الاشاوس و الشقراء

البارت التـاسع و العشـرون

يا راحلين وفي الفؤاد لبعدهم
نار لها بين الضلوع ضرام
لا كتبكم تأتي ولا أخباركم
تروي ولا تدنيكم الأحلام
نغصتم الدنيا علي وكلما
جد النوي لعبت بي الأسقام
ولقيت من صرف الزمان
وجوره مالم تخيله لي الأوهام
ياليت شعرت كيف حال أحبتي
وبأي أرض خيموا وأقاااموا
ماالي أنيس غير بيت قااله
صب رمته من الفراق سهاامُ

محمـد : 

كمت صعدت للغرفه و مصطفى رجع نام بحظني خليتو بفراشـو و رحت للكنتو اطلع فلوس من الضامهن هين دورت كلبتوو ماكـو

- ختاااااام

- هااا حبيبي

- الفلوس الحاطهن هين وينهن

دحكت عليه بلعت ريك و وجهه صوفر

- محمد حبيبي انت وين عندك فلوس هينه مو كلهن فلوسك وفلوس شغلك واملاكك البعتهن بحسابك بلمصرف شو جاي تسئلني

كضبتهه وجريتهه عليه

- بت الكلب لا تلوفين الشغله عليه و عبالج ناسي 15 مليووون لا واحد ولا ثنين حاطهن هين انه بهالكنتور دورت وماكو منهن ولا درهم احركج واحرك اهلج اذا متطلعيهن هساع فتهمتييي

- شنيي شبيك محمد حبيبي بس افهمك اهدئ

- حبجج البييين ختام لتعججين شيطاني وتطلعين خبالاتي هساع عليج اكضبج انعل شكو خير بيج واطلع قهري بييج

سكتت وكعدت

- وين وديتي الفلوس

- يعني شلوون منحتاج منصرف انه و ولدك

- لج بت الكلب منوو انتي بت ال**** حته تصرفين 15 مليون بشهرين مصاريفيش هذذي اللي تكلف 15 مليون شجايبه لولدج انتي شسويتي بيهن فتحتيلج مشروع لو صخمتي وجهج

- اكولهه الك من الاخير اهلي احتاجو ونطيتهن الهم

كضبتهه وضربتهه

- بت الكلب بدوون علمي تنطينهم تاخذذذين مني وتنطيهم وما تكليلي لج انه يمته مقصر وياج وويه اهلج مو كل فتره تاخذيلهم فلوس وصخام بوجهج بس هسااع بدون علمي كلتي نساهم وخوش ضميمه ونطيتيهم الهن

- بس عشره والله نطيتهم الباقي خمسه يمي

- بزعتيني ختام وريتي كلبي ورررر تاخذين من ورايه وتنطين لاهلج انه شلون أأمن بيج اخليج ببيتي بعد شلون أأمن بيج على شغله بالله لو كايلتلي اهلي محتاجين جان رفضتتت لااا كل مره تكليلي وتنطيهم هسااع اخابر اخوج المصون واستفسر منو بشني احتاجوهن دحكتلهه صفرت

- واخوي شعلي ليش تخابرو

كعدت كدامهه وكضبت الحزام بأيدي

- الفلوس وين وديتيهن اطلعلج جلد ثاني اليوم اذا ما تحجين روحي واصله ل*** وما عندي شغله ولا عمله هسااع واريد اخليج تدحكين ان الله حق

- لريم اختي نطيتو والله محمد لان احتاجت لبيتهم حته تكملو واهلي ماعدهم ينطوهه وانه نطيتهن الهه

ضحكت

- وتاخذين مني تنطين لاختج ولرجلهه الگ*** شبي شناقصه ما يشتغل ويكمل بيته انه مو علمود الفلوس بس سويتي هالشي كلو من وره ظهري وبدون علمي وانه المأمن بيج وخالهن يمج بس طلعتي مو كفو و مو كدهه حته على نفسي بعد ما أمن بكعدتي يمج

