الاشاوس و الشقراء

البارت الثـامن و الثـلاثون

شبيها عيونچ تردين تبچين..؟
سواد بعينچ وبالگوة تحجين...!
شبيچ أحــچيلي لتخافين؛
ليش هواي ذبلانة؟
شنو متعب معانييچ..؟
اول مرة اشوفچ حيل كبرانه..!
اول مرة احس مكسوره تمشين
وآنه إلـي اعرفچ اقوة انسانة..
شگد مكابرة وهالكثر تعبانة...!

فـارس :

رحت عليها مدنكه تبجي كومتها حظنتها وهدئتها صعدتها للغرفه سكتت ظليت يمها 

مشت الايام , بيوم بليل كاعد انه بلبستان ادخن خابرني الياس جاي اخير يوم اله هذا الفجر يلتحق

تلكيته دش داخل بعد ما تسالمنه كعدنه انه ويا وصادق اللي مدري شبي وحاله مخربط شكد ردت اوعي واكله كمل حياتك من بعد ما كطعت ويا لارين من ذاك اليوم لهذا اليوم اهي مختفيه حته جامعة بغداد ماكو بيها وهو ظال متلوع بنار لاهو بلسمه ولاهو بلكاع روحه بيها

كعد كبالي ورث جكاره اخذ نفس منها وخله رجل على رجل

- وتالي ؟

- خويه احس كلبي ديتكطع بلعباس بس اريد اتطمن عليها سحلت كلبي سحل هالبت اربع سنين اركض وراها واهي مطنشه بلسنه الخامسه بالف ياعلي كسبت حبها تواصلت وياها شهرين مدري ثلاثه وظهري منكسر بلكتابه واحلفها بلائمه كلهم يلا تخليني اسمع صوتها تالي حظي طيرها هسه انه ما مستعد اخسرها اريدها احبها بنيه مؤدبه وشريفه وفوك كل هذا احبهاا

خزره و كور قبضة ايده بغضب

- صادق مو حلالك تريد روح اخطبها وفضها لا تظل تحجي بيها واهي وينها بلاصل

- راحت يابويه انه شمدريني وينها

- چاا اسكت ولا تحجي بيها بعد دامها راحت , كام صادق 

اجه عليه كال بحزم 

- راح اخليك تعاين صوره اذا تعرفها تكلي اي اذا ما تعرفها تكلي لا وتنسه كل خلقتها كلمه وحده عن هذن ما تزيد

استغربت

- شني الصايرر ؟

مد ايده لجيبه طلعلي صوره سحب ايدي خلاها بيها اخذتها منه نبهتت من شفتها صوره قديمه ابيض واسود صورة امي هذي اي اعرفها صور كثيره عندي الها اهي وابوي رفعت راسي اله مبهوت

- منين جبت هالصوره على بختك

خزرني

- شكلت انه وشحجيت يفارس

- هذي امي باشاا شتحجي انت صورتها منيلك وشلون وصلتك

رفع حاجبه

- اسم امك الكامل ؟

- شهلاء كريم ال****

ونطيته مواليدها ومعلوماتي الاعرفها عنها

طول بنظرته و ورث جكاره

- امك ما نهبت امك نطردت ومنك وبيك الطردها وبعدها عنكم وكاعد بنص بيتك

باد حيلي كبل كعدت فركت كصتي نظرتله بأمل

- معناها عايشه راح ترد لهنا مو ترد لولدها كافي فراك مشتاكين الها ولاخيتي كافي نحرمنه منها سنوات كثيره ربت على جتفي

- امك مريضة قلب جانت بعد موت ابوك بثلاثة اشهر ماتت وهي بحسرة شوفتكم وشمتكم

نصدمت من الخبر وعقلي ضرب كلي امل جنت الكاها وهي عايشه واردها ونعيش سوه بحب وموده اعاينها احب ايدها و راسها

- الگبر المهدم اللي بصف گبر ابوك اهو هذا كبر امك وصيتها جانت كبل ما تموت تندفن بوادي السلام ويم كبر ابوك انه بعد ما اكتشفته بنيته وجددته تكدر تروح تزورها زور گبر امك الما تهنيت بيها بدنياتك

