بعد ما اوصي كلبي يعاتب الروح
شيفيد العتب وتريد احاجيك
ماشه نار حبك تلهب وياي
كافي انزف جرح وتريد اداويك
تحركني بغرامك واشتعل نار
وهسه تريد ترجع ما اخليك
ياريتك تجي وتشوف الجروح
تلكاهن خطيه يسولفن بيك
شسولفلك عليهن والله محتار
ياجرح التشوفه ابناره يجويك
احبك حب عراقي يحب الهموم
اصيل وشايل الدمعه ويسليك
جـمـره :
شوي وظلت تحجي وانه كبالهه وهي تسبني وتسب بامي نزلت دموعي غفل ياهو اليجي يحجي علي وعلى امي
- ايادد مو هين بلبصره واصلا حتلو اذا نكلو ما يجي كارهنه ومن يوم العركه وياي ما وصلنه بس الياس هينه و مالنه غيروو هساع اخابروو احجي وياا واكلوو يجي ويشوفلنه حل لهل غمه ماياخذهه ويخلصني منهه ما ناقصتهه انه
نهضمت من سمعت بطاري اياد اجه بلسالفه بيه مابيه كمت ردت امشي وكعت ضلن يضحكن عليه
ظليت ع هل حال شوي ودخل الياس اجه عليه كبل نصدم من دحكني وانه بس جثه هامده
- هاي ليش هيج حالتج يابه شمسوين بيج بويه
نزلت دموعي وانه ع نفس النظره صد لمرت عمي كالهه
- جدج احركه لو مية مو اكبر مني اذا انتي السبب والج ايد بلصاير بهلبت
اجه عليه هزني وكال
- جمره انتي صاحيه
رديت بشحه وبتعب وبلكوا تطلع مني الكلمه
- نطيني وحده بس والله اصير زينه
عكد حاجبو وكال
- شنيي شنطيج ولج شصاير بيج
نزلت دموعي
- هو ايمن يعرف جان ينطيني حبوب ويه العصير ايي غصب عني يشربني وانه تعودت عليهن اريد منهن احس راح اموت زمخ بيه
- يررررررب الكعبه شنيي شنيي ادمنتي مدمنه انتيي يجمره
رفع راسي مدري شسوه ورفع جفن عيني بعدهه شال ايدي وهدهه كبل وكعت دحك ركبتي وجتفي مدري شسوه وكال
- خرب بال***** ادمنتي بعد ماكوو تتلاحكين لنفسج وتتعالجين
هو حجه هيج انه مدري شصابني تهسترت وظليت ازمخ عليه واجتني قوه حته دفعتو وظليت اضرب بي واكلو
- ارررريد انت متفهمم اريييييد راح امووت راح انتهيييي كلشي ماريد لا اكل ولا شي بس نطوني
بوسط هالحال ومرافسي ضربني راشدي وكعني بلكاع وزمخ بيه بعلو صوته
- مددددمنه انتييي تلاحكي لنفسج تردين تظلين طول عمرج تدمنين وشنووو انتي بيا ديره جنتي بيااا صخام طامسه ما سمعتي كلامي من كتلج امشي وياي ظليتي ويه هالحيه
سكتت اجه عليه جرني ظليت كاعده
- كوووووومي عيني نفسج كوومي امشي وياي اوديج لصخام تسوين تحاليل اشوف شني الماده البدمج حته يشخصوله علاج
اجه عليه سحلني وخذاني للسياره كعدت هادئه بس تجيني حالات جثيرر جسمي وروحي تريد الحبوب اتهستر ادحك على جسمي يرجف
ظل يحجي وانه فاقده ماسمع عيوني بلكوات فاتحتهن غمضتهن وحسيت بي من شالني وظل يحجي ويه واحد اسمع بس بوشوشه مو بوضوع
نومني بمكان صار ضوه بعيوني فتحهه الدكتور باديه بعدهه رديت غمضت ونمت
كعدت لكيت نفسي بلبيت اول ما كعدت صار بوجهي الياس خزرني كال
- جسمج متشبع وصاير عندج ادمان ع حبوب هلوسه وتخدير ليش ما ممتنعه منو جمره هيج حالتج احسن يعني
سكتت اجه علي
- حبوب ماكو وهذن العلاج تاخذيهن كلهن بلوكت وانه امرلج وان ما تاخذيهن حسابي وياج عسير والله
سكتت هو عافني وراح مرت ايام تهسترت جثيرر وتخبلت اكل ما احط بحلكي ومدري شيصير بيه ماوعيت على نفسي جثيرر وصلت لمرحله تهسترت ووصرت مخبله واسوي اشياء لا ارادي غصب عني بس اريد شي يهدئني ويسكن الالام والانتفاضات الدتصير بداخلي
تلوم الظروف وتشڪو الضجَرْ
وتبڪي صروف الزمانِ الأمَرّْ
رويدڪ..ڪل الذي تشتڪيهِ
لأجلڪ .. يوماً ستلقى الأثَرْ
فلو لم يُطاردْڪ ريحٌ ورعدٌ
وبرْقٌ لما صِرْت غيثَ المَطَرْ
ولو لم يُحاصِرْڪ جيشُ الظلامِ
لما ڪنت نجْماً يُرى أو قمَرْ." !
