الاشاوس و الشقراء

البارت الثـلاثـون

بعد ما اوصي كلبي يعاتب الروح
شيفيد العتب وتريد احاجيك
ماشه نار حبك تلهب وياي
كافي انزف جرح وتريد اداويك
تحركني بغرامك واشتعل نار
وهسه تريد ترجع ما اخليك
ياريتك تجي وتشوف الجروح
تلكاهن خطيه يسولفن بيك
شسولفلك عليهن والله محتار
ياجرح التشوفه ابناره يجويك
احبك حب عراقي يحب الهموم
اصيل وشايل الدمعه ويسليك

محمـد :

سكتت هي مبهوته وانه دكيت عليه مغلق كضبت كلبي وكمت طلعت برا ظليت ادك عليه مغلق تقريب ساعتين انه افتر بلسياره ادور عليه ماكو وين راح دكيت مغلق بعدهه وره فتره نفتح و دك رقمو ابتسمت واخذت نفس ودعيت الله ماكو شي فتحتو

- الوووو ها احمد وينك متكلي

- اعذرني بس الوياك مو احمد تفضل لمستشفى **** صاحب هالموبايل مسوي حادث واياً كنت تقبرله او شي يستحب ان تخبر اهله ويجون

سده وانه صافن شني اخوي مسوي حادث شني نوع الحادث ابني، اخوي، ابنو، شحالهم هسااع

استغفرت ربي و طلعت بلسياره وصلت للمستشفى نزلت وصلت للاستعلامات سئلت دلتني رحت يمهم جانو اكو ممرضين و دكاتره واكفين وكفت يمهم وادي على راسي

- اخووي ابني و ابن اخوي وينهم مابيهم شي موو

دحك عليه وكال

- اسف جداً لكن من طلعوهم من السياره بصعوبه لان الحادث جان كلش قوي ومن بعد ازالة اجزاء كثيره من السياره يلا كدرنه نطلعهم وما كدرنه نتلاحكلهم مع الاسف جانو ميتين طفلين و شاب البقاء بحياتك

الصدمه الحتلتني متنوصف كعدت حيلي مهدود كضبت راسي وليدي مصطفى

اخوي احمد ابنو شهاب نكسر ظهري و رب العزه دنكت والدمعه حزت بعيني دك الموبايل رفعتو وانه مادري منو الدك بس اجاني صوت عمي

- هلا محمد

ما رديت

- يابه محمد احنه هين حدرنه لبغداد بسمه رادت تجي وجيناكم كلنه موجودين انتم بلبيت

بصوت مخنوك كتلو

- عمي احدر لمستشفى ال**** تراه ظهري نكسر احدرو لهين

وكع مني و دموعي نزلت ماني متحمل هالشي يا ناس اخوي وابني وابن اخوي بنفس الوكت راحو كمت دخلت للغرفه تكلطت عليه مغطيه كشفتو وجهه جسمه كلو جروح نزلت دموعي عليه و دنكت على اديه كضبتهه بستهه

- خويه كوم لا تكسر ظهرري كووم لخاطر الله لا تخلي ظهري محدب بكفاك انه منوو الي بعدك ياهو اليشد ظهري ياهو اليوكف وياي لك كوووم الموت مو الك كوم ابنك و مرتك بلبيت بتك اللي بعدهه ما جايه وما مدحكه الدنيا تريد ابوهه اول ما تجي يشيلهه يناغيهه وينك عليهه كووم خيي الموت مو الك و رب العزه

صديت ليساري دحكت وليدي بعمر ثلاث سنوات ميت حدرت يمو شلتو حظنتو لكلبي شميته و بسته ما متأذي قليل مو جثير عجل شبيك يابه كبل شوي انه شميتك وشتريتلك شوازاك ع الموت

ليش مستعجل مصطفى يابه فتح و دحكلي ياهو من انام اسحبو لصدري ياهو يكعدني على لعب ايدو بوجهي ياهو يخبصني ع الطلعهاشو عفتني بنص الدرب يابه كووم لا تكسرون ظهري بفراككم لك يابه انه ما ردت هيج ورب العزه ما ردت هيج

