عندماَ يبكي الانسانَ لَ فقدانَ
شخص ما
لا يبكيَ لَ فكرةَ رحيلهَ عنهَ فقط
بلَ يبكيَ علىَ ذكرياتهَ
معهَ كيفَ كانَ
وكيفَ أصبحَ
وكيفَ سيكونَ بعدهہ
نـاز :
قدمن النه ماي وكيك وعصائر بس فجأه و رجع عندي الم بظهري موتني تأذيت جثيرر كمت للحمام عاينت فجأه نزل مني دمم دمم دمم كمت ارجف رجيف مو طبيعي نزف هذاا ؟؟؟؟ جاي انزف انه والالم موت ظهري كبل دحكت ع نفسي و فزعت طلعت لخاله بعد ما كدرت كعدت و نزلت دموعي الالم ذبحني هي دحكت عليه هيج اجتني ركض
- شبيج يمه شصابج
- خاله جاي انزف والالم ذبحني بظهري و ببطني
كعدت يمي تفرك بظهري وانه الوجع يزيد عليه اخر شي خابرت عمـوو كالتله ناز تخربطت دحكت الدم وصل لرجلي وكامت تصير غمامه سوده كبالي رجيت راسي ع جتف خاله وفقدت بعد ما حسيت على شي الا واني بغرفه فتحت عيوني ضوا قوي دحكت نفسي ع السديه نايمه اجه عليه عمـو مسح على راسي
- هاا بويه شصابج خوما تعبانه
مالي حيل احجي ابتسمت بوجهه
- يوجعج شي بنيتي
همست
- لا عمو الحمدلله
جان كل وجع بيه ساكن واحس جسمي ثكيل ليش هيج شني اثر المسكن هذا اجت خاله يمي عدلت كعدتي وشربت ماي
- هاا ما طلعت تحاليلهه
كال عمـو
- لا هسه الدكتوره راحت تجيبهن
ظلينه كاعدين شويه واجت الدكتوره دحكت عليه
- المريضه نـاز
رد عموو
- ايي بويه شطلعت تحاليلهه
ابتسمت بوجهي وكالت
- الف مبروك البنت حامل ...الحمدلله من تلاحكنالهه ووكفنه النزيف وانه جنت شاكه انو هي حامل لان النزيف مو حي الله يصير الا لهل اسباب لكن حملهه ضعيف ونكدر نكول هسه هي اللي ببطنها مربوط بخيط بقدره الهيه ما نزل وسقط لازم كلش تدير بالها على نفسها لان بنية جسمهه مو قويه كلياً محتاجه فيتامينات اكثر يا ريت لو تتفضلون للدكتوره علا الوحيده الموجوده اليوم مناوبه ويه احدى مريضاتهه ولازم تتأكدون وتكتبلكم علاج
ظلت تحجي وي عمو و خاله وانه عيوني غوشت من كثر الدموع نهضمت كد فرحتي شصار لو هساع هو وياي بهاللحظه ويفرح وثنينه نفرح سوا بهالخبرر بس هو ماكو عافني وحدي حامل مصدومه من هالكلمه شلون صرت هيج شلون ما حسيت ومن شوكت صار هالشي وانه مادري
راحت الدكتوره و خاله باستني وباركتلي اجه عموو ضحك وباس راسي دحك دموعي ومسحهه
- الف مبروك بويه دخيل الله واهل بيته ما يقصرون حاشاهم تعنيتلهم وطلبتهم بس يحفظون تعب وحك وليدي وما يضيعو ويروح هباء للمايخافون الله وما قصرو مرادهم حار نطوو و فرحنه بأبن الياس واهو من اول يوم اله عاقبته خير علينه حفظ تعب ابو وضمن حكه بعد محد يكدر يحجي وياج ويندك بيج انتي مو بس مريته هسه انتي ام ابنه واللي هالولد راح ياخذ كلشي لابو واكبر تزوير واكبر سعي من طالب وهذول المزعطه ما يرهم اختنكت نبرتي وكتله
- عمـو انه اريد اليااس انه اريد ابو لهل طفل هسااع وياي صد مني شوي و رجعلي وكال
- احنه وياج بويه ما نهدج احنه اهلج يلا مشينه للدكتوره زمخ بخاله اللي دموعهه تهل بفرح لخبر حملي وبحزن لفكد الياس
