الاشاوس و الشقراء

البارت الـرابع و الثـلاثون

وجنت اكلك
الهب اسجدلك ثلج..
أبجي اهيمنلك اصابع
ضيع وانبعلك خريطة
غني واصدحلك وتر ..
‌‏بس لا يمس وجهك سفر

نـاز :

انتقلنه للبصره والبيت اللي بلانبار بقه نفسو مجرد قفلو لانو الياس كال بين فتره وفتره نحدر لهين اما دوامو ظل بلانبار ع اساس منا لأيام تطلع نقلتو

بيوم كاعدين انه وخاله وشمم وجمره نسولف بلمطبخ وخاله تحظر بلاكل واحنه وياها

عموو هستوه دخل والياس نزل ركض من الدرج حته راد يوكع دحكو عمو و راح عليه

- الياااااس شبيك شهالعجله مالتك على كيفك

حاجا وهو يسحب السويج ويحط سلاحو بحزامووو

- بوويه عضيدي اخوي

- يااا اخوك فهمنه ساهر وازهر شبيهم

- ياا هذولي فااارس بينه وبين الموت شعره

وعافنه وطلع ظل عمو يخابر نوب كالتله خاله

- شبي فارس شصابه وهيج الياس احترك دمه عليه

- متعارك ويه جماعه بشركته ومتلاغين ومن هالسوالف وفارس من طالع بسيارته ماشي وصاير ذاكه كباله وكاسر عليه داعمه بس ما متأذي اهو بس السياره طالعله ومتعارك ويا وصايره عركه بينهم بلسلاح وفارس متصوب بجتفه بس ما جاز متعارك وياا و ضاربه و راد هذاك مصوبه وصاير صوابه الثاني جوه كلبه و حالته خطره وديشوفون شني وضعه حته يتدخل واحد من الطرفين لو قانون لو العشاير بس اكثر شي راح تصير كعدة عشاير

- فارس شحاله

- خطرررره حالته يا مرره

- وهذاك الزلمه

- مابي شي صواب بايده بس مكسره تكسير

طلع عموو دحكت عليه خاله بحزن

- شبيج خاله

- يمه فارس زلمه معدل درة مالت الله بكد الياس وصديقه جثيرر من همه وصغار سوه لحد ما كبرو

- خطيه الله يشافي

ظلت صافنه بيه وكالت

- تدرين يمه نازز

- شني خاله

- فارس عنده اخو اسمه صادق شو جن احسج تشبهينو انتي عندج شمرات منوو

- شنيي خاله

- مادري يا بنيتي بس جن وجدت ملامحج مثله و عندج طبايع مثل طبعو

سكتت ماعرف شكلهه صدفه تصير اكو جثيرر عالم هيج مشتركين بفرد صفات اجت يمي شمم طلعت صوره وكالت

- هذاا صادق

دحكت عليه وابتسمت بي شبه قليل من خوالي ومن محمد

- بي شبه مو مني من خوالي

- لا يمه بي ملامح منج

- والله ماعرف بعد يا خاله

ظلينه كاعدين لحد الليل وماكو لا الياس ولا عمـوو دكيت لالياس ماكوو خاله دكت على عموو طمنهه وكلهه للساعه حالتو ما مستقره بعد العمليه ينتظرون للصبح

صعدت وكفت كبال المرايه دحكت لركبتي تلمستهه ماكوو الاثار الجكاير مالت محمد البقه اثرهن راحن من يوم ما دحكهن الياس جاب مرهم تجميل وازالة اثار حطيت منو كم مره اختفه الاثر كلياً لان بوكتهه كال

- انه ما يهمني ان جان بيج اثر او شي انه حبيتج خبيت روحج وما يهمني الباقي بس ما اريدج تخجلين لو تحسين بنقص وتنحرجين فلهذا جبتهه الج

استمريت عليهه و فرحت من راحت الاثار واختفت

ما اجه ابد بهاليوم ظليت انام وافز مدري ليش ما مرنـي النوم ثانـي يوم رجع عمـو الصبح بس جثيرر اعصاب خلتو خاله بعدهه حجت ويا