ما ردت تموت وهيج انه اشيلك ردت تكبر وتأسس حياتك وادحكك باعلا المراتب وانه الاموت وبأديكم تشيلوني انت و اخوك مو انه الادحكم هيج ردت انت تدحكني وتدفني بايدك

عجل ليش نكلب الايه وهساع لازم انه الادفنك كووم يابه كلبي ما ينطيني بالقران

نزلت دموعي ووهو بحظني ماكو كلشي بي لا اثر لا دم بس جسمو بارد قالب ثلج وهو بحظني

مادري شلون ومنو سحبني منوو

- ميصير لازم ندخلهم للثلاجه وينتقلون للطب العدلي وانت ابدئ باجراءات الوفاة

كعدت و الدموع من عيني تهل على فراكهم ما جاي اسيطر على نفسي مو ضعف شخصيه ولا اي شي ثاني بس كلبي محروك وما اكدر اكبت واكتم بداخلي حسيت بواحد كعد يمي رفعت راسي دحكتو عامرر حظني

- هدي هدي خيي البقاء بحياتك كلنه ع هذا الدرب ماشين هم السابقون ونحن الاحقون

- مجاي اكدر عامـر بالقران كلبي محروك وظهري احسـو انكسر اخوي اخوي هذااا و ابني و ابنو

انه ما جنت هيج محسب محسب ابني يكبر وهو اليدحكني ويدفني من اموت مو انه الادفنو مو انه الاجيسو وهو ثلج واشيله وانزله للكبر

- انه شني عجل عيب عليك والله هيج تكول انه اخوك و وياك وكلنه اخوه ان شاء الله خواني خوانك محمد شد حيلك ترا عندك رائد هم محتاجك

مسحت وجهي عفتو وكمت رحت للاستعلامات اشرلي على ممرض رحتلو كتلو

- شلون صار الحادث

- والله خويه انه مادري بس هو حادث اصطدام قوي بين سيارة اخوك و سياره ثانيه بس المتضرره سيارة اخوك لان كلش لكيناهه متدمره مكلوبه اكثر من مره وطابك الفوك ع الجوه و بعد ازالة كثير شغلات منهه يلا كدرنه نطلعهم وللاسف قسنه النبض وحاولنه وياهم اكثر من مره بس جانو متأذين وللاسف ما متحملين وميتين

خاصه الاطفال الطفل الصغير جان منتهي بس الاكبر منه ظل يشاهك بادينه حاولنه بشتى الطرق نساعدو نخلي يعيش بس ماكدرنه جداً نعتذر منك ندري فاجعتك اليمه والجاي تمر بي مو سهل بفقد احبابك بس هذي ارادة الله

- الطرف الثاني عايش

- اي موجود بقسم الكسور رجله وايده مكسوره و رضوض هم عنده بس حالته مستقره

- اكدر ادخل احجي وياا

- لا خويه لا تدخل خلي الضباط يشوفون شغلهم

عفتو و رحت لعمي كال

- محمد سد القضيه

- ليش شكو

- ترا حته القضيه من يم العسكر انسدت لا تحقيق ولا غير شي اكعد يابه ما بقيت بس انت لابنك و لولد اخوك اذا رحت يتيهون

- ما جاي استوعب شتكول السالفه شنييي

- انه جثير نبهتو لاخوك اتركو لهل زلمه لا تندك بي واصل ومعروف يدفنك ومحد يسئل عنك بس ما سمع وهاي النتيجه خذا ابنك وابنو ويا للكبر

سكتت وكعدت يعني هو ورا كلشي هيج الدنيا تاهت يكتل شخص ومحد يحاسبو لو ياخذ بثاره اخوي راح ابني و ابنو وما اكدر ادحك اللي كتلهم متعذب واخذ بثارهم منوو والعداله تاخذ مجراها