- كووومي يا مره بسج نعي ونوح هاي فوك ما تشجعين البت وتوكفين وياهه ناصبتلي مناحه امشينه للدكتوره يلا
مسحت دموعهه واجت كادتني وابتسمت
- دير بالج على ولي العهد ترا عمج يهججنه اذا صار بي شي تعبتي جثير بلمشي هالايام بس دخيل الله ودخيل اهل البيت ( عليهم السلام ) اللي ثبتو ببطنج وما وكع واللي شكفلج التغذيه واكلج كلشويه وكعدتج ثبته ببطنج
- الحمدلله على كل حال خاله اهم شي زرت وندعيتهم وطلبتهم وما يردوني حاشاهم ينطوني مرادي بجاههم وبجاه منزلتهم العظيمه عند رب العالمين
وصلنه للدكتوره رحبت بينه شافت التحاليل بعدهه احالتني للفحص وللسونار كملت كلشي بعدهه كالت
- شعجب ما تدرون وما مراجعين ترا البنت حامل وصارلهه ثلاث اشهر
نصدمت ثلاث اشهر حامل ثلاث اشهر روح ببطني شلون ما حسيت ولا انتبهت على نفسي هو الياس صارله تقريبا اربعه اشهر من اختفه شلون هساع انه حامل بثلاث اشهر دحكتلي وكالت
- شبيج مصدومه امي
سكتت وجن هيه افتهمت وكالت
- شنو زوجج ما متقربلج بهالفتره
خجلت بس كلت هساع مو وكت خجل
- زوجي عسكري وصارله اربعة اشهر من التحق وما اجه لهل ساعه وما متقربلي من اخر يوم راح
- طبعاً امي هي مو بنفس اليوم تردي يصير حمل علما يتكون الطفل ياخذ ايام وليالي يلا يصير ويبين وانتي حملج توضح يمي وحسبتله من اخر موعد الج صارلج ثلاث اشهر ضبط وامشي انتي ع هل حساب لان مضبوط واكثر من مره دققته الج
ما اقتنعت بس كتلها
- ماشي دكتوره وصحته شلونهه
- صحتج وصحة الطفل تمام بهالوقت بس يحتاجلج فيتامينات وراح اكتبلج مثبتات تستخدميهن هالشهر ويرادلج تغذيه كلش قويه حته تعوضين الفقدتي و راحه تامه وافضل الج لو تمتنعين من الدرج وتظلين جوا جنت صافنه بكلامهه بس فجأه كتلهه
- لااا فدووه ماكدر غرفتي فوك
- لا تصعدين وتنزلين هواي مره و اذا مضطره كلش مرتين ترا ميصير
- ان شاء الله
سجلت علاج وطلعنه نطيته لعمو كال باجر يجيبه لان هساع ولا صيدليه مفتحه رجعنه وعمو الفرحه ما سايعته هم بحملي وهم بضمان الاملاك وانه دايخه شلون شهرين هسه حملي وشلون الياس راح من ثلاث شهور
رجعنه وبوكتهه الوقت متأخر ساعه ثلاثه الفجر او اكثر او اقل مادري عمو كبل أجر سياره وتوجهنه للبصره نمت ما حسيت الا للصبح على حس خاله تكعدني
- كعدي يمه وصلنه كملي نومتج جوه
كعدت ومشيت عادي الحمدلله ماكو وجع دخلت غسلت و تفكدت خاله و عمو اذا يردون شي بس ما رادو ونامو حته يرتاحون سوده عليه تعبو جثير وياي بلمستشفى
صعدت مددت و حظنت المخده مالته احس براحه هيج ارشهه من عطره واحظنهه شتاكيتله كد رحمة الله شكد وسيعه مشتاكتله بكدهه دحكت صورته
- حبيبي اني حامل بـ ابنه فرحانه جثير بس فرحتي ما كامله الا انت موجود هساع لو ترجع ونفرح سوا شيصير الياس باشتي انه ما اصدك انت متت مثل ما الكل صدكو عندي امل جبير ان راح يجي يوم وادحكك واكف بطولك كدامي عندي امل جبير بربي انو راح يردك الي وما يحرمني منك