- چا و اخيتي هم ميته

هستوه ديحجي دك فونه ابتعد عني كمل و ديطلع

- ما كملتلي ياخوي اخيتي اخبارها شني

- فارس مستعجل هسه انه لازم اروح وبنزلتي اكملك الباقي اخذ حكك وحك امك يخوي لا تسكت وعافني بناري وطلع ظليت كاعد للصبح دخلت للبيت بدلت وصلت البنات للجامعه بدربي و رحت للشركه طلعت كبل بوكت خابرت عمامي يتجمعون بلديوان و رجعت لكيت كلهم ناطرين

كعدت وكتلهم

- الگبر البصف گبر ابوي المن وليش مهدم

عاينت لجدي بلع ريكه وكال

-شنيي

- الگبر البصف گبرررر ابوي جاي اكلك هذا المن

- شدراني انه

- ليش مهدم وليش انه اخر من يعلم هذا گبررر امي هاا جدي امي ما نهبت ياهو الطاردهه من بيتها بعد موت زلمتها هاا گلي ياهو الجان بلبيت غيرك عمامي مو بعد السالفه كلها يلا اجوي , ظليت اتناقش ويا لحد ما تعاركت ويا من تبينلي هو السبب ورا كلشي وعمامي يهدئون بيه

مشت الايام وانه انتظر على نار جية الباشا شوك اله و اريد اعرف كلشي وهو اخباره مقطوعه كثيرر لحد ما بيوم نعلن يوم تحرير الموصل رحنه انه وعمي حسين لمكان استقبالهم , ظلينه ننتظر الجنود كلهم والقاده كلها نزلت الا هو ماكو تقدم علينه عميد تسالم وياي وويه عمي كال

- انتو اهل الباشا للاسف الباشا مفقود كليا من بعد دخوله بكمين من الانذال ببيت مفخخ و نفقد من ساعتها وما لكينا ولا لكينه اله اثر وجثه على كل الاحوال مات وندثرت جثته بلاشلاء الصارت هو وثنين من الجنود ويا وما نجه من هذا الكمين بس جندي واحد البقيه بحياتكم كل الفخر الكم ارفعو راسكم ابنكم شهيد نطه روحه فداء للوطن

اعاين عمي نصدم ونهد حيله كعد وانه كعدت بصفه صدمته مو اقل من صدكتي حسيت بخنجر ينبت بكلبي وانه اسمعه وتترد ببالي كلمته واهو يكول مات شهيد فداء للوطن غطيت وجهي باديه خنكه بركبتي 

ويلاه ياخويه شني الموت الباشا يموت بهالسهوله على ايد هذولي الحقراء ناطرين جيتكم كلها يابعد روح هلك وربعك جا وينك

فركت راسي وكصتي لمحت واحد لابس عسكري من بعيد يعاين علينه انه وعمي ويصد و رجفة ايده من بعيد عاينتهه وجهه مصوفرر يتقدم علينه ويرد يرجع هونت على عمي وكتله

- هذاك ياهوو

رفع راسه وعاين عليه

- بويه هذا صفاء ويه الياس جان

- چا امشينه عمي اله خل نحجي وياا

كمنه مشينه اله هو من عاينه تقربنه عليه ركض شكيت بي وكلبي لعب منه ركضت ورا كضيته وكعدته عاين عليه بخوف وكال

- هدني انه معليه مالي دخل بلصار

- شنيي ولكك وين البااشـا بالعبااس اشك انك تعرف كلشي تحجي لو شلوون

اجه الضابط اللي مسئول عن الجنود كلهه حجه وياي وكتله

- هالزلمه اله ايد بالسالفه اريد استفسر منه بكلشي بس اريد منك مكان معزول بداعة الخوه البينك وبين الباشا

دنك بقهر

- الاشاوسي ابو الوكفه والجلمه الحلوه افضاله ما تنسي وما تنعد الله يرحمه صدك لو كالو مايبقه للشخص غير بس الجلمه والسمعه الطيبه بعد موته وياخسراتنه بفگد الباشا زلمه شهم وكلهه تشهدله ما تجيب منه الدنيا اثنين

ما رديت بس وجعت كلبي الله يرحمك يالحبيب لو بيدي ادش بنص الموت واطلعك منه وانه الاموت بدالك يالاخو يـ العضيد شوي وسحبني لغرفه دخل صفاء و دخل عمي حسين انه فتحت تسجيل الصوت بالفون و رجعته بجيبي و دشيت داخل عاينت عليه

