سلالة العنفوان ..(ذنب عيناك)

بارت هديه

بارت هدية

رواية...ذنب عينيك...سلالة العنفوان
منقول لكاتبه...نور سمو العراق

💔💔💔💔💔💔💔💔💔💔

و إنّك في مُقدّمة التفاصيل الجَميلة دائماً."

...................

قربى ...

اثار انتباهي موقف ذياب العدائي شلون جان واكف مثل الصقر الجامح وهو يرزل بيهم...

وجان لازم اسلاحه مسدسه وكل شويه هددهم بيه وهم يردون بخووف ومنزلين روسهم بقلق من كلامه...

اتقربت اكثر وضليت اباوع للزلم التلاثه جانوا واكفين ولابسين مشلاح « هاي الي يتخله بيها السلاح »

ولابسين دشاديش ورافعيهن بحزم وجواه لابسين سراويل ومنگبين او مو منگبين وانما لافينها غتر علئ راسهم...

عقدت حواجبي من شفته هجم علئ واحد منهم وحط المسدس براسه وهو ضل يرجف وبعدها كعد علئ ركبه وهو منزل راسها ويتوسل بيه ...

فتحت الباب اكثر وبلعت ريكي والرجفه اعتلت صدري اول مره اشوف ذياب هيج بهل حده والموقف هذا...

خفت منه وبعدها هو سحب الرجال من ياخة الدشداشة و وكفه بقمة غضبه وضل يصيح عليه...

رجعت للغرفه اركض بعد ما طلعو الرياجيل من عنده استغربت شنو الي عنده ذياب من نص اليل ويه هل زلم وليش،هيج عصبي عليهم...

ضليت افتر بالغرفه واني افرك باديه وتنهد والله اخاف مت هيج شغلات اخاف من سوالف اليل والختلات والسلاح...

اجه دخل من شافني انصدم وخله سلاحه وره ضهره

تنهدت بقلق وباوعتله بنظرة عتب كال بضحكة متوترة...هااا بويه شمكعدج هل حزه

عقدت حواجبي بعصبية مفرطه...صدك تحجي ذياب ساعه بالثنتين وانت ماكو...

دخلت للغرفة من وكت بس لكيتج نايمه كلت خلي اروح اشتم هوا بالمزرعه دام ما جيني نعاس ...

تقربت منه بحيره...هاااا وتطلع تشتم هوا وياك مسدسك مو ...ذياب شكو شصاير احجيلي ليش تخلي عقلي،يودي ويجيب...

تافئف بانزعاج...ول بويه ماكو شئ...

مشه خطوات وبعدها ركن مسدسه بزواية الكنتور وقفلة...

لزمته من ايده وحجيت ويه بهدوء...ذياب لا تخبلني ليش متحجيلي شكو اني مو مرتك مو قطعه منك مو لازم ما تضم عني شئ...

باوعلي بطرف عينه من دور ما يدير نفسه عليه كال...هو شكو تا اضمو عنج يا بنتي دا اكلج ماكو شئ...

ضربت رجلي بالأرض بغضب...لااا اكو شئ اكو اني شفتك قبل شويه بالحديقه شلون جنت تحجي ويه الزلم وشلون ترزل بيهم حتئ واحد منهم حطيت سلاحك براسه ...

شنو الموضوع الي يخليك توصل للقتل يا ذياب بس اريد اعرف مجاي استوعب انت تعرف سلاحك بوجهه الفلاحين

عض علئ شفايفه وهو يكتم غضبه...يووول انتي شكو تتدخلين وعليش تتجسسين عليه هيج انه ربيتج يا قربان

تنفست بصبر...ذياب لا تاخذني علئ كد عقلي اني تعرفني قلقه حييل ومن اشوف شئ يعيش ويايه غير اريد افهم شنو القضية

دار وجهه عليه واحتضن وجهي بحب...بويه قربانتي اروحلج فدوه انه نامي وخلي راسج بارد والله ماكو شئ انه جنت احجي وياهم علئ المحاصيل الزراعية اكثر المحاصيل فاسده بسبب سوء الزراعه وتصريف الماي..

ابتسمت باسف...تضحك عليه ذياب انت تهدد روح بشر بسبب امور بسيطه بسبب زراعه وسوء تصريف فدوه ذياب ترا مو غبية كدامك اني...

تنهد بصبر...ول قربان شكد تحجين ماكله باچة من الصبح لو بالعه مسجل وبعدين انه فلاليحي انتي شدخلج من تدخل في ما لا يعنيه لقي ما لا يرضية...

دمعت عيوني من دون سابق،انذار وحجيت بالم...ذياب اني ما اريد بينك وبين غيرك مشاكل انت ما تعرف شلون اجيت اموت من انت تصوبت والله روحي متاذيه لا تزيدها عليه

وكول شنو الي،يخليك هيج تسوي ويه الفلاحين

كعد علئ السرير ومسح وجهه بتوتر كال ...هذول مو فلاحين ذول حماية علئ بيتي ومزرعتي كل خطوه ضد بيتي،تكون عندي...

زين انه سالتهم منو يتجرء يعلك راس خروف ميت بباب بيتي وانتم موجودين يعني هذا باب ورئيسي يعني لزوم انتم فاتحين عيونكم لان بالمقدمه شلون من أسألكم دكولون ما ندري...

زين شلون ما يدرون وهم كل حركه صارت وصلوها الي اجت امك البيتك اجه الشامخ البيتك اجت امك اجت اختك اجه رجال انطوني كامل مواصفاتو عرفتو عمر ذول كلهم كالولي عنهم زين عليش راس الخروف ما عرفو منو الربطه ببابي...

رمشت بعيوني ممستوعبه الوضع...يعني القصد شنو يا ذياب

رد عليه بجبروت و وكف بقمة غضبه واحتدت ملامحه...القصد واحد منهم خايني ..

