الاشاوس و الشقراء

البارت التـاسع و الثـلاثون

وبلكي وتحس هسه وتجي
وين الله هيچ وتحچي
ويتغير الكل شي گبل
وشگد اصيرن حلوة
حبيتك الحب الصدگ
مو هذا حب النزوه
وصح هيه بلوه بس تره
شمحلاها هاي البلوه

نـاز :

فقدت والدم ملانـي ما حسيت الا واني كاعده على فراش فتحت عيوني عمو كدامي اديه يوجعني دحكتهن ملفوفات و مضدمات

دحك عليه بعتب

- لييش يا عمـي مو حرام هالشي السويتي بنيتي الله اهو النطانا الروح واهو الياخذها واحنه مالنا حق هيج نسوي الله يحبج وكتبلج عمر جديد بعد لا تسوين هيج اشياء اجه عليه باس راسي وحظنيي

- كطعتي كلبي عليج بويه نصدمت بيج وانتي كلج دم

ابتسمت

- الله يحفظك وما يحرمنه منك عمو

- ويحفظج بنيتي

اجت شمم صكعتني على راسي

- تسمحيلي اكلج صايره حيوانه زياده عن اللزوم شلوون تسوين هييج الله ينطي بت صديق ابويه طلعت ممرضه وجابهه ركض ركض عقمت اديج وكالت ميحتاج خياط مو غمييييج جرت الكلمه ابتسمت

- وصكع صكعج ربج كون تضحك بت الخوش ناس شلون تخليني اكعد اغردلهه هسه اخليهه تنوح منا لبعد اسبوع

- زي العسل على ئلبي

- غير تستقرر دحكي خالو شافج وكال هاي شبيكم الموت هب عليكم فرد هبه صكعكم ربكم كون صكع صكع

انه الحلوه الحبابه خزرته وكتله وصكعك ربك ويانه ع الواهس ويجوز انت مصيرك تنصكع بجهنم وبئس المصير خالي يبو صگر نوب تلاكف عودة الماسحه وطكني بيهه شلون طكه حلووه ينويززز تلوك لهل جتف خلاني اتطفرر اخخ يلسانيي

- ضبيييي لسانج يبت خالج هذااا يكضبج ويطيح حظج

دحكت عليه صفح

- خااااب دروحي يطكنييي اذا ما اردهه هالطكه طكتين اله انه ما اطلع اختك يـ الياس

جابتلي شوربه شربتهه و كمت خزرتني

- ناميي يول

- مابيه شي تراا

كمت وراها دخلت للمطبخ نظفته ودخل ابو صگـر دحك عليه

- الحمدلله على سلامتج خالي

- الله يسلمك خالوو

كعد ليغاد و صار الكاونتر بظهره هي كامت صعدت ع الكونتر عود جاي تنظفه كامت ووكعت البهارات كلهه عليه

طفررر طفرره فززيت هي كالتله

- ياااااااا خالوووو سوده عليه الكاري والبابريكااا وكعن عليييك

دحكت عليه وجهه مينشاف شعره ملابسه كلهه بهارات شكله يضحك بس سكتت ستحيت اضحك ,نفض وجهه وتناوش بطل الماي ضربهه بيي

- صكعج الله وخلصنه منج دهررر مو مره كل الفواين و المصايب من جوه راسج تطلع هساع هذن شيروحهن من ملابسي وخلقتيي

- هااي شبيك خاااال صعبتهه كذاا ماي وموجود دشش خالي دشش داخل اجلف نفسك واطلع

دخل للحمام وهي دحكت عليه

- هاي تنحسب طكه بعدد طكه وحده واصفي الحساب

- ولا تكعدين راحه الا يضربج بضربه من ضرباته تموتج

- شحده والله حته اطلعله جعفر البداخلي اقوه منه ترا انه لا عبالج

ابتسمت تحجي وتضحك في سبيل تفرحني بس هي ادري بيهه داخلهه شلون محروك ومتأذي شگد ما انه متأذايه هي اكثر مني صعدت فوك كعدت وصافنه شوي وصعدت يمي كالت

- صفيت الحساب فتحت عليه الماي الحار بلحمام طفرته شويه وبعدين رجعتله البارد قهرني ,صدت لصوره الياس وكفت يمهه رفعت نفسهه وباست خده بلصوره و دكت على جتفه ابتسمت ونزلت دموعهه بـ آن واحد