- محمد احنه راح نرجع للانبار احدر ويانه بويه لا تظل وحدك شركة اخوك بيعهه وانت شركتك مثل كبل خل بيهه وكيل يدزلك ارباحك كل شهر واشتغل بشهادتك بلانبار عجل المن خذيت الدكتورا واطرتهه اشتغل بيهه يا يابه دكتور بجامعة الانبار وشحلاتك لا تظل هين وحدك

- و ولد اخوي راح يتيهون مهاب والبت اللي ببطنهه

- شكو عليهه البت يم اهلهه وانت ما تكصر وياهم تدزلهم مصروفهم كل شهر وان مرت فتره ورادت البت تكمل حياتهه وتنازلت عن وليداتهه اخذهم انت وهم تزوج وبنات الحلال جثيررات تاخذلك مره الك و لولدك خوما تظل وحيد

سكتت منو جان عامر يمشي باجراءات الوفاة نقلوهم للطب العدلي كملو كلشي وحان وكت الدفن خذيتهم للمكبره والربع كلهن وياي بس ما رضيت غيري يغسلهم دخلت ووجعي يتسابك ووياي اغسل باخوي واحس ظهري مكسور هاي اخر مره ادحكو راحت معداتنه سوالفنه حجينه شقانه فرحنه كلشي راح يندفن ويا

بعدهه حدرت لوليدي دنكت عليه حظنته عسا الموت ماخذني الي ولا الو

حدرت لشهاب مسحت على وجهه

- عمي شكلهه لامك لو سألتني عنك خويك تؤام روحك مهاب اذا كال وين اخوي شنكله

كملو جفنوهم وبأدي نزلت كل واحد لكبرو رجعت للبيت وبوجهي صار الصياح والنعي جانو اهل ليان كلهم ويانه

دخلت جانت كاعده ع الدرج كامتلي ركض وضحكت

- محمد جذب موو جذب احمد وشهاب ما بيهم شي موو صح راح يرجعون وليدي ما مات

جرتهه وحده من خالاتي حظنتهه وكالتلهه

- يخيه ابن حميد مصطفى هم راح وياهم وهم محروك كليبه على اخو وابنو و ابن اخو لا تسوين هيج شدي عضدج بـ مهاب

عفتهن و كعدت كبال الدرج و تذكرت مصطفى شلون ذاك اليوم انه هيج كاعد وجا مسح على وجهي و حظني

اااااخ يا فراك الابن والاخو يكسر الظهر ويكسر الكلب والروح احس نفسي جسد بلا روح

اجه رائد كعد بحظني

- الله يساعدك بابا

ابتسمت بوجع

- ويساعدك يابه شلون صرت

- انه زين بس مصطفى وينو وشهاب هم ماكو وعمه ليان بس تبجي تريدو

كضبتو بسته وحظنتو لكلبي شميته

- ماكو بعد لا شهاب ولا عمو احمد ولا مصطفى يابه ماتو

دحك عليه وضيك عيونو

- يعني شني ماتو

- يعني بعد منشوفهم راحو بعيد

- ما يرجعون ؟

تنهدت 

- لا يابه يا ريت لو يرجعون بس بعد ميرجعون درب الموت مابي رجعه

ظل يبجي ويكلي

- انه اريدهم العب وياهم

زمخت بي

- بسسس بسس لا تبجي داكلك ماكوو ميرجعوون

اجت وحده من البنوات خذته مني كمت دا اطلع صارت بوجهي ختام تبجي وتعيط وتدفع بيه

- هذااا اخووك مووو اخوك كتله من اللله لا يرحموو كتلتو ابنييي مو بشر انتم حيوانات الله لا يوفقك محمد

انه شلون طالعه روحي كضبتهه و ضربتهه

- لج شنيي الله لا يرحمووو هااااا من دنعل شرفج لابو منبعج وجه الفكرر شحصلت منج انه لو ولدج شحصلوو بس الظيم لا تجين تبيعين تمثيلج براسي ذاك اليوم يبجي ويلكع جوه رجلج ويصيحلج تدفري وتجين تخلي بحظني

