NEIL'S POV
"Sigurado ba na iyo?" tanong ni Kuya Nex sa akin.
Nandito kami ngayon sa balcony ng kwarto niya at nag-iinuman.
T*ngina, nawiwindang pa din ako. At eto, natagpuan ko na lamang ang sarili ko na kausap ang Kuya ko tungkol sa problema ko. Kung tutuusin, hindi naman talaga problema 'yon. Nagulat lang talaga ako.
Hindi ako nakakibo sa sinabi ni Kuya.
May pakiramdam ako na kung buntis nga talaga siya, akin 'yon. Kasi isang buwan na alam ko na masaya siya sa akin. At t*ngina, masaya din ako. Kaya nga balik ako nang balik sa tabi niya. Aminado ako na gusto ko siya. Lahat ng sinasabi ko sa kanya, totoo.
Inaamin ko na medyo masama, kasi iniisip ko na siya na 'yung paraan para maka-move on na ako sa pagmamahal ko kay Maine. Ngayon lang ako nagka-ganito. 'Yung naiisip ko pa siya bago ako matulog. Na nababalikan ng isip ko kung paano ko siya naangkin. 'Yung pagkatapos kong isipin si Maine, siya naman. At nakakatulog ako na 'yung ngiti niya ang naiisip ko.
"Neil" untag sa akin ni Kuya
"Akin 'yun kung buntis talaga siya" sagot ko
"Gaano ka kasigurado? Inulit-ulit niyo?" nakangising tanong niya.
Close ako sa mga kaibigan ko, pero kay Kuya Nex ako walang nililihim. Bawat likaw ng bituka ko alam niya.
"Isang beses lang pero palagi kaming magkasama" sagot ko at tinungga na ang alak sa baso.
Tumungga din siya. "Artista 'yun, Neil. Hindi ka sigurado. Magaling umarte. Baka pikot lang 'yan. Bakit pinutukan mo sa loob?"
"Kasi akala ko pwede" matabang na sabi ko.
"Akala mo? Sabi niya?" mapang-inis na sabi niya.
T*ngina, iyon 'yung nakakainis! Naiinis ako sa kanya dahil sinungaling siya. At naiinis ako sa sarili ko. Dati naman kahit pa sabihin na safe at may konting spotting pa, hindi ko pinuputukan, pero sa kanya, t*ngina hindi ko mapigilan.
"Ikaw ba nakauna?" tanong muli ni Kuya.
"Oo" sagot ko sa kanya.
At alam ko na totoo iyon.
Tinanong ko si Courtney tungkol doon. OB si Court at babae siya kaya maalam siya sa ganoon. Nahihiwagaan kasi ako sa reaksyon niya noong pinasukan ko siya. At 'yung pakiramdam kakaiba talaga.
"Posible ba na virgin pero hindi dudugo?" tanong ko kay Court nang mapadpad siya sa bahay.
Nilunok niya muna ang kinakain niya. "Oo naman" sagot niya. "Bakit may natira ka na hindi mo sure?"
Si Court ang kilala kong pinaka-liberated na babae. Kahit ano pwede mong makausap ang babae na 'to. Kahit tungkol pa sa sex position.
"Iba kasi 'yung sikip e. Saka nakita ko na nasasaktan talaga. Pero walang dugo, baka umaarte lang. Parang 'yung nasa mga p0rn na virgin daw pero maluwag naman" sabi ko habang tumutusok ng fishball na dala ni Court
"May time kasi na nasisira ang hymen sa physical activities. Ayun kasi 'yung dumudugo. Pero ikaw ang makakapag-sabi kung ikaw ba ang una. Iba kasi 'yung pakiramdam na 'yung alaga mo ang babanat sa kweba ng babae. Naka-defloration ka naman na, alam mo 'yung feeling" balewalang sabi niya.
Napaisip na lamang ako.
"Yeah... I'm her first" nasabi ko na lamang
Isa iyon kung bakit nagustuhan ko siya. Iba kasi 'yung pakiramdam na pure 'yung babae nang mapunta sa'yo.