- اسمك شكد عمرك

- صفاء ، 21 سنه

- چا خوش هسه تحجي لوو شني

- ماعليه انه

- اذا تظل هيج بكلمه وحده اسجل بيك فصل من العرك وازيدك من الشعر بيت من داخل الوزاره تجي ورقة فصلك وتحلم ترد للعسكريه بعد بالعباس

سكت بعدهه رفع راسه بخوف كالي

- ورب العزه انه احبو للباشا

- احجيلي ولتخاف الك الامان

نزل راسه رجفة اديه وگـال

- دا امشي بلصحراء و ببين الغابات اتخطاهم وما حسيت الا بضربه صارت على راسي

بعدهه بساعات صحيت لكيت نفسي مجتف دحكت مجتفين اخوي التؤام مالتي كدام عيني جنه انه ويا ثنينه عسكريه

اهو الباشا بنفسه بعد ما تخرجنه من السادس بسنه امي انتخت بي وتعنت اله ومن شاف حالتنه التعبانه وابوي بسقوط بغداد مات وامي و اختي ما الهن احد غيرنه وحالتنه التعبانه دك صدره لأمي وكاللهه انه اعينهم وانه اخليهم الج على ايدي وبهالوكت هو حته مكان للعيش دبرلنه خذالنه بيت على كدنه وسجله بأسـم امـي من الا شيء صعدنه وتعدلت امورنه على ايده

و صدك ما جذب ولا خلف بوعده بعد اسبوع اخذ عقودنه و صدقهن وطلع التعيين دخلنه دوره عسكريه وره اشهر تخرجنه منهه صرنه ويا جان عصبي وصارم وميتحجه بس بشر بحنيته ماكو

جنوده مو مثل بعض الضباط يحسبهم عبيد اله لا صح صارم بشده وكلشي بلاوامر ويا ويله اليخالف كبل يتعاقب بس يعتبر جنوده كأنما اولاده اليريد شي وينتخي بي يكضب ايده ويربت على جتفه وبنفس اليوم يكون حلال سالفته

سنتين احنه ويا انه واخوي مادحكنه منو شي مو زين او اذانه بفد شي الا لمصلحتنه يزمخ بينه ويعلمنه بس احنه ما غزرن بينه وما وكفت بعينه وكفاته وفزعاته ومساعدته النه وعضينه الأيـد اللي نمدت النه , بعد ما شفت اخوي مجتف ومتأذي ردت بس شي اخلصه منه بوكتهه واحد اجاني فكني وكضبني بقوه دحك عليه وحجه وعربيته مكسره

- تريد انت واخوك اهدكم وتطلعون منا

كتله

- ايي بس هد اخوي وحتلو تاخذني انه , راح جاب خارطه واجه

- لا انه اللي اريده منك هالمجموعه اللي واكفه بهالمكان ومن ضمنهم الباشا اريدك تجيبه الي وتزحزحه لهلبيت كل الاريده منك هذا واعتقك انت واخوك لوجه الله

- شتريد من الباشـا انه الاخبارر وكلشي نتصداله دا ابلغك بي وانطيك علم بعد شكوو

دفعني على واحد جتفني وهو ضحك بقوه

- انه الي ثـار ويا جتال اخوي وابوي وولد عمي گلهم على ايده بلانبار راحو طلع روح اهلي جدام عيني هالباشا وما ارتاح اذا ما اكضبه وانفذ بي وامثل بجثته

- اهماا شني اهلك همم دواعش شي اكيد ينكتلون ويموتون

كلت هيج وما حسيت الا بضربه شكت ظهري وفلعته فلع خزرته وكتله

- انه ما اكدر اغدر الباشا بعد كلشي قدمه النه

- شوف عذاب اخوك وتلذذ بي

ظلو يضربوو وهو يصرخ و يزمخ بيه والدم من كل مكان كام يطلع منه يعذبو وهم معلكي فلقه وانه الدمعه تركزت بعيني وادحك عذاب اخوي اخير شي زمخ بيه بضعف

- صفاء راح اموت تخسرني انه على حساب الباشا

- جنك نسيت الباشا شنيي الباشا اهو العيشنه وعيننه وهو اللي كعدنه ببيت ووكفلنه جثير وما نكدر ننكر وكفاته ويانه 