لا تسوين نفسج ام براسي انتي لو صدك ام ما ينطيج كلبج توقعين تنازل على ولدج وتروحين تدورين زلم و زواج وخرررري مني ترا روحي طافره واذا اكضبج هسه اكفر ب***** بالقران اطلعي انكلعي انتي واهلج ما مرحب بيكم

- اذاا ما اخابر ابوك واكلو واحجيلو كلشي عليك بسيطه يا محمد

- دمشيي من طززز بيج وبابوي ثن

ينكم ما من وراكم بس الخراب وهجمان البيوت عود كليلو خل يجيي عندي حساب جبير ويا ما صفيتوو هالحجي بالحرررف وصلي الو كليلو تعال حته ابنك محمد يخليك تدحك ان الله حق على سوايتك كبل لا تسافر ومكسراتك

سمعت هيج عافتني وطلعت كعدت حيلي مهدود صارت كبالي وحده من خالاتي كعدت كبالي وكالت

- حوبة المكروده ما راح تتعداكم راح تفنيكم كلكم الحوبه تبطي بس ما تخطي وما راح تخطيكم حوبتهه يا محمد ع المرار اللي خليتوهه تدحكو بدنيتهه

لك ما خفتوو الله بيهه لهل يتيمه ما وجعكم كلبكم تتحسر ع الحنيه تتحسر ع الكلمه الطيبه تحدر يمنه جانت تدحك زلمتي شلون يشاقي بنواتو الدمعه تلالي بعينهه اكلهه شبيج خاله تكلي عجل انه ابوي ليش هيج ميحبني خواني ليش ميكعدون وياي ميحاجوني وميتفكدوني مو مثل ولدج خاله

لك استجدت الحنان منكم وما نطيتوهه خاليهه خدامه ومكفخه الكم لك انتم لو صدك جان صدكتوهه وثقيتو بيهه ربيتوهه طول الوكت كدام عيونكم المفروض من تكللكم انه ما مسويه هالشي تكولون هاهيه وتنهون الشغله مو تصدكون الغريب وتجذبون بنيتكم انه مو شامته يابن اخيتي بس جاي اوعيك هالبت ان جانت عايشه لو ميته حوبتهه ما تخطيكم لانهه نظيفه وطلعت بيكم وباخوك الله سلطلو هالزلمه وابوك يا ويلو من عذاب الله المفروض من كبل ما تسوون بيهه هيج تخافون الله وتتقو علويه جدها رسول الله من سلالة اهل البيت ورب العالمين بالمرصاد وهي من نسل رسولو ويا ويلو اليأذيهه وهي بهالنظافه والبرائه وبكلب طيب خالي من كل شر ودغش تحبكم جثير جانت وما تنطي بيكم بس انتم متستاهلون

صفنت عليهه وع كلامهه مصدوم

كعدت وكالت

- ااييي ايي نازز علويه ناز اهل ابوهه ساده وابوهه ما حدر للانبار ولا وصلهه تعرفت عليه ببغداد ولا طالب هو ولا شي مثل ما كالت لامك وللباقين لا

هو مدير شركه جبيره ومعروف ببغداد وبيوم اللي خالتك اول سنه الهه طلعتلهه جامعة بغداد واجت يمي لان انه جنت بوكتهه رجلي صايرله شغل هين وكعدت يمي و هالسنه هو مدري شلون دحكهه ودحكتو وحبو بعض وطول هالسنه هي تحبو

وانه طاحت وذره من لساني واقنع بيهه تعوفه لان مصيرهه مكتوب مات ابوي ورجعوهه لهناك تقدملهه و رفضو ولمن رادو يزوجوهه شلون اتفقت هي ويا وشلون شردت انه هذي المادري بيهه هذا كل الصار بس البت ناز مالهه ذنب بكلشي بس انتم حملتوهه هالذنب وعاقبتوهه الهه واذيتوهه لهل يتيمه

المهم هساع البقاء بحياتك خاتمة الاحزان الله يعوضك بأبنك وبأخوك ويجفيك كل شر بس اتقي الله وباري ذمتك لهل بت و ارجع للانبار لان كلنه راح نرجع لا تظل غريب هينه ببحدك