نـاز :
كعدت لحيلي من دحكت ملابسو نهضمت ونقهرت الخاين وانه البارحه منومني بحظنو وخاضعتلو امداني ع هالدكه دخل هو بهالوكت كطيت ملابسو بوجهو وخرهن وزمخ بوجهي
- شني هالتصرفات الطايح حظهه
- دحكوو زين يا بااشا اثارري الخيانه من طباعك وتمشي بدمك دوم تخون
- راح اتجاوزج وما اردج هالمره بكيفي شأسوي اسوي ما تحاسبيني انتي
- خووش ماعليه بيك ولا انت عليك بيه انه موو مرتك لا تتقرب عليه بعد ولا تجي يمي مو سلعه انه عندك شوكت متريد تجيني والباقي مكضيهه يم هاي وهاي
- ناززز دا تختبرين اعصابي لو شني خليني اليوم ناوي زين وياج لو تردين كتل انتي يلا تصيرين مثل الاوادم
- اوادم شنييي شتحجي انت مر جنت البارحه طالع ورجعت هذن الاثار والعطر بملابسك سنيي هذن وفوكاها متفاخر ومكيف خزرني وكال
- سددددي السيره عاد امس راح ويه امس شتردين اعتذرلج واركعلج هسه
صديت منوو
- استغفرالله ربي معليك بيه بعد ولا اني عليه بيك خوووش خليك بعيد عني الياس
ضحك وكال
- خووش
تعصبت حيل نرفزني شمرت الجان بايدي وكتلوو
- شكووووو تضحك اكو شي يضحك كدامك
ضحك بقوه وكال
- طلعيييي لجج شوفي نفسج شلون صايره بالعباس شكلج يضحك اكبر واحد
خزرتو وطلعت منو مقهوره ومهضومه وهو ولا كأنو احر ما عندي ابر ما عندو ور دمي وكلبي ور ورب العزه خاين ، عصبي ، مستفز ، مغرور ، متملك ، متسلط وبعد وبعد الله يجثرهن صفااتوو
دخلت للحمام عاينت نفسي بلمرايه يبووو ليدحكني يكول هستوني طالعه من حرب حته المسكارا والكُحل نازلات على خدودي غسلت ونزلت جوه وانه مدري شبيه مهضومه واهدئ بنفسي جثيرر استفزني بردت فعلوو طبعاً هو مرتاح متونس ع هالسالفه استغفرالله ربيييي
شوي ونزلت شمم صبحت ع الكل وكعدت يمي كالت
- لعشوش اخوي نهزمتي بليل ماتحملتي اذا متنامين بحظنو خيه
عقجت وجهي وكتلهه
- خااب متسكتين يا حضن يا شيي
ضحكت وكالت
- اهااا لازم صارت من الروس بيناتكم
سكتت شوي ونزل هو يضحك شمم همستلي
- اشو ما مبين عليه متعاركين كل مره ينزل ينافخ هساع يضحك
- استفزني ويضحك عليه متونس باذيتي الله يسلمو
- نازز جاي
دحكتلي شمم
- يوول كومي لا يهيج علينه
ضليت كاعده ما كمت ما حسيت الا صار كدامي ويدك بأيده ع الطاوله رفعت راسي الوو كال
- انه شكلت سمعتي لو دماغج مو يمي
رمشت بعيني
- دماغي يخلي باله يم الناس الزينين مو الناس اللي الخيانه تجري بدمهم
خزرني و رفع ايده غطيت وجهي عبالي راح يضربني وخرت طرفهه دحكتو ايده على لحيته يمسح بيهه رفعهه مسح على طرف شفته ودحك عليه
- شوي شوي لساتني كاض نفسي عنج اكول خطيه ماريد اخليج تشوفيني من اتعصب واطلعلج الياس اللي بداخلي بس اجت من حظج هسه لان مزاجي حلو من امس و مرتاح ما معصب عليج وجاي اتجاوزج
خزرته مزاجه حلو من امس زمخ بيه
- عيونج لجج لا تخوزرين
