مسائووو يحلوات
شلونكم
باعووو كلبي للتنويه ع الملاك تكولون شدعواا هالغلا وكذاا
ترااا الاملاك مو لفارس يولوووو انتبهوووو
الاملاك الشركات خارج العراق ب الاردن وباقي الدول لعمامه لان عمامه اصلهم ما عايشين بلعراق من صغرهم خارج العراق وأسسو حياتهم هناك الوحيد ابو فارس اللي عاش حياته بالعراق واسس شركته ببغداد
لكن بعد ما مات وبعد ما نهبت مرته اللي هي شهلاء وبقو صادق وفارس وحدهم ويه جدهم وحبوبتهم وبعد ما ماتت الجده رجعو العمام ثلاثتهم واحد منهم بقه كم سنه ومات اللي هو ابو منسه وهاشم وعنده بعد اولاد ومرته الاولى ام منسه ميته ومرته الثانيه عايشه وياهم
باقي العمام ابو حازم وابو هشام يحبون فارس وصادق حب كبيررر جدا رجال شهامه وكفو منهم ومالهم كل دخل بطرد شهلاء ابددداً بعيدين كل البعد عن هالشي وهم اصلا ما ملتقين بيهه ولا يعرفون عنهه كل شي
استقرو بلعراق لجل ولد اخوهم ولجل شركة اخوهم بنوهه وكبروهه اكثر وارباحهه نموهه وتعاقدو ويه شركاتهم بلاردن وخلو فرع هناك بأسم فارس واسسوله فرع بلبصره ايضاً بأسم فارس وصادق ثنينهم والشركه اللي ببغداد لصادق وفارس ولاختهم المفقودهوبعد ما كبر فارس و درس وتخرج تسلم الشغل والشركات كلهه والفضل بنشئته و بتطويره كله يرجع لعمامه
العلاقه بين الياس وفارس
صداقه عميقه يكاد ان يقال عنهاا خوه
يعني ميحسبون نفسهم اصدقاء فحسب هم اخوان لان من الصغر اهم سوه والعائلتين ايضاً اصدقاء
حسين و عباس ابو الياس وعمه اهما جانو اصدقاء عمام فارس وابو كلشش قرباء من بعض واستمرت هالعلاقه للكبر حته بعد موت ابو فارس وابو الياس ظلو العمام متواصلين
واملاك الياس تعرفون مصدرهه اللي هو ابوووو
_______
تغشوشات من الاحداث القادمه ||
تفارگنه وتأكدت
الموت لا ينلغي ولا نگدر نأخره
والوكت ما ينفهم
يتقدم بغيبتك لو يرجع ليوره
وشحجيلك اعلى القلق !
والله الليلة المضت
حسيت روحي طفل ومتيه بمگبره
خايف اخسرك چنت وتمنيت خايف اضل
ما ردت اصيرن بشر ماعنده شي يخسره .
المشـهد الأول ||
غرفه وحده عاينت مابيهه احد صديت للزاويه فزيت خرب يومج جنهه وحده جنيه وكاعده مكوره نفسهه ورافعه راسهه تعاينلي وعيونهه تجدح زلمه شكدني وجفلتني
تگربت عليهه وعيونهه تخوزر وصلت يمهه كعدت طلعت سجينه بايدهه وبلثانيه تأشرلي اروح يالله يعني جد هذي البت تسودنت صدك جذب
تقدمتلهه دا اخذ السجين من اديهه جرحتني شكت ايدي من طول العكس ولجوه نفضتهه الدم كام يجري منهه هي صفنت كامت جابت وصلة شال مدري ايش وحطتهه عليهه ودموعهه تنزل
- امج الجنتي تطلعين علمودهه وعلمود توفريلهه العلاج ماتت ولهذا كمتي ما تطلعين
دموعهه نزلت اكثر وهزت راسهه ب أي بس كل صوت منهه ماكو
- ماعندج احد كرايب ابد
هزت راسهه ب لا
- شنيي مكطوعه من شجره
ضغطت ع الجرح فزيت رفعت عيونهه خزرتني
فوك شينه كوات عينه فوك ما جرحتني جايه تخزر
- امج صارلهه شكد ماتت
اشرتلي باديهه ستغربت شني هاي ما تحجي
- اسبوعين؟!
