساني بس هسه مدري منين جايب الفيس والانستا مالاتي ويدزلي عليهن رجعت اخذت الفون لكيته كاتب
- اذا ما تردين هسه اهجم الامه عليج
دزيتله
- صادق بعد لا تدزلي رجائاً سبق و ان كتلك ما اريد اتواصل وياك اني مو زعطوطه وفارغه حته تريدني من الصبح لليل احاجيك عوفني بحالي و رقمي ما انطي لاي احد لان خاص بيه
نطيته بلوك فجأه ودخلي من غير حساب يغلط ويسب وينعل كلش قهرني و اذاني بغلطه و بكلامه على ابوي ايضاً
رجعت سويتله بلوك وسجلت خروج من البرامج
نمت و ثاني يوم طلعت من الصبح للجامعه كمنه نروح اني ومجتبى سوه وصلت راح مجتبى لقسمه و اني هستوني جاي ادخل دخل وياي دكتور طارق كال بابتسامه
- اهلاً دكتوره صباح الخير
- اهلا بيك دكتور صباح النور
ورديتله الابتسامه وصديت لكيت صادق يباوع ويضحك باستفزاز تاليها كاد بنيه ومشى
هذا شبي يا الله والله احس كلبي نغسل منه ولا جن صادق الاولي شكاك وبسرعه يهجم ويغلط وكلشي وجايب سيرة ابوي على لسانه ومتحكم لابعد حد وهو لا اخوي ولا ابوي ولا زوجي حته يتحكم بيه
عفته ومشيت بدت المحاظرات كملت محاظرتين ومن ضمنها قاعته ومشيت من يمه ولا عبالك هذي تقريباً هاي الاسبوعين اخير محاظرات راح اخذهم ماكو بعد راح تبدي امتحانات الفاينل وهم هاي اخير سنه الهم
كملت ورجعت لغرفتي كعدت ادقق بسجلات و درجات قديمه واحسب ما حسيت الا دخل عليه سد الباب وكعد كال
- الشرف بعد لا تبيعي براسي ست لارين
جحضت عيوني من كلامه
- اني اعرف بنفسي شنو لهذا احتفظ بتقييمك وكلامك لنفسك انت هنا طالب واني دكتوره وغصب عنك تحترمني
- ايي هو شعم عليج غير الدكتوره صرتي وحده س*** من تخرجتي لليوم
دكيت ع الميز وكتله
- تفضل براا
- تتمعشكين ويه دكتور طارق من الصبح وابتسامات وكلام وانه من ادكلج واحجي وياج ترفضيني بت الكلب متستاهلين واحد يحبج فوك ما كلبتج و رضيت بيج وانتي هم مريضه ومواته وهم اكبر مني زينيه مني وحبيتج
قهرني وهظمني كلامه الحمدلله ربي من ما نطيته مجال زياده جان هم عيرني و اذاني بي باوعت على ايدي رجفت خلعت منها الخاتم وخلعت اخر ذرة حب اله بكلبي وانتزعته منه
هو صفن وفتح عيونه بصدمه شمرت الخاتم عليه
- خلعتك من حياتي ونزعت اخز ذرة حب جانت باقيه الك بكلبي مثل ما خلعت ونزعت هالخاتم مالتك وشمرته عليك كلبي نغسل منك وحبك الجان بكلبي راح الحب اللي يجيب الي مذله واهانه وكلام بذيء على اهلي ما اتقبله وادوس على كلبي واتعدا انت متستاهلني مو اني اللي ما استاهلك وراح تتندم واتفضل اطلع برا
استهزء بكلامي
- اتزوج اغاتج واشرف منج انه ما ترهم وياي المرا الموضفه اللي تحجي ويه مية زلمه غيري
- لانك همجي وماتقدر قيمة المرأه ومكانتها بلمجتمع واتفضل اطلع برا لا استعدي الامن عليك
- هي بقت بس الامن دزي عليهم وعاشريهم واضحكي وياهم بعد
خزرته ورفعت فوني دا اخابر كام وصل يم الباب وكال
- ظلي ببيت خالج بايره ومحد يكلبج
طلع وسد الباب ورا نزلت دموعي كمت قفلته ما يستحق ذرة من الحب اللي جنت ادكه بكلبي مسحت دموعي وباوعت للفراغ انسي لارين ادوس على الكلب واتعدا وانسى للحب اللي يذلني