"Kung sigurado ka na iyo kung mayroon nga, ano'ng plano mo?" tanong ni Kuya na nakapagbalik sa isip ko sa kasalukuyan.
"I'll marry her. I don't want my child to be a bastard" sagot ko at tumanaw sa garden ni Mommy.
"Kahit hindi mo mahal?" tanong ni Kuya
"We'll get there. It's enough that I like her" sagot ko
"What about her, being an actress?"
"Papatigilin ko na siya. Kapag nakasal sa akin, sa akin nalang iikot ang mundo niya" nakangising sabi ko.
"That's avaricious, brother" tinapik niya pa ang braso ko
"That's me" nakangising sabi ko.
Kinabukasan ay sinundo ko si Cleo sa kanila. Wala akong pakielam kahit namumutla pa siya dahil nakita ako ng nanay niya. Kung buntis man siya papakasalan ko din naman siya at magiging byenan ko naman ang nanay niya.
"Let's go?" tanong ko sa kanya sa malamig na tono.
Naiinis kasi ako na nagsinungaling siya. Okay na sana e. Gusto ko na siya. At naiisip ko na pumirmi na sa kanya. Pero ayoko sa sinungaling.
Hindi siya kumibo at nakayukong sumakay sa passenger seat. Nang makasakay na siya ay sinara ko na ang pinto. Tinanguan ko ang Nanay niya na nakatingin sa akin at umikot na sa driver's side.
Walang kumikibo sa amin sa byahe. Nakarating kami sa clinic ni Court nang walang umiimik.
"Matty" nakangiting salubong sa akin ni Court at agad na humalik sa pisngi ko nang makapasok kami sa clinic niya.
'Matty' ang tawag niya sa akin kapag nasa paligid si Kuya Nex.
"Sweetheart" malambing na sabi ko at humalik sa noo niya. Wala lang, pang-asar lang kay Kuya.
Ang gulo naman kasi nila. Parang friends with benefits at no string attached sila. Halata naman na may patutunguhan silang dalawa kung magseseryoso sila. Ang problema lamang sa kanila ay parehong ayaw ng commitment.
"You must be Cleo" binalingan ni Court si Cleo. "Matty told me about your situation"
Hindi kumibo si Cleo at halata na naiilang siya. Tinignan ko si Kuya at tinaasan niya lamang ako ng kilay.
"I'll be going. Nice to see you here, Cleo" nagtanguan lamang sila. Walang alinlangan na hinalikan niya si Court sa labi, torrid. "Mamaya"
Ngumiti lamang si Court. "Remind yourself"
Umalis na si Kuya. Hinila na ni Court si Cleo sa tapat ng table niya.
Nag-usap silang dalawa tapos ginawa na ni Court 'yung test.
CLEO'S POV
Kinakabahan ako habang hinihintay namin ang result ng test.
Naiilang at naa-out of place pa ako dahil masaya silang nag-uusap habang ako ay tahimik lamang dito.
Mukhang close si Matthew Neil kay Dra. Rodriguez. 'Sweetheart' pa nga ang tawag. Kaso, kung may something sila, bakit ganoon kung makahalik si Sir Nex? Hating kapatid ba and mga Vergara?
HIndi ko na namalayan ang oras kakaisip kung ano ang gagawin ko kung sakaling buntis nga ako.
Inabot ni doktora sa akin ang envelope. Binuksan ko iyon sa nanginginig na mga kamay.
Hindi ko alam kung matutuwa ba ako sa resulta o manghihinayang ako.
Nakakatuwa dahil hindi pa naman ako handa sa baby. Pero nakakapanghinayang din dahil alam ko na dito na ang ending namin ni Matthew. Tatapusin ng kasinungalingan ko ang kung anuman na mayroon kami.
Inabot ni Matthew ang resulta.
"Thank you, Court" malamig na sabi niya at naunan nang lumabas.
Tama ba ang narinig ko sa boses niya? Is he disappointed?