- ع اقل هاي اختي وتحبني وحتاجت ونطيتهه احسن من خواتك وحده شارده و وحده مدري وين مكلوعه

انه سمعت حجيهه وكعتلهه دك جثير ستفزتني وجثيرر تحملتهه وخلص انتهت بعد وياهه كتلتهه كتلت مووت وسحلتهه

- وين الخمس ملايين طلعيهن

طلعتهن وشمرتهن عليه كمت طلعت المهر قريت الحاظر والغايب خمسه بـ خمسه

- كوومي يلااا لمي جويلاتج ونكلعي عساج لا رديتي ورقة طلاكج والحاظر والغايب كامل مكمل يوصلج حدر بيتج بعد ما تصيريلي مره

طـلعت ورجعتلهه

- اياااج تبقين شي ذهبج وسلاباتج كلشي اخذي لا تبقين شي يذكرني بيج الخلقج خلق مليون مره غيرج

عفتهه وطلعت من صباحيات الله ضيكتلي خلكي

روحي بالله خلصت منج عساج لا رديتي محملتني منيه ليكول هي شلون مره شايلتني بلصلوات بيش ادعيلك يابه الجبتلي هيج مره لا خلقه ولا اخلاق

بس الكاسـر ظهري رائد و مصطفى راح يتهجولون بيناتنه بس وان يكن يمي ويمهه وابن امه وابو اليمنعني منهم اما قرار الطلاك ما اتراجع منو لو تنطبك السما ع الكاع

عكبت لاقرب مصرف رحت سحبت مبلغ يكفي بأن اشتري البيت وارجع ارممه من جديد وامنت الباقي طلعت بوجهي للانبار نشكيت نصين من الروحه والرده مطفي وبلكوات اسوق 

وصلت بوجهي رحت لبيت ابو مظفر جاب كاتب عدل وستنسخ هيج وسوي هيج ووقع وابصم الى ان تم كلشي صار بأسمي وكلت محامي يصدقو من المحكمه ويدخلو سجل وهذن الامور

رجعت للعمال وطلبت منهم يرجعون البيت شلون ما جان تصميمو و شوفتهم صور لان صور البيت محتفظ بيهن كلهن المهم دحكو ونوهت انو يكون داخلو كلو نفس الشي نفس گبل اريدو بس واجهة البيت تتغير وتكون حجر

نطيتهم كل واحد اجر اسبوعين لان بعد ما اكدر احدر لهين وبين ما تتم هالاسبوعين اعكب للانبار رجعت جانت الدنيا ليل دخلت للبيت هدوء دحكو عليه ولد احمد اجو

- عمو وينو رائد شتقنالو

- خلوو يابه راح لبيت جدوو

- يعني يجي

- ايي يجي انه اجيبو الكم

دا اصعد استوقفني صوت احمد

- محمد انت مو زعطوط مرتك تخابرني وتشتكي منك كاتلها ودازها لاهلها وتريد تطلك شسالفتك

- المـره التاخذ مني وتنطي لاهلها ولخواتها وتوزع بدون علمي هذي ما تصيرلي مره بعد مو قصة فلوس بس قصة امان وثقه انه ثاق ومأمن بيهه بس هي مو كدهه

ومادام سوت هيج بعد حته على روحي ما أأمن يمهه تديرني دوه لاهلها ولخواتها والطلاك هذا وكته ويصير غصب عن اليرضى والميرضى

انه طكت روحي منها وهالطلاك جان لازم يصير من زمان بس الجان كاضبني ابوي بسس وهساع ابوي سافر والاريدو انه اسوي ومحد يمنعني وولدي اكبر راس يتدنالهم ويحرمني منهم اكسروو خوش

- براحتك

عفته وصعدت غسلت و بدلت و ذبيت نفسي ع الفراش ميت نعس نمت نومه عميقه لثاني يوم الصبح حسيت على مهاب ابن احمد وهو يكعدني

