الاشاوس و الشقراء

مُقتطف من القصة

قلبي في هَـواگ متيمٌ يا مُعذبي 
فل ترئف عليَ بنظرةً لأشفي بهـا قلبي 
بالـرغم من ان حبك كان عذابي 
ولنا في الدنيا عوارض كثيره 
لكن دنياي في مغيبك قاتله لأوصالي 
احببتك حباً لَم تحبهُ فتاة من قبل 
احببتك كحب البنت لأبيها 
حباً صافياً كصفاء الزهور 
بريئاً كبراءة الاطفال 
مضحياً كـقيس لـ ليلاه 
طاهراً كطهارة الصلاة 
زهراً كما يزهر الورد في الربيع 
حبك في قلبي كان 
خفياً مخفياً لا يعلمه سوى الله 
كنت دعوتي اللذي الهجها في كل طلاة 
واطلبها في كل امنيه 
وانتضرها بكل ايمان 
واحبها بكـل سلام .. 
وماذا فعلت لي انت 
تركتني بين عذاب اشتياقك ونار فراقك 
اعلم انك ضحيت بنفسك 
لأجلي ولأجل الوطن ولأجل جميع النساء 
لكن الم تحسب لي حساب 
ألم تعلم ان هنالك روح سوف تموت ان غبت عنها 
الم تدرك ان هنالك روح تتنفسك عشقاً 
ماذا كنت تدرك عندما سلمتني بيديك لشخص لا اعرفهه 
شخص كان اخاً لي فقط  
وانت وضعت حياتي بين يداه وانا لا اعلم 
لماذا يا مُعذبي حتى بعد مماتك 
جعلتني اذوق انواع العذاب  
بعد برحيلك الى الله .....  
يا مُـعـذبـي 
تركتني انتَ في مهالكي اخوض لوحدي 
ولم تفكر من لدي غيرك 
وكيف سأواجه ظلم الزمان  
وقساوة الايام لوحدي 
كرهتك بحجم الحب الذي كنت اكنهُ لكَ بقلبي 
كرهتك بحجم الاذى الذي تعرضت لهُ بسببك 
كرهتك بحجم الحرمان والخذلان والكسران الذي تعرضت لهن منك 
لكن اتى غيرك ليكون لي العون والسند والأمان في حين باقي الدنيا اذى واجرام وحرمان 
و أشعرني بلحب والتملك عندما فقدت الامل ان اشعر بهن مرة اخرى 
احبني احتواني بمري ومراري 
قدم لي كل هذا لكن 
ليس بأستطاعتي ان اقدم لهُ 
شئ بسبب حطام روحي والم السنين... 

گاعده بوحدي بغرفتي دموعي تنزل واتذكر لحضاتي اللي ما انساهه طول عمري واتذكر اعترافو بحبو اليمن جنت كاعده بلكافتيريا مال جامعه وحدي صديقاتي جانن عدهن محاضرات 

كاضبه الملزمه بأيدي وبالي رايح كلو يمو ويم شهامتو وحلاتو وخوفو علي وحنيتو اللي دايم احس بيهه الي وانه جنت ببداية المرحله الاولى الي هندسة مدني 

حسيت بي وعرفتو من صوتو رفعت راسي وانه ادحكو كاعد كبالي يدحك عليه وحجه 

معتز - السلام لله ست ناز 

يا جثير الهلا استاذ معتز 

معتز - دحكي يبت الناس انه ما اعرف الف وادور بالحجي فمن هساع اكلج انه عاشكج من زمان ان شئتي ام ابيتي. انه احبج وماكدرت امنع كلبي من حبج 

.. أشر على كلبه وكمل كلامو .. 

هالگلب حبج وانتهى وانحسم كلشي وانه ناوي وياج نيه حسنه وخيره وطالب ايدج واريدج حلاليدا احجي قاطعني 

معتز - واذا تسألين عليه فهذا حكج بعدج ماتعرفيني انه معتز ابن شيخ عشيرة الـ*** طالب طب مرحله اخيره واشتغل اني واخويه بمعرض سيارات مال ابويه وحالتنه خير من الله 

جنت اسمع بكلامو وداخلي بصدمه وكلبي طار بكلامو واعترافو الي بس من حجه على حالتهم انعصر كلبي ووعيت على نفسي ودست على كلبي وكلتلو 

ناز - اسفه معتز بس احنه منتراهم سوه انه وانته احنه ناس على كد حالنه و لا اهلي ولا اهلك راح يقبلون واصلا بين الطرفين عداوه وانه ما اغضب اهلي واطلع عن شورهم رضاهم عني يسوه كلشي عندي 