من ما عرفو منو الي ربط راس الخروف انه كلتلهم زين وين جنتو عليش هاي حادثه مهمه وتهديد واضح عليش ما عرفتو منو واصلا ما دحتو عليه

زين وين جانو وعليش من صارت هل حادثه هم ما متواجدين يكولون احنه ما خلينه المكان ...

زين شلون يعني قابل جني دخل لبيتي وربطه لو شبح عليش هل تسيب والمهزله ...

اكو فد لغز بالموضوغ وهل لغز اهاجس واحد منهم جاسوس عليه وهذا الي خلاني اقلق...واحاسبهم من كلولي،بهذا الموقف...

كعدت محتاره وافكر وياه..عزا ذياب اي فعلا اخذ حذر منهم هذول ..

رد عليه...هو راح انطيهم الأمان وبعدها راح اعرف شلون اكبسهم بالجرم المشهود

استغربت...شحسوي ؟

جاوبني بعد ما تمدد علئ السرير وهو ينزع بمحبسه وخلاه علئ الميز ...راح اخلي عليهم جواسيس تا اشوف منو منهم الغدرني

اولا انطيهم الامان واخليهم فتره واخلي عنهم مراقبه وان شاء اللة اعرف منو منهم الي يحاول يشتت نظر البقية واليا ملعون ينتمي تا اكص راس الحيه من بدايتو...

كعدت يمه حطيت ايدي علئ كتفه بحذر...اي،ذياب دير بالك واني هم راح ادير بالي بس شلون مخلي هيج رجال وانت ما مأمن بيهم

رد عليه...لا انه ما خليتهم ايدي،اليمين لو حافظين اسراري مجرد برج مراقبه علئ البيت وعلئ المزرعه وهذا كل الي صار

اما الناس الامينه الي اهاجس ما يخونوني هذول اخليهم علئ اسراري وعلئ حياتي،وكل شئ يخصني...

ترددت احجي اله عن شرهان وعن الموقف الي صار جنت افرك باديه حييل واكرط بشفتي هو عرف ان اكو فد خلل بالموضوع كال...قربان احجي عندج شئ

جريت نفس وكعدت وحجيت بقلق...ذياب انت من جنت بالمستشفئ وجنت بالشقه اني وبيت جد فاروق ضاع محمد ابن وئام وراحو يدورون عليه...

اني نزلت تا اشوفهم وما اشوف اله شرهان اقتحم المصعد عليه...

كعد بهمه وعصبية كال...شنو ول ول عيدي بويه عيدي جني ما سمعت

بلعت ريكي بخوف ورجليه اهاجس جمدت كتله...هااا لا بس شوف اني ما الي،شغل اصلا اكره جنه قرد نايلون بس هو يكول اني متندم وهيج

ضرب طرف السرير بيده وهو متعصب كال...عليش ما كلتيلي من البدايه عليش تضمين عني شسوالج هذا الحقير

وكفت مرعوبه منه...شنو يكون سوالي،يعني ما شوه شئ والله كل الي سواه هو كال متندم

سحب راسي بيده وسنده علئ،صدره طبع بوسه علئ شعري وجر نفس وهو يحاول يضبظ انفاسه كال...بويه اعذريني صيحت عليج مو قصدي بس اسمه لهل كلب يسببلي حالة من الغثيان..

بلعت ريكي بخوف ورجله...لا لا معذور اني،حبيت اكلك خاف دكول هاي ضمت عني،واني،رزلته وغلطت عليه وضربته حيل اعتقد بعد ما يخلف...

استغرب...وين ضربتي

جاوبته بفشلة.. هاااا لا بوجهه قصدي بخشمه

اتغاضئ عن كلامي كال...اي وبعد شحجه وياج

فركت اديه وضليت ارجع خصلات شعري ليوره وابلع بريكي...هاااا احس هو الضربك طلقه لان كولشي يطلع منهم ومبين من كلامه ان هو وره اذيتك...

غمض عيونه وفرك جبينه كال...ان شاء اللة اخذ حقي منهم كلهم واني الطلقه ما همتني،بكد ما همني ان شلون هو يجيج للشقه ويستغل موقف محمد...

جاوبته...بعد ما تعرفه انت شلون هو واحد حقير

رد عليه بوعيد...بسيطه بسيطه اذا ما ربيتو هل جبان هذا الحيوان شلون تسولو نفسو ويحجي وياج ويحاول ولو محاوله يحجي،وياج...

وكف ديطلع لزمته بخوف...وين ذياب

جاوبني....اريد اخابر واحد من ربعي ما يصير

جاوبته...اي ميصيرخلي يصبح الصبح وخابر براحتك ما يصير تخابر هسه....

من شاف دموعي ابتسم بهدوء وباس شفايفي،كال...بويه دخلت لا اخابر ولا احجي،ولا اكول بس لا تبجين

انه هل عيون احبهن ما احب ادحك للحزن بيهن...

حضنته حييل،وحطيت راسي بصدره..والله احبك ذياب ولو ما احبك ما احجي الك عن الي صار شسوي اذا هو عار...

احتضن وجهي باثنين اديه وباوع بعيوني ..ادري حبيبتي ادري بس والله هذا لازم يتعاقب شلون يتقرب منج ويروعج هيج...

ضحكت من بين دموعي...ههههههههههه خلي يولي ضربتو ضربة موت

رد بنص عين...لو اعرف وين ضربتي...

ابتسمت .برجولته الي يهدد بيها العار

كرص خدي وغلس عن الموضوع...ول لبوة بعد بيتي هيج اريدج ذكيه وقويه تا تاخذين حقج

جاوبته . افا عليك تربية امي اني اكل وجوهه الي يتحارش بيه...

سحبت ايده...يله حبيبي تعال نام باجر ورانه عرس باجر لو تعرف شحسوي...

عقد حواجبه. شراح تسوين ..

جاوبته...اركص واكول هل كضت والله كضاها وعند ابو عليوي عشاها...وذيبي بي الملعب يحله
وذياب يا جكليته حامض حلو باكيته...