- يااابه يااابه دكعدد خرب شكد تحب نوم انه احسن منك نشيط

كعدت

- لك انه عمك لو ابوك شسالفتك انت ليش تصيحلي يابه

- اي عادي انه احب اصيحلكم ثنينكم يابه

- بعد عيني مو اثول ومتحفظ كلمات جثيره يابه وماما ولناز وبسمه تكلهن خاله وهنه عماتك درجة الثول عندك تقره مليون

- والله ليش اتعب نفسي واخزن جثير بدماغي جم كلمه كافي

- شلون راح اجي اطيح حضك هسااع انزل وادحك بجم درس طالع اكمال حته ابوسك من خدك

- احدر بوسني هساع انه طالع بالعلوم وشهاب طلع ناجح

ضحكت

- يا ملعون شبيك ما تفتهم اخيضر مجطول براسك لو بدل الدماغ عندك حشيش

- انه ماريد اداوم اريد اتعين عسكري

- دمشيي لك يريد عسكري هو انت الثاني ابتدائي ما مكمله امي ويريد يروحلي عسكريه تعرف تكتب اسمك بلا

- اييي اعرف والله اكتب اسمائنه كلنه

- صلوات يرادلك هلهوله

كمت اجه كضب ايدي

- خليني اتعين عسكري

- حبيبي اتخرج من الثالث متوسط وانه اعينك عسكري ولا يهمك من هاي العين لهاي العين يلا بعد شتريد

- انه اريد ضابط

- يا سالفه الما تمت خااب كمل سادس وادخل كليه عسكريه وفضهه

- شلون ؟؟؟!

دخلت غسلت وطلعت لكيتو على نفس وكفتو ويفكر ضحكت كعدت اجه يمي

- يابه شلون ادرس واصير عسكري

- حبيبي تفتح دماغك غير

سكت جريتو عليه كتلو

- مهااب تعرف الباشا صديقي هذا دوم اللي يكضب سلاح ويلبس عسكري و يفتر بالمنطقه هيبه وحظور وهذن السوالف عندو

ضحك وكال

- اييي اللي يشيل رشاشه جبيره ويلبس درع ومخازن مالت طلقات بصدرو

- عفيييه هو هذاا

- اي انه اريد اصير مثلوو

- ايي عجل هذا الباشا درس جثيررر لحد ما كمل سادس ونجح وطلع معدل ودخل كليه عسكريه وتخرج منهه وهو نجمه صارت بجتفو يعني شنيي

- يعني ضابط شكد حلوو

- ايي حبيبي ف انت اذا تريد تصير ضابط لازم تدرس وتتعلم وتفتهم كلشي

- ايي هساع اروح اقره العلوم حته انجح بي

- عفيه يلا روح اقره

طلع و رد رجع

- عموو صدك نسيت اكلك ابوي يكول انزل عمه ختام هين جوه وتبجي

- شكد مطي لخاطر ربك هساع يلا تذكرت وصارلنه ساعه نلغي

عفته و نزلت لكيتهه كاعده وتبجي كامت عليه حظنتني احمد دحك هيج السالفه طلع دفعتهه وكعدت

- محمد لا تفرط بيه ما تلكه مره مثلي

ضحكت

- انه تعبت منج ختام بسج ما دحكت منج شي حلوو ما يوم اجيت وتكليتيني بكلمه طيبه وانه الكاضي عمري كله حته اسويج واسوي جهالج واخليلكم صيت بين الناس ومستقبل حلو

يا يوم تلكيتيني من التعب وجبتيلي كلاص ماي وكلتيلي الله يساعدك ... يا يوم سمعت منج كلام حلو من غير ما تطلبين بعده فلوس لو ذهب ...