-انت جبت المعلومات والخطط كلها بقت على هذي

رفضت ومن دحكو رفضي ظلو يضربو بعدهه فكو وكع ع الكاع مغمى عليه واهم يضربو وهو يون ونينه شك الكاع كام يشاهك وانه كلبي نمرد بدون وعي كتلهم

- اسووي التردو بس هدو اخوي هدوو هساع ارووح ارووح

- تجيبه لهل بيت او چريب منه وان لعبت بذيلك احسب اخوك ميت

هزيت براسي بدون كلام وانه ادحك لاخوي هدوني طلعت امشي وخطواتي متثاقله وصلت لمكان تجمعنه دحكني الباشا من بعيدد واجاني سحبني و زمخ بيه

- ويييين جنت لكك هـااا انه مو كايلك ما تمشي وما تتقدم انه الاتقدم بس وانت كله بلصف الاخير لو متت وتأذيت انه شكول لامك

- ماكو شي سيدي لا يظل بالك بس عكبت دحكت اخوي بلفوج الثاني

- خوما جوعانين عطشانين تراه الجنود مساع دبرتلهم اكل واكلو وخليتهم يعزلولك منه روح اكله واحمد ربك

رحت ولكيته عازلي وجبه اكلتهه واهم كاعدين ع الساتر الحركـه هدوء ما حسيت الا بضوا احمر صار على ملابسي ليزر عرفت هاي اشاره منهم يعني بلش كضبت سلاحي و مشيت والباشا صاح عليه

- بوووويه مسوودن وين ماشي

سعد هم زمخ بيه صديت منهم وكتلهم

- سيدي هذاك البيت الغادي بي حركه خل نتصدالهم

- تعاااال صفاء لا هسه اجي اكفر بيك واحرك اهلك عووف هذاك البيت تلكاهم لاعبيلك لعبه بي والله الاعلم شخالين بي عبالك ماعرفه لا انه ولا الجنود يعتب ليغاد لحد ما ينحل كلشي ونتوجهه لهذيج الصفحه جهه جهه تتحرر لا تظل تتطفر

عفتهم ومشيت وهو كاضب سلاحه و يركض وراي

- صفاااااء لا تتسودن لخاطر ربك اذا اكضك هسه احرك اهلك

وسعد يحجي ويسب وراي لحد ما وصلت للبيت واحد ليغاد بنهاية الشارع اشرلي بمعنى اوكي اوكف لهنا

اجه الباشا يمي ركعني بوكس

- ابن الكلب من احجي واكول ارجع ليش متسمع

اكلت دفره من سعد دا احترك اجه علاء كال الباشاا بصووت

- المكااااان مفخخ انعل جدك لابو منبعك صفاء

كبل لا يكملهه الباشا شمرر روحه عليه حماني بجسمه كتله

- باشا ماعليه شي

- ماريدك تتأذه امك واخيتك محتاجتك مالهن غيرك

صاح على سعد وعلاء بصووت

- لككك دنكككو راح تنفجر بس ثواني ديغد ومانعرف المكان ما نلحك بعد

دنك وكضب راسهم نزله للكاع واهو فوكاي حاميني مثل الساتر صار نطق الشهاده وكال

- يا الله يا محمد يا علي

وما حسينه الا بصوت عالي قذر نطق

- الله واكبررررر

واجه صوت الانفجار هدم مسامعنه حسيت نفسي رغم حماية الباشا بس نرفعت ونلطخت بقووه بمكان

وبين الواعي والفاقد حسيت بصوت الباشا الخشن ليغاد مني يون ونين يفزز الميت بعدهه فقدت , صحيت بعد فتره على وجع شل جسمي شل اديه وتحت راسي كلها جروح هاي انه الباشا جان حاميني بجسمه وهيج تأذيت عجل هو شحاله دحكت الولد داير مدايري همست

- عجل الباشا وينو

عاينت واحد من الجنود يشاهك و دموعه تنزل كال

- الباشا ماكو مات نفقد اثر الانفجار هو وعلاء و سعد لان قريب عليهم كلش

- انه انه جنت يمهم بس هو حماني بجسمه وهو التأذه عني , ركعت راسي بلكاع و كمت شدولي ايدي عاينت لبدلتي العلايم مجلب بيهه الاسوار اللي دايم بأيد الباشا ودايم يلبسه واكع منه ومجلب بلعلايم مالت الستره كضبته و ضميته , 