عافتني و راحت وانه افكر بكل كلمه كالتهه ونطقتهه انحفرت بداخلي صحح صحح و رب العزه صح هاي حوبة اخيتي ناز ال ما تهنت ولا رتاحت فد يوم عدنه وما دحكت يوم حلو من ظيم لظيم

______

العراق : البصـره

فـارس :

دشيت للمستشفى بالعجل وصادق وراي لاكيت هشام بوجهي

- هاا هشام شصابه لعمي متكلي هيج منين اجته الجلطه

- يخوي فجأه صاح كلبي والله مادري شبي وكبل ركضنه بي للمستشفى كالو جلطه صايبته ومتخطيته الحمدلله مو قويه

- الحمدلله زين ربك من لحكت چا شوكت تطلعوو

- شوي و يطر الفجر خلي للصبح كثير ونطلع ...

هاك فارس جاوب عليهم ديتصلون على فون عمي مالي حيل اجاوبهم بالعباس وكع كلبي ع هل هبطه

اخذته منه شمرته لصادق

- جاوب عليهم انت تحب تحجي انه مالي خلك

- ايي هو هاي انتم كلشي وذابي براس صادق يا صادق امكم انه ومادري لو مرتك انه استاذ فارس كلشي وما يطيح من لسانك صادق الله يساعدني ويصبرني عليكم

- شلون راح احجي حجايه جبيره وعيب منا الوادم يسمعونه شيكولون ولد الساده هيج تطلع منهم

- هوو انتم شنيي انت و حويزم و هويشم كلكم انطيكم علامة اكس انه الله ينطيني ساتر عليكم و على فضايحكم

فزع عليه هشام

- هيووو هيووو ياهو ذاك اليوم يعياين ع البت ويتحسر ويكول اخخ سمره حليوه كم وحده بـ كلبك انت متكلي

صديت عليه خزرته

- لكككك هاي شوكت انه كم مره كايلك ما تعاين لعرض العالم التريدهه كول اريدهه ونخطبهه

سكت وصد مني

- انه اروح اجاوب هذاا عمو حسين اتصل

ضحكت

- تعااااال لك انه شداحجي

- هااي شبيك الزلمه صديق عمك جاي يتصل ارفضه هسه لو افتح خط واكله فارس ما يقبل احجيك واخليك بوجه الكباحه

- الكاع محظوره بعلي ماكدر احجي نرجع ويصير خيرر

راح حاجا وجابه الي

- لك فارس عمو حسين يكول انه جاي هذا ديحاجيك

اخذته منه

- يهلا بالغالي

- حبيبي فارس شلونك عمك شلونه

- بعد كلبي بخير دامك بخيرر بويه لا تتعب نفسك عمي زين

- لا بويه صديق روحي هذا ومثل اخوي جا شلون ما ازوره وهو مريض

- تنور البصره بيكم ياهلهه شوكت ناوين ترجعون تستقرون هنا

- هالشهر ان شاء الله

- عمي جا الباشا ما يجي وياك

- لا بويه عنده واجب والله ما شفته انت جنت ببغداد كال متواعد انه وي فارس

- اي صح عمي كضيناهه سوه بس بعد العضيد نشتاكله

- ماشي ابني ان شاء الله مسافة الطريق وانه اوصلكم

- هلا بيك يالغالي تنور والله

كملت ونهيته ويا عاينت لهشام

مطفي بلكوه فاتح عينه

- هيووو يالمسعددد يالنايمم

- لك ابو الفوارس نعسان والله

- ارجع للبيت العشيره كلها هنا بعد شكو وانه هنا روح نام

- لا بربك دروح سجل خروج لابويه ترا والله هو زين بس يتدلل على امي

ضحكت

- خاب ما تنجب الزلمه صايبته جلطه ويكلي يتدلل

- لكك وربك هاي شبيك كل ما يتحاجه هو وامي هيج يصير يخليهه تركض عليه ركض

- بعد كلبي كلبهم رجيج واحد عالاخ

- اكلك فارس

- كول

- انت هم حبيت بحياتك اشو انه ما اعرف شني الحب ولا مجربه بحياتي طاكني الجفاف كفيلك الله