سحبت فوني و دخلت ع الماسنجر ودزيتله شكد اشتاقيتله واريده يرجع دموعي تنزل من اوصفله مدى اشتياقي اله اكتبله كلشي يصير وياي گالعاده احس كأنو هو موجود ومنتضره ومتأمله فد يوم يجي واحس بلذة رده ولهفته الي سواء الكتروني او واقعي واكحل عيني بي
نمت بـ امل فزيت الصبح على عياط وصياح جوا كمت غسلت و بدلت ونزلت شكو من الصبح هالعياط
هستوني نزلت من الدرج ماكو احد طلعت بوجهي مرت ابو الاليااس تتصايح هي وولدهه جرتني وعتت ايدي و زمخت بيه دفعتهه سحبت شعري من فوك الشال وكالت
- يلاااا لج حظري نفسج خل ساهر يعقد عليج كل عقلج اخليج هيج تتنعمين بلفلووس لااا يلا بسرعه دام عمج ومرت عمج طالعين
صـادق :
كاعد ع المسطبه وشاغلين بالي العزاز فكد الياس غياب لارين وفراگهه ذبحني من الوريد اصدقائي يمي سبوني سبايه
- لكككك بوووي انتعش شمالك
- شمالي بوي دعايني شبيه عال العال
- الدكتور كمال مريض هالايام محتاج عمليه ومسافر ل لبنان وتسلمت هالفتره ببداله دكتوره جديده جايه لجامعة البصره نقل بس شنيي الا تطك بلكاع اليوم تاخذنه هالمحاظره اهيي عاينتله صفح
- وشنييي
- لك بوويه انت صدك تحجي يا جبل ما يهزك ريح بعمري ما شفتك اعترفت لبت لو رحت الهه من اول يوم دشينه لهل سنه واهي الاخيره النه
- انه من احب احب و بعد هذاهوو انتهتت وحبيت وبكلبي وحده بس وما يهمني الباقيات كلهن
- كفوو بالعبااس زلمه ما راحت تربية اخوك وتعااليم الباشا هباء
ظلينه كاعدين وكلهه تسولف بهل دكتوره الجديده حديث الساعه صارت اجه وكت المحاظره دشينه داخل كعدت ع الستيج انه دوم اول ستيج الي من اول مرحله لهسه الاخيره انه بأول ستيج الدكاتره اذا ارجع لورا ما يرضون لان مجتهد وفاهم ويردوني يمهم بلمقدمهكعدت وادك بأيدي ع الستيج بضجر وملل عاينت ع الساعه حان ضبط وقت المحاظره بديت اسمع طكات كعب تقرتب من عدنه وصلت يم الباب ناطيتنه ضهرهه عاينت ضبط الوقت هذي الدكتوره باينه ملتزمه كثيرر
دنكت لساعتي عدلتهه واهي دخلت رحبو بيه وبدت تتعارف وياهم اول ما سمعت صوتهه
- أهلا وسهلا اني دكتورتكم الجديده اللي راح اتسلمكم واتسلم دراستكم ومستواكم بهاي الماده بعد الدكتور كمال
بلعت ريك غمضت عيوني وحسيت بأيدي ترجف رفعت راسي عاينت عليهه اخخ بويه يا محبوبتي ميزتهه ملامحهه تعبانه مو مثل كبل وين الخدود الاعشكهن وين الملامح الحلوه ضعفانه كثيرر اعاين عليهه اديهه منزلتهن وباينه الرجفه بيهن ذيج ووين تالي كضت وحده بلخ تخفي رجفتهه بدت تتعرف ع الطلاب بعدهه وصلت ليمي
رفعت راسي عاينت عليهه يابويه شكد اعشكهه مالي حيل احجي بعد شوفتهه اهي كالت
- صادق علي اخو الاستاذ فارس علي كلش تشرفت بمعرفتك
حطيت عيني بعينهه دمعت ولمعت همست بصوت يكاد ان هي تسمعه
- انتي تشرفتي بمعرفتي بس انه لا
ابتسمت بقهر وابتعدت
- شكرا جزيلا على هالاطراء الجميل من حضرتك
تعدتني وكملت تعارف انه اختنكت كثيرر ما اتحمل هالشي ابد تذكرت مواقفنه سوه
فزيت عليهه وهي موجهه كلامهه الي
- ممكن تنتبه للشرح لطفاً
كمت وكتلهه بخزر وبحده
- اريد اطلع دكتوره
