الى الأبد، سأظلّ أُريدُك.
نفتعل شجارات،
نأكل بعضنا أحياء،
نصبح وحشيين،
ترميني بالحقائق المروّعة،
أرميك بالاتهامات،
أرى أسوأ ما فيك،
خيرك و شرّك،
جنونك و غضبك،
هروبك و تعلّقك،
حنانك و همجيّتُك،
و إلى الأبد، سأظلّ أُريدك.
آن :
نها المكالمه وندار عليه كال
- بسرعه بويه بدلي يلا خل نطلع نزور الامامين الكاظمين ( عليهما السلام ) ونطلع للبصره
- خوما اكو شي فارس
- ماكو الا الخير ان شاء الله بس استعجلي
بدلت واخذ بايدي وطلعنه سوا زرنه وبعدها اكلنه شوي وتوجهنه للبصره وهو صافن ع الطريق ويحسب لشغله بباله شنو وشصار بلبصره مادري
شمم :
مرت ايام انه متجاهلته تجاهل تام بس هو بده يتقرب عليه اكثر رجع لطبيعته مثل كبل وياي يضحك يتشاقه وياي بس بحدود وما مخليني بعازه ابد من حلويات وكلشي يجيبلي شني سر هالتغير اللي تغيره مادري
كاعده احجي ويه ناز كملت منها دخل عليه هو شمر عليه ورده حمره ابتسمت هاي عادته كل ما يدخل ويا ورده يشمرها عليه طبيعيه يجيبها يا اما جوري يا اما احمر دحكت عليه هسه هو غير يستقر روميو , شميتها وكتله
- الله منظرها وعطرها يجنن شكرا
- تدلل الحُب
رفعت حاجبي
- يا حُب هذا
- حُبي الج شني لا هو حرام ولا عيب زلمه ويحب مريته
- ابو صگر حباب كافي لا زلمه ومريته ولا هم يحزنون
- شمم خليني جار وياج عدل لا تضيكين خلگي و تورينو لكلبي يول
سكتت احاول اتقبل هالفكره بس ما اكدر مع انو اميل اله واحب اهتمامه الي وكلشي بس ما اكدر اتقبله گ زوج
- حظريلي ملابسي عندي طلعه
رفعت حاجبي
- خير ان شاء الله وين
طيف ابتسامه مرت على وجهه سرعان ما خفاها وجاوبني بخزر
- وليسلمج ويرحم اهلج يابه بلشنه بهالسوالف وين ما وين تره انه اكرهن جثيرر
- ما احظر انه شعليه چا مرتك الثانيه وينها لا شغله ولا عمله
- شدخلج تغارين منهااا
خزرته وفارت اعصابي
- على شنيييي اغارر منهااا اشو انه بكلشي احسن منها هالحيه الصفره يكفيكم فخرر اصلا ان اخت الباشا كاعده ببيتكم
ضحك
- حياهاا والله اخت الاشاوسي الغالي
- تحظرين هساع لو شنيي فضينه
سكتت اجه كعد كبالي كض ايدي نفرته بخزر
- انه ماريد منها اريد اخت الباشا هي التحظرلي ملابسي
صديت منه وابتسمت بدون ما يشوفني
- بعد عيني ربي هساااع المن مطنكره وكالبه هذا ع هذااا شبيج متكليلي
- لعيون الباشا احلا لبس احظرلك بس وين رايح كلي
- معزوم ويه اصدقائي
رفعت حاجبي
- بنات وهذن السوالف بيها هالعزيمه
كام مني وضحك
- اشم ريحة غيره يول شمه
- لاااا و على شني اغارر بس ما اريدك ترتكب ذنوب وهذن السوالف ما تلوكلك
- ايي ايي خوش لتخافين عليه
خزرته وهو يضحك كمت طلعتله ملابس بدل وتعطر لبسته ساعته وخلا فونه بجيبه هو والهويه اخير شي رفع شعره بايده وسحب نظاراته الشمسيه وخلا الستره على جتفه بدون ما يلبسها
عاينتله بابتسامه صاك والعطر منه يفوح