- شبيك شني فارس متأذي

- لا الياس

كبل صديت عليه من جاب طاري الياس كتلو

- عموو شبي اليااس

- صاير غلط بينه وبين صاحبه الياس ناقلي للموصل وصاحبه ناقلي للبصره

سمعت وكعدت حيلي باد وكلبي وجعني

- لويش عمـو هيج صار وشني الموصل ما تحررت للساعهه

فرك وجهه

- والله مادري ليش هيج صار يابويه واهي بعدهه ما متحرره بلكامل واكو بيهه كثير داعش بأطرافهه و بأوكار خاصه الهم يلبدون بيهه بهالوكت دخل الياس كلو عمـوو

- الياااس ما تروح خووش

- شني ماروح بويه انفصل ويروح تعب سنين هدر واهي شبيهه الموصل محرره ومابيهه داعش

زمخ بي

- شنييي زعطوط كدامك وتضحك عليه ياهو الكالك محرره بعدهه اكثريتهه داعش ماتروح يعني ماتروح انه اشوفلك واسطه وانقلك للبصره

- اروووح بويه لا تعرض ولا تخربهه عليه وهالواسطه التحجي عنهه شفتهه كبلك و اكدر انقل بس لازم اقل شي التحق التحاقين ثلاثه يلا يكدرون ينقلوني للبصره

كلنه فلوس و واسطه بس مو تايهه كلهه اقل شي اداوم فد شهر يلا عود ينقلوني ومال تكلي اكعد ولا تداوم لا بعلي اعذرني

ما اكدر شهادتي ورتبتي كلهه تروح هدر اداوملي جم شهر وبعدهه ارجع هناا والموصل مو كلهه بيهه هسه امينه ويجوز واجبنه يطلع بمنطقه محرره

عافه وصعد وخله عموو يفور صعدت ورا دخلت للغرفه حدر يمي سد الباب وحظني همست بخوف

- الياس لا تروح

رفع راسو خزرني

- لا تخافين ماكو شي خاتون لا تصيرين جبانه

نزلت دموعي وحظنته

- لا تعوفني اموت وراك والله اذا صارلك شي ماعندي غيرك انه انت كلشي بحياتي

حظن وجهي مسح دموعي

- ما هدج و رب الكعبه انه دوم وياج

- عجل لا تروح

- ميصير حبيبي لازم اروح واذا نقلت للموصل اهي شبيهه الموصل هم محافظه من محافظاتنه حالهه حال اي وحده ومثل ما وكفت وكفه للانبار اوكف انه للموصل هم الوادم تعبت من التهوجل وتريد ترد لبيوتهه واقصى جهذ لازم نبذل حته يرجعون العالم ترضيهه اكو عالم ماعدهه سكن ولا مئوا تنام بلشارع وتنام بلخيم وكاتلهم الحر وبحسرة اللكمه

ع اقل من تتحرر بلكامل يردون لبيوتهم ويكعدون بيهه مالازم نشوف نفسنه عايشين وكلشي يجينه يعني نطغه لا نحسب حساب هذولي العالم هم شذنبهم طلعو من بيوتهم بليله ظلمه وودعو كلشي ع اقل اذا تحررت يفرحون برجعهتم و يرجعون لحياتهم

مسحت على وجهه

- حقك وما ارضه يصير هيج بس انه اريدك يمي وبخير وماريدك تتأذه

- الباشا من يوعد تتصورين يخلف بوعده!؟

- حشا الباشا اشاوسي اذا وعد يوفي ما يخلف بوعده

- چااا انه انطيج وعد خاتون اروح و ارجعلج وما اعوفج وحدج اكو ابو يعوف بنيته

ابتسمت باس خدي وضحك

- شلوون مره انتي غير تشجعيني ع الدوام وتخليني اروح عال العال اشو تكعدين تنوحين وتنعين بس تسمعين شي

- احبك جثيررر واخاف عليك من كلشي واخاف تتأذه ويصيبك شي

- ما يصيبني شي والله ربي ومحمد نبيي و علي اميري وامامي ايماني بيهم جبير وثقتي بيهم اكبر وكلشي مكتوب نشوفه واهم اليحفظوني وعيونهم عن بعد ترعاني

ابتسمت

- يحرسوك ويحفظوك من كل شر واذى ويخلوك الي وترجعلي سالم ان شاء الله

- دعاء خاتون موجود ويصيرلي شي مو بلحيف وربج ميكدرلي ولا واحد گ*** و*** بيهم اذا اكض واحد بيهم ما اعوفه الا اطلع بروحه