جان بهاليوم بالضبط كبل وكت الانفجار الباشا طالب تعزيزات وجنود اكثر يجونه حته من نهجم عليهم فرد هجوم نمحيهم كلهم لان بقايا ظالين جنودنه والاجوو اجاني خبر منهم انهم خلص هدو لاخوي مرت ايام فوك الاسبوعين تحررت الموصل بمناطقهه دا امشي جنت كبل ما حسيت الا واحد كضب رجلي عثرت وكمت عليه داعشي مصوب وملثهم يشاهك فك اللثام دحكته اخوي

دنكت عليه همس

- انـه اسـف ضحيت بلباشا علمودي بس جنت كبل هالوكت مناصرهم وكل هالشي خطه منهم حته ياخذون الباشا

- شصار بلباشااا

- عـ ـانـ ـدهم وعذبو بـ ـأيدهـ ـم

- ليش شرادو منه

- رادو منـ ـو يلغي اعتـرافـ ـو و ولائـو لأهـل البـيـت ويتخله عن ولاية علي واتباعو ويعترف بـأشياء هم يطلبوهه منو بس رفض وكالهم غير حيدر الكرار ابد ما عندي ولي

ومستعد اموت واروح فدوه لأسمه

من سمعو هيج اصراره وتمسكه بـ أهل البيت عذبو

وهم كل ما يعذبو لو يضربو يصيح دخيلك يا علي

لو دخيلك يابو فاضل

لو دخيلكم يا اهل البيت

وهم يتخبلون ويگصون ويا عذبو عذاب لحد الموت

جان يحجي بتقطع تالي غمض وهمس

- ابـ ـرينـ ـي الـ ـذمـ ـه

وشهك شهكة موت دكيت على صدره وكمت منه و نزلت دموعي حته جثتك ماريدهه هيج اخو انه ماريده مشيت بركضه كعدت بلصحراء و ظميري ياكلني اكل ع اللي سويته سعد و علاء و الباشا اللي ما اكدر اوصف وكفاته وافضاله عليه غدرتهم و اذيتهم بأيدي وماتو وذنبهم بركبتي

اجو جماعتي جروني و بيومهه بعد ما صفوو كلشي و دورنه الموصل كلهه ع الجثث ونلمت للجنود بس علاء وسعد والباشا كلشي ما لگـو منهن عده السلسال و السوار مجلب بملابسي جانن بعدهه رجعنه لبغداد وهذا كل الصـار

عاينت عليه ومصدوم كمت عليه ضربته ونهيته من الضرب صكطته تصكط

- لكككك گ*** ما وكفن بعينك كل هالشي مسوي الك بدون علم احد مسوي لوجه الله مدلك ايده تالي تعضهه وبأيدك تاخذهه للموت ابن الكلب طيح الله حظك وحظ المكابر اللي ما تلفي هيج واحد عار ونگس

موته ما يطيح ودم هذولي الثلاثه بركبتك ليوم القيامه وشوي شوي كلشي يبين بيك گ*** الحوبه تسحك وتلحك وتاخذ ثلثين من الحك وحك اخووي انه اطلعه من عينك , عاين عليه وبجه

- امي واختي ماعدهم غيري لا تسويلي شي

ضحكت

- نجب لك عارر هاي مو حجه انه اتكفل بأمك واختك بعد الباشا اخوي بس انت تاخذ جزائك

سحبت عمي اللي متصنم بمكانه وطلعت وكفت التسجيل و دزيته للضابط غاد مني ورحت يمه

- اعتراف كامل ب ام القضيه هذاا ان تحيزتوله وما صعدتو محكمه واهذ جزاؤه ترا تصير موخوش بالعباس ابو فاضل حك الباااشا ان ما طلع من عيون هالكلب ابن الكلب اكلب المركز والفوج كلب , عليت صوتي وكلهه التمت فتح تسجيل والضباط والقاده بكل الرتب سمعته والصدمه تنهال على مسامعهه لان ثنين من عناصرهم اللي ثاقين بيهم ومأمنيلهم يطلعون جواسيس لداعش واحد برتبة عقيد دك صدره وكال