- افتخرر بيه يخوي انه اخيتك وبنيتك انه مثلك وكلشي ورثته منك يهنيالي بيك وبخوتك صرت اشبهك ما ارتاح اذا ما اخذ حگي مربع

 انه سمعت كلامهه و دموعي كامت تهل من كيفهه اجت مسحت دموعي وكالت

- بسس بسس

ظلينه نسولف و مَـر هاليوم عادي ثاني يوم كعدت الصبح نزلت سمعت صوت عمو يحجي بحيره

- هذولي زاهر و ساهر طبگـو ويه طالب ي نوال ومشو بدرب التزوير يردون يزورون تواقيع الياس بتنازل عن املاكه وشركاته ل ساهر و املاك شمم وقسم حوراء لزاهر وحصة الاسـد ياخذهه طالب منهم وانه حاير شنيي الأسـوي لا يسوهه صدك وتبين اوراق اصوليه و يرحن تعب عمره لـ الياس گطره ببحر لهذوله العارات النكسين يخسه والله يا حيف هذا اخوويه وياحييف هذولي ولدك يعباس وهم خوان الياس فررق بينهم جبير من السما للكاع الياس الذهب وهذول الحديد المصدي

هونت عليه خاله كالهه

- انه حايرر ي نوال حااير شلون اضمن املاك ابن اخوي شلون احفظ تعب الياس وليدي اله ولمريته وماخلي هذولي يوصلون اله

سكت وكاللهه

- يامره اخوج ابو صگـر باجر يتعنه لاهله

- اي والله كال خاف بعد باجريبدون يسدون الطرق علمود اربيعينية الامام الحسين ( عليه السلام ) وكال خاف ابقه وبعد ما اكدر ارد لان هو اجازته لبعد الاربعين بـ أسبوع يلا يداوم

- چـا خوش

رديت صعدت خليتهم يحجون وانه حايره شهالبشر شهالحقاره الشايليهه ما يفكرون باخوهم كل اليردوو املاكه وفلوسه يحصلوهه دعيت الله يخرب كل عمايلهم وكل اللي رايدي وما تنجح مخططاتهم ابد

شويه وكعدت شمم نزلنه انه وياها جانو خالو اياد وعمو وخاله كاعدين يحجون ومبين متوترين نزلنه صبحنه عليهم كعدنه فجأه عمـو كال بحزم

- ابو صگـر يعقد على شمم و فارس يعقد على نـاز

ضحكت

- شني هالشقاا من الصبح عموو

- شمم كومي حظري نفسج ديعقد عليج ابو صگر

طفرت هي و دموعهه نزلت

- شنييي يعقد عليه يابه صدك تحجي خالي هذاا خالي والله

- مو خالج اهوو لان نوال مو امج مجرد ربتج يحل عليج شرعياً ودينياً زواجكم حلال

- لا لا حتلوو بويه انه احسبه خالي والله ما اكدر ما اكدررر لا تجبررني اخووي بعده حته السنه ما طالعه وتردون تزوجوني

- اهوووو انه ليش اريد ابو صگـر يعقدد عليج علمودج ولعيون اخووووج سويلج فد يوم شغله وفيدي بيهه اخوج ولاجل عينه

كعدت ودموعهه تنزل راح عليهه باس راسهه

- شمم يبعد ابوج ماريد تعب اخوج يروح كطره بلبحر ترضين تعب الياس ياخذو المايخافون الله دايسعون بلتزوير حته يدمرون اخوج ويجرون كلشي منه ومنج انه ماريد هيج يصير انه اريد اضمنكم اريد ابو صگـر يعقد عليج حته كبالهم انتي هسه تزوجتي املاكج كلهن ان جانت املاك عاديه او من الشركه كلهن تسوين بيهن وكاله لزلمتج بهالوكت بعد محد يكدر يندك بي وبيج لان مالهم امل وما يتحملون نتيجة اللعب ويه زلمه عسكري وفوكاها نقيب الوادم يتقارشون بكل شخص الا العسكري ما يوصلون يمه ولا يفكرون مجرد تفكير يلعبون ويا لان واصل ويفرهم فر بمعارفه وخاصه عمج طالب يعرف ابو صگـر كثيرر ويعرفه هو و الياس واحد ومعارفهم ومشيهم واحد ف يخاف منه ومن معارفهه