المستحيلات سبعه وثامنها اسامح صادق وارجع حبه لكلبي بعد احسبه ماضي واخلي ورا ظهري وامشي
مرت يومين واني تقبلت فكرة ماكو صادق بعد كلما افكر بي واحن اتذكر كلامه وحجيه الجارح وابعده عن افكاري واجه راد اسامحه
- لاريني والله احبج وما جنت بوعيي ومعصب
- كرهتك صادق تعرف شنو كرهتك حبك نزاح من كلبي افتهمم
كام عليه عصر وجهي بايده دفعته
- لا تتجرء وتمد ايدك علييه اطلع برا صادق انت ما الك وجود بحياتي بعد افتهم هالشي
ما قبل وظل يحجي لحد ما طلعت واشتكيت عليه يلا اجوي طلعو انهضمت كلش من تصرفاته وغميت روحي لان اجه يوم وحبيته بي ابد ميستاهل هو الميستاهلني مو انه الما استاهله
بيوم رحت لكراج الجامعه ماكو احد فارغ جاي اطلع ما حسيت بي الا سحبني من ايدي ويجر بيه يريد يصعدني بسيارته نفرته وعطت بي
- لكك متستحي متخاف الله انت عوفني داكلك اني والله اكرهك والعباس كرهتك من كل كلبي ومن ربي ماريدك عوفني بحالي
ضربني راشدي دفعته
- الله ينتقم منك لك عوفني
راد يهجم عليه دفعته وركضت صعدت بسيارتي ومشيت مهظومه شكد حقير منكلب صاير انسان ثاني لا يعرف العيب ولاشي انسانه جاي تكلك ما اتقبلك بحياتي بعد وانت اللي بديت المشاكل والشك اتركني حل عني كاافي
مر تقريباً اسبوعين تخلصت منه ومنعت نفسي بلتفكير بي لحد ما نهيته وطلعته من بالي كلياً صار حاله حال الطلاب الباقين وما ابدي اي ردة فعل من اشوفه صار غريب عليه كلياً وما اهتم اله
بليلتها سمعنه برجعة الباشاا كلهم فرحو وخوالي راحو يشوفوو ويتطمنون عليه واني شخصياً فرحت انسان عظيم وطيب ويستحق العيش والراحه ويه اهله وعائلته بس يخوف هو و قَسْوَر الوحيدين يخوفوني يخلسون خلس
مرت ثلاث ايام بوكتها داومت دخلت للقاعه لكيتها هوسه ويضحكون بيناتهم واحد منهم كلي
- دكتوره باركي لصادق الخميس
باوعت عليه وابتسمت
- الف مبروك
- معزومه دكتوره
- ان شاء الله اذا صارلي مجال اجي ليش لا
كملت المحاظره غيري وحده تحزن وتنعى بس اني ما اهتميت ابد ليش مادري ردت اروح لخطوبته بس خالو ما قبل بيومها اجانه الباشاا يسئل عليه كلش فرحت بشوفته احسه اخوي
رحت سلمت عليه وكعدنه سوا كال
- شلونج بويه خوما محتاجه شي
- الحمدلله من رجعت سالم واني ما محتاجه كلشي
- الله يسلمج
كمل الجاي وصد عليه باوعلي بخزر بكت طن هوه ونخلست يالله شكد يخوفون من يحجون هو وذاك الزلمه
- لارين اخير مره اسئلج سؤال واذا ما جاوبتيني بصراحه تصير السالفه مو خوش
- اي خويه تفضل
- صادق عندج شي ويا وديتعرضلج هسه
دنكت راسي بعدها رفعته تشجعت وكتله
- والله وروح ابوي ابد كلشي ماعندي ويا هسه حالياً وحته هو حل عني ما انكر هذيج الايام جان يمر للمكتب ويحاجيني ومرا تعاركت ويا ورادني اسامحه بس ما قبلت وطلبتله الامن وطلعو وكلشي انتهى واعامله حاله حال الطلاب كلها وبخطوبته عزمني عليها ردت اروح بس خالو ما قبل ماكو غير هالشي والله ما ضامه عليك كلشي
- عفيه باخيتي ماكو حب ومن هالسوالف
- لا ابدد كلمن بطريقه يا حُب