- الباشا زلمه ابن زلمه وكفو منه وكل هالربع تشهدله بأنضباطه بصرامته بقوانينه وبربعه اللي ممشيهم على حد السيف من غير وكفاته وهين اسئلهم من رتبة شرطي اول لحد الفريق ولاعلى رتبه وصولاً للقائد العام المسؤول يعرفو ويحمدون بي وطاريه ما ينجاب بغير الزين وحكه انه اخذه من كلمن سعه بموته وهالصفاء هذا كلهه قرابة اسبوع ويصعد محكمه وياخذ جزائه اماا ذاك قصي جزائه يم ربك هو الياخذه

- مشكور متقصر اغاتي واعذرني اذا صوتي عله بحظرتكم وانتم اكبر مني ومن عوايدنه نعلي صوتنه ع الاكبر منه بس محروك دمي على اخوي واريد اخذ حكه واطلعه من حلك السبع , ظلينه واكفين واجت الضباط والقاده الرتب اصنافهم من الاقل للاعلى تعزي عمي حسين وتعزيني

عفته وطلعت بحثت عن عائلة صفاء ندليتهم و رحت كعدت ويه امه فهمتهه بكلشي وهي مره جبيره وباينه اصيله ومعدله اما اخيته ما لمحتهه وكتلهه انه الاتكفل بيكم بس ابنج غلطته ما تنغفر واذا انه الاغفرهه الباقين ما يغفروهه لان مادام غدر ابناء بلده ووكف ضدهم ويه الارهاب وجاسوس بعد ما يتأمن بي بكد الشعره

ظلت تحجي وتطلب تناقشت وياها وقنعت وعيشتهه وافضل وارد يدخللهه شهرياً وطلعت رجعت لعمي لكيت جادر منصوب على طول الشارع وگله عساكر و زلم سلمت وكال

- اصدقائه وربعه اصرو يسووله فاتحه هناا تكريماً لروحه

صديت صفح مو متحمل هالشي صارت بوجهي لافته جبيره صورته بلعسكري على كبرهه ببداية الجادر ومكتوب جواهه ( اسـد العسكريه الشهيد البطل " النقيب الياس عباس علي ال...." الملقب بـ الباشا )

لهل ساعه هذن الكلمات وهاي الجمله محفوره ببالي كل ما اغمض عيني تحظرني وتصير كبالي

مر هاليوم وانه حيلي مهدود الدمعه بطرف عيني متركزه ما اريد اضعف ما يرضه بهالشي اهو دايم يكلي الگوه الگوه خنكه بصدري صارت تذكرت خوتنه مواقفنه بصغرنه لما كبرنه فاركنه الزمن ورد جمعنه وهسه خذاك الموت اخ يالعضيد بالعباس ظهري انكسر بخلافك روحك وخبر موتك هد حيلي يخوي دمعه حاره نزلت على خدي مسحتهه النار بكلبي شابه فتحت الفون عاينت صورنه چاا شني يخووك ظلت بس الصور منك اخخ يا حركان كلبي

فديوهاتنه محادثاتنه صوتياته من نحجي مرات ماله خلك يكتب يدز بصمات ,فتحت وحده اجاني صوته عصبي ويزمخ

- لككك فارس لتصير گ*** تجي تخلصني من اخوك الاثووول لو شني وهذا هشيم راح اجفص ببطنه خابصني بلنسوان هن ربه ودينه السـ** ميدريني هسه اتسودن عليه واكوم اكضه انعله وانعل اليطلع بظهره وما أَخون مرتي جي احبهه

اخر بصمه اجتني منه بأول اسبوع التحق بي فتحتهه اجاني صوته بتعبب

- خويه لا يظل بالك مابيه شي وما بقه شي ان شاء الله وتتحرر واردلكم عينك على ابوي وامي فارس احسبهم ابوك وامك ودير بالك عليهم ترا ابوي الضغط مالته فجأه يعلك خل يلتزم بعلاجه وامي السكر مو تستغل عدم وجودي وتبلش بلحلويات حاجيهه بداعة الخوه ولا يخلون بالي يمهم وكله لابويه بنيات الياس الثلاثه دير بالك عليهن ولا تخلهن يحتاجن شي...مريتي اخيتك فارس اخيتك هذي خاف ما ارجع انه هاي كتلك كلشي دير بالك ع هلي امانه بركبتك ونسدت منهه , وبعد ظليت ادزله وادك عليه ابد ما اجانه من عنده خبر