سكتت شمم مسح دموعهه

- لاجل عين اخوج ولاجل تعبه وفرحته بيج اصبري بنيتي انه اللي جاي اسوي لخاطرج ماريد حكج يروح لناس ما يخافون الله

حظنته وكالت

- يابه ابو صكر خالي

- ايي بنيتي بس الاريده منج الصبر هالايام احسبي نفسج رايحه بسفره لأربيل تتونسين بدوامه بأستراحته ان ما رتاحيتي هناك يجيبج يمنه بس اصبري كدام الوادم بنيتي

- شمم خالي لا تخافين اليأذيج انه رداده

خزرته

- تسلم خال ولساني هم يكفي وشويه يزود

ضحك عموو وحظنهه

- ذيبه اخت الباشاا

كال خالو بملل

- لا جثيرر ربحنه راح تهجج اهلج من اربيل هالبت ينوال راح تسمط ابهاتهم

- احسن احسن خلي تضبهمم نسوان وزلم

كالهه عمو

- احترام بويه خلهم يكولون الياس وحسين ربو ونعم ما ربوو

- ايي شحدهم يجيبون طارييكم بالموخوش غير اطلعلهم الشخص الراكد بداخلي ادججهم وربك بويه بس يجيبون طارييك وطاري اخوي اياً كان

- هسه قانعين

- لجل عيناك وعيون اخوي وابو صگـر خالي ونعم الخال و وكت ما نخلص من هذولي طويلب و ولد اخو كلمن يرد لحال سبيله ويظل هو خالي وانه يحسبني بت اخته خزرهه بنظره وكال

- ان شاء الله

ما ابديت اي ردة فعل جنت اراقبهم بتعابير جامده دحك عليه عمـو

- وانتي ناز فارس يعقد عليج

كمت وكتله

- لوو اعرف اموت ما اتزوج وما اخلي واحد يعقد عليه من بعد الياس عسى لساني بلكطع والكص اذا اقبل واذا انطق بموافقه

كمت للمطبخ اجوي وراي كال عمـو

- ناز بنيتي افهميني لخاطركم هذا الشي جاي اسوي انه بداعة اليااس عندج

نزلت دمووعي كمت جريت سجينه كتله

- لاااا تحلفني بداعة الياس على انو اتزوج زلمه غيررره افضل الموت ولا اخلي غيررره يعقد عليه عسااني بلموت اذا اوافق اتزوج زلمه غيرررره ماكوو بس هو زوجي وزلمتي غيره ماكووو لا فارس ولا همم يحزنون طزز بيهم وبطالب وباخوانه اكتل رووحي والله ان جبرتووني على غير اليااس اتخبل واسويهه واكتل روحي وتعرفوني انتم اسويهه ولا اصير على ذمة غير بس هو زلمتي و رجالي وما راح يصير غيرره يردوون فلووس يردوون املاك خل ياخذووهن ماريدهن طزز بيهن بس لا تكلولي وافقي تتزوجين غيره وتردو يعقد عليه ,تخبلت وتهسترت قربتهه لركبتيي

- كلولي مووتي كلولي ناز اكتلي نفسج وارتاحي من هالدنياا كلهاا لا تكلولي كومي وتخلون واحد يعقد عليه غير الياس انتم مو تكولون هو مات خل اموت انه همم حته هاهيه نرتاح من الدنياا وثنينه نصير اموات

سحب عموو السجينه منيي وحظني وانه فاقده وابجي بحظنه كتله

- عمووو انه ماريد فلووس ماريدد املاك ورب العزه و اهل البيت ( عليهم السلام ) كلشي ماريد خل ياخذون كلشي بس يرجعوو الي خل يرجعولي الياس حته بيت ماريد بكلشي الجان اعيش وياا وين ما جان لو بخرابه لو بكوخ اهم شي هوو وياي و اشوفه خل ياخذون كلشي من فلوس واموال بس يردولي راحة بالي ضحكتي سعادتي فرحتي زلمتي خل ياخذون كلشي بس يردولي الباشا

كعد وانه بحظنه يمسح على راسي فقدت وظليت اهذي

- لا تگلي هذا المدري شسمه يعقد عليج انه ما صرت ولا راح اصير لغير الياس اكتل نفسي اذا جبرتوني مستعده اموت وما اصير لغيره رفعت راسي كتلهه