دحك عليه وزمخ بعصبيه 

معتز - ول يابه انه شحجيت كتلج اطلعي عن شور اهلج ما حجيتو لهلشي يبت الناس معليج بأهلي يرضون غصباً ع الكل من صغيرهم لجبيرهم معليه بيهم وانتي ما عليج بالطبقيات والماده الفلوس كلهه ميهمني بلنسبه الي اليهمني انتي بس 

غوركت عيوني وانه ادحك على عصبيته وشلون يزمخ بيه وهو مكور قبضتو وراص على سنونوبس من دحك عليه ارتخت ملامحو وابتسم 

معتز - ول حبيبي عليش هالدموع انه الله منين بلاني ووكعني بعشك بهالعيوندنكت بخجل وكلتلو 

ناز - عجل منو اللي دعا بهذاك اليوم الله يرزقو بمثل هالعيون 

رفعلي حاجبو بغضب 

معتز - سمعتي حجينه بذاك اليوم يول انه والياس 

ناز - وصلني مو سمعته 

معتز - بيهه الخير حبيبي 

ناز - جنك اخذت ميانه بسرعه حبيبي و ول حبيبي ضحك 

معتز - خير البر عاجلو ول ابويه احبج جثير وعهد عليه ما اعوفج للموت 

رجعت الواقعي ودموعي تنزل واني ما ادري هسه حبيبي وين ابجي واصرخ بكتمان حته لا اهلي يسمعوني دخلت اختي بسمه للغرفه من دحكتني بهالحاله اللي اني عليهه من سنتين حدرت يمي حضنتني وحجت 

بسمه - دحكي عليه ناز هساع كافيج بجي ودموع يا عيني ادعيلو اترحميلو بدال ما تبجين عليه وتأذي شكد اذاج ولساعج تحبينو وتذكرين بس خصالاو الحميده 

دحكت عليهه وعيوني تحركني من الدموع 

ناز - شتحجين انتي بسمه معتز عايش ما كتلو داعش وما اذو التنظيم الحقيررهذا معتز شهم وسبع وقوي اكيد انهزم منهمدحكت عليه وكضبت ايدي بقوه وزمخت بعصبيه 

بسمه - شني تنتضري نااز فتحي اذانج معتز ماات هساع كافيج حزن مو صارلج سنتين والناس شهدت ووصلتنه اخبارو انو لاكحي ( شامري) ويه الزلام الماتو ومدحكين جثتو العالم ميفيدج الامل الانتي بي اصحي ياهو كدر ينجى من تنظيم داعش الحقير محد كدر وعود هساع انتي تنظرين معتز اللي صارله سنتين ميت ودافينو وكبرو موجود واهلو يزورو وتحضري للصاعقه الجايتج

عكدت حاجبي بأستغراب وخلكي ضايك 

- خير ان شاء الله 

بسمه - حبيبتي معتز المحترم بعد كل الاذيه الاذاج بيهه حته بعد ما مات ما فكج من لعنته وگبل لا يموت موصي لصاحبو الياس ان صارلو شي يدير بالو عليج وتصيرين الو مرتو لأالياس وجاي هسه ينفذ الوصيه وطلبج من ابوي وابوي من شاف غنا واملاكو التارسه الديره وعائلتو اللي همه صلح ويه ابوي شكله شبه موافق 

انصدمت صدمة عمري ابوي راح يوافق اعرفه كارهني من ورا معتز راح يغصبني علياحس كلبي احترك بنارو ليش هيج ليش معتز مو كافي اذاي ووجعي كملتهه عليه من وصيته اصير اله شلون انطااك كلبك هيييج رخيصه عندك ومعتبرني كررررهتك كد حبي الك كررررهتك 

............................. 

واكف وانه ادحك نفسي بلبدله العسكريه اللي اول مره بحياتي البسهه لان تطوعت بلحشد الشعبي بلدي ومحافظتي الحبيبه الغاليه الانبار محتاجتني وطالع حته اصونو لعرضي وبنواتنه ما تتأذه من هالتنظيم القذركضبت العتاد والمخازن شديتهه بلدرع والبندقيه بأيدي 

صديت دحكت صديق طفولتي واخوي معتز واكف يعدل بنفسوزمخت بي وانه مستعجل على الطلعه بودي بس اروح واحاربهم لهل طغاة واطلعو لقهر الناس والشهداء الجثيره الراحو بسببهم 

- يوول معتز هساع ما كملت لبس هم يالله نلحك بالربع وندحك التعليمات لا يعوفونه ويروحون نطلع سوه للجبههدحك علي وعيونو حمر من الكتمان والاعصاب 