رجيت راسي وتذكرت كلام هالحقير من يحجي عليه و يكول شلون متمسك بـ اهل البيت ( عليهم السلام ) افتخرت بي افتخرت انو عندي هيج اخو وكع بأيد الارهاب واعداء الاسلام وع العذاب القاسي اللي يعذبو اهم للواحد يخلو يكفر دفن ويتنازل عن اكبر شي بس اهو ما تنازل ابد ما تنازل عن دينه وعقيدته وولائه لامير لمؤمنين واولاده واهل البيت ( عليهم السلام ) وظل ينطق بأسمهم لاخر نفس بحياته

ثاني يوم رجعنه ونصبت فاتحته بالسلف كله على كبره ثلاثة ايام واكفين على وكفه وحده بعد ما فضت رجعت للبيت لكيت صادق لابس دشداشه سوده ولاف جراويه سوده وكاعد صافن رحت يمه كتله

- شصايبك يبعد اخوك

نزلت دمعه من عينه مسحهه وكال بخنكه

- اخوي الباشاا اخوي اليااس ظل يأشـر بأيده على الاماكن

- نصايحه اله ، هذاك اليوم من طيحته هناا ، بعز كسرتي و ضيمي فرحني وخلاني ارجع لحيلي ، ما يخليني اسوي الغلط ،وكفته وياي هنا سولفنه ، هنا ضحكنه ، هذا المكان البي كعدنه ،البنيه الاحبهاا الانتظرهاا من اشكيله ضيمي والوجعه الخلتهه بكلبي شكبرها اشكيله ويهون عليه ويكلي : تهووون شما طفح كيلهاا تهوون يحيلي 

اخخخخ ياخوووي الله يرحمك ويجمعنه بيك بدار الاخره

دا احجي فزيت على صوت عياط نسوان ركضت دشيت داخل عاينتهن عماتي ومنسه ملتمات ع هيله زمخت بيهن وخرن منهه

 كومتهه حظنتهه وبنفس الوكت كضيت منسه سويتهه جنازه , انه روحي طافره وفكد اخوي هاد حيلي وتجيلي هاي الزعطوطه تسوي مشاكل خلت عينهه بعيني وتكلي

- تطكني يفااارس لجل هذي بت الشوارع

طكيتهه على حلكهه عاينت هاشم اخوها كال

- ايدك الك طالعه عينهه وشكد ما اطكهه واريد أدبهه متتأدب

ابتسمت وسحلتهه للغرفه

- لج ياهو بت الشوارع اليوم اراويج ان الله حق

عاينت لكيت حزام بلكاع لكطته و طبكته نطيتهه طكه على رجلهه عينهه الكويه سودنتني ضحكت بصووت وتكلي

- لا تطلع مراجلك عليه طلعهه ع الگ*** مالتك

نطيتهه راشدي نركع راسهه بلحايط

- لج گلبه منين جايبه هالالفاط من يا دايحه ويا بت شوارع وگ*** مرافجتهه وصايره مثلهه وانتي عمرج كله 19 سنه وتحجين هيج كضيتهه طلعت حركت دمي كلهه بيهه اجرمت بيهه سويتهه جنازه ويا ريت تتوب بعد كل الضرب الاكلته كامت اصحى من الحصان

صفنت عليهه اجت عليه كضت ايدي من الكف تلمستهه للجتف تاليهه تعلكت بيه وحظنتني رفعت راسهه شمت ركبتي وباستهه

- اخخخ فارس احبك انت حكي انه

دفعتهه لعبان نفسي منهه كضيت وجهه عصرته بأيدي

- سوالف الگ*** هذي منين متعلمتهه ولج كلبه انه بت عمي تطلع هيج بت زايعه المستحه لج انتي الوادم اذا تعاينج تسب ابوج بكبره ما تترحمله هالافكار وخريهه من راسج انه آن حبيبتي و رويحتي ومريتي مو انتييي ,ركعتهه راشدي وكعت بلكاع وناحت

- لكككك احبك ومن زمان احبببكك انه لييش ما تفتهم انت

دفرتهه

- لج ياهووو المايفتهم بسج جسمج تشطب استجني وانسيني حلم ابليس بلجنه انه زوج منوو ؟؟

انه زوج آن وما ابدلهه ب نسوان العالم كلهه خلي هالشغله ببالج تروحين مليون فدوه لتراب رجلهه