يا يوم مشيتي عدل ويه اهلي وما تطاولتي عليه ... يا يوم من دحكتيني عصبي هدئتيني انتي بالعكس تثوريني احاجيج ترديني الكلمه بعشره

اكلج هيج شي ترديني ابد ما يوم احترمتي وكلتي زلمه ما اردو والو احترامه تاكلين طن كتل وما تجوزين وانه جنت محترمج لخاطر عيون رائد و مصطفى بس هساع ومن بعد هذي سوايتج ما اتقبلج بعد

مو قصة فلوس بس ما تنغفر انه ك زلمه ما اتقبلهه وما اغفرهه وعلى روحي بعد ما أمن يمج اظل طكت روحي منج انه وياج ما نتوالم يبت الناس كلمن يعكب لدرب احسن الي واحسن الج

كمت طلعت اجاني رائد حظني شميته وبسته بجه

- شبيك يابه ليش تبجي

- اريد ابقه يمك يضربوني خالو و ماما

طلعت سحلتهه من عبايتهه احس كلبي احترك

- كسر بيدج وبيد اخوج بت الكلب ليش تضربي

- لسانه طويل خل يتأدب

- منو امه من ايدج ومن طيحان حظج كم مره كتلج لا تحجين وتغلطين كدامه طبج مرض خل يطول لسانه وياج

- محمد اذا تطلك جهالك اتنازل عنهم ما اريدهم

- لج شنيي من ام انتي على يا صنف من النسوان تنحسبين اكو هيج ام ما تريد جهالهه وانه المقهور عليج واكول ماريد احرمج منهم و حرام

- لا انه ماريدهم ما يفيدوني واهلي هم ما يردوهم يكلولي رحتي ببحدج و ترجعين ببحدج وهمه ما يرجعون الي ومو بأسمي يرجعون الك

- لج هذول ولدج دحكي مصطفى شلون مجلب برجلج

شالته واجت ذبته بحظني وهو مفرفح ويصيحلهه عافتني وطلعت رائد صافن

- ماما

دحكت عليه وخزرتو و زمخت بيهم

- بسس ماعدكم ام من اليوم تنسوهه خووش امكم ماتت

اجت ليان خذت مني مصطفى

- على كيفك وياهم مو هيج تعاملهم هساع هم شعليهم

خذتهم و راحت للربعه يم ولدهه و انه صافن منصدم هذي ام و امي ام اخخ يا يمه سوده عليه شكد تعبتي وضحيتي في سبيل ما تعوفينه وشكد اكلتي اهانه و اذيه و ظليتي لخاطرنه 

وهذي ام لتراب كبرج ولتراب رجلج متوصل باول محطه عافت ولدهه و نكلعت

صعدت بدلت خذت المستمسكات وكلشي احتاجو وطلعت للمحكمه دقيقه وحده ما ابقيهه على ذمتي وصلت حصلت محامي بسرعه وكلته وسلمته الامر

شغلت يومين طلبوهه اجت هي واخوهه المصون القاضي حاول يأجل ويحيل باحثه اجتماعيه ومن بعد اجراءات جثيره من دحكونه قافلين طلكتهه وهي تنازلت و حاظرهه وغايبهه وكلشي الهه وصلهه زياده مو نقص حسيت حمل و نزاح من كلبي الله لا يردني لايامهه

رجعت للبيت رائد جبير شوي تأقلم وي الوضع ومن شاف اهتمام وحب مني الو و ليان شلون تداري ظل مرتاح متونس لان ماجان محصل منهه غير بس تزمخ بي و تضربه و تحتار شتسوي

بس الخابصنه مصطفى متعود عليهه جان عد ليان يبجي

- جيبي خويه تعبناج ويانه

- لا خويه ماكو تعب والله بالعكس اتونس وياهم

طلعت برا وخذيته اشترا ودحك الشارع سكت رجعت للبيت كعدت بلربعه لكيت احمد صافن نزل مني مصطفى و تكلط عليه

- عمو ككو

خذا باسه وكلو

- بالعافيه اكل انت

كمت من مكاني تكلطت على اخوي

- احمد شصايبك ليش هيج مهموم و مصوفر

دحك عليه

- الشغله بيني وبينك ما اريدهه تطلع

- كول شكوو

- جاي توصلني رسائل تهديد

فتح الموبايل ونطانيا قريتو وانه مصدوم كلو دير بالك على بيتك ونفسك انت مستهدف و من كل جهه احنه مراقبيك ، ايامك معدوده ، اكضي اخير ايام حياتك ويه اهلك و اشبع منهم وو...............