- عمو انتم متعاجزين مني وما تردوني

- افاااااا يبويه بنيتي انتي الله واهل البيت يشهدون على كلامي بنيتي انتي حسبتج بحسبة شمم وبمعزتهه بكليبي واكثر انتي مرت الغالي مرت وليدي ومعزتج من معزته اتعاجز من روحي وما اتعاجز منج

سكتت ظل يمسح على راسي كال

- هذا هو بويه لا فارس ولا هم يحزنون يولون اهم شي انتي بخير

- محد يعقد عليه انه على ذمة الياس انه مريته اله وبس

ابتسم

- للباشا وبس مو لغيره ابد ما جذب من سماج خاتون الباشا على هالحب اللي شايلته اله والتكني بكلبج اله هلي مستعده تكتلين نفسج ولا تصيرين لغيره و الله الاعلم الحب اللي يكنه الج و خافي بكلبه دايم يكولون ماخُفي كان اعظم

غطيت وجهي خجلانه كتله

- احبنه جثيرر ييابه و ابقه انتظره لأخر يوم بعمري

ضحكو عليه كمت عفتهم وصعدت لكيت شمم كاعده و دموعهه تنزل رحت يمهه حظنتهه

- تصوري الموقف ناز انه احسبه خالي شلون راح اتزوجه شلون راح اعيش ويا بغرفه وحده و مرته شلون

بوستهه

- هونيهه تهون يبعد اخيتج واذا ما تردين ما مجبوره انزلي وكليلهم والف حلال يحلها

- ماريد افارككم

نزلت دموعي راح اظل وحدي بلبيت منو وياي يحجي ويه منو اضحك واتداهر

- الفون يمج خله ابد لا تهدي اخبصج خبص كلشويه ادك عليج اسويلج ازعاج

- احلا شي هيج حته احسج دوم وياي ابتسم شوي وصاحلهه عمـو عقدو سيد و بنفس الوقت خذو و راحو للمحكمه ع العرف و ع الاصدقاء صدقو العقد كبل لا يخلص الدوام لحد العصر وكل عمـو محامي تكلف واستلم كل الاوراق مالت الاملاك صدقهم اكثر من مره و شمم وقعت على وكاله بكل املاكهه بـ أسـم ابو صگـر وصار هو المسؤول عليهن كلياً هذا كله بحظور عمهم طالب وساهر وزاهر و ولد العمام كلهم اللي زادهم دهشه وخبلهم يدحكون وحقدهم ياكل بيهم اكل بهالطريقه الذكيه من عمو الله يحفظه اول قسم من الاملاك ضمنوو كلياً اما الباقي ماعرف بس كل اللي اعرفه ما اقبل يعقدولي على ايهوو لو يكون نتجيتهه تروح كل الاملاك ما اخلي احد يعقد عليه انه لساعني على ذمة الياس انه مريته وهو زلمتي

ثاني يوم خذاها ابو صگـر لشمم ودعناها بلدموع وهي بس تشاهك وتحظن بعموو تاليهه هدئهه وحجه وياها لحد ما سكتت و توكلو طلعوو لاربيل ورا طلعتهه اجت صديقات خاله قدمتلهن ضيافه و كعدت وسمعتهن يسولفن

- افضال اهل البيت خيه ما تنعد اليتعنالهم بمطلب يرد والشي الرايده بأديه مافد يوم واحد تعنالهم وزارهم وما نطـو مراده الثانيه كالت

- اي والله حاشاهم من الرد خاصه هالايام العام مشينه انه ووليدي جان هو متزوج 5 سنوات وماعنده خلفه مشيت وتعنيتله وما ركبت وكضيتهه مشي من البصره لكربلاء وبكلبي مطلبي امشي وادعي دخلت زرته لابا عبد الله ولابا الفضل ( عليهم السلام ) وكضيت شباجهم بجيت وندعيت رجعت و ربج سبحان الله وره اسبووع بس اسبوع واحد وكعت البت متخربطه خذيناها للمستشفى كالو بويه البت حامل وانه هالسنه رايحه ومتعنيه اله متكصدته شُگـر اخذ وليد ابني اللي طلبته منه السنه المضت ازوره وحته مرت ابني حامل هسه بعد وهم تمشي كالت تتعناله جي عوض صبرهه بفرحه بفضلهم عند الله مرادهم بلأيد ظلن يحجن وتالي طلعن ثاني يوم دخل عموو مخبوص بدل وديطلع كالتله خاله