بت مأدبه واخلاقهه عاليه واهم شي اهيي عدهه خجل وحياء مو مثلج متبريه من كلشي

عفتهه وطلعت وكتله لهاشم

- اختك ادبهه ترا سوالفهه طايح حظهه وانه من باجر رايح لبيتي المن كاعد هناا بعد وعايف بيتي

- انه دواهه خليهه الي حته جامعه ماكوو خلهه تحلم

عفته ودشيت لعماتي خزرتهن

- بالعبااس لو ما حَريم واكبرر مني جان عرفت شلون اتصرف وياجن بس ذكرى ابوي بعيني واكفه وشمهما يكون انتن خواته لهذا محترمجن آن اذا تگربتن الهه بالعباااس ابو فاضل لاسوي بيجن سوايه لا صايره ولا دايره وحته الوارد الشهري اليوصلجن مني ومن صادق اكطعه اكول عماتي وعماتي وانه ابن اخوجن وانطيجن من تعبي وكل وحده مخصصلهه راتب بدون تعب وبدون حك ع الحاظر يجيجن تالي هيج تسون بمريتي

ظلن يحجن ويبررن بحجة منسه ومرت ابوها نحشنهن ووزنهن عليهه طنشتهن و صعدت للغرفه

لكيتهه كاعده تنوح عاينت عليه اجت حظنتني تعلكت بركبتي بادلتهه مشيت ايدي على ظهرهه كعدت ومسحت دموعهه وجهه مخرمش تلمسته

- منسه الكلبه گسرر بيدهه گـون

ضاجت

- منسه وعماتك الشريرات ومرت عمك الماتخاف الله وحته الاطفال بعد منا وهيج يكتلوني

دتكمل وفجئه حطت اديهه ع حلكهه مانعه نفسهه من الكلام

- شبيج

- اسفه حجيت عليهن نسوان وبنات الساده اخاف يشورن بيه ويأذني

- الحجي بيناتنه طززز بيهن ولج اهي صلاتهن منا للسكف ما توصل مو الكل طبعاً هذن بس الشريرات ع كولتج لجن الزينات لا والله يشورن ويطكنج بلمكان مثلاً رونق نظيفه واخلاقهه حلووه وبت فقيره ان حجيتي عليهه بدون ذنب تشور بيج واهو كل انسان نظيف وزين وصادق يشور مو شرط بس الساده وبناتهم اللي يسموهه علويه يشورون كل بشر بي حوبه

- يعني حته انه اشور

- جااا شلون هم تشورين والج حوبه عاجلاً ام أجلاً تحظر الحوبه تبطي بس ماتخطي اهي تلحك وتسحك وتاخذ ثلثين من الحك

ندك الباب اذنت بلدخول فتحه صادق عاين على آن

- الله يساعدهم انوته بويه تحتاجين مستشفى

- نعنعن ظلوعي يا صادق يا خويه

- اويلي عليج ياخويه اخ اخ دمعن عيوني على حالجج

غطت وجهه بحزن اهو ابتسم ورد كلهه

- چااا شبيييج بووويه عرج ميطكج اصحى من الحصان مو هيانج كاعده بشحمج ولحمج عبالي نكسرت ايد رجل بس لا والله كويه مرت اخووي

ضحكت وعاينت عليه مبتسمه طلع صادق وكالت

- والرب فارس بس انت وصادق و رونق وعمو نمبر وان وعمو نمبر تو احبكم وحلوين بهل بيت

- هجم بيت المياعه

سكتت صديت عنهه ادخن مشتاكلك عضيد اجت عليه خلت اديهه بشعري مسحت عليه ثنت رجلهه وكعدت كدامي كضت ايدي

- البقاء بحياتك عظم الله اجرك خاتمة الاحزان يا رب

- حياتج الباقيه

سحبت الجكاره طفتهه وكعدت على رجلي باست راسي

- الگوه الگوه اترحمله حته ترتاح روحه

اختنكت نبرتي

- اخويه هذاا

- الله يرحمه ويصبرك ويصبر كل اهله وذويه ويسكنه فسيح جناته

وخرتهه وتمددت خليت اديه على عيوني حاجب الرؤيه

- حظري ملابسج وملابسي وكلشي بهالغرفه شيلي باجر ننتقل لبيتي بعد ما الج ظله بهالبيت الا وياي انه

يتبع في البارت القادم ..

البارت الجاي نرجع ل ناز 

تحياتي الكم ام اسد