ضحكت

- لا بالله ما مجربه بحياتي لك وكت حب بهالزلك كاعدين بلمستشفى وتحجيلي بلحب

- ايي شسوي حظي ماخلاني احب ولا انت بس هذا اخوك ابو الحظ بكد ابني ويحجي بلحب ويتمعشك

عاينت لصادق جان ملتهي يراسل ومن مر طاريه رفع راسه

- خرررب بعينك متعاررركين هاي ها اهاا تعاركت وياهه داكول منو حاط عينه عليه اثاريك انت هويشم الشويب عمره راح يطخ ال30 وبعده ما متزوج العانس

عاينتله ورفعت حاجبي

- ترا هشام بكدي هاي الي هم هالكلام لو بس لهشام

- لا خويه هو اكبر منك ب ستة اشهر هالعانس هذي

صد عليه

- امك انه بويه وتغار عليه لوو مرتك حبيبي لو اختك وتحاسبني

- دنجب لك اخذتني حاصل فاصل بلسانك صكع يصكعك الله

- انتتت شنيي لحظه خل اتذكر شتكول مرت عمي اييي تذكرت انتي بت بايررره عانسس يبعد عمرري هشومه

- شلون راح يخليني اكوم كدام الوادم ادكه بال 45

رحت كعدت يم صادق

- شحدك تنوشه حته اطيح حظك اخوي هذا

- هاااا خاين تطبك ويا ضدي

- انه واخوي على ابن عمي وانه وابن عمي ع الغريب

ضحك

- وكفووو بالنشمي يبعد العمات والخالات

- كفو منك الغالي

- اكول صدوقه

- يا ربي دخيلك شتردين مريتي حبيبتي كولي امري هشومتي

- اشو عندج جم حجايه بغداديه كايمه تكوليهه حبيبتي

- احيييي جا غير بت كلبي بغداديه

كاعدين وشوي وطفر صادق وهو يسب وينعل ب هشام

- خررب حظي اشتعلوو اهلك هشااام

- لكك شكوو صادق

- لك فاررس بصمه بالعبااس مادري شلون اديه راحت ع البصمه وتسجل صوتي من اكل لهشام شتردين مريتي مالحكت احذفهه

سمعتهه وكلبت الكائنات عليه تكلي طلعت متزوج بربك شوف شكتبت

نطانيا خذيته دا اقرا

- خاييييين صادق الخاييين انه صوجي انه صووووج كلبيييي الحيوان الحبك كاعد يم مرتك وعايش رغد يمهه وتكلي احبج روووح لهشومتك رووح يمهه انساني بعد لا تحاجيني

شمرته عليه وضحكت بقووه شلون تجر بلكلام وبلحروف عود هي صدك معصبه دخيلك يا علي انه اضحك وهذا مشتعل بنار ويلوب

 اجه عمي ابو حازم

- فاررس شصابك بويه

- شقه عمي شقه هذاهوو

راح وعاينت لصادق

- بعد كلبي روح لهشومتك حبه من كصته

هشام جان راجي راجه ع الكرسي لورا ويهز برجله مدري يدري بلصار مدري بسس ما حس الا بضربه من صادق فزع

- وصكع وسم ومرض وغسل وحمس احتركو شيب اجدادك

- لج هشووومتي صخام بوجهج ساعة السوده هاي الغضب شلوون اصالحهه هسه

يحجي بحركه ويأشر يا ربي شدايصير كدامي انه اضحك عليهم وهم يتناكرون اخير شي صادق كله

- هشام تعال نسجل فويز بربك كلهه انه هشام وانه اكلهه شقه بيناتنه ووصلج بلغلط

- خااااب دكوووم كل عقلك تصدك لو تشعللهه العشره شمع بعد تظل كل شويه ومذكرتك ومتنساهه لهل سالفه للموت يريد يسويني مره كدام حبيبته المايعه