سكتت تكلط عليه شمني

- افيييش يا عطره ل حبيبي

- حبيبي شوكت تروح

- نفكيت من الانبار اليوم اسبوع و ابدي التحاقي اطلع لوجبتي للموصل انه ووياي فوج كامل منقول للموصل من جماعتي

- الله يحفظكم وينصركم عليهم ونخلص من هالحرب

دحك عليه وضحك

- طزز بحربهم هسه خل ابدي بلحرب مالتي انه وياج ترا مشتاك حيل

حظني و دفن راسو بركبتي شمني جسمي اقشعر رد باسني وعضني تاذيت باس جتفي وانه عظيت جتفو ضحكت يالله لا ارادي اسويهه والله هو بس يبوس جتفي انه ما احس الا وعظيت جتفو خبالاتي جثير تصعد واسوي هيج

- منبطل من هاي السوله

خليت كصتي على كصتو وضحكت

- ابدد ماكدر ابطلهه

ضحك بقووه

- جاذبية الباشا بعد تسحبج ليمهه

رفعت رجلي وطوقت ركبتو لف اديه على خصري و رفعني عن الكاع

- شهالگصرر اليشيب الراس يبويه توصلين لكليبي ومسودنتني

ضحكت اديه من ورا صارت بشعرو بست خده هو ابتسم وطلعت غمازته خليت اديه عليهه

- يالله شحلاتهه هساع لو عندي انه غماززه بس يلاا انه وياك واحد

ضحك اكثر برزت دحكتله وعكدت حاجبي

- الياس

- يبعد حيله لالياس

- عود ليش انت احلا مني ترا ميصير هيج عيونك شهلاا وسيعه ولحيتك والغمازه وجهك اسمـرر وشحلاته شعرك اسود وناعم حواجبك سيوف و رموشك طوك لعيونك وانه كلشي بيه اشكر حته الحاجب هالمعاناة المتخلص

ضحك بقووه

- چـا شعبالج بويه بصراوي انه والهيبه تسطر

دحكتلو صفح

- يعني بلجذب كلي انتي احلاا

- بالعباس تطكين بلكاع اهو اكو احلا من الشكره بس شكارج القديم جان قوي وما حبيته بس هسه بعد التغيير ومن اختفه الغضب الاكشر ذاك صرتي جمال بويه جمال حته الحاجب يطك بلكاع كلج على بعضج قابله للاكل

- كيكه انه ومادري

- احييي تروحلج فدوه الكيكه ترا انه جوعان نازز

- ايي يلا وخرر خل انزل اصبلك اكل

- جوعان عليج يبعد حيلي البارحه هالابن الزفره لهاني عنج

ضحكت

- امه شعليهه

- الحيوان انه محروك دمي وكاعد يمه لحد ما صحه تقربت عليه دا اعاينله شلونه يكلي آن حبيبتي مريتي صرعني باسمهه الگ*** ما ذكرني انه ما ذگر اخوو بس يهذي باسمهه

ضحكت

- يجوز زوجته هاي

- ايي خوش صكعته صكعه فضحنه بين الوادم عوزه بس يبجي ابن ال****

- يااااا اليااس اهله شعليهم

- لساني بعد متعود هيج

ضحكت ع كلامه

- اخخ يا لسانك ينكط عسل عمرري

- دخل ابوسج دامه ينكط عسل يحيلييي

- اكووووول الياسـووو

- عيونه

- اذا صار عدنه ولد شتسمي

- بأسـم امير المؤمنين حيدر الكرار اسمي اول طفل

- عجل واذا بت

- خاتوون

- نوو نووو نووو بس انه الي تصيحلي خاتووون من تجينه بنيه ما تسميهه خاتون هذا اليي بعد عينااي

- ابوس عينااااج چاا اشوف غيرر اسـم

برطمت

- وانه ماليي رأيي ما اقرر اسم

- الله كريم خلينه بشغلنه هسه

دحكت عليه بسته بخده و بكصته وبخده الثاني

ضحك 

- بعد بعد تغزلت بيج كثير

بسته بخشمه وبغمازته تكلطت عليه وبسته بطرف شفته اخذ نفس و كضب وجهي واخذ شفتي بين شفايفه وايده نمدت تستكشف منحنيات جسمي نزل لركبتي وهمس