- يعني شلون تكدر تجيب سيرة امس كدامي شيسموهاا هاي
كضب ايدي كومني وجرني عليه بقوه
- انه كم مره كايلج ماحب المره الترادد
- بكل الطرق ماتحبني انت ولا اني اذا الشعور متبادل وانه ما مرادده دا احجي وياك بهدوء باشا
وخرت منه وفلتت ايدي دخلت خاله كالت
- هاي شبيكم يمه شصابكم من صباحيات الله تتناكرون
- يمه اريد تخطبيلي
صديت عليه وفكيت عيوني على كبرهن بس تداركت الموقف وابتسمت كتلهه
- اي خاله خطبيله احسن ما
دا اكمل خزرني سكتت شبت النار بنص كلبي كتلهه
- خاله خطبيله خطبيله
- يا يمه هذا يحجي بكيفه عجل وانتي مو مريته وجمال واخلاق وين يلكه مثلج
- شنيي يمه بكيفي هذي فاهيه انه اريد مره حووك
- درب البط ع الشط يبعد امك استجن
- يمه يا بط يا شط انه خاتون متربعه بكلبي واريدهه رويحتي هذي
ضحك وكالت
- عجل خوش بلخير عليك
اهم يحجون وانه ساكته وابتسم بوجهه بس محتركه هہ استاذ الياس يحبلي خاتوون يا خاتون هذي التتحمله طفرت من تذكرت هي نفسهه اللي كال عليهه البارحه ايي همس بأسـم خاتون استغفرالله ناز اتمالكي اعصابج واهدئي لا تبينيله هالشي كله
دحكت عليه يدحكلي ومبتسم غمزلي و خزرته
شوي وكال
- يلا كومو لمو غراضكم خل نرجع للانبار ماعدنه شي هسه بس الملابس اخذو ترا البيت مأثث
كلهه كامت تلم بملابسهه صعدت طلعت جنط لميت ملابسو وغراضو كلها وبعدهه. بديت الم بملابسي هو دخل دحك عليه وابتسم
صديت منو اجه جرني ورجع ظهري ع الكنتور وصار قريب عليه
- اي ناززز
دحكت عليه باستغراب
- شتريد الياس؟
- ليش طكج القهر كبل شوي من شفتي الملابس شني يعني انتي تغارين عليه
دحكت عليه بصدمه وماعرفت شحجي بس تجرأت وكتلو
- ااااا لا وليش اغار يعني انه لا احبك ولا تحبني حته اغار عليك
- باين كثيرر ماكو حب ولا غيره
- ايي ايي ماكو شوي خل اكمل
فزيت من حسيت بي يتلمس بأدي فتحت عيوني على كبرهه وكتلوو
- وخررررر شجاي تسوي شنيي سالفتك عووفني روح لحبيبات كلبك روح لخاتونتك
استمرر وولا عبالك داحجي ويا
- الياسس وخر
وخر مني وخلا السوار الجنت لابستو بايدي اللي بي اسماء اهل البيت ( عليهم السلام) حاطو كدامي ضحك ودك على راسي وكال
- هذااا دماغج صفيي حرام تفكرين هيج افكار بنيتي
- هاي ليش اخذته مو لابسته انه
- شنيي چاا غير مالتي و رد الي غالي عليه هذا من امي
- عجل شكو نطيته الي
- چااا غيرر صخامج انكسرت ومالكيت شي اضم بي الغضب الاكشرر
- تراا اسمو شعررر مو غضب اكشر يا باشا
- انه اكرهه كثيرر خاتونه
سكتت وصديت من كلمتو نهضمت غرغرت عيوني دموع وصارت ع طارفهه ماردت ابين ضعفي الو وانو هتميت لكلمتو كبل مسحتهه لدموعي وابتسمت بس داخلي مكسور ومتأذي جثيرر
كملت و بدلت وهو هم بدل ونزلنه كلنه طفو كلشي وبعدهه طلعنه عمو قفل واجانه الياس كلو
- بويه انت وامي روحو بسيارتكم وانه وناز وشمه نروح بسيارتي