تقرب عليه بعد خصالات نازله على وجهي رجعها لوره اذني دنك عليه باس خدي
ابتعدت عنه رأسا سحبني عليه مسح باديه على مكان البوسه
رفعت عيوني اله خزرته جاي احجي حط ايده على شفتي مانعني من الكلام
تقرب لاذني وهمس
- ول يابه احبج انه يـ ام صگر شبيج ما تحسين متكليلي بس لسان ليكول برنو ويرمي
جاي ارد عليه بس هو دار وجهه وطلع وانه واكفه مصدومه كل عقله هالزلمه شبي يا الله شني يكلي ام صگر شني احبج غمضت عيوني وحسيت گانو كلبي راح يطلع من صدري من قوة دكاته ضربت عليه بايدي
- لخاطر الله بسك انت لا تدك و تطيحني بحبه وتسودني هو خالي وبس لا احبه ولاهم يحزنون
تمشيت كعدت ع الفراش جست وجهي احس نفسي مصخنه دكيت على ناز حجيت وياها وسولفتلها الصار ضحكت
- يوول شني معقوله انتي تحبي لابو صگر
ثكل نفسي و صرخت بيها
- اشش اششش شني احبه اشو انتي تخوطين بصف الاستكان ست الحسن التهي بابنج وببطنج ابن اخوي اذا اجه وبي شي لو ضعيف وناعم اموتج خووش، ضحكت وكالت
- ايي بدلي موضوع بدلي واخيرا وكع الصخرر ونزاح الجنتي مغطيه بي كلبج على ايد ابو صگر
بجيت وكتلها
- شلوون شلوون ناز ما احبه ما اريد احبه متزوج عنده مره وفوك كل هذا هو حبيب جمره الله يرحمهاا
- شمم كلنه ندري ان ابو صگر بعد ما انخذل من جمره كرهها ونساها كليا وما دحكتي من جان يدحكها يمنه ما تنهز شعره منه وعادي يعاملها مثلي مثلج نغسل كلبه منها من تزوجت وعافته صح مو ذنبها بس بعد الصار صار وما بيدنا شي
صح هي الله يرحمها نظلمت ونظلمت جثير هم من مرت عمها ومن الدمرو حياتها و زواجها جان غصب عنها بس هو كال وكرر كتلها تعالي وياي الزواج بلاجبار باطل بس ما رضت وظلت عدهم الله يرحمها ويعوضها مرار حياتها بلجنه
اما مرته ما ادري بعد والله بس خاله نوال دتكول على اساس بيناتهم كلها مشاكل و واصله للطلاك حالياً وبعد الله كريم انتي ارتاحي و وكلي امرج لـ الله و ان شاء الله ما يصير الا الخير دعواتي كلها الج بلسعاده
- يا بعد روحي اخيتي يفدوه اروح لهيج مرت اخوو تطك بلكاع جعل كل نسوان الاخو لكل بت مثلج يالغاليه
ظليت احجي وياها بعدين نهيته مددت ع الفراش والف حسبه براسي وضميري ما مرتاح كل شويه اشوف جمره كدامي
غمضت بعدها ما حسيت الا بمكان عام كله ورد ابيض و احمر وبلوسط نمشي عليه انه و ابو صكر دموعي جانت تنزل بلحلم ليش وشني هو السبب بنزولهن ما ادري بس فجئه ما حسيت الا و جمره طلعت كدامي بنفس هيئتها بس وجها يضحك
اخذت بايد ابو صگر الثانيه و ظلت تسحبه وياها بس هو ما يريد وظل متمسك بأيدي اخير شي خزرته وكلتله
- امشي وياي انه حبيبتك جمره خل نعيش سوا كافي فراك نعيش بمكان مابي احد بس جمره و ابو صگر
قوه قبضته لايدي وكلها
- حبج راح وانتهى ويه وكته بهالوكت انه ماعندي غير ام صگر حبيبه
ضحكت وكالتله