- احبج خاتون

- وانه بعد باشتي

باس شحمة اذني صاحبتني كهرباء احسهه سرت بجسمي مدري ليش اتحسس من هالمكان

سحبني ويااا للفراش و دخلنه بعالم مابي غير انه وهووو

نومني بحظنه و متمسك بيه

- شايف بنات اشكال الوان بس مثلج ومثل ترافتج بالعباس ما شايف

خزرته دا اكوم

- من يوم الشفتج ما تقربت لوحده غيرج وداعتج

ابتسمت

- انه ليش هيج

- شبيج بويه جنج العافيه

- بسرعه ارضه من توصل الشغلات يمك لو مية مو زعلانه بكلمه ارضى

ضحك وسحبني لحظنه

- غير تحبيني

- اموت عليك

ابتسم ظل يغازل بيه ويلعب بشعري لحد ما دك الفون شالو دحك عليه فتحه حجه وكام يوصلني الصوت بضعف وبلكوا يحجي كالو

- الياس وينك عليه يااخووووي

- ليش حبيبي راح تجيب وتريدني يمك

- صكعتك هشمت راسي لگ گ****

- لككك بسس اتقي الله واكعد صلي واقره قران هستوك طلعت من الموت كاعد تغلط لو شكلهه آن متعرف تعلمك شي

- شنييي خرب ب*** وانت شعرفك ب آن

- لك حيوان ابن الكلب شهرتنه شهيره فضحتنه بين الوادم وانت تصيح آن حبيبتي و آن مريتي طايح الحظ

- بشرفك بمذهبك انه هيج سويت

- ايي والله واسئل صادق

- بسس مو هيج تصكعني راسي تفلش من الوكعه بلكاع هنوب تجي انت تصكعني

- هسه غيرر تكعد الحلوه تأذت ست الحسن يلا لكك طيب وارجع ل آن خطيه بالهه يمك

- شتاكيتلهه بعلي ومادري شحالهه جانت وياي من صار الحادث وعاينت كلشي

- ايي مو انت مطي تتعارك و وياك مره ع اقل رجعهه للبيت و تعارك وخلهم يطيحون حظك

- رحم الله والديك انه مطي كلبي ديوجعني

- لككك لا تاخذ الدور زياده الطلقه جوه كلبك بمسافه لا تسويهه قصه هسه يومين وتصير اصحى من الحصان

- اكلك باشا

- كوول

- چـا ما تاخذ مريتك تتطمئن عليهه ماريد اسئل عمي لو غير واحد عليهه

- خاااب ما تسكت وتولي بيت مليان زلم تريدني اخذ مريتي اله تحلم

- شنيي انجليناا جولي وما ندري

- افااااا تروحلهه فدوه انجلينا جولي

ظل يتناكر ويا والغلط بينهم يبووووو يشيب الراس اخر شي نهـا حظني بعد شعري وظل صافن على جتفي كال

- شني هاي

تلمستهه وكتلوو

- هااا تقصد ع الشامات البجتفي

- اي

- هذن ثلاثه سوه من زمان عندي من انه وصغيره هنه والجوه شفتي والجوه حاجبي

ابتسم بحيره وكـال

- حلوات لايكات لخاتونتي

حظنته وخليت راسي على صدره

- الياس شو احسك مدري شبيك

- لا حبيبي مابيه شي بس اكو حسبه براسي و فدشي اريد اوصله

رفعت راسي الوو مسحت على وجهه

- لا تهتم وتفكر جثير ان شاء الله الله يريحك ويبينلك كلشي تريدو

ابتسم

- ويلوموني جي احبج بنات الكلب چا انتي روحي وبنيتي ولو يطكن ما اكلبهن

كعدت وتخوصرت

- هم عايزه تكلبهن باشاا انت مالتييي

ضحك 

- يي بالعباس انه مالتج بس محد يشاركج بيه خلي راسج بارد ما تجي ولا تحلالي مره بعدج

ابتسمت مرر هالاسبوع گأنـو رمشت عين الياس ملتهي وما ادحكو بس بليل يجيني يحظني وانام بحظنه

واكفه كبالو والدمعه بطرف عيني بس ماريد اضعف وتنزل

يبدل يلبس العسكري وكالعاده ترتيبو وكشختو وهيبتو طاغيه على كل المكان كمل كلشي اجه عليه باس راسي