هزت راسهه لا
- چا شهرين
هزت راسهه ب اي وتأشر ع اليوم و دموعهه تنزل
يعني ويه اليوم صارلهه شهرين
- هسه شكوو تبجين بويه الله يرحمهه ادعيلهه بلرحمه
_______________
المشـهد الثـانـي ||
بجيت بقوه و دكيت ع الصوره وعطت واحس اكو شي بداخلي ديحترك ويحرك بيه دحكت لسواره و دحكت للصوره ايده بيهه السوار
بس هساع سواره بس بايدي وهو ماكوو
صرخت واحس هالصرخه شكت كلبي و دمرته الم فراكه كتلني
مجرد ما سمعتهم ونطبعت براسي واسمعهم صوتهم يوصلني
نكلبت الامه جوه وهم يكولون مات
مات مات مات ظلتت تتردد ببالي بجي خاله صراخ شمم وهي تصيحه وتنادي ونوحي ونعيي هين
صفنت عليه وتلمست صورته ع كبرهه و دموعي تنزل من كيفهن عاتبته بهدوء
- انت مو كلتلي ماكو ابو يعوف بنيته انت ابوي عجل ليش عفتني
وينك عليه مو كتلي انه نطيتج وعد رايح وراجعلج
انه اعرفك ما تخلف بوعدك
ارجعلي يروحي اتيه واضيع بكفاك
ماريد احد الدنيا كلهه
ماريدهه بس انت اررجع حباب
ولا تخليني وحدي بهالدنيااا ماريد هالدنياا بدونك
انه وما اعيشهه ابد بلاك انت متت وانه هم راح امووت وراك
احجيي بحركان كلب ودم الم فراكه كتلني وشعل النار ووجرهه بوسط كلبي
- انه هالدنيا بدونك ماريدهه
ما اعيش بيهه مااا متت
انت كتلي ارجع رحت للموصل وكتلي ارجع وما اعوفج وحدج
عجل شوو عفتني
مو نطيتني وعد انت كد الوعد
لا تخلف وياي وتخليني يتيمه بكفاك
يابه ابويه انت انه بنيك
و اررريدك هسااع انه ماكدر بدونك
كلشي الي انت مالي عيشه بلاك
عليك الله ارجع وجذبهم كلهم
يكلولي مات مات زلمتج مات وهدج غريبه
بس انه مجاي اصدك ما استوعب انو انت متت وعفتني وحدي
_______________
المشـهد الثـالـث ( من الجزء الثانـي ) ||
گـاعـده ع الفـراش مرتـاحه بعد ما تعاركت ويه مرتـه وسحلتهه سحل كدام امة محمد گلها الگويه الصلفـه
گـاعـده ع الفـراش مرتـاحه بعد ما تعاركت ويه مرتـه وسحلتهه سحل كدام امة محمد گلها الگويه الصلفـه
تجيب طـاري حبيبي تاج راسي و ابوي وكلشي بحياتي وتحجي عليه بالعاطل ما تدري هو يشرفهه ويشرف عشيرتهه گلها تروح فدوه لتراب رجله ولتراب گبره
نزلت دموعي ما راح عن بالي ثانيه وحده شتاكيتله اشتاكيت اتلكا واشمه وابوسه رويحتي
فزيت على صوته من دخل بالزي العسكري
- شلووووون يعني ول يابه ما تبطلن عرك ما فد يوووووم ارتاحيت وعشت عيشة اوادم بعد عيني ربي هيج غاضب علييييه وبلاني بهيج بلاوي
خزرته وكمت وكفت
- دحككك زييين هااي مرتك الحيه الصفره ان ما جازت منيي ورب العزه اسويهه جنازه واشمرهه عليك وناركم تاكل حطبكم
خزرني
- لسااانج يول حيوانه صكع صكعجن ثنينجن طبجن مليون مرض ما الله ياخذجن ويخلصني حاطلي علل ثنين وياي
- والله محد كلك صيرر زين وابو وكفه واعقد عليه وانت اصلا بلنسبه اليه خالي بس انه انظرلك بنظرة خال
ما حسيت الا اجه عليه عصر وجهي بايد وحفر ايده بخصري بأديه الثانيه
- يمته صرت خالج انه هي بت الكلب
توترت من گربه خفت ورجفت خليت عيني بعينه ونزلت دموعي
- انت خالي وبس ابو صگـر لا تظن يجي يوم واحسبك غير شي...
شلونهه المشاهد ؟ شنو توقعاتگم للقادم ؟؟؟؟؟
تحياتـي الگـم ام اسـد .