- ايي انه ام صكر يلا خلنه نروح
كلها
- عمري وحياتي گلها ما نطقت كلمة ام صگر لمره بزمن حبج جنت اصيحلج جمارتي ما صحتلج ام صگر ومحد تستحق تگون ام صگر بس شمم شمة روحي هذي روحي وخلينه نعيش براحه بسج عاد
انه صافنه عليهم بعدين هي تقربت عليه رادت تضربني كض ايدها مانعها بس دفعتني منه وكعت وفلتت ايدي واخذته من ايده ومشت بجيت و ركضت وراهاا صحت عليه
- ابو صگررررر ، ايااااد فدوه لا ترووح وياهااا لا تعوفني وحدي
ادين تسللت لايدي كضتها و گبل فزيت عركانه عاينت ع الساعه دنيا مغرب جسمي يرجف من الحلم مسحت دموعي بسس شمم قويه انتي قويه لا تخلين ببالج حلم وتضعفين منه
بعدها رديت بجيت شني يعني ابو صگر راح يموت اخذته وياهاا جمرره لاا يا الله لاا
حسيت كلبي نعصر عصر و روحي نكبتت بمجرد الفگره اديه كامت ترجف و دعيت ربي يرده سالم
كمت بس رجليه مجاي تعيني لكفت الفون و دگيت عليه ماكوو مغلق حطيت ايدي على كلبي دكيت مرا و مرتين و ثلاثه و اربعه مغلق ميرد
كمت بيه ما بيه نزلت جوا طلع بوجهي ابن اخو بكدي صحت عليه
- احمدد فدووه ما تشوف عمك اياد وين صار بالي يمه وفونه ادك عليه مغلق
طمني وكال
- لا يظل بالج مرت عمي هساع ادك على ربعو وادحك شصاير ولويش فونه مغلق
طلعت كدامي متجتفه ضحكت
- وانتي شحارك حمامج نهزم منج على كد ما لازكه بي كلك خل اطلع واغلق موبايلي ارتاح شويه من لجتهاا
خزرتهاا وبنص حركان كلبي ابتسمت باستفزاز
- والعگس صحيح حبابه لا تدخلين بامور متعنيج انه و زلمتي وجاي اسئل عليه فـ انتيي لا تتدخلين لا تشوفين مني شي ما يعجبج خوووش
- زلمتج نفسه زلمتي
- داشوفج مكطعه نفسج عليه ما من وراج بس المشاكل عوذه منج
عفتها و دخلت للمطبخ مالي خلكهاا انتظرت ابن اخوو شويه و دخل بس وجهاا اصفرر كبل ظل يصيح لابو و لخوالي كلهم لحد ما نزلوو كمت ركضت على خالو محمد كضيت ايده
- خالوو فدوه شبي ابو صگر
باس راسي وكال
- ان شاء الله ماكو شي بنيتي دعائج اله
مسحت وجهي صديت
- احمد شكو فهمني
- صاير ويا حادث جثير قوي واحد كاسر عليه لايف منه بقوه بس هذاك صادمه من ورا والسياره مشتغله و من راد يوازن ما كادر وما حاس الا السياره نكلبت مكلوبه بي وهساع حالته خطره
نبهتت كبل كعدت نطاني ماي شرب و رفعت راسي اله و دموعي بعيني
- شوكت شلون صار هيج احمد
- اول ما طالع من هين مرت عمي ادعيله حالته جثير خطره هساع رايحيله واصدقائه يمه
طلع من يمي واسمع بجي حبوبه و ابتسام خانوم كاعده ولا عبالك تكلها لحبوبه
- لتخافين عليه عمه هساع يطلع منها كلشي مابي عشتوو ذيج المره مو هم ندعم وبنفس اليوم كام سبع ارواح عنده
صفنت هالبشرر القذر حبوبه بنص بجيها ضربتها على حلكها و خزرتها
كمت عليها عطت بيها
- لججج شنييي من بشررر انتي زلمتج هذا زوجح بدل ما تكعدين تدعيله وتطلبين من الله يكومه بلسلامه حاطه عينج عليه عوذه منج ان شاء الله ربي يسمع منج ويكومه بلسلامه ويكسر عينج وعين كلمن يكرهه