حظنته شميته ودنكت دنك عليه همس بأذني

- انه حاير شلون راح انام هناك تعودت على حظنج وعطرج وما انام الا بيهن هناك باين ما راح يمر النوم على عيوني

اختنكت

- لا تطول عليه الياس

- يبعد حيله ماكو الله وياك

رفعت راسي بوسته

- الله وياك ويحفظك هو واهل البيت ( عليهم السلام ) من كل شر واذى ومكروه ويحرسوك ويرجعوك الي بلسلامه

- احبج و ارجعلج لا تخافين وديري بالج على نفسج ولا تهمليهه صيري قويه شمم امانه بركبتج لا تخليهه تتهون على نفسهه وما تاكل و جمره هم صح تحسنت بس انه ما مرتاحلهه ولا مرتاح لتصرفاتهه راقبيهه ناز لا تترك علاجهه لحد ما يخلص كله

كضبت ايده بستهه

- فدوه اروحلك كلنه بخير نكون اذا انت بخير

سحب جنطتو و طلع تلكتو شمم دحكت عليه وبجت اجتي حظنته سحبني وياهه وحظنه ثنينه

- اخخ الله انه شلون بنيات عندي

مسحت دموعهه وضحكت

- افاااا انه اخت الباشا وبنيته الرباها انه قويه والله لا يضل بالك عليه

باس راسهه

- تاكلين وما تبجين

- صارر تأمر امر ترجعلي بلسلامه يروح اخيتك دير بالك على نفسك بامانة الله وعلي وموسى ابن جعفر خليتك يحفظوك ويحرسوك

ابتسم و شاف جمره بنهاية الدرج واكفه ذب الجنطه وهدنه كال

- خلصت فلوسجن انتن هسه انه اروح اودع الغاليه

وصل يمهه هي دنكت ونزلت دموعهه

- انت اخوي ونبي وعزيز عليه والسويتو وياي ماكو احد يسوي وما اعرف شلون اتشكرك ع هل شي بس احب اكلك لا تعوفني مثل ما كلهم عافوني انه ماعندي غيرك هالاخو وهالسند وما اتحمل فكد احد بعد

دنك باس راسهه

- اخيتي الغاليه انتي وماكو شكر بين الاخوه الحمدلله من صرتي زينه وتخلصتي من هالسم الجان يمشي بجسمج هالشي وحده كافل بأن يفرحني وانه موجود وان شاء الله مابقه الا القليل وتتحرر وكلشي يخلص و نرتاح من هالحرب وهالطغاة ديري بالج ع نفسج والتزمي بعلاجج اخر جرع هذن حته تخلصين بعد ومن تخلصين ابوي ياخذج للدكتور

صد علينه

- ميحتاج اوصيجن

ابتسمت وكتله

- طلعه ماكوو منروح ونخطي لهذولاك الوادم اذا نريد شي عمو يجيبلنه واذا ضجنه شوي نطلع للبستان عمو يطلعنه غيره ماكو

 وحجاب والستر حلوو حفظتهن

- يبعد حيلييي خاتون

- فدوه لحيلك يروحي لا تكطع بيه وخابرني

- ان شاء الله راح ودع عمو و خاله وديطلع تقرب عليه كدامهم حظني وباس راسي وكال لعمو

- رويحتي مريتي امانه عندك يابه شمهما يكون وشمهما يصير ناز ما تخطي عتبة هالبيت هذا تبقه كاعده بي معززه مكرمه

- لا توصيني على وحده من بناتي الياس

دحك عليه ابتسم يمن فدوه اروح لهل ابتسامه وطلع وخاله ذبت ماي ورا

ظلينه انه وجمره وشمم وحده تتصفن بلخ بهليوم وهو ما بين بعد الا وره يومين دك لعمـوو وطمنو عليه

مرت اربعة اسابيع وانه ظاله بخوفي عليه و ما بيدي شي غير الدعاء الو ادك عليه مغلق هو من يدك على عمو يلا نطمن عليه ثواني ويسده

نزلت لعموو كتلوو

- عمـو عجل الياس يمته يجي

- بنيتي اليااس ما يرجع الا يكمل واجبه كله يعني لبعد التحرير لان يكول مو مالت اجي وارجع من البصره للموصل ومسافه بعيده