- هاي ياهو هيج يدزلك يا كلب ابن كلب

- هاي المره الثالثه نفس الكلام

- ليش هيج شاك بأحد انت

- دحكلي خويه انه جنت متعاقد ويه شركه مديرهه تاجر جبير معروف بس ما صارلي ارباح منهه اخسر ما اربح وخسرت جثيرر ف فصخت العقد وياهه

وتعاقدت ويه غير شركه و ربحت و مشت امورنه بس انه ما ادري انو هذي الشركه هي خصم للشركه الفصخت منهه ومن اتحدت شركتي وشركتهم صارت شي جبير ومشت بلسوك اعلا من هذيج الشركه

واكثر من مره خابرني و يريدني افصخ العقد وياهم بس انه عارضت ومنهه بعد ما دك يعني انه شاك بهالزلمه

- احمد انت ليش تندك بهيج ناس افصخ ويه هالشركه واتجفه شرهم طز بلارباح دير بالك على نفسك

- بس نفخه يمعود

- شنيي نفخه هذا التاجر تلكا الو نفووذ ومنصب جبير شتحجي انت تنكتل ومحد يسئل عليك ترا وولا احد يدير بالو عليك وقضيتك تتلفلف وتندثر لا عبالك ناس متخاف الله اتعاقد بس الناس الاوادم ليش تدخل نفسك بهيج امور

- محمد بسس ماكو شي

- شنيي ماكوو شي لا تخبلني احمد متطلع بعد

- شنيي ما اطلع زعطوط انه وانت تتحكم بيه

- ايي متطلع لحد ما نشوف صرفة حل لهل موضوع

اجتو رساله ضحك

- شكـووو تتمضحك

- وصلت الارباح للشركه خويه هالشركه المتعاقد وياهه جثير زينه والله

- احمددد عوفهه لخاطر الله لخاطرنه لا تجاهد بروحك سشالفتك انت تلعب ويه العالم وهم واصلين وتدري بيهم اعلا منك لتخليهم ياخذوك ويشمروك بعين الشمس

سكتت عفتو وكمت وسحبت سويج السياره وياي خاف يطلع صعدت فوك الغرفه ضلمه فتحتهه مصطفى نايم ع الفراش تكلطت عليه شميته و حظنته نمت و جريته لصدري غفيت وهو بحظني غافي

حسيت على حركاتو بوجهي بعيوني يتحسس لحيتي سويت نفسي نايم

- اكعددد اكعدد

- بااابااااا اريد ككو و العاب

تكلط عليه عبالي راح يبوسني بس عضني طفرت و ضحكت

- يااا يول شتريد مكعد بابا

- ككو ككو بابا

غسلت وشلتوو

- عجلل جنك على ككو انه اصيرلك ككو واكلني

- لا انت مطيب

دحكت عليه وضحكت

- ابن الزفره هاي فوكاها

- شنو زفره

- يعني ماكله سمج سمج بعد ابوك

نزلت بي دحك عليه رائد و ساكت نزلتو و رحت عليه اشو ساكت مو من عوايده وممـدد

- يااابه رويد شبي اليوم

كضب بطنه وكام يتلووه

- لك يابه شبييك

- توجعني بطني يابه ما سويت شي بس شوي كليت موطه

- لك الدكتور مو منعك منهه كم مره تاكلهه وتتسمم متفيدك انتظرر هساع اشتري لاخوك واجي

طلعت اشتريت لمصطفى وكعد دا اخذ رائد شلته صاح شهاب

- يااابه اريد اروح للالعاب

رجعتلو و خزرتو جريته من ملابسه

- لكك اكعد وانجب وين تريد تاخذ ابوك وتطلع ماكو طلعه

صاح مصطفى

- بابا العااب

- احترررررك بابا نجبب واكعد وين ماخذين الزلمه بهالظهاري انعل يومكم اذا ارجع والكاكم طالعين