كرص خدي...ادري بويه هو منو معرس ذيبج لو فاروق

فتحت عيوني مصدومه...هااا هااا تريد تتزوج كول كول اريد اتزوج...والله حتئ احركك انت ومزرعتك وبيتك وفلاحينك لو والله ليش احرك الغربيه كلها واروح اسلم نفسي للشرطه اخليهم يعدموني

ضحك...ههههههههههه ول تخبلتي بويه شجرالج هساع هو منو متزوج وحركتي الوادم كلها

كتفت اديه...ما اعرف اعتبره تهديد...حتئ لو يركعونك سحر ما تتزوج عليه تحاول تحصن نفسك ..

رد عليه براءة...يعني،بويه ما يصير هيج قابل هو احتكار...

جاوبته بحده مصطنعه...اي احتكار انت الي،ما تصير الغيري والله لا العب لعب هسه انت الي حبك واحساسك ومشاعرك بس اني التحضي بيهم محد غيري مفهوم يا ذيبي،لو اعيد

رد عليه بعدم مبالاة...مفهوم يولو مفهوم وانه شبيه مسودن اعوف الجمال كلو والاناقه والصفاء والروح الحلوه واروح الغيرج...

جاوبته...ما ادري يكولون هي هاي سوالف الضباط يحبون التعدد ويطبقون الشرع ...

رد عليه..ول شهل سمعه الزفره لا بويه خلي اديج ورجليج بماي بارد انتي اربعتهم الله حلل اربعه مو خمسه تا اتزوج عليج

ابتسمت اله بحب وحضنته ...ييول احببك يا مصكوع انته

ضربني علئ راسي بيده بس علئ كيف كال...ول شنو يا مصكوع

رفعت عيوني اله ورمشت بهيام ...غير دا اتغازل بيك

رد عليه وهو منزل عيونه اليه وحاضني ..هذا مو غزل هاي مسبه لاعبه بلهجتنا لعب طابكه انباري وبصراوي وبغدادي...

ضحكت...ههههههههههه اني عباره عن عراق مصغر

عض شفته...انتي بجمال بغداد وبهواء الانبار وبروح البصره فعلا عراق مصغر شحلاتو وحلات عيونو...

تجرئت واني اضحك وبسته بخده اخذته ونمنه....واني ادعي ربي يطمني،وما يقلقلني على ذياب لان ذياب هو دوه جروحي وهو الحياة بالنسبه اليه...هو روح قصتي وجنونها...

......................

وئام...

تعبت من اللعبان نفس عرفت نفسي حامل وزوجي الموقر عمر بيك عرفني حامل والله وجهج اصفر وذايبه روحج وكل هذا انتي جاي تخلقين مشاكل بسبب هرمونات الحمل

اووف منك يا عمر انوب طلعت اني الاخلق مشاكل ما يسوه الركص الركصته الك لو راكصه بملهئ احسن علئ الأقل يغزر بيهم الا انت كل شئ ما يغزر بيك بيك رس من بيت شمخون كولة جدتي...

جنت كاعده كلت خلي اروح اسوي تحليل بيوم العرس ما دام لحد هساع محد جاي...

اجت ام ذياب هي وحفصه و وفاء وفاء تدحك عليه وتخوزر اجيت افكس عيونها الحول لو ما اكول عرس هساع اله اذبحها

بعدني ما كتلتها راحت نافقت عليه جدام رجلها وهو ما صدك جاي يحاسبني والله ما واحد يكضبهم بصونده...

خزرته وكضبت ام ذياب كلتلها...يمه تعاي،وياي نروح للمستوصف نسوي،تحليل اهاجس حامل

ردت بفرحه...صدك اهلهل والله اذا صدك اهلهل

دحكت الها بطرف عيني ...على شنو تهلهلين هو انه وعمر راح نتطلك

فتحت عيونها مصدومه...صخام الصخمني عليش يول تلكين احسن من عمر...

رديت عليها بغرور...لا هو ما يلكه احسن مني،بس،هو واحد مجنون ويخلي جنونو بيه...

كالت...خلينه نروح احسن من كلامج الفارغ سوت عكر العاقل مجنون

خلينه ورحنه اني وياها سوينه تحليل مال حمل وانتظرته النتيجه طلعت ايجابيه وفلفله المسعده الي تريد تتطلك حامل ...يله شنسوي واحد ابو مات والثاني ابو راح اطلكه الثالث ما ادري احتمال ينتحر..

وصلت للبيت لكيت عمر واكف يم الباب مال بيت ذياب ومرتجي علئ سيارتو وعيونو تدحك الي بحب وغرور

دحكت الو بنظرات مشمئزه ومشيت من يمو كضب ايدي وكال...ما تسلمين السلام لربج بابا

حكيت مقدمة راسي بملل...مالي خلك والله

رد عليه...حقج هاي سوالف الحمل

جاوبته بانزعاج...يول انت مو كلك انه حامل

جاوبني...امي دكول واضح من وجهج وبعدها باوع علئ ام ذياب كلها شلونج خاله اعذريني ما سلمت عليه

ردت عليه بضحكه...ههههههههههه لا يمه معذور بس يول ترا حرمتك صدك حامل...

ضحك بثقه...هااا مو كتلج حامل اني عرفتج حامل

جاوبته...اي وحتئ لو حامل نتطلك...

سحب ايدي وفتح باب السياره ودفعني وسد الباب حييل وصعد وقفل البيبان ضليت احاول افتح بالباب وازكح...افتح الباب يول والله اكلهم هذا حرامي خطفني

رد عليه...اي،خطفتج من مامي

دحكت بالجام لام ذياب تضحك عليه وتهز بيدها...

مشينا مسافه بين الاشجار والعطر الي،يجنن كال...مبروك حبيبتي علئ،حمل ان شاء اللة ربي يجعله من الذريه الصالحه...

رديت عليه ...اهوو انت يا حمل يا بطيخ مو حامل

رفع حاجب...لعد ام ذياب تجذب عيب عليج هيج تحجين عن المره الجبيره وتجذبيها...