- زين هو شوكت حاجاك وخابرك اخر مره بالي يمه عمو ليش ميحاجيني

- بنيتي بمكان خطر هو ع الاطراف وشبكه ماكو ومن يحاجيني بلكوه كم كلمه يحجي وينكطع بس يكول لا يضل بالكم واهو ويه اليوم صارلو اسبوع ما داك

- ادك عليه انه بس مغلق

- خلي بنيتي مابقه شي للتحرير كلهه ايام ان شاء الله ويرجع

مرت الايام وانه بخوف وقلق على الياس كلبي يرجف لحد ما انلعن التحرير الكامل للموصل بيوم 10/7/2017 بتموز انعلن التحرير كلنه فرحنه كل ضننه انو الياس راح يرجع

وره كم يوم راح عمـو يستقبله ع اساس كل الجنود الملتحقين الجانو بلموصل راح يرجعون لاهلهم مر وكت واجه عمو بس مو فرحان ابد بلعكس جان متعكر والدمعه بعينو باينه كلنه تصنمنه من دخل كبل كعد وخله اديه على راسه

تكلطت عليه والدمعه صارت بطرف عيني و خطواتي ثكلن بنبره مخنوكه كتلو

- عمو وينو الياس شو ما اجه وياك

بقهر وبنبرة حزن كال

- ماكوو الياس بعد بنيتي ماكو اليااس الوادم وربعه ما لاكين من الياس غير بس هذا

ومد اديه وجان بيهه سواره ايي هذا سوار الياس اللي يلبسو بأيده اللي هو لبسته الو امـو اخذت السوار بسته وشميته

- عموو شني ماكوو الياس نطاني وعد وما يخلف بوعدو هو كالي راح ارجع لا تخافين هو راح يرجع

- ماكوو بنيتي الياس ربعه كلبو الموصل عليه كبل كم اسبوعين من التحرير مسويلهم كمين وداشين ببيت بس هالبيت مفخخ ورايحين منه كثير ضحايا وجايبين جثث بس الياس وعلاء وسعد هالثلاثه وثنين بعد وياهم ماكو مالكولهم لا جثه ولا شي بس لگـو هالسوار بلكاع وشايلي ولان فارس وياي وشافه بايد واحد عرفه وراح يمه بعدهه اجو ونطو الي كالو ما لكينه من الباشا بس هذا السوار

دحكت لشمم لخاله لجمره كلهن يبجن انه عفتهن وكمت صعدت فوك دحكت لصورته الجبيره اللي بلحايط ونزلت دموعي رحت عليهه تلمستهه وبجيت

- انت مو كلت ترررجع وما تعوفني انت الباشااا اليااااس الباشاا من يوعد ما يخلف عجل وينك مالك خبر ولا كلشي

نزلت للكاع وحظنت ملابسه شميتهن وبجيت وانه احاجي واعاتب بلصوره اختنكت و دموعي تنزل وتجوي خدودي بحرارتهن واحس صدري ضاك وكمت بلكوه اتنفس تلمست صورته ووجهه واديه بلصوره

- الياس وينك يروح بنيتك لا تخليني هيج لا تخلي بس صورتك تذكرني بيك لا تخليني اتأمل الصور انه اريدك الك لا تعوفني ويه صورك بس ذليله انه اريدك

بجيت بقوه و دكيت ع الصوره وعطت واحس اكو شي بداخلي ديحترك ويحرك بيه دحكت لسواره و دحكت للصوره ايده بيهه السوار بس هساع سواره بس بايدي وهو ماكوو صرخت واحس هالصرخه شكت كلبي و دمرته

- انت مو كلتلي ماكو ابو يعوف بنيته

انت ابوي عجل ليش عفتني وينك عليه

مو كتلي انه نطيتج وعد وراجعلج

انه اعرفك ما تخلف بوعدك ارجعلي الياس

اتيه واضيع بكفاك ماريد احد الدنيا كلهه ماريدهه

بس انت اررجع حباب ولا تخليني وحدي بهالدنيااا

ماريد هالدنياا بدونك انه وما اعيشهه ابد بلاك

انت متت وانه هم راح امووت وراك ...

يتبع في البارت القادم

تحياتي الگم ام اسـد