- احيييييي مياعتهه سودنتني هالبغداديه

عاينت لهشام

- لخاطري صور ويا وسوي فويز يردهه الك بلافراح ويركصلك بعرسك خويه

- لكك فارس چا شكلهه انه اسمي هشام وصادق يكلي مريتي هشومتي شكد عيب يا صخام وجهي

فتح صادق فويز وهشام داير وجهه يضحك ويكله

- هشومتي مريتي

وهذا داير وجهه صديت عليه وكتله

- بداعت الخوه لا تحرك كلبه

- شتعلووو شيب اجدادك يا منعول الصفحه خايبه يا حبيبة صادق انه هشام وهذا زلمتج المصون الدكتور صادق المحترم يصيحلي مريتي هشتومتي عمي راضي لا تعوفي بالعباس راح يبجي بخلافج وانه لو ما فارس وبداعت خوتنه ما حجي هيج لست صدوقه كمل وكله صادق

- صخام بوجهك راح تسمع كل هالسب والنعل مالتنه ومالتك نعلت شيب اجدادي خرب يومك

- عاين عاين فوك شينه كوات عينه ابن الخوش ناسسس

صد عليه

- احييييي خامط هالكلمه من الباشا

- ايباااااه على طارييه الغالي مشتاقين لكعداتنه ويه الباشا ابو الفوارس

- چاا انه هم اشارككم بلكعدات منا وجاي

- لا يابه انت زعطوط مو مال هيج كعدات من سن الثامن والعشرون فما فوق

- هووويشممممم

- بسسس بسسس طيحتو حظي من كعدت وياكم لهسه شلون اثنين جراشه مالت حجي هذاك عمي هسه اكله تعال ادب ابنك وابن اخوك يدورون كعدات وو

عاينت لصادق نفض قميصه وكال

- استغفرالله استغفرالله ربي وين حاشرني ويه القوم الكافرين

عاينت لهشام يضحك

- عادي قابل احنه شمسوين

سكتت

- صادق خويه روح للبيت ارتاح احنه ظالين

- ليا بيت اروح لبيتنه انه وياك لو لبيت اللي ساكنين بيه كلنه العمام

- بكيفك خوويه

- چـا راح اروح لبيت العمام دام احنه ظالين هناك وانتم راح تجون الصبح لهناك

راح و صار الصبح و رجعنه عمي للبيت والحمدلله حالته زينه 

مرت ايام تقريبا شهرين بيوم كاعد انه و بنات عمي كدامي قسم تقره لان بده الدوام و قسم منهن يعاينن ع ماشا والدب احبهن كثيرر واحرص عليهم وكلشي اجيبلهن احسهن خواتي وخاصه منسه احسهه اخيتي النحرمت منهه وهي كثيرر قريبه عليه كاعد انه هاشم دخل وسحب منسه من اديهه

- ولج لييش متشتغلين وخاله الشغل كله على مرتي شطلعت هاي وياج

- هاشم شبيك غير جاي ادرس

- عووفي الدراسه امشي اشتغلييي

كمت عليه وجريتهه منه

- معلييك بيهه فارس ترا عينهه طالعه والله يرادلهه تأديب

استفزني كثير بحجايته هذي

- لككك شني عينهه طالعه اخيتكك هاي شنيييي مرتك طززز بمرتك لا تاخذ بحجي النسوان وتمشي بي لا تصير حرمه هاشم اخو لاختك صير مو اخو لمرتك اختك هذي تشيلهه عل راسك وتعيشهه ملكه شني تخليهه تشتغل شصارلك جم شهر من تزوجت بعت اخيتك الشالتك عمر وجه وكفه المفروض تبوس اديهه لاخيتك انت لان مثل اختك اخت ماكو شايلتك بلصلوات وتجي هسه تحاسبهه ع الشغل وهي سادس ولازم الاكل والشرب يجي ليمهه حته تطلع معدل عالي

يتبع في البارت القادم

البارت الجاي بي مفاجئه كلش حلوه اني حبيتهه بس هي صدمه لناز متحمسين موو؟!

تحياتي الگم ام اسـد