استغفرت ربي...عمر كافي ما مليت والله ما اريدك

رد عليه بهيام ورمانسية. بس اني اريدج واحبج افهميني واسمعي مني صح غلطت وياج بس ان شاء اللة ما يتكرر الصار

جاوبتو...بس كلتها من قبل وتكرر يا عمر اني تعبت بعد ما اكدر اتحمل اهاجس طاقه بعد ما عندي تفهمني لو لا...

رد عليه بحب...افهمج حبيبتي ادري،بنفسي اذيتج وعاقبتج علئ اشياء انتي،بغنئ عنها واصلا ما موجوده بيها بس،شسوي والله مو بيدي احبج

انوب من طلعتي حامل يا يابه يا بويه راح اموت من فرحتي ما مصدك فلفلتي حبلت مني

مسحت وجهي بانزعاج...هو خايفه علئ مستقبل هل طفل شنو راح يطلع اذا امو فلفله وابو عمر...

ضحك...يشيل العراق بس لا والله اني وياج نشكل ثنائي ناجح لو تخففين شويه عصبية انتي،

رفعت حاجب بصدمة...اني اخفف عصبية وانت شتخفف عمر افندي ترا انت الي تبدي بالمشاكل مو اني...

عض شفته بحيرة...شوكت ولا اتذكر شئ

حطيت ايد علئ ايد...اي فاقد الذاكره سوده عليه هزيت ايدي من كلامه انوب يجذب الواحد...

كضب ايدي وباسها ..والله اعتذر منج يا فلفول انتي ما تدرين شكد احبج...امووت عليج والله احبج اكثر من روحي...

ابتسمت حطيت ايدي على شفايفي اخفي ابتسامتي ضحك هو كال...اي اضحكي اضحكي عمر يتغزل بيج بعد شتردين

رفعت حاجب وباوعتله بسخريه ضحك ورجع باس ايدي مره ثانية...

رجعت للبيت اني وياه كال باجر ان شاء اللة نرجع سوه لبغداد كتلو تمام عجل شكلو اريد اشوف حجتو...

وصلنه للبيت نزله سوه هو جان كاضب ايدي ويمشي من نزلنه من السياره استوقفنه الصوت الي خلانه ندحك عليه من كال...عمر ادب حرمتك

عمر دحك الحذيفه باستغراب وانه اهاجس نار دخلت بيه كله عمر بعصبية. ...شنو عيد بله شكلت شبيها حرمتي

رد عليه بثقه دا اكلك ادبها وحده ما عندها تربية وضربت وفاء حرمتي وتهجمت عليها ببيتها...انه كلت لاخواني وجدي طلعو مو كفو وانت اعرف بيك كفو اكيد ما ترضالها

عمر تگلط منه وطك رگبته وفرك اديه بحماس كله...اي فعلا مو كفو تعرف ليش مو كفو لان خلوك عايش لحد الان واني اليوم اخليك تنام بصف ابوك شلون هيج تحجي علئ مرتي

هجم عليه وضربه راشدي واني صرخت وكضبته واتوسل بيه...عمر اتركو عمرلا تسويلي مشكله خلي شيحجي يحجي عوفو
نهم وسحبو عمر من حذيفه وعمر ما خله كلمه بقاموس المسبه ما غلط بيها علئ حذيفه

كل شويه وكله...ولك انت شنو وتطلب مني احاسب مرتي والله شنو كاتله مرتك وبعدين شوف وئام اعرفها مؤدبه وعاقله مستحيل تعيل بواحد اذاما جافص بمصارينها فبطل سوالف النسوان وانجب

وحق الله وحق الله اذا مره ثانيه حرضتك مرتك واجيت تتهدد علئ ام محمد وتحجي عليها ما تلوم الا نفسك وحتئ شكوئ ما اريدك تشكي منها يله..

طرده بغضب...يله يله امشي ولي،ضل وره فريال واختها خلي،يطيح حضك يسونك مطي،ويسوكنك بنات خالي،واعرفهن

رد حذيفه بغضب...لاتحجي عليهن وهذا الراشدي الضربتو الي اخذ حقو اضعاف

عمر بانزعاج...ديله روح ابني روح مالي،خلك اتعارك ويه المراهقين امشي،بابا منا وبختك بعرس فاروق ما اريد اخربه جان هسه سويت وجهك خريطه

خله وراح وهو يدردم بس اني رغم دفاع عمر عني بس ما اعرف شنو اهاجس يضل اخويه ما حبيت عمر يضربو ويتجاوز عليه

همست..عمر عليش ضربتو خطيه

جر نفس...يستاهل حتئ مره ثانيه ما يجي ويتشكئ بنص الشارع ويغلط عيب عليه احنه مو زعط ونمشي بكلام ونفاق النسوان...

صار العرس بيوم العرس صديق فاروق خابر علئ،بيت ذياب من البصره هو جان دائما فاروق يخابر منهم وكل الفاروق اليوم انطو النتائج ورحت شفت نتيجتك راسب ..

خطيه فاروق ضاج بس،كال يله ميخالف ان شاء اللة علئ السنه الثانيه

صديقة ضحك كله...لك فااااااااااارووووق لك فاروق يبا طلعت ناجح انت الوحيد من بين طلاب الخارجي ناجح البقية كلهم راسبين...

خطيه فاروق ما تدرون فرحته شنو ضل يصرخ بصوووت عالي وهو يصيح...نجححححححت نجححححت ولكم نجحت ما مصدك بالقران ولك تعال صدك نجحت لو تجذب عليه

رد عليه صديقه بفرحه عارمه...والله والله صدك نجحت درجاتك كلها زينه عندك بس الاسلاميه ماخذ بيها سته وخمسين بس،البقيه كلش زينات...

احنه ما عرفنو شنو نسوي تخبلنه انجنينا اجه ذياب يركض هو وعمر والشامخ علئ صوت الصياح كال...شكو شكو شصاير

ردت عليهم...فاروق نجح فاروق نجح

لمعت عيون ذياب بفرحه وركض عليه ذياب حضنه تحاضنو بفرحه شملت الكل و واحد يبوس بالثاني وام ذياب فدوه الكلبها فرحانه وتهلهل ..