عفتهم وصعدت كعدت بلغرفه وبجيت بكل مابيه دعيت الله يكومه كافي موت الياس كاسر كلبي و روحي بجيت بقوه شتاكيتلك خويه شتاكيتلك يروح اخيتك و عمرها انت
صليت ركعتين اهداء لوجه الله واهل البيت وصليت ركعتين قضاء حوائج لام البنين ( عليها السلام )
كعدت وببالي الحلم هذا تفسيره ايي هذا راح تاخذه وياهاا بجيت و دعيت الله يكومه من هالشده وما يموت
كمت جاي انزل اجاني صوت من غرفة ابتسام مشيت ليمها وصلت للباب دا افتحه لكيته مردود واسمعها تحجي بصوت ناصي كضيت فوني فتحت التسجيل الصوتي و قربته من الباب بلكت يلكفلي شي بي خير انه كلشي مجاي افتهم
شاكه بيها امرها مو خالي هالبت
تقربت اكثر من الباب اجاني صوتها واضح
- انه احبك الك ما تفهم كل هالسنين انتظرك ومستعده انتظرك لحد هساع ......... ايي ايي انه متزوجه بس ما احبه والله ولا بنفسي احبك الك ...... مادري هساع هو بين الحياة والموت اذا ما مات اتطلك منه بس تجيني انت ... انت تحبني اي ادري بيك تحبني من طلعتنه سوا من اجيت من سفرتك وطلعنه سوا و ارتاحيت وياي ...... شنيي ما تكدر اكلك انه احبك الك ما احبه اله تجي تاخذني
دخلت عليها كبل عطت بوجها
- ياهوو الما تحبي ولج حيوانه المن جاي تخوووونين انتي هـاااااا
كبل سدته وشمرت الفون منها
- شمم لا تفتهمين غلط دا احجي ويه ابن عمي اسلم عليه
- شنيي من سلام هذا هلي تكليله ما احبه واذا ما مات بس يطلع اتطلك منه وتجيني وماعرف ايش اي ولد عمووومه هذي
سكتت
- خل يجي ابو صگر ويصير خيرر
اجت عليه ضربتني وكالت
- دحكي لج لتخليني اطيح حظج وابليج ببليه سوده الجنتي رافعه راسج بي والهوا ما يكضبج من ورا اخوج راح مات بحح وهساع ابو صگر هم راح يدخل عداد الاموات
رجعتلها الضربه وجريتها من شعرهاا
- لج انتي منو وتضربيني اخت الباشا تتهد لا والله ما صايره والخلقج وخلقني ادوسج برجلي وما يرفلي جفن ،، تروحين فدوه لتراب رجله لاخوي يشرفج ويشرف ابن عمج عجبتي ع بعض الوادم ليش هيج الغيره طاحت منها ونسو شي اسمه غيره و عرض و شرف يعيش ابو صگر والخلقج ويرمي عليج يمين الطلاك كدامي وذيج الساعه سيبي بلشارع وروحي ركض لابن عمج الما يحبج وما كلبج يال ماعندج لا حياء ولا كرامه ولا ادب أهي التخون رجلها وتطلع ويه غير زلمه شنيي ؟! لا واليضحكك ويه ياهوو ويه ابن عمهاا الله عليكم شني من عائله انتم
- اياج تحجين شي
- شنيي شنيي لا انتي ولا عشره منج تكدرين تخوفيني حبابه احترمي نفسج
سحبت الفون منها
- هذاا انسيي بعد ماكو فون مو أمان انتي يلا بااي
طلعت منهاا امثل البرود بس داخلي محترك بودي اكضها اكطعها وانعل شكو خير بيها ع كولة اخوي
كعدت يم حبوبه الليل كله هي تدحك عليه وتصد لحد ما كتلهه
- ها حبوبه شبيج جوعانه