اتفقو وصعدنه صعدت ورا يم شمم هو صعد وزمخ بينه
- وحده تجي تصعد كدام لا اكفر بيجن سايق الخلفوجن انه
سكتت وشمه دغتني كالت
- كوومي صعدي كدام يم زلمتج
عليت صوتي وكتلهه
- شمه صعدي انتي لكدام فدوه انه ادوخ
كبل صد عليه مصدوم لان ذاك اليوم صعدت ويا لكدام عرفتو كشفني بس خلي انه صدك ماريد اصعد يمو لانو ضايجه حيل منو كال
- هااي ياهو التدوخ من الكعده لكدام
- انــه ادوخ وماكدر وهساع دايخه ومالي خلك اكعد كدام
سكت وصد مني وسمعتو كال
- الصبر يا صاحب الصبر
صعدت شمم لكدام ومشينه والطريق كلـو مشغل اغاني وانه ما منتبهه صافنه ع الطريق لحد ما صحيت من صفنتي على صوت شمم
- وللل سمعي هاي عشكو لاخوي اغنية عشك اخضرر ما يمر يوم اذا ما يسمعهه حافضهه حفظ
نتبهت عليهه وسمعتهه وهو منطرب يدندن وياهه صراحه حته انه عجبتني جثيرر حلووه وصل لمقطع كام الياس يغني ويا
- العمر من غير حب شيفيد
لمني بعصرة جفوفك
يا ريحة مسج يا هيل
عذبني ونين الليل
دحكت عليه بلمرايه اجت عيني بعينو دحك عليه ويغني ويه الاغنيه
- شگلك و انتَ نسمة صيف شگلك يال ذهب شعرك
لجن ما تحب يا حيف تصد وتعذب بهجرك
وادلل بالصبر سنتين خلص صبري الحمل صبرك
ي گحله بجفن كل سمره ترا الدنيا بطرك عشره
سكت و سمعت طكه الجداحه ورث جكاره اخذ منهه نفس و زفره بحسره
- اجيتك من بعد غربه اجيت بليله كمريه
هذا انه نبع صافي يخايب دغش مابيه
اجيتك والعتب بلعين عتب عاشك بحنيه
واكلك هجرك شسوه لون ادري فلا اهووه
ظل يكرر النهايه ويا ويدك ع الدشبول مالت السياره ويكول
- لوون ادرري فلااا اهووه شجااااني شجااااني تسودنت ومشيت بهالدرب مالت العشك يطيح حظ الواحد
ضحكت شمم وكالتلوو
- هاي شبيك خويه مو مرتك ورا شلون تكول شجاني وعشكت هساع تزعل عليك
كبل وكف السياره وصد عليه وكاللهه
- مرتي سبورتيه اذا احب تقبل واذا اريد اتزوج هي تخطبلي مو مريتي
صفنت عليه قدمت رجلي وحطيت ادي على خدي وباوعت عليه بابتسامه
- اي حبيبي ليش لا تدلل بعيوووووني
نصدم من كلمة حبيبي و وخر مني رفع شعره كال
- اشتعل واحترك ابوج بكبره اذا ميت وبدنيته اذا عايش
- هااا خويه اطبك اطبك خلني اروح ويه ابوي وابقه انت ومرتك هين لان انت باين دخت
ضحك وكلهه
- بسس بسس ورانه طريق طويل
- عجل انه جعت
- تعالييي اكليني بعد
- شلووون يعني هساااع اريد اكل
فتح الجكمجه وطلعلهه نساتل تعجبت هذاا منيلوو هذن وهساع طلعهن شمرلي وحده دحكت عليهه ودكت بدماغي معقوله البارحه جان هو وحبيبتو هين صاعدين وجابلهه حلويات وهي الباستو لو يجوز يطلع متزوج هين استغفرالله واتوب اليك ربي شني هالافكار الجاي تخطر ببالي
سكتت ومشه طول الطريق انه ساكته والحسبات ببالي تتلاطم شوكت اخلص منهن ويرتاح بالي ماعرف