وامي بس تبجي وتصرخ وجدي قاسم حاضن فاروق ويبجي

وجدتي صويلحه تركص ذابه لحم...توه الله التفت واطانه توه الله التفت واطانه...

فاروق خطيه من الفرحه ما عرف شنو يسوي منو يكضبو يشبكو ويبوسو ويحضنو...انوب كضب علاوي ابن ذياب وطاحلو بوس خله الولد مزعوج منو

اخذ سويج مفاتحه سوزان بالصالون كال...اروح اخبرها تموت من الفرحه هسه والله ...

كضبه ذياب...يول خليها من تجي سويها الها مفاجئة

فاروق...مو خاف تنجلط هم ما خذتني وهم ناجح هواي علئ سوزان اليوم صدمات

ضلينه نضحك وهم اخذو الولد للحمام واخذو القوط وراحو واحنه ضلينه نحضر بنفسنه...

..............

قربئ...

من بعد فرحة فاروق فعلا اليوم اسعد ايام حياتنا شفت الافتخار بعيون ذياب وبعيون حتئ الشامخ جان فرحان بفاروق رغم جان يكرهه...

شكد حلوه هيج فرحه تفرح الكل بس،سوزان لحد الان متدري اوي لو تدري جان كالت يااااااااي مدا اصدك فاروق نجح

جنت احس بمرح مو طبيعي...اجت ام ذياب خالتي كالت...يمه قربى تعاي...

عفت علاوي،بكاروكه واجيت اركض كلتلها...هااا خاله رايده شئ...

ردت عليه...اي يول عندج بهارات اريد اخلي للمرك مو اريد اسوي غدا...

جاوبتها...والله هو ذياب ما مخلي شئ اكيد عندي،طلعت الها اللعلب مال البهارات انطيتهم الها اشتم بيهن كلتلها...هذا كمون ...

ضحكت خالتي كالت...خوش والله تعرفين البهارات من ريحتها ما تضيع عليج

ضحكت...ههههههههههه اي خاله اعرف اميزها

فريال جانت حاطه الها كرسي بالمطبخ وكاعده رجل علئ رجل وفاتحه شعرها كالت بغرور...لا تسوين روحج فد نوب معدله

ابتسمت بهدوء...فدوه اليه اكيد معدله ونادره لو ما معدله ما انعجب بيه ذياب وتزوجني مو هيج خاله هههه

ام ذياب...هههه لا اني لاحظت بيتج واغراضج نظيفه وانتي نظيفه وريحتج طيبه

فريال كالت...اي طبعا كاعده بقصر ليش ما تصير نظيفه

ام ذياب...والله هو النظيف نظيف لو يكعد بالرصيف

بسته حيل لام ذياب وحضنتها...ههههههههههه فدوه اروحلج خاله صدك من كال ذياب امي ورده فعلا انتي ورده تخبلين والله كون تصير عندي بنيه تشبهج

ضحكت...ههههه خوش واني اسميها

رمشت بعيوني بفرحه...وشسمينها خاله

ردت عليه وهي تخوط بجدر المركه كالت..اسميها غدير عاجبني هل اسم حييل

ابتسمت بمرح...غدير غدير ما نغيره مثل ما تردين كلهم انتي سميهم...

ردت عليه...بس يمه اعتذر منج ما اكدر احبهم مثل علاوي علاوي معزتو خاصه...

جاوبتها...اي غير ابن ابنج اول حفيد الج طبعا تحبي واله معزه خاصه

فريال وكفت واخذت مبردها وراحت متعصبه واني وخاله ام ذياب سوينه الغدا والزلاطه طبخنا على بريمزات لان الطباخ ما يكفي لازم بريمز حتئ،يكدر يشيل الجدر...

تعبت حيل وجو حار والمطبخ حاااار يموت وصبينه ردت اغسل المواعين ام ذياب ما قبلت كالت...لا خلي يكومن هن يغسلن المواعين شنو شغلهن كاعدات وساكتات...

صاحت علئ حفصه و وفاء كلتلهن تعالن اغسلن المواعين ما قبلن وطنكر كلتلهن بالقران اذا ما غسلتنهن اصيح للشامخ...

عاد هن خافن لزمن المواعين وجلفنهن جلف...

رحت سبحت وبدلت العلي لبسته ملابس حلوه ملل اطفال ابو اشتراه اله...

واني لبست فستان بنفسجي طووخ وردانه تول هم بنفسجي طبعا والله مو مجامله فساتيني،كولش،حلوات يجيبهن ذياب،من شارع النهر...

هم شسورت شعري ومكيجت وخليت عطر وطلعت لكيت ذياب جاي لابس،دشداشه بيضه طالع شكد حلو مدري بعيني حلو لان احبه بس،لا هو حلو المدهور...

تعلقت عيوني بهيئته الاخاذه وذبت بي...جان يحجي ويه فاروق بهمه ويفهمه علئ طريق الزفه منين يفوت ومنين يجي،وفاروق يباوعله بتركيز ويرد عليه يعني اخذ هذا الشارع والمصور يصير كدامي خوش يخوي...

ويه ما يحجي ويه فاروق دار عينه انوب رجع باوع عليه دار وجهه ورجع ركز عليه مره ثانيه صفن عليه واني ابتسمت اله...

شتت نظره كال...يله حضروا نفسكم راح تطلع الزفه للصالون نجيب سوزان من الصالون وبعدها ناخذلنه فره ونرجع ورجاءا بدون گونات « عرك »

والله طلعنه احنه هو لزم ايدي وسحبني يمشي بيها كال...وين رايحه يا غزاله تردين تصعدين وياهم

جاوبته بضحكه...اي

رد عليه...عجل وسيارة رجلج شبيها تبزز

جاوبته...انتظرتك تصيحني

رد عليه...انتظرتج تطلعين...