ظل يحجي نوب ويه خالو ونزلو علي و مجتبى يمه بعدين ترخص ديروح كال
- بيت خالج والنعم منهم بس اذا اعتازيتي شي انه اخوج وموجود شوكت ما ترديني
ابتسمت على كلامه هو طلع دخل قَسْوَر شافه بلديوانيه كال
- ضلعي والله
اجه عليه سلم وكال
- باشا الوزاره والقياده رايديك بعد يومين يمتى تتعنالهم كول انه اجي وياك
- ما تقصر ابو عون الغالي بس شني السبب
- يجوز مكافأه الك يشدونلك رتبه يرفعوك كبل الوكت من مساع الربع كلها كالو هَيج وبعد الباقي يمهم شوف قراراتهم شمصدرين بس اهم شي نقلتك للبصره ياخوي
- ان شاء الله خل ارتاح شوي بعدها ارجع للدوام
باوع عليه وغمزله
- اجازتك شهرين احسب حساب
ربت على جتفه ومشه والباشا هم مشه بينهم شي هذولي الثنائي مادري شنوو هو
ما اهتميت ودخلت جوا داومت ثاني يوم من دا اطلع وقفني صوت دكتور طارق وهوا يناديني وكفت بعد السلام كال
- دكتوره انه ما اعرف الف وادور ومو من نوع ادور علاقات نيتي شريفه وياج ورايدج تكونين زوجه الي على سنة الله ورسوله واتمنى منج توافقين
نصدمت من كلامه صراحه ابد ما متوقعه من عنده هذا الكلام لان هو بطبعه ثكيل وابد ما يتطرق لهيج مواضيع بس صدمني جاوبته
- شكراً لكلامك دكتور لكن اهلي موجودين وهم اليقررون امشي بي اني
- چا خوش منا للعصر ادز النسوان وتتفاهمون
ترخص ومشه وانه هم مشيت بس مصدومه توهوهت من القرار واستحيت ارفضه بوجها وشكله مادري بعدها كلت كافي لارين بس عناد رفضتي هواي ببغداد وهنا اجه الوكت حته اكمل حياتي كافي عمري 26 سنه راح اصير 27 سنه اكمل حياتي ويه انسان مثقف ودارس احسن حته يكون متفاهم وهو وياي وحته ما يمنعني من دوامي اهم شي ويخليني استمر بي لان هذا تعب عمري من الدراسه وتاليها اترك كلشي
نزلت دموعي من مَر صادق على بالي اقنع نفسي اكول كرهته اكول نسيته بس انه جذابه ايي جذابه اسمه محفور بكلبي اصبعي مفتقد خاتمه اللي محفور عليه اسمه ومحفور بكلبي
هو اتخلى عني هو عافني بسج لارين كل اللي كضا وياج جان بمزاجه ومن ما عجبتي تركج و راح خطب غيرج اصغر منه وحلوه و بت عمه كل عقلج جنتي تفكرين تنجمعين انتي ويا
مسحت دموعي بلعت الغصه بداخلي وسكتت وطردت هالافكار من راسي
رجعت سلمت عليهم صدك للعصر اجن النسوان واني ما طايقه هالزواجه ابد صح الرجال ما معيوب وكلشي مابي بس انه ماريده ماريد اتزوج نفسيتي تعبانه و السنه مالة ابوي للساعها مطالعه
سلمت عليهن وقدمتلهن الضيافه واكلني اكل بلسلام ويصلن ع النبي من يباوعن عليه الا شويه واضحك شويه وترخصن وراحن بعد ما فتحن الموضوع
نسرين تكلي وافقي احسن الج كملي حياتج وتدعيلي
مرت خالو تباوع عليه صفح يا ربي هاي المره لو بيدها تشيلني وتشمرني برا بكل دم بارد دوم تسمعني كلام وتذمني بس اسكت لخاطر خالو
راحت كالت لخالو نزلو علي ومجتبى و مرتضى حجالهم خالو باوعت مرتضى تغيرت نبرته وغص بالمي تمالك نفسه وكاله
- بويه شني نسيت لارين من جانت لحمه من هستوها طلعت من بطن امها مسجله بأسم ابو عون تريده يعوفها تروح لغيره بكل سهوله
يتبع في البارت القادم