- لا حبيبه بس حبج لوليدي باين بعيونج وبلهفتج اله هنياله ع هيج مره عرف شلون يختار من ترباة الياس خذاها
ابتسمت وسكتت لحد الصبح اجو تعبانين سئلتهم يكولون طلع من العمليات و حالته للساعها ما مستقره جسمه متضرر و وحده من اديه مكسوره وعنده رض صغير برجله ونازف دم كثيرر وبعد حالته ما مشخصيها للساعه
ارتاحو كم ساعه ديروحون وكفتلهم الا ياخذوني وياهم ما قبلو خالو كال
- المستشفى كلها زلم يابه شمم
- واذا كلها زلم خالو وأذا
- شنييي و أذا مره ببين الزلم ماخذيج ما يصير
رفعت عيني اله وكتله
- انه مره بعشر زلم ،، بين الزلم زلمه وبس يم حلالي و زلمتي مره لا غير ،، خالو محد يكدرلي اخوي جان دومه يكلي اريدج زلمه بين الناس والوادم حته محد يكدر ياكل حقج ويدوسلج على طرف والشي التردي تجري من حلك السبع وانه هيج متربيه تربية زلمه محد يكدرلي
صفنو عليه وعلى كلامي كله كال خالو
- شلون كدر يربيج هيج تربيه ويخليلج هيج شخصيه حلوه و رزنه
ابتسمت بقهر غصه بكلبي على فراكه تذبحني وكل مواقفنه تتردد براسي
لفيت الشال عدل وخليت عبايه ع راسي حبوبه عاينت عليه كالت
- ول يمصكوعه وين رايحه
- وياهم
ظلت تحجي ما اهتميت الهاا كبل طلعت لا يرحون ويخلوني بوحدي طلعت صعدت وياهم شوي و وصلنه اول ما دخلنه طلعلنه واحد من كرايبه كال لخالو
- صحه ابو صگر بس جثير متأذي بس يون
- الحمدلله الحمدلله
واحد من وراي تمتم بصوت ناصي
- ديلا دحكو الحب بس حبيبته رادت تجي جن كلبه حس وصحه عجل شبي حظي لا حب لا بطيخ
سكتت هازه ايدي بلا هذا شحاجي شكله هسه كال حب كال استغفرالله ربي والله لو تدري المشاحنات والعرايك التصير بينه جان كلت الله يبعدني عن الحب والزواج
مشيت وياهم كتله لخالو
- خل ادخله اتطمن عليه
استجابلي حجه ويه الدكتور اللي شرح حالته و طمنه عليه بس يبقى الكسر واثار العمليه ومتأذي كثير هسه هووو
اول ما دخلت الغرفه سمعت صوت ونينه تقربت عليه ونزلت دموعي بقهر واحس كلبي نمرد من حالته وجها كله جروح مغمض عيونه ويون متألم لابعد حد وبصوت متقطع
- اخخخ يمه .... اخخخ الله ربي
خليت ايدي بايده ومسحت على كصته و على شعره
- الگوه الگوه ابو صگر انت قوي لا تضعف
صد عليه من سمع صوتي فتح عيونه بتعب عاين عليه وشد على ايدي همس بضعف
- راح اموت وما جاي صگر بعده
بنص القهر ضحكت
- صدك تحجي انت بنص الموت والوجع وتريد صگر استغفرالله ربي
- صفي النيه شمم
- صافيييه ابو صگر شجاي تحس
عگر وجهه من تحرك كال
- ورب العزه احس شي ديتكطع بداخلي بصدري تحديدا
- اي مو العمليه بصدرك و رض برجلك و كسر بايدك و جروح بجسمك و بوجهك
- ول يابه هاي تاليتك ابو صگر تفلشت بعد ما ترضين بيه حكج
ضحكت
- افااااا مو انه الاتركك بشدتك اظل وياك انشد بيك لحد ما ترد لعافيتك
- وبعدها تهديني
- ماهدك اتعلك بيك بس كافي هسه انت مو متأذي