امه وكفت كلتله ببتسامه حزينه...عليش يا ذياب حرمتني فرحة عرسك

جر نفس وباس راس امه كلها...والله يا يمه ظروفي صارت ضدي بس ولا يهمج اسويلج عرس جديد

باوعتله ببراءة و بخزره مقابله عن كلامه

امه لطمت خدها...ياااا تتزوج علئ قربى وتجيب مرة ابو العلاوي تجرم بيه..غير العب لعب لا عبالك ابوك سكتت الو لا انت ما اسكت

ضحك...ههههههههههه ول انه كلت اتزوج وحده تخوزر بيه وحده تهدد عجل لو متزوج من صدك دان شسويتن انه اكول اسوي عرس يعني نعرس انه وقربان ونسوي حفله

ضحكت....ههههههههههه بعد ما شاب ودو للكتاب..

ردت عليه امه بضحكة...هااا عبالي تتزوج لا يمه خلينه هيج فرحانين بيكم لا تجيب الروحك العين والاثر هاي الوادم عيونها تجتل...

جر نفس كال...اي والله يمه فعلا يله امشي تا نروح بالزفه

ردت عليه....لا لا اني اروح ويه العجايز. يركصن ويهوسن انتم كل شئ ماكو الشباب

خلت وراحت صعدت بالكوستر واحنه نضحك عليها الموسيقئ والدك والركص مالي شارغ الغربية

وفاروق طلع من جام السياره ويطك اصبع وجده كاعد بالصدر جده قاسم ولابس وكاشخ وفرحان بفاروق

فريال واختها صعدن ويه حذيفه وحفصه وياهن وئام ويه عمر والعجايز بالكوستر وكولة ام ذياب...

وصلنه بالزفه جنت طول الوقت اصفك وفرحانه نزلنه يم الصالون

طلعت سوزان عبالك مثل الحمامه يا الله شلون حلوه لابسه بدلة تصير من كدام قصيرة لحد نص الساق ومن وره طويله حييل تسحل متر تقريبا...

مخصره كلها بس من جوه كولش عريضه شلون كصه السمجه

وتسريحه ابد ماكو بسيطه حيل شعرها فاركته من النص ومسرحه ومسحون جوه الطرحه او ابركع وتاج بسيط بالنص ولابسه قعد ابيض حيل حلوه طالعه عبالك وحده تطلع بالمجلات عارضات الازياء

اخذناها ورجعنه فرحانين....

وذياب اخذ الطريق كله يتغزل بيه وكل شويه وباسني كتله...يابه عيب لحد يشوفك

يكول طبهم مرض وعلاوي بحضني ما يدري شنو السالفه...

جانت ويه سوزان بالصالون صبوحه ومن اخذنه سوزان جانت طول الطريق مطنكره....

واول ما زفو سوزان هي،راحت البيت الشامخ
.................

سوزان ...

جنت كاعدة على السرير أني وفستاني الابيض بليلة العمر هاي واني عيني على الباب وانتظر فاروق يزفونه

جانت كاعدة يمي بيبي صالحة وكل شوي تركعني بهلهولة اجفل واباوعلها واضحك

خطية متونسة رغم مرات تسمعني كلام على فطرتها واني ما ازعل منها لاأن ادري بداخلها شنو

قربت مني وكالت مو تتعايرين فضوها الليلة خوش كون راس الشهر اشوفج يم المقسلة تزوعين واكلج اي مبروك حبلة ( حامل)

ضحكت وخليت ايدي على حلكي ..

كرصتني بيدي كالت اي جاا شلون اريدن اشوف ابن فاروغ گبل لا أموتن ...

جاوبتها عمرج طويل بيبي ....

باجي جميلة جانت بصف بيبي صالحة كاعدة
كالتلها يووو يمااا خليهه على راحتهه .. يمه على كيفج لا تستعيلين

جاوبتها بيبي صالحة وهيه تكرصها بفخذها حتى خلتها تفرج مكان الكرصة ..
سكتي جا بكيفها هيه الريال لو فاروغ الريال وهو بكيفه

ردت باجي جميلة : يمه فاروغ يحبهه ويخليهه بكيفها لا تحطين روحج بينهم

جاوبت : ام حلك الفاهي انه اريدن مصلحة وليدج نريد نشوف خلفته ...

وبعدهن يسولفن وزفوا فاروق للغرفة وصارت الهلاهل بفلس يمي وبيبي نزلت الاكليل على وجهي بسرعة

وهو تقرب يمي فدوة لطوله جان طالع كولش حلو ولو هو بعيني على طول حلو

تقرب مني بهدوء وابتسامة على وجهه ، رفع الاكليل من على وجهي وباسني على راسي .. جان شعور حلو مااتمناه ينتهي ابد رغم الخوف ، التوتر والخجل

ورى مباس راسي بقى لازم اديه اثنينهم ويباوع لوجهي ويتأمل ملامحي ونظراته تتجول على كل معاني وجهي ..

بعدها انتبه على وجود امه وبيبيته وكانو صحى وحس وهن جانن خابصات الجو بالهوسات والهلاهل ويريدن يثبتن وجودهن وفرحتهن بنفس الوقت ...

بوسهم من راسهم واديهم وحضنهم .. وبعدها رجع الي يباوع عليه وكال بصوت عالي هاا ابوسها بعد ؟؟

والكل ظلوا يصيحون بووسها بوووسها وهو ماصدك ...
باس خدي واديه وراسي ... جان كلش فرحان بيه
واني فرحتي ماسايعتني

خجلت كلش من بوساته ودنجت راسي .. وبعدها اديه
باديه ... طلعوا كلهم وبالاخير دتطلع بيبي وباجي

بيبي لزمته من ساعد ايده وشاورته بس بصوت جان مسموع وصل لاسماعي خلاني اذوب من الخجل وزاد توتري

كالتله يله يمه استعيل وخف ايدك خنشوف نيشانكم ..

اني من الخجل سحبت اديه ورجعت كعدت على السرير جنت اتمنى اركض و اختل بالكنتور بس رجليه اصلا ما سعفتني

رفعت الاكليل ونزلته على وجهي بسرعة واحس خدودي صارن نار من الخجل ..