- على خير ان شاء الله وين متعني

- بويه طالعين مشايه لكربلاء

- مأجورين ان شاء الله

كبل لا يطلع طفرت وكضبت ايده دحكت عليه بنظرات توسل

- عمو بداعتي اذا تحبني اخذني اريد اتعنالهم و ازورهم واطلب مرادي منهم

- بوويه وين انتي شتفتهمين هناك واذا ضعتي انه وين احير بيج ووين الكاع وماشي ويه زلم

كالت خاله

- لا يابو الياس اذا هيج انه هم اروح ونتعنه مشايه لاولاد امير المؤمنين ( عليهم السلام ) كاصدينهم وانتم تتكدمونه واخنه خلافكم ونسوان السلف كلهه طالعات وصديقاتي هم ونمشي سوه اهم شي ما نكسـر بخاطر بنيتنه

ابتسم

- تدلل بنيتنه ما نكسر خاطرهه افاا شتكول نكولهه تم يحفظوج اهل البيت ان شاء الله بويه يلا استعجلونه بدلو واخذو التحتاجو ترا طريق طويل ومشي ايي خط منصعد حته تنحسب صدك زياره

رحت بدلت لبست لبس مستور و مريح بنفس الوكت لفيت الشال وحطيت العبايه على راسي ثبتتهه حته لا تتحرك واخذت كم غرض احتاجه نزلت دحك عليه عموو اجه يمي رفع الشال شويه لحنجي و دخل للغرفه جاب شفقه سوده كلها لبسهه الي ونزلهه على وجهي وكال

- هاي مالت زلمتج ظلي لابستهه وهم حته لا ينصكع وجهج ويحترك من وره الشمس

حطيت جنطتي على جتفي كادتني خاله ومشينه طلعنه وسمعت عمو يحجي ويه زلم  "صادق ، فارس ، هشام ، حازم"

هيج اسماء ناداهم كلهم يمشون سوه بعدهه هو راح يم زلمه جبير يمشي انه بهالوكت دنكت و نزلت الشفقه على وجهي لان الشمس بوجهي بداية العصريه هساع وهستوهه جاي تختفي مشينه كلنه انه ساكته ومدنكه وامشي وخاله تحجي وي النسوان صـار الليل والجو صار كثير حلو نسمات بارده وضوا يساعد ع المشي دحكت ع العالم و مشيت وكل خطوه اخطيهه اطلب مرادي من اهل البيت ماعندي شي بس الله يردلي الياس سالم واكحل عيني بشوفته لان جد احسه موجود ويتنفس الهوه الاتنفسه وما ميت ويحفظلي هالعائله الحلوه وما يحرمني منهم كل خطوه اخطيهه لكدام يتكرر هالدعاء دنمشي واجه عمو عليه حط اديه على جتفي وكال

- هذا موكب مالتنه انه وزلمتج اللي بلبصره

دحكت عليه جان اكو كثيرر مواكب نفسه بس جذبني اسم الموكب مميز دمعت عيني شصار لو هساع انت موجود وحاظر بهالموكب جنه ناوين انه وياك ايد بأيد ثنينه نطلع مشايه بس سبحانك ربي انت مو وياي هسه ومشيت ويه عمو وخاله ومتعنيه للزياره ولاجل عيناك اطلبك من اهل البيت يحفظوك ويرجعوك الي وكلي امل بيهم اول طبتي الهم واول مره اطلب منهم مرادي ومبتغاي واهم متأكده ما راح يردوني حاشاهم

جابلي لفه وعصير منه اكلتهه وردينه نمشي مرت ايام احنه ع المشي نستراح و مرات انام شويه و بعدهه نرجع نمشي بس اخيرر فتره كمت احس ظهري نكصم نصين وكام يأذيني بس ما شكيت دست ع الألم ومشيت عمو لاحظني وشافني هيج تعبانه سحبني كعدني

- شبيج بويه كلها بس كم ساعه وندش لكربلاء بعد اهي الليله الاربعينيه تعبتي ارتاحي شوي حته نكمل

صدك كعدت شوي وبعدهه كمت سندني عموو وانه مشيت بس دموعي كامت تنزل من الوجع ظهري وجع مو طبيعي حطيت ايدي عليه وكمت اقره ايات وامشي وادعي