وصلنه للانبار ورجعتلي ذكرياتي بجامعتي وويه اهلي وامي هنا سولفنه هنا ضحكنه هالمكان البي كعدنه المدرسه مالت الرياضيات الاجيها غصب عني واكرهها الخلت بكلبي وجعه شكبرها من كد ماتحجي وترزل ايام السادس دمار وعذاب وتوتر نفسي جثيررر نزلنه كبال بيتهم جبير واجهته حجر حلووه الوانه دخلنه طرم بلوسط وحديقه جبيره مطوقه البيت يعني اماميه وحديقه خلفيه بي مدخلين شوي ودخل الجنط سد الباب وجا فتحوو دحلنه داخلو حلوو جثيرر ومرتب وكلو حديث
دلتني شمم ع الغرف دخلت لغرفتنه كذالك جبيره وباخشاب جثيرر حلوه بس لونهه ابيض وبيهه اسود بنتلايت لامع ومتسوده بنص هالضلع صورتو على كبرها بلعسكري باينه جديده لان ثلاث نجمات بجتفو يعني بلجديد ماخذهه وكاعد وسلاحو بحزامو وجكارتو بأيدو وعود داير صفح وجاي يدخن نسطرت من دحكتهه وكبل صديت وتذكرت كلمتوو
- كلشي الايسر اخذي الج وخلي الايمن اليي
خووش اخذت من كلشي الجهه اليسره الي ورتبت غراضو بلباقي طولت وكملتهن كلهن لحد ما نكسر ظهري بدلت وهو صعد كال
- حبيبي الحمام حظري
صفنت عليه يا ربي هالزلمه راح يخبلني اخذت ملابس وحظرتله الحمام شغل السبلت
- خلي خل تبرد الغرفه
سكتت وهو دخل للحمام دحكت للمنشفه شامرهه يالله شلون وياا الياس بالله الغرفه صارت تصك صك والياس راح يطلع كله ماي ويضربه هوا ويتمرض سمعت طكة القفل مالت الحمام نفتح تمشيت الو راد يطلع منعته
- هاا بويه
رفعت راسي الوو شعرو منكع وكلو ينكط ماي
- شعرك كلو ماي والغرفه تصك صك نشف يلا تدخل
دنك عليه رفع اديه لراسو نفشفت شعرو ووجهه وركبته على كيف كيفي كملت وهو سحب وجهي باس خدي
- انه اعاين بيج حنية امي وخوفهه عليه
دحكت عليه غمض عيونه بقوه وغض شفته جن متندم ع الكلمه الطلعت منو عافني و نزل
وانه دخلت غسلت وبدلت طلعت نشفت شعري ومشطته حطيت شال على راسي
ونزلت جوا لان جعت اريد اكل سمعتو يزمخ بخاله
- يمه ان جانت بت عمج مدري بت خالتج شتصير منج خل تصير بس بالعباس اجرم بيهه ان جانت هي السبب بدمار هالبت
- هااي شبيك اليااس استهدي بلرحمن يمه
- شستهدددددي روحي شوفيهه للبت شصاير بيهه جنازه وتعالج بلكاع علاج متاخذ اكل متاكل مدمنه وشبه مسودنه من المرار الجانت طامسه بي شايفتههه انتييييي شايفه حالتهه رايحلهه اشوفهه انه حالتهه متدهوره
- اخذ ناز وشمه وياك شتفتهم منهه ع اقل هنه وياك بنوات
دحك عليه واشرلي بسرعه هستوني دا اصعد نزلت شمم تركض جن جانت حاسه بلموضوع شمرت علي عبا خليجيه وشال لبستهه فوك دشداشتي بسرعه ومشينه وياا صعدنه وانه اعدل بلشال صد عليه وكال
- شعرايه منج ماشووف ترا روحي طافره
سكتت وعدلت شعري وضميتو كلوو وصلنه للبيت واسمع صياح كبل الياس ركض لجوه وجن مره جبيره تعيط اول ما دحكت الياس كالتلو
- اخذذذههه من هين لهل مخبله عايزني انه عوذه منهه خبصتنه خبص انت رايدهه خذذذذهه ماريدهه