وهو ولا داره خجلي كال بسخرية سمعتي جدتي تكول
انه ماعليه هاي اوامر جدتي ولازم تتنفذ واذا ما نفذتها صويلحه للصبح تكض عليه جدتي واعرفها

و بيبي طكتها هلهولة كولش عاليه .. واني خليت اديه على خدودي ... وفاروق يكول على هلهولة بيببي هاي التعزيلة ... ويله شلوح ملوح كلمن يندل بيته يروح يله يبا من غير مطرود عدنا صيانه

هيه كلتله رايحين رايحين بس بعد ماوصيك

يكوللها لا توصي حريص رفعت راسي مصدومة غمزلي ويضحك دنكت بسرعة

طلعوا كلهم وبقينا وحدنا بالغرفة ، اجه كعد يمي
وخر الاكليل من على وجهي للمرة الثأنية
واحتضن اكتافي ، رجفت بحضنه خجلانه ...

خله وجهه برقبتي وكال حقج ترجفين الليلة غير عن كل الليالي ...

بقيت ساكتة اعض بشفتي من جووه .. وهو استمر يبوس بيه والسعادة مبينه على صوته

همس بأذني يااا كيكة منين يا كلوج انت كلج عسل ....

هزيت راسي ميتة من الخجل وهمست فاروق عفية لتخجلني ...

كال يله ولج حلال تنزعيني القاط لو انزعج البدلة انت اختاري جدتي تريد نيشان سمعتيها باذنج

ضربته بقبضة ايدي على صدره وكلت فاروووق
وكوة كاتمة ضحكي ...

طكها ضحكة عالية ...

كتله شنو مراح نتعشى ؟

هو تركني ومدد على السرير على كعدته ورجع ظهره ع السرير وكال اني بالنسبة الي حسبت حسابي اتعشى بيج وتعشيت جوه ويه الربع

جاوبته وانت شلون تتعشى بدون غير احنه عرسان ونتعشى سوة لعد اني باقية جوعانة وداانتظر اتعشى وياك وين الإتيكيت يا فاروق

عدل روحه وتقرب مني بحماس وكال نتعشى نتعشى مو جاي اكلج تنزعي

جاوبته بسرعة فاروووق مو العشى الي ابالك تره ...

حك راسه بعدم معرفة كال هااا نسيت ... وكملها بضحكة ...

حضني مرة ثانية وكال اشاقة وياج حبيبتي عدنا العمر كله اهم شي احنه سوى وماكو شي يفرقنا

خليت ايدي على حنجه واباوع عليه بحب ...
وعيوني بعيونه .. وهمست اهم شي

بعدها بدلت ملابسي وفتحت التسريحة وكعدنا نتعشى ...

سمعنا دكة على الباب ..من مكانه فاروق جاوب
هاااا منوووو

واجانه صوت بيبي صالحة تكول هاا فاروغ بشر ؟؟

رد عليها جده جاي نتعشى

كالتله ياي تتعشون تتعشون لو تتعشون ؟

رد عليها نتعشى جده نتعشى اسويلج لفة

جاوبت لاع تعشيت بالعرس واندبلت بطني ولك يله خف ايدك نعسانة

كال منو نعسانة ؟

كالت بعد منو انه نعسانة اريد اهود اريد انام اريد اهلهلك كبل لا انام

وهو يلف الخبزة وياكل كال عبالي سوزانة نعسانة طلعت هيه نعسانة عبالك هيه ام الانا مو انت

خليت اديه على وجهي اليوم منين اشرد من هالاحراجات هاي !!!

خلصنا عشى وغسلنا ، فاروق راح قبلي للغرفة واني بقيت خجلانة اطلع من الحمام ... الى ان سمعت صوته
سووزان نمتي بالحمام لو شني ؟

بلعت ريك وجاوبته بصوت متقطع .. لا حبيبي هياتني جايه ..

رحت اتمشى بخجل وحياء ومدنكة وشابكة اصابعي .. ببعضهم مثل طفلة صغيرة وخجلانة واحس نظراته تحركني من شدتها عبالك اول مرة يشوفني

كعدت بصفه مثل الحجر مااتحرك جسمي كله متصلب خايفة خجولة .. كام من السرير وصار كدامي لزم اديه ورفع وجهي بأبهامه وعدل خصلات شعري الواكعة على وجهي وكال مبروك علينا حبيبتي ان شاءالله الله يقدرني و اخليج اسعد انسانة بالدنيا ، سوزان انت ماتدرين شنو انت بالنسبة الي وشغيرتي بيه انت بلطافتج وبراءتج قتلتي وحش كان ساكن داخلي ويتغذى على مشاعر الانتقام الي محتلة روحي انت حولتيني من وحش كل همه الانتقام الى رجل بمعنى الكلمة انت حييتيني سوزان لا تتوقعين بيوم أأذيج عوفي الخوف لأن انه احبج والي يحب ما يأذي ..

حضنته بهدوء وجسمي صار يرجف مشاعري كلها التهبت على اثر كلامه ونظراته وقربه ، حضني وباسني وبعدها مددني على السرير اول ماباس راسي وتأمل وجهي وبعدها صرت

اني جنت شويه مستغربه الوضع ورغم هذا سمعت صوت شخير يم باب الغرفة .... ! نامت بيبي عزا هههه

جان اكوووم كال...اوكفي حبيبي سوزان خلي اكلج شغله

نزلت عيوني بخجل...شنو حبيبي

رد عليه بفرحه...نجحت..

فتحت عيوني مصدومه وصرخت... ياااااااااي صدك صدك لا لا دتكذب عليه

صم حلكي وتلفت يمنئ ويسرئ كال...ولج فضحتينه يالفضيحه...

">ابتسمت وحضنته حييل مصدومه فاروق نجح ولو ثقتي،بي كبيره بس فعلا اليوم اسعد اسعد يوم بحياتي

...................

وئام ...