صدمتهه بتصرفي نبهتت هستوهه دتحجي و دخل العميد ورا فارس اخوي الحمدلله دخيلك ربي اجه حبل النجاة ماكدر اتحمل اظل بعد هناا بعد التحيه والسلام فارس مصدوم ب لارين وصدمته مو اقل من صدمتي اشرتله اريد اطلع
- من رخصتج دكتوره بس يكدر صادق يتعدى هالمحاظره لازم نطلع
عاينت عليه وكالتله
- استاذ فارس بس جاي اشرح موضوع مهم
رفعت حاجبي
- فاهمه زين واذا تردين اشرحه الج لان سبق ودارسه انه هالموضوع
شرحتلهه قسم منه ابتسمت برضى
- يم منو تدرس؟
- يم وادم جانو الي كلشي بدنيتي بس بعدهه راحو لبعيد وماتو بنظري
كلت هيج كلهه نتبهت عليه وفارس خزرني
- الله يرحمهم خوش جانو يدرسون
- الله لا يرد ايامهم تعبتني كثيرر
تعديتهه وطلعت وانه النار مشتعله بداخلي من اتذكرهه اهي بيضه تلج لج حجابهه النازك ولبسهه الرسمي بنطرون وقميص وستره طكة كعبهه كبل لا اطلع من القاعه صديت عليهه نزلت نظري لاديهه ابتسمت ابتسامه جانبيه من عاينت ايدهه واصابعهه البيض الجنهن اقلام ومليانه مزينهن خاتم نازك بشذره مميزه وبأيدهه الثانيه الخاتم الذهب اللي لبسته الهه بأحدى لقائاتنه اهو مو خاتم عادي مصيوغ على طوله ومحفور حفر اسمي انكليزي ذهب ومأطر بلذهب الابيض وفوك اول حرف من اسمي تاج ناعم
عاينته وطلعت ابتسمت وانه اتذكر حجاياتهه
- صادق انه احبك وحبك بكلبي يظل وما ينتهي ابدد وهالخاتم ما اذبه ابد على لبستك الي ما يتحرك من ايدي لحد ما اموت
- يعني ما تذبي ابد هالخاتم لاريني
- لا دام حبك بكلبي عايش هالخاتم بأيدي يظل ذكرى حلوه لحبنا منك
حسيت بأيد فارس على جتفي تربت
- الگوه الگوه حبيب تراها لارين خوش بت وبحيل الله تصير الك دامه كلبك هاويهه
جريت حسره
- شنيي هاويهه خويه رحمتك بيه ربي كول عاشكهه ميت بيهه اتنفسهه بلعباس جن عايش بس روحي ماتت بكفاهه وهسه صح تأذيت من شفتهه بس جن روحي ردتلي وخضر صباي بملكاها
عاين عليه ضحك وكال
- امشي خل نمر لمريتي طاح حظها من الدراسه شنيي جامعه ابتليت على روحي رجعتها للجامعه وخليتها تدرس شو هاي نوب سحلت نفسها ع الدراسه
- سچاچه كثيرر الله يسلمها
ضحك كتله
- خويه تحبهه
- كثيرر يبعد اخوك بس اهي جلمود صخر ما تحس ولا تتأثر
ضحكت
- آن موش بت ذهب ذهببب
طنكرر عليه اردفت
- ويلااااااه ع الغيره ابو سبع
ضحك وصلنه لقسمهه لكيناهم ماكو محاظره كاعدات اهي و رونق عاينت لفارس كامت واجت كضت ايده وكالتله
- شلون صرت خوما شي يوجعك البارحه بليل راسك وهسه شلون صرت
- بخير بويه لا يظل بالج جاهزه اليوم
ابتسمت
- كلشش متحمسه لهل مفاجئه
- مفاجئتيش بووويه
عاينلي بخزر
- انه ومريتي انت شكوو
ضحكت بقوه
- چا خووش امشينه روينه انه ارجعج خله ياخذهه
- ماشي خويه
سلمت عليه ومشيت كال
- بويه ما نجي اليوم احنه
غمزتله وكتله
- چااااا خوووش رحتو ثنين تردون وسبع ثالثكم ان شاء الله
- شيجيبه سبع شني اهي حبهه ولبط
- اقصدد حامل بويه
- يا طايح الحظ دمشي ارجع لك لا ابتلي بيك هسه