اجه عليه دنكت حظنته وبسته

- حبيبي بابا دنيا ظهر شلون تطلع ميصير انه اخذك العصر

ضحك وباسني رحت لشهاب

- حبيبي عمو انه اخذكم العصر لا ترحون ويه بابا خوش

ما جاوب معنفص بوجهي

- فتهمت شهاب

هز راسو عفتهم وطلعت ليان بلمطبخ كتلهه

- اياااج تخلين احمد يطلع ليان لا تخليهن يلعبون براسـه و ياخذو و يرحون اياني واياج ارجع الكا طالع

- ليش محمد شكوو

- فتهمتي الكلته لو لا كتلج لا تخلين زلمتج يطلع

- ماشي ماشي

عفتهه وطلعت خذت رائد للدكتور كبل شكلو مغذي وهذا يبجي

- بابا يوجع

- حته بعد كل ما تريد موطه تتذكر هالوجع و تتوب منهه مشايف واحد عنودي مثلك

ظليت يمه لحد ما خلص المغذي وكتب علاج و رجعتو للبيت سنطه دخلت للربعه مددت رائد دحكت ليان كاعده واديهه على وجهه

زمخت بيهه

- لج وينهم انه شكتلج

- ما كدرت و رب العزه لحيت عليه جثيرر وما قبلت يطلع بس هو ما سمع كلامي هم خبصوو و هو اصلا جان رايد يطلع و دفعني و طلع ما كدرت امنعـو

كعدت وخفيت التوتر و الخوف الصـار بداخلي

- منو اخذ ويا

- مصطفى و شهاب مهاب جان نايم كعدو بس ماقبل يروح وللساعو نايم محمد ليش شكو ترا خوفتني

- زلمتج مهددي لاعب بلنار بأدي جان متعاقد ويه صاحب شركه جبير والو منصب ومن ما مدحك منهه ارباح فاصخ العقد ومتعاقد ويه غيرهم وواصلتو ارباح جبيره وكبر اسمهم سوا

بس طلع المتعاقد ويا خصم لهذيج الشركه ومخابره صاحب الشركه ورايد منو يعكب ويفصخ الشراكه بس هو ما قابل وبعدهه كامت توصله تهديدات بلكتل بس الله الاعلم من هذا الزلمه لو غيرو وانه لهيج كتلج لا تخلي يطلع

سكتت هي مبهوته وانه دكيت عليه مغلق كضبت كلبي وكمت طلعت برا ظليت ادك عليه مغلق تقريب ساعتين انه افتر بلسياره ادور عليه ماكو وين راح دكيت مغلق بعدهه وره فتره نفتح و دك رقمو ابتسمت واخذت نفس ودعيت الله ماكو شي فتحتو

- الوووو ها احمد وينك متكلي

- اعذرني بس الوياك مو احمد تفضل لمستشفى **** صاحب هالموبايل مسوي حادث واياً كنت تقبرله او شي يستحب ان تخبر اهله ويجون

سده وانه صافن شني اخوي مسوي حادث شني نوع الحادث ابني، اخوي، ابنو، شحالهم هسااع

استغفرت ربي و طلعت بلسياره وصلت للمستشفى نزلت وصلت للاستعلامات سئلت دلتني رحت يمهم جانو اكو ممرضين و دكاتره واكفين وكفت يمهم وادي على راسي

- اخووي ابني و ابن اخوي وينهم مابيهم شي موو

دحك عليه وكال

- اسف جداً لكن من طلعوهم من السياره بصعوبه لان الحادث جان كلش قوي ومن بعد ازالة اجزاء كثيره من السياره يلا كدرنه نطلعهم وجانو ميتين طفلين و شاب..

يتبع في البارت القادم

ارائكم بـ البارت و توقعاتكم للجاي شنوو؟

تحياتي الكم ام اسـد