- يا ربي سهلهه ما ظل شي كلهه مسافه قصيره

مر الوكت وكفت من دحكت الگبه والمنايـر صارن كدامـي كعدت بنص الشارع بجيت بقووه وكلهه صفنت عليه من الوجع روحي شاغت دنكت وسجدت بلكاع

- ماررريد كلشي والله ماريد كلشي بس ردلي زلمتي كلهم يكولون مات بس انه احس بي بعده عايش اخذ من عافيتي وانطي اله اخذ من عمري وانطي اله يا ابا عبد الله بجاهك وبجاه هالليله اللي هي ليلة اربعينك اجيتك وتعنيتنك وطالبتك لا تردني بجاهك عند الله بجاه السيده زينب وابا الفضل العباس ( عليهم السلام ) لا تردني ورجعه الي احرمني من كلشي بس خليني اشوفه خل ياخذون فلوسه واملاكه وحته البيت خل ياخذوو المهم هو يرجع مستعده اعيش ويا بخرابه بكوخ بلشارع اهم شي هو يكون وياي انه بلاه عيشتي عدم بجاهك عند الله اذا عايش وبي نفس رجعه الي واذا ميت اخذ روحي واخذني ليمه وخلصني تعبت انه فراكه وبعده صار شهور هدن حيليي

كومني عمو مسح دموعي و نزل الشفقه على وجهي باس راسي وكال

- ينطيج مرادج

امشي واسمع الناس يكللي

- ينطيج مرادج يمه

- ينطيج مرادج ابا عبدالله واخيه ابا الفضل العباس مايردون واحد نخاهم وطلبهم حاشاهم

مشيت وحته وجع ظهري راح مني واختفه دخلنه بين الحرمين جنة العاشقين ارض الحسين واخيه العباس ( عليهما السلام ) عطر الحظره ملا ريتي ظليت استنشقه بردوة الجو والنسمات الحلوه اللي تضرب بوجهي لمة الناس وكلهه تريد تدخل تزوره ودعائهم واستجادهم اله حمدت ربي انو كتبلي الزياره وانو اعيش هيج اجواء حلوه واشعر بلانتماء الهه

كضبتني خاله و دخلت رزت بالف يا علي يلا كضبت الشباج رفعت نفسي بسته وبجيت دعيته وما حسيت الا بدفعه صديت عليهه خزرتهه حجت وياي بس مدري شني ما فهمت مدري بيا لغه تحجي وتدفع بيه وتجر بعباتي عبالك تريد تهمشني وتضربني زمخت بيها

- تووخرين من يمي لا ابتلي بيج هسه واخلي امة محمد كلهه تتفرج عليج هين شكو تدفعين بيه هي شافتني شلون زمخت بيهه سكتت رديت ع الشباج تعذرت من الامام ورديت دعيت وبجيت بضريحه وبشباجه رحت صليت الزياره وكعدت اقره قران ومفاتيج الجنان كملت و طلعت من ضريح الامام الحسين (عليه السلام) توجهنه للامام العباس ( عليه السلام) دخلنه كذلك بلكوه وبعد صدامات كثيره يلا وصلت اول ما كضبت شباجه بجيت ودمعات تجوي صارت تجري على خدودي دعيته وبجيت بضريحه وتوسلته مديت نفسي بلكوه وبست شباجه ومشيت لغاد كعدت صليت الزياره وصلاة ليلة الاربعين وصليت صلاة الليل هم وكعدت اقره مفاتيح الجنان دحكت ع الساعه 12 ونص بليل عاينت لخاله نايمه كبالي بلضريح رحت يمهه كعدتهه

- خاله نطلع لعمو خطيه

- ياا يمه وين نروح ما نعرف احد هين احنه

سمعتهه وحده من النسوان كالتلهه

- يا خيه امشينه امشينه بيتنه كدام الامام ومفتوح لزوار ابا عبدالله ( سلام الله عليه )

كضبت ايدي وايد خاله ومشت بينه لاكانه عمو كناله ودلته الحجيه البيت بلضبط واخذتنه وياهه دخلنه استقبلنه بنات يطلع عمرهن اصغر من عندي كعدنه شويه

قدمن النه ماي وكيك وعصائر بس فجأه و رجع عندي الم بظهري موتني تأذيت جثيرر كمت للحمام عاينت فجأه نزل مني دمم دمم دمم جثير كمت ارجف رجيف مو طبيعي نزف هذاا ؟؟؟؟ جاي انزف انه والالم موت ظهري....

تحياتي الكم ام اسد