ضحك ومشيت و روينه بصفي اجت تمشي بس عثرت ونكسر كعبهه يبووو يا سوالف البنات الطايح حظهه شهاللجه من الفگر يعني لابستلي كعب ست رونق رادت توكع سندتهه ومشينه طلعت بوجهي لارين خزرتني بعيونهه والله خوش فوك شينهه گوات عينهه عجوزة كلبي تخزر ضحكت وانه اتذكر هاللقب جنت احب انرفزها كثير فـ اكلها عجوزة كلبي واهي تكلب الدنيا
مرت من يمي وتعدتني وانه مشيت ما هتميت الها صعدت بلسياره و رونق وياي كعدتهه عدل وسديت الباب دا ادور اصعد ما حسيتهه الا شخطت بسيارتهه من يمي والله خوش نوب بت الكلب تسوق سياره ووحدها
حسيت بنفسي وجرت بنار من عاينتهه صعدت ومشيت بطريقي للبيت
محمـد :
بعد ما نكشف المضموم جثير ارتاحيت ومن سامحتنه ناز وودتنه اخيتي شكد كلبهه نظيف ويسامح شكد اذيناهه ظريناهه ما ترددت ولو للحظه تكسرنه وما تسامحنه كعدت انه والباشا وبده يستجوبني على كلشي كل اللي اعرفه حجيته اله وراها راحو وانه نفسيتي مرتاحه من عرفت هي عايشه وهي ويه الباشا تطمنت اكثر
مرت ايام حياتي عاديه بين الجامعه وبين البيت ورائد اللي مكضيهه يم بسمه على واهس ابنهه محمد وفطومه بعد موت الباشا ومن وصلني الخبر تأذيت جثير ونعمم الزلمه ونعم الاخو ابو الوكفات الكفو
ردت وحجيت ويه ناز اعكب اخذهه وارجعهه يمنه بس هي ما رضت ورفضت رفض قاطع انه هم ما جبرتهه اسمع شهكاتهه وبجيهه وادعي ربي يرجعه الهه ع جثر ما تحبه ويطلع خبر موته جذب بجذب
مهاب وليان وايلين بنتهه اللي ما يتجاوز عمرها السنه ما كاطع عنهم ابد بين اسبوع واسبوع اخذ رائد واعكب الهم هم انطيهم مصرف الهم وهم اشوفهم اما ليان ما شفتهه من اهد الفاتحه للساعه
طلعت سنوية احمد وشهاب ووليدي مصطفى كبل اسبوع ولحد هالساعه معصور كلبي ومخنوكه روحي جن هاليوم ماتو فكدهن مو هين عليه ابدد كسرو ظهري بروحتهم وخلو حياتي بعدهم عدم
كاعد ادحك على رائد و محمد يقرون هالسنه مدرسه وبسمه كبالي تقري بيهم وترجع ليورا ورو كلبها ور شلون ثنين يجرون الكلمه جر يلا يكولوهه
دحكت ع الباب كعدت حبيبة خالها تتمغط وتمط بجسمهه بيضه مدبدبه بخدود حمرر و شعرها المنفوش احلا شي بيها خدودهاا اجت عليه دحكت عليه وضحكت وصاحت
- يسسسس مودي
- بت الكلب مودي صديقج لو اخوج الصغيره زلمه شكدني وخالج تصيحيلي مودي
برطمت شلتهه بوستهه
- ول ابويه لا تعكنشين كولي شتردين كولي مودي حمودي محمد كلشي منج حلوو
ضحكت ظليت اداهرهه لحد ما دك فوني دحكتو اخو ليان كمت كلشي ولا بيهم شي جاوبت بعد التحيه والسلام كتلو
- خيي خوما ولد اخوي بيهم شي
- لا يابه لا يضل بالك ما بيهم شي بس افضل انو تحدر ليمنه وتاخذ ولد اخوك
- شنيي ما فتهمت السالفه عجل وامهم شلون تنحرم من ضناهه
- لا يابه امهم ما تريدهم اجتهه قسمه و راح تتزوج
- هذاهوو منا لباجر انه يمكم سديته وكعدت مبهوت كله كم شهر صار من مرت سنوية زلمتها و ابنها وهساع تخلت عن ولدها وتزوجت شهالنسوان يرب الكائنات شهالنسوان يرب العزه هذن وحدتهن هم تتسمى ام وجوه رجلها الجنه
- شبيك خويه
- اخو ليان خابرني يكلي احدر اخذ ولد اخوك وهي راح تتزوج جايتهه قسمه