بدون قصد ضربته على ايده
كبل عاط متأذي فزيت وكتله
- اسفه اسفه مادري نسيت والله
نوب لزم صدره مكان عمليته و ظل ينافخ وبلكوه ياخذ النفس تسودنت رحت يمه
- ابو صگر والله ماعوفك شتريد اسويلك وابقه وياك بس صير زين لا تموت هسه وتخليني بعذاب الضمير
- اريد حُب نطيني حظنه خل اصير زين
خزرته
- صدوووك تحجي انت انه روحي راحت وانت تريد حب وحظن استغفرالله ربي واتوب اليك
عاين عليه و خزرني سكتت ظليت امسح على ايده راد ماي شربته
- شويه و ترجعين لا تبقين هين
- لا تخاف عليه ما اعوفك وحدك انه
- بدون عناد ترجعين للبيت ما بيه شي انه كم يوم واطلع يلا بس بلا كلام
سكتت ما ردت اناقشه واندمج نوب هم يتاذه عدلتله الفراش والمخده وعدلت نومته غمض عيونه فتحت قران بلفون وخليته بحظني وهو يسمع ملامح وجها ارتاحت لحد ما غفه ظليت كاعده اتأمله واكول بيني وبين نفسي واقنع بيها
ما احبك انه ما احبك ابو صگر
لحد ما دخل عليه احمد وطلب نرجع للبيت ما عاندت رجعت وطمنتهم عليه مرن ثلاث ايام يلا طلعوو و خلو جوا بغرفه خاصه تحمدتله ع السلامه كبل لا ينام كعدت يمه كتله
- اكوووول
- كولي فضينه نعسان وتعبان
- اني لو ذيج المره تريد تبقه يمك
ابتسمت و رجعت نفسي لورا هستوا ديحجي كتله
- اششش اششش ماكو داعي تحجي انه انه ماكو غيري مابقي هذيج الحيه الصفره يمك خاف تسممك بسمهه وتموت ويكولون شمه مو خوش مره ما دارت زلمتها وعافته من ندعم
- يا ربي صبرني وانطي العقل لشمم الهي
- دحصل عقل مثل عقلي وبعدين احجي
- تعبان بلا قصف وطيران جبهات
- اكوووول هسه انت حادث ومتصوب وخطيه واكيد اصدقائك راح يزوروك
- راح اكوم اطيح صبغج وحق الله
- وين بيك حيل اكعد هسه المهم اكعد خل احجي وياك
زمخ بيه
- اخخخخخ يابه ولي من يمي طايحة الحظ لا اكوملج وحته الوجع انساا انسيج حته اسمج والله اذا اكوم
- هسه انه شطلبت منك بعدني حته ما حاجيه شي حرام تسمعني
- ايي حرام ولي مني دزيلي هذيج المصكوعه الخ
- خوش تريدها متريدني بسيطه
- بسيطتين وثلاثه
صديت دا اطلع شفته كعد ديبدل البدي الابسه بس بصعوبه ومتألم رحت عليه ع كيفي نزعته اله ولبسته غيره
ابتعدت عنه اجت كدامي باودر مال اطفال كضيته شميته الله يجنن رحت يمه
- تعال اخلي الك
- لج وخرررري مني شتردين تحطين
- بدل العطر خاف ميصيرر
- لج وخرري اخ الله ربعي جايين اسلم عليهم يشمون بيه هذي مالت زعاطيط
حطيتله شويه وهو لو بيده يكوم ياكلني ويكطعني
- انتحر بيج ورب العزه بس خل اكوم الا اخليتج تدحكين الامهات شتجيب يا شمم
جبت عطر رشيت عليه من بعيد شويه شويه اخاف لا يلوح جرح من جروحه عدلت شعره وكتله
- هااااا اهاا شبيك متكلي
- بعد بعد يابه احدري خل ****
نفضت ملابسي
- اعوذ بالله من الشيطان الرجيم اللهم ابعدنا عن القوم الكافرين شلون الفاظ
- شممممممممم