من زفينا فاروق وسوزان وبيبي تلوب تريد نيشانهم

كتلها بيبي عوفيهم على راحتهم وخطية سوزان تستحي كلش خجولة ...

جا بس انه غاسم خذاني بثوب العرس وانه من كبل لاشايفته ولا شايفني وحتى بالعغد عغدولنه من ورى الباب وهاي البعيعية يا يايه ويا للبصرا يا رايحة ويا لبقداد عمت عين المستحى اليستحنها بنات هالوكت ولا يستجنن

اهوو اهووو امهات التحصر يوميه حاصرها علئ الشيره بالبصرة هسه استحت...

جاوبتها امي : يمه ماعيزتي كعدتي كضيلج ركن وكعدي احنه ابيت قربه شيكولون علينه الوادم هسه عسما ياخذها باجر شعليج قابل عرسج لو عرسهم

جاوبتها : سكتي سكتي انت خلي يظل حلكج فاهي هاي جنتج قير يضبها ابنج من اول ليلة جا شلون تالي ما تالي تصعد على راسه خلي يضبها شمالج

امي كالت : اووو خو انت جان الحايط يسمع انت تسمعين الف راسي وانام احسلي والصباح رباح

جاوبتها نامي نامت عليج طابوكة ابنها الليلة دخلته وهيه تريد تنام الفاهية

ردت امي : جا فاروغ وليدي ريال ويعرف شقله خو ماروح انه اعلمنه يا يمه

نزعت فوطتها ومددت وخلت اديها جوه راسها ونامت خطية ... كمت اني غطيتها ...

بيبي غمتها وراحت ... تبعتها وين رايحة بيبي توج دكيتي الباب عليهم جاي يتعشون عوفيهم فدوة

جاوبت مايهلي ماينطيني كلبي هذا فاروغ القالي .. وخلت ورجعت صعدتلهم فوك .. وتأخرت صعدت وراها شفتها كاعدة ومددة رجليها ومرتجية على الحايط وفاكه حلكها غافية وتشخر

متت ضحك على منظرها نايمة اباب غرفة سوزان وفاروق ... رحت كعدتها فززززت فززززة وتتلفت
هااا وينه غااسم موو الليلة عرسنه ليش مااجه خذاني

خليت ايدي على حلكها واكوللها اششش بيبي والله عيب لايطلع فاروق شيكول علينه هسه ....

رجعت تتلفت ...وشويه صحصحت كالت بهدوء ومنعسة هاا بشروني شخبار العرسان خلصوا شقيلتهم بعدهم انه كاعدتلهم هنا للفير لا يتميهلون تالي تصير موحلوة السالفة

كتلها بيبي كوومي كوومي عيب لا يسمعونج فشلة والله فشلة

كالت شنو بعد عيب ماتكليلي شني ما عرسنا من گبل ماخذونه بليلة عرسنا وگبل العشه حتى مالحكت انزع ثوبي ومااشوفلج اله غويسم موكر فوكي يمعود يبو القيرة هاي القرفة كلها ماتوكر اله فوكي انزل ولا چني احچي

تالي هناك يله افتهمت طلع غويسم يريد ياخذ حگه الشرعي وانه حتى محد علماني مو مثلجن هسه بنات هالوكت مفتحات باللبن سودة عليه انه رحت على عمات عيني كلشي ماافتهم كلشي وغويس بس دششونه للقرفة كلي كل اللزوم الليلة كل اللزوم الليلة

وانه مادري شنو الفلم لمن ماوكر يله فرزنت خو غويسم جان حتى بوسه مايعرف يبوس بس معلمينه يوكر وما معلمينه يبوس مدري يا مصيوب الجلوة معلمه

لمن ما مرة رحنه للسينمه وشفنه فلم فاتن حمامة وعمر االشريف وتعلم منهم ومن ذيج الساعة مابطل بوس بعد لهذا يومج

والله من يختلي بيه يبوسني وانه اكيف عبالج ما اكيف صدك اكله ياريال عيب دورك راح صرت عيوز اكعد واسكت بس لا والله بسكوت افرح

ظليت اضرب على خدي وبيبي منطلقة بالكلام تحجي رومانسياتها ويه جدي

اني عيني على باب غرفة فاروغ سمعت صوت خطوات اجتي باتجاه الباب

ركضت مبتعدة استحيت ... ورا ثواني سمعت بيبي طكتها هلهولة صمت اذني من صوتها العالي ....

خلص العرس وكلمن راح البيتو رجعنه البغداد

مر تقريبا سبع اشهر بطني كبرت حييل اخذت سونار كالو بيج بنيه فرحت حييل احب البنات اني

عمر الحمد لله صار زين ويايه وحتئ علئ اختو ما يرضئ...

صادف اليوم عدنا فريال هي وامها عمتي عندها معامله و وكلتها هي واجت تاخذ جنسيتها تريد تسوي راتب رجلها ما اعرف شنو...

كاعدات جانن واني،ضيفتهن اندك الباب راح فتحو محمد كال...ماما هاي ثنين نسوان يردنج

طلعت كوه امشي ومستغربه منو ذن الي،يردني،طلعت لكيتهن وحده بنيه شابه والثانيه لا متوسطة بالعمر كلتلها...اهلا وسهلا تفضلو

كالن...انتي،وئام اخت ذياب الشامخ مو ؟

جاوبت باستغراب وشك...اي بس ليش

ردن عليه...احنه من اقارب قربئ وجايين عليج عدنه موضوع مهم وياها...

نهاية البارت....يتبع

لا تنسوا التصويت و المشاركه بكم نكتمل...😍

البارحه طلبت منكم موقف اول يوم بالصف الاول الابتدائي ما شاء اللة ذاكرتكم قويه

لذلك يا حبيباتي الي،دكول محمد صغير شلون ذكر موقف جدته من ضاع ترا محمد مواليد 90 والاحداث 96 يعني صف اول ابتدائي وذاكرته مثل ذاكرتكم ترا مو بس انتم تتذكرون موقف مر عليه سنين😂😂😂😂

دمتم في حفظ الرحمن

1