- لاا خويه عدل بدل ليان ما تسوي هيج شي ملخت نفسهه على شهاب من مات ووصلت للموت وبعدهه تريدهه تتخله عن ايلو ومهاب لاا متسويهه اكيد اكو شي لو مجبوره
- يصير خير خويه اعكب الهم باجر وافتهم كلشي
- زين بلا رويد خله يمي زي العسل على ئلبي بس و دوامك
- اقدم اجازه ميكولون شي كلهم اصدقائي
صدك كمت خابرتهم ثاني يوم من الصبح رحت للجامعه اخذت اول محاظره كملتهه وتوجهت للعماده سلمت ودخلت
- اهلا دكتور محمد
- كل الهلا دكتور
ظليت احجي ويا علمود الاجازه هاليومين استقبلهه برحابة صدر و وافق لان لاول مره اطلبهه كملت وطلعت بوجهي لبغدادمسافة الطريق وصلت ركنتهه كبال بيتهم دخلت استقبلوني بترحيب گبل اجاني مهاب حظني دنكت عليه بوسته باس راسي وكال
- يابه مشتاكلك
ابتسمت وداخلي منهضم شلون راح تكون حالته بلا امه
- من اروح اخذك وياي ل رائد و محمد
- وايلو ناخذهه ويانه ندحك عمه بسمه وفطومه
- ايي
- يابه انه نحجت لان درست جثير مثل ما كتلي وصرت صف ثاني هساع
- عفييه عفييه بالمهاب ادرس حته تحقق حلمك والتريده يصير من تكبر
ابتسم و اجت ايلين تمشي وتوكع ضحكت وكمت عليهه شلتهه خليتهه بحظني بوستهه وشميتهه
- ول ابوويه شنيي هاي شصايره كيمر السده
ضحك مهاب
- يابه دحك خدودهه
- ايي يابه مدبدبه اخيتك من الصغر شحلاتهه عجل لو تكبرر
- تصير حلوا مثل نازو
كضبت الفون دكيت على ناز شوي وجاوبت كتلهه
- ول نازووو
- ها مودي
- شتعلوو اهل مودي راحت هيبتي زلمه شكدني تصيحلي مودي جنج بت اختج
ضحكت
- ولج هذا مهاب يريدج نازوو
- بعد روحي روحه كليبي مشتاكتله نطينيا
- دحكوو الجلمات يابه حي الله البصراويه
- لا ترا احجي انباري انه بس مرات هيج تجيني حجايات احب لهجتهم جثير حلوه
- ايي
نطيتهه مهاب راح لغاد و فتحت ويا كام وهو يكلهه
- ولججج نازوووو انتي شكد حلووه
- لك منيلي يول دحكني شلون صايره
- نجبي حلوه
ضحكت
- ولككك انه عمتك شلون تغلط
- عاددي عاددي
- وينهاا ايلوو
شوي ودار الفون عليها وهي ظلت تحجي ويه ايلين وهي صافنه عليها
- لج ايلووو ليونه الصغيرره حبيبة عمتووو شهالجمال
ظلت تحجي بعدهه ترخصت و راحت بجت ايلين راح اخذهه لامهه صفنت هاي شلون راح تدبرهه ويانه ببلا امهه وهي طفله
ظليت كاعد و مهاب يمي والحجي لغاد كاعد شويه وسمعت عياطهه فزيت وزمخاته بيها
دحكت ع الحجي وكتله
- من رخصتك
- مرخوص
كمت عكبت ليمهم لكيت اخوهه كاضبهه ويضربهه وايلين متصركعه و مهاب يدفر بي
كضبته من ايده سحبته منهه هي كامت وزمخت بي
- ما اعوووف جهالي مو بكيفك انت تزوجني لياهو اليحلالك كافي صارلي سنه مصكعه ومكفخه وخدامه الك ولمرتك خالني ومتحمله وساكته بس مالت تحرمني من جهالي لااا هو انه شبقاليييي غيرهم
زمخت بي اقوا
- شبقاليييي غير مهاب وايلين شهاب سوده عليه من عمت عيني رااااح عسا الموت ماخذني انه ببداله ومريحني من هالعيشه
راد يسحبهه اجت صارت بظهري منعته كال :
- الكلته يصيرر جهالج ياخذهم عمهم وانتي باجر يعقد عليج الزلمه وحلكج ما تفكي
يتبع في البارت القادم