Nagpasalamat din ako kay doktora at sumunod na kay Matthew.
Tahimik lamang siya hanggang sa maihatid na niya ako sa bahay. Hanggang sa makababa ako ay wala na siyang sinabi.
Isang taon na. Parang kahapon lamang ay kausap ko pa siya.
Umalis na din ako sa kompanya nila. Hindi ko kasi kaya ang mga tingin ni sir Nexiel sa akin. At parang ayoko na at kakapalan na ng mukha kung mananatili pa ako. Parang pikot kasi 'yung nangyari kahit hindi ko naman sadya.
After naming pumunta sa clinic, hindi na nagparamdam pa si Matthew Neil sa akin. Hindi ko na siya nakita pa o nakarinig ng kahit na ano tungkol sa kanya.
Pero ang tangang puso ko, mahal pa din siya. Siya lamang ang hinahanap.
Nang mawala siya, doon ako parang sinampal ng katotohanan na mahal ko siya.
Masasabi ko na maganda na ang career ko ngayon. May sarili na akong teleserye na ako ang bida. At least kahit zero ang love life ko, maayos naman ang career ko. Medyo magaan na din ang pakikitungo ni Nanay at Tatay sa akin.
"Miss Saskia, ikaw na ang kukuhanan" sabi ng PA ko sa akin.
Ibinalik ko ang cellphone ko sa bag ko.
Ganito na ang naging bisyo ko, ang titigan ang gwapong mukha ni Matthew kapag break ko. Kahit sa gabi bago ako matulog, siya pa din ang hinahanap ko. May mga nanliligaw sa akin pero hindi ko maiwasan na ikumpara silang lahat kay Matthew, at palagi na wala sila kumpara sa sinisigaw ng puso ko. Alam ko na kahit na ano'ng hanap ang gawin ko, hindi ko sila magugustuhan, kasi si Matthew Neil Vergara lang naman ang gusto ko.
Ito na yata ang sumpa ni Nanay sa akin.
Lumakad na ako papunta sa dalampasigan. Nasa dagat kami ngayon. Dito kukuhaan ang eksena kung saan may intimate scene kami ni Van, ang leading man ko.
Hinubad ko na ang robe na soot ko at inabot sa PA ko. Nakasanayan ko na din ang ipakita ang katawan ko sa iba, kailangan kasi iyon sa propesyon na napili ko. Pero hindi naman ako naghuhubad sa harap ng camera. Para kay Matthew lamang ang katawan ko.
Naka-two piece swimsuit lamang ako na itim at asul.
Lumapit ako sa direktor at binigyan niya ako ng instructions.
Tumungo na ako sa dagat at humarap sa camera. Nagawa ko naman ng maayos ang sinasabi ng direktor.
"cut!" sigaw ng direktor.
Nang pabalik na ako sa tent na nagsisilbing dressing room ay naramdaman ko na may nakatitig sa akin. At nang lumingon ako para hanapin iyon ay nasalubong ko ang matiim na titig niya.
Agad na bumilis ang tibok ng puso ko. Nanindig ang mga balahibo ko nang bumaba ang titig niya sa katawan ko.
"M-Matthew..." mahinang usal ko.
Parang gusto kong maiyak. Sobrang na-miss ko ang mukha na 'yon. 'Yung aroganteng titig niya, 'yung tangos ng ilong niya, 'yung kilay niya na nakakapagpamukhang seryoso sa kanya, 'yung mapupulang labi niya na kay sarap humalik.
Lahat sa kanya.. buong siya! Nananabik ako sa kanya. Sa yakap niya. Sa halik niya.
Parang gusto kong mag-iiyak nang tumalikod na siya at pinutol ang titigan namin. Umakbay siya sa babaeng lumapit sa kanya at naglakad na sila palayo.
Parang may sumasaksak sa akin habang nakikita siya na lumalayo sa akin, at may kasamang iba.
____________________
March 28, 2015 (Saturday) - 00:01
Next Chapter: The Kiss that Ignites the Fire