- ما ناسيج انه ام حنين الاخبار بكلشي جاي توصلني شوي شوي وحذرتج انه ان الج ايد بلشغله يا ويلج وسواد ليلج نجوم الليل بعز الظهر اخليج تشوفيهن
سكتت وظلت تبلعم كلهه
- وين جمره
- هاا حبستهه بلغرفه تعبتني
اخذ المفتاح منهه وكلهه
- لعنج الله
راح فتح الغرفه واحنه وراا دخلنه غرفه فارغه كلشي مابيها مجرد بس ضوه دورنه عليهه لكيتهه كاعده بزاوية الغرفه مكوره على نفسهه وضامه راسهه وتهز بنفسهه دحكتنه ابتسمت عمري ملامحهه حلوه جثير بس تعبانه وذابله شعرهه كيرلي وملفوف باهمال وكاعده
راح الياس دنك يمهه وكلهه
- ها خويه شلونج ليش ماتاخذين علاج ولا تاكلين
كحت وكالتلو
- ما جبتلي حبايه اخذهه داموت
- استغفرالله ربي واتوب اليك جمره شكله احنه
دفرتو وكالت
- دامووووت انه دامووت محد يفهمنيييييي اكو شي دياكل بيه جيبوووولي وحده عليكم الله بس وحده اشربهه
نزلت لرجلو تتوسل ودموعهه تنزل قهرني حيل هالموقف ونزلت دموعي على اثرو حسبي الله ونعم الوكيل من اللي جان السبب ظلت تضرب اديهه بلحايط الياس دحك عليهه كلهه
- هاي ياهو ضاربج اثر اصابع بخدج
ماحجت ظلت تهز بنفسهه وتردد بكلمة
- راح اموت جيبولي وحده بس وحده وهاهيه
رحت يمهه كامت تشهك وتضرب بنفسهه حظنتهه وكضبت ايدهه كتلهه
- جمرره بس حرام اللي جاي تسوي انتي مؤمنه وعاقله وحلوه ميصير هيج
استمرت بلبجي والعياط
- اررريد كليلووو خل ينطينييي اريد ارتاح مجاي تحسون بلديصير بيه فدوه
كضبت ادي تريد تبوسهه بجيت وحظنتهه وجسمهه يرجف بايدي اجت شمه كعدت يمهه وتهدء بيهه بس لا حياة لمن تنادي اخر شي كتلهه
- جمرره بس بس اكعدي انتي تردين حبايه
- ايي ايي فدوه
- ايي بس تجين ويانه ناخذج يمنه وانطيج هناك
- ايي بس مو تجذبين عليه
- لا انه ما اجذب انطيج يلا كومي ويانه
رادت تكوم بس من كد ما جسمهه يرجف ما كدرت راحت شمه جابت عبايه لبستهه ولفيتلهه الشال هيج وسندتهه انه وشمم وطلعنه حطت راسهه على جتفي وغمضت
صعدتهه دحك علي الياس بخزر
- ليش هيج كلتيلهه مو هسه تكلب الدنيا اذا ما نطيتيهه
- جبت علاجهه انت؟
- ايي هذاا
- هي من ادمنت باي طريقه جان ينطي الهه
- حسب حجيهه ويه العصير
- عجل هساع علاجهه نخلي بلعصير وننطي الهه وشوي شوي بلكت تتحسن بس يكون الدوا مضبوط
- ايي مضبوط الدكتور اعرفه زين وهو كتبلهه علاجات بس كال اكثر شي مهدئات
اخذتهن منو صعدنه كعدت اقره بعلاجهه صدك اكثر شي سلسلة مهدئات ناطيهه وصلنه للبيت وهي نايمه ما حاسه بلدنيا خطيه سوده عليه متعوبه هالبت شصاير بيهه وبحالهه
دخلهه الياس بغرفهه وخلاهه ع الفراش دحك اديهه وزفر بغضب
- شكو الياس
- اديهه كلهه زراك
غرغرت عيوني ولا ارادي دحكت على ايدي وتذكرت هذيج الايام الجنت انضرب بيهه من اخواني وشلون الم و وجع من الضرب يكتل ويشل دحكت عليه الياس ورفع حاجبو وكال : ....
يتبع في البارت القادم
تحياتي الگم ام اسـد