معتز - يوول الياس اقسم بالله ما مصدك هيج راحت سنين الطب من عمرنه دخلو هالتنظيم وخربو حياتنه وكلبو دنيانه طلاب طب مرحله اخيره جان هسه تخرجنه وصرنه اطباء 

- تهون وتنگضي وفدوه لعيونو للوطن مو بس احنه اللي ضحينالو بدارستنه وبشهادتنه جثير زلام ضحتلو بروحهه وحنه راح نطلع هساع وهنيالو من نال الشهاده وراح يم ربو الغفور الرحيممعتز - اي والله عاش حسك خيي هنيالو من نال الشهادهتبدلت نبرتو وكمل كلامو بخنكه 

معتز - الياس خيي اوصيك بشغله 

استغربت وجاوبتو وانه اعكد حواجبي 

- أأمر يا خوي انته ما تطلب ولا توصي تأمر عجل احنه المن اخوه اذا تكلي اوصيك كلي سويلي فلان شي ولونو بحلك الموت اجيبو الككام وكف لحيلو وحدر ناحيتي وحضني ووجهلي كلامو بقهر 

معتز - ونعم الاخو انته من الصغر حبيبي وصديقي وخيي الماكو منه اللي وكفاتو متنعد والسند المحد يكدرلو ويكدر يهدمو بس ..سكتت 

- بـس شنو گول 

فرك كصته وبانت كسرتو و وجعو 

معتز - ول يابه اوصيك بـ ناز اذا صار بيه شي يا خوي انه انته وانته انه وناز من بعدي الك ماريدهه تصير لغيرك ويتهنو بيهه وابوهه ينطيها لغير ناس ما امن على شي غير يمك وصيتي الك هاي ومن اموت و تنفذهه الي ارتاح بكبري بذاك الوقتمسحت العرك الصار على كصتي وفركت وجهي بعصبيه وزمخت بي بعصبيه 

- ول ابوويه شدتحجي انت هساااع مالو لزووم هالحجي ماني كد فراكك ومالي حيل اخسر اخووي راح ندخل ونحارب وننتصر ونوكف بوجهو للموت ونطلع سالمين منوو ومنتصرين على هالأرهابكملتو لكلامي وما احس الا اجا وكضبني بقوه من يم ركبتي بخنكه 

معتز - وصديتي وكلماتي الكلتهن بهالركبه وبهالجتف وتتحمل ياخيي تحملت جثيرر وفراكو لمعتز باين هَين 

- لا يخوي مانوو هين عزيز وغالي انت وبلكلب تبقه عضيدو لأالياس 

معتز - الياااس الحجيتو يتم حاسس نفسي راح اموت حاسس بهالطلعه ما راح ارجع بعد وحاسس انو ما راح الحك اشوفو للوضع أأمن وراده لانبار مثل ما جانت فأنت بدالي واحسبني دايم وياك 

زمخت بي بعصبيه وكلامو اذا لكلبي عضيدي وضلعي 

- فضهه يخوي وبطلو لهل حجي الحجيتو وخلي املك بالله چبير والكاتبو يصير اما وصيتك ان كادر بعيوني وان ماني كادر عليها تعذرني يخوي واذا عليهه فانطيك امانهه وما يمسهه مكروه 

معتز - اذيتهه چثير تحملت ونور كلبهه ور وكرهه اقرب الناس الهه بسببي وبسبب اغلاطي 

- الله موجود ترد سالم وازفك بأيدي 

معتز - الله كريم اذا الله قاسملي الحياة بعد 

دحكت عليه وكتلو 

- ان شاء الله يله نحدر للربع يخووي ماضللنه وكت 

من المستحيل أن نفترق، ومن العسير أن نستمر  

"وما بين البقاءِ والوداع" 

صوتان مُتعبان، وكفّان أرهقهما التشبث بحياةٍ 

ليست بحياة!  

................................. 

قصه حقيقه في المحافظات الغربيه الانبار تحديداً 

ارائكم عجبكم المقتطف وردات 

صوتو وعلقو ع الفقرات وضيفوهه بلمكتبه 

Vian_Hatem 

الأشاوس : - معنى السباع الغيارى الاسود الكرماء الكلمتهم وحده صادقين الوعد والوافين بلعهد واللي كد الامانه 

هذا المعنى الغريب للأسم. 

"' الاشاوس والشقراء "' 

انتضروني قريباً بتنزيلهه بعد قصتي الحاليه 

'" نزيف القلب '" تابعوهه قصه حلوه كلش وقريبه لقلبي وبيهه كثير عبرر 

اودعناكم يالورد