ضحكت وكعدت
- هاا ابو صگر
- وريتي كلبي ورر نكلع ابو صگر وخلص من هالعذاب والحركان
ضحكت مرت الايام اني ويا وياا وهو مناكرر وياي على كلشي يعارض ومتنحس من حالته فتح الخيط مالت العمليه والجبس مالت رجله بقت بس ايده اسبوع ماما نوال شكد رادت تجي بس هو ما قبل كالها من تخلص اجازتي المرضيه والتحق اجيج انه
يوم عن يوم احس نفسي جاي اتعلق بي اكثر واكثر احب اهتمامه بيه واهتمامي بي و ورداته اللي كل ما يطلع يجيبلي وحده بيوم بعد ما فك ايده و صار زين صارت عركه بينه وبين ابتسام جبيره علمود الحمل وهي تكله السبب منك مو مني وهو يزمخ بيها ويكلها
- ولج والتحاليل والكائنات وامة محمد الدكاتره الفتريتهم ويكلولج نسبة الانجاب عندج ضعيفه لا تخليني احجي بعد وخلي البداخلي مضموم تحملتج جثيرر و لهنا وبس
جنت بغرفتي شوي و دخل عليه موجر نارر كعد هو وانه صبيتله ماي ونطيته شرب كتله
- لا تحرك بدمك لا يروح يطك بيك عرج هسه وتتاذه ما صارلك كم يوم من طابت جروحك وهم حته الاثر بعده ما مختفي لا تدخل نفسك بامور ثانيه طنشها
سحبني عليه كعدني على رجله وحظني وشم ركبتي
- اووف شمة روحي دوا جروحي احبج وعلي لا تصيرين مثلها وتأذيني وتغثيني صيريلي مره من كل كلب و رب و خلنه نعيش سوه ونكضي الباقي من حياتنه انه وياج بس الاهم برضاج ما اغصبج على شي انه
تاثرت كثيرر بحظنه فقدت و دخت كبل
ابتعدت عنه كتله
- تريدني مره الك برضاي ومن كل كلبي و روحي ؟
ابتسم
- والله اتشرف بيج يالغاليه
فكرت اخاف اكله واسمعه التسجيل ونوب يعصب ويتاذه ربي شلون راح افتح الموضوع ويا والله جاي اخاف لا يصير بي شي لو يكتلها خلاص وتصير وتنذب التهمه براسي
لحد ما اخير شي كتله
- انه ما اقبل برجلي متزوج مره ثانيه غيري وما اسمح بان يكون الي شريك برجلي واضل اعاينله كدام عيني يروحلها تحاجي تغازله تحظنه كدامي ابددد ما اسمح بهذا الشي يابو صگر انه زلمتي الاحبه اريده الي وحدي وخاص بيه .... يا اما انه او ابتسام تختار وحده من عدنه تكمل وياها حياتك
سكت ما رد عليه وكام طلع
نزلت دموعي مهضومه تحلم اقبل بيك واسلمك نفسي وانت على ذمتك مرا ثانيه انه هسه ومن اعاينك تحجي وياها لو مجرد تكض ايدك تحترك روحي عاد بعدين
لا والله يابو صگر ما حزرت لا انت ولا غيرك تكدر تكسرني وتلوي ذراعي كرامتي وگدري اهم شي عندي وادوس على كلبي وعلى حبي اذا بي مذله الي
شويه و دخلت عليه من الباب ابتسمت وكالت
- اترقبي الجاي و دحكي زين يول اذا ما اخلي اياد مثل الخاتم بايدي هالايام ما اتسمه ابتسام اخلي يمشي ويدور رضاي وانتي يهجرج وكولي كالت..
عرفتك رآيح لغيري ، بـهـت لوني
و عقلي و گلبي يتعاركن بعيوني !
يتبع في البارت القادم
هلاوو عمررري شلونكم ان شاء الله بخيرر
مشتاقين كلشش
ان شاء الله يكون البارت عجبكم
تحياتي الكم ام اسد